إيران تهدد قناة السويس المصرية واختطاف ناقلة نفط قبالة سواحل الصومال و تهديد صريح لباب المندب

السلام عليكم، ازيكم؟ من كام يوم جبت لحضرتك تقرير نازل من معهد كارنيجي، كان بيتكلم إن المخابرات المصرية هي المخابرات الوحيدة اللي قدرت تفتح قناة اتصال بالحرس الثوري الإيراني. ودور مصر غير ما هو ظاهر في الإعلام، إننا دولة ما بتعملش أي حاجة. والأمريكان عمالين يخمدوا من دور الوساطة المصرية، والإيرانيين كمان ما بيقولوش إن مصر ليها أي دور.

بس معهد كارنيجي كشف لك إن والله ده وفقًا لرغبة مصرية، إن مصر ما تظهرش إنها بتعمل على الوساطة بأي شكل. فعشان كده تطلع متحدثة باسم بتقول لك باكستان هي الدولة الوحيدة اللي في المفاوضات، أو هي الوسيط الوحيد زي ما حضرتك تسمع منها كده.

"The mediator negotiation have been countries around the world who want to offer their help. The president feels it's important to continue to streamline."

ويطلع الإعلام الإيراني يقول لك باكستان هي الوسيط الوحيد، في حين إن دور مصر في الوساطة في منتهى الخطورة. بس النقطة هنا دي مقالة تحليلية، موقع اسمه تاكتيكال ريبورت، ده موقع استخباراتي كشف معلومات استخباراتية غاية في الخطورة. قال لك التفاصيل بقى مين في المخابرات اللي بيكلم إيران؟ ده سؤال مهم. بيكلمهم امتى؟ وبيكلموا بعض إزاي؟ دي حاجة في منتهى الأهمية في وقت إن النهارده بيتم إغلاق، أو بداية تهديد باب المندب بنفس الطريقة اللي إيران بتقفل بيها مضيق هرمز. خلي بالك باب المندب ده هو بوابة قناة السويس، فانت يتم تهديد باب المندب بأي شكل كان دي نقطة في منتهى الخطورة.

الفيديو ده ما يفوتكش، معلومات استخباراتية كتيرة جدا مش هتسمعها في ولا وسيلة إعلامية ومش هتسمعها في ولا نشرة أخبار، لأن ببساطة ده تقرير استخبارات. بس طبعًا عشان أقول لك الكلام ده كله وأكشفه لك، لازم أقول لك إن معانا راعي قوي جدًا ومحترم جدًا وهو برين سيت.

أكبر غلطة ممكن يعملها أي حد صاحب مشروع إنه يبني شغله كله على السوشيال ميديا. خلي بالك السوشيال ميديا مش مضمونة، يعني تعديل خوارزميات أو مثلا منافسينك ممكن يقدموا فيه بلاغات، كل اللي أنت شايفه ده يتهد في ثانية. وطبعًا البديل إنك تعمل موقع إلكتروني، وده اللي تكلفته بتعدي الـ 1000 دولار، وكمان بتكون مجازفة وصداع واجتماعات، وفي النهاية يا تستلم زي ما أنت عاوز، يا إما بتبقى ضيعت وقت ومجهود ضخم جدًا.

وهنا يا صديقي بتيجي ثورة الذكاء الاصطناعي، فبدل ما تكون بس متفرج، دي فرصتك الحقيقية إنك تستفيد منها وتطور خطوة لقدام كانت زمان شبه مستحيلة. عشان كده راعي النهارده هو برين سيت. أي برين سيت هي أول منصة في العالم العربي بتبني لك موقع احترافي بالكامل في أقل من خمس دقائق وبدون أي خبرة برمجية. كل اللي عليك تعمله إنك تكتب اسم مشروعك أو تربط صفحة مشروعك على الانستجرام أو خرائط جوجل وتحطه في المنصة. الذكاء الاصطناعي بيسحب كل الداتا والصور والمواصفات ومواعيد العمل وبيصمم لك موقع عصري جاهز للشغل.

