Transcription
صباح الفل. ازيكم؟ معايا أخبار قوية. قوتها في إيه؟ قوتها إنها مش هتسمعها في نشرات الأخبار. قوتها إنها نازلة في الإعلام الإسرائيلي وأخبار متسارعة بشكل كبير قوي. ما أعرفش إمتى هتسمعها في نشرات الأخبار، ما عنديش علم بالموضوع ده. بس اللي أنا أعرفه إن الأخبار فيها نوع من أنواع الخطورة بشكل كبير جداً. وحضرتك لازم تعرفه.
ثانية واحدة. طيب نبتدي منين؟ نبتدي من الخبر الأبرز بالنسبة لنا. يعني خبر صعب. حبيبتي إيه اللي حصل؟ دي. طيب أتمنى الناس بتاعة الفيسبوك تكون بتسمعني كويس. أتمنى كده يعني.
طيب إيه اللي حصل؟ وإيه الجديد؟ وإيه التطور الخطير؟ بص يا سيدي. دلوقتي موقع إسرائيلي اسمه "نادزيف"، موقع نزيف ده موقع استخباراتي إسرائيلي. طلع يقول لك إيه بقى؟ طلع يقول لك: "على فكرة في طيارات هليكوبتر إسرائيلية طلعت من صحراء النقب في إسرائيل نزلت في صحراء كربلاء". ماشي. ونزلت كمان في المناطق اللي بيسيطر عليها الأكراد. يعني.
طيب إيه المشكلة؟ يعني المشكلة إن العراقيين اكتشفوا إن حدودهم اخترقت طيارة هليكوبتر. يعني طيارات هليكوبتر مش طيارات قتالية مثلاً ستيلث ولا حاجة. طيارات هليكوبتر. يعني. ف الحقيقة العراقيين حبوا إنهم يطلعوا دورية يعني تستكشف إيه اللي بيحصل بالظبط. الدورية اتضربت. فالموقع بيقول لك إيه؟ بيقول لك: "خلي بالك ده مش مظبوط". ليه؟ "أهو مش مظبوط ده مش مظبوط عشان ده التيك توك هون". مش مظبوط يا عمنا. مش مهم.
معلش يا جدعان. فالموقع بيقول لك: "خلي بالك ده يعني دول قوات خاصة اسمهم إسرائيليين جايين إنهم يدعموا الأكراد قبل ما يقوموا بعمليات قتالية داخل". وده تطور مهم جداً. لأن إحنا هنا بنتكلم على استعداد لعملية برية. والأمر ده بالنسبة لي مهم جداً. ليه؟ لأن الخبر ده ما نزلش على ولا ثلاث أنباء. هو نازل في موقع استخباراتي إسرائيلي بيقول لك إن في إعداد لعملية برية هتتم في إيران.
طيب هل تتوقع إن خلال الساعات القادمة يعني هنلاقي إن في قوات برية داخلة إيران؟ لا.
معيش ثانية واحدة عشان الناس بتاعة الفيسبوك ما كانوش سامعين كويس. كده ظبط. أتمنى يعني.
أنا لا أتوقع عملية برية تحصل في إيران خلال الكام ساعة القادمة. أنا ما أتوقعش كمان خلال الأيام القادمة. أنا أتوقع لما الحرب تهدى أو يتم ضرب أصول كبيرة جداً. إن أنت عشان تدخل قوات برية أنت محتاج محتاج كم تأمين غير طبيعي. ومحتاج إن أنت تضمن إن ما يقعش أي ضحايا. يعني خلي بالك. اللي وقع ضحية واحدة إسرائيلية أو وقع ضحية أمريكية. إحنا قدام كارثة بالنسبة لأمريكا وإسرائيل. وأمريكا وإسرائيل صعب إنهم يتقبلوا الأمر ده. خاصة إن ترامب لسه معزي في ست جنود. كان في قاعدة أمريكية ولسه معزي فيهم. فالأمر صعب جداً يعني إن هو يتأثر له حد أو يتقدل له حد. فالعملية دي هتحصل. ماشي. العملية البرية وهتحصل. بس في الميعاد المناسب.
طيب العملية البرية هدفها إيه؟ يعني هم داخلين يقلبوا النظام؟ بص. العملية البرية هدفها إنهم يستعيدوا اليورانيوم المخصب أو يدمروا. داخل المواقع النووية. مين اللي قال كده؟ موقع "إكسس". ماشي. وأنا كنت عملت حلقة هتنزل يعني هتكلم فيها باستفاضة. إيه اللي حصل بالظبط. لأن مش أنا مش جايب موقع "إكسس" بس. لأن في ناس كتيرة بتنقل منه. أنا جايب من أكتر من موقع. عشان بس تبقى معلومات مختلفة حبتين. فهم داخلين إنهم يستعيدوا اليورانيوم المخصب. حلو.
خبر تاني ما نزلش في ولا أنباء. مهم جداً. هو عن مستشار الأمن القومي الأمريكي جون بولتون. اللي هو مستشار دونالد ترامب السابق. في ولايته الأولى يعني. بيسألوه بيقولوا له: "أنت شايف يعني إن مجتبى خامنئي اللي هو ابن خامنئي ده تفتكر يعني هو هيجي مكان خامنئي؟" قال لهم: "يا ريت". قالوا له: "نعم؟" قال لهم: "يا ريت يجي". يعني ابن خامنئي ده اللي هو مجتبى ده هو فعلاً يجي من القصف ويعني ما زال على قيد الحياة. والراجل ده هيجي يبقى رئيس أو مرشد جديد. ده حاجة إحنا كلنا نتمناها. فقالوا له: "ليه بقى إن شاء الله؟" قال لهم: "والله لأن خلي بالك مجتبى ده أبوه نفسه اللي هو المرشد ما حبش إنه يعينه". ماشي. فده هيجي يتعين يبقى المرشد الجديد. أنت هنا بتتكلم على كارثة وسط أنصار المرشد أو في القيادة الإيرانية. ولو الانقلاب بعيد هيبقى ريب. وتوقع إن الأمر يخرج بره السيطرة في إيران. ووصول مجتبى ده إن هو يبقى مرشد هيبقى على فكرة أمر سهل مش صعب. لأن القيادة أو مجلس الفقهاء أو المستشارين ده إسرائيل اختلته كله. ماشي. فقال لك: "والله لو جه مجتبى ده حاجة يبقى عظيمة جداً وهنحقق اللي إحنا عاوزينه". يعني. فده أمر مهم.
طيب خبر تاني يهمك جداً. طلعت برضه نفس الموقع "نزيف". طلع يقول إيه؟ يقول لك: "خلي بالك إن القادة الإيرانيين ابتدوا يستخبوا في المستشفيات". ماشي. طب يستخبوا في المستشفيات ليه؟ قال لك والله أصل وفقاً لـ يعني بوستات نازلة على لينكد إن. في دكاترة إيرانيين بينزلوا بوستات على لينكد إن. إنهم بيقولوا إنهم ابتدوا يخلوا مستشفى كبيرة في إيران. أنا بس ناسي الاسم بتاع المستشفى. اسمها غريب قوي. هجيب لك الاسم. اسمها غريب قوي. "بافانجيهاد". اسمها بافانجيهاد. المهم يعني بيخلوا المستشفى دي. والدكاترة ابتدوا يتكلموا إن الحرس الثوري الإيراني بيخش معاه قادة داخل مستشفيات عشان يقعدوا فيها. طبعاً الكلام ده كلام مستفز جداً وتمهيد لعملية كبيرة. يعني إيه؟ يعني خلي بالك إحنا هنا مش بنتكلم على إن القادة الإيرانيين فعلاً متخبيين في المستشفيات. إحنا بنتكلم إن إسرائيل هتستهدف المستشفيات نفسها. ماشي. وبنتكلم هنا إن إسرائيل هتبتدي تقوم بعمليات عسكرية لضرب البنية التحتية الخاصة بالمستشفيات.
