الحرب | إخلاء السفارات و القواعد الأجنبية في الخليج و بدء تحريك حاملات الطائرات

السلام عليكم، ازيكم؟

رويترز لسه منزلّة تقرير تقول لك: على فكرة أمريكا طلبت رعاياها في قطر إن هم ما يروحوش ناحية قاعدة العديد. مش بس كده، رويترز قالت إن أمريكا سحبت بعض من رعاياها من دول الخليج، وسحبت جزء كبير من قواتها من القواعد العسكرية الموجودة في دول الخليج.

الأكثر من كده إن معظم الدول الأوروبية قفلت سفاراتها في إيران، ماشي، وسحبت كامل بعثاتها الدبلوماسية من إيران. الأكثر من كده إن حضرتك لازم تعرف إن المجال الجوي الإيراني اتقفل، زي ما حضرتك شايف في الخريطة كده، المجال الجوي الإيراني اتقفل.

الأخبار ما وقفتش عند هنا، إحنا بنتكلم إن أمريكا دفعت بحاملة طائرات يو إس إس دورت روزالد دخلت البحر الأحمر امبارح. وزي ما حضرتك شايف في الفيديو كده، حاملات الطائرات عمالة تتحرك بشكل كبير جداً، وماحدش عارف بالظبط حاملات الطائرات دي هتفضل موجودة في البحر الأحمر ولا هتكمل طرائقها لحد الخليج العربي أو طاقة قرب سواحل إيران بشكل أو بآخر. بس مش دي حاملة الطائرات الوحيدة اللي أمريكا وجهتها، لا، أمريكا سحبت كمان حاملة الطائرات اللي موجودة في بحر الصين اللي اسمها يو إس إس أبراهام لينكولن. وزي ما حضرتك شايف الصورة دي، دي صورة بأقمار صناعية رصدت تحرك يو إس إس أبراهام لينكولن، بس بعد كده تم الإفراج عن الفيديو، ويو إس إس أبراهام لينكولن بتتحرك ناحية الخليج العربي.

طيب، هي قدامها قد إيه عشان تصل؟ هو بيلوهم في أسبوع يقول لك عشان تصل قدامها أسبوع. بس يو إس إس أبراهام لينكولن واحدة من أقوى حاملات طائراته، والمفروض إنها ماشية بأقصى سرعة عشان تصل في الموعد المناسب قصاد سواحل إيران. التحركات دي كلها بالظبط نفس اللي حصل قبل الضربة الإسرائيلية على إيران، ماشي.

وحرب الـ 12 يوم اللي تمت في يونيو الماضي، في ناس لحد دلوقتي عمالة تسأل: هي إيران هتضرب ولا مش هتضرب؟ صدقني، السؤال ده أصبح مش منطقي تماماً. السؤال الأهم: هي إيران لما تضرب هتضرب إزاي؟ ده سؤال جاوب عليه كاتب مهم جداً في فورين بوليسي، الكاتب ده اسمه مارك لينش، وعلى فكرة أنا كنت جبت له أكتر من مقالة قبل كده، وده يعني بروفيسور أو محاضر في السياسات الخارجية والعلوم السياسية في جامعة جورج واشنطن. الحقيقة المقالة دي أكتر من رائعة، تقدر تفهم بيها إيه اللي هيحصل بعد كده، إيه اللي هيحصل في الخليج، إيه اللي هيحصل في مناطق كتير جداً، إيه اللي حصل في السعودية خلال الساعات الماضية، وإيه اللي هيحصل بعد ما إيران تضرب. كلام كتير جداً حضرتك تسمعه لأول مرة.

بس طبعاً عشان أقوله لك، وهيكشف لك الكلام ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو لو عاوز توسع شغلك في السعودية والإمارات وما عندكش وقت تدور كتير ولا تمشي ورا إجراءات وتضيع وقت، يبقى لازم أقول لك على حل من الآخر. لأن ناس كتير قوي بتبقى عاوزة تتوسع في السعودية والإمارات، وهنا هم بيسألوا كتير، بس صدقني السؤال الكتير ده بيصطدمك بآراء مختلفة، وكل واحد يقول لك رأي مختلف، وقليل جداً ممكن تعتمد عليه. عشان كده أنا برشح لك أبشر بزنس، ناس محترفة وعارفين هم بيعملوا إيه، ولما بيساعدوك كأنهم بيساعدوا نفسهم بالظبط، مش مجرد عميل.

