كيف تكسب قلب ابنك المراهق وتجعله يصغي لك؟ أسرار التربية الحديثة مع جاسم المطوع

الرؤيه >> لا حياكم الله اهلا وسهلا.

طيب بسم الله والحمد لله والصلاه والسلام على رسوله وعلى اله وصحبه وسلم اجمعين. في البدايه نرحب فيكم جميعا ومتابعينا والاخوه والاخوات في كندا. وهذا اللقاء مخصوص يعني لكم وخاصه في كيف نتعامل مع ابننا المراهق. طبعا اما يكون التعامل مع المراهقين من خلال مؤسسه الاسره او من خلال المدارس والمربين. مثل ما عندكم انتم الان في كندا. انا حسب معلوماتي اغلب الحضور من الاخوه والاخوات المربين هناك.

أ طبعا موضوع المراهق احنا على شان نتعامل معه صح لازم نفهم المراهق كيف يفكر. لازم نفهم حقيقه المراهق نفسه وبالتالي نعرف كيف نتعاطى معه ونتعامل معه. في هناك مجموعه صفات لازم احنا نتعرف عليها. يعني الأولى الطفل من عشر سنوات فما فوق يبدا بتغيير نفسي داخلي، تغيير وجداني، تغيير في التفكير، تغيير في الشخصيه. يبدا يبي يصير هو يعني له كلمه له سلطه له قوه. ولذلك تشوفون الطفل لما يتحول إلى مرحله احنا نسميها البلوغ اللي تسمى عالميا بالمراهقه أو نسميها سن الرشد. في هذه المرحله تصير في هرمونات تتغير في جسمه وفي جسده. فيكون سريع التاثير وسريع التاثر. يعني لو يصير أي موقف ممكن الدمعه تنزل وبسرعه. ممكن احيانا بعض الشباب تشوفونه عصبي أو متوتر. بعض البنات تشوفونهم مثلا عندهم قلق. فاذا طبيعه المرحله فيها سرعه تاثر. طبيعه المرحله فيها عواطف جياشه واحيانا العواطف ما تكون مستقره والعواطف ما تكون موزونه. فتشوفون احيانا حب قوي جدا أو تلقون احيانا كراهيه قويه جدا. في هذه المرحله العمريه من 10 إلى 15 سنه سواء على مستوى الاولاد او البنات. هني هذه مرحله يتحرك فيها الطفل في عمليه الانتقال إلى اثبات الذات. لان هو ظل ست سبع سنوات مع في اسرته دائما يقول حق امه وابوه هو حاضر يا فندم ودائما كلماتهم اوامر. لكن الان انا كبرت الان انا فهمت الان انا عندي كلمه عندي راي. فتشوفون هني يظهر بما يسميه المربي بالعناد. لكن هو في الحقيقه ليس عناد هو اثبات ذات. هو يبي يثبت ذاته. لكن احنا نشوفه عنيد بس هو ليس بعنيد. هو قاعد يقول انا موجود انا عندي راي انا افكر انا اقدر اخطط انا اقدر اعتمد على نفسي انا واثق من نفسي. لكن هو كيف يوصل هالعبارات؟ يوصلها بقرارات قويه واضحه.

الامر الرابع من علامات هذه المرحله قوه التصميم. تشوفون الشاب او البنت اذا مثلا حط في راسه شيء يشتغل عليه لما يحققه يعني خلاص يصير يحط له هدف وينطلق من خلال الهدف ويركز. كذلك الاباء والامهات او المربين يسمون هذا عناد. لكن انا بالنسبه لي انا اشوفه عناد ايجابي واشوف هذا جيد. بالعكس هذا ممتاز يكون يعني الشاب او الفتاه عندهم هدف في حياتهم حتى لو كان هدف رياضي او هدف صحي او هدف في العلاقات الاجتماعيه ويصمم لتحقيق الهدف هذا شيء جيد وهذه علامه ممتازه.