طيب إيه المشكلة في كده؟ بتتكلم إن ده إجرام. يعني خلي بالك إسرائيل هتمارس هوايتها بقى. ده إنها تدبح في الإيرانيين. بيقول لك عاوزين يكشفوا مستشفيات. فهو تسريب الخبر ده عشان بوست نزل على لينكد إن. فقال لك والله لازم نكشف المستشفيات ولازم نقتل القادة الإيرانيين اللي أسفل المستشفيات. وعلى فكرة هو تفسير إسرائيلي. قال لك والله أصل حماس كانت بتعمل الخنادق بتاعتها أسفل المستشفيات. فده التوصية بتاعة إيران. فإحنا لازم نضرب المستشفيات من هنا ورايح. فتصعيد في منتهى الخطورة. وتصعيد مؤلم خلال الساعات القادمة. في ظل صوتي بيقطع. أتمنى إن الصوت يكون كويس. أنا ما أعرفش أنا بتكلم على صوتي كان في الفيسبوك بس أنا ظبطته. هالو. ابتديت إني أظبط الدنيا يعني.
طيب خليني أخش معاك في الخبر اللي بعد كده. وهو متهيأ لي خبر هيهمك جداً دلوقتي. ي إسرائيل امبارح ضربت 30 خزان وقود لإيران. 30 خزان وقود. أنا عاوز أقول لك إن خزانات النفط دي امبارح كانت بتولع في مشهد أنا عمري ما شفته زي ده قبل كده. يعني. عمري ما شفت إن يعني من صدى اللهب اللي بيطلع ده والكلام ده كله. عمري ما شفته قبل كده. بس. ده اللي بيطلع.
طيب إيه الجديد؟ قال لك والله خلي بالك إن أنت إسرائيل تضرب مخازن النفط الإيرانية. ده كارثة. لأن كده إسرائيل بتضرب مصدر الرزق الوحيد لإيران. ده أول حاجة. يعني خلي بالك إيران ما عندهاش أي مصدر رزق غير إنها تهرب نفط. ما عندهاش سياحة. ما عندهاش تجارة. وهي دولة عليها عقوبات أصلاً. فالنفط هو المورد الأساسي. فهم بيضربوا المد الأساسي لإيران. تاني حاجة. واللي أنت لازم تاخد بالك منه. إن الأمر هنا متوقف على إن إسرائيل بتحرم القيادة الجديدة الإيرانية اللي ترامب عاوز يجيبها من موارد اقتصادية تعرف تحكم بيها ببلاد. تاخد بالك من الكارثة. فكوارث كوارث كوارث. والأمر يعني صعب.
حاجة تالتة. ده توسيع للبنية التحتية اللي إسرائيل عمالة تضربها. يعني أنا قلت لك الأول عاوزين يضربوا مستشفى. دلوقتي عاوزين يضربوا أو مخازن الوقود أو النفط. وبيتوسعوا بقى. وخلي بالك ده جه بعد ما ضربوا مقار الحكومة كلها وضربوا مطارات. يعني دلوقتي إسرائيل دلوقتي وأنا بكلمك دلوقتي بتضرب مطار أصفهان. فالتوسعات دي كلها تقول لك إن الأمور خرجت بره السيطرة بشكل كبير جداً. وإن إسرائيل ابتدت ترتكب مجازر. بس عشان تنجز المهمة. إحنا في اليوم الثامن. إحنا في الأسبوع الثاني. ولازم إن الحرب تتحسم بأي شكل. هيرتكبوا مجازر. لازم إنهم يقضوا على إيران بشكل أو بآخر. الحمد لله. فده أمر غاية.
القصة في إيه بقى؟ القصة إن إسرائيل لما ضربت مصافي النفط دي أو خزانات الوقود دي. إيران ردت على إسرائيل في حيفا. حيفا برضه فيها خزانات وقود. ماشي. فاتضربت. ما فيش غير صاروخ واحد تقريباً هو اللي نزل. الباقي تم اعتراضه. لأن إسرائيل كانت جاهزة. إسرائيل عارفة إن إيران هترد في حيفا. يعني إسرائيل كانت جاهزة. ماشي. بس إيران ما طالتش حيفا كلها. طالت إيه؟ ضربت الكويت. يا باشا. ونازلين ضربة على الكويت بشكل غير طبيعي. أنا أول مرة أشوف كم الضربات على الكويت بالشكل ده. يعني ضربوا مطار الكويت. ضربات كبيرة جداً. واستهدفوا في خزانات الوقود في مطار الكويت.
طيب هتيجي تقول لي إيه المشكلة يعني؟ يضربوا الكويت؟ حاجة. أقول لحضرتك. أنت لو بصيت على الخريطة بتاعة المضيق. هرمز مثلاً. الكويت ما عندهاش طرق بديلة زي مثلا الإمارات. يعني الإمارات مثلاً بتطلع من ميناء الفجيرة. الوقود بتاعها. ميناء الفجيرة ده بعد مضيق هرمز. فهم مش محتاجين يطلعوا عند مضيق هرمز. ده بعد مضيق هرمز. ماشي. فبيعرفوا يلتفوا. السعودية حولت النفط بتاعها لميناء ينبع الناحية التانية البحر الأحمر. وبيطلع البحر الأحمر. الكويت ما عندهاش. فهم ضربوا خزانات وقود. ضربوا الكويت. والكويت على فكرة من امبارح بيتم مهاجمتها بشراسة. على فكرة كل يوم بيطلع تحديث جديد. فكده كده الإمارات المرتبة الأولى في الهجمات. يعني الإمارات. عاوز أقول لك إن المسيرات الإيرانية بتضرب مش أهداف مدنية. دي بتضرب سوبر ماركت. أنا شفت مسيرة إيرانية ضربت سوبر ماركت في الإمارات. ماشي. فهم بيضربوا. بس الدولة الثانية بعد الإمارات إيه؟ الأول كانت قطر. بعد كده كانت البحرين. بس دلوقتي بقت الكويت. الكويت تاني دولة الإمارات بتضربها.
طيب هو مش الكلام ده صعب شوية؟ لأن خلي بالك رئيس إيران امبارح طلع قال لك: "إحنا آسفين ومش هنستهدف الدول دي. دول الجوار ومش هنيجي ناحيتها". والكلام ده كله. الحقيقة هو قال كده. ماشي. بس خد بالك إن وزير الخارجية الإيراني قال لك: "والله رئيس إيران ده طلع قال الكلمتين دول ودونالد ترامب إنهى المبادرة دي". يعني ترامب هو اللي أنهى. فورا. ده وزير خارجية إيران. ما معناه إن إيران هتكمل ضرب دول الجوار. وما معناه إن والله قطر اللي بتفتح المطار بتاعها ده هتقفله. الإمارات اللي فتحت المطار بتاعها هتقفله. وهيظل عمان والسعودية فقط هم اللي فاتحين الأجواء بتاعتهم. في ظل إن والله السعودية زي ما قلت لك امبارح قلت لك إنها بتهدد يعني إيران وبتقول إن السعودية مش هتفضل واقفة كده يعني مكتوفة الأيدي وهي بتضرب. وإن السعودية أرسلت لإيران عن طريق القنوات الدبلوماسية. وقلت لك إن السعودية وفقاً لصحيفة "معاريف" فتحت قنوات دبلوماسية مكثفة مع الجانب الإيراني. قالت لهم إن خلي بالك إحنا مش هنقعد ساكتين وهنرد. ماشي. فلو السعودية دخلت الحرب. خليك الأجواء بتاعته كلها تقفل. على فكرة حتى المجال الجوي بتاعه. عمان. هو في الآخر بيعتمد إن في برضه مجال جوي تاني هو اللي بيستوعب. مجال السعودية أكبر بكتير من مجال عمان. فلو تم قفل مجال الجو السعودي تبقى كارثة. ماشي. بس أنا على قناعة إن هي مسألة وقت والسعودية تخش. ما أعرفش. أنا على قناعة بكده. أو الخليج كله هيخش.
