Transcription
أهلاً بكم، أنا أحمد إبراهيم. وحشتوني! في الفيديو بتاع النهارده هنتكلم عن عضو عجيب غريب مثير للتساؤلات. كل ما تعرف عنه أكتر، كل ما يبقى عندك أسئلة أكتر. إزاي؟ إزاي ده؟ سبحان الله! سعيد الحظ معانا النهارده هو القلب.
ده يوم إنهار. قبل ما نتكلم عن التفاصيل، لما نمسك القلب كده ونحاول نشوف فين اليمين والشمال بتاعه، دايماً تخيل لما تشوف القلب مرسوم على ورقة أو في كتاب، إنه قلب الشخص اللي قدامك، شخص أنت رايح تسلم عليه. فأنت بتقدم له إيدك اليمين، هيقدم لك إيده اليمين. فدايماً هتكون عكسك. حلو؟ فشوف أنت إيدك اليمين فين، والقلب اللي في الكتاب أو في الورقة أو اللي أنت رسمه أو أياً كان، هيبقى الجزء اليمين بتاعه، أصدقائي، هيكون الجزء ده. هو الجزء الشمال بتاع القلب، الـ Left side. والجزء اللي هناك ده هو اليمين. طبعاً عشان هو واقف جنبه، فهو في يمين وفي يمين، يمين وشمال وفي شمالي شماله، شماله ويمينه في يمينه، ولا إيه؟ المهم حاول تتخيل موضوع إنك رايح تسلم على حد، ده هيمشي صدقني.
القلب هنلاحظ إن هو متقسم لأربع غرف. مع إني ما بحبش أوي مصطلح الغرف، بس هنقول إنهم أربع غرف. غرفتين فوق وغرفتين تحت. الغرفة اللي فوق دي بنطلق عليها اسم الأذين أو الـ Atrium. فطبعاً فيه الـ Left Atrium وفيه الـ Right Atrium. لو هنتكلم عليهم بشكل عام كده ونجمعهم، هنقول عليهم ده الـ Atria. الجزء اللي تحت، الغرفتين اللي تحت اسمهم الـ Ventricles بالعربي أو الـ Ventricle. ففي الـ Ventricle الأيمن وفيه الـ Ventricle الأيسر، الـ Right Ventricle. حلو لحد دلوقتي الكلام بسيط؟ حلو.
نفهم برضه إن فيه فواصل ما بينهم. ففي النص كده فيه حاجة اسمها الـ Septum تفصل الجزء اليمين عن الجزء الشمال، سواء في الـ Atria أو في الـ Ventricles. حلو؟ ماشي. إيه كمان؟ فصلنا الجزء اليمين على الشمال. نفصل بقى فوق وتحت عن بعض. بس فيه حاجة بقى فوق وتحت دول هنفصلهم عن بعض ببيبان، بأبواب. حلو؟ أبواب أبواب. هنطلق عليها اسم الـ Valves. ده مهمته إنه يفتح في اتجاه واحد فقط. اتجاه واحد فقط. ومهما حصل ما يفتحش في الاتجاه التاني. وهنعرف ليه بعد شوية.
أول باب هو الباب اللي هيفصل بين الأذين الأيمن والـ Right Ventricle اللي تحت، البطين الأيمن. الباب ده المفروض إنه يسمح للدم إنه يعدي لتحت فقط، مش العكس. الباب ده هنسميه الـ Tricuspid Valve. شكله عامل كده. فيه حاجة هنا كده وحاجة هنا وحاجة تالتة هنا كده. دول يفتحوا فالدم ينزل وبعدين يروحوا فين تاني؟ واخدين بالكم؟ بس فيه تلاتة من الحاجات دي، فبيسموها الـ Tricuspid. الناحية التانية بقى في الـ Left Atrium والـ Left Ventricle بيفصل بينهم باب اسمه الـ Mitral Valve. هو شكله كده. وبرضه يعدي الدم فقط في اتجاه واحد من الأذين الأيسر ينزل تحت للـ Ventricle الأيسر. والدم في الطبيعي ما يعرفش يرجع تاني مهما حاول. فيه اسم تاني بنطلقه على الـ Mitral Valve، ساعات بنقول عليه الـ Bicuspid Valve. حلو؟ حلو قوي.
اتكلمنا على الحجرات بتاعة القلب وإزاي هم مفصولين عن بعض. دلوقتي هحكيلك قصة صغيرة. أي وعاء واخد الدم بعيد عن القلب هنطلق عليه اسم شريان. وأي وعاء واخد الدم في اتجاه القلب هنطلق عليه اسم وريد.
