بعد هروب المرشد .. أمريكا تكشف ساعة الصفر و تسرب خطة ضرب إيران لنهاية طهران

السلام عليكم، ازيكم؟ الحلقة دي ما تفوتكش لسبب واحد بس، إن خلي بالك كم المعلومات العسكرية اللي تم تسريبها خلال الساعات الماضية خطير جدا.

هي أمريكا لو هتضرب إيران، تضربها إزاي؟ ده سؤال مهم جدا. السؤال الثاني: إيه القطع العسكرية اللي أمريكا حركتها للشرق الأوسط؟ أما أبرز سؤال: هي ليه أمريكا حركت حاملة الطائرات الأمريكية يو إس أبراهام لينك بالذات؟ يعني على فكرة، أمريكا كان قدامها حاملات طائرات أخرى. معنى كده إنها اختارت حاملات الطائرات دي؟ ده سؤال غاية في الأهمية.

أما الخبر الأساسي في الموضوع، إن والله طلعت هيئة الطيران الإسرائيلية أبلغت شركات الطيران الأوروبية، قالت لهم: على فكرة، من يوم 30 يناير لحد يوم 1 فبراير هيبقى في مستوى أمني مختلف. يا ريت شركات الطيران تتجنب المجال الجوي لإسرائيل. وشكراً.

طيب، معنى كده إيه؟ معنى كده إن إسرائيل بتقول لشركات الطيران الدولية: احتمال إن إيران تضرب من يوم 30 ليوم 1. خلاص، اليومين دول بلاش. تقول فبيحددوا ساعة الصفر؟ في كده؟ ده يعني قمة الجرأة اللي في الموضوع. لأن بالمناسبة، بس عشان بس تبقى فاهم، لما إسرائيل تقفل مجالها الجوي بالشكل ده، أو تقول لشركات الطيران ما تبعتوش طيارات في الوقت ده، دي تكلفة اقتصادية على الطيران الإسرائيلي، تكلفة اقتصادية على الحكومة الإسرائيلية. يعني على فكرة، التصريح ده مش تصريح أهبل، ولا تصريح فيه نوع من أنواع المناورة. ماشي؟ أنا بقول لحضرتك، إسرائيل هتخسر مليارات في تصريح زي ده، وبرغم كده صرحوا بيه.

طيب، سألوا خبير في الموساد، قالوا له: يعني أنت تتوقع الضربة تكون إمتى؟ قال لهم: والله أنا أتوقع إن الضربة ممكن تكون بنهاية الأسبوع ده. تاني تقدير. فهل فعلاً الحرب هتقوم خلال الوقت ده؟ ولا دي كلها تقديرات فارغة؟ أنا عاوز أوريك كم معلومات خطير جدا، هيفرق معاك في قراءة المشهد بالنسبة لإيران بشكل مختلف تماماً. وصدقني، أنا متحمس جداً للحلقة دي، لأن أنا كنت مبسوط وأنا بقراها، لأن المشهد غير ما أنت شايفه خالص، واللي في الكواليس غير ما أنت بتشوفه في نشرات الأخبار.

بس طبعاً عشان أقول لك الكلام ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جدا ومحترم جدا، وهو موقع اسمه "كانسر ماد". في ناس بيبقى عندها مشكلة في تشخيص المرض بتاعها، علاجها هنا هيكون صعب، أو إن أنت محتاج إن أنت تبص على دكتور خارجي هو اللي يشخص لك المرض بشكل كبير. الحقيقة، دلوقتي السفر للخارج بقى مكلف جدا جدا. "كانسر ماد" بيعمل إيه بقى؟ بيوصلك بالدكتور اللي بره، بيخليك تكلمه فيس تو فيس، أو يخليك تكلمه فيديو، يبص على الحالة ويشخصها لك من غير ما تسافر. بيسهل لك ويوفر لك حاجات كتير. الحقيقة "كانسر ماد" ما بقاش فقط موقع، ده بقى أبلكيشن كمان. والتطبيق ده بيوفر لك حتى العلاج، فمش بيوصلك فقط للدكتور، لا والدواء. الجديد بقى عند "كانسر ماد" إن كمان ضافوا خدمة الجلسات النفسية، أطباء نفسيين من أفضل الخبراء في ألمانيا وإنجلترا وأمريكا. وده بيضمن لك أولاً سرية تامة في جلسات العلاج النفسي، وفي نفس الوقت السرعة الكبيرة جدا في العلاج.

