بدون محاكمة .. درس في الحياة | قصة حب تحولت لجحيم

قصه حب زي ما قال الكتاب ولو في قواعد

للحب هتلاقي ياسمين وهيثم كانوا ماشيين

عليها كويس جدا واحده من اغرب واهم القصص

ازاي علاقه حب او عشق تتحول لحاجه تانيه

خالص وزي ما حياتهم كانت دراميه النهايه

كمان كانت دراميه اكتر بكتير وكانهم قرروا

يسيبوا درس للحياه علشان نتعلم بدون

محاكمه في القصه الكامله

2005 وفي واحد من المناطق الشعبيه في

القاهره هيثم شاب عنده 23 سنه مجتهد وشاطر

جدا وطول عمره من وهو صغير بيحب التجاره

ورافض تماما فكره الوظيفه وعنده طموح في

التجاره كويس جدا ومتجوز من سنتين بس ما

كانش سعيد خالص في حياته ودايما عنده

مشاكل بسبب انه ما كانش بيحب مراته وكانه

كان متسرع جدا في الجوازه دي وعلى الرغم

ان سم راجل جد في حياته لكن كانت العاطفه

والمشاعر بيلعبوا دور مهم جدا في شخصيته

ودايما كان بيرسم حلم في خياله كان بيحاول

يحققه والحلم اللي كان راسمه لنفسه انه

يتجوز واحده بيحبها وانه يكمل معاها بقيه

حياته ومستعد يعمل عل شانها اي حاجه وكمان

يستحمل اي مشاكل ودي كانت مشكلته الحقيقيه

في جوازته الاولى وعلشان كده كان طول

الوقت بيدور على الحب اللي نفسه فيه وطبعا

كان كل اللي شغ دماغه البنت اللي حبها من

زمان بس ما كانش عنده الجراءه انه يتكلم

معاها او يفاتحها في الموضوع والبنت

الجميله اللي كان بيحبها هيثم هي ياسمين

وفي نفس الوقت تبقى هي الحلم بتاعه ويلاحظ

هيثم مع الوقت ان ياسمين بتبادل نفس

المشاعر بس كانت المشكله ان هيثم راجل

متجوز صحيح هو بيفكر في الطلاق او

الانفصال من مراته الاولى لكن ما كانش

هينفع ياخد اي خطوه الا لما تبقى حياته ما

فيهاش الزوجه وعلشان كده هيثم يقرر انه

ينفصل عن مراته الاولى وبعد ما يخلص كل

اجراءات الطلاق يروح يتكلم مع ياسمين اللي

تتبسط جدا بالكلام اللي قاله لها لانها

فعلا هي كمان كانت بتحبه جدا بس كان عندها

ظروف اقوى منها منعتها انها تبين له

المشاعر دي المهم هيثم يتقدم لياسمين

ويطلب ايديها للجواز والاهالي يوافقوا على

الجوازه دي والسبب الرئيسي ان ياسمين اثرت

على عيلتها لانها فعلا كانت بتحب بهيثم

جدا وعيلتها كمان كانت شايفاه شاب طموح

ورياضي ومحترم وفي نفس الوقت واضح ان عنده

طموح وواضح جدا انه هيحقق وبرغم ان

العيلتين كانوا موافقين على الجوازه لكن

عيله هيثم كان ليها راي مختلف كان عندها

اعتراض على ياسمين والحقيقه ما فيش اي سبب

للاعتراض ده ما فيش حاجه حقيقيه موجوده

تخلي عيله هيثم تعترض على ياسمين بس كل

اللي كانوا شايفينه ان هيثم بيحب ياسمين

جدا احتمال يكون ده عمل غيره عند اهل هيثم

المهم اتفق هيثم مع اهل ياسمين انه هيجيب

شقه في مصر الجديده وفي منطقه كويسه جدا

وده علشان يحقق لياسمين برده الحلم اللي

بتحلم بيه وفي الحقيقه ان علاقه الحب اللي

