كارثة | إيران تسقط طائرات أمريكية وتضرب حاملة طائرات وتعطل أخرى وأمريكا تحذر من نفاذ صواريخها

السلام عليكم، ازيكم؟ امبارح حصل حاجة غريبة جدا. وسائل الإعلام الإيرانية إذاعت مكتب خامنئي، المرشد الأعلى في إيران الجديد، اللي هو ابن المرشد السابق خامنئي. والخطاب ده كان غريب جدا. خطاب لا مكتب طلع بوشه ولا قاله بصوت غريب لأقصى درجة. ليه؟ لأن خد بالك، الخطاب ده كان خطاب مكتوب تم تناقله وتم إن هو يتذاع وفقًا للكلام اللي كتبه مكتب خامنئي.

والحقيقة إنه منذ إلقاء الخطاب ده وإذاعته في وسائل الإعلام الإيرانية، أصبح الشعب الأمريكي بيسأل سؤالين: هل أمريكا بتخسر الحرب؟ ولا الرئيس الأمريكي يعلن النصر في أسرع وقت؟ ليه؟ لأن بعد الخطاب ده حصلت كم من الكوارث في الجيش الأمريكي أول مرة يتم رؤيتها. والظاهر كده إن بيان مكتب اللي تم إذاعته في وسائل الإعلام هو كان إعلان عن عملية مضادة هيقوم بها الجيش الإيراني ضد القوات الأمريكية والقوات الفرنسية في المنطقة. كلام أول مرة هتسمعه، لأن ببساطة أنت سمعت جزء منه اللي طلع في نشرة الأخبار، إنما لما تقال كش، اللي ورا خبر أخضر بكتير. عاوز تعرف هو إيه؟ هقول لك.

بس عشان أقول لك الكلام ده كله، هكشفه لك قبل ما أخش في الموضوع. قبل ما أكشف لك التفاصيل، خليني أقول لك إن إحنا معانا راعي قوي جدًا ومحترم جدًا، وهو كثير مننا بيسأل: إيه اللي يخلي اسم شركة بيفضل محفور في ذاكرة الناس سنين وسنين؟ الإجابة في كلمة واحدة بس: الأصل. إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمه العاصمه الجديده. مجموعه التوفيقيه كيان عقاري عريق، تاريخ طويل من الثقة وسمعة اتبنت على الالتزام وكلمة الشرف.

النهاردة مجموعة التوفيقية للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمه الاداريه الجديده. مشروع بيجمع بين خبرة عقارية ممتدة على مدار أجيال، تصميم معماري مميز للمهندس محمد حافظ حافظ كونسلتنت، وإدارة وتشغيل احترافي من شركة ام ار بي وفق أعلى معايير توتال فاسيليتي مانجمنت. هنا الاستثمار مش مجرد وحدة بتمتلكها، دي تجربة متكاملة بمعايير تشغيل وإدارة بتضمن استدامة وقيمة حقيقية في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعه التوفيقيه، استثمار مبني على الأصل.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف لحضرتك وأول مرة هتسمعه فيما يخص مجزرة الجيش الأمريكي. إيه اللي حصل بالظبط؟ اللي حصل إنه امبارح بالليل فجأة كده أعلنت القيادة المركزية الأمريكية عن سقوط طيارة كي سي 135. دي طيارة تزويد بالوقود، وعلى فكرة الطاقم بتاعها بيكون ما بين ثلاثة لست أفراد في المتوسط. والطيارة دي طيارة المفروض بتطير على مستوى مرتفع جدًا لأنها بتزود بالوقود المقاتلات والكلام ده.