طيب بيقولوا إن يعني مضيق هرمز اتقفل. والكويت اتضربت. وأنت قدام مشكلة نفطية كبيرة جداً. صح؟ أنت ليه مش حاسس بأسعار النفط بترتفع؟ نسمع النهارده 93 والكلام ده كله. مش سامعين ليه؟ أسعار النفط بترتفع. قال لك رسالة بسيطة. السوق هيفتح بكرة. السوق يفتح يوم الاثنين. شوف يا بس أسعار النفط دي هتوصل كام. أسعار النفط دي هتحلق في السما. ماشي. وهتبقى الموضوع هيبقى كارثي بشكل كبير جداً على أسعار النفط. خد بالك إن أسعار النفط دي هتبقى يبقى كارثة على أمريكا. بس ترامب مش هيتراجع عشان أسعار النفط بالمناسبة. بس أنا بقول لك يعني الجالون مثلاً هنا وصل أربعة وبيكسر الأربعة. وفي في بعض الولايات كسر خمسة. على حسب رويتريس. ده مش كلام.
فهل فعلاً الأمر ده يكمل؟ والله وفقاً لـ جي بي مورجان كان بيتكلم إن والله لو مضيق هرمز فضل مقفول. أنت ممكن تسمع الـ 140 دولار الأسبوع القادم. الأسبوع القادم مش الأسبوع ده. الأسبوع الجاي تسمع 140 دولار. مع ضرب الكويت. ومع ضرب الإمارات. خلي بالك الإمارات برضه قللت الإنتاج بتاعها. فده أمر مهم جداً.
أنا واقف قدام سؤال اتسأل لخبير سياسي بيقولوا له يعني اسمه آدم توزي. اسمه غريب قوي. بس يعني بيسألوه بيقولوا له: "هي الصين فين؟ يعني إحنا مش شايفين الصين داخلة في الحرب؟" وبعدين ده إيران بتصدر تقريباً 80% من النفط بتاعها للصين. والصين سايباها يعني. إيه؟ يعني سايباها تضرب لوحدها وبتاع. إحنا مش شايفين لها قومة يعني. قال لها: "بصي. هي الصين مش بتفكر زينا بشكل انفعالي. وإن دي الصين مش كده خالص". ماشي. الصين عندها معركتها الكبرى. وهي بتحب تلعب كول. بتحب تلعب على الهادي. الحرب دي الصين ما اختارتش معادها. والصين ما اختارتش يعني الطريقة اللي بتضار بيها. خلاص. بس في الأول والآخر توقعي إن الوقت لما يعدي. الصين ممكن تبتدي تساعد بشكل أو بآخر. بس لازم تعرفي إن الجيش الصيني بيستعد لمعركة تايوان. مش هيتجرأ لأي حروب خارجية. حتى لو إيران. ماشي. مش هيتجرأ لأي حروب خارجية. وقال لك والله طول ما الاقتصاد الصيني قادر إنه يستوعب الضربات على إيران وتبعات الضربات على إيران. لأن ما فيش نفط رايح لآسيا والكلام ده كله. الاقتصاد الصيني هيفضل بعيد. وما تنساش إن الحرب دي داخل فيها دول الخليج. فالعلاقات الصينية الخليجية تؤثر على قرارات الصين بشكل كبير جداً. الصين مش عاوزة تظهر في مظهر إنها بتدعم إيران ضد دول الخليج. بعد ما إيران بتضرب الخليج بشكل كبير. وقال لها خلي بالك حجم التبادل التجاري بين الصين والدول الخليجية تخطى ترليون دولار. أكيد الصين مش هتتجرأ في حرب تدعم إيران وتخسر ترليون دولار مع الجانب الخليجي. ماشي. وقال لك إن الصين هتلعب بس واحدة واحدة. ماشي. هتلاقيها أنت تظهر في المشهد كده. بس على الهادي. واحدة واحدة. وهم مش مستعجلين. ماشي. القصة كلها إن الاقتصاد الصيني هو اللي هيحكم قراراتهم بشكل أو بآخر. والموضوع مش سهل على الصين إنها تخش حرب زي كده. ماشي.
فده أمر غاية في الأهمية. طيب الأمر الثاني. واللي أنا واقف عنده بشكل كبير. هو إن والله طلع موقع "إكسس" قال لك: "خد بالك يا باشا بقى في نقطة في منتهى الخطورة". إيه؟ كان في جلسة بتاعة "جانج أوف إيد". أنا زهقت من كتر ما يعني بقعد أشرح "جانج أوف إيد". "جانج أوف إيد" ده بيجيبوا أكتر ثمانية نواب رئيس الأغلبية ورئيس الأقلية. رئيس لجنة الاستخبارات. ورئيس ورئيس اللجنة العسكرية في الكونجرس. والسند. يعني مجلس النواب ومجلس الشيوخ. وبيطلعوهم على معلومات استخباراتية. يعني. فبيقولوا لوزير الخارجية الأمريكي: "إنتوا هتعملوا إيه في اليورانيوم الخاص بإيران أبو 60% ده؟ هتعملوا فيه إيه؟" فرد عليه وزير الخارجية الأمريكي مارك بومبيو. وقال له: "الظاهر إن في حد لازم يروح يجيبه تاني". هو رد عليه رد مقتضب يعني. قال له: "الظاهر إن في حد لازم يروح". مين بقى هيروح يجيبه؟ الصهاينة؟ الأمريكان؟ الأكراد؟ ولا مين بالظبط؟ ده سؤال ما زالت إيران بتحاول تجاوب عليه بشكل كبير جداً.
طيب دونالد ترامب كان في مؤتمر صحفي بيمضي على أصل ترامب. امبارح جمع كل القادة بتوع أمريكا الجنوبية. وقعوا قدامه وثيقة إنهم يحاربوا الجريمة والعصابات. ماشي.
طيب عندي ليك خبر كبير نازل دلوقتي. وزير الطاقة القطري بيتوقع إن كل الدول الخليجية هتوقف تصدير النفط والغاز. وإن سعر الدولار هيوصل 150. أسف سعر برميل النفط هيوصل لـ 150 دولار للبرميل. ماشي. ده مش خبير. ده وزير الطاقة القطري هو اللي صرح كده. ماشي. فده مهم يعني. فدونالد ترامب. يعني بيقولوا له يعني إنت إيه رأيك في إيران؟ قال لهم: "والله بص حالياً إيران إحنا قاطعين عنها كل الاتصالات. يعني إيران ما عندهاش نظم الاتصالات. وقطعنا عنها باللاسلكي خلاص. والأمر ده هيخلينا نشوف إن إيران هتلجأ لاتصالات جديدة أو نظم اتصالات جديدة. وإحنا جاهزين". حلو. الأمر ده يقول لك إيه؟ يقول لك إن والله الرئيس الإيراني امبارح لما طلع وقال لك والله ما فيش هجمات على الدول الخليجية. إيران اتضربت. ده يوريك إن في انقسام للقيادة. وإن القيادة في إيران مش على اتصال زي ما أنت متخيل. يعني. فدونالد ترامب بيقول لك إنهم إيه. يعني. قطعوا الاتصالات في إيران. والأمر مهم جداً.
طيب خليني أقول لك حاجة. إيران امبارح ضربت بمسيرة برج مارينا في دبي. ماشي.
طيب حاجة تانية. اندلاع حريق هائل في مبنى الضمان الاجتماعي في الكويت. ده حالياً بالظبط. الخبر ده نازل من ثلاث ساعات. اندلاع حريق هائل مبنى الضمان الاجتماعي في الكويت. ده مبنى كبير جداً وضخم يعني شاسع يعني. فده أمر ها. أنا بس عاوز أجيب لك أخبار تبقى مختلفة عشان بس إيه نبقى ماشيين مع بعض.