بينهم كانت علاقه حب حقيقيه كل واحد فيهم

دخل حياه الثاني علشان يسعده ولا حد بيضغط

على الثاني ولا حد بيضايق الثاني وبالعكس

الاثنين كانوا مصدر سعاده لكل واحد وهنا

الحلم الاول عند هيثم يتحقق انه يتجوز

واحده بيحبها وانه يكمل مها بقيه حياته

ومستعد يعمل عل شانها اي حاجه وتبدا

الحياه الحقيقيه بينهم البيت مقفول على

اثنين بيحبوا بعض ووعدوا بعض انهم يبقوا

في ضهر بعض في اي حاجه وياسمين توعد هيثم

انها هتكون معاه في كل خطوه المهم يحقق

الحلم اللي نفسه فيه وتمر السنين بينهم

وعلاقه الحب الحقيقيه زي ما هي صحيح ممكن

يحصل شويه مشاكل بس مشاكل عاديه زي اي بيت

وخلال السنين دي ربنا يرزقهم بطفلين

والطفلين دول بقوا اهم حاجه في حياه هيثم

وياسمين وفي نفس الوقت هيثم كان بدا يحقق

الحلم الثاني في حياته هيثم طول الوقت كان

بيحلم بالتجاره الحره وعلشان كده ربنا

كرمه فتح مغسله عربيات بامكانيات كويسه

جدا وخلال وقت قليل قدر يحقق نجاح ومكاسب

كويسه جدا والحقيقه ان تعب ومجهود هيثم

كان باين جدا على بيته يعني كل رزقه وتعبه

كان واضح جدا في البيت بتاعه واحلام هيثم

في الوقت ده كلها كان ليها علاقه بالحب

والطموح والنجاح وتقريبا دي اخر مرحله

للاحلام اللي بالشكل ده وبسبب كتر الفلوس

وشويه ناس حوالين هيثم للاسف يتجه

للمخدرات ولان شكله رياضي وجسمه باين عليه

انه رياضي فما كانش اي حد مصدق انه هيثم

بيشرب مخدرات بس ياسمين بحكم العشره وبحكم

انها عارف وحافظه تصرفات هيثم كويس فبدات

تحس ان شكله وتصرفاته بقت غريبه طول الوقت

بيتخانق ودايما عايز يفضل قاعد لوحده

وبيتاخد بره البيت لفترات طويله من غير اي

سبب وتبدا ياسمين تتكلم مع هيثم وتطلب منه

انه يبعد عن طريق المخدرات وده لانها

عايزه تحافظ على بيتها وعايزه تحافظ على

ولادها وعلى جوزها اللي بتحبه جدا وهيثم

كان فاهم ان ياسمين بتطلب منه كده لانها

بتحبه وخايفه عليه ولحد الو الوقت ده هيثم

كان بيعرف كويس يفرق ويفهم الكلام مقصود

منه ايه وتمر سنين وهيثم يحاول يقنعها انه

بطل مخدرات بس طول الوقت ياسمين كانت

عارفه ان بيكدب عليها لكن كانت ساكته

وعايزه تفضل جنبه وده علشان تحاول تحافظ

عليه على قد ما تقدر بس الوضع مع هيثم

اطور جدا ودخل بعمق اكبر في المخدرات وبقى

مدمن لمخدر الايس وبقى فعليا هو كل حياته

وفي نفس الوقت عيله هيثم معترضين لسه على

ياسمين واللي برده بدون اي سبب مشكلتهم

الحقيقيه انهم شايفين ان ياسمين مهتمه

بنفسها زياده عن اللزوم وده كان مضايقهم

جدا والحقيقه مش معروف ليه وبدا الكلام مع

هيثم انه لازم ياخد باله من مراته كويس

وطبعا الكلمه دي كبيره جدا تحديدا مع واحد

مدمن لان في وقتها وبسبب التفكير وكلام

اهل هيثم ليه خلى هيثم يح بحلم غريب جدا

ان ياسمين بتخونه وتعرف راجل عليه وفضل

هيثم مقتنع بالحلم ده من غير ما يقول ل