طب بالنسبة للتكلفة إيه نظامها؟ الباقة بتبدأ عندهم من 100 دولار بس، وبيكون عندك موقع إلكتروني جاهز إنه يتقرشف ويظهر في جوجل ويجيب لك عملاء من البحث. وبالمناسبة ممكن من خلال الموقع بتاعك عملاؤك يحجزوا مواعيد ويعملوا أوردرات. المميز بقى في برين سيت أي إنهم مش بس سايبينك للذكاء الاصطناعي، لا لو احتجت تعمل أي ميزة برمجية مخصوص لمشروعك، المنصة بتوفر لك مطور بشري محترف بيدخل فورًا وتكلفته بتتحسب بالدقيقة وبأسعار رمزية جدًا. سواء كنت مطعم، عيادة، مكتب محاماة، أو حتى متجر أونلاين، تواجدك الرقمي بقى أسهل وأرخص من أي وقت فات. ما تنساش برين سيت أي فرصة ما ينفعش تفوتك. هسيب لحضراتكم الرابط بتاعهم أسفل الفيديو لو حابين تتواصلوا معاهم.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه. وفيما يخص إيران تضرب القناة، إيه اللي حصل بالظبط؟ إيه اللي حصل إن أنا قعدت أستشهد أحلف وأقول لك خلي بالك ده مصر بتلعب دور أكبر بكتير من الإعلام بيقوله لك، وما تسمعش للسوشيال ميديا، حتى السوشيال ميديا الخلّاقية والكتاب والمغردين اللي بيقعدوا ينتقدوا مصر وقال لك فين مسافة السكة وفين الكلام والمصريين راحوا فين والكلام ده كله. لازم تعرف إن مصر بتلعب دور أكبر بكتير مما هو ظاهر.

طيب أنا في الفترة اللي فاتت دي أو في الساعات الماضية سمعت كلام، والله موقع الدفاع العربي قال لك والله أصل مصر نقلت دفاعات جوية لدول الخليج، وإن الدفاعات الجوية المصرية دي بتلعب دور مهم جدًا والكلام ده كله، وكانوا بيتكلموا على منظومة أمون سكاي جارد أمون. بس الحقيقة موقع الدفاع العربي مش موقع يستند عليه، أنا آسف إن أنا بقول لك كده، يعني لأن ببساطة لو جيت تدور ورا الخبر ده مش هتلاقي ولا وسيلة إعلامية بتتكلم عليه، حتى تقارير الاستخباراتية ما بتتكلمش عليه. هل أنا بنفي الخبر؟ أنا ما بنفيش الخبر، بس أنا بقول لك المصدر ضعيف. ماشي.

لو أنا بدور على مشاهدات هتلاقيني باخد الخبر ده وأعمل لك حلقة ساعة ساعة وأشيد بالجانب المصري بقى وأقول لك شفت جيشنا بيعمل إيه والكلام ده كله، بس مصدر ضعيف. هل معنى كده إن مصر ما تلعبش أي دور؟ لا. هو أنا اللي هقوله لك ده هو الرسمي بقى. يعني خلي بالك اللي هقوله لك ده مصدر قوي جدًا، موقع تاكتيك الريبورت، أنت بتشتري التقرير بفلوس كتير بس يبقى فيه معلومات مفصلة. اسمع الكلام ده مش هتسمعه في ولا وسيلة إعلامية. قال لك إيه بقى؟ قال لك خد بالك مصر هي جهاز المخابرات الوحيد اللي قدر يفتح خط اتصال بالحرس الثوري الإيراني.

طيب مين في المخابرات اللي بيكلم إيران؟ تخيل أنت اللواء حسن رشاد بنفسه. وقال لك خلي بالك ما فيش حد في المخابرات تاني بيكلمه، وخط الاتصال ده الرئيس السيسي أدّى موافقة رسمية عليه. خد بالك من اللي بقوله لك ده، الرئيس السيسي أدّى موافقة رسمية إن اللواء حسن رشاد هو اللي يكلم إيران. طب بيكلم مين في إيران؟ والله هم ذكروا في الخبر إن هو بيكلم أجهزة أمنية هناك، ما ذكروش شخص. وقال لك بيكلم أجهزة هناك بس كشخص ما تمش ذكره. فانا بس إيه مش عاوز أفتي عليك ولا أزود في الكلام. هم قالوا بيكلم أجهزة. حلو.

هل الخط ده فعال؟ فعال جدًا، لأن خلي بالك الوساطة اللي أمريكا عمالة تتكلم فيها مع إيران مبنية من الخط ده. ما حدش في العالم كله كان عارف يتكلم مع إيران غير المخابرات المصرية.

