٦ علامات تقتل هرمون الرجولة (Testosterone)… تخلّص منها فوراً!

إذا عندك علامة من هدول العلامات، انت مجبر تشوف هذا الفيديو وللأخير.

واحد: مزاجك بتقلب طول الوقت والانرجي عندك بتطلع وبتنزل. أنا ما حكيت إنه هذا الفيديو بس للشباب، بس هذا الفيديو بس للشباب. إذا انت بنت، اطلعي مباشر، روحي شوفي هي هي القناة المايند.

اثنين: ما عم بيوقف معك، انت بتعرف ايش قصدي. كل يوم الصبح.

ثلاثة: ما عندك تحفيز تعمل ولا أي شيء.

أربعة: بلشت تفقد الذاكرة تبعتك.

خمسة: بتفكر بطريقة سلبية أكثر ما تفكر بطريقة إيجابية.

كل هدول الأعراض اللي أنا ذكرت لك إياهم في لهم سبب وكثير كبير، إنه هرمون الرجولة عندك عم ينزل وعم ينزل لتحت أكثر وأكثر كل سنة انت عم تعيشها، لأنه العالم اللي أكبر مني ومنك مدققين على إنه هرمون التيستاسرون عندك ينزل لتحت وما تكون رجال بكل معنى الكلمة. فأنا عم بعطيك هذول الشغلات اللي بدي أحكي لك إياهم اليوم أنا لحتى انت ما تصير رجال.

واحد: بالقهوة بتحط سكر، بالشاي بتحط سكر، البسكويت اللي انت عم تاكله فيه سكر، وحتى الشغلات اللي بتفكر إنه هي صحية كمان فيها سكر. والسكر لما انت بتاكله، الأنسولين عندك بيطلع فجأة، فهون التيستاسرون عندك بينزل. وانت بتصير بتفكر: شلون أنا مزاجي مخربط طول الوقت؟ شلون أنا الانرجي عندي عم تطلع وبتنزل؟ لأنه السكر يا أخوي لما بتاخذه، فأنت الانرجي عندك بتطلع مثل الكذب، بعدين وس بتنزل لتحت. ولما انت بتاكل سكر، جسمك بده دوبامين أكثر. لما بتاكل سكر، فانت بتروح على السوشيال ميديا وبتصير بتفكر: شلون أنا ما عم بعرف أركز؟ شلون ما عم بعرف أدرس مثل العادة؟ وشلون ما عم بعرف أشتغل؟ شلون كل العالم هذول عم يشتغلوا أحسن مني؟

انت لما كنت صغير كان عندك عادة جواتك إنه بدك تاكل شوكولاتة، اوكي؟ وهي العادة تبرمجت معك. لما انت كبرت، فانت صرت دوماً بدك شوكولاتة، دوماً بدك سكر. فانت ربطتها بالبسط، ربطتها بالمكافأة. أي شيء بتعمله منيح، أمك بتكافئك بتعطيك شوكولاتة، أو أبوك بيعطوك مصاري لحتى تروح تشتري أكلات. نفس الشيء اللي صار معي لما كنت صغير. فانت ربطت السكر بالمكافأة. لما بدك تحس أحسن، فبتحط سكر أكثر بالقهوة لحتى تحس بالسكر أكثر.

وعلى هذا ومثله، بدي منك تلغي السكر من البيت تبعك، تلغيه مباشر وما تسألني ليش، لأنه أنا عم بحكي معك شغلة الشباب. أنا الشيء اللي عم بعمله وعم بعطيك إياه وببلاش على السوشيال ميديا، بعد خمس سنين ست سنين شغل على حالي كل يوم وعم بحاول أخلي الانرجي تطلع عندي وعم بحاول الإنتاجية تطلع عندي واستغل عمري. عمر الشباب.

