Transcription
اكو هواي من عندكم بالتعليقات او على الانستغرام او بالواتساب الخاص بكورس التداول يسالون نفس السؤال: شنو يعني تداول، شنو يعني فوركس، وليش احنا نشتري من السعر يصعد، وليش نبيع، وليش اصلا السعر يصعد، ومنو اللي جاي يتحكم بالسوق.
هذا كله راح تشوفه خلال هذا الفيديو بشرح مفصل جدا وبسيط.
السلام عليكم، وياكم اخوكم احمد العبادي، وهاي القناه مختصه من الربح عبر الانترنت. اذا انت مهتم بالعمل والربح من الانترنت، شرفني باشتراكك، واوعدك راح تستفاد.
بالبدايه، خلينا نعرف ما هو الفوركس. هو الشبكه من المشترين والبائعين يقومون بتحويل العملات بيناتهم. وهي هاي تعتبر الوسيله اللي يحول بيها الشركات والبنوك المركزيه والافراد، انا وانت، عمله الى عمله اخرى.
زين، سؤال ثاني: وين موقعه هذا الفوركس، وشلون تدار هاي العمليه؟
تدار سوق الفوركس عبر شبكه عالميه من البنوك موزعه على اربع مراكز لتداول الفوركس بمناطق زمنيه مختلفه: نيويورك، لندن، سيدني، طوكيو. واللي ما يعرف، نيويورك يعني امريكا، لندن بريطانيا، سيدني يعني استراليا، وطوكيو يعني اليابان.
هسه نجي عندك يورو مقابل دولار. اوكي، يورو مقابل دولار، راح نتعامل ويا هذا الزوج من العمله.
اذا بعت، اذا بعت هسا، انت اليورو دولار، اذا بعته، هل انا ابيع اليورو او الدولار؟
زين، اذا اشتريت، هل اشتري اليورو ام اشتري الدولار؟ هسه راح تعرف.
اول شيء، خليه ببالك: اي عمله تجي بالبدايه هي تكون العمله الرئيسيه، والعمله الثانيه هي عمله التسعير.
يعني اذا بعت، راح تبيع اليورو لان هي العمله الرئيسيه، وتاخذ مقابيلها دولار. واذا اشتريت، راح تشتري اليورو وتبيع الدولار.
انطيك مثال، انا وياك تكون واضحه عندك الصوره.
انا عندي واحد دولار، وانت، انت أي المشاهد عندك واحد يورو. اوكي، وقيمه الواحد يورو مالتك تساوي الواحد دولار مالتي.
يعني بالوقت الحالي، الدولار اللي انا عندي، دولار، وانت عندك واحد يورو، قيمتهن مساويات.
الواحد دولار يساوي لنا واحد يورو. اوكي، وانا اجيت شفت خلال الجارد، خلال الاخبار، اليوم راح يصعد.
شنو راح اسوي؟ راح انطيك الواحد دولار مالتي، واخذ اليورو مالتك. اوكي، لان هو اليورو هو الواحد، يعني واحد دولار.
فراح انطيك الدولار مالتي، واخذ اليورو الواحد مالتك. هنا، انا شقد متوقعه راح يصعد حسب المعطيات وحسب السوق.
متوقعه يصعد، على سبيل المثال، خمسه دولارات. الواحد يورو راح يصعد، ويكون الواحد يسوي لنا خمسه دولارات.
من يوصل، راح ارجع ابيعه واحصل الخمسه دولار.
هسه، انا صار عندي واحد، وانت عندك واحد دولار. فانا توقعته راح يصعد.
من يصعد، يصير خمسه دولار يساوي لنا الواحد، يسوي لنا خمسه دولار.
ارجع ابيع اليورو مالتي، وراح احصل انا خمسه دولار، وانت راح يضل عندك واحد دولار.
فتشي كلش سهل.
زين، على هذا الحكي، انا لازم يكون عندي دولار ويورو، وين، وباوند، وجنيسترليني، ولا اخره.
لان تعرف اكو ازواج عملات مختلفه، وانت تقدر تتداول عليهن كلهم.
