Transcription
سلام وتحيه وكل عام وانتم بخير. رمضان كريم.
في موضوع اليوم يعني اتمنى انه يعجبكم. رح يكون مهم عن يربط سوريا بتركيا في شكل السلطه والحكم الاسلام السياسي. لانه اذا فهمنا قصه تركيا وين رايح الموضوع، يمكن نعرف ونحدد عمر او شو رح يصير في هذه السلطه اللي موجوده في دمشق.
بعض الناس قالوا لي: "لا تعمل فيديوهات في رمضان. مين بده يتفرج على سياسه في رمضان والمسلسلات معبيه؟" لكن نحن بنقول راينا ويعني نشكر اللي بتابع.
اي القصه اليوم رح نحكيها عن انه اييه وصراحه يعني اي الاستاذ خالد خوجه هو على تويتر اللي يعني حكى في الموضوع. انا كنت حكيت ايضا فيه في موضوع انه الاسلام السياسي الى اي درجه بينفر متدي الشباب جيل الشباب من الدين عننا الشيء الحادي. لكن في سوريا حنحكي هون انه هل هو هذا المطلوب الان عن عمد ولكن بقصص وباشكال اخرى؟ لانه بدنا نشوف القصه كيف مشت في تركيا والى اي درجه الاسلام السياسي هذا فعلا بيمثل الشارع ولا هو في له دعم اجنبي اهم؟ من هون ممكن انه نخمن شو عم بصير في سوريا وليش تركيا الواصي عليه مش حدا ثاني؟ عشان تعرف ممكن تحلل الى وين رايحه النهايه؟ فيها معلومات غريبه وجديده يمكن لاول مره حدا يعرفها للمتابعين. طبعا الشان التركي يمكن يكون سمعوا فيها، لكن في اعتقد انه في ناس كثير يمكن ما لسه انتبهوا عليها.
قصتنا بتبدا مع الحرب البارده والاسلام السياسي وانه فعلا الامريكان استغلوا الجهاديين الاسلاميين وفي هذا في محاربه الشيوعيه الامريكيه وازدهرت في وقتها. فجاه تفجرت في الستينيات والسبعينيات والثمانينيات الحركات الجهاديه من اخوان وكذا وانتشر هذا الموضوع وهو كان فعلا هندسه سياسيه امريكيه يعني واضحه.
لكن النقطه هون انه ظهر عننا اييه شخص من السي اي مهم جدا اشتغل في السي اي من نهايه الستينيات الى وسط الثمانينيات او اخر الثمانينيات اسمه جراهم فولر. جراهم فولر راح احط لكم صورته. هذا الرجل تخصص وتركز لانه راح على تركيا واشتغل وكذا في موضوع الاسلام السياسي المعتدل. هو صاحب نظريه انه اذا بدك تقضي على الاسلام المتطرف المتشدد او تتحكم فيه، خلي الاسلام المعتدل السياسي المعتدل يصل الى الحكم يعني بهذا المعنى. وبالتالي هو اللي دعم منذ البدايه وكان متبع قصه حزب الرفاه في تركيا، بعدين حزب العداله والتنميه في تركيا ودعم وايد في الغرب انه لازم تعطوهم هم الفرصه لحزب العداله والتنميه للوصول الى الحكم ومن خلالهم ممكن انه نحن نواجه التطرف والارهاب. بتعرفوا اذا اللي بتذكر وقتها انه الرئيس رجب طيب اردوغان كان رئيس وزراء تركيا في حينها وكان الرئيس الثاني مع رئيس الوزراء الاسباني فيما يعرف بمشروع الشرق الاوسط الكبير او الموسع اللي يحارب التطرف الاسلامي بالاعتدال الاسلامي. المهم انه السياسه ال اسلامي السياسي يوصل الى الحكم والى السلطه. ليش؟ لانه عده نقاط حكاها جراهام فولر.
وعشان احرق لكم يعني النهايه هون، جراهم فولر ندم على هذا السيناريو انطلع وندم على هذا السيناريو. لا ودخل في اشكاليه مع حزب العداله والتنميه اللي هو يعني نتيجه نظريته وصل الى الحكم في تركيا. دعمه وحزب العداله والتنميه اتهموا بانه هو مشارك في التخطيط للانقلاب الفاشل 16 واصدروا اوامر القبض عليه. وهو بال 2017 قال: "الحمد لله انه انا لست مواطن تركي ولا اعيش في تركيا في هذه الفتره". وابدا ندمه على هذا الموضوع وله مقالات مهمه. اعتقد هو عنده ويب سايت ممكن تطلعوا عليه بيحكي عن دور تركيا المفيد للنيتو والغرب مهما كان الحاكم اسلامي يساري يميني وتكلم وبيحكي شيء يعني مهم عن اللي عم بيحصل الان في تركيا.
