"اعترافات مرعبة من الساحر السوداني التائب حامد آدم: هكذا تعرف من دمر حياتك بالسحر !!

شياطين الإنس والجن يوحي بعضهم إلى بعض زخرف القول غروره. زخرف القول ده كثير يقنعك بأشياء كثيرة. يقنعك بأشياء كثيرة أنه غير ساحر. لكن أول ما يسألك، أول علامة من علامات الساحر أنه يسألك من اسم أمك.

وإحنا شرحنا موضوع الأم تقريبًا مش كده؟ وعرينا سر الشغلة بتاعة الأم. فأي سؤال يسألك له ولا جيت له مشكلة عن شخص معين قال لك اسمه منو؟ اسم أمك منو؟ طوالي قوم انسحب من الموضوع ده بطريقة ذكية. انسحب منه عشان هو ما يأخذ عنك فكرة سيئة ويضرك. لأنهم دول كلهم مضرين، كله صراحة. لو شعر أنك أنت شعرت أنه زول ما مستقيم وبتحاول أنك تفوت، يمكن يسعى لضرر. وأنه ساحر أكيد.

فدي أول علامة. علامة ثانية من علامات الساحر اللي هو بيفتح الكتاب. فتح الكتاب فتح الكتاب ده سحر. نوع من التكهن برضه. تنسحب منها. قال لك نفتح لك الكتاب أو قال لك نرقط لك في الخيرة. نرقط لك في الخيرة بنفتح لك الكتاب. قام عمل السبحة كده طوطو طو معين. قام شال لك سبحة قال لك امسك واحدة. قال لك قطع بقدمك الأرض. قال رمالي الوداعي. قارعة الكف، قارعة الفنجال، وبما فيها الجرايد برضه بتاعة الأبراج. ديل كلهم فروع من فروع السحر. دي كلها فروع من فروع السحر. أي واحد لقيته ممارس الشغلانية دي ساحر.

إضافة لذلك كتب لك حجاب قال لك البسه. تأكد أنه ساحر. كتب لك بخره. كتابة في بخره. بخرتين هي بخور وبخره. بخور من أعشاب من غير طلاسم ومن غير همهمة وكلام ما فيهوش شيء جائز. لأنه في كثير من الأشياء ممكن تعملها خاصة للصداع. يعني وذكرنا قبل كده الكلام ده. الأشياء اللي بتستعمل للصداع من غير كتابة ومن غير نفس وكلام همهمة. ف اللي بيدوا البخرات ديل أي إنسان مشي له اداك بخرات في وريقات قال لك امشي تبخر بها. تأكد أنه ساحر. تأكد أنه ساحر. بتفتح البخرات دي. وفي واحد سليطين كمان بيقول لك البخرات دي ما تفتحها تبخر بها كده. لأنك إن فتحتها ما بتتعالج أني خالص. بيقنعك بدي. كثير من الناس جابوا لنا بخراتهم قال لنا والله خوفونا الناس ديل. قالين لو فتحت البخره دي وجع راسك ده أصله ما بيتعالج أني خلاص مدى الحياة. وكثير منهم بيقول لك السحر ده محروس. سحر محروس. سحر أسود. سحر محروس. سحر محروس بسحر. وده ما بينفك إلا بطريقة معينة. تأكد أنه ساحر. دول كلهم سحرة.

اللي كتب لك حجاب قال لك البسه في ذراعك ولا البسه في رقبتك ولا البسه في صلبك ولا في أي موقع من المواقع. ده ساحر. قال لك شيل الورقة دي خذتها في الدكان. خذتها في المحل الفلاني. محلك الفلاني. خذتها في البيت. خذتها في البتاع. ورقة ملفوفة. تأكد أنه ساحر. لو جيت فتحت الورقة دي بتلقى فيها أشياء كثيرة جدا. هي ما من الدين في شيء أبدًا. أشياء من عمل السعر وعمل السحرة. وهم سليطين بصراحة. سليط اللسان. بقول لك ديل من الأسماء السريانية. تلقى ورقة يديك ليها. لو لقيت فيه كلام مثلا سهسهوبي مهموبي سعد بابيل صعصع مشكى الشكشك. الأشياء دي بقول لك دي الأسماء السريانية. ويدخلها في القرآن. بسم الله الرحمن الرحيم. ويدخل الأشادي. بسم الله. يدخل الأشادي. الرحيم. يدخل الأشادي. الله لا إله إلا هو. يدخل الأشادي. صم بكم عمي فهم لا لا لا. ده ساحر. ده ساحر أكيد. كويس. بعد ما دخل لا لا يكتب أشياء زي دي. لو سألته بيبرر. عنده مبرر. وفي الزمن ده قال لك ما تسأل عن التبرير. لأنه أي شيء عملوه عدوا له الإجابة. أي شيء بيعملوه عدوا له الإجابة جاهزة. يعني عنده مبررات. فاسأل عن الحق. لكن لا تسأل عن الأشياء دي. تلقاها طوالي بيقول لك يا مولانا. أيوه يا أخي أنا شايف هنا صم بكم عمي فهم لا يبصرون. أو فهم لا لا لا لا لا لا لا. ده تزوير. لا لا لا لا لا لا. فهم لا شنو؟ ما بيكمل عليك. وده تزوير. اسمك أحمد. قلت لي أح. أه. يعني شنو؟ أحم أحم أحم أحم أحم أحم أحم. أهم. يعني شنو؟ ممزور. اسمك أحم. اسمك أح. طيب صم بكم فهم لا. ليه ما يكمله؟ مادر يكملها. ليه ما بيكملها؟ ليه بيخليها كده؟ ده تزوير. ده تبديل. ده تحريف. ده ضلال. ده لعب بالقرآن. دي سحرة تمامًا.

أي ورقة أدوا لك فيها طلسم. تأكد أن هذا الشخص ساحر. لكن ما تطوال تقوم تبادره بأنك أنت ساحر وأنت كذا وأنت كذا وأنت كذا وأنت كذا. المسألة دي خطيرة في حقك. لأنه الناس ذل ملاعين. ما بخافوا على الله. خاصة كان هو ما بخافوا على الله. إذا كان واجهته بالمواجهة دي طوالي يسعى ويرسل لك مجموعة من الجنون ويحاولوا يضروك. أنت بس انسحب من الموضوع ده. حتى لا يشملك حديث النبي محمد صلى الله عليه وسلم. يعني حديث النبي قال شنو؟ قال من أتى كاهنًا أو عرافًا فصدقه فقد كفر بما أنزل على محمد صلى الله عليه وسلم. وإذا كان مشيت وأنت ما مصدقه. مشيت من خاطر أي إنسان وديته له. أو مشيت رفقًا للإنسان ده مشيت له. أنت ما مصدق المجرم ده. المجرمة دي ما مصدقة. ربنا ما يقبل منك صلاتك 40 يوم. حديث صحيح في مسلم. يبقى المشي لهؤلاء خطير جدًا. ما تمشي ليهم.

