Transcription
من خبرتي اللامتناهية في المذاكرة، خدها من طلب الطب، أكثر ناس بتذاكر. ما فيش محتوى هتقفل من مذاكرة واحدة وكلمة تقفله. ما أقصدش بها درجات، أنا أقصد تقفله فهماً وحفظاً، واللي بالتالي طبعاً هينعكس على أدائك، وهتتحل كويس وهتجيب درجات حلوة. ولكن موضوع النتيجة في الآخر هي مسألة توفيق.
فالمهم اخترعت أسلوب كده مشيت عليه يمكن آخر سنتين، سنتين ونص في الكلية، وهو أني بذاكر المحاضرة على الأقل ثلاث مرات. وطبعاً لو حد بيسمعني في كلية غير طب أو ثانوية عامة، فالكلام برضه ليكم. وده فيديو يعتبر خلاصة خبرات وصولات وجوالات هضم لك بإذن الله من خلال ثلاث مرات مذاكرة لأي موضوع أنك تقفله.
والسر مش في العدد، ولكن السر في أسلوب كل مذاكرة من الثلاثة. فركز جداً وخد نوتس ورايا، واعمل سيف للفيديو عشان أكيد هتحتاج تسمعه تاني. وأعرفكم بنفسي، اللي لسه ما يعرفنيش، أنا يوسف أبو العلي، طب بامتياز، ودي قناة ق ميدي سفير. حاولت اخترع أسلوب للطريقة ثلاث مرات مذاكرة.
فكنت شفت فيديو زمان كان حد كده أجنبي عمل حاجة اسمها يرن سيستم، بس كان بيتكلم في منطلق فكري ثاني يعني. فالاسم عجبني بصراحة. هو يرين سيستم عبارة عن طبقات المذاكرة. الأولى دي طبقة، والثانية، والثالثة، وهم بيكملوا بعض.
فنبدأ بالمذاكرة الأولى. وإحنا في حضانة كده ابتدينا نتعلم الأول الحروف أ، ب، ت، ث، إلى آخره. وبعد ما تعلمنا الحروف، ابتدينا نكون كلمات. وبعد ما كوننا كلمات، ابتدينا نكون جمل. وبعد الجمل، فقرات، وهكذا.
كذلك الأمر في المذاكرة الأولى. أنت أول مرة تتعرض للمحتوى اللي أنت بتذاكره. أنت أول مرة تقرأ عن الأزمة، أول مرة تقرأ عن الجنس، أول مرة تقرأ عن الحديد في الكيمياء، وأول مرة هقرأ عن قاعدة فيلمنج اليد اليسرى في الفيزياء، وهكذا. وبالتالي طبيعي جداً أنك ما تعرفش تكون جملة من أول مرة.
فلازم الأول تتعلم الحروف. واللي عاوز أقوله هنا كذا حاجة. أولاً، ما تستناش أنك تكون فهمت وحفظت كل معلومة من أول مذاكرة. فما تزعلش لما تحس أنك نسيت الصفحة اللي أنت لسه قاريها حالاً. ده طبيعي جداً. وما تزعلش أنك لسه ما تعرفش غير حرف الألف، عشان حرف الياء هتاخده بس آخر السنة.
ومن هنا لازم تعرف ثانياً أن كون أنك هتعرف حرف الياء في آخر السنة، معنى كده الموضوع يلزم له مدة زمنية عشان الصورة توضح. فما تزعلش لما تلقى معلومة مش فاهمها في المحاضرة. هي هتيجي شرحها بالتفصيل في المحاضرة اللي بعدها. زي مثلاً أنك بتذاكر الأزمة، ويفضل يقارنها بحاجات مختلفة عنها في السيو بي دي اللي أنت أصلاً لسه هتاخدها بس الأسبوع اللي جاي.
ومن هنا هنلاحظ أن المذاكرة الأولى لأي موضوع هتكون ضبابية. سواء لأنك محتاج تتعلم الحروف والأساسيات الأول، كما أنك لسه الصورة ما كملتش، لأن المنهج كله هكمل في آخر السنة. فالصورة بتكون دوماً ضبابية في المذاكرة الأولى.
