بلوتو في البيت الثاني عشر 12 بغض النظر عن إتصالاته

وصلنا لبلوتو بالبيت الثاني عشر. معاني ودلالات تواجد كوكب بلوتو في البيت الثاني عشر. طبعًا، بغض النظر عن اتصالاته، لأنه أكيد القصة بتفرق كثير إذا كان بلوتو متصل بزحل مثلاً بالبيت الثاني عشر. طبعًا بنحكي عنها أكيد. بمقاطع فيديو لاحقة رح أحكي عن اقتران بلوتو بباقي الكواكب. بيختلف أكيد إذا كان بلوتو مقترن مع الزهرة. في اتصالات سلبية، تربيع، هو بالبيت 12 عامل تربيع مع الزهرة مثلاً، مع المريخ. فأنا عم بحكي يعني بشكل عام عن معنى تواجد بلوتو لحاله بالبيت الثاني عشر. لا تنسوا تعملوا اشتراك وسبسكرايب لقناة عشوائيات فلكية.

البيت الثاني عشر هو بيت نفسي، بيت من البيوت النفسية. منه بيت اجتماعي مثل البيت الحادي عشر، بيت تواصل مثل البيت الثالث. لا، هو بيت نفسي، بيت داخلي، أي بيت خفي، باطني. هو بيت اللاوعي والأسرار، بيت العزلة، الغموض، المحنة الخفية، المصاعب، والهواجس والمخاوف، بيت النهايات والخيبات، والأعداء الخفيين، الكآبة، الحزن، المشافي، السجون، المرض، وربما المرض العقلي والنفسي. العقل الباطن هو بيت الغربة، غربة بقلب، غربة، غربة حقيقية، غربة داخلية. الأحلام، الحدس، الانسحاب، الخلوة، الخيال، التأمل الروحي، التضحية والخدمة، النهايات والكارما. الحوت هو البرج الأخير، هو البرج الـ 12. وحاكم البيت الـ 12 الطبيعي هن كوكبين: نبتون والمشتري.

هلا قلت مفردات البيت الثاني عشر. نيجي هلا لمفردات بلوتو يلي كلنا بنعرفها. بلوتو هو إله العالم السفلي، قوة التدمير، الموت، عالم الأموات، الدمار، الهدم من أجل البناء، الأسرار، المحظورات، الهوس، التطرف، الموت والعودة من الموت. وهون عم نحكي طبعًا عن الموت المجازي أو الموت الروحي. لما بتحس حالك إنه روحك خلقت من أول وجديد. يعني طاقات بلوتو تتناغم جدًا مع طاقات البيت الثاني عشر. لأنه بلوتو يعشق الخفاء. هو كوكب الخفاء، هو إله الخفاء. بالأساتير الإغريقية أنا سبق وحكيت بلوتو كان هو هيدز. يماثل أو يقابله هيدز بالأساتير اليونانية. هيدز هو إله العالم السفلي، هو إله عالم الموتى. هو له باطن الأرض، كنوز الأرض، كل شيء له علاقة بباطن الأرض هو بيحكمه كوكب بلوتو أو هيدز. وهيدز إله الموت والعالم السفلي كان عنده بالأساتير اليونانية خوذه اسمها خوذه الاختفاء. وقت اللي كان يلبس هيدي الخوذه ما كان حدا يشوفه. يطلع من باطن الأرض وقت اللي كان يمل، يشعر بالملل من العالم السفلي، حاب يغير جو، يعمل كزدورة، مشوار بالعالم فوق، بالسماوات، بالأرض. فكان يرتدي هذه الخوذه، خوذه التخفي. ويطلع يتمشى ويراقب ويشوف وما حدا بالدنيا ينتبه له. ما هو غير مرئي مثل الموت تمامًا. الموت ما حدا بيشعر، ما حدا بيشوف الموت. لا حدا يشعر بالموت، بقرب الموت. فجأة بيجيك. فهو كان يرتدي خوذه التخفي. يعني نحن دائمًا وقت اللي بنربط الأساطير بمعنى الكوكب بنوصل للنتيجة. فبيت مخفي متواجد فيه كوكب الخفاء يعني خفاء مضاعف، أسرار مضاعفة، عمق مضاعف، لا وعي مضاعف. تمام. لأنه بلوتو يعشق الدهاليز، الدهاليز والظلام. وهيدا والعزلة. والبيت الثاني عشر هو معنى العزلة والخيال والحدس والأحلام والكوابيس والماورائيات.