شوف، أنا بعرف إنه انت حابب تاكل شوكولاتة، تاخذ الدارك شوكليت. وهي الدارك شوكليت على فكرة ما فيها سكر أبداً، 100% كاكاو. هلا انت بتقول لي أخوي كزاس، بس مرة شوي شوي رح تتعود على هذول الشغلات وراح تحس بمزة بطعمه بشيء مرتب فيها. ليش في كثير عالم بيشربوا القهوة من دون سكر؟ لأنه بيستطعموا بالقهوة تبعتهم. وأنا كمان بدي إياك انت تتعود على كل الشغلات من دون سكر. مثل الشاي عندي أنا ما بقدر أشربه من دون سكر، بحط فيه عسل. عسل طبيعي 100% وبروح بجيبه من شخص هو عنده خلية نحل. وما بصير تحط العسل بكل الشغلات، لا لازم تحطه بس مع الشاي، أو تختار شغلتين تحطه معهم.

كل ما بدك تشتري شغلة فيها سكر، تذكر كزاز ايش عم يحكي معك. دير بالك من السكر، لأنه السكر رح ينزل لك هرمون الرجولة. اسمع ايش رح يصير معك إذا بتوقف سكر: التركيز رح يقوى، رح تتخلص من الانرجي الطالعة والنازلة، ورح يصير عندك هدوء جواتك، رح تكون مروق. هذا بس لأنه وقفت سكر. بتعرف شغلة؟ طلع على بشرتك، رح تلاقيه صافية. وبتسألني كذا: شلون بشرتك صافية؟ لأنه بسوي شغلات ثانية كمان، بس السكر شغلة كثير مهمة إن توقفه كمان لحتى يروح حب الشباب.

اثنين: خليني أسألك هذا السؤال، ايش انت بتساوي أول ما بتفيق؟ استوعب، استوعب، استوعب. أول ما عم بتفيق، انت الشيء الوحيد اللي عم تعمله عم تشيك على الموبايل يلي انت عندك إياه. وبتعرف إنه هذا الموضوع رح ينزل لك من هرمون الرجولة تبعك، وبتعرف إنه هرمون التيستاسرون عندك رح ينزل، وبالمستقبل ما رح تعرف تجيب أولاد بسبب هذا الموضوع. لأنه أول شغلة، الألجوريزما فهمت عليك إنه انت بتحب الأفلام الإباحية، هي أول شغلة. ثاني شغلة، بعد ما عم تروح وبتجرخه عند الصبح، حطيت سماعاتك، أنا حكيت لك إنه هذا الفيديو للشباب بس، عم بتدخل وبتتصفح مرة ثانية وعم يطلع لك كل الشغلات الحزينة والاكتئاب والسترس. انت عم تتدمر من جوا، انت عفنت من جوا. مثل كانه واحد ماسك من رقبتك وحاطط الموبايل بوشك ومسجون. وين ما راحت عم تتفرج على الموبايل. بتروح بتدخل على حمام، عم تدخل تدخل على التواليت، هيك كل شيء عم بتساوي عم تحط الموبايل بوشك وعم تتفرج عليه وعم تدور على الدوبامين السريعة.

أخويت، أخويت، بتوقفه مباشر. أنا ما بحكي لك إنه توقفه، بس أنا بعطيك كمان شغلات تسويها لحتى توقف هذا الموضوع. بتغير ألوان الموبايل تبعك للون الفضي والأسود. بس إذا عندك آيفون، روح على هذول الإعدادات وحط اللون فضي. اللي أنا بساويه هون، ساوي وحطه لونه فضي. إذا عندك أندرويد، ادخل على الإعدادات وحطه كمان لونه فضي. ودير بالك ترجع تغيره مرة ثانية، لأنه جسمك وعقلك رح يطلب هذا الموضوع.

وأنا بعرف ليش عم تتصفح على السوشيال ميديا طول الوقت وعم تمسك موبايلك طول الوقت، لأنه ما عندك هدف، لأنه ما عندك شيء عن جد بدك تسويه، شيء واضح. عن جد انت عم تشتغل من الصبح لمساء، بس انت ما عندك هدف واضح، ما بتعرف بالضبط الشيء اللي بدك تسويه. الروتين خربان، كل شيء خربان عندك، ما عم تعرف ايش تساوي. عن جد لهيك انت عم تبنج حالك بالسوشيال ميديا أو بالموبايل.