الصفه الخامسه التفاعل. ولذلك تشوفونهم الان لما يدخلون في السوشيال ميديا مثلا تشوفونهم يتفاعلون بسرعه. يعني الكتابه عندهم سريعه ومن يشوف حدث يتفاعل معاه بسرعه. ممكن يتبنى افكار سريعه. يعني اليوم انا كنت جالس مع مراهق عمره 14 سنه وكان محلق شعره كله وكل يومين ثلاث يصبغ شعره صبغه مره بنفسجي مره الاسبوع الجاي احمر الاسبوع اللي بعده اصفر. طبعا قاعد يقلد يقلد الكرتون اللي هو الانمي اللي موجود ومنتشر. فهم تلقونهم يعني يتفاعلون بسرعه يتاثرون بسرعه.

أ عواطفهم جياشه ولذلك هذه المرحله مرحله خطره اذا لم يتم توجيهها. اذا ما كان في مربي يربي في هالمرحله من 10 إلى 15 سنه. وهذا المربي تتوافر فيه لازم عده صفات. الصفه الأولى لازم يعرف مهارات هذه المرحله صفاتها شنو؟ صفات مراهقه صفات سن الرشد هذا واحد. اثنين لازم المربي عنده سعه صدر ويعرف كيف يتحاور يعرف كيف يتكلم مع هالشريحه من الاولاد او البنات. ثلاثه المربي لازم يكون ابن زمانه فاهم التكنولوجيا وين رايحه فاهم التطور الموجود في الحياه فاهم الان عالم السوشيال ميديا وين رايح. شايف المسلسلات شايف الافلام شايف الالعاب الجيمز الالعاب الالكترونيه. فاه فاهم اهم الزمن اللي قاعد يعيشه. ولا كيف نتعامل احنا مع شاب ولا فتاه واحنا مو عارفين الزمن اللي قاعدين نعيشونه؟ انا من يومين ثلاث واحد يعني عمره 12 سنه كان يمشي في السوق مع والده وسلمت عليه بنت وسلم عليها. فالابو يقول له يا ولدي كيف تسلم على البنت؟ قال له يا بابا انا كل يوم اسلم على 200 بنت في في السوشيال ميديا. انت بتحاسبني على سلام على البنت اللي في المجمع ولا المول؟ فزمن اللي قاعده نعيشه اليوم زمن مختلف. ولذلك المربي لابد يكون عنده هذا الوعي يكون عنده هذا الفهم. وبنفس الوقت لابد انه يكون عندنا مهارات حواريه حتى نستوعبه حتى لا يروح طريق الانحراف السلوكي. الحشيشه اليوم مثل شربه الماي في المجتمعات كلها. المخدرات مثل شربه الماي. الشذوذ الجنسي اليوم مدعوم قانونيا من الدول. فكل هذه الامور موجوده ومتوفره. واجي انا اقول حق الصبي ولا البنت تعال يا بابا توضى خمس مرات وصلي خمس مرات ولازم تذكر الله ولا تدعو بعد الصلاه. يعني هذا يعتبر التزام ثقيل بالنسبه لهم. طالما هو قاعد يعيش في عالم حر وعالم كله جيم والعاب ووناسه وضحك وترفيه. اجي اقول له تعال احفظ قران صل التزم بالصلاه واعطيه بعض القيم الاسلاميه. فهو يشوفها يشوفها كانه احنا قاعد نكلمه في عالم اخر. ما لم يتم تامين جو مناسب يدعم مثل هذه القيم وهذه المبادئ.

من علامات وصفات مرحله المراهقه الذاكره القويه. تشوفونه يذكركم يقول انت من سنتين قلت الجمله الفلانيه انت اطيتني وعد العام الماضي ولحد الان ما وفيت. الذاكره عندهم حاده ده ودقيقه ومستعد يجيب معلومه من سبع ثمان سنوات. لا ويجيبها بالتفاصيل. فهذه من علامات هذه المرحله.