ومن هنا نقول إيه وظيفة المذاكرة الأولى؟ وظيفة المذاكرة الأولى هي تحضير للمذاكرة الثانية والثالثة وكل اللي جاي بعد كده. فخد كل وقتك أنك تفهم كل حاجة بتقراها في المذاكرة الأولى. مش فاهم يعني مثلاً إيه فون فيل براند فاكتور؟ اقف ودور وابحث وافهم، واكتب اللي أنت وصلت له على هامش أو نوت على جنب، وكمل مذاكرة.
وهكذا، كل ما تقف قدامك حاجة أنت مش فاهمها أو مش فاهم جت منين، ابحث عنها وضحها لنفسك أثناء المذاكرة الأولى. مش فاهم مثلاً ليه بيكون في هايبر كالميا معينة دي؟ كي إيه دور وافهم، واكتب. ليه بيكون في هايبر كريمييا؟ معنا ديكي إيه؟ مش فاهم مثلاً وأنت بتذاكر كيمياء يعني إيه أكسدة واختزال؟ اقف ودور وافهم تعريف الأكسدة وتعريف الاختزال، وكمل مذاكرة.
مثلاً قعد بيحكي معاك في شغل أنومي، وأنت مش متخيل الصورة. اقف ودور، وفي جوجل إيمج مثلاً طلع صورة توضيحية أو دايا جرام، وتخيل الصورة دي. وظيفة المذاكرة الأولى دوماً سلاحك وأنت بتذاكر. هاو، واي، ليه، وازاي. دوماً في المذاكرة الأولى ده هدفك أنك تعمل أرفيكس، أنك تعمل توضيح للكلام اللي أنت بتقراه.
مش مطلوب أنك تحفظ خالص. هتلاقي الصفحة أخدت منك وقت كبير، عادي. هتخلص المذاكرة الأولى، مش فاكر ولا معلومة، عادي. لازم تفهم وتقتنع أن مهمة المذاكرة الأولى هي تعلم الحروف. لو طلعت من المذاكرة الأولى فاهم 90% من المحاضرة، وعارف ليه ده جاب ده، وليه بنلاقي ده في المرض ده، وهكذا، هتبقى طلع بأقصى استفادة من المذاكرة الأولى.
في تب كده في المذاكرة الأولى، كنا قلنا في فيديو أربع نصائح لطلب الطب، أن أنت حاول بقدر الإمكان أن تحفظ وأنت ماشي في المذاكرة الأولى. غالباً مش هتبقى مجمع الكلام اللي بتحفظه قوي، أو هتحفظ، ولكن جزء بسيط جداً. فما يضرش، اعمل اكتف ريكول، حاول تحفظ وأنت ماشي، واستفاد بوقتك بقدر الإمكان.
المذاكرة رقم اثنين. المذاكرة الثانية غالباً عند أغلب الناس بيجي وقتها في الميد تيرم. يعني غالباً برضه عند أغلب الناس هيكون أخدوا نص المنهج. فالمحاضرة نا محاضرات سنة أولى، وإحنا مترجمها. وهنا أنا عاوز أثبت لك عامل الزمن. بمرور الوقت واستمرار مجهودك، عموماً لا محالة الصورة هتوضح، واللي كنت مستصعبه هيكون سهل، وهتلقى حاجات أصعب تستصعب بدلها.
ومن هنا نقول أسلوب المذاكرة الثانية. أولاً، تجنب أسلوب إعادة القراءة بالمعنى الحرفي. يعني ما يكونش أسلوبك زي المذاكرة الأولى، ورقة وقلم وبتخطف وتلون وتترجم وتفهم. لا، أنت يعتبر خلاص لونت وخططت وفهمت نفسك في المرة الأولى، وكمان كنت واخد نوتس على جنب، وكاتب معاني وتعريفات اللي كامل ما كنتش فاهمه.