برجع بقول، إذا كان بلوتو بهالموقع بالبيت الثاني عشر لحاله، يعني أكيد أفضل ما يكون متصل مع زحل، مع الزهرة، مع كيتو، مع المريخ. بكون صعب، صعب كثير يعني كارما مضاعفة. إذا كان تربيع الزهرة، زحل، الشمس، المريخ. كمان بيكون في صعوبة. صعب هو البيت الثاني عشر. وتواجد بلوتو في البيت الثاني عشر هو موقع منه هين. موقع منه هين. أنا بحب بلوتو البيت الأول لأنه بيبين على هالتك، على شخصيتك. بيكون عندك جاذبية بشخصيتك الخارجية، عندك كاريزما. أما بلوتو بالبيت الثاني عشر هو هيدي الكاريزما، هيدا المغناطيس كله بالخفاء، كله من جوا. يعني بتحس إنه أنت في عندك بركان رح ينفجر جواتك. موقع صعب على الصعيد النفسي. هيدا الشخص عنده عبء نفسي ثقيل. عنده عبء نفسي مرعب. حامل بقلبه أعباء نفسية قاتلة. حزن نفسي عميق. التحولات الجذرية العميقة هون لبلوتو البيت الثاني عشر بتكون نفسية. بلوتو بده إياك تحارب نفسك. من الآخر، حربك مع نفسك. تحارب ظلك، ظلالك. تتعلم كيف تتشافى وتبني حالك من جوا. أكثر من مرة، أكثر من مرة بتولد وبتنخلق من جوا. ما حدا بيحس فيك. ما حدا بيعرف شو عم بصير جواتك. وأنا دائمًا بقول بلوتو كوكب خطير. المكان يلي بيتواجد فيه بلوتو هو نقط ضعف. ولكن في الضعف تكمن القوة. هذا هو سر الحياة. بالضعف تكمن القوة. بلوتو البيت الثاني عشر أنت بتملك قوة نفسية هائلة. وبجوز أنت ما بتعرف بهالشيء. أنت ما بتحس بهذ القوة العميقة يلي عندك. كمان أنتم فيكم تسمعوا جماعة بلوتو البيت الثاني عشر. فيكم تسمعوا بلوتو البيت الثامن. في تشابه بالقوى الداخلية. أنت عندك قوة داخلية هائلة ما أنك حاسس فيها. بس مع الوقت رح تكتشفها. ورح تكتشف إنه إيه قوتك الحقيقية موجودة في القاع. القوة تكمن في القاع. القوة تكمن في القاع. القوة الحقيقية مصدرها أنت داخلك. جواتك. جوهرك من جوا. نفسيتك. أفكارك. هواشك. أحلامك. الرؤيا. الخيالات. هيدي هي مصدر القوة عندك. التواصل بجوز مع العوالم الأخرى. لأنه أنت فنان بالتواصل مع عالم غير محسوس. عالم غير مرئي. عايشه أنت بخيالك. فبلوتو البيت الثاني عشر هو أكيد متعب لفترة معينة من الحياة. عذاب نفسي. غربة نفسية. بتكون سجين نفسك. حبيس أفكارك. حبيس أحلامك. حبيس هواجسك. مع الوقت رح تكتشف إنه راحتك هي بهالعزلة النفسية. عندك أسرار كثير. عندك اتصال مع عوالم أخرى. ربما عندك هواجس. عندك أحلام. عندك بصيرة. عندك قوى الظلام تجتمع. تجتمع براسك. براسك. هلا من كثر ما أنت عندك بجوز عزلة. أفكار. شغلات كثير صعب أوصفها جواتك. كثير ناس بيقولوا إنه يعني بدل بلوتو. بلوتو البيت الثاني عشر على مرض عقلي معين. على الصحة النفسية. بضوي على الصحة النفسية. بدل على سجون. على عزلة. بدل. بدل على مرض طويل الأمد. علاجه بياخذ فترة طويلة لحتى نحن نتشافى. يعني أمراض. مشافي. هي الأجواء اللي فيها سجون. ظلام. بدل على هالقصص هي. تجربة بالنهاية. مثل مثل كل البيوت. هيدا البيت. هيدا معاني البيت الثاني عشر. كل بيت له معاني معينة. بس مع الوقت. مع الوقت أنت بتكتشف إنه قوتك الداخلية هي أنت. هي داخلك. هي جوهرك. هي معدنك. فالمفروض تستغلها. المفروض تستغلها. بلوتو مع الوقت بعلمك كيف تتحرر من حالك وتكسر قيودك الداخلية والنفسية. من خلال هالعزلة وهالتأمل بتوصل للصحوة الحقيقية. أنت عم تعيش معركة خلف الكواليس. أنت البطل فيها. أنت بطل هالمعركة. أنت البطل الخفي بمعركة غير معلنة. بمعركة سرية مع الروح. بالعقل الباطن. في مقولة بتقول: "أشد حروب الإنسان فتكًا، أشد حروب الإنسان فتكًا هي حربه مع نفسه". هي حربه مع نفسه. هيدي المقولة تختصر معاني تواجد بلوتو في البيت الثاني عشر. يمكن تكون أنت عدو نفسك. ما تستغرب. عدو نفسك. بدك تحرر حالك من حالك. من أفكارك.