بس خلي بالك من حاجة مهمة جدا، إن "كانسر ماد" بتفجر مفاجأة كبيرة قوي، وعاملة برنامج لتدريب الأطباء في الخارج. يعني إيه؟ يعني لو أنت طبيب، ممكن تسافر بره تحصل على كورسات تدريب عن طريق "كانسر ماد". هتوفر لك أبرز المستشفيات وأفضلها، وأفضل برامج تدريبية موجودة في أوروبا، هتساعدك على تغيير مفهومك بشأن الطب بشكل كبير جدا. وخلي بالك، إن إجراءات الفيزا والسفر، كل ده "كانسر ماد" بتخلصه لك وبتساعدك إن أنت تسافر للخارج. هسيب لحضرتك الرابط بتاع "كانسر ماد" أسفل الفيديو، لأن الناس دي بتقدم من أفضل الخدمات الطبية اللي موجودة في الشرق الأوسط.

خش في الموضوع على طول، خش في الموضوع على طول. الجديد اللي معانا النهارده ممكن يكون مختلف بالنسبة لحضرتك، وأول مرة هتسمعه فيما يخص ساعة الصفر ضرب إيران. إيه اللي حصل بالظبط؟ اللي حصل إن والله طلعت صحيفة اسمها "إسرائيل هيوم"، قالت لك: على فكرة، كل مستشاري دونالد ترامب العسكريين متفقين حالياً إن يجب ضرب إيران. إشمعنى؟

[موسيقى]

والله كان في معترضين قبل كده، إن مش مع الضربة، وكان في ناس مترددة، محبين. من ضمنهم نائب الرئيس، على فكرة، جيدي فانس، ممكن كان متردد شوية في حرب إيران. بس مع احتمال وصول قطع عسكرية حربية بالشكل الكبير ده والشكل الضخم ده، أصبح مستشارين العسكريين إن ده بيدي مرونة عملياتية بشكل كبير قوي. على فكرة، أمريكا حركت كم ضخم جدا من الأسلحة وكم ضخم جدا من المعدات العسكرية. فأمريكا قدامها خيارات كتير قوي تضرب بيها إيران. ماشي؟ فاللي مش مقتنع أصبح مقتنع خلاص. أنت حركت كل ده، ما ينفعش إن أنا أعترض دلوقتي. وأصبح الأمريكان شبه كده عندهم طريقة إزاي يضربوا بيها إيران.

[موسيقى]

طب سؤال: هي إيران تضرب إزاي؟ الحقيقة، دي مقالة نزلت في جريدة، أول مرة ألاقي كاتب إسرائيلي مختلف بقى عن "ذا فيريل" والكتاب اللي زي كده. لا، كاتب أول مرة أقرأ له، بس أنا عجبني جدا تحليله. الكاتب اسمه آفي شارع. ماشي؟ الكاتب بيقول:

[موسيقى]

لك إيه؟ بيقول لك: خد بالك، أنت دلوقتي عمال تشوف إن في ثلاث أسراب، يعني 35 مقاتلة تقريباً من طراز إف 15 إس راحوا الأردن. صح؟ ودلوقتي شفت إن في والله سربين من مقاتلات يورو فايتر تايفون تابعين لسلاح الجو الملكي البريطاني نزلوا في قطر. تمام؟ دول مش دول اللي هيضربوا إيران. شوف قد إيه؟ قال لك: مش دول اللي هيضربوا. دول يا باشا، لو خدت بالك، الإف 15 إس اللي موجودة في الأردن، دي طيارين بتوعها عندهم خبرة في التصدي وإسقاط المسيرات الإيرانية. يعني دول موجودين للدفاع عن سماء إسرائيل، أو للسماء الخليجية مثلاً، لو مسيرات راحت تضرب السعودية والكلام ده كله. ماشي؟ فدول واخدين إجراءات دفاعية. عشان كده بريطانيا ما كانش عندها مشكلة تنزل الأسراب في قطر، برغم إن قطر على حدود إيران، لأن دول في مهام دفاعية. مش دول اللي هيشاركوا في ضرب إيران. ماشي؟