فالمذاكرة الثانية هدفها أكتر الحفظ. وعاوز أقول لك أنك هتاخد وقت أقل بكتير من المذاكرة الأولى. أنت خلاص مهدت الطريق ومسافة في أول مرة. هنا بقى، أنا عاوزك تعمل اكتف ريكول. تقرأ وتخبي الكلام، وسمعه حفظته، وانتقل للنقطة اللي بعدها. ما حفظته، ارجع احفظه تاني لغاية لما تسمعه.
وطبعاً تكون لسه فاهم اللي بتحفظ، لأن أحياناً ممكن تنسى شرح نقطة معينة. فهنا عادي، اعمل إعادة قراءة، ارجع اقرأ الشرح اللي أنت كنت كاتبه في المذاكرة الأولى، وافهم النقطة دي مرة ثانية، وبعد كده احفظها. لأن احنا برضه هدفنا أن احنا نفهم ونحفظ.
ودي تعتبر فائدة من فوائد المذاكرة الأولى، أن أنا وفرت وقت على نفسي. أن أنا لما نقطة معينة نسيتها أو نسيت الشرح بتاعها أو مش فاكر الميكانزم، أن أنا خلاص كاتب على الهامش أو في نوت اللي أنا ما كنتش فاهمه. ففي المذاكرة الثانية، أنا خلاص مش هحتاج أدور من جديد.
المهم، تاخذ المذاكرة الثانية بقدر الإمكان استدعاء نشط. احفظ وسمع واشرح لنفسك في الهواء. وهنا نفتكر، تب كنت قلتها في فيديو الأصداء النشط، أنك تحاول تشرح الموضوع لنفسك أو تفتكره وتفتكر محتواه قبل ما تبدأ المذاكرة الثانية. اللي هي طريقة الفاي منن تكنيك.
يعني نفترض أنك جيت تراجع أو تذاكر قاعدة فيلمنج لليد اليسرى للمره الثانية، وانت كنت مذاكرها من شهرين في المرة الأولى. أو مثلاً طلب الطب، لو أنت مثلاً جيت تذاكر الديبيس أو الهايبرتنشن للمره الثانية، وبردو نفس الفترة كنت مذاكرها مثلاً من شهر أو شهرين قبل كده. قبل ما تبدأ تذاكر المرة الثانية، حاول، حاول تفتكر أيه التعريف، أيه الأعراض، بنعالج إزاي، طب إزاي أشخص.
حاول تفتكر مع نفسك، اعصر دماغك أنك تفتكر أي حاجة من المذاكرة الأولى. وعارف أنك مش هتفتكر حاجة، بس خد مني، اعصر دماغك. وخلاص، أنا مش هعرف أشرح فائدة الموضوع ده، ولكن كل اللي أقدر أقوله لك، حاول في مرة تذاكر المذاكرة الثانية مباشرة لأي موضوع، وفي مرة ثانية هات موضوع مختلف، واعمل الفاي منن تكنيك قبل ما تبدأ المذاكرة الثانية، وانت هتحس الفرق لوحدك.
المذاكرة رقم ثلاثة. المذاكرة الثالثة غالباً بتكون عند الفاينال. هنا بتكون أنت أخدت كل الحروف بقى معاك، كل منهج الكارديو أو الشيست أو النيورو أو الجراحة أو النساء. أو معاك خلاص، خلصت كل باب الحديد أو كل باب الفيزياء أو كل باب الفيزياء الحديثة أو الفيزياء الكهربائية، أياً كان المحتوى اللي ليه علاقة ببعض. هيبقى أنت خلصته أو بقى كامل معاك.
في اللحظة دي، أنت بتقدر تكون كلمة فيها حرف الألف أول حرف، وحرف الياء آخر حرف. هنا بتكون الصورة اكتملت. هنا هتكون فاهم الكلمة اللي اترمت في المحاضرة الأولى، وجهة الشرح بتاعها كاملة في آخر محاضرة في المنهج. هنا بتكون مرحلة تربيط الخيوط. وبجد، دي أهم مذاكرة.