أنت مش محتاج تسيب شغلك وتمشي ورا إجراءات وورق وتضيع وقت، ولا تدخل نفسك في متاهات. هم بيظبطوا لك كل حاجة من أول ما تفكر لحد ما شركتك تشتغل. غير كده، الناس في أبشر بزنس محترفة للغاية، والشفافية عندهم مش مجرد كلام، ده سيستم ماشي بيه الفريق كله، وكل خطوة واضحة وواضحة ومفهومة. أبشر بزنس بتخلص لك الرخص التجارية الخاصة بشركتك، مش بس كده، بيخلصوا لك تأشيرات الإقامة، برضه بيخلصوا لك الحسابات البنكية الخاصة بشركتك اللي بتدوخ ناس كتير جداً. كل ده بشفافية كاملة وأسعار واضحة من أول خطوة. مش بس كده، أبشر بزنس بتقدم لك استشارات في الضرائب والتسويق والمحاسبة وتسجيل العلامات التجارية. يعني بيخلوك تبدأ شغل على طول من غير ما تضيع وقت. صدقني، لو عاوز تتوسع في الخليج، يبقى أبشر بزنس هو المكان الصح. هسيب لحضراتكم الرابط بتاعهم في الوصف أسفل الفيديو لو حابب تتواصل مع أبشر بزنس، وبرشحهم ليك بشدة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة تسمعه فيما يخص الخليج. إيه اللي حصل بالظبط؟ أنا واقف قدام كذا خبر كده قبل ما أخش في المقالة بتاعة مارك لينش، لأن الأخبار دي مهمة جداً.

أول خبر حضرتك لازم تعرف إن أول هزيمة لحقت بالنظام الإيراني حصلت بالفعل. ليه؟ لأن خد بالك، النظام الإيراني بقى له بالظبط أسبوع عمال يحذر أمريكا ويقول: لو إيران حست بخطر أو إن في استعدادات عسكرية قرب حدودها، إيران هتبتدي ضربة استباقية، ماشي.

النقطة الأبرز التي توقف عندها البيان كانت العقيدة الدفاعية الجديدة كما وصفها المجلس، إذ أعلن مجلس الدفاع الإيراني أن إيران لن تحصر نفسها بالرد بعد وقوع الفعل فقط، بل ستتعامل مع المؤشرات الملموسة للتهديدات على أنها جزء من المعادلة الأمنية، ما يعني الاستعداد لاتخاذ الإجراءات المسبقة إذا لزم الأمر ضمن إطار الدفاع المشروع.

طيب، أنت مش شايف كل الاستعدادات العسكرية دي؟ فين بقى الضربة الاستباقية؟ ما حصلتش. طب أنا أقول لك فضيحة أكتر من ساعة. شوف أنا بصور دلوقتي من ساعة بالظبط نزل تقرير في واشنطن بوست يقول لك: على فكرة تم تبادل رسائل بين إيران وبين إسرائيل عن طريق وساطة روسية، إن إيران بتأكد لإسرائيل إنها مش هتبتدي ضربة استباقية، وإسرائيل أكدت هي كمان إنها مش هتبتدي ضربة استباقية. فانت هنا بتتكلم إن أول وعد إيران قعدت تقعد تسرح فيه وهنعمل ونسوي، طلع في شنك. خلاص.

إيران بعينيها شايفه الأمريكان بيستعدوا عشان يضربوها وما عملتش أي حاجة. فده أول حاجة يثبت لك كلام القادة الإيرانيين طلع في شنك. ده أول حاجة.