"بحث وزير الخارجية المصري بدر عبد العاطي ونظيره الباكستاني إسحاق دار خلال اتصال هاتفي سبل الدفع بالمسار الدبلوماسي بين الولايات المتحدة وإيران. وعرب الجانبان عن تطلعهما لعقد جولة ثانية من المفاوضات، مؤكدين أهمية التوصل لتفاهمات تدعم تثبيت وقف إطلاق النار وتهيئة الظروف لإنهاء الصراع. كما شدد على أن الحوار هو السبيل الأمثل للحل مع التأكيد على ضرورة الحفاظ على حرية الملاحة ومراعاة أمن دول الخليج."

بس أنا أسف أفاجأ إن الأمر أو خطوط الاتصال مش مبنية على اتصال بين ضباط صغيرين ولا حتى أجهزة بتكلم رئيس المخابرات. تتوقع بيكلم مين هناك؟ ما أعرفش، بس أكيد مش بيكلم شخصية صغيرة، ما بيتكلمش ضابط، ما بيتكلمش عقيد. لا، هو بيكلم شخصية كبيرة تاخد رأي الشخصي. ودي مش معلومة مهنية، دي رأيي الشخصي. أتوقع إنه بيكلم في محادثات مع أحمد وحيدي قائد الحرس الثوري الإيراني، ده اعتقاد شخصي، دي مش معلومة. أو النائب بتاعه، بس رئيس مخابرات مش هيكلم حد قليل.

طيب الخط ده لما اتعمل هل تم إخبار الأمريكان بالخط؟ آه. هل تم إخبار دول الخليج إن في خط اتصال بين المخابرات المصرية وإيران؟ أيوه. هتيجي تقول لي على فكرة الكلام ده كلام فارغ وأنت بتجيب كلام من عندك والتقليد ده أي كلام والكلام ده كله. طب اسمع الجديد. يعني سيبك من الكلام اللي فات ده كله. اسمع مع الجديد.

دول الخليج وخاصة الإمارات عن طريق الشيخ طحنون بن زايد بيستخدموا الخط ده بطريقة غير مباشرة. يعني والله الإمارات على اتصال بإيران عن طريق نفس الخط ده عن طريق المخابرات المصرية. فمثلًا إن الإمارات عاوزة تحتوي مثلًا تحتوي الهجوم الإيراني بس بطريقة غير مباشرة. يعني الإمارات ما بتتكلمش إيران بشكل مباشر، طريقة غير مباشرة وطريقة غير دبلوماسية. ماشي. فتخبر المخابرات المصرية يا جماعة ابتعدوا عن الأهداف دي. ماشي. فمخابرات المصرية تنقل الكلام للحرس الثوري الإيراني.

طيب هل الكلام ده واضح؟ والله واضح، لأن خلي بالك من أمر مهم جدًا. لو خدت بالك إيران قالت لك إيه؟ قالت لك إن إحنا لو اتضربنا في الجولة الجديدة من الحرب، إحنا مش هنعترف بأي خطوط حمراء. طيب أنا قلت الكلام ده قبل كده. هي إيران أصلًا تعرف الخطوط الحمراء الخليجية منين؟ ما هو أصل خلي بالك إيران المفروض استباحت حاجات كتير قوي في الحرب دي وضربت بنية تحتية، ضربت مطارات، ضربت حقول غاز، حقول نفط، ضربت كل حاجة، ضربت مواني. فإيه الخط الأحمر بالنسبة لدول الخليج؟ فدور المخابرات المصرية إنها تظهر الخط الأحمر طوال فترة الحرب.

والإمارات المفروض إنها تتواصل عن طريق المخابرات المصرية. ليه الإمارات مهتمة بكده؟ عشان يتم احتواء الهجوم الإيراني. هتيجي تقول لي ده كلام فارغ ما فيش الكلام ده كله وأنتم مكبرين في الموضوع وعاوزين مشاهدات. حاجة أقول لحضرتك هو بس النقطة هنا اللي أنا واخد بالي منها إن ده اعتراف إيراني رسمي. قال لك ما فيش خطوط حمراء. ماشي. ده أمر.