النشاط الجسدي. في هالمرحله العمريه تشوفون المراهقين نوعين. اما تلقى بعضهم كسلان كله يا نايم قاعد يا حركه 24 ساعه. فالنشاط الجسدي واحده من علامات. لانه في هرمون اسمه سترون هرمون الذكوره عند الرجال عند الشباب. هذا الهرمون يخليه طاقه طاقه طاقه. واليوم تعرفون الفاست فود في مواد تضاف له تخلي الانسان عنده طاقه. الاكل الغير صحي تخلي الانسان عنده طاقه. فتشوفون دائما المراهق ولا البنت دائما يتحرك يتحرش يضرب يكسر يخرب. لان في طاقه موجوده فيه. وهذه الطاقه طاقه مصنعه اما من الوجبات السريعه او من خلال المسلسلات والافلام اللي قاعد يشوفها قاعد تقدم له نموذج من نماذج العنف. فهو قاعد يكتسبه ويحققه في المجتمع.

الصفه الاخيره من صفات المراهقه تقبل اي فكره جديده. اي فكره جديده مستعد يتقبلها. يعني حتى لو انا الحين بطرح شغله كذ مع مجموعه مراهقين اقول ق لهم تعالوا يعني ليش البنات يتحجبون والشباب ما يتحجبون؟ لازم الشباب يتحجبون. تلقى اكو اربعه خمسه من المراهقين يقول اي والله فكره فكره صحيحه ها. بسرعه بسرعه يتاثرون بسرعه ياخذون افكار وبسرعه يتفاعلون مع الافكار. هاي طبيعه المرحله. ولذلك احنا لازم لما نتعامل معاهم نتعامل معاهم واحنا فاهمين هالطبيعه.

شوف القران الكريم لما تناول هالشريحه شريحه الشباب تناولها بثلاثه قضايا وهي قضاياهم. يعني القضيه الأولى قضيه دائما الشاب او الفتاه يشوفون المجتمع ظالم. المجتمع مقيدهم وهم لازم يغيرون المجتمع. ها وهذا نموذج موجود في القران انهم فتيه امنوا بربهم وزدناهم هدى. اللي هم قصه أصحاب الكهف. هذا نموذج شبابي في هذا العمر. النموذج الثاني اللي هو نموذج الشهوه. لان المرحله هذه مرحله البلوغ يكون في شهوه عند البنت والصبي. هذه المرحله اللي هي كيف نتعامل مع الشهوه وكيف نتعامل مع الرغبه. قال معاذ الله انه ربي احسن مثواي. فالقران اطانا نموذج النظره للمجتمع كشريحه شبابيه وعطانا نموذج كيف نتعامل مع الشهوه الجنسيه الداخليه في قصه يوسف عليه السلام. القضيه الثالثه اللي تهم الشباب كلهم وتعرض لها القران القضيه الفكريه. انه الشباب احد ثلاث قضايا. يا اما تلقون ناقد للمجتمع. يا تلقون متبني افكار قد يكون افكار متناقضه افكار الحاديه افكار مجنونه افكار غريبه افكار. او تلقون متبع شهواته. هم ثلاثه اصناف. فاذا احنا عرفنا كيف نتعامل مع كل صنف عرفنا كيف نستوعب الشباب ونستوعب البنات من من خلال المؤسسات التعليميه او من خلال المؤسسه الاسره. التعامل مع الفكر قالوا سمعنا ف يذكرهم. يقال له ابراهيم لما كسر الاصنام قال لهم يلا سالوا الصنم الكبير هذا هو يقول لكم اللي كسر. قضيه فكريه وابراهيم عليه السلام كان وقتها يعني شباب.

احنا اليوم قاعدين نعيش في زمن ما عشناه في السابق. قاعدين نعيش في زمن مصاريف الاسره اغلبها صارت استهلاكيه. قاعدين نعيش في زمن اليوم الابناء اكثر علما من الاباء والابناء اليوم يقدرون يروحون ويجيبون المعلومه اسرع من الاباء. قاعدين نعيش في زمن اليوم قضيه والله بنت وولد يعني صارت هاي دقه قديمه على قولتهم. الحين صار ما في فرق بين البنت والولد والاتجاه العالمي كله قاعد يدعم هذا الاتجاه ان الولد بنت بنت واحد. وقاعد يشجع التحول الجنسي وقاعد يشجع الشذوذ. فاحنا قاعدين نعيش في زمن لم يسبق للدنيا كلها ان تعيش مثل هذا الزمن. زمن سريع ثوره اتصالات ثوره تكنولوجيا. يعني امام هذا كله اذا لابد احنا نستوعب ونفهم.