الحاجة الثانية، القناة الـ 12 الإسرائيلية قالت خبرين ورا بعض. أول خبر إن والله إسرائيل ابتدت تفتح الملاجئ في بئر سبع وفي أكتر من مدينة إسرائيلية. هيبتدوا بعد فترة يفتحوا ملاجئ في تل أبيب. ليه إسرائيل تتوقع قريباً إن أمريكا تضرب إيران؟ طب إسرائيل هتعرف إمتى؟ قال لك والله وفقاً للقناة الـ 12، إن أمريكا هتبلغ إسرائيل قبلها بساعات، أول ما الطائرات الأمريكية تبتدي تتحرك، هيقولوا لهم إن والله هيبتدوا يضربوا إيران.

حالة الاستنفار مستمرة. الدفاعات الجوية الإسرائيلية مستنفرة منذ أيام، واليوم طلبت وزارة الصحة الإسرائيلية من المشافي الاستعداد لاحتمال التصعيد خلال الفترة المقبلة والانتقال من الحالة العادية إلى حالة الطوارئ في المشافي.

وف أنت بتتكلم إن أمريكا هتبلغ إسرائيل، وأعتقد اعتقاد شخصي يعني إن أمريكا مش تبلغ إسرائيل لوحدها، هي هتبلغ كل دول المنطقة. هتروح تضرب إيران إمتى؟ أمريكا ما عندهاش مشكلة خالص إنها تتغلب على الدفاعات الجوية الإيرانية، خاصة إن إيران يعني بتقعد تقول إن عندها دفاعات جوية والكلام ده كله، بس في الاختبار الحقيقي ما بتلاقيش الكلام اللي بيعد بيه القادة الإيرانيين. فده أمر مهم جداً.

الحاجة الثانية اللي أنا واقف عندها إن والله إيران كانت واضحة، قالت لك بقى إيه؟ وده الوعد الثاني. قال لك: لو إحنا اتضربنا، إحنا هنضرب إسرائيل، مش بس إسرائيل، هنضرب القواعد الأمريكية في الخليج. طب الجديد؟ الجديد إن إيران لأول مرة هددت باستهداف قاعدة إنجرليك في تركيا. قاعدة إنجرليك دي دي قاعدة مهمة جداً بالنسبة للناتو، ودي قاعدة أمريكية فيها معدات أمريكية، وأمريكا بتحط فيها أحدث معدات الرصد والاستهداف وبتحط فيها رادارات مميزة. في قاعدة إنجرليك دي، فإيران بتقول لك: إحنا نضرب القاعدة دي.

طيب، ده معنى كده إيه؟ معنى كده إن إيران هتلوش، هتضرب إسرائيل وهتضرب دول الخليج، ولأول مرة هتضرب تركيا. إيران هتضرب تركيا؟ تخيل! وقال لك والله إحنا إيه؟ هنستهدف قاعدة أمريكية. ده المنطقة كلها تقلب.

في الداخل الإيراني أعلنت صراحة بأن الرد الإيراني هذه المرة لن يقف عند حدود القواعد القوات الأمريكية، وإنما حتى الدول التي تسهل وتدعم أي ضربات واستهدافات أمريكية للأراضي الإيرانية، وبالتالي تريد طهران توسيع مساحة تحذيراتها وتهديداتها على أن يكون هناك موقف إقليمي أزاء أي محاولات اعتداء مجدداً على الصعيد، إن كانت من الولايات المتحدة الأمريكية أو إسرائيل.

بس تاني، لازم تعرف إن إحنا لو وصلنا للمرحلة دي، إن والله إيران هتستهدف تركيا، ماشي. لازم تعرف إن إحنا بنتكلم على بداية النهاية بالنسبة للنظام الإيراني. كده أو كده، لازم تعرف إن أمريكا بتحضر حالياً حاكم جديد لإيران. وده فيديو للنائب الجمهوري لينزي جراهام قاعد جنب رضا بهلوي، اللي هو ابن شاه إيران السابق، وعمالين يتكلموا، وظاهر كده إن الساسة الأمريكان بيعدوا رضا بهلوي إن هو ياخد عرشه تاني أو يستعيد عرش أبوه في إيران، ماشي. خلي بالك، خميني هو اللي انقلب على شاه إيران 1979. بس في الآخر، ادي رضا بهلوي عمال يطلع في القنوات الأمريكية كلها، عمال يتكلم كأنه هو اللي بيقود الثورة في إيران. وأديك شايف لينزي جراهام قاعد جنبه، يضحكوا ويتكلموا والكلام ده كله.