"لكن إيران قلق بشكل كبير على ما يبدو وهذا يعود لطبيعة الاستهدافات الإيرانية إن صح التعبير هي استهدافات مكثفة وإن كانت تقوم على مبدأ رد الفعل كما تتحدث إيران باستمرار. طبيعة الاستهدافات ثقيلة من نوعها تبدأ من التجمعات العسكرية لأمريكا وإسرائيل وتصل للقواعد والمحطات والمنشات الحيوية. آخر هذه المنشات ما نشرته وكالة فارس المقربة من الحرس يوم أمس عن هنا عن أنه هناك خمس محطات كهربائية تشكل عصب الاقتصاد الإماراتي. إن جرى أي عمل عسكري ضد إيران خلال الأيام القليلة المقبلة فسيتم شل الاقتصاد الإماراتي عبر استهداف هذه المحطات بالكامل."

الأمر الثاني هي مصر. ليه محتاجة الخط ده؟ يعني أنت خلاص عملت وساطة وباكستان دخلت في الخط وأنت بتدخل في الخط والكلام ده كله. ليه أنت ما زلت على تواصل في الخط ده؟ وليه اللواء حسن رشاد بيكلم الحرس الثوري الإيراني؟ والله لسبب وحيد إن مصر عاوزة تحتوي الحرب ده. ماشي. ده أمر. أمر ثاني الخط ده الاستخباراتي أعتقد إن هو بيتم استخدامه حاليًا إن هو يبقى أساس للوصول لاتفاق دبلوماسي. فمنها مثلًا لو في دولة خارجية عاوزة تتكلم إيران، ده مش خط دبلوماسي وده حاجة مش معروفة وده حاجة مش رسمية بالمناسبة. ما ينفعش دولة خارجية تكلم إيران أو العكس، أو إن إيران تكلم دولة خليجية وتبلغها مثلًا خطوط إيران الحمراء إيه.

ماشي. هل الإمارات لوحدها اللي بتستخدم الخط ده للاتصال مع إيران؟ والله مش الإمارات لوحدها. وده اعتقاد شخصي برضه. هم ذكروا فقط الإمارات، بس أنا بقول لحضرتك مش لوحدها. أكيد في دول خليجية كتيرة جدًا بتستخدم الخط ده وبيكلموا الإمارات وبيكلموا إيران. هتيجي تقول لي على فكرة ده معناه إن الدول الخليجية ضعيفة. أبدا. خلي بالك دلوقتي كل خطوط الدبلوماسية مقطوعة وكل خطوط التواصل مقطوعة. فانت من مصلحتك إنك تخلي فيه اتصال حتى لو بشكل غير مباشر عشان بس تحاول تحتوي الحرب. يعني إيه تحاول تحتوي الحرب؟ يعني مثلًا إيران ما تضربش هدف يجبر دول الخليج على الرد مثلًا، أو إن دول الخليج تشعر بالحرج إن إزاي الهدف ده اتضرب وإحنا ما ينفعش عشان ما نردش والكلام ده كله. فيبقى على الأقل فيه احتواء.

طب إيه مصلحة مصر إن الحرب يتم احتوائها؟ عشان لا تنزلق عند باب المندب. طيب وده النقطة الثانية اللي تم ذكرها في التقرير إن مصر حريصة جدًا إلى تأمين باب المندب وتأمين البحر الأحمر. هتيجي تقول لي طب ما معنى كده إن مصر ضعيفة وإن مصر عاوزة تخلي باب المندب مالهاش دعوة بالخليج والخليج بقى يروح يحارب لوحده والكلام ده كله. خلي بالك مضيق هرمز مقفول صح؟ مضيق هرمز بيطلع منه قد إيه؟ 20 مليون برميل في اليوم. طيب 10 مليون بيطلعوا من البحر الأحمر. يعني تم توجيه 10 مليون برميل يطلعوا من البحر الأحمر عن طريق ميناء ينبع. بلاش دول الخليج، الخط الأساسي بتاع الأكل والشرب بينزل من المواني المصرية ويروح عند السعودية ومن السعودية يطلع على دول الخليج. وادي الرسمة حضرتك أهي. أنا مش بحاول أفتي عليك بأي حاجة. ادي الرسمة أهي واللي أعلنتها السعودية. يعني أنا مش جاي أقول لك ده إعلانها تاكتيك الريبورتر، ده إعلان رسمي من السعودية إن الخط ده موجود.