هلا هالموقع لبلوتو. كثار بيحكوا عنه إنه بيعني سمعت أنا كثير إنه حياة مهددة. أو إنه حياة غير مستقرة. من لما كنت أنت جنين ببطن أمك. ممكن كان في تفكير بالإجهاض. أو التخلص من هالحمل. التخلص منك. بلوتو الثاني عشر هو منفى بعيد. هو مخاوف اختطاف. غياب. نفي. أعدائك الخفيين أقوياء جدًا. وبقدروا يسيطروا عليك بفترة معينة بحياتك. أو حتى ينتصروا عليك. ينتصروا عليك. هي قبل التحول. قبل عملية التحول. عندك بلوتو بالبيت الثاني عشر. أنت شخص روحاني. بتحب تتعمق بالأمور الغيبية. بالماورائيات. مستحيل تقدر تتشافى وتتعافى نفسيًا إلا من خلال العزلة. ما حدا بالدنيا قادر يفوت على عالمك الخاص ويسحبك. أنت بدك تطلع بإرادتك. يعني أنت طبيب نفسك. ما حدا بالدنيا قادر يخليك تتشافى أو تتعافى نفسيًا إلا أنت. قادر على بناء وعيك. من بعد كل مرة بتنهار أعصابك ونفسيتك فيها. أنت الوحيد القادر. بلوتو بالبيت الثاني عشر تعشق الخصوصية. حياتك سرية. بتعيش حياة سرية. حياة بداخل حياة. ملجأ بداخل ملجأ. القوة الحقيقية مدفونة ومخبأة بصمتك أو بجرحك يلي ما حدا بيعرفه. عندك أسرار كثير. أكيد عندك أسرار كثير. أنت منك شخص عادي. يلي عندك بلوتو بالبيت الثاني عشر. أنت شخص روحاني. أنت عندك طاقة شفاء للناس يلي حواليك. وقت اللي بتكتشف مدى القوة الداخلية اللي بتملكها. عندك أنت عندك طاقة تشافي للناس يلي حواليك. لأنك بتفهم مشاعر الناس بطريقة سحرية. بتعرف تلامس وجع الناس الحقيقي. عندك قدرة هائلة على معرفة وتفسير مشاعر الناس الخفية. أنت طاقة شفاء. بس بعد ما تواجه نفسك وتواجه ظلك. من خلال صراع داخلي وتجارب نفسية عميقة. أنت عندك بلوتو بالبيت الثاني عشر. في اللاوعي هناك حرب طاحنة من المشاعر الشديدة والصدمات. يمكن تعرضت لصدمات نفسية عميقة وعنيفة. لا تكتم غضبك. لا تكتم غضبك. لا تكتم انفعالاتك. طاقتك الداخلية هي كنزك الحقيقي. الطاقة الداخلية الهائلة يلي عندك هي كنزك الحقيقي. برجع بعيد. ف أنت. أنا نصيحتي لك. أنا عندي عدة نصائح لك. أول نصيحة إنه أنت تحاول ما تكتم غضبك ولا انفعالاتك. لو اضطريت إنك توقف مثل ما بنشوف بالأفلام. حدا واقف على صخرة كبيرة لحاله. البحر قدامه عميط وعم يصرخ. لحتى يطلع هيدي الطاقة اللي جواته. هيدا أنت. بنصحك إنه ما تكتم غضبك. وبنصحك إنك ما تعاقب حالك. لا تعاقب نفسك. لا تقسى على نفسك. ما تقسى على حالك. لا تجلد حالك. مثل ما بيعمل بلوتو البيت الثامن. ما تجلد حالك. ما تقسى على حالك. أنت اللي فيك مكفيك. أنت اللي فيك مكفيك.