بمناسبة الكلام ده، لازم تعرف إن دونالد ترامب عنده رأي تاني فيما يخص رضا بهلوي ده. طيب، نخش على المقالة بتاعة مارك لينش. مارك لينش كاتب مقالة يقول لك إيه؟ يقول لك: إيه هي خيارات أمريكا للتعامل مع إيران؟ ليه بيقول لك خلي بالك؟ لأن أي خيار أمريكا هتاخده، لازم تعرف إن هو هيعمل باك فاير، باك فاير يعني هينفجر في وشها، ماشي. فهو عاوز يوضح لك إن في آثار سلبية على الضربة الأمريكية الإيرانية لو ما تمتش صح.

طيب، الراجل بيقول لك إيه؟ بيقول لك دلوقتي أمريكا عاوزة تسقط النظام الإيراني. ودونالد ترامب واضح إن الراجل يعني من ساعة ما نتنياهو كان عمال يزن عليه، ومن ساعة ما خطف نيكلسون مادورو، وهو شايف إن الهدف التالي إيران. فشايف إن موضوع المظاهرات دي حل كويس إن هو يسقط النظام الإيراني، وشايف النظام الإيراني في أضعف مراحله. والظاهر أو ممكن يكون دونالد ترامب عنده أخبار استخباراتية أو معلومات استخباراتية إن النظام الإيراني فعلاً في مرحلة سيئة. فدونالد ترامب شايف إن التدخل دلوقتي حاجة هايلة جداً، إحنا نسقط النظام ونجيب نظام تابع لينا أو قريب مننا زي رضا بهلوي مثلاً، والراجل ده يمسك إيران ويرجع تاني التحالف الإيراني الإسرائيلي الأمريكي اللي كان قائم قبل الانقلاب بتاع خميني على شاه. ماشي. فده فكر دونالد ترامب.

بس مارك لينش بيقول لك إيه؟ بيقول لك الموضوع مش سهل كده. يعني أنتوا ليه فاهمين إن دونالد ترامب لما يروح يضرب إيران النظام هيسقط والدنيا هتقع، وكان الموضوع أقضى من كده؟ أنت لو أسقطت النظام وجبت مثلاً رضا بهلوي، الشعب الإيراني هيتعامل مع رضا بهلوي إن هو جاي على ظهور الدبابات الأمريكية. ولازم تعرف إن الشعب الإيراني مش محب جداً لأمريكا. الشعب الإيراني نازل عشان مش لاقي ياكل، وظروفه الاقتصادية زي الزفت. إنما مش نازل زي ما الأمريكان بيحاولوا يسوقوا أو دونالد ترامب بيحاول يسوق إن والله دول نازلين بفضل وعود دونالد ترامب خالص. هم فعلاً ظروفهم اقتصادية زي ما بقول لك، إن العملة الإيرانية سجلت صفر صفر صفر، ما بتتداولش معاك ريال إيراني، ما تشتريش بيه حاجة، ما يتبعش أصلاً. الشعب الإيراني نازل عشان ظروفه الاقتصادية سيئة جداً. فالراجل بيقول لك لو أنت فاكر النظام الإيراني لما يسقط بالعنف، أنت هتعرف تعين حد تاني مكان خامنئي، يبقى أنت غلطان. فده أمر مهم جداً.