"المضيق المائي مشاهدينا يقع بين اليمن وجيبوتي وإريتريا بعرض يقارب 30 كم. يربط البحر الأحمر بخليج عدن والمحيط الهندي ليشكل البوابة الجنوبية لقناة السويس التي يمر عبرها سنوياً نحو 10% من التجارة البحرية العالمية وفق بيانات الأمم المتحدة للتجارة والتنمية. الأهمية الاستراتيجية لموقع باب المندب تكمن في مرور ما يزيد عن 9% من تجارة النفط العالمي المنقول بحراً عبره، إضافة إلى حصة معتبرة من الغاز الطبيعي المسال والمنتجات النفطية. ويمثل المضيق حلقة أساسية في الربط بين صادرات الخليج والأسواق الأوروبية وفي سلاسل الإمداد بين آسيا وأوروبا."

فلو تم إغلاق باب المندب، أول حد هيتضرب هي دول الخليج، مش السويس على فكرة. لأن بالمناسبة معظم صادرات النفط اللي طالعة من دول الخليج راحت دول آسيوية. لو اتقفل باب المندب الرحلة بتاعة ناقلات النفط اللي راحت دول آسيوية هتضطر تطلع بقى من قناة السويس وتلف بقى رأس الرجاء الصالح وده هيطول الرحلة شهر عن رحلة معتادة. يعني هتحط 30 يوم فوق الرحلة اللي أنت بتاخدها لحد الدول الآسيوية. فده هيعطل إمدادات النفط اللي لسه بتطلع لحد دلوقتي. كل حاجة بتطلع من باب المندب عن طريق ميناء ينبع، بس بتطلع الخطوط برية لحد ما يوصلوا مننا ينبع.

"خط أنابيب شرق غرب في السعودية يمكن له نقل النفط من مراكز الإنتاج الشرقية للمملكة باتجاه الغرب نحو البحر الأحمر، ميناء ينبع هناك، ومن هناك يمكن للشحنات البحرية التوجه إلى أوروبا عبر قناة السويس شمالاً أو جنوباً عبر مضيق باب المندب للوصول إلى آسيا."

فأنت عندك وقود طيارات بيطلع، عندك غاز بيطلع، عندك حاجات كتير قوي اللي ما بيتمش تصديره من مضيق هرمز بيطلع عن طريق مواني. أيام بعض إغلاق باب المندب كارثة على مصر بطبيعة الحال وعلى دول الخليج. ماشي. لأن أنت عندك قناة السويس.

التقرير ذكر إن المخابرات المصرية والجيش المصري بيعدوا خطط وسيناريوهات لو حصل إن الحرب دي انزلقت لحد قناة السويس، الجيش المصري هيعمل إيه؟ اللي هيحصل إيه؟ الترتيبات. الكلام ده كله. هم بيتكلموا إن الحوثيين يخشوا يقفوا باب المندب. بس اللي أنا عاوز أكده لحضرتك إن دي تفاصيل جديدة ما تمش ذكرها في تقرير معهد كارنيجي. معهد كارنيجي كان بيحلل بشكل أكبر. إنما دي تفاصيل أول مرة تعرفها إن الشخص المسؤول عن التواصل مع إيران مش أي ضابط في المخابرات، ده رئيس المخابرات بنفسه. وده ثقة كبيرة جدًا من الرئيس المصري لرئيس المخابرات.

هتيجي تقول لي طيب هو إيه علاقة ده بالعنوان؟ أنتوا مكبرين في الكلام ليه وبتحطوا عناوين "إيران تضرب قناة السويس"؟ إيه الكلام؟ جي أقول لحضرتك بص، هي إيران علّمت العالم كله إزاي يضرب المضايق. ليه النهارده كان في سفينة شايلة على فكرة 18 ألف برميل. على فكرة في سفن بتشيل أكتر من كده بكتير، بس السفينة دي شايلة حمولة صغيرة جاية من باب المندب ورايحة كده لفوق. ناس تقول لك والله رايحة دول أخرى. لحد دلوقتي لحد ما أنا بتكلم ما أعرفش وجهة السفينة دي إيه، بس هي طالعة من الجنوب رايحة للشمال. فجأة قراصنة هاجموا على السفينة دي، خدواها.