انزل لتحت على صندوق الوصف واسمعني كثير منيح. بتدخل على الكورس اليوم بالسعر اللي موجود فيه، لأنه بتعرف بعد كم يوم رح ينزل كورسات جديدة جوا هذا الكورس عن العقلية، عن المايند ست. وإذا انت ما بتعرف قناة المايند ست، روح شوفها. أنا ساعات أوردي ملايين من الشباب بالمايند ست، بنات زائد شباب. البزنس اللي أنا بشتغله رح أحكي لك إياه جوا، كل شيء أنا بعرفه رح أحط لك إياهن جوا. وكل شهر رح يصير في كورسات جديدة. لحد الآن في تقريباً شي خمس كورسات: البيع، المايند ست، السوشيال ميديا، الشيء اللي نحن عم نشتغله، الماركتينغ، إلى آخره. وبعد شهر من اليوم رح يغلى السعر، مو لأنه أنا ما بحبك، لا، لأنه أنا عم بضيف قيمة مثل الكذب جوا. وأنا مفوكس على الأشخاص اللي جوا عن جد يطلعوا نتائج. وفي مكالمة شخصية معي بالاسبوع مرة. إذا عندك أي سؤال عن المايند ست أو عم بصير معك مشاكل بالروتين أو إلى آخره، رح أساعدك فيه.

وإذا أنا فيديوهات اليوتيوب تبعتي عم تخليك انت تنجز، فصدقني الكورس اللي جوا فيه قيمة أكبر. بتعرف ليش؟ لأنه ما فيه موسيقى ولا فيه شغلات عم تنط وتحط فيه محتوى تعليمي لحتى انت تتعلم وتبلش تطبق مباشر. فروح مباشر، لأنه هي فرصة. بعد ما تدخل لجوا رح تتعلم كل الشغلات اللي أنا بعرفها، اللي عم طالع منها مصاري. رح تبلش تطبق، رح يكون عندك هدف وما رح يكون عندك وقت لحتى تمسك الموبايل. ولما بده يكون عندك الوقت لحتى تمسك الموبايل، الشاشة لونها فضي، ما فيها الدوبامين، فانت رح تمل، فرح تروح تشتغل مرة ثانية وتطالع مصاري.

ثلاثة: خليني أسألك سؤال، هل في عندك وقت محدد إنه انت عم تاكل فيه، ولا بس عم تعيف جسمك يقرر؟ مو مو مشتهي أنا، والله على البسكويت، خليني آكل بسكويت. بالنسبة لك لازم يكون عندك روتين بالساعة وبالدقيقة. قمت بدك تاكل الفطور، لازم يكون بهذا الوقت. العشاء بهذا الوقت، والمشروب واللي هو القهوة بهذا الوقت. كل شيء بده يدخل على جسمك بتنظمه بالساعة.

واسمعني كثير منيح، هرمون الرجولة كل يوم انت بتفيق الصبح بتستغرب شلون شو اسمه عندك واقف طول الوقت. ولما بدك تتمرن رح تشوف العضلات صارت أسرع، والعالم رح يستغربوا ويقولوا لك: شلون انت عندك عضلات مثل الكذب؟ هي عم تاخذ هرمونات؟ نعم، بدهم يكذبوك، لأنه هم بياكلوا مثل الكذب وما عندهم روتين أبداً وما عندهم ولا أي شيء. وبتعرف شو رح يصير معك بعد شهر من اليوم لما انت بتساوي هذا الموضوع؟ جسمك أوتوماتيكياً رح يتعود إنه ياكل بنفس الوقت، ورح تشوف إنه الأكل اللي انت عم تاكله، لأنه جسمك تعود عليه، فهو رح يهضمه بسرعة ورح يكون سهل على المعدة، ورح تركز أكثر ورح تكون مبسوط أكثر.