ياسمين اي كلمه لانه كان كل ما بيفوق من

تاثير المخدرات كان بيبقى عارف ومتاكد ان

ده مجرد اوهام وان ما فيش ولا حاجه من

الكلام ده حقيقه بس مع مرور الايام الحلم

بقى حقيقه في خيال هيثم وبقى يحصل بينه

وبين ياسمين خناقات كتيره والجيران في

الحقيقه ما كانوش فاهمين ولا مستوعبين سبب

الخناقه دي شايفين اثنين بيحبوا و

بيحترموا بعض جدا ومش شايفين اي مبرر

للخناقات اللي بتحصل وبدا هيثم يفتش في

موبايل ياسمين ويحاول يشوف الرسائل

والمكالمات كلها وفي الحقيقه ما لقاش اي

حاجه غريبه موجوده على الموبايل بس هل يجي

له التفكير ان كل اللي بيفكر فيه ده مجرد

و اطلاقا هيثم كل اللي فكر فيه ساعتها

وبسبب المخدرات وكلام اهله ان ياسمين

بتمسح كل الرسائل والمكالمات

يبدا في مرحله جديده خالص واصعب بكتير انه

بقى يراقب ياسمين مراته كل يوم ويشوفها

رايحه فين وجايه منين ويشوفها فعلا هل

بتقابل حد ولا لا والغريبه انه ما لقاش اي

حاجه تخلي عنده مشاعر الشك دي اتجاه

ياسمين وطبعا طول الوقت ده مع مرحله الشك

الخناقات اللي بينهم بقت تكتر اكت بكتير

ولا ليها اي مبرر ولا سبب واغرب حاجه في

المرحله دي انه مر على جوازهم 20 سنه

متخيل علاقه حب تستمر 20 سنه والعلاقه

اللي بينهم كويسه جدا في وسط كل المشاكل

دي وده لان ياسمين كانت فعلا بتحب هيثم

جدا وكانت عارفه ان اللي بيحصل ده خارج

ارادته وخارج تفكيره وهيثم طول الوقت

ضميره يصحى ويتضايق جدا من اللي بيفكر فيه

ويفضل يوعد ياسمين انه هيتغير وانه هيشيل

خالص كل التفكير ده من دماغه وكان بيتعمد

ينزل كل شويه صور على شبكات التواصل

الاجتماعي ويكتب عليها كلام يوضح قد ايه

انه بيحبها وقد ايه انه مقدر العشره اللي

بينهم وتقريبا الاثنين كانوا حافظين بعض

كويس عارفين ايه اللي بيزعل الثاني

وعارفين ايه اللي بيخلي الثاني يهدى وبعد

مرور اخر مشكله هيثم يقعد مع ياسمين ويوعد

انه هيتغير ويشيل التفكير ده من دماغه

خالص ويوعد كمان انه مش هيسمع كلام من اي

حد لحد ما رجعاني يسمع كلام من اهله ويسمع

كلام لدماغه وده بعد ما بيشرب مخدرات هيثم

بدا يشك في حاجات اكبر بكتير واهمها ان

ولاده مش ولاده وساعتها راح المحكمه ورفع

دعوه قضائيه بانكار النسب ضد مراته وطبعا

المحكمه ترفض الدعوه دي بسبب عدم وجود اي

دليل على كلامه ووقتها ياسمين تقرر تسيب

له البيت وتعرف ساعتها ان الحياه بينهم

انتهت تماما وفي نفس الوقت ده هيثم يصحى

من الكابوس اللي دخل نفسه في ويعرف ان

حياته بالشكل ده بتدمر وان ما فيش حد دفع

ثمن كل اللي فات غير هو وبيته وساعتها

هيقرر هيثم انه يدخل مصحه لعلاج الادمان

وخلال فتره العلاج يقعد يبعت رسائل

لياسمين ويوعد انه هيتغير تماما ويوعد انه

مش هيسمع كلام من اي حد ثاني مهما كانت

صله قرابه الحد ده او قرب منه مش هيسمع