أنت دلوقتي قررت تنزل تشم شوية هوا حلو. أخدت نفس. النفس دخل جوه اللانج، جوه الرئة. قامت الرئة بتاعة حضرتك خدت الأكسجين من الهوا اللي أنت تنفذته وراحت شحنها على الدم. ماشي. راح فين بقى الدم ده؟ لو بصينا على القلب كده بصة تاني، هنلاقي فيه أربع مداخل داخلين الـ Left Atrium. بغض النظر عن الرسمة التوضيحية، ممكن مختصر شوية، بس فيه أربع مداخل بيصبوا جوه الـ Left Atrium. الأربع مداخل دول بنسميهم الـ Pulmonary Veins. فـ Pulmonary يعني له علاقة بالرئة، بالـ Lungs. و Veins علشان واخدين الدم في اتجاه القلب. فهم جايبين الدم اللي محمل بالأكسجين من الرئة وراحوا صبينه جوه القلب، جوه بالـ Left Atrium. ماشي.
الدم لحد دلوقتي مش فاهم إيه اللي بيحصل. لا الطريق قدامه مفتوح. دخل من الـ Left Atrium للـ Mitral Valve اللي قصاده اسمه فتح له عادي. راح داخل عادي من غير من غير مجهود. نزل على الـ Left Ventricle. اتبقى شوية دم كده صغيرين. هم راحت عاملة انقباض كده راحت زقاهم لتحت. ماشي. يبقى هو كان داخل الأول مع نفسه في الـ Mitral Valve ودخل ونزل على الـ Left Ventricle. والشويه اللي اتبقوا راحت زقاهم لتحت. الـ Left Ventricle زي ما أنتم شايفين شكلها كبير، كأنها أكبر غرفة في الغرف اللي موجودة في القلب. وده حقيقي وله سبب. هو الدم اللي نزل جوه ده إيه؟ دم فيه إيه؟ فيه أكسجين. هيروح فين؟ الدم ده عايز يوديه لكل الجسم. فتقوم الـ Left Ventricle تنقبض بمساعدة عضلات معينة هنتكلم عليها كمان شوية. في الانقباض دي، الـ Mitral Valve خلاص الدم مش هيعرف يرجع تاني من اللي فوق. الـ Bicuspid Valve فتحت عدت الدم من الـ Left Atrium للـ Left Ventricle بس لما تنقبض، قفلت. الدم مش هيعرف يرجع تاني. يروح فين؟ ما لوش قدامه مخرج غير حتة واحدة. وعاء دموي كبير اسمه الـ Aorta. ده شريان. ده Artery علشان واخد الدم بعيد عن القلب. وده اللي ياخد الدم من القلب ويوصله لكل الجسم عن طريق الأفرع بتاعته.
في عوامل كتير ممكن تخلي الدم يبقى عايز يرجع تاني من الـ Ventricles للـ Atria. صح؟ فبرضه نلاقي هنا سبحان الله باب. والباب ده اسمه الـ Aortic Valve. ده عامل كده. يسمح للدم يطلع من الـ Left Ventricle يخش جوه الـ Aorta. بس يجي يرجع تاني، الـ Valve قافل، فما يخليهوش يعرف يعدي. تمام. راح يا عم الدم اللي فيه الأكسجين لكل الجسم. والجسم انبسط واستخدم الأكسجين من اللي جايين له في الدم. وراح مدي له الكربون أو ثاني أكسيد الكربون. ويرجع الدم تاني للقلب. طبعاً الدم راجع للقلب تاني في الأوردة. الـ Veins زي ما اتفقنا. أيوه واخد الدم ورايح ناحية القلب ده فين أو وريد. ده دم نسبة الأكسجين فيه قليلة ومحتاجين يتصرف. فنلاقي الأوردة بتتجمع في حاجة اسمها الـ Vena Cava. ده وريد كبير. الأوردة اللي طالعة من تحت من الجزء السفلي من الجسم هتتجمع في الـ Inferior Vena Cava. واللي جاية من الجزء العلوي من الجسم هتتجمع في الـ Superior Vena Cava. والـ Vena Cava دي بتصب فين؟ في الأذين الأيمن. ونفس الكلام برضه. الدم يخش يلاقي الدنيا سلسة قدامه. يروح نازل يعدي من الـ Tricuspid Valve وينزل على الـ Right Ventricle. يبقى شوية دم ما عدوش بسلاسة. الـ Right Atrium تنقبض وتروح زقاهم لتحت. مستنية دورها. تلاقي الدم دخل. تروح منقبضة هي كمان. تقفل خلاص الدم مش هيعرف يطلع تاني. فالدم ما يلاقيش يا حبيبي مكان يخرج منه غير شريان واحد اللي هو اسمه الـ Pulmonary Artery. اللي لو الدم حاول يرجع تاني من الـ Pulmonary Artery يروح الـ Valve قافل، فيمنعه إنه ينزل لتحت. ومن اسمه كده زي ما شرحنا قبل كده، إيه؟ له علاقة بمين؟ بالرئة. بالـ Lungs. و Artery يعني واخد الدم بعيد عن القلب عشان يوديها إلى الرئة. عشان لما حضرتك تاخد نفس تاني فيه أكسجين، تقوم الرئة واخده الأكسجين وتروح معبياه في الدم اللي جاي لها اللي ما فيهوش أكسجين ده أو أكسجين قليل. عشان يرجع الدم تاني في الـ Pulmonary Veins ويصب في الـ Left Atrium. وهكذا وهكذا.