قسماً بالله خمس سنين وأنا عم بعاني بالاكل وبالشرب وعم براقب الانرجي تبعتي وعم بحاول تعرف دفاتر متكذب أنا كاتب عن حالي وعم بحلل بالضبط ايش عم بصير معي وليش عم تطلع الانرجي وليش عم تنزل الانرجي وكذا. هذا الحكي مو حكي دكتور، هذا حكي خبرة شخصية. وما في حدا على السوشيال ميديا كلياتها حكي عن هذا الموضوع. وأنا عم بعطيك هذا الشغلات كلياتها لك ببلاش على السوشيال ميديا لحتى تعرف قديش أنا بحبها. وعندك حرية الاختيار، فيك تطبق، فيك لا. بس انت لما عم تطلع تطلع الانرجي وعم تنزل، تذكر حكي كذا إنه أخوك كذاز كان بيوم من الأيام مثلك وما كان عم بيعرف ايش عم صير معه. هذا الحكي ما رح تسمعه من ولا أي شخص، لأنه كل الأشخاص اللي انت عم تتابعهم على السوشيال ميديا بياكلوا ايش ما بدهم. طلع على جسمهم، مقرف، عندهم سمن مثل الكذب، التركيز عندهم كلب، بجوز عندهم شخصية عم بيقنعوك إنه هم الشغلات اللي عم يسووها هي مرتبة، بس طلع على جسمهم، اطلع على جسمهم. استوعب.

بدي إياك تكون ماكينة، بدي إياك تكون وحش، بدي إياك تكون مركز طول الوقت وعندك أهداف عم تحققهم وعم تطالع مصاري. بدي الناس كلياتها يشوفوك ويقولوا إنه هذا الشخص بطل فيلم، ما هو إنسان طبيعي. ما رح أدخل بالتفاصيل إذا انت فيك تاكل الصبح ولا لا، لأنه أنا ما باكل. أنا باكل وجبة واحدة بس بكل اليوم، ومع القهوة باكل دارك شوكليت. ها، شوفها، هي هي. وهي القهوة تبعتي، ما بحط سكر، ما بحط ولا أي شيء. بفيك الساعة 4 الصبح، باكل أول وجبة لي الساعة 1 الظهر. ما بيهمني إذا هذا الشيء صحي ولا لا، اللي بيهمني إنه أنا مركز، اللي بيهمني إنه أنا جسمي صار مثل الوحش، اللي بيهمني التركيز صار مثل الكذب.

أربعة: الفيب اللي بإيدك الجايات استحوا يشربوها. عم بتحطها بتمك وفيها ألوان أحمر، أخضر، أصفر، وفي منهم كل ما بتسحب بتطلع قضوية. أخوي، انت جاي، أخوي، انت جي. الزيادة عن إنه فيها مواد كيماوية جواتها، وانت عم تشرب البطارية اللي جوا. انت شكلك جاي، مع احترامي للجيات، انت أوسخ من الجيات لما انت عم تشرب البيض. طيب، هلا خليني أسألك، وين مصنعين الفيب؟ اكتب تحت بالتعليقات. اكتب وين مصنعين الفيب؟ بالصين. طيب، أخوك كذا طلع على الصين قبل بشهرين من اليوم، وقسماً بالله العلي العظيم ما في ولا أي صيني عم بيبيع الفيب، وممنوعة بالصين. وانت قاعد عم تشرب المنتجات اللي العالم عم طالعوا منك مصاري لحتى تدهور شخصيتك ونفسيتك وهرمون التيستاسرون ينزل لتحت أكثر، وانت بتصير بتفكر: ليش شو اسمه عندي ما عم بقوم الصبح؟ لأنه انت عم تدهور حالك بإيدك. تخيل معي، الصين، الصين اللي اخترعت الفيب، ما عم تخلي العالم اللي عايشين هناك ياخذوها، ومو مصرح إنه تنباع هنا. وانت قاعد من الصبح لمساء عم تشرب لي بهالفيب، وانت مفكر حالك شغلة كبيرة. ورقة، اوكي؟ اعمل لها هيك، سوي لها هيك، احرقها واشربها للورقة أحسن ما تشرب في الفيب. بطارية وانت عم تشحنها، انت عم تشرب مواد كيماوية. وبتعرف شغلة؟ في دراسة بينت إنه في مرض اسمه إيفيل (EVALI)، هذا يعني تلف رئوي بسبب الفيب. وانت عم تشرب في طول الوقت. وما تقول لي تعودت عليها، فيك تتخلص من كل الشغلات اللي انت متعود عليها. وإذا انت داخل بالكورس وانت عم تعاون بهذا الموضوع، بالمكالمة الأسبوعية، اسألني شلون بقدر أبطل الفيب، وأنا رح أساعدك فيه.