طب إيران تضرب إزاي؟ قدام دول في مهام دفاعية؟ قال لك: والله خد بالك، إيران هتضرب من حاملات الطائرات. إزاي؟ أول حاجة: يو إس ثيودور روزفلت اللي واقفة في البحر المتوسط. وتاني حاجة: يو إس أبراهام لينكولن. طيب، سؤال وسؤال مهم جدا: هي ليه أمريكا؟

[موسيقى]

سحبت يو إس أبراهام لينكولن بالذات؟ يعني خلي بالك، أمريكا عندها 11 حاملة طائرات في سلاح البحرية بتاعها. إشمعنى اختاروا يو إس أبراهام لينكولن؟ الحقيقة، ده فيديو حد بعته لي، وحد صديق شخصي اسمه معتمر أمين، أو أستاذ دكتور معتمر أمين، لأن الدكتور ده بيدرس في جامعة بي يو أي ومحاضر هناك. بس الراجل بعت لي فيديو كان أكتر من رائع، بيشرحوا ليه أمريكا اختارت بالذات يو إس أبراهام لينكولن. قال لك لسبب بسيط، إن والله يو إس جورج بوش.

[موسيقى]

دي واقفة عند سواحل اليابان، فبعيدة جدا إنها تروح للشرق الأوسط. يو إس جيرالد فورد، ودي أقوى حاملة طائرات في سلاح البحرية الأمريكي، واقفة عند فنزويلا. يعني ما ينفعش تسيب فنزويلا دلوقتي، الوضع لسه مستقر. فايه أقرب حاملة طائرات؟ قال لك: يو إس أبراهام لينكولن. بس مش فقط لقربها من المسافة، لا، لأن دي حاملة طائرات بتشيل.

[موسيقى]

إف 35 سي. خلي بالك، الإف 35 فيها أكتر من نسخة. ماشي؟ في نسخة بتنزل في البر، وفي نسخة بحرية. السي هي النسخة البحرية اللي بتنزل على حاملات الطائرات بشكل عمودي. يعني. فقال لك: هي دي حاملة الطائرات تم تصنيعها 1989، ومن 2013 لـ 2017 اتعمل لها إعادة بناء تقريباً. يعني أمريكا صرفت عليها 3 مليار دولار إعادة بناء. ماشي؟ حطوا فيها أجهزة جديدة، حطوا فيها معدات جديدة، تقريباً بنوها من الأول وجديد. ماشي؟ فدي سفينة مجهزة للتعامل مع حاملات طائرات إف 35. الحملات الطائرات دي عليها 75 مقاتلة. ماشي؟ مش كلهم إف 35، بس عليها 75 مقاتلة. وقال لك إن دي حاملة طائرات هجومية بالمرتبة الأولى. وحاملة الطائرات دي على فكرة بقى لها 10 شهور في البحر. وده أمر غاية في الأهمية، لأن ما فيش حاملة طائرات موجودة في أي جيش أو سلاح بحري في العالم بيقدر يقعد المهام دي كلها في البحر. يعني حاملات الطائرات اليابانية ممكن تقعد 90 يوم. ثلاث حاملات الطائرات البريطانية ما عندهاش القدرة إنها تقعد الكم ده كله. هي يو إس أبراهام لينكولن عندها القدرة دي، هي وجيرالد فورد، إن هو ممكن يقعدوا الأوقات دي كلها. قال لك قاعدين.

[موسيقى]

295 يوم في البحر. ماشي؟ و 295 يوم في آخر.

[موسيقى]

أسبوعين ثلاثة كانوا في حالة مناورات مكثفة استعداداً لعملية عسكرية ما يعرفوش هي إيه. حلو. تعالى بص بقى موقع اسمه دبليو إيه أو إن. الموقع ده بيقول لك إيه؟ بيقول لك: هي إيران تعرف تضرب حاملة الطائرات وتغرقها؟ ده سؤال حلو جدا. ليه؟ أنت هنا بتتكلم إن والله لو إيران هتضرب من حاملات الطائرات، معنى كده إن إيران عاوزة تضرب حاملات الطائرات، يعني عاوزة تضرب المكان اللي بيضرب. طيب، تعالى بص إن يو إس أبراهام لينكولن آخر مكان وجدت فيه هو عند خليج بنجر. صح؟ وبعد كده اختفت من الرادار، دخلت حاجة اسمها "جوست مود" أو التخفي. حس إنها مختفية. في الحقيقة، إن دبليو إيه أو إن بيقول لك إيه؟ بيقول لك: على فكرة، إيران عندها.