طيب ايه جراانف فلر شو كانت نظريته بتقول؟ بتقول انه هذول ال تبعون الاسلام السياسي لما يوصلوا الحكم بيفهموا انه الحكم مش لعبه. يعني انت بتكون في المعارضه وبتقول ما بدنا تبعيه لامريكا، ما بدنا مش عارف شو، بدنا نعمل هيك. بتوصل للحكوم بتشوف انه انت مفلس، بتشوف انه ادارتك سيئه، بتشوف انه انت ما عندك تعليم، ما عندك علم، ما عندك علماء، ما عندك كوادر. وبتشوف انه انت امريكا كنظام سياسي عالمي ايه بيحكموك يعني في النهايه. ف ايه ببطلوا يرفعوا هي الشعارات تبعت امريكا. اثنين انه بشوفوا حقائق السياسه وبيضطروا انه يصيروا يلعبوا زقزاق ويصيروا ايش براجماتيين. فاللي كان يحكيه امبارح اليوم بغيره، بصير يحكي عكسه. وهذا اولا بيكسر مصداقيتهم. اييه واثنين بخلي الناس يشوفوا انه يا عمي هذول كانوا يحكوا شيء وصاروا يحكي شيء ثاني. الان هذا ايضا بشوه صوره الاسلام السياسي او بشكل العام. لانه الناس بتشوف انه هذول لا يختلفوا عن اي حدا طالب سلطه. انه انا جاي احكم سلطه وبستخدم الدين مش انه انا فعلا يعني اتميز عن غيري بانه انا عندي دين واخلاق وكذا. كله واحد. لذلك اييه كانت هذه النظريه هي اللي دفعت جراهام فولر انه يدافع عن وصول احزاب اسلاميه معتدله الى الحكم. وتركيا كانت الاختبار الاول اللي بعد نجاحه دفع جراهم فولرسيا اي اي وامريكا الى دعم موضوع الربيع العربي.
انا ما بقول انه الربيع العربي المظاهرات اللي ظهرت المحقه انه هي مؤامره ابدا. لكن لكن كان فيها بصمه مخابرات امريكيه واضحه وهذا ما فينا ننكره. وبالتالي ايه اما انهم مهدوا لها دعموها او لكن السي اي ودور البصمه ان يصل الاسلام المعتدل عبر هذه الثورات. ركبوهم على هي الثورات زي ما صار في سوريا، زي ما صار في مصر، زي ما صار في ثورات اخرى. من اجل ان يصلوا الى الحكم. باراك اوباما هو اللي تبنى هي النظريات تبعت جراهم فولر في هذاك الوقت. اي لذلك بنشوف انه ه القصه بدات في تركيا كمختبر، بدا تعميمها في العالم العربي. لكنها فشلت في العالم العربي شوي. ما عدا هلا حنيجي على سوريا. لانه هون نحن عم نحكي عن هذا ايه ايه الملف.
خليني احكي عن سايد ايفيكت اثار جانبيه لهذا السيناريو يمكن ما كان حدا بينتبه لها لا جراهام فولر ولا حزب العداله والتنميه ولا اي حدا من اللي دخلوا هي التجربه في هذا الاطار. هون السايد ايفيكت المهم اللي بدي احكي عنه في تركيا هذا الاثار الجانبي واللي حنشوفه ايضا واضح في سوريا. ظهرت قضيه فساد كبير قبل شهرين في تركيا. فجاه اي دخلوا قبضوا على مذيع مهم ورئيس مؤقت لاهم الشبكات الاخباريه في تركيا اسمه مهمه اكفير ارسوي. هذا الشب هذا شب متدين اسلامي على هيك المفروض انه اسلامي من عائله اسلام سياسي. وكان من الاول والاخير مع حزب الرفاه ومع يعني حزب العداله والتنميه. وا الرجل لانه متدين واسلامي راح على افغانستان وعمل تقارير من هناك وودت المخابرات التركيه على شمال سوريا عند النصره وعند الكذا يعني وكان يشتغل قناه سبعه. بعدين طبعا استفاد من الحكم فاشتغل في التي ار تي القناه الحكوميه. بعدين راح على الخبر ترك قناه خبر ترك بسبب ضغوط الحكومه يعني انه جماعه عينهم هناك وصار هذا الرجل قبض عليه تبهدل انمسح في كرامته الارض بتهم خادشه للحياه انهت مستقبله. حتى مش قادر يمشي في الشارع. ليش؟ واللي قبض عليه هو المدعي العام اللي يعني الان صار وزير العدل اركنجورليك. ايه وهو المقرب من الرئيس اردوغان. يعني السلطه اكلت اولادها. يعني هذا الرجل قالوا انه بيستخدم الهيروين مخدرات يروج لها، بيعمل حفلات جنسيه نسائيه، يتحرش ويضطهد النساء اللي بيشتغلوا بعض. وسربوا له بعض الفيديوهات يعني الحكومه سربت له بعض الفيديوهات. ومعه بداوا بيقبضوا على بعض السيدات النساء البنات اللي برضه هم من عائلات متدينه ومن تابعين لحزب العداله والتنميه وخريجين معاهد الائمه والخطباء. امم وشوف صورهم يعني لانهم بده يطلعوا على التلفزيون وصاروا الان مشاهير وسليبرتيز. صارت التنوره يعني تتسابق في القصر.
