ازاي بالظبط انا اتعلمت الEnglish

يا رجالة عاملين إيه؟ فيديو إنفلتر، وفي كام فيديو أصورهم دلوقتي إنفلتر، فكله عارف الحوار. يجيب القهوة، القهوة، يتجمع؛ عشان ده فيديو أنا هعمله مرة واحدة بس في حياتي، وياريت ما حدش يطلبه مني تاني.

إزاي تبقى سُوفيستِكيتِد في الإنجليزي؟ يعني إيه؟ يعني أنا هنا مش هتكلم على، مش هكلمك، أقول لك إزاي فعلاً تاخد الإنجليزي كلغة تقدر إنك تتكلمها زي ما أنت بتتكلم بالعربي. بالنسبة لي، أنا وصلت لمرحلة إن أنا ممكن أتكلم إنجليزي زي ما أنا بتكلم بالعربي، ما بقاش لغة تانية بقى بالنسبة لي، زي اللغة الأولى بالظبط. طبعاً الموضوع ده مش سهل، يعني أنا كاتب هنا شوية نقط، فتعالَ نعدي بيها واحدة واحدة.

حلو. أول حاجة كده، كده لازم تاخد الأساسيات. يعني إيه؟ يعني أنت لازم تلقط البديهيات بتاعة اللغة، اللي هي هي، وشي، وات، وهي، وذي، وش، عارف إيه، وتلقط شوية كلمات بديهية، مش عارف إيه، اللي هي الحاجات اللي أنت بتتعلمها في المدرسة. إذا أنت لسة ما وصلتش لليفل ده، لسة حرف، أنت ليفل صفر في الإنجليزي، روح شوف أي كورس على النت إنجليزي، ولا نزل أي أب بيعلم لغات، هتلاقيه بيعلمك حاجات عن الإنجليزية. خد البريهات بس بتاعة اللغة الأول، فاهمني؟ افهم بقى حاجات ليها علاقة بالجرامر، ومش عارف إيه. حلو. ده كان أول ليفل، وده كان أنا تقريباً لما كان عندي بتاع كام ١١ سنة مثلاً، ١٢ سنة، في الحدود دي تقريباً، ١٠ سنين، ١١ سنة، ١٢ سنة، في هذا الرينج غالباً، وحتى لحد ١٣ و ١٤، كان برضه الإنجليزي بتاعي بدهيات، نوع ما كنتش لسه متعمق فيه قوي زي ما أنا فيه دلوقتي.

حلو. اللي أنا عملته بقى عشان أطلع لليفل اللي بعده، عشان أبقى زي ما تقول سُوفيستِكيتِد في الإنجليزي، أقدر إن أنا أعرف أتكلمه زي بالظبط وأنا بتكلم بالعربي، اللي خدني من الليفل البديهي ده لفوق، هو إن أنا ابتديت أمارس اللغة على محمل الجد زي العربي. يعني إيه؟ هنا أنا كاتب بالظبط: قراءة، جماع، كتابة، كلام. دول الأربع أساسيات اللي أنت لازم تركز عليهم. أنا بالنسبة لي في الفترة دي ابتديت ألعب فيديو جيمز، فكل الفيديو جيمز اللي أنا بلعبها كلها كانت بالإنجليزي. بلعب جي تي أي، ريد ديد ريدمبشن ٢، فورتنايت، روكيت ليج، مورتال كومبات، هيتمان، ذا كرو، ريزدنت إيفل فيليج، فول جايز، وبال، هالعب إيه تاني؟ جد، إف فور، كول أوف ديوتي، كان فيه غالباً كام لعبة تانية، ديترويت بيك هيومان، إريكا، كان فيه كام لعبة مختلفة على لعبتهم كده، وأغلبهم، أو هو ١٠٠٪ من الألعاب دي كلها كانت بالإنجليزي. ولا مرة، حتى لو فيه أوبشن تغيير عربي، ولا مرة غيرت للعربي. مجرد إن أنا بستمع بالإنجليزي، ألاقيهم مرة واحدة ألاقي مثلاً شخصية في اللعبة بتتكلم بالمصري، أنا بقول إيه ده؟ هو بيتكلم عربي! فهم الموضوع كان شذوذ بالنسبة لي، فده اللي عمله إن ده غصب دماغي إن أنا أتعلم اللغة. يعني أنا أول ما لعبت مثلاً، خلينا ناخد أول لعبة لعبتها في حياتي كانت جي تي أي على البلاي ستيشن. حلو. أول مرة لعبت اللعبة دي في حياتي ما كنتش فاهم بربع جنيه أي حاجة بالقصّة، أنا كنت بلعبها لمجرد إيه ده؟ أنا معايا رشاش، إيه ده؟ أنا ممكن أسْرِق عربية، وأسوق العربية، وأجري بيها. ما كنتش فاهم أي حاجة من اللي بيحصل، لكن مع الوقت غصب عني ابتديت إن أنا أفهم، وألقط، وألقط، وألقط، وألقط. آه لأ، أنا فهمت، فهمت يعني إيه لما يقول كذا، فهمت يعني إيه ويبن، فهمت يعني إيه الكلمات دي. فأنت هتقعد تلقط كلمات، وأنا ما كنتش يعني، الغريب الناس متخيلة إن أنا لما لقطت الكلام ده إن أنا مثلاً دخلت على كل كلمة عملت لها ترجمة لعربي، لأ، أنا فهمت معناها إيه. خليها مثلاً نعتبر أنا ما كنتش عارف يعني إيه فيكل. حلو. أنا أعرف يعني إيه كار، كار يعني عربية، بلين يعني طيارة، بوت يعني مركب، إنما فيكل دي كلمة جديدة، أول مرة أسمعها في حياتي. ترجمتها العربية مركبة، مركبة دي بقى اللي هو طيارة، مركب، أي مكان يعني في اللعبة، أنا ما كنتش عمري ما ترجمتها، لكن فيكل أنا فهمت من اللعب إن آه، لما يقول فيكل فيكل ده بتروح يا إما عربية، موتوسيكل، طيارة، يعني أي حاجة بتتركب، فغالباً فيكل ده معناها عامة حاجة بتتساق، فاهمني؟ فمن هنا لقطت الكلمة. نفس الكلام مع كل الكلمات بقى، فاهمني؟ فهي بالنسبة لي جت في الأول فيديو جيمز. زود على ده أغاني، الأغاني اللي كنت بسمعها كلها كانت بالإنجليزي، فأنا كنت غصب عني برضه بفهم، بفهم من مغزى الكلام. يعني هو يقول حاجة هنا، وبعدها تطلع كلمة في النص، فأنا مع الوقت فهمت الكلمة دي. يعني مثلاً كلمة سُوفيستِكيتِد اللي أنا قايلها دلوقتي، كلمة سُوفيستِكيتِد لقطتها إزاي؟ كنت بسمع بودكاست، وسمعت الكلمة دي بتتقال، سُوفيستِكيتِد، فأنا فهمت من مغزى الكلام، ما رحتش ترجمتها. أنا ما أعرفش يعني إيه سُوفيستِكيتِد بالعربي، دخلت ترجمتها، آه، سُوفيستِكيتِد يعني ليفل راقي شوية، ليفل عالي شوية، تبقى مثقف قوي في الحاجة المعينة. سُوفيستِكيتِد إنجليزي معناها إنجليزي ليفل عالي، إنجليزي مش مش فلاحي، فاهم؟ لأ، تعرف تتكلمه فعلاً. فهمت معنى سُوفيستِكيتِد من مغزى الكلام، أنا ما أعرفش ترجمتها الحرفية إيه بالعربي.