خمسة: إيمت عم بتنام؟ إيمت عم بتنام؟ اكتب تحت بالتعليقات وكم ساعة عم بتنام. متأكد جد عم تسهر لآخر الليل وعم تلعب بالشو اسمه والموبايل بإيدك وعم تتصفح وعم تقول إنه الموبايل بيخليني أنام. انت ما عم تنام، انت عم تتنوم مغناطيسياً. ميت، انت ما عم تنام، انت عم تتنوم وبتستغرب ليش هرمون الرجولة عندك نازل، وبتستغرب ليش التركيز عندك نازل، وبتستغرب ليش المزاج بيطلع أو بينزل. عقلك تبهدل. 30 ثانية بتشوف فيديو شورت، عالم فيه حزينين. 30 ثانية العالم عم تضحك. 30 ثانية عم بتقتلوا. 30 ثانية، أخوي، أخوي، أخوي، أهلكنا، أهلكنا. بتعرف شو عم بصير بمخك انت كل يوم إذا عم تبرمجه بهي الطريقة، وبالأخص قبل ما تنام وبعد ما تفيق؟ قسماً بالله وانت نايم عم تتخبص تخبيص. وإذا انت عم تشوف أحلام غريبة عجيبة، بتمنى منك تكتب تحت بالتعليقات سبب الأحلام الغريبة كمان والعجيبة والوسخة. هي السوشيال ميديا تبعتك. الألجوريزما عرفت إنه انت ملتاش وانت ميت، وعب تطلع لك الموسيقى، الأغاني، كل هذول الشغلات. وانت تبهدلت، ما بق تعرف تركز، ما بق تعرف تاكل، ما بق تعرف تشرب، ايش ما عم بتساوي عم تمسك الموبايل. ما فيك تقعد ثانيتين لحالك بالبيت. إذا قلت لك تأمل كل يوم 15 دقيقة، ما عم تعرف تتأمل. خمس دقائق، ما عم تعرف تتأمل. دقيقتين، ما عم تعرف تتأمل.

أولادك بالمستقبل رح يكونوا واعين أكثر منك، لأنه شو هذول الشغلات أنا عم بحكيها هلا؟ الجيل الجديد، اوكي؟ الجيل الجديد رح يعرف إنه هذول الشغلات كلها غلط، وبلش يعمل فعل، اوكي، ويساوي شغلات مرتبة. بالأخص اللي عمره 15، 14. انت الشخص اللي عمره 25 سنة، تبهدلت. يعني أولادك بالمستقبل لما رح يشوفوك إنه انت عم تغير مزاجك طول الوقت، ما عندك قرار، عم تتصفح على السوشيال ميديا كل يوم قبل ما تنام وبعد ما تفيق، رح يعرفوا إنه انت مدمنك. مدمن كوكايين؟ ما لك مدمن مخدرات، بس انت مدمن سوشيال ميديا. والسوشيال ميديا إدمان أوسخ من الكوكايين. ودراسة أثبتت هذا الموضوع. وإذا سألك أي شخص: انت مدمن؟ لا، لا، أنا ما بدمن. أعوذ بالله من الشيطان الرجيم، الكوكايين؟ لا، لا، الحشيش؟ مستحيل. أعوذ بالله، مشروب؟ لا، لا، أنا ما بشرب، أنا ما بعمل دول الشغلة. ده أعوذ، أعوذ بالله، أنا بخاف من رب العالمين. بس انت مدمن سوشيال ميديا، والسوشيال ميديا أوسخ من المخدرات. استوعب.