طيب شو اللي صار؟ الرئيس اردوغان كان دائما يقول انه نحن نريد ان نربي وننشئ جيل متدين. وصار له حزب العداله والتنميه بيحكم يعني تقريبا ربع قرن. ففي ناس انولدوا مع الحزب الان صاروا شباب. لكن هذول الشباب بدل ما ان ينشاوا نشاه متدينه بداوا يتجهوا للالحاد بشكل قوي وسريع وينفرون من الدين. وكل الاحصائيات في تركيا بتقول لك هيك. طيب شو اللي صار؟ ليش هذا اولا نحن فاهمين انه طبعا يعني الناس رح تنفر. بس ال ال ال الثروه والسلطه اللي وصل لها عائلات هؤلاء الاسلاميين افسدت شبابهم وكثير منهم. فصار الفساد والسرقه والفلوس كثيره لدرجه انه هذول ما عنده اي متعه الا في الخروج عن القانون. مخدرات نساء شرب كذا كذا بابشع صوره. مش انه والله مجرد انه واحد بحب النسوان. لا بابشع صوره. الفيديوهات اللي تم تسريبها تدل عن شذوذ اخلاقي غير منطقي.
طيب ليش هم عملوا فيه هيك؟ هذا بس سريعا. ليش الحكم يعني طبعا قولوا ابننا وكذا. هو ما كان له علاقه انه الرجل فاسد وانه على العكس على العكس. هو يعني كان الموضوع انه في صراع على السلطه في تركيا. انه مين سيرث ومين حيجي بعد الرئيس اردوغان. ف هذا الشب ما كان من الداعمين لل لل لبلال اردوغان او الرجل الذي يريده يمكن عائله اردوغان. كان يعني بفضل حدا ثاني واكتشفوا انه له يعني ممكن بدعمه سياسيا واعلاميا وكذا. ف هون ما ما بنعرف حدا. ما بنعرف لا ابننا ولا ابن هذا ولا خلص وعلق وربوا فيه غيره. يعني لانه اللي صار معه ما بتتمنى لي عدوك.
لكن انا بدي ارجع هون الى هذا الفساد الاخلاقي اللي جاء بسبب وصول اج عائلات متدينه المفروض الى السلطه واسلام سياسي. وهون بدي ارجع لموضوع تعليق مهم جدا حكاه الصحفي التركي ليفنتكين. اللي هو اصلا تب يعني مب عاش وكبر في بيئه الاسلام السياسي. لكن لما وصل الى 30 من العمر وكذا ودخل حزب العداله والتنميه واشتغل معهم كفر بالموضوع وقال لهم: "انا لا اسلام سياسي ولا كذا". وطلع وبدا ينتقد فيهم بشكل كبير. فهو شو بيقول؟ قول بقول: "انا طول عمري بسمع في تركيا انه المجت يعني اهلنا وغيرهم وكذول هذول الناس بيقولوا انه لو ربنا يخلصنا من هي السلطه الحاكمه الاتاتركيه العلمانيه الكافره انه هيك كان لحد الثمانينات التسعينات. انه كل اللي بيحكموا هم الجيش العسكر وكلهم هذول اتاتركيين مانعين الحجاب مانعين مش عارف شو وكذا. فكانوا يعتبروهم المتدينين الاسلام السياسي والمتدينين انه هذول يعني اتاتركيين كفار علمانيين مش عارف شو. كانوا يقولوا لو جاء سلطه متدينه اشخاص متدينه حزب متدين يخاف الله وكذا رح تتحول تركيا الى دوله رائعه جدا يعم الرفاه تعم الحريه والعدل ويعني الاقتصاد يطير ونصير دوله كبرى و و بس بدنا نحن مين يجي يحكمنا شويه ناس متدينين اسلاميين بيعرفوا ربنا بدل هذول العلمانيين الكفار".