الأفلام مثلاً اللي لقطت منها برضه الكلام ده كله، لكن أنا لما فكرت فيها أنا قسمتُها لأربع أجزاء. أول حاجة زي ما أنا كاتب هنا القراءة، أنا كنت دايماً بقرا كتب بالإنجليزي. عندي حتى الكتاب اللي أنا بقراه دلوقتي أهو، نيفر فينيش بتاع ديفيد جوجينز، كله إنجليزي. كل الكتب اللي عندي هناك، يعني لو أنا أخدت الكاميرا، أخدت الكاميرا، لأ هاخدك في روم تور. حلو. بعيداً عن الكتاب اللي هناك ده، دي تشكيلة الكتب اللي عندي، كل ده إنجليزي. أمريكان كانت مي، في كتاب مستخبي تحت هنا اللي هو يل ادفان ريشن، كل ده إنجليزي. ده القرآن، قصص الأنبياء وسير النبوية، دي قصص موجودة عندي، روايات بالإنجليزي. ده كتاب، دي كلها كتب بالإنجليزي. دي كتب عن القيادة، نو بولش ليدرشيب، إنفلونسر، كل دي كتب بالإنجليزي. وهنا تحت هنا في ش ترانجو، ده كتاب فرنسي بتاع حاجة تانية، دي كتب قديمة عندي، بس زي ما أنت شايف إن كل الكتب اللي عندي تقريباً إنجليزي، فأنا غصب عني لما بقرا ببتدي ألقط كلمات جديدة، أنا أول مرة أسمعها. وأنا بقرا كتاب ديفيد جوجينز اللي هو مش مش ده، اللي هو اللي قبله، اللي هو كان سيرت مي، فيه كلمات جديدة اللي لقطتها فيه، أنا ما أعرفش معنى الكلمات دي إيه بالعربي إيه، بس أنا فهمت من مغزى الكلام يعني إيه الكلمات دي، فاهمني؟ أول حاجة تعملها، ابتدأ اقرا بالإنجليزي. في الأول هتبقى مش فاهم حاجة قوي، في الأول هتبقى اللي هو إيه ده؟ مش فاهم أي حاجة، مش فاهم هو بيقول يعني إيه الكلام ده؟ يعني إيه الكلمة دي؟ يعني إيه الكلمة دي؟ بس حاول على قدرك تفهم من مغزى الكلام، وخصوصاً في كتب زي ذا سوبيريور مان، كتب زي سايكو سيبركس، كتب محتاجة لغة عالية، هي دي الكتب اللي هتنفعك. الفكرة هنا إن أنت كده كده أول كتاب ليك مش تعرف تفهم منه أي حاجة قوي. يعني إيه؟ أول كتاب أنا قريته ما فهمتش منه أي حاجة قوي، عشان فيه كلمات كتير ما فهمتهاش منه. بعدها لما رجعت قريته تاني مرة، يعني أول كتاب أنا قريته مرتين، لما رجعت قريته تاني مرة، آه فهمت مغزى الكلام، فاهم إزاي؟ فبالنسبة لك أنت اشتري كتب إنجليزي، ابتدأ اقراها. أول كتاب، أول كتابين مش هتفهم منهم أي حاجة. أنا عايزك بس تقرا، خلي دماغك يتعود على قراءة الكلمات الإنجليزية، ويبتدي، لأن دماغك بيشتغل زي ما تقول في الخلفية. يعني إيه؟ يعني أنت مش محتاج إن أنت تخصّب نفسك، آه لأ، أنا عايز أتعلم الكلمة دي، لأ، دماغك هيلقط لوحده زي العربي بالظبط. خلينا نعتبر أنا قلت لك كلمة جديدة إيه؟ كلمة جديدة مثلاً بالعربي إيه؟ كلمة إيه؟ كلمة الناس ما تعرفهاش قوي، آه كلمة التجلي، أوكي، في الله عز وجل. فأنت ممكن تفهم التجلي جايه من الجلال، عز وجل، فـ، فاهم الفكرة، بس عامة اعتبر إن أنت ما تفهمش الكلمة دي، التجلي. حلو. خليني مثلاً أقول إن أنت عمرك ما في حياتك سمعت كلمة تجلّى ده، قمت جاي قايل لك مثلاً، فالله تعالى يتجلّى عليهم مثلاً، مثلاً يعني، فأنت تفهم آه، هنا هو قال ربنا يتجلّى عليهم، يبقى يتجلّى دي غالباً معناها إن هو يعلو عليهم، أو يعني يتعظم عليهم، فهمت؟ فهمت الفكرة؟ هي بالظبط كده في الإنجليزي، أنت ما بتقعدش كده، أنت ما بتفكرش بوعك، أنت ما بتقولش، أم، أيوه، الكلمة دي جايه من صياغة ده، دماغك بيعمل ده كله أوتوماتيك، دماغك بيلقط المعنى أوتوماتيك، مش محتاج إن أنت تعرف ترجمة الكلمة دي الحرفية إيه، بس أنت بتلقط معنى الكلمة على طول، أنت مش يعني، أنت مش متخلف لدرجة يعني، أنت مش مانيوال، فاهم؟ أنت مش لازم مانيوال تكتب، آه، كلمة تجلّى معناها تعظم، لأ، دماغك بيعمل كل ده أوتوماتيك، ورا شغال ورا، فاهم؟ أنت مش محتاج إن أنت تفكر في ده. بس كده كده في الأول هتبقى حمار في القراءة، أول كتاب لازم تعدي بفترة الحمورية دي لحد ما تلطّ اللغة. حلو. فدي أول حا، حاجة القراءة. تاني حاجة بعدها السماع، السماع هنا ممكن يجي من أغاني، ممكن يجي من أفلام، ممكن يجي من مسلسلات، ممكن يجي من فيديو جيمز. طبعاً بلاش فيديو جيمز، طبعاً يعني. أغاني لو هتسمع أغاني أجنبي، حاول إنك تسمع أغاني مش ديجنت. أفلام لو هتتفرج على أفلام، اتفرج على أفلام فعلاً فيها مغزى ومعنى، مثلاً فيلم زي فايت كلاب، فيلم مثلاً زي ٣٠٠، فيلم زي درايف مثلاً، فيلم حلو قوي، كل دي أفلام نوع ما حلوة وفعلاً جميلة. ما تروحش تتفرج لي على، آه أنا هتفرج على مارفل، لو أنت لو ده بالنسبة لك يبقى اللي هو فترة تعلم الإنجليزي ليها علاقة بفيلم أجنبي هتتفرج عليه من غير ترجمة، من غير أي حاجة. أنا عايزك بس تسمع، ممكن تحط اللي هي الترجمة، مش الترجمة اللي هي السب تايتلز بالعربي برضه، يعني إيه؟ في الترجمة اللي هو تكون بتتفرج على الفيلم يطلع لك الكلام تحت بالعربي، لأ، لو هتفتح اللي هي السب تايتلز اللي تحت، خليها بالإنجليزي دايماً، عشان عينك، عشان في نفس الوقت تكون بتسمع وبتقرا، فتقدر إنك تحس تاخد إكس بي دبل، فاهمني؟ برضه مع الوقت أول الفيلم تبقى فاهم أي قوي أي حاجة، لكن مع الوقت ودنك تتعود على السماع، القراءة عينك اتعودت إنها تقرا الكلمات بالإنجليزي، السماع ودنك بتبتدي تلقط اللهجات، تبتدي تلقط الكلمات دي بتتقال إزاي إلى ما هنالك، تبتدي تفهم اللغة، تبتدي تسمع اللغة فعلاً، عقلك يستوعب اللغة، فاهمني؟ لأن لو أنت بتقرا إنجليزي طول حياتك، خلي اعتبر إن أنت شخص قارئ إنجليزي جامد، لو جيت سمعت واحد بيتكلم إنجليزي ممكن ما تفهمش منه حاجة، لأن أنت عمرك ما سمعت اللغة نفسها. فعشان كده لازم تنمي سماعك للغة. حلو. لسة اسمع بودكاست أحسن، آه اسمع بودكاست. لو تلاقي مثلاً عندك بودكاست جوردن بيترسن، البودكاست ده حلو قوي، مثقف. جوردن بيترسن عمل حركة مش لطيفة لما هو قال إسرائيل، بس بعيداً عن كده يعني، واحد أجنبي متوقع منهم إيه الأجانب يعني، بعيداً عن كده يعني، فيه فيه فايدة عالية، وفعلاً هو كلامه مثقف قوي، يعني هو هو ما يعادل شاعر بالعربي، فاهم؟ يعني في، في عندنا في ناس بتتكلم عربي، وفي ناس بتتكلم لأ عربي كويس، حفيان أنا بيا نوع ما كده، هو حرفياً ممكن يقول كلمات وهو بيتكلم أنا ما أعرفش إيه الكلمات دي، أقوله إيه ده؟ يعني إيه الكلمة دي؟ مثقف قوي في اللغة، جوردن بيترسن نفس الكلام في الإنجليزي، مثقف قوي الإنجليزي. طريقة الأرتيكوليشن معناها تصميم الكلام بالنسبة له فعلاً فعلاً ليفل عالي جداً، سُوفيستِكيتِد جداً. في عندك كريس ويليامسون اللي هو عامل بودكاست اسمه ذا مودرن ويزدوم، برضه بودكاست حلوة جداً بيتكلم عن توبكس كتير جداً، فأنت بتستفاد منه علمياً وفي نفس الوقت بتسمع اللغة. عندك بودكاست اندرويت ممكن تسمعها، عندك بودكاست بتاع الدكتور اندرو هيوبرمان ممكن تسمعها، ديفيد جوجينز طلع على كام بودكاست ممكن إنك تروح تسمعهم برضه، ده كله بيديك معلومات من البودكاست، وفي نفس الوقت بيدخل الإنجليزي جوه ودنك، فاهمني؟ إيه تاني؟ وأنا ليه ماسك كوباية كده؟ حلو. بعد كده إيه؟ الرايتنج. أنا عايزك إنك تتعلم تكتب. خلينا نجيب الجورنال ده، ده جورنال جديد أنا لسة شاريه. حلو. ففي جورنال ده لو أنا فتحته لك دلوقتي، خليني أفتحه على مثلاً الصفحة دي، نفسي إن أنت ما تقراش الكلام ده، يعني كل الكلام ده مكتوب بالإنجليزي. حلو. استنى أشوف حاجة مثلاً ماهيش، أوكي، كل الحاجات اللي هي أنا وعها شخصية فأنا مش عايزك تقرا كل الكلام ده، لكن لو أنت بصيت هتلاقي إن كل الكلام بالإنجليزي، فاهمني؟ كل اللي أنا كاتبه هنا بالإنجليزي. أنت أتمنى إن أنت أقول لك اقرا شرا معايا كل الكلام ده كله بالإنجليزي. حلو. كل ده بالإنجليزي، متأكد إن فيه حد دلوقتي متوحد جاي يوقف، أنا عايز أقرا، أنا عايز أقرا، أنا عايز أقرا، أنتَك أنت أنا كاتب إيه؟ فاهم؟ كل ده بالإنجليزي. لازم إنك تعود نفسك إنك تكتب كمان بالإنجليزي عشان تمرر إيدك على الكتابة، ده جزء برضه مهم قوي من إنك تتعلم أي لغة عامة، مش بس الإنجليزي.