[موسيقى]

صواريخ تقدر تضرب بيها حاملات الطائرات. بس أهم عنصر إن أنت تضرب حاملات الطائرات إن أنت.

[موسيقى]

تلاقيها. يعني إيه؟ يعني خد بالك، الموضوع مش إن حاملات الطائرات بس قافلة الإشارات بتاعتها، مش باينة على الرادار. لا، حاملات الطائرات اللي زي دي، يو إس أبراهام لينكولن، أو يو إس.

[موسيقى]

ثيودور روزفلت اللي هو في البحر المتوسط، دول على طول في حالة حركة. دول ما بيقفوش. فانت دلوقتي.

[موسيقى]

هتطلع صاروخ زي فتاح 2. هو قال لك فتاح 2 ده صاروخ هو الأخطر على حاملات الطائرات. إشمعنى؟

[موسيقى]

قال لك لأن ده صاروخ مش بيطلع فوق المجال الجوي وبعدين ينزل تاني. لا، ده صاروخ سرعته 13 ماخ، يعني 13 ضعف سرعة الصوت، وبيطلع وينزل بشكل كبير جدا، بيغير في مستوياته، فصعب اعتراضه. ماشي؟ وده لو رشق في حاملة الطائرات هيصيبها. وقال لك على فكرة، إيران مش في حاجة إنها تغرق حاملة الطائرات. مش عاوزين يغرقوها. ما فيش حاملات طائرات بتغرق على فكرة. يعني عشان تغرقها، أنت عاوز تضرب كم كبير جدا من الصواريخ. أنت عاوز تنهي مهمتها. ماشي؟ فصاروخ فتاح ده هو اللي هيعمل الموضوع. بس يلاقيها. هو يلاقي حاملات الطائرات. حاملات الطائرات على طول بتمشي، تتحرك. هي بتطلع طيارات بس وهي ماشية ما بتقفش. فلو أنت ما عرفتش هي فين بالضبط، هتضربها إزاي؟ تيجي تقول لي: على فكرة، الحوثيين قبل كده ضربوا حاملات طائرات كانت واقفة قدام السواحل اليمنية. حاجة أقول لحضرتك: هو خبر غير دقيق، وحتى المعلومات اللي اتسربت ما كانتش دقيقة قوي. ولو افترضنا، شوف أنا همشي معاك، لو افترضنا الحوثيين أصابوا حاملة طائرات، لوضع مختلف بالنسبة لأبراهام لينكولن وهي واقفة في مكان أبعد في المحيط.

[موسيقى]

بمساحات شاسعة، فصعب إن أنت تضرب حاملة طائرات أو تغرقها. فده الجزء ده هو مهم قوي. إن إيران هتضرب من حاملات الطائرات. إيران هتضرب بسلاح جديد. خد بقى الكلام الجديد. قال لك إيه؟ دونالد ترامب قال لك: أنا عندي سلاح متت بيه كل الدفاعات الجوية الفنزويلية، وخطفت نيكولاس مادورو. صح؟ هو يعني النهارده كل التقارير بتقول لك إيه؟ بتقول لك: دونالد ترامب بيوجه الجيش الأمريكي: إحنا عاوزين عملية سريعة، وخاطفة، ونضيفة، وما تكونش مكلفة. طب ما تكونش مكلفة يعني إيه؟ ما تكونش مكلفة على مستوى الرد، مش على مستوى القصف. يعني.

[موسيقى]

أمريكا مهما كان تكلفة ضربتها، وقع لها طيارات مثلاً، إصابات في الطيارين، صواريخ تم اعتراضها. ماشي؟ كل ده مش تكلفة. تكلفة أمريكا الحقيقية في رد إيران. ماشي؟ هو ده التكلفة. دونالد ترامب بيوجه إن الجيش الأمريكي يقوم بعملية منخفضة التكلفة. عاوز يطبق نفس عملية فنزويلا. فما إرشادات دي يقول لك إن نفس السلاح اللي تم استخدامه في فنزويلا هو اللي هيطبق على إيران. ماشي؟ والحقيقة إن ده أمر مهم جدا. ليه؟ لأن طلعت النهارده صحيفة اسمها "إسرائيل هيوم". "إسرائيل هيوم" قالت لك: على فكرة، الأمريكان احتمال كده، احتمال إن هو في هجومهم على إيران ما يكونش حرب مدمرة، ولا عملية عسكرية. هجومهم على إيران هياخد شكل الحصار. خد بالك من الكلام.