كلام حد ولا هيدي تفكيره لاي حد ثاني ويا

ياسمين سمعت الكلام ده قبل كده كتير

وعلشان كده ما صدقتوش وقررت انها تفضل

موجوده في بيت اهلها لحد ما تتاكد ان هيثم

فعلا اتغير واي واحده ثانيه غير ياسمين

كانت هترفض اصلا تسمعه ده رفع عليها دعوه

بانكار النسب لكن المشكله ان الولاد كانوا

نقطه ضعف ياسمين وكانت عارفه انهم مرتبطين

بوالدهم جدا والحقيقه هو كان معاهم اب

كويس جدا ويمر كا شهر وهيثم لسه بيتعالج

في المصحه وفعلا في اخبار توصل لياسمين ان

هيثم فعلا اتغير وان المره دي غير اي مره

ثانيه وبعد فتره قصيره تتفاجئ ياسمين ان

هيثم منزل فيديو على شبكات التواصل

الاجتماعي وفي الفيديو ده بيوضح للناس

حاجات كتير وبيصحى صوره ياسمين قدام الناس

تحديدا اللي حضروا معاهم معظم المشاكل

اعتذر لمراتي ياسمين احمد عيسى العاشور

على الفاظ اللي صدرت مني

وا ابشع الاتهامات اتهمتها في شرفها وهي

كانت زوجه مثاليه

ليا حب عمري حب 31

سنه بجد انا مش عارف انا عملت كده ازاي بس

انا كنت واحد مريض انا كنت واحد

مغيب لاني كنت

مدمن فانا بتاسف لها وبتها قدام الدنيا

كلها ومش عيب ان انا اغلط

كلنا

بنغلط انا غلطت غلط كبير قوي غلطت في

شرفها وهي حب

عمري عمري ما شفت منها حاجه

وحشه بالعكس ده انا كنت بعمل الوحش وهي

بتستحملي فيا جماعه بعتز قدامكم كلكم ويا

ريت تسامحني انا من غيرها بموت ومن غيرها

هنتحر بجد يعني انا هموت نفسي لان من

بعدها الحقيقه مالهاش

لازمه انا من غيرها

مافيش يعني من غيرك ياسمين انا مافيش خالص

انا ميت من غيرك بيض انك

ميت تعبان من غيرك وبجد انا بحبك عمري ما

حبيت غيرك ولا هحب

غيرك انت حب عمري كله حب 31 سنه فيا ريت

تسامحيني

وانا غلطت في حقك حق حماتي حق عيالي وفي

حق

نفسي فانا بعتذر لك وبتاسف لك ويا ريت

تسامحيني

وعف الله عن ما

سلف انت الدنيا انت الدنيا بالنسبه لي

اللي فيها انت كل حاجه انا من غيرك ولا

حاجه فبجد انا بحبك بجد انا بتاسف لك

وبعتذر لك و

مش غلط ان ان انا انا غلطت وكلنا بنغلط

سامحيني المره دي معلش المره دي بس انا

اوعدك ان انا هكون زوج مثالي ووعدك ان انا

ككون معاك تحت

عمري عمري كله

و انا من غيرك انا مش موجود ومن غيرك انا

هنتحر وهموت نفسي ولو نركز في الفيديو

هنشوف كم مره قال فيها انه هيموت نفسه انه

مش هيقدر يعيش من غيرها وواضح ان هيثم كان

بيقول الكلام ده من قلبه ياسمين ساعتها

اتاثرت جدا بالفيديو ده وقررت انها ترجع

البيت ثاني بس ساعتها والدتها رجعت معاها

علشان تطمن بنفسها ان فعلا الحياه هتبقى

كويسه واول ما هيثم لقى ياسمين رجعت البيت

ثاني حاس ان الحياه رجعت من جديد وساعتها

والدتها شافت ان هيثم فعلا اتغير وان كل

اللي بيقوله كان حقيقي والحياه ترجع تستقر

ليهم ثاني وتبقى احسن من الاول بكتير وطول

الوقت ده هيثم بياكد لياسمين انه بطل