بعد كده رابع حاجة أنا كاتبها هو إن أنت لازم تبتدي تتكلم بيه. يعني دلوقتي أنت بتسمع اللغة من بودكاست، بتكتب اللغة بالجورنال، ومعاك الأساسيات كده كده، وبتقرا اللغة، بتقرا كتب. حلو، جميل. دلوقتي أنت لازم تعدي الكلام، لأن الكلام برضه جزء مهم، لازم تلقط الأكستنت نفسها، دي بتلقط بإن أنت تتكلم مع أجانب. أنا نميت ده بالكلام مع أجانب ١٠٠٪. عليّ النهاردة، هتكلم النهاردة مع واحد صاحبي أجنبي في بولندا وكلم بالانجليزي عادي جداً وأنا وهو بنتكلم بحاجات إنجليزي لأ عادي، عشان تلطّ الأكستنت كده كده لازم تسمعها كذا مرة، عشان كده بقول لك اتعود على السماع. من السماع بقى لازم إنك تبتدي تتكلمها. في الأول هتبقى لهجتك غريبة، لأن لسانك مش متعود على الحركات، لسانك متعود على العربي، فلما تيجي كعربي تتكلم بالإنجليزي هتلاقي إن أنت لسانك معاق كده، مش عارف إنك تتكلم إنجليزي زي الأجانب. نفس الفكرة لو واحد روسي جاي يتكلم إنجليزي في الأول مش هيعرف يتكلم إنجليزي صح، هيتكلم بلكنة كده معينة. نفس الكلام أنت هتتكلم بلكنة كده معينة، يبقى ليك لهجة كده معينة في الكلام مش طبيعية. مع الوقت والتدريب بتبتدي اللكنة دي تروح منك، تقدر إنك تبقى فلونت في الإنجليزي وأنت بتتكلم، وفي نفس الوقت تبقى فلونت بلغتك الأم بالعربي، بس محتاج تدريب على اللسان، لأن أحرف اللسان زي العضلات، لازم إنك تمرّنه على الحركات المعينة. لو أنا جيت أتكلم فرنسي مثلاً، لازم إن أنا أبتدي أعود لساني على أصوات معينة، فلازم تدرب لسانك على التعويد، فاهم؟ لأن واحـ، لو أنا جيت أتكلم فرنسي مثلاً، تقول لو أنا جيت أتكلم بالفرنسي مثلاً، لازم إن أنا أعود لساني على، لأن فيه أصوات جديدة، لغة بتكلم عربي مش هقول الـ، ديم فرنسي، عري كلام، الختلف الفرنسيين كده بيتكلموا من مكان معين، العربي إحنا بنتكلم من مكان معين. لو أنا قلبت مش عارف حتى إن أنا أتكلم إنجليزي في العادي، عشان لما أكون بتكلم عربي وقلم إنجليزي مرة واحدة، بـ، الموضوع شذوذ بالنسبة لي أصلاً، فـ، لأ أنا الإنجليزي بتاعي أحسن من كده ما تقلقش، بس لما آجي أتكلم عربي بتكلم نوعاً ما من النص هنا، لما آجي أتكلم فرنسي بتكلم من فوق هنا، بحس إن الصوت طالع من هنا. لما آجي أتكلم إنجليزي بحس إن الصوت كـ مور ذا باك هير في المنطقة دي كده، الصوت بيطلع أكتر من هنا، فاهم؟ مش هحاول حتى إن أنا أكلمك إنجليزي على الكاميرا، عشان أنا هستسلم لنفسي، فمش هعرف إن أنا أتكلم كويس، لكن في العادي في الكلام مع أجانب لأ، الدنيا بيس يعني ماشي، فاهمني؟ فأنت لازم تعود لسانك إن هو يتكلم باللهجات واللكنات المختلفة. لو أنا بتكلم بالعربي وحولت إن أتكلم فرنسي بنفس طريقة اللسان اللي أنا بتكلم بيه بالعربي، هتلاقيني إن أنا بقول جوفي، جوفي، اللهجة غلط، جوفيت غولو مش عارف إيه، اللهجة نفسها بتاع، لو واحد فرنسي اسمه بيقول جوفيت غوفي، هيقول غلط، إنما حتى لو أنا حتى لو أنا برطمت يعني، لو ما قلتش، هقول لك دلوقتي كلام بمجرد اللهجة بس، مش عارف أنا هقول إيه، جستين، أنا ما أعرفش إيه اللي أنا قلته ده ولا أعرف المَعنى اللي أنا قلته ده ليه معنى ولا لأ، بس أنا حطيت شوية حروف فرنسي قلتهم باللهجة الفرنسية، طلعت كأن أنا بقول كلمة، هي نفس الكلام، فاهمني؟ لازم بس تلقط اللكنة، وفي نفس الوقت لازم برضه يكون معاك فوكاب، عشان كده فوكاب اللي هي الكلمات نفسها تكون فاهم، أنت هتتكلم تقول إيه، فاهمني؟ ومع الوقت هتوصل للنقطة اللي أنا بسميها اللي أنت خلاص لقطت فيها اللغة، النقطة دي هو اللي بتبتدي تفكر باللغة، يعني إيه؟ أنت غالباً أنت بتسمع صوت في دماغك صح؟ فيه صوت كده جوه دماغك أنت بتسمعه، لما الصوت ده تقدر إنك تحوله للغة مختلفة، أنت لقطت اللغة دي. يعني إذا أنا مثلاً مثلاً عايز أتكلم نرويجي، اللحظة اللي أنا أقدر أفكر فيها بالنرويجي في دماغي، أنا لقطت اللغة، لأن ده معناه إن أنا سمعتها بما فيه الكفاية، قريتها بما فيه الكفاية، وكلمتها وكتبتها بما فيه الكفاية، لدرجة إن دماغي بقى عارف يفَنكشن باللغة الجديدة دي، فاهمني؟ لأن بالعربي أنا دلوقتي ممكن أقفل دماغي وأقعد أفكر في مثلاً مثلاً، خلينا نعتبر أنا هفكر بصوت عالي، خلينا نعتبر دلوقتي أنا بفكر، طب بعد ما أخلص تصوير النهاردة عايز إن أنا أقرا كام شابتر في الكتاب الجديد، مش عارف إيه، ده أنا كده بفكر بالعربي، يعني أنا كده فكرت بصوت عالي، الصوت ده بقى جوه دماغك نفسه، اللحظة اللي الصوت ده يتقلب فيها لغة تانية، أنت كده لقطت اللغة، فاهمني؟ ده بقى بيجي مع الممارسة الزيادة، فده جا كده ياخد منك وقت، ياخد منك تدريب، لكن هو ده بالظبط اللي أنا عملته عشان أبقى سُوفيستِكيتِد في الإنجليزي. ما أخدتش كورسات، ما أخدتش مش عارف إيه، ما أخدتش مش عارف إيه. إذا أنت حمار قوي في اللغة يعني أنت مش حتى عارف الأساسيات، روح بقى خد لك كورسات على النت، كورسات، اكتب على النت كورس لتعلم الإنجليزي ببلاش، هتلاقي فيديوهات كتير كده بيعلموك الأساسيات وبتاع، طول الأساسيات، روح بقى طبق اللي أنا بعمله ده، اسمع بودكاست، ابتدأ اكتب، اقرا، اسمع، اتكلم بالإنجليزي، فاهمني؟ ده هيديك اللغة، ومع الوقت تبتدي تلقط كلمات أعلى أعلى لحد ما توصل ليفل سُوفيستِكيتِد في الكلام، فتقدر إنك تتكلم إنجليزي زي ما أنت بتتكلم عربي بالظبط. وبس كده يكون الفيديو فك برو.