>> بعد رحلة ستة أيام من بحر الصين، وصلت القوة الضاربة الأمريكية، تتقدمها حاملة الطائرات يو إس أبراهام لينكولن، إلى بحر العرب على مقربة من إيران. فهل الهدف هو الضغط أم تنفيذ ضربة جديدة على إيران؟ تقديرات إسرائيلية نقلتها إذاعة الجيش بأن حجم الانتشار العسكري الأمريكي في الشرق الأوسط بلغ هذا الأسبوع مستويات قياسية. >>

وإن العملية دي هتكون عملية ممكن تكون بسيطة، مش قوية، بس هتبقى متكررة. يعني هيضربوا ضربات ممكن ما تكونش قوية عشان يحفظوا إن إيران ما تردش، ويفضلوا يضربوا إيران كل شوية، كل شهرين ثلاثة يضربوا إيران، يقوموا بنفس العمليات الرمزية دي، وإيران من كتر ضعفها تستقبل الضربة وما تردش، لأنها عملية رمزية خلاص. وبكده يبقى دونالد ترامب حقق مبتغاه.

[موسيقى]

إن أصبح الحصار البحري على إيران، بحري وجوي واقتصادي وكل حاجة على إيران، وإيران متقبلة بدل ما تضرب. دي وجهة نظر إسرائيل اللي نقلتها من خبير عسكري. بس أنا مش متفق مع الفكر ده. ليه؟ لأني أنت ما ينفعش تخض عملية عسكرية. ماشي؟ بفترة طويلة وعندك خليج. يعني أنت عارف النهارده أنا قعدت أقرأ مقالة نازلة في إيه بي سي نيوز، كانوا بيتكلموا على إيه؟ كانوا بيتكلموا إن في رحلات طيران كتيرة جدا بيتم إلغاؤها دلوقتي. ماشي؟ وإن شركات طيران فرنسية بتلغي رحلاتها لدبي، شركات طيران أوروبية بتلغي رحلاتها للسعودية. الطيران الأوروبي عامة والعالمي ابتدى يقلل رحلاته من الخليج. سيبك بقى من إعلان هيئة الطيران الإسرائيلي أو أي إعلانات أخرى. فدي عملية عسكرية ما ينفعش تستمر كخليج حساس.

[موسيقى]

جدا. خليج يا جماعة مبني على التجارة. خليج مش منغلق على نفسه مثلاً زي روسيا ويقدر يقعد يحارب فترة طويلة. الخليج.

[موسيقى]

هو فكر تجاه. ما ينفعش إن أنت تعمل عمليات عسكرية لحدوده وتفضل مستمر لفترة طويلة. لازم تفتح. في عملية عسكرية ما ينفعش يكون فيها حصار. ما ينفعش إن تكون عملية عسكرية كل شهرين ثلاثة. لازم الأمر ده ينتهي.

طيب، ليه بقول لك مصطلح عملية.

[موسيقى]

عسكرية؟ لأن لو خدت لك دونالد ترامب ما أخدش رأي الكونجرس في أي حاجة. ما أخدش رأي الكونجرس في أي حاجة، ولا عرض الأمر على الكونجرس في لجنة سرية ولا علنية ولا أي حاجة. ما معناه إن والله دونالد ترامب مش عاوز يشن حرب، عاوز يشن عملية عسكرية. وبكده هو من حقه إن هو يحرك جيشه في عملية عسكرية بدون رجوع للكونجرس. وده يقول لك إن السلاح اللي هيعتمد عليه دونالد ترامب ما زال موجود.

الحقيقة، في ظل ما أنا بكلمك، طلعت أخبار برضه من إسرائيل يوم قال لك:

[موسيقى]

في فكر معترض شوية على عملية عسكرية، مش جاي من أي مستشار لدونالد ترامب، ما عدا جوز بنته. خلاص؟ جوز بنت دونالد ترامب، جاريد كوشنر، قال له: والله بص، إحنا ممكن نحل الأمر ده بالسلام.