مخدرات خلاص بس بعد شويه ياسمين تحس ان

هيثم ما بطلش مخدرات وانه لسه بيشرب صحيح

الاحساس ده كان جواها قوي جدا بس ما كانش

عندها اي دليل وتبدا الخناقات بينهم من

ثاني ويفضل الجيران ثاني مش مستوعبين ايه

اللي بيحصل الاثنين بيحبوا بعض جدا ايه

لازمه الخناقات دي ده غير ان الجيران ما

كانوش فاهمين هم بيتخانقوا على ايه لان من

كتر الصوت ما كان عالي جدا فكان الكلام مش

مفهوم ده غير ان الجيران اتعودوا على

الخناقات دي فبقى الموضوع بالنسبه لهم

عادي جدا لحد ما نوصل ليوم الحادثه

وتحديدا 6 يناير

2025 الساعه ده بالليل الولاد داخلين

يناموا وهيثم وياسمين يقرروا يدخلوا

الاوضه بتاعتهم علشان يقعدوا يتكلموا شويه

واول ما يدخلوا الاوضه تحصل بينهم خناقه

كبيره بس بعد اقل من ربع ساعه الصوت يختفي

تماما وكان الخناقه وقفت خالص والولاد

تصحى ثاني يوم الساعه 6:00 الصبح وده

معادهم الطبيعي وكمان والده ياسمين كانت

بتحب تجي لهم الصبح تفطر معاهم وتقعد

معاهم شويه وفعلا والده ياسمين لما وصلت

فطرت معاهم وفضلت قاعده معاهم لحد وقت

متاخر بس لحظه ان ياسمين وهيثم ما لهمش اي

صوت فلما سالت الولاد عرفت انهم دخلوا

ناموا الساعه واح حده بالليل وساعتها قالت

انهم احتمال يكونوا سهروا وعلشان كده

هيطولوا في النوم شويه ولما طلبت من

الولاد انهم يروحوا علشان يطمنوا عليهم

لقوا ان باب الاوضه مقفول من جوه وفضلت

قاعده والده ياسمين لحد الساعه خسه المغرب

خايفه تسيب الولاد لوحدهم وفي نفس الوقت

قلقانه جدا على هيثم وياسمين مش طبيعي

ابدا انهم ما يخرجو من الاوضه لحد الوقت

ده وبعدها تكلم واحد قريبهم وتقول له على

اللي حصل ققول له انها حاولت تفتح الباب

بس فشلت وما عرفتش وبعد وقت قليل قاربهم

ده يوصل البيت ويكسر الباب علشان يشوف

قدامه منظر مرعب جدا يلاقي ياسمين غرقانه

في دمها ومرميه على السرير ويلاقي هيثم

متعلق بحبل في السقف وواضح ان الاثنين

ميتين من فتره طويله منظر مرعب جدا تحديدا

ان الولاد كمان شافوه وفي ساعتها يكلموا

رجال الامن علشان يوصلوا في اسرع وقت

ومعاهم فريق من المعم جنائي فريق المعمل

الجنائي لما يوصل يلاقوا نفسهم قدام بلاغ

غريب جدا يلاقوا زوج عنده 43 سنه متعلق

بحبل في نص الاوضه وواضح جدا من الفحص

المبدئي ان هو اللي عمل كده في نفسه وفي

نفس الوقت يلاقوا زوجه عندها 36 سنه

غرقانه في دمها وموجوده على السرير وواضح

على الرقبه ان في اثار ذبح ده غير انها

تعرضت لاكث من طعنه بسكينه والسكينه دي

لقوها في نفس الاوضه مرميه على الارض ظر

غريب وبشع جدا ويعرف رجال الامن من

الاهالي ومن والده ياسمين ان كان بينهم

علاقه حب قويه جدا والجيران اكدوا ان برغم

المشاكل اللي كانت بينهم بس صعب جدا ان

هيثم يعمل كده في ياسمين وده لان تقرير

المعمل الجنائي المبدئي اكد ان ما فيش اي