هني اني حق مساله خطيره جدا ويمكن باخر خمس دقائق الان بحاول اختم حتى افتح لكم مجال للحوار والنقاش. مساله كيف نحاور المراهق. النبي صلى الله عليه وسلم اطانا اربع قواعد والقواعد الاربعه تعتبر اسس علم النفس التربوي اليوم في التعامل مع المراهق. ما هي القواعد الاربع؟ القواعد موجوده في الحديث اللي تعرفونه لما جاء شاب مراهق وقال للنبي صلى الله عليه وسلم ائذني بالزنا. واضح الحديث. فالنبي صلى الله عليه وسلم طبعا الصحابه عصبوا لانه كيف قاعد يطلب يعني تشريع يعني شلون يذني بالزنا يعني كانه يبي صك رسمي من رئيس الدوله بانه هذا العمل قانوني ويبي يفتح محل دعاره يعني. فالصحابه طبعا تفاجوا. لكن النبي صلى الله عليه وسلم عرف كيف يتعامل مع المراهق والمراهق دائما يستفز في طلباته. لكن لازم انا ما مستفز لازم انا استوعبه. فالنبي صلى الله عليه وسلم قال له تعال يعني دليل حب انه تعال تعال خلينا نسولف يعني خلينا نتحر نسولف نتكلم. فجاء فوضع ركبته على ركبه النبي صلى الله عليه وسلم قال ترضاه لامك ترضاه لاختك ترضاه لعمتك. وهو يقول لا لا. قال كذلك الناس لا يرضونه لعماتهم لخالاتهم لامهاتهم. الحديث اللي تعرفونه. ثم النبي صلى الله عليه وسلم وضع يده على صدره ودعا له.

اذا هذا النص في اربعه قواعد في التعامل مع المراهق. واحد نحاول نفهم وجهه نظره حتى لو كانت غلط ما ننتقده. اذا انتقدنا المراهق خسرناه. والنبي صلى الله عليه وسلم ما انتقد حاور. في فرق بين اني انا احاور واني انا انتقد واحد. اثنين النبي صلى الله عليه وسلم قدره وشجعه. حتى لو كان المنطق اللي يقوله حرام. هو قاعد يقول اذن لي بالزنا. المنطق حرام ويخالف النظام العام ويخالف القران ويخالف السنه. فاذا تقديره وتشجيعه كيف النبي صلى الله عليه وسلم شجعه؟ قال له تعال وحاط فخذه على فخذه. هذا دعم هذا تشجيع هذا حب. كاني اقول اخذ راحتك تكلم قول اللي بخاطرك كله قوله حتى لو حرام قول حتى لو غلط قول. اثنين ثلاثه الحوار. النبي صلى الله عليه وسلم حاور ولم يحقق ما قال المعلومه ها منين جايبها انت عندك اصحاب واصدقاء لاعبين عليك ولاعبين بمخك. بعدين انت كيف تتكلم هالكلام انت ما تعرف ان الزنا حرام مو عيب عليك انت انت انت ما تعرف ان في ايه في القران تحرم الزنا. ما النبي صلى الله عليه وسلم حتى ما حاور حوار ديني. وانما حاوره حوار اجتماعي قال ترضاه لامك لاختك ل يعني حرك عند الجانب الاجتماعي وليس المعلومات الدينيه. في فرق هاي ثلاثه. اذا الحوار التعبير عن حبنا للمراهق نعبر كيف النبي صلى الله عليه وسلم ان وضع يده على صدره ودعا له. اللمس هذا اللمس اللمس هذا حب والدعاء حب. اذا هذه اربع قواعد اساسيه في التعامل مع اي مراهق. اي مراهق.