قلة النوم بدك تضبطها، لأنه قلة النوم كمان عم تنزل التيستاسرون تبعك. وما عم تعرف تنام لأنه انت عم تتصفح طول الوقت. بنفس الوقت بتنام كل يوم وبتفيق كل يوم بنفس الوقت. ما في أوقات عطلة. أوه، يوم الأحد أنا بقدر أنام. ما بدي، ما بدي. عمل كل الشغلات اللي انت بدك تسويهم قبل ما تنام. مثال: أنا بنام الساعة 8، بسكر موبايلي، بسكر كل شيء، اللابتوب، كل شيء، الساعة 7، وبحط راسي وبنام. عندي الساعة 1 لحتى أقرأ وأكتب الشغلات اللي حاجاتكم بساويها. بعدين على الساعة 8:30، أحياناً بنام الساعة 9:00 وبفيق 3:30، 4 الصبح، إلى آخره. في أيام بحب أقرأ الكتاب أكثر، فبنام الساعة 10. ما في الساعة 4 بنام ست ساعات. بتعرف التركيز وحش. وانت بتنام أكثر من 10 ساعات وبتستغرب ليش انت بتفيق وانت تعبان. نظم الوقت تبعك، قمت بتنام، قمت بتفيق، وكل يوم بتساويه بنفس الوقت. ما بتعيف مزاجك هو يتحكم فيك ويقول لك إنه هلا نحن بننام، وهلا انت ما بتنام. ما تخدر حالك، ما تخدر حالك وما تنوم حالك تنويم مغناطيسي بسبب الموبايل.

تخلص من التفكير السلبي وتخلص من كل شيء واحد بخليك تفكر بطريقة سلبية. رفقاتك اللي انت معك إياهم، إذا عندهم هدول العادات اللي بدي أحكي لك إياهم هلا، بتوقفهم مباشر.

واحد: بيحكوا على الناس من وراء ظهرهم. هذا رفيق سلبي ووسخ. بتوقفه مباشر.

اثنين: بيكفر كثير. يعني رب العالمين اللي خلقنا، بيكفر فيه طول الوقت. بتوقفه مباشر.

ثلاثة: بيحكموا حكموا على الناس على اللبس اللي لابسوه، على الحكي اللي بيحكوه، على الشعر، على أي شيء. بيحكوا كثير.

خمسة: بيحكوا بطريقة سلبية على كل مكان بيروحوا عليه وبيطلعوا على أوسخ الشغلات وبيحكوا عنها. يعني إذا راحوا على مطعم، ما بتلذذوا بالأكل، بيحكوا على الكرسي، على الطاولة، على الكذا، أكثر ما يكونوا مبسوطين بالقعدة هي نفسها. يعني بروحوا على على مطعم وبدم يدفعوا مصاري قليلة بس بدهم ياخذوا أحسن إكسبيرينس، أحسن الشغلات وأغلى الشغلات. ما انت دافع ولا شيء. يعني انت منيح قاعد على على كرسي ملك، قاعد بالارض. أخوي، بتوقفهم مباشر. بيفكروا بطريقة ما منيحة للعالم اللي معهم مصاري. بيسبوا الأهل وما بيحترموا أهلهم اللي ربوهم. بيكذبوا كثير على الرايحة والجاي. بيكذب وبفكر إنه انت غبي وما بتفهم عليه. صدقني، لو ما بحبك ما بحكي لك هذا الموضوع، لأنه هذول مو بس حكي، هذول تجربة شخصية. لما وقفت الوسخين بحياتي، الحشرات اللي كانوا عم يوقفوني عن إنه أحقق أهداف كثير قوية، لما وقفتهم، حياتي تغيرت. وع فكرة، لما وقفتهم، عفت مكان. تخيل معي إنه انت عندك كاسة وهي الكاسة فيها مي. لما بتفضيها، فيك تحط فيها عصير صح؟ فيك تحط فيها كولا؟ فيك تحط فيها الشيء اللي بدك إياه؟ فيك تحط فيها قهوة؟ فانت لما فضيتها، عرفت مكان لشيء ثاني يدخل لجوا. هي الكاسة نفس ما انت لما بتوقف رفقاتك القديمين اللي هم الوسخين وفيهم الأعراض اللي حكيت لك عنهم، فانت بتفضي هذا المكان لحتى أشخاص ثانيين مرتبين يجوا على حياتك. عم تستوعب؟