شو اللي صار؟ صار العكس عكس انه جاؤوا هؤلاء المتدينين جاء حزب العداله والتنميه كلهم متدينين وكلهم كذا وهذا ويحكوا بالاسلام وكذا وكذا. تركيا وصلت الى وضع اسوا مما كانت عليه في الثمانينات وفي السبعينات اليوم يعني اسوا بكثير. ليش مقارنه؟ لانه تركيا في السبعينات كانت طالعه من الخمسينات كانت طالعه من الصفر. وصلت الى وضع في السبعينات عندك ازمه اقتصاديه بسبب يعني وضعها بس كانت عم تقاوم. الان انت عندك تركيا كانت في المجد في اول اربع خمس سنين لحزب العداله والتنميه اللي اكل فيهم تعب اللي قبله وهو اشتغل صح في اول ست سنين للامانه. بعد هيك بدا النزول بشكل اصبح يعني اسوا من اي وضع ثاني. وبالتالي هذا السايد ايفكت اللي هو الفساد الاخلاقي يعني غير انه فساد في الحكم فساد مالي صار في فساد اخلاقي. هذا عم بينفر الناس.
نيجي على سوريا. الان تم تكرار الموضوع في سوريا. بدل جرا هم فولر طلع لنا جوناثن باول هالمره هذه اللي بقول لك طيب اوك ما في داعي للاسلام المعتدل يجي يحكم. خلينا نجيب اي اسلام هذا حتى المتطرف نحطه في السلطه ونفرمه زي ما فرمنا الاسلام المعتدل في تركيا. وهينا شفنا انه الاسلام معتدل في تركيا انت بتقدر تتحكم فيه من برا كامريكا وانه يعني بسيطر وانه بيعمل اللي بدك اياه انت. وجاؤوا بجبهه النصره وهيئه تحرير الشام ومسكوها الحكم. وبتشوف انت نفس الشيء اللي عم يصير. الفساد المالي، الفساد الاخلاقي، الفساد الفساد الكذب. نفس الكوبي بيست عم تتكرر بنفس الشكل بنفس الشكل. يعني الجماعه اللي شاركوا في الثوره اليوم عم بيدفعوا الثمن. الناس اللي كانوا يشبحوا ويضربوا ويظلموا ايام حافظ الاسد عم طلعوهم من السجن. يعني ما عنده هو انه ميزان اخلاقي ديني يعني انه والله والعلويين هذول كذا. بس بتروحي بتلاقيه انه واحد يعني من جماعه النظام السابق بعاون معه علوي درزي مش مهم. المصلحه المهم المصلحه. فيعني بتلاقي انه النموذج هذا موجود لتحقيق مصلحه غربيه عشان نحكيها على بياض. اللي تخلص من بشار الاسد وامريكا واسرائيل قرار اسرائيلي بالاول وبعدين امريكي. اللي بيعتقد حتى الان انه والله جبهه النصره قامت بحرب وعملت اللي ما حدا قدر يعمله ووصلت الى دمشق فهرب منها بشار. فجاء ما يكمل اللي قرار اخذته اسرائيل. لانه اسرائيل ببساطه هي اللي كانت ماسكه بشار الاسد في الحكم فقرر التخلي عنه. تركيا وروسيا تفاهماتهم هذه مكمله تحصيل حاصل بعد القرار ما انتهى وبعد ما انه خلص الزلمه رح يوقع. فاحنا يعني تركيا كيف نستفيد؟ روسيا كيف نقلل الخسائر؟ لكن القرار قتخذ في تل ابيب. ولما اجوا هذول ال الناس اللي التيار الاسلامي جيء بهم من اجل مصلحه تريدها تل ابيب وهي انه خلص حبيبي ما تحكي لي عن الجولان انت وخلص رتب امورك معي وانتهى الموضوع. انا مع السلام. انا مع السلام وانه يكون في علاقات جيده وكذا.