بس كون القيادة المركزية تعلن سقوط الطيارة دي، ده أمر جلل. ليه؟ أوعى تظن إنه حاجة عادية. أنت هنا بتتكلم إن الطيارة دي ما وقعتش بسهولة. برغم إعلان القيادة المركزية الأمريكية إن الطيارة دي ما وقعتش بنيران صديقة أو حتى نيران العدو، بس سقوط الطيارة دي فيه لغز. ليه؟ لأن خد بالك، القيادة المركزية الأمريكية ما أعلنتش عن سقوط طيارة واحدة. قالت لك في طيارتين حصل فيهم عطل، واحدة سقطت والتانية نزلت في دولة صديقة. دولة صديقة دي إسرائيل. يعني إسرائيل قالت لك والله الطيارة التانية دي نزلت. بس هو قال لك إن الموضوع ده حصل في غرب العراق في أجواء صديقة، ماشي.

فهنا لغز طيارتين يحصل فيهم عطل في نفس الوقت، ده أمر غريب جدًا. بس أمريكا بتأكد إن المرة دي ما فيش حد ضرب عليهم نار. طب وايه المشكلة؟ المشكلة إن احتمالية نجاة الطاقم بتاع الطيارة دي قليل جدًا. لأن خلي بالك، الطيارات اللي زي دي ما بتقعش بسهولة. تاني حاجة، المفروض إنها كانت طايرة على مستوى مرتفع، فاحتمالية نجاة الطاقم ده أمر خطير. الأمر التاني، الجثث. خلي بالك، الطيارات دي وقعت في غرب العراق في ميليشيات شيعية تابعة لإيران موجودة في غرب العراق بالمناسبة. فده أمر خطير. لو الميليشيات الشيعية دي حطت إيديها على جثث الطيارين الأمريكان، أو لو في طيار أمريكي عايش قدروا إن هم يأسروا، الحرب دي هتروح في حتة تانية خالص خالص.

لأن بالمناسبة، لحد ما أنا بكلمك، القيادة المركزية الأمريكية ما أعلنتش إنها استعادت الطاقم بتاع الطيارة ده خالص، ولا قالوا والله هما نجوا ولا عايشين. ما قالوش. فده أمر خطير. الأمر التاني والأكثر خطورة، خد بالك إن إحنا بنتكلم على أهم سلاح لجيش أمريكي، طيارات التزويد بالوقود. هتيجي تقول لي: على فكرة ده مش أهم سلاح ولا حاجة، وأنت بتجيب كلام من عندك. حاجة أقول لحضرتك: ده مش كلامي، ده كلام ديفيد باتريوس. ديفيد باتريوس قائد القيادة المركزية الأمريكية السابق وقائد ورئيس السي آي إيه السابق أو المخابرات الأمريكية سابقًا، طلع قال لك: أهم سلاح حاليًا لضرب إيران هو طيارات تزويد بالوقود. وأنا لو هشارك في الحرب دي كديفيد باتريوس، أكتر حاجة هطلبها هي طيارات تزويد بالوقود.

اشمعنى؟ لأن الخليج قافل الأجواء بتاعته وقافل القواعد بتاعته. فمعنى كده إن أمريكا هتعتمد على قواعد بعيدة عن الشرق الأوسط لضرب إيران. ده حاجة. إزاي بعيدة؟ مثلًا هتعتمد على طيارات ومقاتلات جاية من أوروبا، مثلًا من القواعد الأوروبية، أو جاية من إسرائيل حتى. خلي بالك، المسافة بين إسرائيل وإيران 1500 كم، فمحتاجة طيارات تزويد بالوقود. تاني حاجة، طيارات تزويد بالوقود دي لازم تزود المقاتلات اللي خارجة من حاملات الطائرات بالمناسبة. ليه؟ لأن أنت عندك حاملات الطائرات واقفة مسافة بعيدة عن إيران، يجب إنها تتزود بالوقود كل شوية.