طيب حاجة مهمة جداً. موقع "نزيف". وده برضه موقع استخباراتي. أحب أكد. موقع "نزيف" بيقول لك: "على فكرة إسرائيل. المخابرات الإسرائيلية فعلاً توقعوا إن يعني أو هم شايفين إن معدل الهجمات ابتدت تقل بتاعة إيران الصاروخية والمسيرات ابتدت تقل شوية. بس هم بيكشفوا عن مفاجأة بقى. بيقول لك هي بتقل. بس هي إيران ابتدت تدخل أسلحة أحدث. يعني كصواريخ ابتدت تضرب خرم خرمة شهر أربعة ده. وابتدوا إنهم يستخدموا مسيرات جيران اثنين بدل ما بيضربوا الشاهد 136. فابتدوا إنهم يدخلوا أسلحة أحدث. هي إشارة يا إما إشارة خطيرة إن إيران ابتدت تلجأ للمخزون الأحدث عندها عشان تسبب ضربات أكبر. خاصة بعد ما تم ضرب الرادارات الأمريكية. سواء الرادار اللي هو بمليار ده اللي هو في قاعدة بتاعة البحرين. أو تم ضرب الرادارات بتاعة "فهد" اللي هي في قاعدة "الموافق السلطي". وأحدث فجوات في الدفاعات الجوية في الإمارات. إنهم ضربوا منظومة تهد في الإمارات. وضربوا منظومة تهد في حتة تانية في إيران. دلوقتي خلاص بتتجه للدقة. أو إن والله عندهم هم مشكلة في نفاذ مخزونات الصواريخ عندهم. وابتدوا يلجأوا للأسلحة اللي هم ما كانوش عاوزين يستخدموها في بداية الحرب. اللي هي الأسلحة الأحدث. فالموقع اللي هو "نزيف" بيتوقع إن دي إشارة خطيرة على النظام الإيراني. بس خطيرة على جيرانه. يعني الضربات بعد كده مش هتبقى هينة. والضربات هتبقى مكلفة جداً بالنسبة لإسرائيل وبالنسبة للعرب.
أنا بس عاوز أقف معاك لنقطة مهمة جداً. وأنت كلنا مش واخدين بالنا منها. إيه هي؟ إن الحرب دي ما فيهاش خروج. ماشي. يعني لو خدت بالك الطرفين بيقاتلوا للنهاية. وإحنا في الأسبوع الثاني. وما فيش أي إشارة إن الحرب دي هتنتهي قريباً. العكس. كل الإشارات بتقول لك إن الحرب دي هتكمل لأسابيع قدام. مش دلوقتي خالص. مش تنتهي دلوقتي خالص. وكل اللي أنت بتسمعه من توترات أو تطورات في الحرب دي. لازم تعرف إنها بداية لفصل جديد في الحرب. إنما مش نهاية. أو إحنا وصلنا لمرحلة نقدر نقول فيها إحنا انتصرنا. لأن لو خدت بالك يعني دونالد ترامب امبارح بعد ما رئيس إيران طلع اعتذر لدول الخليج. طلع قال لك إيه؟ قال لك: "أيوه ده انتصار. وإيران اعتذرت لدول الخليج". والكلام ده كله. صح؟ فقامت إيران ضربت الدول الخليجية. ماشي.
ده في حاجتين. أولاً إيران شعرت بمدى أهمية الموضوع ده. إن الخليج مهم جداً لأمريكا. وإن فعلاً الموضوع بتاع ضرب الدول الخليجية ده كان عامل مشكلة لأمريكا. فاول ما شاف التعليق ترامب كانت راجعة ضربة. الأمر الثاني إن ترامب بيتشبث بأي حاجة. يعني ترامب عاوز أي نصر يرجع لسوق. ما فيش نصر دلوقتي. لحد دلوقتي أمريكا بتضرب. والمشكلة ما بقتش مشكلة إقليمية. وما بقتش مشكلة الخليج. بقت مشكلة عالمية. أنا عاوز أقول لك إن امبارح تم انفجار في لاوس. لا. أسف في أوسلو بتاع النرويج. ماشي. تم ضرب السفارة الأمريكية في أوسلو. الحرب ما بقتش حرب إقليمية. بقت حرب عالمية. ف أمر ده. ده أمر أنا شايفه أمر خطير.
طيب خليني أقول لك أخبار عاجلة عشان تبقى. طيب. عاجل. وده بالنسبة لي خبر يعني أنا شايفه أخطر ما يمكن. البحرين بتقول لك إن ضربة إيران ألحقت أضرار بمحطة تحلية المياه الأساسية. مما يشكل مرحلة جديدة في الصراعات تستهدف البنية التحتية للمياه. يعني إيران ابتدت تضرب محطات معالجة المياه في الخليج. خلي بالك. الخليج ما عندوش أنهار. الخليج 100% بيعتمد على محطات تحلية المياه. معنى كده إيه؟ معنى كده إن ده رد. وخليني أكملك. يعني هو الراجل بيقول لك: "تعتمد دول الخليج بشكل كبير على تحلية المياه. قطر تقريباً بتعتمد على 100%. الكويت بيعتمدوا على 90%. عمان تعتمد على 86%. المملكة العربية السعودية بتعتمد على 70% من تحلية المياه". الراجل اللي في قطر بيقول. أو مسؤول. المسؤول البحريني بيقول لك يعني هو القانون إن دي ممكن تكون افتتاحية. يعني ده يبقى سلوك جديد لإيران. بدل ما بتستهدف المصافي النفط. المطارات. الأبراج. السوبر ماركت. يبتدوا يضربوا محطات تحلية المياه. ويا ريتهم بيضربوا محطات تحلية المياه في إسرائيل. بس لا. هم بيضربوا تحلية المياه في الخليج. الخليج لو أصبح بدون مياه. يعني أنا مش قادر أعرف أو أستوعب. الخليج هيطلع بعد الحرب دي. يقدر يلم جراحه إزاي؟ أو خسائره إزاي؟ هياخد وقت قد إيه؟ فاهمني؟ خسائر كبيرة جداً.
طيب هي ليه إيران بتعمل كده؟ لأن أمريكا وإسرائيل بيضربوا لهم محطات تحلية مياه. أمريكا ضربت امبارح مح. إسرائيل هي اللي ضربت محطة تحلية مياه في في إيران. في بدل ما ترد على إسرائيل بترد على الخليج. خلاص. هم شافوا إن الخليج أقرب وأكثر قرباً من إسرائيل. وال ما فيش مسافة. فكل شوية يضربوا صاروخ. بيرشق. هم شايفينه كده. فده أمر مهم. وده تطور خطير جداً. وزي ما بقول لك كده يعني قطر 100% تعتمد على مياه تحلية المياه. لو محطات تحلية المياه دي وقفت. خلاص. خلي بالك الضربات دي هتؤدي لتوقف عملية تحلية المياه. مش هينفع المحطات تكمل. ده غاية في الأهمية.
طيب حزب الحياة الحرة الكردستاني. البي جي إيه كي. اللي أنا أعرفه البي كي. اللي هو حزب العمال الكردستاني. ده. إنما أنا أول مرة أعرف إن في حزب اسمه حزب الحياة الحرة الكردستاني. بيقول لك إيه؟ بيقول لك إنه بينشر فيديو لعناصر ليه داخل إيران. وهم بيستكشفوا المنطقة. يعني الأكراد بيستكشفوا المنطقة قبل العملية البرية.
طيب عاجل. لثاني مرة إسرائيل بتضرب خزانات وقود في إيران. وبطبيعة الحال لازم تعرف إن إيران هترد في الخليج. مش هترد على إسرائيل. بيقولوا إن الدخان جامد جداً. على فكرة أنا بقرا لك من صحيفة اسمها "تايم أوف إسرائيل". بيقول إن الدخان كثيف جداً فوق طهران. وإنهم يعني بيحجب حتى الرؤية فوق سماء طهران. وإن الوضع صعب نتيجة ضرب مصافي النفط. وقال لك على فكرة نتنياهو طلع قال إن الحرية قادمة للإيرانيين. نتنياهو بيقول للإيرانيين: "الحرية قادمة يا جماعة. استنوني أنا جاي". ماشي. طبعاً الحرية دي ما تعرفش هي جاية لأنهي فئة في إيران. والحرية تفسيرها إيه بالنسبة لنتنياهو. ممكن يكون تفسيرها مختلف عن الإيرانيين. بس هو بيبشر الإيرانيين: "الحرية قادمة". ده بيقول نتنياهو. وما تعرفش نتنياهو بيبشر الإيرانيين بالحرية إزاي وهو بيضرب لهم مصدر الرزق الوحيد اللي عندهم. بس هو بيبشرهم بالحرية. يعني عشان يبقوا.