الـ Left Ventricle بتنقبض تقريباً في نفس الوقت. وكذلك الـ Left Atrium والـ Right Atrium تقريباً برضه بينقبضوا في نفس الوقت. بعد الـ Atria تنقبض فتودي الدم اللي فيه أكسجين قليل للرئة فتعبيه لها. الـ Left Atrium تنقبض فتودي الدم اللي فيه أكسجين اللي جاي لها من الرئة لكل الجسم. ويشتغلوا كده مع بعض. حلو الكلام؟
هنقول حاجة صغيرة كمان في التشريح. القلب متحوط من جوه بخلايا رفيعة اسمها الـ Endocardium. دول مهمتهم إنهم يخلوا الدم يمشي بسلاسة جوه القلب. من بره حاجة اسمها الـ Pericardium. دي محوطة حوالين القلب. ودي معموله من فايبرس تيشو، بالاخص من الـ Collagen والـ Elastin. مهمتها إنها تحمي القلب، تحافظ عليه، وتحميه من إنه يتمدد زيادة عن اللزوم. من غير الـ Pericardium القلب ممكن يتمدد قوي بصورة هو مش محتاجها وممكن تاذيه. فلازم دي تحمي القلب من بره. إيه كمان؟ في النص بقى فيه حاجة اسمها الـ Myocardium. الـ Myocardium دي هي عضلات القلب. العضلات اللي بتساعد الـ Atria والـ Ventricles إنها تنقبض زي ما إحنا كنا بنشوف. وزي ما أنتم شايفين كده العضلات تحسوها تخينة شوية عند البطين الأيسر. وده اللي لسه متكلمين عليه. إنها محتاجة طاقة أكبر، قوة أكبر تساعدها علشان هتودي الدم لكل الجسم. غير اللي كانت بتودي الدم بس للرئة اللي هم أصلاً قريبين. فسبحان الله كل حاجة بحساب. مش اللي هو عضلات وخلاص في أي حتة في كل حتة وتمام.
فاكرين بقى لما كنا اتكلمنا على البيبان سواء الـ Mitral Valve أو الـ Aortic Valve. فاكرين كنا بنقول لو الدم حاول يرجع تاني الـ Valves دي بتترزع، بتتقفل؟ صح؟ هنا يا أصدقائي في الرزع دي بنسمع صوت القلب. مش من انقباض الـ Atria والـ Ventricles نفسهم هو اللي بيعمل الصوت. لا. لما الـ Ventricles تنقبض فالـ Mitral Valve تقفل، تعمل الـ "دب" علشان الدم ما يرجعش تاني للـ Atria فوق. وما يلاقيش مكان قصاده غير الـ Aorta يعدي منها. في الوقت ده بنسمع صوت للقلب. ولما الدم يحاول إنه يرجع من الـ Pulmonary Artery يقع في الـ Right Ventricle، أو الدم يحاول يرجع تاني من الـ Aorta إلى الـ Left Ventricle. والـ Valves تمنعهم. سواء كانت هنا بنسمع صوت للقلب. دي صوت القلب بسبب الـ Valves مش بسبب انقباض.
لو إحنا بقى خدنا القلب ده قطعنا كل الأعصاب المتوصلة ليه، خدناه من شخص وحطيناه عند شخص تاني، نلاقي القلب ده بينبض مرة تانية لوحده. وكان أمر النبض بتاع القلب منه ذاتياً. إزاي بقى وإيه اللي جوه القلب بيخليه يعرف يعمل كده؟ ده اللي هنتكلم عليه إن شاء الله في الفيديو اللي جاي.
أحب أشكر كل الناس اللي بتدعمنا على المنتسبين للقناة هنا على يوتيوب من خلال زرار "Join". ما تنسوش لو عجبكم الفيديو تدوسوا على لايك وسبسكرايب وعلى زر الجرس الجميل ده عشان يجي لكم كل ما يبقى فيه فيديو جديد. سلام.