لكن لو صدفه أنك أنت محتاج لشيء معين وتحسب أنه رجل صالح. وظن في الناس الصلاح. ظن في الناس الخير. ما تظن فيهم الشر. مشيت لشيخ معين بيقرأ رقيه. مشيت له لمشكلة. ووضح لك أنه بيتخذ أي أسلوب من الأساليب الشركية. أنت في الحالة دي ما يشملك الحديث. لأنه أنت تحسب أنه رجل صالح. لكن عندما مشيت تبين لك أنه رجل ساحر. طوالي تنسحب من الموقع. حتى لا تخش وتقعد وتقدر تسمع. لو أكدت أنه سعر وقعدت عشان تسمع. طوالي خشيت في الحديث طوالي. لكن أول ما تأكد لك أنه ساحر انسحبت بأي أسلوب. ف يمكن ما يشملك الحديث. لأنك أنت جاهل. ما عارف الشيخ بيتعامل مع الشياطين وبتاع. فهم حجتهم أنه الحتة دي أسماء سريانية. أسماء كده عشان يبرر لك. وما فيش مناسبة لأسماء سريانية في لغة عربية. هو القرآن عربي. ما قال يقرب السرياني. وأسماء الله الحسنى ربنا أمرنا بها ندعوه بها 99. وفي أسماء أثبتها النبي صلى الله عليه وسلم على على الله من أسماء الله. يبقى دي الآن إحنا حدنا يجيب فيداء الرسول صلى الله عليه وسلم. ما قال تقول سهوبي بالاسم السرياني أنه اسم من أسماء الله الحسنى. لا. ده كذب ودجل وشعوذة. وبعدين الناس اللي بيقولوا الكلام ده مدعومين من ناس كبار جدًا في بروف. بيدعم الكلام ده. بروف بيدعم الكلام ده. أنه بيقول الأسماء دي من الأسماء السريانية. بروف والله الذي لا إله إلا هو. بيقول دههوبي ده اسم من الأسماء السريانية. شوفوا الراجل ده وضلاله. أضل بني آدم في الخرطوم دي. بروف بيقول سهوبي اسم سرياني. اسم سرياني من الأسماء السرياني. وهي اسم من أسماء الله. من أين لك الدليل يا بروف يا ضلالي؟ شهادتك دي موسى يشرب مويته. والله الذي لا إله إلا هو. هذه الشهادة لا تساوي عند الله جناح بعوضة. دي أدوق لها في الدنيا هنا عشان تاكل بها عيش. امشي قابل رب العالمين. قول له سهوبي ده يوم القيامة. امشي بشهادتك دي. أقول له يا رب العالمين أنا بروف دخلني الجنة. تقول كلام زي ده. امشي بشهادتك دي. الله يدخلك النار. دي شهادة أدوا لك ناس الدنيا عشان تاكل بها عيش. ما تفتي في ما عندك به علم. وليه بس دخلت الشريانية هنا؟ في في اللغة العربية. مناسبة اللغة العجمية في اللغة العربية. وخاصة القرآن شنو؟ في ضرورة بتخلي أنا أدخل رطانه؟ أي رطانه أدخلها في داخل القرآن؟ حتى كلام دي عربي ممنوع تدخلي في القرآن. اقرأ القرآن ده صافي كامل. واسأل رب العالمين. هكذا. لكن ما تقول بسم الله وتدخل لغة عربية. وتاني الرحمن تدخل لغة عربية. وتاني الرحيم تدخل لغة عربية. تلخبط المسألة وتخليها. لا. ده كله مبررات للأفعال اللي بيفعلوا بها. وهم سحرة. وما معترفين بالسحر. هم سحرة تمامًا. ما في زول فيهم بيعترف بالسحر. وزي ما ذكرنا قبل كده قلنا أي ساحر اشتغل السحر ما بيرجع وبتوب أبدًا خالص. إلا من رحم الله. خاصة لو زول دخل في عالم الجن لأسباب كثيرة جدًا جدًا. أولها الجاه والابهة والناحية الاقتصادية. ثم ثاني ما فيش إنسان. كلكم ما قاعدين. أنتم ملائكة؟ ما ملائكة معصوبين من الخطأ؟ في زول بيقعد لقدام الناس بيتكلم عن خطاه؟ لأن مسألة بيرتكب فيها أخطاء كثيرة جدًا. ما بيقدر بيجي يتكلم. ما في زول جريء يقعد الناس قدامه ويقول لهم أنا والله عملت الخطأ الفلاني. الخطأ أصوا كلكم اللي قاعدين ده عملتوا أخطاء. أتحدى أي واحد فيكم يجي يقعد هنا ده يقول لي أنا والله في حياتي عملت جريمة كذا وعملت كذا وعملت كذا. زي ما الآن أنا بتكلم وأنا صاحب تجربة في الشغل ده. دي كلها جرائم عملتها أنا. وأتحدى فيكم أي واحد يجي يقعد لنا هنا يتكلم عن جرايمه. في زول بيقدر بيتكلم؟ ما في زول فيكم شجاع بيجي بيكلمنا عن جرايمه. سواء ليه؟ ولا أنتم ملائكة؟ ارتكبتوا ذنوب ولا ما ارتكبتوها؟ دي واحدة من الأسباب اللي بتخليه أنه إذا كان تاب ما بيتكلم. بيسكت. لأنه ما ممكن الناس دي كلها تعرفك أنك أنت بتعمل كذا. بتزني. بتكذب. بتسل القرآن كذا. بتكتبه بنجاسات. بتنقصه. بتزيده. ما دي واحدة من الأشياء اللي بيخلوه أنه ما يتكلم. ثاني من الأسباب أنه عداء. عداء عالم الجن وعم الشياطين. الاثنين اللي بيعادوك. وأخطر شيء يعاديك الجن. أخطر من أنه يعادوك السحرة. لأنه الجن لا بنوم ولا بيكل ولا بميل. ليل نهار هم تابعك. إذا كان أنت دخلت فيهم وطلعت منهم. تجي بتتكلم فيهم. ما بيخلوك أبدًا. إلا تكون حذر جدًا وتتحصن وربنا يحميك منهم. عشان كده هم ذاتهم بيبرروا. شوف التبريرات الناس الشغالين الشغل دي. بيبرروا بيقولوا شنو؟ بيبرروا للكلام ده وما يتكلموا به للناس. بيبرروا بشنو؟ بيقولوا لك ده اسمه علم الحقيقة. الشغلة الضلالات دي بيقول لك دي علم الحقيقة. في ظاهر وفي باطن. أديل بيقول لك في ظاهر وباطن. في علم الظاهر وفي علم الباطن. إحنا بنشتغل بالباطن. الشيوخ ديل. الناس الواصلين ديل. بيشتغلوا بالباطن. والناس العوام بيشتغلوا بالظاهر. إذا علم الحقيقة ده اسمه علم الحقيقة. حق اليقين. عين اليقين. العلم اللدني. علم المكاشفات. ده التسمية. وده زخرف القول. ده ده تلميع للمدسوس والضلال والكفر والشرك. ده بيلمعوا لك بطريقة زي ده. بيلمعوا لك علم الحقيقة. بيلمعوا لك العلم اللدني. علم المكاشفات. علم الأسرار. سر وجهر. بيقول لك وعلم الحقيقة من أباح بسره. شفت الشغلة ده واحد منهم. علم الحقيقة من أباح بسره للغير. أنتوا دي الغير. لأنه ما عارفين علم الحقيقة. كلكم ما عارفين علم الحقيقة. لأنكم جيتوا غير. يعني علم الحقيقة من أباح بسره للغير. أحذر ماله بعد الدم لم يستطع موسى الكليم لخضره صبرًا عليه. فكيف بالمتعلم؟ شوفوا الشغلانية دي. شوفوا الراجل ده صليت لسان ولا ما صليت لسان. ده مزخرف بتاع قول باشتراك مع عالم الجن والشياطين. فعلاً هذا الرجل الذي ألف هذه القصيدة رجل شيطان من شياطين الإنس. شيطان من شياطين الإنس يتعاون مع شيطان من شياطين الجن عشان يجيبوا بيت السعر. بيت الشعر ده في قالب كده لطيف تقبلوه وتعتقدوا اعتقاد جازم أنه في في الدين ده فيه سر وفيه جهر. في ناس بتعاونوا بالسر. والناس بتعاون بأسرار الشغلة. والعوام بتعامل بالجهر. حتى كمان يبر لك ويقول لك الصلاة ذاته فيها سر وجهر. ويبر لك بشريعة موسى والخضر. ده بقاصد الحتة دي. شغلة موسى والخضر. موسى عنده العلم اللدني. وعلمناهم لدنا علمًا. موسى ده نبي. أقصد الخضر. لأنه العلم اللدني من عند الله. وعلمناه من لدنا علمًا. ربنا علمه هو بطريقته. وده نبي. ربنا بينزل له وحي. بينزل ملك بيوحي له. ده شيء مفروق منه. الأنبياء والرسل ربنا بيوحي لهم. لكن العاديين الأولياء الصالحين. ربنا بينزل لهم وحي. بينزل لهم جبرين بيتكلم معاهم. ما بيتكلم معاهم. يقول لك علم الحقيقة من أباح بسره للغير. أحد ماله بعد الدم لم يستطع موسى الكليم لخدره صبرًا عليه. فكيف بالمتعلم؟ يضرب لك مثل بموسى والخضر. موسى ده شغال بالظاهر. والخضر شغال بالباطن. وده رسول. وداك نبي. الرسول ما قدر حاسب النبي. تبرير ما بتقدر تنفك منه كله. ولكن عين الضلال. أين الضلال؟ والله إنه ضلال كبير جدًا. يبر لك بالكلام ده. ويمكن يبر لك بأساليب آخر كثير. لكل منهم له أسلوبه الخاص عشان يقنعك به. ويعرفك أنه هو شغال شخ صح. وده العلم الباطني. وكثير منهم وأشجع واحد بالمناسبة. دول كلهم نفس. شفت الناس ديل. هم والهلاج وابن عربي. واحد. والله كلهم مشتركين في قاعدة واحدة. كلهم والله الذي لا إله إلا هو. يبروا لك بشغلة زي ده. حتى يوصلوك لرب العالمين. بيقول لك بيوصلوك لرب العالمين. زمان يوم كنا شغالين الشغل ده. شيوخنا علمونا. وقعتنا نتجالسهم. وفي مجالس خاصة. مجالس خاصة. قال لنا يعني الواحد ممكن يصل عندنا جلسة الحضرة النبوية. جلسة الحضرة النبوية. يعني جلسة الحضرة النبوية بيجي بيحضر فيها النبي محمد صلى الله عليه وسلم. وده ما بشوفها إلا القطب. الأوتاد. والنقبة. والنجبة. دي ما بشوفها. بيشوفها القطب. لأنه في بعض الأذكار هنا في الخرطوم موجودة. بيجيبوا يعني بيذكروا ذكر معين. بعد شويه يقوموا فوق. مرحبا يا مرحبا بالمصطفى. ما معنى القوم اللي فوق؟ ومرحبا مرحبا بالمصطفى. معناه شنو؟ أنتوا قالين المسألة دي عادية؟ لا. معناه المصطفى جا وصل صلى الله عليه وسلم. معناه محمد جا وصل عندنا هنا في مسجد محمد عبد الكريم. والجماعة البيغادي برضه في المسجد ذاك وصلهم. وكلهم في لحظة واحدة تلقاهم. دي قام. ودي لقاله. ودي قالهم. ودي قال. شغلة ذات عجيبة جدًا جدًا. يقول لهم جانا إحنا هنا. أها. وجاكم أنت في دنوه؟ نعم. وجاكم أنت في الجنين؟ أيوه نعم. وجاكم أنت في أركبيت؟ أيوه نعم. وجا الجماعة وكلهم في لحظة اللحظات. كلهم بيقوموا فوق. وأنه جاهم هو. وشخص واحد. هو النبي محمد صلى الله عليه وسلم. هل يعقل هذا الكلام؟ مسألة تلفزة ولا مسألة ضلالات ما أنزل الله بها من ضلال. قالوا لنا جلسة الحضرة النبوية. ودي كنا قاعدين نشوف عنها. من وصلت القطبية كان يوم تجي تذكر زي ده. عندنا حاجة بيضاء مفرشة في النص. الحاجة البيضاء بشرط أن تسع ست أشخاص. المفرشة البيضا دي قماش. قاعدين في حلقة. والقماش ده قاعد قدامنا. معنى الكلام ده شنو؟ ده محل بتاع مجلس النبي محمد صلى الله عليه وسلم. بنصل مرحلة معينة من الذكر. الزول الثاني ليه كقطب. بيقول لي قطب. كلمة قطب دي شفره. بننتقل الذكر كنا نذكر فيه. بنغيره لذكر الخواص. مثلا دي مثال. الأذكار هي كثيرة. لكن في مثل. في ذكر كلكم بتعرفوه. لا إله إلا الله. لا إله إلا الله. عندنا ليها ذكر العوام. الذكر الظاهر. والعوام دي اللي زيكم ك. أما إحنا الشيوخ الواصلين. نذكر الخواص. وحتى الخواص ذات عندنا ذكر خاص الخواص. وذكر خاص الخواص. عندنا حاجات زي دي. مع العوام. كلمة لا إله إلا. ده مثال. قد نذكر لا إله إلا الله. وقد نذكر غيره. وقد نذكر البسملة. وعندنا لها نظام بتاع تغيير. لكن نقول كلمة لا إله إلا الله. كيف إحنا بنغيره وبنعملها ذكر للخواص. وذكر لخاص الخواص. مثلا نجفرش فراشنا ده ونجي حلقة. ونبدأ بذكر عوام. ذكر الظاهر. لا إله إلا الله. لا إله إلا الله. لا. بعد شويه قط. من غير لا إله إلا الله. للاسم المفرد. الله الله الله. القط. أه. دي الشفره الثانية. نغير الله. ونقسم النص. أنت تجيب جزء من من اسم الجلالة. وأنت وأنت تكمل. أنا بجيب جزء. وأنت تقول هو. بعد شويه قط. غيرناهم من ذكر الخواص لخاص خاص الخواص. خاص الخواص. كلمة الله دي بنسحبها. بقى خشينا في باطن الذكر. في اليقين. في حق اليقين. في عين اليقين. في الذكر اللدني. ده علمنا له الله من لدنه. شنو دي؟ بنسحب كلمة الله. وبنشت اشتغل بـ هو هو هو هو هو هو هو هو هو هو هو. كلاب بس. شفت كيف؟ ذكر ده غيرناه. شوفوا الشغلا دي ماشية كيف. شوفوا إبليس ده مستدرج الناس كيف. أفضل ذكر في ورد في الكون هو لا إله إلا الله. ما فيش أفضل منه. لكن شوف الشيطان وتسليطه على ابن آدم. هذا الذكر العظيم. يستدرجك. يستدرجك. يستدرجك. لما أنت عامله كلام ما أنزل الله به من سلطان على الإطلاق. يعني من لا إله إلا الله تختصرها لله. وبعد تستغرها لله. الله زاد تقسيم على اثنين. وبعد ما قسمت على اثنين بتكتفي بس بالهاء. هو هو هو هو. ينبح كلاب بس. شفت كيف؟ يقول لك ده ذكر. ده ذكر شنو؟ الناس الواصلين دي. الشغلة ذاته. ف شغلة ما أنزل الله بها من سلطان. ولا في ذكر بيقول الله زي ما ذكرنا قبل كده. قالوا لنا في جلسة الحضرة الإلهية. طبعًا دي جلسة الحضرة النبوية. بعد ما نذكر الأذكار دي ونصل الحتة دي. وصلنا خاص خاص الخواص. بيحضر فيها النبي محمد صلى الله عليه وسلم. أنا كقطب. بقوم أول زول. أول ما شافوني أنا قمت. هم يقوموا. أنا بقوم. بشوف بشوف نور جا داخل. نور أخضر وزي كده. ما أخضر غامق كده. أخضر فاتح كده. ومصور النور ده زي شكل البني آدم. شكل بني آدم. بس. ده أول اللي قدام ده منو؟ هو النبي محمد. عليكم السلام. أنا بسلم. أنتوا دي قاعدين ساكت مدنجرين ساكت. أنا القط. شيخ الطريقة وشيخ الحلقة. بسلم. بسلم للنبي صلى الله عليه وسلم. السلام عليكم. تفضل. السلام عليكم. الثاني عارفين منو؟ أبو بكر. اللي بعده عمر. اللي بعده عثمان. واللي بعده علي. بنجلسهم. بعد ده شيخ الطريقة بتاعي ده السادس. قلنا الحتة تسع ست نفر. محمد صلى الله عليه وسلم. والخلفاء الأربعة بيبقوا. والشيخ. ستة. دي الحتة حتة تسع ست أشخاص. بعد ده بنخش في الأذكار وبتاع. وبننهي الأذكار بطريقة معينة. وكلام يعني ما في لزوم به. والله شغلة شغلت شياطين تمامًا. شياطين من الإنس مع شياطين من الجن يتعاونوا. ويشتغلوا شغل ما أنزل الله به من سلطان. وبعد ده كنا بنتكلم. واحد من الشيوخ ذكر لنا كلام غريب جدًا. يعني بستدرج من نتحرك من جلسة الحضرة النبوية إلى جلسة الحضرة الإلهية. الله. هنمشوا لع الله كمان نجلسوا معه هناك. حنمشوا لع الله نجلسوا معه. بيقول لك جلسة الحضرة الإلهية. واحد نذكر اسمه لغاية الآن. اسمه الفاروق. قال لنا زمان كان مع شيخي كان يحكي لنا. قال إنهم كانوا في جلسة الحضرة الإلهية. وكان يتسامر مع الله سبحانه وتعالى. ويتجاذبون بعض الأحاديث. فخلاصة صت المسألة في نهاية الجلسة مع الله سبحانه وتعالى. شيخي رضي الله عنه وعنا به. أمين. في نهاية المسألة طلب من الله ثلاثة طلبات. ثلاث طلبات. فاعطاه الله اثنتين. ومنعه الثالثة. قال له سمح. طلب من الله شنو؟ قال والله شيخي طلب من الله سبحانه وتعالى أن في حياته من زاره. من زاره في حياته وتبرك به. وتبرك به. تكتب له حجة وعمرة. ويشفع له يوم القيامة. يشفع له يوم القيامة. فاعطاه. أي إنسان الآن جيت زرت الشيخ حامد. تكتب لك حجة وعمرة. اه. ويوم القيامة بشفع لك. طوالي بدخلك الجنة معاي. ولا عندكم شك؟ هات بيتي وين عشان أزورك؟ خير إن شاء الله. بوريك. أي تكتب لك حجة وعمرة. ويوم القيامة بدخلك معي الجنة. قال أعطاه. السؤال ده. والسؤال الثاني. قال السؤال الثاني. قال لرب العالمين أن بعد الموت من زار قبري وطاف به. تكتب له حجة وعمرة. وأشفع له ولذريته يوم القيامة. فعطاه إياه. يعني أي زول بعد ما الشيخ يموت ويدخلوه القبر. ويعمل له المبنى ده. ما عليك إلا أن تزور بالبيت ده. وتطوف بهذا الشيخ الميت في هذا القبر. فيوم القيامة تمشي تمشي تدخل الجنة طول. أول حاجة بيشفع ليك. بدخلك الجنة. ولو كنت كافر. قال لك يخش الجنة. وأسرتك. أهلك. مش القبيلة كلها. لا. أسرتك. زوجتك وأولادك وبناتك. لكن أولاد الزوجة وأولاد البنات لا. ما خاشين في الشغلة. أيوه. زوجتك وأولادك وبناتك. لكن من اللي خرجوا من ديل. طبعًا ما داخلين في الشغلة. قال فاعطاه إياه. قال له كويس. والله رضي الله عنه وعنا به. أمين. وطلب الله سبحانه وتعالى الثالثة. فلم يعطه إياها. قال الشيخ ده طلب من رب العالمين في الجلسة دي ثلاثة طلبات. اثنين ذكرناهم. وفي واحد رفض. قال ما بديه. قال له ما هي؟ قال له والله تعرف. شيخي طلب من الله سبحانه وتعالى أن يوم القيامة أن يدخله النار. فرفض الشيخ. طلب من رب العالمين يوم القيامة أن يدخلوه النار. فرفض الشيخ. رب العالمين رفض. قال له ما بدخلك النار. شوفوا الكلام ده. شوف الزول ده ما مفتري. في زول بيطلب رب العالمين يدخله النار؟ ورب العالمين رفض؟ قاله ما بدخلك النار. قال له ليه؟ الشيخ رفض. رب العالمين رفض. قال له ليه؟ قال الشيخ طلب من الله سبحانه وتعالى أن يدخله النار يوم القيامة. فالله رفض. قال له ليه؟ قال رفض الله سبحانه وتعالى لأن الله يعلم علم اليقين. وعين اليقين. وحق اليقين. لو أدخل شيخي في النار. فشيخي سوف يتمرغ في النار. فستسير النار حشيشًا أخضر. لا يستطيع الله سبحانه وتعالى أن يعذب بها كافرًا من بعده. شوف الافتراء. أنا لله وإنا إليه راجعون. والله إبليس ذاته يقعد يستغرب. يقول والله يا إخوانا بني آدم ده بالغ مبالغة ذاته عجيبها خلاص. ها. شغلة ذاته والله إبليس ماسويها. إبليس. إبليس. والله الذي لا إله إلا هو. ما قال الكلام ده. وإبليس بالمناسبة. افهمه. إبليس ما حلف بغير الله. شوفوا الغريبة دي. ما حلف بطلاق. ما حلف بالنعمة. ما حلف بالقوة. ما حلف بأي شيء. إبليس. شفت بلا عينه دي. ما حلف بشيء إلا برب العالمين. لكن تعال شوف حلفتنا نحنا. وحات الخوة. وحاط الطعام. وخات العافية. وحياة عليه الطلاق. ووحاة الشيخ فلان. شوف الشغلة دي. إبليس ذاته يقعد يتفرج. ويقول بسم الله الرحمن الرحيم. والله البني آدم ده. والله بالغ عديم. قال لأن الله يعلم علم اليقين. وحق اليقين. لو أدخل شيخي في النار. فشيخي سوف يتمرغ. يعني يتقلب. يتمرغ في النار. فستسير النار حشيشًا أخضر. لا يستطيع الله أن يعذب بها من بعده كافرًا. حشيش أخضر. له زول شيخ. لو دخل النار. الغرت من الدخول. هو طلب ليه؟ لأنه شيخ ذكي. دار يفرض ذكاه على الله. قال له أدخلني النار. قال الله يعرف المقلب ده. مقلب الله عرفه. لأنه عرف نية الشيخ. قال يدخل النار ليه؟ لأنه دار يمشي يخش للنار ده. وبعدين بيمقلب رب العالمين. وهيتمقلب. هيستقلب في النار دي. النار كلها بتبقى حشيش أخضر. بعد ربنا بيحتار كيف أنه يقدر يعذب الكفار ده. بعد ما كلها الشيخ ده قلب له حشيش أخضر. تخيل الكلام ده. أنا لله وإنا إليه راجعون. دي جلسات الحضرة الإلهية. شوفوا الناس بيقولوا في شنو ها. كلام ما أنزل الله به من سلطان. والله إنهم ده الشرك بعينه. لو في ذنب آخر أكبر من الشرك كان قلت لكم الكلام الز ده. أكبر من الشرك. لكن ما في أكبر من الشرك. شوفوا الناس جراءتهم على الله. وحلم الله عليهم. إنسان يتجرأ على الله. ويقول كلام بالشكل ده. وربنا سبحانه وتعالى بعد ده ياكله ويشربه ويكسيه. وينعمه في الدنيا. يتنعم. ويتشم الأكسجين ده. ويتغذى منه. ما أحلمك يا رب العالمين. ما أحلمك. شوف الإنسان ده يتجرأ على الله شنو. وربنا بعد ده كله يعينه في أشياء كثيرة عشان يستفيد منها. بالله ده كان واحد أحمق كده زي أنا ده أسوي شنو ها. أنا لله وإنا إليه راجعون. الناس اللي بيسووا في كلام. والله كلام خطير جدًا. دي علامات السحرة. وعلامات كثيرة. وعشان ما نطول للناس الحديث. إن شاء الله المرة الجاية إن شاء الله نجي نتكلم عن العين. والحديث بتاع العين ده خطير شوية. والناس حق تستفيد منها. لأن في صفات بتاع علاج بتاع عين ساهل جدًا. الناس تحرص عليه. عشان تيجي تسمعه وتحضر معاها ورق. عشان تكتب الكلام ده. لأنه حل ساهل جدًا للعين موجود عند كل إنسان. موجود عند كل إنسان. تجيب لك ورقة وتجيب لك قلم. تجهزه. عشان المرة الجاية إن شاء الله نتكلم عن العين. وخطورة العين على الناس. والناس ما جايبه لها خبر. ثم تحمي نفسك من عيون الناس. وتحمي الناس من عينك. دي كلها إنسان بيحتاج ليها. والعين دي من خطورتها حدث فيها النبي صلى الله عليه وسلم. والنبي ما بيكذب. كلامه حقيقي. لأنه الله قال والنجم إذا هوى. ما ضل صاحبكم وما غوى. وما ينطق عن الهوى. إن هو إلا وحي يوحى. يقول شنو؟ قال النبي صلى الله عليه وسلم: "أكثر من يموت من أمتي بعد قضاء الله وقدره بالعين". يعني المقابر دي لو مشيت لقيت فيها مثلا مثال لقيت فيها 1000 نفر. تتوقع أنه الناس اللي ماتوا بالعين كم نفر تقريبًا؟ ده التغريب ساكن. 800. 900 نفر ده ماتوا بالعين. لكن الناس ما عارفين. اليوم زول واحد من الألف المقابر ده. فلان ده كتلة العين. أصلًا ما عارفين. لأنه في أشياء كثيرة بتحصل من العين. الناس ما بيعرفوها. والناس بعدهم عن دينهم. والناس بتفتش في أشياء ما بيستفيدوا منها. لكن الأشياء اللي هم بيستفيدوا ما فتشوها. عشان يعرفوا. لو بيفتشوا في دينهم بيعرفوا حقائق كثيرة. ونجي نتكلم إن شاء الله في العين. وما نطيل أكثر من كده للناس. إن شاء الله نتيح فرصة لسؤال سؤالين إن شاء الله. ونختم الحلقة إن شاء الله. ماذا لنطيل على الناس. لأنه سؤالسن. تفضل يا شيخ. نعم. السر في أنه اسم. السر في أنه بيسأل من اسم الأم. أنا كلمنا الكلام ده مش كده؟ أيوه. يكون أنت ما حضرت الحلقة. لكن باختصار شديد. بيسألك من اسم أمك. لأن السحر إحنا بنعرفه. السحر لو ذكرت لي اسمك واسم أبوك. وأبوك ده عارف كويس. أبوك ده ما ولدك. السعر ما بيكون فيك مكرب. ما بيكون فيك مكرب. لأنه ليه؟ أنا بشوف اسمك من كم حرف؟ خمس حروف. أيوه نعم. اسم أبوك من كم؟ خمس حروف. نعم. بنشوف الحرف المتكرر فيك اسم وأبوك. يأتوا حرف من الحروف الأبجدية 28 دي. يأتوا حرف. لو لقيت في حرف واحد متكرر فيك أنت وأبوك. بشتغل بالآتي. الحرف المتكرر فيك أنت وأبوك ده حرف شنو؟ من من تقسيماتنا يعني إحنا للشغلة دي. حرف من الحروف النارية. ليه حروف نارية؟ عشان أعمل سحر ويقلوا في القلاية في النار. لأنك أنت ناري. طيب حرفك المشترك مع أبوك ده مائي. عشان أعمل سحر وأعمل أشياء معينة ذكرناها. يدخلوها في المية. في البئر. ولا في بحر. لو لقيت الحرف المتكرر من الحروف الترابية. عشان أعمل لك سحر أضرك به. يدخلوه في المقابر المحجورة. لقيت أنك أنت هوائي. من الحروف الهوائية. طبعًا الحروف ال 24 مقسمين على أربعة. هوائية. ترابية. مائية. نارية. لقيت من الحروف الهوائية. بنقوم بنعمل السحر. يربطوه في الطيور. أو في الأشجار العالية جدًا. في محب الريح. وده خطير جدًا. بعد ده بنعمل السحر. وزي ما قلت لك بنعمل على حسب الحالة. طيب أنت ذكر ليه اسمك واسم أبوك. ودما أبوك الأصلي. هل سعرنا ده بالطريقة دي كربك تمام؟ لا. قد يكون حاجة بسيطة. ويمكن ك مشيت عالجت بأقل علاج بينتهي. لأنه الشغلة ما كملت. لكن يوم يكون اسم أبوك الحقيقي. الولدك لا شك. السعر ده وهيضرك ضرر بليغ. ربط من مرتك. تربط من مرتك. والله ما تبقى فيها فعل على الإطلاق. على الإطلاق. كويس. أجيت عينك. بقيت عينك. داير أجننك. تطلع من البلدي. حتطلع من البلدي. داير أقتلك. تب بقتلك. إذا كان المسألة طابقت. طيب ح الحتة دي إحنا دائمًا بنصطاد زي ما قالوا في الماء العكر. وعشان يعني إحنا شغلنا ده ما يكون حش. نكون مكرب. بنسأل من اسم الأم. لأن عندنا الشك في الأب. ابن الحرام. أي أي ابن الزنا. يعني قد يقول لك إنسان أنت ود الحرام. أنت ود حرام. ما معنى كده أنك أنت ود زنا. لا. يمكن أبوك أكل ما أكل حرام. بتاع قمار. بتاع ميسر. بتاع كلام. ابن حرام صح. أكل حرام. ده ابنه حرام. لكن نقصد بابن الحرام. ابن الزنا. يعني الحتة بتاعة الأب عندنا نحنا كسحرة شغالين الشغل ده. حتة مرخية. هشة. لأن متوقعين أنه أمك في صباها. في الشياطين. في بتاع. لقطتك من أي فحل من الفحول الماشين في الشارع دي. لقطتك من أي فحل. ده ما أبوك. ولدك الحقيقي. عشان الحتة دي شغلنا يكون مكرب. بنتفاداها. أمك. لولدتك لا شك فيها أنها أمك. أما الأب. الله أعلم. عشان كده بنختار الأم. أي واحد سالك من اسم أمك. اعمل حسابك. ما توريهم. لأنه ده داير يكربك تمام. خلي بالك. والزول بيعرف بيقول لك اسأل اسم أمك. ده ساحر. قلنا ده ساحر. ده بيعرفوا الشغل ده كويس. لكن في واحدين دجالين كذابين. بتاع الأشجار. وت ما قالوا السحر بطريقته الصحيحة. ده السبب في اختيار اسم الأم. عشان المسألة تكون محبوكة. والمسألة تكون مضبطة ومربطة زي ما قالوا. فده سبب اختيار الأم. إن شاء الله. بارك الله فيك. سؤالك يا شيخ. نعم. الحضرة النبوية اللي بيقولوها دي أم. والرسول صلى الله عليه وسلم بيقول الشيطان لا يتمثل به. نعم. بينه. بارك الله فيك. الراجل ده سأل من سؤال مهم جدًا. وانتبهوا للكلام ده. قال الحضرة النبوية اللي بنقوله نحنا دي. قال الرسول صلى الله عليه وسلم قال إن الشيطان لا يتمثل به. وده بجرنا إلى كلام عقله تمامًا. الكلام اللي بيجرنا له السؤال ده. ناس كثيرين مفتونين في موضوع تمثيل الشيطان بالنبي محمد صلى الله عليه وسلم. الحديث الذي ذكر أن الشيطان لا يتمثل بسورة النبي صلى الله عليه وسلم. حديث صحيح. لا شك فيه. من الأحاديث الصحيحة. والحديث ده مش قال يعني الرسول مش قال تشوفني يقظة. لا. المنام. رؤية. قال رؤية. فمن رآني فقد رآني. فإن الشيطان لا يتمثل به. انتبه لدي. لكن في خيط رفيع. شعرت معايا في الحديث ده. والناس مسطحين منه. أي إنسان. خلي إحنا بنقول لك بنشوفه. إحنا يقظة. بيجي الشكل بتاع نوره. النبي نور. هو. النبي ما نور. أول حاجة. ده النبي محمد صلى الله عليه. اللي بيجينا ده نور. أخضر. النبي كان نور أخضر. النبي معروف. قل إنما أنا بشر. بشر. بني آدم. له له أم. وله أب. وياكل ويشرب. ويمشي الأسواق. ويتكلم. وبيطعنوه. وبيأذوه. وبيأذوه. بشر. أنت النور ده مضوي زي ده. بتقدر هده نور؟ بتقدر تعمل له شيء؟ ما بتقدر. الرسول صلى الله عليه وسلم بشر. لكن ما زي البشر. في صفات كثيرة كثيرة أفضل من البشر دول كلهم صلى الله عليه وسلم ورسول. وأفضل من مشى على هذه الأرض. أفضل من الملائكة. ومن الجنون. ومن الإنس. لا شك في ذلك. أي زول يشوف في الكلام زي ده. معناه خرج من البر إلى الإسلامي. اه. تشكيلة الشيطان على صورة النبي صلى الله عليه وسلم. الشيطان لا يتمثل في الرؤيا. خلي بالك. خرجنا من موضوعنا. نشوفوه في الحضرة النبوية. لا. ده أصله مستحيل. مستحيل تشوف النبي صلى الله عليه يقظة زي ده. يهود النبي بشحمه ولحمه. لا. وألف لا. لكن في المنام. لو رأيت صورة للنبي صلى الله عليه وسلم. انتبه للاي. هل قال لك باللفظ أنا النبي محمد صلى الله عليه وسلم؟ ولا وهم في رأسك؟ انتبه. في صورة أنت هتشوفها. وهتتوهم أنه يحدثك. نفسك تحدثك. نفسك تحدثك. أنه ده صورة النبي صلى الله عليه وسلم. في الرؤية. تحدثك نفسك. هو ما نطق عليه الإطلاق. يمكن قال لك أول نطق. قال لك أنا النبي. يأتوا نبي في الأنبياء. قال لك أنا محمد. ما قال لك أنا محمد. قال لك أنا النبي. أنت الوهم الفراسي. قال النبي محمد صلى الله عليه وسلم. دي شيء في نفسك أنت. على حسب الحاجه اللي في راسك. وعلى حسب أوهاك. اعتقدت أن هذا الرجل قال أنا النبي. معناه وده النبي محمد صلى الله عليه وسلم. قال لك أنا الرسول. يا هو الرسول صلى الله عليه وسلم. دي انتبه لها كويس. ثانيًا. ما الذي فعل معك؟ هل يعني ذكر لك أشياء؟ قال لك اعمل أشياء معينة؟ الأعمال اللي قاله لك دي. الكلام اللي قاله لك ده. أساسًا هو موجود تركه وهو في حياته؟ ولا شيء جديد؟ لأنه كثيرين من الناس بيجوا بأشياء جديدة. في رؤية النبي محمد صلى الله عليه وسلم. بيقول أنه شراع النبي محمد صلى الله عليه وسلم. أنه قال له وقاله وقاله. وأقرب مثال بتاع الكريمت. الكريمة بتاع الكريميت. قال شاف النبي ثلاث مرات. ده الكلام اللي جابوا لنا منه. وأمر أن يكوي أمته. ويشفوا من أي مرض. واشتغل في المرة الثالثة مثلا. شاور شيوخه. قالوا يا زول ده أمر من النبي. نفذه. مرك في الناس. يا زول كواهم. بتجيك في نص راسك. المهم أنت عندك صداع. عندك سكري. عندك بتاع. وقصته واضحة لكم. ما دايرين نقوضوا فيهم. قصته واضحة. والناس اللي ماتوا قدريش. واللي ما شوفوا كم. وهل هذا من النبي محمد صلى الله عليه وسلم؟ لا. وألف لا. طيب الكي ممنوع. الكي جائز مع الكراهة في الضرورة. هل الكي ما من السنة؟ من السنة. لكن مع الكراهة. ومع الضرورة. ليه؟ لأنه النبي صلى الله عليه وسلم قال: "شفاء أمتي في ثلاثة: جرعة عسل، وكية من نار، وشرط محجم". محجم وكي وجرعة عسل. وشرطة من وكية نار. وأنهي أمتي عن الكي. شوف كلمة "أنهي أمتي عن الكي" دي. انتبه لها. ما تنكوي. واحد من الصحابة بيمشي في الشارع. بيسمع السلام عليكم يا فلان. السلام عليكم يا فلان. يلتفت ما يشوفش. أخيرا للنبي محمد صلى الله عليه وسلم. قال يا رسول الله. والله يا أخي أنا بمشي في الشارع بسمع السلام عليكم يا فلان. وأنا الشيء ده خفت منه. ده شنو؟ قال له دي للملائكة. إذا كان سمعته رد ليهم السلام. الراجل مشى. وكل ما يسمع السلام عليكم يا فلان. بيقول وعليكم السلام. بيلتفت ما بيلقى إنسان. عليكم السلام. ماشي شهور بل سنين. جا يوم من الأيام. انقطع السلام. انقطع السلام. فانقطع يوم كامل. ويوم الثاني. واليوم الثالث. طوال يتحرك. مشى للنبي صلى الله عليه وسلم. قال له يا رسول الله. والله كان الحصل كذا كذا. وجيت كلمتك الكلام. قلت له دي الملائكة. والآن انقطع السلام بتاع الملائكة. من 200. قالوا من اليوم الفلاني. قال له اليوم الفلاني ده أنت عملت شنو؟ خطا. قال له والله ما عملت أي شيء. ما بتذكر. قال له إذا ذكر تمام. اليوم اللي انقطع فيه من الصبح. احكي لي كل شيء أنت عملته في صباحك ده. حكى ليه. وحكى ليه. وحكى ليه. وقال له يا أخي فعلاً في اليوم ده. في اليوم الفلاني ده. عملت كذا. من ضمن الشيء اللي قاله. قال والله عندي تالولة. بتعرفوا التالول؟ ها. أنت بتعرفه. لكن في حد ما بعرفهم. بتعرف التالول؟ أو الثاليل؟ أيوه. الأشياء اللي بتقوم هنا دي. في واحدة هنا. أسف رقبتين. القريبين يمكن يشوفها. حاجات ك بتقوم من الجسد. أي بيقول لها نخله. بيقول لها اسمه التالول. قال عندي تالولة مرقت ليه هنا طويلة. ومشيت.