طيب، قال لك إيه الخيار الثاني؟ قال لك من وجهة نظره بقى، قال لك أنسب خيار حاجة مهمة جداً، إن أنت تجيب رأس المرشد. هو ده مارك لينش شايف كده. قال لك: هات رأس المرشد على طول، زي ما أنت عملت في فنزويلا. ليه؟ بيقول لك خلي بالك، لو أنت جيت تبص على أنسب طريقة تضعف فيها إيران، إن أنت تقطع الراس. صحيح النظام ده نفع من فنزويلا عشان نيكولاس مادورو مش محبوب قوي، بس لازم تعرف إن النظام الإيراني ما فيهوش الحتة دي. لازم تعرف إن النظام الإيراني، اتباع المرشد بيحبوهم. بس مارك لينش بيقول لك: أنت تجيب رأس المرشد، لأن إحنا عاوزين نطبق نفس المثل اللي حصل في حزب الله. نعمله في إيران في رأس كبيرة. ليه؟ قال لك لما إسرائيل اختالت حسن نصر الله واختالت القيادات اللي بعديه، حصل هرجلة في حزب الله. حزب الله لحد دلوقتي مش عارف يشيل راسه. حزب الله دلوقتي إسرائيل بتضربه وما بيردش. فقال لك: أنت لو عاوز تخلي النظام الإيراني والحرس الثوري يتضرب وما يردش، اقطع راس.

بس الكاتب نفسه مارك لينش بيقول لك: والله ده خيار ممكن يكون برضه مستبعد. لازم تعرف أولاً، بعد حرب الـ 12 يوم، المرشد الأعلى في إيران، أو هو خامنئي، والنظام الإيراني عمل عملية تطهير كتيرة جداً، عس لأن هو كان شايف إن إسرائيل ممكن تختال المرشد، فعمل عملية تطهير وقتل خونه كتير جداً في النظام بتاعه. فهي عملية مش سهلة إن أنت تجيب رأس المرشد دلوقتي. يعني أنت كان ممكن تجيبها في حرب الـ 12 يوم، كان في جواسيس كتير قوي. إنما دلوقتي وسط اتباع ووسط مخلصين ليه، وبعد عملية تطهير قام بيها النظام الإيراني، صعب إن أنت تجيب رأس المرشد دلوقتي. بس هو ده الحل اللي كان بيشير ليه مارك لينش. حاجة سريعة جداً وتخلص كل حاجة بدون حرب.

خلي بالك، دي نقطة أنت مش واخد بالك منها. اللي بيعمله دونالد ترامب ده كله، كله في الشرق الأوسط ده أصلاً غير دستوري. لأن لازم تعرف إن دونالد ترامب لو قام بحرب ضد إيران، لازم تعرف إن الحرب دي تستوجب إن دونالد ترامب ياخد رأي الكونجرس في أمريكا، مجلس شيوخ ومجلس نواب، صح؟ وهو ما أخدش الموافقتين دول. طب هو بيتحرك على أساس إيه؟ دونالد ترامب بيتحرك وبيراهن على رد فعل إيران إزاي؟ دونالد ترامب بيتحرك إن هو والله هينفذ ضربات على مراكز أمنية في إيران، مراكز قيادة الباسيج، اللي هم المفروض إن دونالد ترامب يتهم إن دول قتلوا متظاهرين.

الرئيس الأمريكي دونالد ترامب يلوح بإمكانية استهداف مراكز وقواعد لقوى أمنية إيرانية قال إنها متورطة في قمع الاحتجاجات، في رسالة ضغط وتحذير مباشر لطهران من التعامل بقوة أو دموية مع التظاهرات.

ماشي، فهو هيشن ضربات مش على عسكريين أو الحرس الثوري، هيشن ضربات على مراكز الأمن في إيران. بس. فدونالد ترامب بيراهن إن حتى بعد الضربة دي، إيران لو جت ترد مش هترد بالعنف اللي كان موجود في حرب الـ 12 يوم. إحنا ما دمرناش رأس مرشد، ما دمرناش للحرس الثوري ولا أي حاجة من دي. دونالد ترامب بيرهن على ضربة محدودة، هيتم استيعاب رد إيران منها، تبقى مثلاً حركة زي بتاعة اغتيال قاسم سليماني، لما إيران قالت للأمريكان: إحنا هنضرب قاعدة عين الأسد، لو سمحت خلوا بالكم عشان هنضربها. فايران تضرب ضربة تحفظ ماء وجه دونالد ترامب، وفي نفس الوقت تحفظ ماء وجه النظام الإيراني قصاد أتباعه إن يا جماعة اللي حصل ده عادي، ما مش مستدعية يعني إن إحنا نقوم بحرب. فهو ده اللي بيراهن عليه دونالد ترامب.