[موسيقى]

ليه؟ قال له: أنت وديت كل القوات بتاعتك للشرق الأوسط، وأنت دلوقتي عندك خيارات عسكرية، وفي إيدك أنت بس تعرف ساعة الصفر. فايه رأيك إن إحنا نقعد نتفاوض؟ فدونالد ترامب سأله: قال له: نتفاوض إزاي؟ قال له: أنا عندي رسائل وبعرف أكلم عباس عراقي، وزير خارجية إيران. وقال له: أنا بعرف أكلمه على التليفون. ودي الرسائل بتاعته وفقاً لـ "إسرائيل هيوم". يعني أنا ما بقولكش حاجة من دماغي خالص. "إسرائيل هيوم" قالت لك: جاريد كوشنر راح لدونالد ترامب، قال له: أنا عندي رسائل من عباس عراقي، والإيرانيين ممكن يقعدوا يتفاوضوا. بس تاني، إيران ما عندهاش حاجة تقدمها، وأمريكا ما عندهاش حاجة تقدمها لإيران. أمريكا عندها مطالب، وإيران عندها نفي أو رفض لأي حاجة أمريكا هتطلبها.

حسن. وبالمناسبة، اللي هيشجع العملية العسكرية إن هو مؤدي لعملية عسكرية حاجة واحدة. إن النهارده مثلاً، واشنطن بوست في مقالة كاتبها مجلس التحرير بتاعهم، يعني هو مش كاتب، لا، ده واشنطن بوست منزلة مقالة تقول للرئيس الأمريكي، تقول له: يجب الحفاظ على قدرة الردع. ليه؟ لأن أنت دلوقتي حطيت خط أحمر بالنسبة لإيران، وحطيت خط أحمر بالنسبة للمرشد. والمرشد برغم إن أنت قلت ما يقتلش المتظاهرين، أو ما يعدمش المتظاهرين، لازم تعرف إن أنت منذ أن أعلنت إن قتل المتظاهرين خط أحمر، المرشد الأعلى في إيران أوصى مساعديه بكبت المظاهرات بأي وسيلة ممكنة. وأي وسيلة ممكنة، أنت عارف يعني إيه بتوجه الرسالة دي؟ اللقاء ده ما عندهمش خبرة قوي. يعني فالناس نزلت دبحت في الناس. أنا بقول لحضرتك، مجلة تايم إمبارح قايلة إن عدد القتلى 30 ألف. برغم إن إيران على فكرة طلعت نفذت المعلومة دي وقالت: على فكرة، ما فيش 30 ألف ولا حاجة، والرقم مبالغ فيه والكلام ده كله. بس أنت بتتكلم على خبر تم تسريبه لمجلة تايم من مصدرين في وزارة الصحة. فكلام ممكن يصدق.

>> نسبت مجلة تايم الأمريكية إلى مسؤولين، أو إلى مسؤولين كبيرين في وزارة الصحة الإيرانية، أن ما يصل إلى 30 ألف شخص ربما لقوا حتفهم في شوارع إيران يومي الثامن والتاسع من يناير فقط. وفي التفاصيل، قال المسؤولان إن عدد القتلى الذين سقطوا على يد قوات الأمن الإيرانية في هذين اليومين فاق قدرة الدولة على التخلص من الجثث. >>

خاصة إن المظاهرات ما عادتش كتير، وهي كانت مظاهرات ضخمة جدا. وأنت شفت بعض مشاهد لمسلحين إيرانيين في الشارع. أنت ما شفتش مشاهد لأمن مركزي في الشارع. أنت شفت مشاهد للحرس الثوري وعناصر الباسيج مسلحين وبيضربوا نار. ماشي؟ فده يقول لك إن ما تمش إخماد الثورة عن طريق عملية أمنية، وعن طريق حريات، أو حتى النظام الإيراني يقدم أي حاجة للمتظاهرين. ده نظام إيران ما قدمش أي حاجة للمتظاهرين. فاخمد الثورة إزاي؟ غير بمجزرة. مجزرة. ولو قلت لحضرتك، خد بالك، إن الأكراد في شمال غرب إيران.