لكن انا اللي بحكيه انه تخيل لو كان في اي حدا اليوم في السلطه او في حكم ديمقراطي في سوريا لما ينحكى عن موضوع الجولان وكذا كان حيكون في عندهم حمره خجل. كان حيخجلوا شوي. كان يقول لك لاش نقدر شو يعني؟ على الاقل يعني الوحيد اللي بده يطلع يقول لك انا ما عندي مشكله انا بتوقع انا لست تهديد لاسرائيل بالتم المليان وما يحكي عن جولان ابدا هو فقط هذول الاسلاميين. لانه هو عارف انهم موجود في السلطه بدعم من الخارج ولمصلحه هذا الطرف الخارجي. وبالتالي هذا هو المطلوب من هذه السلطه. اللي بفكر انه في اصلاح وفي انتقال ومرحله انتقاليه وكذا ما يعني يشوف اللي عم بيصير. يشوف موضوع الكهرباء يشوف موضوع الاقتصاد الاستثمار الكلام. شوف ليش في فساد كبير. ليش في مصالحات مع ازلام النظام السابق واللي كانوا يعذبوا اللي كانوا يقتلوا. بينما الثورجيين الحقيقيين او اصحاب الثوره الحقيقيين مستبعدين وكذا. ايش اللي بيكوع من الثوره هو وبيجي يقول امين للحكم هو اللي بيكون معه فقط. اي لذلك لذلك ايه بدي بس اللي بيتبع النموذج السوري اليوم وبتحق بتفكر انه في امال كبيره معقوده عليه يشوف النموذج التركي وين ودى هذا الاسلام المعتدل تركيا في اقتصاديا واجتماعيا ودينيا. حتى انا ما اتوقع انه هم كانوا عارفين انه رح ينفروا الناس من الدين الى الدرجه. لكن انا اعتقد انه اسرائيل كانت عارفه هذا الشيء. واللي عم بيصير في سوريا اليوم هو نفس الشيء. هو نفس الشيء. لانه اللي قاتل مع جبهه النصره ومتمسك بمبادئه عم بشوف انه الحكم عم بيتخلى عن هذه المبادئ فبيكفر بياها. الثاني اللي شايف انه جبهه النصره اجت وحكمت اليوم وشايف عم تفشل في الحكم حتى وشايفها انه هي متشدده ومتطرفه. فهو كمان كيون ضد الاسلام السياسي بشكل كبير. تالي اللي عنده امل بانه لا هي السلطه جاي وبدها تعمل وبدها تساوي. شوف النموذج الافضل اللي هو في تركيا وين وضعه الاقتصادي اليوم ويقارنه بالوضع اللي حيصير في سوريا.
ما بدي اطول عليكم هون. لكن اللي بقول لانه بيسالوني كثير انه وين رح الى متى هذا الوضع سيستمر وكذا. وهذه الاجابه بشكل واضح وصريح. انه ترامب لما اجا لقى الملف السوري بحضنه. ما كان مفكر لا. فسلموا لتركيا. قال لهم انتم المسؤولين عنه لحد ما يخلص من الملفات الاساسيه اللي عنده اللي هي مواجهه الصين عن طريق فنزويلا وايران وروسيا. فبده يحل موضوع الاوكرانيا اذا قدر. بس الاهم عنده انه يحل موضوع ايران. ايران حشد الشعبي وحزب الله مع اسرائيل. انه اللي بياخذ القرار مين يحكم دمشق للاسف من بشار الاسد الى اليوم هي اسرائيل وامريكا. فامريكا واسرائيل لما يفضوا لسوريا وشوفوا شو بدهم منها ساعتها بقرروا بدهم يغيروا. لانه اسرائيل الان مبسوطه من كل شيء عم انه خلص الجولان انتس الكلام انتسى الكلام كذا وتوقيع تعاون امني ممتاز. بس اذا هي الحكومه مش قادره تسيطر على الوضع ورجعت تهديدات ورجع داعش ورجع كذا ورجعت كذا القاعده خصوصا اذا وقعت ايران حتفلت القاعده في المنطقه. لانه حيفلتوا علينا كل الافاعي. هون اسرائيل بتقول لك لا استنى شوي بدي اغير. وانا شايف انه البنتاغون حتى عم بقولوا ل توماس باراك انه مش انت توماس براك اللي فهمان كثير. وبتقول انه الجيش السوري لازم يحكم كل سوريا وهو كذا وما بدنا قسد وكذا. تفضل البس انا رح انسحب. وانا رح اقعد بس في الحسكه عند قسد. انا ما بتفاهم مع الجيش السوري هذا. انا بتفاهم بس مع قسد. وخلي بكره اشوف كيف داعش يرجع ولا ما يرجع. واذا رجع داعش اشوف الجيش السوري هذا تبعك كيف بده يقاتله. وبالتالي في تحديات جايه. في تحديات كبيره. بس اللي عنده امل انه هذه السلطه في سوريا جاءت من اجل بناء شيء. انا بقول له شوف النموذج اللي فوق وبعدين قرر.