طيب. عاجل وأمر مهم جداً. الإعلان عن مقتل رائد بالجيش الأمريكي. ماشي. اسمه سورفلي ديفوس. سورفلي ديفوس. وده كان من ولاية نيويورك. وبيقول لك أفادت وسائل إعلام أمريكية إن سورف ديفوس. سورفلي ديفوس. مش سورفلي ديفوس. ضابط شرطة بنيويورك توفي متأثراً بسكتة دماغية أثناء انتشاره في الكويت لدعم العمليات العسكرية في إيران. طبعاً أنت أول ما سمعت إيه؟ ضابط شرطة. قلت إيه ده؟ ضابط شرطة في أمريكا. وأنت جايب الخبر غلط. لا. هو كان منتشر في الكويت. خلي بالك الست العسكريين الأمريكان اللي ترامب راح استقبلهم امبارح دول ماتوا في ميناء اسمه الشعيبه في الكويت. كلهم ماتوا في المينا دي. كانوا ظاهر بيعملوا عملية للإخلاء أو حاجة زي كده. نزلت عليهم مسيرة قتلت ستة. عشان كده الضربة دقيقة وعدد الجنود أكتر.
طيب أكد كم خبر عشان هو أخبار كاذبة. ما تمش ضرب يو إس جيرالد فورد بأي شكل كان. جيرالد فورد ما زالت شغالة. ما تمش ضرب حاملة طائرات يو إس أبراهام لينكولن بأي شكل. ما زالت شغالة. ما تمش قتل الرئيس الإيراني. ولا تم قتل مجتبى خامنئي لحد دلوقتي. لأن كان في موقع بيقول لك إن احتمالية قتل مجتبى خامنئي. ما تمش قتله. أو ما تمش تأكيد من قتله. ما تمش قتل نتنياهو. عشان بس الناس اللي بتشيع اللي طالعة تقول. وما تمش اختطاف جنود أمريكان. ولا وقعوا أسرى. ده برضه خبر تم نفيه. فأنا بس حابب إني أكد لك واحد. عشان أ.
أه. ده حقيقي. بص. هو في خبر نزل. أنا كنت كنت ناوي أقوله. بس أنا نسيته. في خبر نزل في سفينة بتحمل مواد كيماوية. خرجت بره الصين. ومشيت في بحر الصين الجنوبي متجهين لإيران. واشنطن بوست بتقول لك إيه؟ بتقول لك: "على فكرة السفنتين دول بيشيلوا مواد لإنتاج الوقود الخاص بالصواريخ الإيرانية". ماشي. فالصين بتلعب على الهادي. أهم.
طيب هل السفنتين دول هيكملوا طريقهم؟ تخيل أنت واشنطن بوست جابت صورهم بالأقمار الصناعية. الجيش الأمريكي شايف إيه؟ يعني هو بس مستنيين المنطقة المناسبة لضرب السفينة. أعتقد السفنتين دول. بس ما ينفعش السفنتين دول يوصلوا إيران. مسألة وقت قبل ما السفينتين دول يتم ضربهم بشكل كبير.
طيب. هبوط أسعار العقارات في دبي بشكل كبير. على فكرة يا جماعة في واحد في أمريكا. واحد في أمريكا. مصري. دول عمال أي حاجة ضد الإمارات. يطلع يتكلم فيها ويعمل فيديوهات. راجل يعني. أنا ما فهمتش. وقاعد ليه. الإمارات على الواحدة يعني.
طيب. فيديو طالع لمصافي النفط. طب. عاجل. انفجار في حي السفارات في الرياض. على فكرة ده خبر ممكن ما يكونش جديد. بس هم كاتبينه حالياً. يعني. انفجار في حي السفارات في الرياض. أعتقد ده خبر بقى له أكتر من ساعة. مش جديد ولا حاجة. بس هم كاتبينه كده. يا ريت اللي في الرياض اللي بيطلع يكذبني كل شوية. يا ريت بس هو في الرياض يطلع يأكد لنا خبر أو ينفي. مهم جداً. طبعاً هو زبي بار كان عمال يعني يشيد الأكراد.
طيب. الجيش اللبناني بيطلع تحذير لإخلاء المنطقة الواقعة جنوب نهر الليطاني في لبنان.
طيب خليني أقول لك حاجة. أنا مرة رحت لبنان. نزلت في فندق اسمه رمادا. بس فندق حلو قوي. جميل جداً. فجئت دلوقتي إن إسرائيل ضربته. يعني على فكرة كنت نازل فيه من ثمان سنين تقريباً. بس هو يعني أنا شفت الفندق ده قبل كده وعارفه كويس. فاسرائيل ضربته دلوقتي. وما أعرفش ليه ضربت. فندق. وضاربين أوضة في الفندق بشكل خاص. يعني هم استهدفوا أوضة في الفندق ده بشكل خاص. بس زعلت جداً إن الفندق ده حلو جداً في لبنان. فده أمر مهم.
طيب خليني أقول لك كده. هو خبر إن تم ضرب محطات تحلية المياه في البحرين. ده مسيطر على تقريباً كل نشاط الأخبار.
طيب. مراسل السي إن إن بيقول إن السما بتمطر نفط في طهران. يعني إيه؟ يعني الانفجار اللي حصل في في خزانات الوقود في إيران خلى الوقود ينتشر فوق. وعمال يمطر نفط في طهران. ده مراسل السي إن إن.
طيب حاجة تانية. تم مشاهدة القاذفة بي وان سبيرت في المملكة المتحدة أو بريطانيا. يعني بعد منح الرئيس الوزراء البريطاني ستالمر. الرئيس ترامب الإذن باستخدام القواعد البريطانية لشدان الضربات على إيران. وطبعاً بريطانيا فتحت القواعد بتاعتها عشان إيران تضرب. عشان بريطانيا مش بتقول إنها بتعمل كده لصالح أمريكا. هي بتقول كده دعماً للدول الصديقة بشكل متوسط. أسف الشرق الأوسط ومصدوم الخليج. يعني.
طيب هقول لك خبر هتتفاجأ منه بشكل كبير جداً. يعني. هقول لك خبر وبعدين هفجر لك المفاجأة دلوقتي. وزير الخارجية التركي قال إيه؟ اسمه هاكان فيدان. قال لك: "أبلغنا أصدقائنا الإيرانيين إذا كان هذا الصاروخ انحرف عن مساره فهذا أمر أو شأن آخر. أما إذا اتبعوا يعني إذا ضربوا تاني. أحذروا منا. لا ينبغي لأحد في إيران أن يقدم على هذا الأمر. لأنها مغامرة بأي حال من الأحوال".
طيب إيه المفاجئ بالنسبة لي؟ المفاجئ بالنسبة لي إن النهارده طلع جريدة اسمها "بوليتيكو". وأكتر من جريدة. يعني هم جايبين خبر إن والله أمريكا راحت اشترت من شركة تركية. خلاص. وبعتها لإسرائيل. ماشي. صفقة تتخطى الـ 100 مليون دولار. أمريكا راحت اشترت ذخائر من تركيا. راحت بعتها لإسرائيل. وإيه المشكلة؟ والله هي كذا حاجة. أولاً هو عشان الرئيس الأمريكي يتخطى الكونجرس. ما ياخدش موافقة بعمل الكونجرس والكلام ده كله. إن هو هيشتري أسلحة من الشركات الأمريكية. والكلام ده كله. راح خد قنابل وصواريخ من تركيا. وداها لإسرائيل. فده أمر مهم. لأن إسرائيل بتقول لك إيه؟ بتقول لك: "لما الحرب تخلص هنشوف إن تركيا هي إيران الجديدة". هم بيتعاملوا مع بعض أهو. فما كنتش مصدق الخبر. يعني فيرز موست فمور. ده مكتوبة فين؟ في بلومبرج. مش هقرأها. هقرأها.