[موسيقى]

عاوزين ينفصلوا. وأول من حمل السلاح ضد الحرس الثوري والنظام الإيراني هم الأكراد. فبطبيعة الحال، الإيرانيين نزلوا بكل أسلحتهم وطبقوا نفس اللي بيطبقوها الأكراد على كل إيران. كله سلمي، مش سلمي، قتل الكل. يا جماعة، ده في فيديو أنا ما ينفعش أعرضه. واحدة ماشية شتمت المرشد، حصل فيها إيه؟ جابوها من قفاها وسحلوها في الشارع. بتشتم بس. بتشتم. جابوها كده عناصر وسحلوها ماشيين بيسحلوها. فانت قدام مشاهد مرعبة طالعة من إيران. وواشنطن بوست بتقول دونالد ترامب، بتقول له إيه بقى؟ ما هو بيسخنوه. ها؟ بيقول له: خلي بالك، أنت لما خطفت نيكولاس مادورو، أنت كنت طاير في السنة. صح؟ بس أنت تراجعت في موضوع جرينلاند، وما حدش في العالم عارف أنت أخدت إيه في موضوع جرينلاند ده. أنت أخدت الجزيرة؟ ولا أخدت السيادة؟ ولا أخدت إيه؟ وما حدش عارف لك. تاني حاجة، أنت تراجعت على العقوبات مع الأوروبيين. تالت حاجة، ما وقفتش حرب روسيا وأوكرانيا. ما عملتش أي حاجة للصين. تشوف تسخين، تسخين، تسخين. فقال له: الحل الوحيد، اثبت نفسك بقى عند إيران. ماشي؟ واعمل لنا ورينا الردع هيكون إزاي؟ لأن المرشد الأعلى في إيران كسر كلامك. كريس فشوف أنت هتعمل إيه بقى. تسخين وش. ده واحد كاتب مقالة. يعني إيه؟ يعني بيسخن. بيسخن. يعني هتيجي تقول لي: يا عم، أي كلام ده. والله واشنطن بوست دي، دونالد ترامب فاضي يقرأ قراية حاجة؟ أقول لك: بيقرأ قراية دونالد ترامب أكتر من مرة طلع في مؤتمر صحفي قال لواحدة صحفية: أنت كتبتي كده. وقال لجرنان: أنا قرأت مقالة نازلة كده. هو بيقعد يقرأ الجرايد يا جماعة. أي حد بيتكتب عنه حاجة بيبقى عنده فضول إنه يقرأها. بالذات دونالد ترامب اللي عنده عداء مع الصحافة أصلاً. ماشي؟ فده أمر يجب إن أنت تنظر له بشكل كبير. إيران أكتر حد بيدفع ثمن حالياً، وما فيش حرب. هو نظام إيران. مش هقول لك كليه النظام الإيراني. حرب أعصاب غير طبيعية. والناس دي مش عارفة تضرب إمتى ولا تضرب إزاي. وكل ساعة بتعدي وهم ما بيضربوش، أعصابهم متحرق. إيه اللي هيحصل فينا الفترة الجاية؟ طب هيضربونا من أي سلاح؟ هم حالياً فشلوا في أكتر من ملف. النظام الإيراني ده. أولاً: فشل إنه يردع دونالد ترامب إنه يحرك أصوله العسكرية، وشاف إن إيران هتضرب. فده فشل. تاني حاجة: فشل إنه يخمد الثورة بدون مجزرة. فشل. فشل إنه يقدم أي حاجة للعالم، أو حتى يتفاوض مع غرب. يقعد يتفاوض مع غرب مش عاوز يقدم تنازل. الغرب يا سيدي عشان تمنع حرب ولا أي حاجة. مش عاوز برضه. فده يقول لك إيه؟ يقول لك إن نظام إيران ده رايح للهلكة، واخد شعبه ورايح للهلكة. وعلى فكرة، المرة دي لما النظام الإيراني هيتضرب، ما فيش حد هيتعاطف معاه، لأن هو طالع بالمجزرة، قتل شعبه. دي أمور يجب إن أنت تبص عليها بشكل كويس. يا رب أكون شرحت لحضرتك الموضوع بشكل مبسط. ويا رب انصر يا رب. انصر العرب. ويا رب انصر فلسطين. يا رب. تحيا مصر. سلام.

>> أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين، والعالم مش عارف سرها. إحنا خفة دم بتضحك القلب. [موسيقى] وكرم بيضرب بيه المثل. جدعنة وشهامة مش موجودة في زماننا. ورحمة بتطلع من عينينا قبل قلبنا. >> إحنا بسمة بتفتح ألف باب. أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر. >> يا محروسة بسيف شاطر وسيف حارس عليكِ. يا مين ومن فوق السماء السابع حاميكِ رب العالمين.