هتيجي تقول لي وإيه مشكلة؟ هاجي أقول لحضرتك هو في ثلاث مشاكل. أول حاجة موضوع القراصنة ده إحنا نسيناه. يعني أنت بتتكلم أزمة القراصنة دي بقى لها سنين، وإن البحرية العالمية كلها اتدخلت، الروسية والصينية والأمريكية وكل الدول الأوروبية تقريبًا بعتوا قطع بحرية عشان يكافحوا القرصنة وتقريبًا قضوا على القرصنة في الصومال. ماشي. ففي قراصنة دلوقتي رجعوا تاني يختطفوا في السفن. طيب وإيه المشكلة؟ الكلام ده يقول لك إن دي محاولة ناجحة. كان في محاولة على فكرة من كام يوم لاختطاف سفينة وفشلت. بلاش كان في محاولة تانية لاختطاف سفينة. القراصنة الصوماليين طلعوا على ظهر السفينة لقوا قوات خاصة هندية. إيه رأيك؟ كانت سفينة هندية كده عاوزين يختطفوها لقوا قوات خاصة. فالقوات الخاصة الهندية احتجزت الناس دي وكانت لقطة كوميدية جدًا إن رايح يخطف سفينة هو اتخطف. ماشي. وكان الفيديو اتذاع وكان تم إظهار المختطفين أو القراصنة دول وهم بيتم اختطافهم.

النقطة اللي هنا إيه؟ النقطة اللي هنا إن عودة القراصنة دي مش عودة عشوائية. ليه؟ لأن ده بيجي بعد تصريحات من الصومال. دولة الصومال قال لك والله إن تعيين إسرائيل سفير لأرض الصومال أو فونتلاند مش هتسكت عليه، وإن الصومال هتغلق باب المندب. فانت عندك تصريح رسمي طلع من الصومال بيطبق دلوقتي على هجوم بالقراصنة. هتيجي تقول لي إيه المشكلة؟ ما تكبرش في الموضوع. ما تضخمش في العناوين. ده عملية قرصنة وصادف فقط إن والله قراصنة طلعوا وخطفوا السفينة. حاجة أقول لحضرتك هو القصة أكبر من كده. ليه؟ لأن أنت تعرف السفينة دي جنسيتها إيه، حمولتها إيه، دي تكنولوجيا مش سهلة. ليه؟ خلي بالك الصومال هي مش بتمتلك باب المندب وما عندهاش التكنولوجيا إنها ترصد جنسية السفينة وحمولتها والكلام ده كله. على فكرة الحوثيين بيعرفوا الكلام ده عن طريق مساعدة صينية روسية. يعني الأجهزة اللي عند الحوثيين بتكون أجهزة صينية وروسية مش موجودة عند الصومال. مين في دولة الصومال اللي بيقول له الصومال على جنسية السفينة اللي ممكن تكون تابعة لإسرائيل مثلًا والكراسين الصوماليين يتم توجيههم إن هم يروحوا يختطفوا السفينة دي؟ مين؟ مين اللي بيلعب دور كبير في الصومال عسكريًا وقصده إن هو يضايق على إسرائيل؟ تركيا. هل دي معلومة ذكرت في البي بي سي؟ لا. هل هي معلومة ذكرت في واشنطن بوست مثلًا المقر بتاعه واشنطن بوست؟ لا. بس بطبيعة الحال ده حاجة منطقية جدًا. مين اللي هيدي الصوماليين معلومات عن السفن اللي بتمر من باب المندب؟ ما فيش غير أتراك.

وعلى فكرة المرة دي عودة عملية القرصنة عند باب المندب هي مش عودة عشوائية. ودول مش ناس والله إيه قال لك والله ده البحرية العالمية خلاص ما بقتش موجودة نروح نختطف سفن بقى وناخد فيديو عليها. لا. أنا بقول لحضرتك ركز في البيان اللي طلع من الصومال وشوف دلوقتي إن فيها تحرك من القراصنة إنهم يختطفوا السفن. هتيجي تقول لي ما تكبرش برضه في الموضوع. جي أقول لك لا هو الموضوع كبير. معلش بقى أنا آسف يعني. لا هو الموضوع كبير. وأنت ما بقتش عارف هتلاقيها من إيران والحوثيين ولا تركيا اللي عاوزة تضايق على إسرائيل أو تضرب إسرائيل بشكل غير مباشر. كده أو كده باب المندب ما ينفعش يتقفل. وخلي بالك باب المندب ده بيخدم العالم كله حاليًا. سواء قناة السويس، سواء ميناء ينبع. دول أهم مواني حاليًا وأهم ممر في العالم كله بعد إغلاق مضيق هرمز. أصبح باب المندب وقناة السويس ممرات مائية غاية في الأهمية. ما ينفعش تتقفل تمامًا. أوروبا هتعاني والصين وآسيا هتعاني أكتر. ما ينفعش باب المندب يتقفل. ففي لعب بيحصل لضرب إسرائيل بشكل أو بآخر. أنت دلوقتي بتشوفه.