حد غريب دخل الشقه لان بعد فحص كل مداخل

ومخارج الشقه والابواب والشبابيك ما فيش

اي اثار عنف واضحه على البيبان وطبعا كان

واضح ان ما فيش اي اثار عنف في الاوضه

ويبدا رجال الامن في جمع كل المعلومات عن

هيثم وياسمين وفي نفس الوقت يتم نقل

الجثتين للطب الشرعي علشان يحدد ويقول

تفاصيل كتير جدا هتساعد في فهم اللي حصل

بالظبط تقرير الطب الشرع بيقول ان ياسمين

ماتت بسبب الخنق بس بعد الوفاه تم دبحها

وتم طعنها اكث من مره وان الوفاه نفسها

حصلت وهي على السرير بس المعلومه المهمه

ان فارق التوقيت في في الوفاه بين هيثم

وياسمين خمس ساعات يعني هيثم توفى بعد

ياسمين بخمس ساعات وبالنسبه لهيثم فسبب

الوفاه هو الخنق وده باستخدام شريط

بلاستيك بيستخدم في اعمال الصيانه وان

لاقوا موجود على رقبته ثلاث شرايط بلاستيك

ملفوفين ده غير ان في اثار لحبل ملفوف

حوالين رقبته بس واضح من التقرير بشكل عام

ان هيثم اللي عمل كده في نفسه وطبعا دي

نفس المعلومه اللي اكدها رجال المعمل

الجنائي واكتر وصف وتحليل للي حصل بالضبط

من خلال تقرير المعمل الجنائي والطب

الشرعي ان اللي حصل كالتالي الساعه ده

بالليل هيثم وياسمين يدخلوا الاوضه وتحصل

بينهم خناقه كبيره واحتمال كبير تكون

الخناقه دي بسبب ان ياسمين عرفت ان هيثم

رجع يشرب مخدرات وبسبب كميه المخدرات اللي

كان شاربها هيثم الليله دي وده لان تقرير

الطب الشرعي اكد ان جثمان هيثم كان في

نسبه كبيره من مخدر الايس فواضح جدا انه

شرب في الليله دي كميه كبيره المهم لما

حصلت الخناقه بين هيثم وياسمين فواضح ان

هيثم خنقها بايده لحد ما ماتت بس كان

ساعتها متخيل انها لسه عايشه فراح جاب

سكينه من المطبخ وذبحها وطعنها اكث من مره

وبعدها فاق من اللي عمله وفضل قاعد جنب

جثتها اكت من خمس ساعات وطبعا دي مش اي

جثه دي جثه حب العمر اكيد شريط الذكريات

والاحلام قعدت تمر قدامه بس بالتصوير

البطيء وحس انه عاش كل حلم من الاحلام

وشاف في الاخر هو دفع الثمن ازاي فيقرر

هيثم انه ينهي حياته بنفسه وده زي ما قال

لها في الفيديو قبل كده انها لو مش موجوده

هيموت نفسه ياسمين ما كانتش عارفه انها

راجعه ثاني لهيثم علشان حياتها تنتهي وما

كانتش عارفه انها هتسيب طفلين م لهمش اي

ذنب في الحياه وهيثم فهم اخر قوي ان طريق

المخدرات وانه يسمع لكلام الناس هي دي

اخرته النصيحه من الاهل مهمه جدا بس لازم

تبقى عارف تفرق وتبقى فاهم كويس معنى

الكلام ايه وصعب جدا حد مدمن يبقى عارف

يفهم او يفرق معنى الكلام الغريب ان قصه

الحب اللي بين هيثم وياسمين الناس كانت

بتحكي بيها لحد اخر لحظه ما حدش قادر يصدق

ولا يقتنع ان هيثم يعمل كده في ياسمين

وطبعا الموضوع مش محتاج محاكمه وده لان

الجاني والمجني عليه ماتوا ربنا يرحم

ياسمين ويصبر اهلها وربنا يكون في عون

ولادهم على المنظر اللي شافوه سلام عليكم