التحركات العسكرية دي كلها، التحركات العسكرية دي كلها للسيناريو الأسوأ، إنما في الآخر لازم تعرف إنها معموله عشان ضربة محدودة ورد محدود من إيران. بس وهتخلص الليل على كده ويلموا الدنيا ويمشوا. هو ده الرهان بتاع دونالد ترامب. وعلى فكرة، الكاتب هنا بيراهن ويقول لك: خلي بالك، أمريكا أصلاً عندها مشاكل في منظومات الدفاع الجوي وصواريخ الدفاع الجوي، وحتى صواريخ كروز ومخزونات الصواريخ والقنابل الموجهة. الكلام ده كله الجيش الأمريكي عنده فيه مشكلة. مش هيخش في حرب مع إيران. ماشي؟ مش هيخش. فدونالد ترامب ده الرهان بتاعه. خلاص. الراجل لازم تعرف إن هو مضغوط، لأن هو وعد المتظاهرين قال لهم: كملوا، والدعم جايلكم في الطريق. ما ينفعش دلوقتي ما يعملش حاجة، خاصة إن دي أول مرة رئيس أمريكا يقف مع متظاهرين في إيران. ماشي؟

وأنا بيني وبينك، المشهد في حد ذاته في إيران غريب جداً. يعني إيه أمريكا هتخش تنفذ ضربات عسكرية على النظام الإيراني عشان بيقتل في متظاهرين؟ أنا أول مرة أسمعها. إيه دولة هتشن حرب على دولة أخرى عشان الدولة دي النظام بتاعها بيقتل المتظاهرين اللي بيثوروا ضده؟ يعني ما فهمتش قوي يعني، أو مش مستوعبها. القصة كلها مش داخلة دماغي.

عبر تطبيق تروث سوشال من سماهم الوطنيين الإيرانيين إلى مواصلة الاحتجاج، كما قال إن المساعدة في الطريق إلى المحتجين الإيرانيين.

ماشي، فهو دونالد ترامب شاف كده. طيب، مين الخاسر الأكبر في الليلة دي كلها؟ خاسر الأكبر دول الخليج، خلي بالك. وأنا بكلمك المفروض السعودية استنفرت كافة دفاعاتها الجوية. خد بالك، أنا وفقاً لموقع تكتيك ريبورت، بعد حرب الـ 12 يوم اللي تمت في يونيو الماضي، السعودية عملت صفقات عسكرية ضخمة جداً في منظومات الدفاع الجوي والمقاتلات. اهتموا جداً بسلاح المقاتلات ومنظومات الدفاع الجوي. فما أعرفش إيه اللي وصل للسعودية من يونيو الماضي لحد دلوقتي، وإيه التغييرات اللي حصلت في منظومات الدفاع الجوي السعودية، بس كده أو كده، السعودية أكدت لإيران إن المجال الجوي السعودي مش هيتم استخدامه لتوجيه أي ضربة لإيران.

أكدت مصادر لفرانس برس أن السعودية أبلغت إيران بأنها لن تسمح باستخدام مجالها الجوي أو أراضيها في أي عمل عسكري أمريكي محتمل. وبحسب فرانس برس، فإن السعودية أبلغت طهران مباشرة أنها لن تكون جزءاً من أي عمل عسكري محتمل ضدها، وأنه جرى نقل هذه الرسالة إلى إيران.

وبالتالي، كل المجال الجوي بتاع الخليج مش هيتم استخدامه لضرب إيران. في نفس الوقت، القواعد العسكرية الأمريكية اللي موجودة في دول الخليج برضه مش هيتم استخدامها لضرب إيران. ليه الخليج بيعمل كده؟ الخليج بيعمل كده عشان إيران مش ما تستهدفش القواعد الأمريكية اللي عنده، لا، عشان إيران ما تستهدفش حقول النفط ومصافي النفط الخليجية، ماشي. فده أمر مهم جداً.