فأخطر سلاح عند الجيش الأمريكي هو طيارات التزويد بالوقود. سقوط الطيارتين دول لو هو بعملية قتالية، أو إن إيران زي ما ادعت إنها اللي ضربت الطيارات دي، لازم تعرف إن أنت قدام كارثة. أولًا، إيران ما أسقطتش الطيارات دي بمنظومة دفاع جوي عادية. لا، ده إحنا هنا بنتكلم إن إيران أسقطت الطيارات دي لو صدقت إيران يعني بتفاعلات جوية. معنى كده إن طيارات تزويد بالوقود مش هتخش أجواء العراق، لا أمريكية ولا إسرائيلية. طب وايه المشكلة؟ المشكلة إن أنت دلوقتي فقدت جزء مهم جدًا في المعركة ضد إيران. الطيارات دي هتخش إزاي؟ المقاتلات الأمريكية هتتزود بالوقود فين؟ معنى كده إن أمريكا لازم تضغط على الدول الخليجية وتبتدي تعتمد أكتر على القواعد الأمريكية في الخليج، أو إنها تروح عند أذربيجان بقى وتنقل عملياتها في أذربيجان، واخد بالك؟ كارثة بكل معنى الكلمة.

تاني حاجة، خد بالك إن أنت عشان تعمل إحلال للطيارة اللي سقطت دي، أنت عاوز لك قصة. الطيارة لوحدها دي طيارة غالية جدًا، دي تكلفتها 40 مليون دولار. طيار ماشي؟ وده عبارة عن خزان وقود طاير في الجو، يعني مش شايل أسلحة ولا أي حاجة، ده خزان وقود. 40 مليون دولار. فده أمر مهم. الحاجة التانية حضرتك لازم تعرف إن أمريكا أصلًا ودت أغلب طياراتها اللي هي بتاعة تزويد بالوقود من الطراز ده، الـ كي سي 135، أغلبها بيعمل في الشرق الأوسط. فانت تجيب طيارة تانية دي قصة خسائر كبيرة جدًا. يعني هو مش عملية إنهم أسقطوا طيارة تزويد بالوقود، ده كارثة.

إغلاق المجال الجوي العراقي من قبل أمريكا، مش من قبل العراق نفسها، ده أمر جلل. معنى كده إن أمريكا لازم تعتمد في الوقت الراهن يعني على حاملات الطائرات بشكل أو بآخر. وحاملات الطائرات دي لازم تقترب من المجال الإيراني عشان تنفذ أهداف على الأقل في المدى اللي هي عارفة تضرب فيه، أو الطيارات اللي هي تعرف تطير وترجع تاني في مدى قريب.

طيب، خبر في منتهى الخطورة. إيران امبارح قالت لك: على فكرة، إحنا استهدفنا حاملة الطائرات يو إس أبراهام لينكولن. والحقيقة الخبر ده الأمريكان والقيادة المركزية الأمريكية قالت لك: ما حصلش. بس بعد كده طلعوا قالوا إن كان فيه حادثة خطيرة جدًا، إن كان فيه سفينة، خد بالك من لفظ "سفينة". هو ما بيقولكش زورق أو لانش، بيقول لك سفينة. سفينة ضخمة كانت عاوزة تخش ترشق في حاملة الطائرات دي. وقال لك إن طيارة هليكوبتر طلعت تعترض السفينة دي، وفي الآخر أوقفت عملية التصادم اللي كانت عاوزة تقوم بيها السفينة دي. لأن السفينة كانت عاوزة ترشق أو تخش تضرب في حاملة الطائرات. ده اللي على فكرة طلع. بس بعد كده تم نشر كم فيديو كده إن حماية الطائرات دي لا فيها مشكلة.

حاملة الطائرات فيها مشكلة. خلي بالك، خبر في حد ذاته مش إنها إيران استهدفتها. أنا واقف قدام نقطة مهمة جدًا. إيران عرفت مكانها. خد بالك إن أخطر خبر في الليلة دي حاجة مهمة جدًا. إيه هو؟ إن كل القادة العسكريين قال لك: لو إيران عرفت مكان حاملة الطائرات دي، نقطة ضعف خطيرة في حاملات الطائرات. لأن حاملات الطائرات وقت العمليات بتفضل ماشية، ما بتفضلش واقفة في مكانها. ماشي؟ فكل إيران ترصد حاملة الطائرات دي، كارثة في حد ذاتها. معنى كده إن فيه مقدرة لإيران إنها تستهدف حاملات الطائرات. ده أمر. أمر تاني، أصلًا الرادارات الإيرانية ما بقتش زي الأول. خلي بالك، إحنا في الأسبوع التاني في الحرب، وأمريكا دمرت قدرة كبيرة جدًا للرادارات الإيرانية على الرصد.