على فكرة أنا كنت جبت مرة مقالة. كان لقاء صحفي عمله صحفي أمريكي. أنا بس مش متذكر اسمه يعني. مع ولي العهد السعودي. أول ما مسك. وعمله معاه في مدينة نيوم. خلاص. كان لقاء صحفي كده. كان عمال يتكلم ولي العهد السعودي. طموحاته. وهو بيعمل إيه. والكلام ده كله. الفيديو ده كان جاب فوق المليون وشوية. كنت مبسوط بيه جداً.
بص هقول لك أنا أمر مهم قوي دلوقتي. جون بولتون. مستشار الأمن القومي الأمريكي بتاع ترامب. طلع قال لك إيه؟ طلع قال لك: "لما الأمريكان يكشفوا إن الروس بيساعدوا إيران". يعني أنا هرد على سؤالك يا أمير أرمداني. أسف. أمرياني. يا رب أكون بط الاسم صح. فجون بولتون بيقول لك إيه؟ بيقول لك: "أنا خايف من حاجة مهمة. ده ترامب لو كلم بوتين وقال له: يا بوتين. المساعدات الاستخباراتية اللي أنت عمال تقدمها لإيران. ده الضرب شغال على ده. الإيرانيين بيضربوا رادارات وبيضربوا مواقع دقيقة بشكل دقيق. والكلام ده كله واضح جداً. ده شغل روسي يعني". فلو ترامب كلم بوتين. هيقول له: "يا باشا. أنا آسف. ما. إيه رأيك نعمل صفقة؟ نوقف بس بكام؟" نعمل صفقة. قال لك ترامب لو سمع كلمة صفقة. هيعمل صفقة مع بوتين. طب الصفقة تقول إيه؟ إن الروس ما يقدموش أي معلومات استخباراتية لإيران. مقابل إن أمريكا ما بتقدمش أي معلومات استخباراتية لأوكرانيا. صح؟ فده أمر يعني. كلمة عجبتني قوي. فقال لك بوتين هيرد صفقة على الأمريكان. إن هو يوقف مساعدة إيران. مقابل وقف دعم أوكرانيا.
طيب. عاجل. مجلس الخبراء الإيراني سيعقد اجتماع قريباً للإعلان عن اسم المرشد. ماشي.
طيب. طيران الجزيرة الكويتي بيعلن تحويل عملياته لمطار القيصومة. القيصومة في حفر الباطن بالسعودية.
البحرين تدمر 95 صاروخ و164 طيارة مسيرة منذ بدء العدوان الثلاثي.
على فكرة العاصمة طهران. يعني نهارها أسود. ماشي.
أو. الجيش الإسرائيلي. على فكرة نهارها أسود. أنا مش مش بقول عليهم. بس أنا بتكلم إن السما هناك سودا. زي ما قال مراسل سي إن إن. قال لهم السما بتمطر نفط. هو بالضبط السما في إيران عندها سحابة سوداء كبيرة جداً.
طيب. الجيش الإسرائيلي بيقول لك: "سنلاحظ كل من يعين لخلافة خامنئي". يعني لو جابوا الواد مجتبى هيقتلوه. ماشي.
طيب. الجيش الإسرائيلي بيقول لك: "إحنا استهدفنا أسطول طيارات إف 14". أنت عارف إف 14 دي؟ اللي هي "توم كات" الإيرانية. أنت عارف الطيارات الأمريكية دي؟ الإف 14 والإف 4 فانتوم والكلام ده كله. عارفين اللي جابها؟ شه إيران راح جابها من أمريكا قبل الانقلاب ما يتم عليه في 1979. فانت بتتكلم على طيارات من السبعينات عند إيران. هو المبهر. والأمريكان مش مصدقينه إن إيران عارفة تشغل الطيارات دي لحد وقت يعني.
طيب. عاجل. إعلام إيراني يؤكد اختيار المرشد الجديد من دون الإعلان عن اسمه. فاكر أنت أنا جبت مقالة كانت فارق بزي. كانت بتقول إن إيران مش هتعلن اسم المرشد الجديد. لأن بطبيعة الحال هي عارفة إن السعودية هتختار. فهيكون في مرشد هيحكم إيران. هيكون الكل بيطيعه. بس مش هيتم الإعلان عنه. وده على فكرة حاجة هتكون ضعف للمرشد الجديد. يعني هو هيكون سوري فقط موجود كمرشد. بس قدام الناس ما تعرفوش هيطيعوه إزاي أو يسمعوا كلامه إزاي. فقال لك ده هتبقى إيه؟ يعني حتة كده. يعني حركة. فهو بس عشان إيران تعلن عندها قيادة جديدة. بدل ما هي بدون قيادة أو قيادة متخبية. هيطلع يقول لك ده في مرشد. بس إحنا مش هنقول لك هو مين.
طيب. كبير محللي الأسواق المالية في إف إكس برو. ميشيل صليبي. دي على فكرة أعرف الراجل ده. مش سوري. "البيانات التي تتحدث لمرة واحدة خصوصاً في الولايات المتحدة لا تعكس الإيجابية في ظل الظروف الراهنة. برنت سيتعدى مستوى 120 دولار إذا لم يتخذ إذا لم يتدخل ترامب. وقوة الدولار ستزداد مع ضغوط مؤشرات التضخم على أوراق السندات". يعني.
طيب هقول لك. تراجع مخاطر الحرب لن يؤثر على أسعار الذهب. لأن أسباب الارتفاع ما زالت موجودة. يعني الذهب مش هينزل. حتى لو الحرب خلصت. الذهب مش هينزل. مستويات الذهب بين 4500 لحد 5000 دولار للأونصة. ستكون فرصة ممتازة للشراء. يعني هو الراجل بيتوقع إن ده ممكن يوصل لـ 6000 مثلاً أو 5500. عاجل. الدولار 52 جنيه. الدولار قصاد الجنيه المصري 52 جنيه. ماشي. الدولار وصل 52 جنيه في مصر. ده كده مسح كل تم إنجازه السنة دي بتاع 2026 و2025 كمان. يعني الدولار كان عمال ينزل. وصلنا لكام؟ 46. 46. 52 جنيه للدولار.
الذهب محل الارتفاع. بس خلي بالك. لما الحرب تطول هتشوف الذهب ده هيوصل كام. زي ما الراجل قال لك كده. ممكن يوصل إيه؟ يتخطى 5000. يعني هو بيقول لك لما أنت تشوفه بـ 4500 و 5000 اشتري. ماشي. على فكرة ده الراجل ده بتاع فوركس. إف إكس برو. ده فوركس. ماشي.
هقول لك أنا أعرفه منين؟ يا رب بس يكون هو يعني. مرة كنت طلعت في التلفزيون في. في قناة إماراتية. بس هو أنا صغير قوي. فالمهم يعني كانوا مصدفيني في التلفزيون عشان أتكلم إن أنا أحلل السوق وكده يعني. فكان في تقريباً هو الشخص ده كان هو قبله. ل عمال يتكلم. فطلع خلص الإنترفيو بتاعه وطلع وبتاع. فبيقول لي: "مالك أنت قلقان ليه؟" قلت له: "أصل أنا أول مرة أطلع قدام كاميرا. يعني أول مرة أطلع أعمل إنترفيو في التلفزيون وبتاع". كانت كان الإنترفيو في محطة سي إن بي سي عربية. قال لي: "لا. بص. أنا هقول لك حاجة مهمة جداً". إيه هي؟ قال لي: "اطلع اتكلم. وأول إنترفيو ده قدام الناس ما تعرفكش. ما حدش هيعرف أنت بتقول إيه. هو هيشوفوا شكل بس. إنما ما حدش هيركز في كلامك". والله كانت وصية جميلة جداً يعني. طبعاً ما حدش.
عارف قول ايه طبعًا ولا حد افتكر إن أنا بتكلم، بس يعني عامة إيه، طمني شوية. طيب، بص، حاليًا الجيش الكويتي بيقول لك: "إحنا نتصدى، دفاعاتنا الجوية الكويتية لهجمات صاروخية وطائرات مسيرة معادية". ماشي، خلينا نشوف. الكويت بتضرب بلا رحمة.