لو فعلاً طبقت اللي أنا هقوله لك. أولاً، هتعمل إيه في المذاكرة الثالثة؟ خلينا نتفق أنك أولاً هتكرر نفس اللي عملته في المذاكرة الثانية، عشان نثبت الحفظ أكتر. وبرضه حاول تعمل الفاي من تكنيك قبل ما تبدأ المذاكرة الثالثة. ولو افتكرت فقط 50% من المعلومات، هيبقى شيء مقبول جداً.
ثانياً، هتدخل أسلوب جديد في المذاكرة رقم ثلاثة، وهو أسلوب المقارنات. ما أقصدش أنك تعمل جدول لكل حاجة شبه الثانية. ولو تقدر، يستحسن طبعاً، ولكن يكفي جداً أنك تستفز نفسك أنك تسأل أسئلة مقارنة وأنت بتذاكر. مثلاً، لو قال لك في الكيمياء هات لي حديد من جبنة براميلي، وانت جاوبت، ما تسيبش السؤال وتنتقل للنقطة اللي بعدها.
كان حد رسم الاك تراك، أنا هنا عاوزك تقف وتسأل نفسك أسئلة شغل بالمنهج. تقول: طب، افترض كان عاوز العكس، افترض كان عاوز حديد من جبن رومي. وهكذا، هتلاقي نفسك سألت سؤال ليه علاقة بمحاضر في آخر المنهج، وسؤال ثاني ليه علاقة بمحاضر في نص المنهج. مش مهم تجاوب، يكفي أنك تستفز نفسك أنك تروح تفتح المحاضرة وتشوف الإجابة.
في اللحظة دي، في المرحلة دي، أنت هنا بتكشف المحاضرات على بعض. بتكسر الحواجز اللي ما بين المحاضرات. بتربط الخيوط ببعض. في المذاكرة الأولى والثانية، أنت كانك في غابة بالليل وما فيش غير طريق واحد منور، أنت بتمشي فيه. في المذاكرة الأولى والثانية، أنت فقط مركز على المحاضرة اللي أنت بتذاكرها، والكلام اللي مكتوب محتاج بس أنك تفهمه وتحفظه.
في المذاكرة الثالثة، أنا عاوزك تكشف الضلمة دي. عايزك تنور المنهج كله وتدخله في بعض. عايزك تربط المحاضرة الأولى بالثانية بالثالثة. عايزك تربط الأولى بالآخر، وهكذا. تفضل تسأل نفسك أسئلة تستفز بها نفسك. تشقلب المنهج. طب لو كان عاوز العكس، أمال إيه اللي بن القافل الأني؟ أمال إيه اللي فيض عندها؟ وهكذا.
مثال تاني برضه، لو أنت بتذاكر فيزياء، وجالك سؤال عن قاعدة فيلمنج لليد اليسرى، هنا ما تقفش. قول: طب، افترض كان عاوز قاعدة فيلمنج لليد اليمنى. طب، هل في قواعد ثانية ليها علاقة بالايد؟ يعني شبه ومترابطة؟ وهكذا. تفضل، إيه تستفز نفسك.
هتلاقي منظورك وإدراكك بيوسع. مثلاً، أنت برضه بتحل سؤال عن ديابيتس تايب 2، ونفترض سيناريو السؤال كان من ضمن الاختيارات الأنسولين، وكانت هو الإجابة الغلط. ما تمرش مرور الكرام. أنت هنا بقى في المرحلة الثالثة. أنت عايزك تقف وتقول لنفسك: طب، ثانية، هو الأنسولين هنا غلط؟ طب، إمتى قد الأنسولين في تايب تو؟ في إنديكيشن للأنسولين في تايب تو؟ سؤال مهم جداً.