هلا كمان يلي عندهم بلوتو بالبيت الثاني عشر بيختبروا أنواع السحر. أنواع الشعوذة. أنواع الرصد. الكوابيس. الأحلام. قوى الظلام. الشياطين. الجان. الأرق. القلق. أي عالم الجن والأرواح والمس. إذا أنت بتحلم بحلم بيتحقق. أحلامك بتتحقق. لأنه عندك بصيرة مرعبة. بتسمعوا بالاسقاط النجمي. بتسمعوا بالرابوس. بتسمعوا بالجاثوم. أو الناس اللي بتحكي مع الجان. أو اللي في لها علاقة مع الجان. في قصص هيك. في قصص هيك. هذول كلهم ممكن إيه أنت تختبرهم. اللي عندك بلوتو بالبيت الثاني عشر. بلوتو هو الثقب الأسود. المغناطيس اللي بيسحبك لجوا. لداخل عالمك الخاص. مشاعرك ثقيلة. مشاعرك مدفونة. مشاعرك صعبة. بتحس إنها بركان ورح ينفجر. بلوتو هون بخليك تعشق التأمل. الطاقة. العوالم الأخرى. الانعزال والعمق. بتشحن طاقتك من خلال العزلة. طاقتك بتشحنها إذا كنت لحالك مع حالك. يعني بعرف نحن ناس بالحياة بيشحنوا طاقتهم من خلال الحبيب. بتشحن طاقتك من خلال صديق. من خلال الأب. من خلال الأم. بس لا. بلوتو الثاني عشر وبلوتو الثامن بيشحن طاقته من حاله. هو الطاقة اللي بيوزع للناس. وبيشحن طاقته من حاله. ف أنت مع الوقت. وقت اللي بتعرف قدش عندك أنت قوة داخلية كبيرة. وإذا استغليتها صح. بتساعد الناس. ممكن تكون أنت مرشد روحي. معلم روحي. تلمس آلام الناس وأحزان الناس. وبتطيب خاطرهم. لأنك بتعرف كيف تتعامل مع المشاعر. فباختصار. بلوتو بالبيت الثاني عشر تحولات عميقة. تحديات نفسية. تحديات روحانية. إيه ممكن تكون هيك لها علاقة بصدمات الماضي. صدمات الطفولة. بجوز أم. بتكون أنت عندك رحلة. رحلة البحث عن الذات. رحلة البحث عن القوة الداخلية. في مواجهة الغموض واللا وعي. أنت هون عم بتدور على نفسك. ممكن تلاقي نفسك من خلال التأمل. من خلال ممارسات روحية معينة. طاقية معينة. عندك تحول عميق شخصي. عندك تحول عميق بنفسيتك. عندك جانب مظلم. نعم. عندك جانب مظلم. بلوتو هون بخليك تواجه الذات المظلمة. أو الأشياء المكبوتة بشخصيتك. مخاوف مكبوتة. مشاكل غير محلولة. الدارك سايد. بلوتو البيت الثاني عشر هو الدارك سايد. مثله مثل بلوتو البيت الثامن. أنا كثير بشبههم لبعض. بلوتو الثامن الموقع تبعه أعنف. أقوى. هيك بتحسه إنه عنيف أكثر. دموي أكثر. ليش؟ لأنه متواجد ببيت المريخ. وهو الحاكم الفعلي. بلوتو هو الحاكم الفعلي للبيت الثامن. والبيت الثامن كمان هو بيحكموا كوكب المريخ. العنف. الدم. إيه الصراعاتهم بتكون عنيفة. الصراعات النفسية بتكون أعنف. أما الحاكم الأصلي للبيت الثاني عشر هن مثل ما قلت كوكبين: نبتون والمشتري. المشتري هو طاقة شفاء. طاقة حماية. ونبتون خيال وإبداع وإلهام. وممكن خديعة كمان. فبلوتو بالبيت الثاني عشر يعني هو سيف ذو حدين. هو أكيد الواحد بيتعذب بينه وبين حاله. بيتعذب مع حاله ليفهم نفسيته صح. إيه إذا بدنا ناخذ تأثيرات نبتون بالبيت الثاني عشر. ليش نبتون يحكم البيت الثاني عشر؟ خيال. حدس. إبداع. إلهام. وحي. والمشتري طاقة تشافي. ف وقت الإنسان اللي عنده بلوتو. الشخص اللي عنده بلوتو بالبيت الثاني عشر بيكتشف القوة الداخلية اللي عنده. حيتصرف مثل طاقة المشتري اللي فيها تفاؤل وطاقة نورانية روحانية. ومثل طاقة نبتون اللي فيها حدس وخيال وإلهام ونور. بس بده ينتبه. لأنه بده ينتبه ما يستغل. ما يستغل القوى الظلام. قوى الظلام. يبقى مع قوى النور. بس بلوتو البيت الثاني عشر أهدأ شوي. والتحولات النفسية منا هينة فيه. بس أهدأ شوي من بلوتو البيت الثامن. روحانية. عزلة. البحث عن القوة الداخلية. بتكتشف مع الوقت إنه أنت عندك قوة داخلية منها عادية. منها عادية. عندك قوة خفية. عندك قوى خفية. عندك قدرات نفسية كبيرة جدًا. يلي عندك بلوتو بالبيت الثاني عشر. أنا ما كثير راح أطول عليكم. بتمنى تشاركوني تجاربكم مع بلوتو في البيت الثاني عشر. ولا تنسوا تعملوا سبسكرايب لقناة عشوائيات فلكية.