ليه بقول لك إن الخليج الخاسر الأكبر؟ والله الخليج الخاسر الأكبر، لأن كل السيناريوهات للتعامل مع إيران هي خسارة للخليج. لو خدت بالك، هتلاقي إن الخليج بيتعامل مع إيران دلوقتي إنها المسمار الوحيد الباقي قبل قيام إسرائيل بالسيطرة على الشرق الأوسط أو إنها تاخد الهيمنة على الشرق الأوسط. الحاجة الوحيدة اللي بتردع إسرائيل بشكل كبير جداً هو وجود إيران وميليشيات إيران. فعشان كده الخليج أصبح متسامح أو متصالح مع وجود الميليشيات دي وعدم الضرر بين الطرفين. وهتلاقي إن السعودية سكتت على الحوثيين، خليهم يعني قدامهم بيضربوا في إسرائيل، خليهم. هتلاقي الخليج ما بيهاجمش حزب الله، بيهاجموه، فاهمني إزاي؟ فالتصالح ده أكتر حد مش عارف يتصالح معاه هو إسرائيل.

فحالياً، الخليج شايف إن سقوط النظام الإيراني فيه ضرر وتهديد على الأمن القومي الخليجي والعربي كله. لأن ساعتها إسرائيل أولاً هتستعيد تحالف قديم، اللي هو إيران. إيران كانت حليفة أمريكا بشكل كبير جداً لما كان الشاه موجود. تاني حاجة، بعد سقوط أو لو تم سقوط النظام الإيراني، إسرائيل هتبقى قوة كبيرة جداً وهتبقى عملت الشرق الأوسط اللي هي بتتمناه. لأن لو سقط النظام الإيراني، هتلاقي ميليشيات النظام الإيراني سقطت. الحوثيين هيسقطوا، لأن خلي بالك نزل بيان من الحوثيين من عدة ساعات قال لك والله: لو إيران اتضربت، إحنا هنضرب. ماشي. فده أمر. فسقوط إيران يسقط خلايا بتاعتها، ماشي، حوثيين وحزب الله وكده. فده أمر غاية في الخطورة.

الحاجة الثانية، خد بالك إن الحرب لو أمريكا ضربت ضربة مش محسوبة قوي والامر انفلت، أو إيران ردت رد غشيم، ماشي. أنت هنا بتتكلم إن الخليج هيشتعل. الخليج العربي، مضيق هرمز في خطر. الكلام ده كله مين اللي هيدفع ثمنه؟ الخليج. خلي بالك، الخليج ما عندوش طموحات عسكرية حالياً. الخليج بيرسم طموحات اقتصادية ضخمة جداً، إن هو عاوز يبقى بؤرة الـ AI أو يبقى المركز العالمي تاني لشركات الـ AI، ويعتمد على السياحة ويعتمد على نقلة، ويطور منظومته الاقتصادية بشكل كبير جداً. فما ينفعش إن أنت يبقى عندك طموحات اقتصادية بالشكل ده وأنت في حرب على حدودك بتدور. فدي أمور مهمة جداً يجب الالتفات إليها.

طب ليه يجب الالتفات إليها؟ لأن أنت لازم تنجز الموضوع ده. كده أو كده هتضرب إيران، ما تضربش إيران، الموضوع لازم ينجز. ما ينفعش حرب طويلة كلي. مش هيستحمل. حرب طويلة بمناسبة الدول الخليجية دي كلها، ما مش في حمل حرب تقعد في الشهر ده 12 يوم بهدلوا الاقتصاد الخليجي ورفعوا أسعار النفط وكانت مصيبة. ما بالك حرب أطول من 12 يوم؟ ودي حرب إيه بقى؟ الكل في الكل فعلاً. دي حاجات يجب الوقوف أمامها.

في الآخر، يا رب أكون شرحت لحضرتك الموضوع بشكل مبسط. ويا رب انصر مصر، رب العرب. ويا رب انصر فلسطين، يا رب. تحيا مصر. سلام.

أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين، والعالم مش عارف سرها. إحنا خفة دم بتضحك القلب.

وكرم بيضرب به المثل. جدعنة وشهامة مش موجودة في زماننا. ورحمة بتطلع من عينينا قبل قلبنا.

إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر.

يا محروسة بسيف شاطر وسيف حارس عليكِ. يا مين ومن فوق السماء السابع حاميكِ رب العالمين.