"بين مقديشو وأرض الصومال عاد إلى الواجهة بقوة بعد تعيين إسرائيل أول سفير لها لدى أرض الصومال وما تبعه من إدانات صومالية وأفريقية وإسلامية والتخوف من انتقال عدوى هرمز إلى ممرات بحرية أخرى. الشرارة الجديدة جاءت من سفير الصومال لدى إثيوبيا والاتحاد الأفريقي عبد الله أورفا، الذي لوح بإمكانية تقييد الوصول إلى باب المندب على الدول التي تمس بسيادة بلاده ووحدة أراضيها."

فالقصة دي قصة خطيرة جدًا. اللي أنا عاوز أقول لك عليه إيه؟ إن مصر لعبت دور قوي جدًا في احتواء الحرب دي لحد ما الصومال طلعت البيان بتاعها. وخد بالك مصر مالهاش أي مصلحة إنها تقفل باب المندب. عشان أنت بس لو جه في بالك إيه أصل المصريين هم اللي عملوها والكلام ده. لا. إحنا ما لناش أي مصلحة إن أي سفينة تتعرض لضرر عند باب المندب. وده بالمناسبة يوريك مدى هشاشة التأمين عند باب المندب خلاص. ويوريك إن ما فيش بحرية بتأمن باب المندب ده. هل الدول الأوروبية هتتحرك لتأمين باب المندب؟ يا ريت. بس ما تتوقعش الأمريكان. على فكرة لو أنت فاكر البحرية الأمريكية هتروح تأمن باب المندب، أنا لا أعتقد. اللي أنا عارفه إن حاملة طائرات يو إس جيرالد فورد موجودة في البحر الأحمر. بس برضه لا أعتقد إنها تقف عند باب المندب عشان ما تبقاش قريبة من الحوثيين. ما أعتقدش. خاصة إن يو إس جيرالد فورد دي كان عندها أصلًا حادثة وكانت رايحة تتصلح ولسه راجعة.

كل القصة هنا اللي أنا عاوز أركز عليها هو دور مصر. وإن خد بالك إن مصر بتلعب دور عظيم وما حدش واخد باله وما حدش ينفع يتكلم. وقلت لك إن كل الناس بتعتمد على الدور المصري. بس الدور المصري أكبر بكتير ما أنت ممكن تتخيل. وصدقني بلدك بتعمل شغل بس ما تتكلمش. ماشي. وكل الدول الخليجية حريصة على إبقاء خطوط التواصل. ده أمر مهم. ماشي. وده أمر يوريك إن في الظاهر ممكن يكون فيه خلافات، بس في الباطن فيه تنسيق عالي المستوى.

أخيرًا وليس آخرًا، تحريك الدفاعات الجوية المصرية لدولة الخليج مبني على مصدر ضعيف. الصحف الإسرائيلية ما ذكرتش لحد دلوقتي إن مصر نقلت دفاعات جوية وإن إسرائيل هتستغل في فرصة وتخش تضرب في سينا والكلام فارغ ده كله. صدقني هي كلها ادعاءات. حاجة رسمية ما فيش. ماشي. وموقع الدفاع العربي هو صفحة على فيسبوك بالمناسبة. أنا ما شفتلوش موقع أصلًا يعني. هو اسمه موقع الدفاع العربي بس هو صفحة ماشي على فيسبوك. وصدقني أنا مش بشكك فيه بالعكس هو ناس محترمة وبتجتهد، بس أنا كمصدر معلومة ما أعرفش لا أستند على موقع الدفاع العربي كمصدر للمعلومة.

في الآخر يا رب أكون شرحت لحضرتك الموضوع بشكل مبسط. خليك واثق في بلدك. خليك فخور ببلدك. واعرف إن إحنا بنلعب دور كبير في الحرب بس ما تتكلمش. تحيا مصر. سلام.