طيب، طيران عُمان يعلن إلغاء جميع الرحلات. أعلنت شركة طيران عُمان إلغاء جميع رحلاتها من وإلى عدد من الوجهات، بينها عُمان، عُمان ولا عُمان؟ عُمان ودبي والدوحة والكويت والبحرين، خلال الفترة من 9 بـ 15 مارس، بسبب استمرار إغلاق المجال الجوي في المنطقة. هو عُمان هو طيران عُمان، ماشي. بيقول لك إن هو بيلغي عدد من الرحلات. تاني، هو بيلغي رحلات لعُمان، لعُمان معلش، عُمان اللي هي في الأردن، ودبي والدوحة والكويت والبحرين. معنى كده إن هو بيروح السعودية؟ اا اا وبيروح بيشتغل عادي، بس هو بيقول لك ما نروحش دول عربية.
طيب، طبعًا هو اختيار خليفة جديد للمرشد ده عامل قلق كبير جدًا. اا طيب، مصدر عسكري رسمي لبناني لقناة الجزيرة: "القوات الإسرائيلية تنفذ عمليات توغل في عدة بلدات في جنوب لبنان". أنا قلت لك هينزلوا بري، ماشي. بس أنا، إنت في حاجة مش واخد بالك منها؟ القوات الخاصة الإسرائيلية اللي نازلة في جنوب لبنان دي، ممكن تخلص وتطلع؟ إيران ممكن تخلص وتطلع؟ ده أمر مهم.
طيب، ماشي. طيب، إيران بتعلن إسقاط مسيرة إسرائيلية وسط البلاد. على فكرة، موضوع إن هم يضربوا خزانات الوقود ده هيعمل مشكلة للطيران الإسرائيلي لو حب يستهدف طهران، لأن السما كلها سودا، هيشوفه إزاي؟ زي ما بقول لك كده، ضربوا فندق رمادا في بيروت، وده فندق. أصل الجزيرة عمالة تغطي خبر مهم، يعني مش بعيد الأخبار.
طيب، خلينا نروح إيه؟ بص، عموس هارل، يعني عموس هارل ده كاتب أنا بحب أقرأ له جدًا، هو ده بيقول له، ده أكتر واحد بيقرأ دماغ التانية. اهو كاتب مقرر بيقول لك إيه؟ بيقول لك: "على فكرة، برغم النجاحات العسكرية اللي إسرائيل وأمريكا بيعملوها، بس استحالة الشعب الإيراني ياخد مكان السلطة أو يحصل انقلاب في السلطة حاليًا، يعني زي ما أمريكا عاوزاها، استحالة". ماشي. وبيقول إن القوات الإسرائيلية، أو هو اتكلم يعني، مع قادة عسكريين إسرائيليين قالوا له: "والله بص، إحنا الحرب دي آخرها يعني عشان نحقق الأهداف بتاعتنا، عاوزين من أربع لست أسابيع". نفس الكلام الأمريكان بالظبط. وبعد كده هنشتغل على إن النظام يقع. يعني بعد الست أسابيع هيشتغلوا إنه يتم سقوط النظام. وهم مش متأكدين على فكرة إن حتى بعد ست أسابيع ممكن النظام يسقط. ولا ماشي.
وهو بيقول إن هو اتكلم مع 50، هو بيقول لك كده في "سينور ريجيم فيجرز" يعني شخصيات، 50 شخصية بارزة في النظام الإسرائيلي. قال لك: "والله نصهم بيقولوا إنه والله ما كناش اخترنا مرشد". إيه رأيك؟ اهو خليني أقرأ لك الكلمة بالإنجليزية. "أورش". قريتها، هو بيقول لك بيقول لك 50 من قادة الإيرانيين اتقتلوا. أنا قريتها غلط، ترجمتها غلط. أنا كنت فاكر هو هيتكلم مع 50 واحد من النظام الإسرائيلي. لا، هو قال لك في 50 قائد اتصفوا على إيد الصهي. فقال لك كده صعب إن يحصل انقلاب في السور. يعني فده أمر مهم جدًا.
طيب، فانت عندك إسرائيل بتقول لك: "إحنا عايزين ست أسابيع عشان ننجز". الست أسابيع دي الخليج هيستنى ست أسابيع؟ لا أعتقد. الخليج هيفضل بدون أموال؟ أنا بقول لك، هو ما فيش فلوس دي تدخل الخليج خالص، يعني انسى السياحة في السعودية. على فكرة، امبارح مراسل السي إن إن طلع يقول لك إيه؟ يقول لك: "أنا في السعودية والدنيا أمان والناس بتشرب قهوة والكلام ده". طب هو حد قال لك إن الدنيا مش أمان؟ الدنيا زي الفل في السعودية، بس أنا بتكلم إن مثلا السعودية عندها رؤية 2030، الرؤية دي أكيد هتتأثر عشان الحرب.
طيب، تتكلم إن الإمارات عندها، يعني كان عندها طموح اقتصادي واستثماري غير طبيعي. احكي الكلام ده هيتأثر. طب قطر اللي كانت عمالة تزعل بتوع الأوروبيين وتقول لهم: "ما تتكلموش في حقي، أقطع عليكم غاز". خسائر الخليج بشعة، بشعة. المشكلة هل الخليج هيصبر عشان يلاقي قيادة يعني حكيمة وياخد نتائج كويسة بعد الحرب؟ ولا الخليج هيصبر ويطلع موجب الحبس؟ يعني الخليج ممكن يتسامح في كل الخسائر دي، بس النظام الإيراني يبقى حد كويس. بالمناسبة، النهارده في صاحبي بيسأل دونالد ترامب بيقول له: "انت ليه يعني عاوز تجيب خليفة، انت بتعينه في إيران؟" قال لك: "عشان ما أرجعش كل خمس سنين أضرب إيران يعني، أنا عاوز حد يبقى إيه تبعي عشان مش كل شوية أجي أعلن الحرب في إيران وبتاع، مش مظبوط يعني، فانا عاوز بس حد أكون فاهم معاه".