انا مره اب علي وجاب لي ولدها عمره 14 سنه قال لي دخن سقاير حبسته ضربته سويت كل شيء ما في فايده. قلت له خلي اشوفه. دخلت مع الولد الله بالخير الله بالخير. كان يقول لي قلت له ابوك يقول انك تدخن سقاير صحيح؟ قال نعم. قلت له ابوك يبيك توقف تدخين بس انا ما يهمني انا يهمني انت تبي توقف. كان يقول لي والله ودي. قلت له طيب تحب انا اساعدك؟ كان يقول لي اي والله يا ريت بس لا تقول لي تدخين حرام ما حرام. قلت له انا الحين ما قلت لك حرام. ايش فيك انت؟ قال انا وابوي كله يقول لي حرام حرام. قلت له لا لا انت خليك معي خليك معي مستعد توقف؟ قال لي مستعد. قلت له طيب كم سيجاره تدخل انت؟ قال باليوم باكيتين 40. قلت له ممتاز ممكن نتفق انا معك على شهر كامل بدل 40 تدخن 20. قال لي كيف؟ قلت له دخن 40 بس كل ما تاخذ سيجاره اكسرها بالنص دخن نص وارمي نص. فعلى حسابك 40 وعلى حسابي 20. اقول ها موافق؟ موافق. قلت له يلا اتفقنا ديل وطلعت ورقه وكتبتها. قلت له اشوفك بعد شهر. قال طيب. طلع المهم دخل الاب قال لي شلون بشر؟ قلت له انت الحين خلاص سلمتني المهمه انت لا تدخل وانا اتفقت مع ولدك على انه يدخن بس يكسر كل سيجاره. قال كيف انت ما عالجت المشكله؟ قلت له بالنسبه لك ما عالجتها. بالنسبه لي انا قاعد اعالج. هو واحده من قواعد العلاج التدرج خاصه في بند الشهوات وخاصه في بند الكثره. يعني لما مراهق يشوف افلام اباحيه كل يوم انا ما اقدر اوقفه بخمس دقائق. اذا هو يتعاطى حشيشه كل يوم انا ما اقدر اوقفه بخمس دقائق. اذا يدخن 40 سيجاره باليوم انا ما اقدر اوقفه بخمس دقائق. لازم في برنامج علاجي. قال والله انا سلمتك ولدي وانت كيفك. قلت له خير انت بس اطلع من المسرح التربيه وخلنا احنا نمشي معاه. هذا الصبي مشيت معاه سبع شهور وكل شهر انزل شوي شوي الى ان توقف عن التدخين.

فاذا مره ثانيه في قواعد معينه احنا نتعامل فيها مع الشباب والبنات. اما جانب حوار فكري مثل ما ذكرنا في القران. او حوار في الشهوه ل علاقه في الشهوه. او يكون ناقد للمجتمع والانظمه والقوانين. وكل واحده من هذه الامور لها اسلوبها ولها طريقتها ولها معالجتها في مع المراهقين.

يبقى مساله اخيره باخر دقيقتين. قضيه المسافه انه انا لازم اترك مسافه بيني وبين ولدي ولا بنتي. يعني لازم اعطيه شويه حريه تصرف. يعني ما يصير اراقبه 24 ساعه مثل كاميرات المراقبه. لانه انا مرت علي قصص كثيره كان الوالدين او المربين يراقبون 24 ساعه وبعدين بعدين من فتح عينه وطلع للدنيا انحرف انحراف رهيب كانه بس يبي يتخلص من كاميرا المراقبه مالت الام والاب. فاحنا لا في التعامل مع المراهقين لازم ناخذ ونعطي شوي. ناخذ ونعطي ونعالج المشكله بسياسه النفس الطويل. ما نستعجل ونعالجها بالحب ونعالجها بالحوار ونعالجها بالتقدير ونعالجها بالاهتمام. يعني انا حاولت خلال ربع ساعه 20 دقيقه اتكلم معكم بايقاع سريع يمكن ما يخالف تحملوني. وانتم ما شاء الله الله يبارك في جهودكم في كندا والمؤسسات والمدارس اللي موجوده عندكم هناك. بس هذه كلمه قلنا نستفتح فيها ونفتح المجال معكم الان للحوار والنقاش. فاهلا وسهلا فيكم وانا سعيد بهذا اللقاء.

>> بارك الله فيكم يا دكتور وجزاك الله خير الجزاء يعني على هذه.