لفلان كواها ليه؟ قال له: حسبك أن الملائكة لا تسلم على رجل ينكوي. الموضوع انتهى خلاص. شوف الزول ده كان في خير كيف الملائكة تسلم عليه؟ عندما بطلت السلام، يبقى الإنسان ما ينكوي. وده ما وده ما النبي. نرجع لموضوع الحديث ونرجع لرؤية النبي صلى الله عليه وسلم. شوف يا أخي، ما تتوهم وترى رؤية في المنام ويقول لك: أنا الرسول. تعتقد أنه الرسول محمد صلى الله عليه وسلم، أو قال لك: أنا النبي. تعتقد على حسب وهمك تقول إنه النبي محمد صلى الله عليه وسلم. لا يمكن. قال لك: ده شيطان. يمكن شيطان وقال لك: أنا النبي. لكن ما قال لك محمد. قال لك: أنا الرسول. وما بيقصد الرسول محمد صلى الله عليه وسلم. أي رسول آخر. وما في نص واضح عنه الشيطان لا يتمثل بالرسل الآخرين. لا النص الواضح في الحديث لا يتمثله بصورة محمد صلى الله عليه وسلم. إذا رأيت رؤية زي دي، تمشي لو بتعرف صفات النبي صلى الله عليه وسلم، تمشي تقارن هذه الرؤية التي رأيتها ومع صفات النبي صلى الله عليه وسلم. هل هي مطابقة؟ النبي عنده شكل معين موجود في السنة. هل الرؤية شفتها مطابقة لصفات النبي صلى الله عليه وسلم الموجودة في الكتب؟ ولا ده وهمك أنت يا أخي؟ وخير مثال أنا المتحدث. واحد جاري لو قبل الجمعة الجاية جيجيبه معاي هنا. الرجل ده وفي واحد آخر في مسجد شيخ حسين مسجدكم الأخير المسجد عملته المحاضرة كملت مسجد شنو؟ نعم. مسجد المنظمة. هذا الرجل من نفس المسجد وواحد منهم جا وراني قصة. قصة لكم الثلاثة نختم بها الكلام.

القصه الأولى: جاري اسمه محي الدين. بيني وبينه الشارع. جاني يوم من الأيام فرحان جدا جدا وقال لي: الليلة دي يا حامد والله الليلة دي من فرحتي بس ما بعرفها بسوي شنو. قال لي: الليلة ما تفطر وما تتغدى تيجي تتغدى معي أنت وفلان وفلان وفلان. ما شاء الله. والله الحاصل شنو؟ قال لي: الحاصل ده خله. قال: ليلة أمشي أجيب لكم جدال وسمك وبيض وما لزه وطاب وشفت التفاح الغالي والعنب ده. امشي أجيبه لكم تاكلوا على الليلة. مين حسكم جيعانين عشان تمشوا تبملوا؟ قلنا له: كويس يا أخي. والله دي فرحة عظيمة. الله يفرحنا معاك. قال لي: الفرحان جدا السبب. قال له: يا أخي أنا مستعجل خليني أمشي. قلت له: ما بخليك تمشي. لازم توريني السبب اللي أنت فرحت فرحة زي ده عشان نفرح معاك ونستعد ونصين البطون دي كويسة عشان نجي جي ناكل نشبع. قال لي: السبب الآتي. ومبارح صليت في نص الحوش بتاعي. خطيت السجادة وصليت العشاء في المسجد وجيت شفعت ووترت. قال: لا شفعت وما وترت. قعدت صليت على النبي. قال لي: أكثر من 7000 مرة صلاة. قلت له: الصيغة شنو؟ وراني الصيغة. الصيغة ماها شرعية. صيغة ماها شرعية. قال: صليت للنبي صلى الله عليه وسلم أكثر من 7000 مرة. وجتني تكسر قت في محل ده. قال: بعد شويه وأنا في النوم جاني النبي محمد صلى الله عليه وسلم. قلت له: صلى الله عليه وسلم. قال لي: جاني النبي صلى الله عليه وسلم عليه وقعد جنبه. جلس جلس جنبيه وقعد. قال لك شنو؟ قال لي: ما قال لي شيء. بس سلم عليه. السلام عليك يا محي الدين. قال: سلمت عليه وجلس جنبي وما تكلم معايا. قلت له: كويس. قلت قتلوا حديث النبي صلى الله عليه وسلم بيقول: من رآني فقد رآني فإن الشيطان لا يتمثل به. قال: أيوه صح. حديث صح. قلت له: صح والف صح. قال لي: إذا اتفقنا يعني شاركتني في الفرحة. قلت له: شاركت في الفرحة. قال لي: خلاص أنا ماشي. قلت له: لا ما تمشي. وريني الصورة شفت بها محمد صلى الله عليه وسلم. قال لي: ها. قمت طول لسانك. دي أول كلمة. قلت له: خليك طول لساني. أنت عارف لساني طويل. قال لي: أنا بعرفك. أنت الحاجات زي دي ما بتفوت. تقعد تعمل لي فيها نقه. قلت له: لا بس وريني عشان نفرح معاك. قال لي: خليني أمشي. قلت له: ما بخليك إلا توريني ولا ما بجي. قال لي: خلاص خلاص. أجي بوريك. قعد. قال لي: شفتها جاني النبي صلى الله عليه وسلم ومن الركن بتاع الجنوبي الشمالي الشرقي جا ماشي بركن بيتي ده وجاني في المحلة دي وجلس جنبي. قلت له: طيب وصف لي الصورة اللي شفتها. قال لي: يا زول هوي. أنت عندك شك في الحديث؟ قلت له: لا ما عندي شك في الحديث ده. خله حديث أنا بعرفه أكثر منك. ما عندي شك في الحديث. عندي شك في كلامك ده. قال لي: شوف النبي باي حال من الأحوال هو. قلت له: كويس. وصف ليه. قال لي: شفت أول وصف. قلت له: وصف ليه. قال لي: شفت لونك ده. لوني أنا ده. قال لي: فاتح منك شويه. قلت له: إنا لله وإنا إليه راجعون. لول لي فاتح منه شويه. قال لي: فاتح منك شويه. أمم. ثاني قال لي: لابس جلابية نظيفة وقصير زي جليليبات كونديل. قلت له: جلابية بتاع شنو؟ قال لي: والله ما متأكدة. لكن بتكون تتر. أيوه. طيب وعند عزبة. وعند عزبة. قال: عند عزبة. أيوه. زي شغلتكم دي. وتاني زك. قال لي: شفتها رقبته دي طويلة. رقبته طويلة. قال لي: إيه؟ قلت له: إنا لله وإنا إليه راجعون. قال لي: في شنو؟ قلت له: رقبة الرسول طويلة. قال لي: طويلة. ثاني قال لي: شفت الحاجة السمها اللي عجبتني فيه شنو؟ الدقن. أيوه. ما شاء الله. دقنه كيف؟ قال: ش دقن السعوديين دي اللي بزينوها هنا. النضي في الزريق السو هنا بقرونها مع الشنب دهون هنا وم هنا نظيفة وجميلة هنا دي. قلت له: شفتها. قال لي: بالضبط. حالقه هنا نظيفة وسامحة. قلت له: لا حول ولا قوة إلا بالله. قال لي: مالك؟ قلت له: كم ليه لباقي صنع دن. قلت له: اتذكر. قال لي: أنا ما بتذكر شي. قلت له: اتذكر. قال لي: أيوه. أيوه. شنو؟ قال لي: الحاجة اللي عجبتني فيه الحاجة السمها اللي عجبتني فيه مشلخ 111. قلت له: لا حول ولا قوة إلا بالله. إنا لله وإنا إليه راجعون. قال لي: مالك؟ قلت له: والله الذي لا إله إلا هو. هذا الرجل الذي شفته مع الرسول صلى الله عليه وسلم. قال لي: والذي لا إله إلا هو ده الرسول صلى الله عليه وسلم. قلت له: الذي لا إله إلا هو من الرسول صلى الله عليه وسلم؟ قال لي: ده شنو؟ قلت له: والله شفت لي واحد من المحس اللي قاعدين هنا دي بسون. لكن ده ما الرسول. ها. 111000 محس. مع احترامنا للمحسنين. يعني ده ما حسي. يا أخي. ما دام ما الرسول صلى الله عليه وسلم. ورجعت له. قلت له: يا أخي يا أخي اتق الله. يا أخي أنت قايل الرسول ده سوداني؟ هو؟ قلت له: أول وصفك غلط. الشكلي ده الرسول فاتح مني بسيط. يا راجل ما تتقي الله يا أخي. يا أخي أنا شبهني بالرسول. ويا أخي الكلام ده بعيد ومني بعيد جدا. يا أخي ولا قريب ولا فاتح منه ولا ما فاتح. وأول حاجة الرسول ده ما سوداني عشان تمثل بواحد سوداني. أيوه. وتاني وقلت له جليليته قصيره دي. معلش. جليليبته قصيره صحيح. لكن بعزبه وبتاع. قلت له: أيوه نعم. بعزبتها. لكن تقول لي تترون ولا بتاع زمانك ما في تترون. أيوه. أو ثاني قلت له: طيب كونه تقول لي رقبته طويلة. قلت له: أنت قال له أبو سعن ولا شنو؟ ولا أبو خريطة؟ يا أخي ده ما رسول صلى الله عليه وسلم. ده ما تقول لي رقبته طويلة. وزدت الطين بالله. قلت له: دقته صغيرة هنا. قلت له: يا أخي خليني أنا. أنت أساسا هتجادلني وهنخش معك في جدال كثير. يا أخي قال: فاسألوا أهل الذكر إن كنتم لا تعلمون. يا أخي أنت عندك شيوخ. قال لي: عندي شيوخ. قلت له: امشي لشيوخك قول لهم وصفوا لي صفات الرسول. الرسول صلى الله عليه وسلم الحقيقية من دقنه وطوله وعرضه وشكله كيف؟ خليه يوصف لك. هل الشفته ده؟ وقلت له: الثاني قول لهم الرصوده كان مسلخ 111 ولا تي ولا اتش ولا بتاعة الجماعة إخوانا الجماعة الطيبين ديلا كده. اسأله شيخك ده خليه يقول لك واحد مشلخ. كان قال لك الرسول مشلخ. تعال بنوديك لناس خلي كلامي ده طب. بنوديك لناس بيوصفوا لك النبي صلى الله عليه وصفه الصحيح. لو لقيت لقيت الرؤية دي مطابقة مع الرؤية الصحيحة مع حقه الرسول ده الرسول. لكن مين؟ قلت له: مشلخ وبتاعة وتا أسود. ده مع الرسول صلى الله. يبقى هل الحديث غلط؟ الحديث صح. هل الشيطان تمثل بسورة النبي صلى الله عليه وسلم؟ لا ما تمثل به. الرسول عنده شكل معين. شوف الرؤية شفتها دي. امشي يودي الكلام ده للكتب الموجودة بتصف النبي صلى الله عليه وسلم. مطابقة. إذا مطابقة هو الرسول صلى الله عليه وسلم. لكن لو ما مطابقة يبقى الشيطان هو ذاته ما تمثل بسورة. مسلك بالشيطان. مسلك بواحد من القبائل دي. زي ده. أنا المتحدث. والذي لا إله إلا هو. شفت الرسول صلى الله عليه وسلم أكثر من ثلاثة مرات. قسما بالذي لا إله إلا هو. ده كلام أسأل منه يوم القيامة. تقابل الله. تقابل الله. واسألوني من الكلام ده أمام الله. شفتوا ثلاثة. أكثر من ثلاثة مرات. والله ما مطابقة. ثلاثة مرات واحد مطابقة مع الثاني ما في. رسوله حربه عشان يتشكل. والله كنا أجهل. وكنت أعتقد أنه الرسول صلى الله عليه وسلم. مشيت لشيخ من شيوخنا. قال لي: أيوه. قلت له: يوم السنة الفلانية شفت الرسول بشكل كذا كذا. قال لي: ما شاء الله. ده الرسول. فرحت فرح ما عادي. وتاني شفته بشكل ما بقدر بحكي لكم. عجيب. مرة واحدة مش لشيخ آخر. قال لي: دي أعمالك. شوف فسر لي. قال لي: أيوه. ده الرسول. لكن ده عملك أنت. الصورة الأولانية جميل جدا. والصورة الثانية قبيح. قال لي: ده الرسول لأنه الشيطان لا يتمس به. شوف الجهلة. لكن قال لي: دي أعمالك أنت. زمان كان الرسول كويس. أعمالك كويسة. الآن أعمالك بقت الكعبة. الثالثة ما بقدر بحكيها ذاته. وبرضه قال لي: الرسول. والذي لا إله إلا هو. هل ده الرسول؟ ده ما الرسول. المسجد اللي فيه الراجل ده. مشيت عملت محاضرة. جاني واحد قال لي: أنا شفت الرسول صلى الله عليه وسلم بصورة شخص. ومما خلاني أنا أمشي للشخص ده وأركع له. تركع له؟ قال: ليه؟ قال: لأن الرسول صلى الله عليه وسلم تمثل ليه بشكله. منو؟ قال: الشيخ البرعي. والذي لا إله إلا هو. قال لي: أنا شفت الرسول صلى الله عليه وسلم بشكل البرعي. طبق الأصل من القصره واللون والدينه والطيقيه وبتاع. قلت له: إنا لله وإنا إليه راجعون. قلت له: والله الذي لا إله إلا هو. لا الرسول ولا الرسول بيسبح شيخ البرعي. وأنا لله وإنا إليه راجعون. وقال لي: مشيت له وركعت له. وقلت له: ركوع ذاته كفر من الشرك. قبل تمشي. قال لي: ده ده ضلال. هل الناس اللي بيعرفوا صفات الرسول؟ أمس. هل الرسول صلى الله عليه وسلم بيسمع شيخ البرعي؟ إنا لله وإنا إليه راجعون. شوف الشغلة دي. شغل أص دجل وكذب ما أنزل الله به من سلطان. وبعد تفسير خطا. يا أخي صورة الرسول صلى الله عليه وسلم الحقيقية لكل إنسان ما قاعد معانا في المجلس ده عنده صورة حقيقية. الشيطان ممكن يجي يتمثل بشكلي أنا ده يقول لك: أنا فلان الفلاني. أنت براك ما بتعرف شكلي. أيوه. لو جيت في المنام شفتني ب صورة أي واحد من الناس دي بكون ده أنا. بتقول: والله يا إخوانا امبارح شفت الشيخ حامد جاني زول قال الشيخ حامد. لكن ما زول الشيخ حامد. يا أخي زول الآخر. أنا شيخ حامد بعرفه كذا وكذا وكذا وكذا وكذا كذا. ده ما هو. لكن قال لك: أنا شيخ حامد. هل بكون أنا؟ لا. يبقى شوف افهم يا أخي. إذا شفت صورة الرسول صلى الله عليه وسلم في الرؤية اعرضها للكتاب والسنة. لقيت مطابق. قال: أصل وما أمرك بامر. وحتى لو أمرك بامر الأمر ده ما مخالف للشيء اللي كان في حياته. تركه. اتأكد أنه رسول صلى الله عليه وسلم. إلا تنطبق الصفات كلها. وما بيأمرك. سيدنا مالك رضي الله عنه رأى النبي صلى الله عليه وسلم في الرؤية وجا حاكاها لشيخه. شيخه قال: صفه لي. شوف انتبه. قال له: صفه لي. وريني شفت الرسول كيف؟ قال له: شفت بشكله كذا وكذا وكذا وكذا. ده لغاية ما كمل الكلام. وقال له: سألته سؤال ولم يجيبني عليه. أو جاوبني جواب أنا ما فهمته. قال له: سألته شنو؟ قلت له: قال له: الصفات اللي قلتها دي منطبقة في سورة النبي محمد. ده النبي. سؤالك شنو؟ قال له: سألته قلت له: يا الرسول صلى الله عليه وسلم متى عمري؟ عمري بينتهي؟ بتاني أنا بموت بتاني؟ قال: الرسول قال لي كده. سولي كده. لكن ما جاوبني بكلامه. قال: السؤال ده أنا ما عرفته. الجواب ده أنا ما عرفته. قال له: ما عرفته. قال له: ما عرفته. قال: الرسول قال لك كده. قال لي: أيوه. قال له: والله ده كله ده الرسول. حتى في كلامه قال لك كده. ده الرسول. دقنه كده. أيوه. نعم. صفته كذا. قال له: نعم. طوله كذا. نعم. كذا. نعم. شكله كذا. قال له: نعم. وحتى يوم سألته قال لي كده. قاله: برضه ده الرسول. وجاوبك. لكن الجواب أنت ما عرفته. قال له: الجواب شنو؟ قال له: أنت سالته قلت له شنو؟ قال: سالته قلت عمري بتينتهي؟ قال لك: خمسة لا يعلمها إلا الله. خمسة لا يعلمها إلا الله. اللي هي الآية بتقول شنو؟ وعنده مفاتيح الغيب لا يعلمها إلا هو. ويعلم ما في الأرحام. وما تدري نفس بأي أرض تموت. وإلى آخر الآية. يعني الصفات الخمسة لا يعلمها إلا الله. من ضمنها الأعمار. جاوبك يا مالك. قال لك: الحاجات الخمسة ديل أنا ما بعلمه. من ضمنها سؤالك اللي أنت قلت له عمري فعلاً. ده النبي صلى الله عليه وسلم. عبد الله بن عمرو ابن عمرو قال: إذا أي إنسان يعني سأل جا قال له: يا عبد الله يا أخي أنا ليه رؤية شفت النبي. صفه لي. فيصف الشخص السورة راه. بيقول له: إنك لم تراه. قله: إنك لم تراه. إنك لم تراه. إنك يجي واحد بيقول: أنا شفت الرسول. بيقول له: صفه لي. قول له: شفتوا كذا وكذا ويقول له: أيوه. ده الرسول صلى الله عليه وسلم. فانتبه لدي. أي شكل ما يتخيل لك تيجي تقول: ده النبي محمد صلى الله عليه وسلم. لازم تنطبق الصفات بصفات النبي محمد صلى الله عليه وسلم. وجزاكم الله خير. ومع سؤال أخير. طبعاً أي شيخ معلش قار الله اتفضل. يعني هي الأعداد الأذكار الأعداد 113 وما عارف 111 واردة في السنة. لكن بس مربوطة بعدم معين. في واحدة ثانية أني أجيف أجى. خليني نجاوب دي. الراجل لا عشان ما يتلخبط لي الكلام. الراجل قال: الأذكار المربوطة بأعداد هي من السنة. لكن مربوطة بإعداد غلط. غلط. وبتدخل الشيطان طوالي. شوف يا أخي. أي شيء ما قيد النبي محمد صلى الله عليه وسلم أنت ما تقيده. وأنت بتعيد لشنو؟ عشان تحاسب بها منو؟ عشان تحاسب بها رب العالمين. بتعد لشنو؟ ما تعد. ما تشرع. أي ذكر قالوا النبي محمد صلى الله عليه وسلم. ارجع لآخره. شوف هل النبي ده قال لك عد كذا؟ لو قال لك واحد: إياك والف إياك أن تعملهم اثنين. قف. لأنه هو المشرع. وحي من عند الله. قال لك ثلاثة. ما تبقى ليه. فالحملهم ليه. خ و1 و200 و300 غلط. قال لك 100. ما تستعمل لي 100. 500. 699. قف في الحدث في العداه. النبي إذا كان النبي قال ذكر معين زي مثلا في أذكار حدد النبي مثال يعني. قال ممكن تقول: استغفر الله العظيم وأتوب إليه 100 مرة. قال: استغفر الله وأتوب إليه 100 مرة. وقال: استغفر الله العظيم الذي لا إله إلا هو الحي القيوم وأتوب إليه. الأخير ده قال: من قالها يعني فيما معنى الحديث يغفر له ربنا. هيغفر له ولو فر من زحف. طيب الأولاني قال 100. اللي هي: استغفر الله العظيم وأتوب إليه. قال 100. والثانية: استغفر الله وأتوب إليه. قال 100. الأخيرة قال: من قالها. لكن ما عدت. لا قال 100. لا قال ثلاثة. لا قال 10. يبقى أنت دي الأخيرة دي عجبتك. قوله بغير عدد. استغفر الله العظيم الذي لا إله إلا هو الحي القيوم وأتوب إليه. استغفر الله العظيم الذي لا إله إلا هو. عجزت. خليها. جيبها. لكن ما تلزم نفسك بعدد. اليوم 10. بكرة 10. بعد بكرة 10. بعد إذا أنت شرعت. والشيطان هيدخل في الحتة دي. والشيء اللي حدد النبي زي ما قلنا. قال مثلا في دبر كل صلاة تقول سبحان الله 33. ما تبقى لي. فالح يا أخي تعمل لي 50. 50. 100. 100. غلط. 33. 33. انتهى الأمر. زي الصلاة دي رباعية. لو جيت صليت خمسة. العصر الآن أربعة. لو جينا عندنا فراغ وعند صليناه خمسة. فيها شنو من زيادة خير؟ والبحر ما بيب زيادة. وإن إحنا فاضيين ليه ما نصلي الله دي خمس ركعات؟ وأحب الأعمال إلى الله. هي ما افترضوا. اللي هي الصلاة. أحب الأعمال. يبقى ده شيء ربنا بحبه. وشيء سمح. أنا لازم أصلي. خمسة وستة وسبعة وثمانية. رضاء لرب العالمين. هل تقبل؟ لا تقبل. كذلك الأدعية من القرآن. إذا كان لقيت حديث حدد آية معينة. سورة معينة. حدد عدد. تقيف. ما أنت داير تختار من القرآن. داير تعمل لك ذكر من القرآن. اقرأ القرآن ده زي ما تشاء. وما تحدد نفسك. ولا في ذكر اسمه 313. طاهر دي. أوهام بيعملوها ناس. مثلا: يا لطيف 129. حسبنا الله ونعم الوكيل 50. يا مش عارف 129. 313. منو قال 313؟ الناس بقت تشرع. ودي الحتات المداخل اللي بيدخل فيها الشيطان. ويسوي للناس. وبيضل الطريق. يا أخي تقيد بتقيدات النبي صلى الله عليه وسلم. تبرأ على دينك. اتقيد بنص الحديث اللي اتى به محمد صلى الله عليه وسلم. بتقول إنك أنت في أمان تماما. وربنا بيرضى عنك. ربنا. وده معنى محمد رسول الله. أنت يوم جيت شرعته وملت. يا لطيف 129. أنت ما قلت محمد رسول الله. ما قلتها شفاعة. لكن تطبيقاً. ما قلتها 313. أنت هنا بطريقة غير مباشرة. ما محمد رسول الله. أنت ذاتك رسول. لأنك شرعته. شرعته منو؟ اللي قال لك تتشرع؟ يا أخي محمد رسول الله. معناه تتقيد بالكلام اللي قاله محمد صلى الله عليه وسلم. ما تتجاوزه. مثلك بدع. ربنا يدينا وديكم العافية. معلش يا إخوانا. يا جماعة. فالراجل ذاك عنده الحق. كان طيب. سؤالك الثاني يعني هو نفس العدد. طيب. أها. فبعض الإخوة قال: كان ماسك عدد كرسي يعني انجرا عدد معين. وبعد ده كان فرحاني وصحينه وكده. شغلة زي دي. فهل هذا هو ملك؟ زي ما أنت كنت تسلم عليه كده. هو ملاك؟ بارك الله فيك. هذه دي المشاكل ذات بنقولها. إذا كان التزمت بآية الكرسي ولا أي صورة من الصور اخترتها أنت. كقراءة القرآن ما فيه شيء. لكن أنت اللي بتدخل فيه شيء. ودي الحتة الضيقة الناس ما قادرة تفهمها. والناس متعقدة فيها. موضوع الأعداد. وموضوع التزامك. وبيفتكروا إنه مادام هو شيء من الدين. ما فيه شيء. زي ما ذكرت لك. أصلاً من الدين. ومن أحب الأعمال لله سبحانه وتعالى. إذا كان زدت في الفرائض. ربنا ما بيقبل منك إطلاقاً. النوافل ذاتها عندها عدد. وعندها ترتيبات. وعندها أوقات. زدتها منها. برضه ربنا ما بيقبل منك. كذلك حتى القرآن. تقرأ. زدت. عملت. افرضت لنفسك. ربنا ما بيقبل منك. دايرك أنت تتقيد. تقيدات النبي محمد صلى الله. آية الكرسي. قال إنسان التزم بعدد معين في آية الكرسي. بعد فترة جاه ملك. ودي الحتة اللي غشونا بها نحنا. الحتة اللي غشونا بها. قالوا دي الملائكة. خدام آية الكرسي. خدام آية الكرسي. أشياء. خدام. بيجي بيخدموا دين الله. دي الوهم. كذب. ما هو ملك. أولاً افهم. الملك ما بيتأمر بأمرك أنت على الإطلاق. والملك ما بيجي بتوجيهاتك أنت. ولا بيشتغل بكلامك أنت. ولا بيساعدك في أي شيء. الملك يتأمر بأمر الله سبحانه وتعالى. يرسله الله سبحانه. ما يحفظك بترتيبات معينة. لكن قلت يا ملك سوي لي شيء الفلاني ده. هل هالملك؟ أنت بتشوفه؟ ولا بيتكلم معك؟ ولا بيأمر بأمرك؟ لا والف لا. والف لا. وأنت ذاتك منه عشان يسخر لك الملائكة تجي تشتغل معاك. النبي أنت ولا رسول. ده شيطان. عشان كده ربنا قال: ويوم ربنا قال: ويوم يحشرهم جميعاً ثم يقول للملائكة أهؤلاء إياكم كانوا يعبدون؟ قالوا سبحانك أنت ولينا من دونهم بل كانوا يعبدون الجن. وأكثرهم بهم مؤمنون. ده جن. دي الشياطين تدخل في الحتات اللي أنت سويتها وشرعتها فيها دي. عشان يضلوك. وكلام كثير زي ده. الناس بيضلوا به. والناس بتعتقد إنه ده صلاح. وده كذا. وملائكة. ما فيش ملائكة. ولا في ملك بيجي بيشتغل مع إنسان صالح ولا غير صالح بأمره. يعمره عشان يعمل شيء معين. ولا يخدم في حتة معينة. ولا يقول بشرك. ما فيش كلام زي ده. على الملك ما بيجي من رب العالمين يبشرك بأنك أنت وصلت كده. وصلت كده. لا والف لا. دي الشياطين. عشان كده بنحذر الناس في الأعداد. وفي الالتزام بأشياء معينة. وذكر ربنا ما ألزمك. ولا الرسول. ولا الشارع ألزمك بها. تلزم نفسك بأشياء بتخش في ورطات زي دي. والناس كثير ضلوا في الحتة دي. ودي الحتة اللي بيستغلها الشيطان تماماً. خبرة بتاعت مئات. بل آلاف السنين. وبيضيع فيها الناس. والناس كلها ضاعت في الحتة دي. بارك الله فيك. معلش يا إخوانا. أنا ذاتي والله تعبت. يا أخي العصر جا. كفاكم. اللهم علمنا ما ينفعنا. وانفعنا بما علمتنا. وارزقنا علماً ينفعنا. وعملاً يرفعنا. اللهم استر عوراتنا. آمن روعاتنا. فرج كروبنا. اغفر ذنوبنا. تولى أمرنا. أحسن خلاصنا. فك أسرنا. ارحم ضعفنا. عجز الطبيب فداونا. زهر الفساد فنجنا. قلت حيلتنا فتولنا. اللهم اجعل جمعنا هذا مرحوماً. واجعل تفرقنا من بعده معصوماً. ولا تدع فينا ولا بيننا شقياً ولا محروماً. أوردنا حوض نبينا. اشملنا بشفاعة حبيبنا. اسقنا من حوضه شربة لا نضمأ بعدها أبداً. آمين. آمين. آمين. والسلام عليكم ورحمة الله وبركاته. طيب.