إنت بتتكلم على إسرائيل وأمريكا وهم مهزومين؟ والله بص، أنا هقول لك حاجة، هو حتة إن هم مهزومين أو منتصرين ما حدش يعرف يعني. فـ أنا شايف إن الحرب كل يوم بتعدي هي هزيمة لأمريكا، وأمريكا في القصة دي كلها لأن عليها ضغوط سياسية، ماشي، وارتفاع أسعار النفط والكلام ده كله. إيران برضه ما تقدرش تقول إنها منتصرة، لأن إيران بتتلقى ضربات قاسية. اللي أنا عاوز أقوله لك إن ما ينفعش تحكم مين كاسب أو مين كسبان ومين مهزوم والحرب شغالة. كل طرف بيقول لك: "أنا اللي كسبان". أنا هقول لك حاجة، دول كانوا عاملين لقاء مع وزير الخارجية الإيراني بيقولوا له: "يعني إنت مش خايف من الحرب؟" قال لهم: "أنا خايف من حاجة واحدة بس". إيه هي؟ قال لك: "مس كالكوليشن"، يعني إيه؟ قال لك: "الأخطاء الحسابية"، يعني إن الأمريكان يتهوروا ويعملوا خطأ يرجعوا يندموا عليه. طب هو في خطأ أكبر من اللي أمريكا بتعمله في إيران دلوقتي؟ يا راجل يا مؤمن، ده إيران يعني متبهدلة كده، تقول لي أصل كالكوليشنز يعني. يعني الموضوع، أنا بس مش عايزك تاخد صورة إن أنا بقول لك إن إيران مهزومة، أو بقول لك إن الأمريكان كسبانين. أنا مش ده قصدي. أنا قصدي، أو إن أنا حريص أقول لك عليه، إن الاثنين حجم خسائرهم قد إيه، لأن صدقني ما حدش يعرف وقت الحرب مين الكسبان. ماشي؟ لأن لو طرف، لو طرف حب يصور إن هو اتهزم، أعوانه هيلقوا السلاح. يعني الأمريكان لو ابتدوا يشوفوا يعني أو يقولوا يعني عندنا مشاكل وإن مش هنعرف نكمل الحرب والكلام ده كله، هتلاقي الحزب الديمقراطي على طول بينط في المشهد ويقول لك: "وقف الحرب وعايزين جلسات وكذا". أو الإيرانيين مثلا قال لك: "والله نفاذ الصواريخ الإيرانية". هتلاقي يحصل عملية انقلاب في السلطة. فالقصة هنا إن ما ينفعش طرف يبين لك إن هو مهزوم. فالطرفين عشان يكملوا الحرب لازم يبانوا إن هم كسبانين. دوري أنا إن أنا أقول لك حجم الخسائر في الطرفين دي. ماشي؟ ومتهيال لي يعني أنا أكتر واحد يعني قاعد بره وعمال أقول لك كم خسائر ولا قلقان من حاجة وعمال أتكلم وأشتم وألعن وبتاع وبقول لك كل حاجة خسائر فيها إيه، صح؟ ما فيش الكلام ده يا باشا. ما فيش جنود أمريكان انتشروا وما فيش أسرى لجنود أمريكان في إيران زي خبر قتل نتنياهو بالظبط. وبعدين معلش، أنا هكمل الكلام بس عشان يبقى، يبقى إنت واصل لك الصورة مظبوط. أنا مش واحد بحاول أوريك رأيي، يعني أنا القصة كلها بنقل لك الأخبار اللي بتطلع. فدي الأخبار، إنت شايفها دي هزيمة لإيران أو نصر لأمريكا، دي حاجة ترجع لحضرتك. ودي على فكرة حاجة تسعدني إن أنت بتحلل الأخبار، لأن أنا مش محلل، أنا مجرد بنقل لك خبر، فاهمني؟ فأتمنى إن تكون الرسالة وصلتك. أنا مش مش واخد صف في الحرب خالص. لا يا باشا، أحمدي نجاد مش هينفع. أحمدي نجاد ده شبه كده كانوا بيتعاملوا معاه إن هو خاين، مش هينفع يجي. وإسرائيل كانت بتحاول تختاله. يعني إنت بتتكلم على واحد كانوا بيعاملوه في إيران إن هو خاين أو يعني مخونينه عشان ما كانش بيتبع مرشد قوي، وإسرائيل كانت بتحاول ضربت المكان بتاع أول يوم في الحمادي نجان مش هيجي. الله يخليك.
شكراً. اه، الدولار بـ 52 حاليًا. أنا آسف إن أنا أقول لك كده، وبمناسبة مش هيقف عند 52. آسف، لأن لو خدت بالك البنك المركزي ما بيخش يصلح سعر الدولار. ها؟ البنك المركزي شايل إيده. 52، 56، ملوش دعوة. بيجيب أوباما عينه؟ ممكن أنا مرة جبت فيديو أوباما؟ ولا بلاش. ص. طب والله زي الفل. طيب، هشرب ميه. أشرب ميه عشان الأذان لسه ما أذن، بس أشرب ميه. ثانية. باي باي. ملخص هقوله لك لما أخلص. الله يخليك. متشكر يا عم. والله ما فاضل. أنا مش، إنت مش شايف ورايا أسود بالليل؟ أنا عندي بالليل. طيب، خلينا نجيب الـ. ماشي، مش هجيب لك أنا الخبر ده عشان إيه؟ مضايقكش.
طيب، القناة الـ 12، تقديرات إسرائيلية: >> تضرر أكتر من 9600 منشأة جراء الغرض ده. الهلال الأحمر الإيراني، 9600 منشأة في إيران تضررت نتيجة الحرب. وده وفقًا لحر. طيب، قوة الإطفاء الكويتية: "سيطرنا على حريق خزانات الوقود التابعة لمطار الكويت". كويت، الحمد لله كويس يا جماعة. الكويت فيها جالية مصرية ضخمة جدًا جدًا.
طيب، خبر كويس: استئناف إمدادات الغاز الإسرائيلي لمصر بكميات محدودة. ده خبر هايل. يعني بص، ده ممكن ينقذك بشكل أو بآخر. تيجي تقول لي: "إنت فرحان إحنا بنستورد الغاز من إسرائيل؟" ما باشا عشان ما فيش جاهز في السوق أصلاً. إنت عشان بس أقول لك إنت يعني ربنا مسهلها لنا. إسرائيل ما تعرفش تصدر الغاز ده غير لمصر. ماشي؟ وإلا كانت راحت عملت بزنس حلو قوي في الوقت اللي إحنا فيه ده وطلعت شحنات غاز لأوروبا. إنما ما يعرفوش. مصر هي اللي عندها محطات الإسالة الوحيدة تقريبًا اللي ينفع إسرائيل تصدر لها. فحالياً هو كمل معاك جزء جزء بسيط يعني عشان ما يبقاش فيه أضرار. وفي نفس الوقت هو عاوز فلوس، فابتدى يفتح لك الغاز.
حركة الذهب هتتأثر بعد عوامل، بعده عوامل، ومستثمرين يبحثوا في أوقات التضخم عن أصول تدر عوائد. هو الراجل بيقول لك إن الناس مش هتحط كاش. بص، في مثل كده بيقول لك: "بدريت باي أسد". أسد ده يعني عقار أو حاجة ثابتة. لما تلاقي دم في الشارع، هو قصده حرب، ابقى اشتري عقار. وقت الحروب تشتري عقارات، ما يبقاش معاك كاش. بس الكاش بيتغير. بقول لك على فكرة إن الدهب هيقفزات على 5500 للأنثى قبل نهاية النصف الأول من 206. بس أنا ما أعرفش. هو قال كلمة غريبة جدًا بيقول لك: "على فكرة لو طالت الحرب، الذهب هينخفض لـ 4800". مش فاهم ليه. اللي أنا فاهمه إن الحرب لما تطول الذهب يرتفع. بس ده خبر كويس جدًا إن الجزيرة ابتدت ترجع لنص. على فكرة، إسرائيل ابتدت تفتح المطار بتاعها بالمناسبة. ماشي؟ وهي إشارة على ضعف الضربات الصاروخية الإيرانية. كده الدولار بيتوحش داخل.
توقف توزيع الوقود في طهران. طهران دلوقتي موقفين إن هم يوزعوا وقود لكل محطات البنزين، وفي حالة شلل في طهران. عشان كده إسرائيل ضربت 30 خزان وقود داخل إيران. في تطور لافت إنه تطور لافت جدًا.
الجيش الإسرائيلي: هاجمنا منصات صواريخ باليستية ومواقع إنتاج وسائل قتالية في إيران.
في الآخر كده عامة يعني، خليني أقول لك ملخص للي بيحصل. حصل في قوات إسرائيلية خاصة نزلت في العراق استعدادًا إنها هتخش إيران. بتتكلم إن في ثانية واحدة. ماشي. ده خبر يهم.
طيب، بتتكلم إن في إن إسرائيل ضربت خزانات وقود، وإن الأمور ماشية سيء جدًا. إسرائيل بتقول إن القادة الإيرانيين بيستخبوا في المستشفيات دلوقتي، فهي لازم تقصف المستشفيات. وده تحول نوعي. وإن أمريكا بتدرس عملية برية في إيران. وإن أمريكا راحت اشترت أسلحة من تركيا لإسرائيل. يعني. وإن الجنيه وصل 52 للدولار. وإن إسرائيل أعادت ضخ الغاز لمصر بشكل كبير أو بشكل محدود يعني.
طيب، في الآخر أتمنى لكم صباح سعيد ويوم سعيد جميل عليكم إن شاء الله، ويبقى خير ونخلص من الحرب دي بحلوها وشرها، يبقى يخلص. ويا رب العرب ينتصروا في الآخر ويطلعوا منتصرين. متشكر لكم، متشكر على متابعتكم. أشوفكم على خير بالليل إن شاء الله. وسلام. سلام.