ذني الازواج، هل لازم تمتلك هاي العملات كلها بحسابك عام؟
تقدر تتداول. الجواب: لا.
كل المطلوب منك عمله وحده داخل حسابك اللي بالتداول، وعلى الاغلب يكون دولار.
وبعدها تروح تحلل اي زوج عمله يعجبك. يعني مو هلا بيه دولار، اي زوج عمله يعجبك. اوكي، وتتداول وتجيب ارباح.
شباب، قبل لا اكمل، عدد اللايكات اللي جاي تنطوها على القناه قليل جدا.
اذا تحبونه نستمر، اعطونا لايك، واذا ما تحبونا، نسد القناه.
يساعد بانتشار الفيديو. خلونا نكمل.
هسه نجي ليش السعر داخل التشارت جاي يصعد او ينزل، وشنو معناتها هاي، ومنو اصلا جاي يتحكم بهاي الامور.
التداول هو عباره عن صراع بين البائعين والمشترين.
صراع، صراع بيناتهم على زوج عمله معينه.
مثلا، فريق البائعين يبيعون اليورو دولار. هذا الزوج، اليورو دولار، يبيعونه.
فريق البائعين يبيعون هذا الزوج، راح ينزل تشارت.
يجي فريق المشترين يشترون اليورو دولار، راح يصعد تشارت. وهكذا، السوق عباره عن شراء وبيع، ماكو شيء ثالث.
زين، منو اللي جاي يبيع ويشتري؟
هذا انتو تعرفون. قيمه التداول خمسه تريليون دولار باليوم الواحد داخل الفوركس.
رقم مخيف. اللي يتبادلون العملات داخل الفوركس، 43% هم البنوك التجاريه، و30% شركات، 17% شركات مختلفه، ثمانيه البنوك المركزيه، ثمانيه بالمئه، واثنين بالمئه فقط الافراد، اللي هم انا وانت، وجميع المتداولين في العالم، نشكل فقط اثنين بالمئه من التداول داخل الفوركس.
يعني اللي يتحكموا بحركه تشارت والصعود والنزول داخل الفوركس هم البنوك التجاريه وشركات الاستثمار وغيرهم اللي ذكرناهم.
هسه نجي، انت كل اللي عليك شنو لازم تسوي؟
اذا شفت زوج عمله عدد المشترين بيه اكثر من البائعين، يعني تشارت بحاله الصعود، انظم روح وانضم وياهم واشتري على مود تربح.
وبحاله البيع نفس الشيء، من يكون على زوج العمله عدد البائعين اكثر من المشترين، انضم وياهم وبيع.
هذا الفوركس بكل بساطه.
وطبعا، اذا تروح بالوصف، راح تلقى رابط الكورس الخاص بتعليم الفوركس من الصفر الى الاحتراف.
نشرح به بالتفصيل اساسيات التداول، وشلون تتداول، وشلون راح تربح، وكذلك شلون تتجنب الخساره.
يعني حرفيا من الصفر الى الاحتراف.
وهم السعر اكيد مخلينا شي رمزي، وهذا الجزء من مساعدتنا الكم.
طبعا هنا وصلنا لنهايه المقطع. كان مقطع سريع.
انا ذاكر بالبدايه شنو الفوركس، وعندي فيديوهات بالقناه شلون تتداول، شلون تحلل، وكذا.
بس لاحظت خطيه انه بعض العالم انه هم لا زال بعده ما فاهم.
انا عندي مقطع فيديو راح تشوفه هم بعلامه الاي، راح يطلع لك، يشرح لك شنو هو الفوركس.
يعني تقريبا خلينا نقول نفس هذا المقطع، بس بغير طريقه.
بس هذا الفيديو على مود اوضح لك اياه بعد اكثر، وعلى مود تعرف اكثر.
اللي الاشخاص اللي ما فهموا على ذاك الفيديو يفتهم اكثر، انه هو شنو هو الفوركس.
شنو هو الفوركس؟
هذا الفوركس بكل بساطه.
لا تنسون الاشتراك واللايك وتفعيل زر الجرس، على مود يوصل لك الفيديو جديد.