حتى لو ما جاوبتش، أنك تعمل تريجر لمخك كده، أنك يعني تستفزه وتروح تشوف الإجابة. ده هيثبت المعلومة أكتر. كل لما استفزيت نفسك أنك تربط المعلومات ببعض، كل لما المعلومة اتحفرت في مخك. كل لما الفهم بقى راسخ، كل لما تبقى شاطر في أي مادة بتذاكرها.
يعني لو جابوا لك علم سفلي من تحت الأرض أول مرة تسمع عنه، وذاكرته ثلاث مرات بالأسلوب ده، أرهنك هتقدر تدخل أي نقاش وتتحدى أي حد فيه. طبعاً، ده لو أنت مش هتذاكر المحاضرة غير ثلاث مرات بس. ولكن في ناس هتذاكر مرة رابعة ومرة خامسة. في ناس هتحل أسئلة، وفي ناس شغالة بتعمل أنكي كل يوم، حاجة على جنب كده سايد واي.
فكل لما زودت مع نفسك أكتر وأكتر، كل لما قويت نفسك أكتر وأكتر. هتلاحظ حاجة في أسلوب الرن سيستم ده. رقم واحد، أننا مش بنعمل إعادة قراءة. رقم اثنين، أننا بنعمل استدعاء نشط. رقم ثلاثة، وقت المذاكرة الأولى عن الثانية عن الثالثة يعتبر تكرار متباعد. رقم أربعة، أخدنا نوتس وفهمنا الكلام من خلال المذاكرة الأولى.
خمسة، حاولنا نشرح بطريقة الفاي منن تكنيك في المذاكرة الثانية والثالثة. ستة، أننا حاولنا نربط المنهج ببعض من خلال أسلوب الأسئلة المقارنة في المذاكرة الثالثة. سبعة، ودي الأهم، أننا يعتبر تجنبنا كل أخطاء المذاكرة وطبقنا كل أساليب المذاكرة السليمة اللي عملنا عن كل واحدة فيهم فيديو واثنين في القناة.
فده يعتبر فيديو عملي واقعي فعال وشامل لكل اللي اتكلمت عنه في القناة. مش عاوز أصدمك من قوة مستواك بعد كل مادة هتخلص بالأسلوب ده. حرفياً هتحس أنك مهكر أي حاجة تقع قدامك تذاكرها. علوم، رياضة، بطنه، جراحة، أي حاجة بتعرف تذاكرها.
برضه عاوز ألفت انتباهك لحاجة. كلنا تقريباً بنذاكر المحاضرة ثلاث مرات على الأقل. يعني في أول السنة، وعند الميد، وعند الفاينال. وبتوع ثانوية عامة يمكن بيذاكروا أكثر من كده بكتير، بحكم أنها سنة متواصلة وبمتحن آخر السنة بس. ولكن الفكرة مش في عدد مرات المذاكرة، الفكرة في أسلوب كل مذاكرة، وأنك تفهم المطلوب من كل مرحلة من الثلاثة.
لازم تفهم أن أول مذاكرة ما تنتظر منها أي حاجة. زي ما قريت المحاضرة، زي كانك ما قريتها ولا فاكر فيها ولا أي كلمة. ما تزعلش، ده طبيعي جداً. افتكر أن أول مرة هي تحضير وتوفير للوقت للمرات اللي جاية. وكذلك تفهم أن المذاكرة الثانية هي تعتبر جمع الحصاد. فمش هنقرا ونفهم من ثاني، ولكن هيبقى الهدف الأساسي هو الحفظ.
وفي المرة الثالثة، هنعيد نفس اللي عملناه في المرة الثانية، ولكن المرة دي هنزود عليها تربية الخيوط، لأننا هنكون ساعتها أخدنا كل المنهج. فحاول تستفز نفسك وتسأل أسئلة شبه بعض وعكس بعض، وقارن وجمع، وست في أوراقك. وادعي لي.
بس كده يا معلم. لو استفدت، ما تنساش اللايك والشير والسبسكرايب عشان يوصلك كل جديد. وكالعاده، ما تنساش أن المفروض تو كيب learning. سلام.