ما تتضايق أبداً من الشهر أو الشهرين أو الثلاثة اللي انت رح تكون فيهم وحيد. وشلون بتوقف رفقاتك القديمين؟ دقوا لك، بتقول لهم أنا مشغول. بتضلك بتقول لهم أنا مشغول لبين ما هن يملوا وما يدقوا لك مرة ثانية. بما إنه انت طريقة تفكيرك سلبية كمان، أنا بعرف إنه انت عم تفكر بطريقة سلبية أكثر، لأنه حكيت لك الأعراض وانت ضليت، لأنه انت في عندك طريقة التفكير السلبية أكثر من الإيجابية. بتحط ورقة وقلم، وكل مرة بتفكر فيها بأي تفكير سلبي، بتكتبه. لما انت بتروح على الشغل لحتى تشتغل، فانت عندك طريقة تفكير ما منيحة على الشغل. فكل ما بتروح بتقول: يا ربي دخيلك، لا، هلا رح نرجع نشتغل مرة ثانية. وبتروح على الشغل وانت مكتئب، والسبع ساعات اللي انت عم تشتغل فيهم أو 12 ساعة انت متمر فيهم شخصياً من جوا متدمر وما عم تعرف تنجز أبداً. بتحط هذا التفكير على ورقة، اوكي؟ وبتكتب جنبه الشيء الإيجابي اللي انت لازم تفكره. بدل ما تفكر بشغلات سلبية، بدل ما تقول: أنا بكره الشغل تبعي وأنا رايح عليه لحتى أتدمر، أو إلى آخره، بتكتب: الحمد لله إنه أنا عندي شغل، لأنه في غيري ما عنده شغل أبداً. بس انت لازم تستوعب إنه انت فيك تغير هذا الموضوع وتشتغل شغل ثاني يطول لك مصاري أكثر وتنجز أكثر. بس إذا انت عندك طريقة تفكير سلبية، ما رح تشوف ولا أي شيء إيجابي قدامك. فبجوز انت تحكي مع شخص بالشارع يكون عنده شركة، وهي الشركة بتحتاج موظفين، وهذا الشخص بيعطيك مصاري أكثر بكثير من المعمل أو الشغل اللي انت عم تشتغل. بس بما إنه انت طريقة تفكيرك سلبية، فانت أول شيء حكيت له إياه شغلات سلبية، فهو قرف منك وبطل يحكي معك. فبتبدل الشغلات السلبية كلياتها وتحط فيها إيجابية لبين ما توصل لمرحلة انت إيجابي طول الوقت. الشخص الإيجابي عنده فرص أكثر بالحياة، مبسوط أكثر، هادي أكثر، بيعرف يختار صح. الشخص السلبي قراراته كلياتها وما بيعرف يفكر أصلاً.

بدك تكون هيك مدى الحياة. شوف، قسماً بالله أنا هلا عمري 27 سنة. إذا بتشوفني أنا شلون عايش حياتي، قسماً بالله مروق لدرجة انت مستحيل تتخيلها. بفيك الصبح، عندي دفتري، عندي قلمي، بكتب الشغلات اللي أنا بحبها. بسمع أغاني مرتبة، موسيقى، مو أغاني. إذا انت داخل بالمكالمة يوم الجمعة، قل لي ايش الأغاني اللي حتى أعطيك إياهم، لأنه قسماً بالله هذول الأغاني أنا عن جد كثير بروق عليهم وما فيهم أي شيء حزن أو كذا. رواء عند الصبح، معي قهوة، بشرب قهوتي، بكتب الشغلات اللي أنا بحبها، مروق. عندي الروتين الصح، باكل، باكل بالوقت الصح. وأنا عن جد بتمنى من جوا قلبي إنه أنا أضل هيك حاسس مدى الحياة تبعتي، لأنه أنا مرتاح لدرجة رهيبة ما بتتخيلها. وأنا عم بعطيك كل الشغلات أنا عم بساويها لحتى انت كمان تصير مثلي وأحسن مني حتى. وانت أكيد ملاحظ على الانرجي تبعتي، على الجسم تبعي، وعلى النصائح اللي أنا عم بعطيك إياها. انت عم تشوف إنه أنا مختلف. أنا اختلفت أكثر بكثير من قبل، لأنه أنا عم بعمل الشيء اللي عم بحكي لك إياه، وأنا بدي إياك تعمله لحتى عن جد تغير حياتك وتدعي لي بالمستقبل.

إذا عندك أي مشكلة أو أي شيء انت عم بتواجه فيه صعوبات حكيته بهذا الفيديو، بس ما تعمقت فيه أكثر، اكتب تحت بالتعليقات لحتى أساعدك فيه. ولا تنسى إنه انت أخوي الأصل وانت سوبر سكسي.