معنى كده إن فيه دولة أدت إحداثيات حاملة الطائرات دي لإيران. شوف الفكر راح فين. يعني على فكرة، أنا كل اللي بقوله لك ده الميديا الأمريكية اللي بتقوله. فأنت بتتكلم إن الروس أو الصينيين مدوا إيران بمعلومات عن مكان يو إس أبراهام لينكولن. فده أمر خطير جدًا.

طيب، الإجراءات المتبعة إيه؟ قال لك والله ساعتها يو إس أبراهام لينكولن، اللي هي أقوى حاملة طائرات كل أمريكا دفعت بيها، أول حاملة طائرات تروح استعدادًا لضرب إيران، هتضطر تخرج بره الخليج العربي وتروح بره الأجواء الإيرانية. تنسحب بقى، تطلع عند خليج عمان وترجع تاني في المنطقة اللي هي خارج الخليج العربي. فانت كده أثرت على عملياتك. وأنت هنا ما عندكش طيارات تزود بالوقود. ده أمر جلل.

حاجة تانية، حاملة الطائرات التانية اللي هي يو إس جيرالد فورد، اللي أمريكا سحبتها من قدام فنزويلا وودتها البحر الأحمر. حاملة الطائرات دي امبارح طلعت بيان وفقًا للقيادة المركزية الأمريكية. قال لك والله ده حصلت حريقة عندنا. ليه؟ قال لك والله في غسالة في غرفة الغسيل حصل فيها ماس كهربائي، فغرفة الغسيل دي ولعت. والقيادة المركزية الأمريكية أكدت إن ما فيش أي عمل عدائي تم تجاه حاملة الطائرات دي، وإن ده حادث عرضي.

طيب، هل تصدق حاجة زي كده؟ أه تصدق. ليه؟ لأن بالمناسبة، حاملة الطائرات دي موجودة في مهمة قتالية من يونيو الماضي. من يونيو، يعني داخلة في قرب سنة وهم في البحر. وحاملة الطائرات دي جت الشرق الأوسط وبعدين راحت فنزويلا، والمفروض كانت تروح تعمل لها صيانة. ما حصلش ليها صيانة. وأبرز دليل إن حاملات الطائرات دي جايبة آخرها، بالذات اللي هي يو إس جيرالد فورد، قبل ما تيجي وتخش ويبتدي القتال، لازم تعرف إنها راحت عملت صيانة في اليونان. لأن الحمامات بتاعتهم كان فيها مشكلة. فانا اقتنع تمامًا إن أه، في غرفة الغسيل دي فيها مشكلة.

طيب، ده يقول لك إيه؟ ده يقول لك إن حتى حاملة الطائرات دي لو ما تعرضتش لأي عملية قتالية، ما ينفعش إنها تطول في المنطقة. وبالفعل، الجيش الأمريكي عد خطة إنه والله هيستدعي حاملة الطائرات الأخرى يو إس إس جورج بوش تيجي تاخد مكان جيرالد فورد. ماشي. بس السؤال بقى، هل جورج بوش هتيجي تاخد مكان جيرالد فورد زي ما هم كانوا بيقولوا؟ ولا والله هياخدوا مكان يو إس أبراهام لينكولن؟ اللي أنا متأكد منه إن ما فيش ثلاث حاملات طائرات زي ما أمريكا كانت مخططة في المنطقة عشان تزود الهجمات على إيران. أصبح الأمريكان قدام نقطة مهمة جدًا إنهم حاملتين طائرات. لأن في واحدة من الاثنين لازم تمشي. واحدة أصيبت أو فيها أضرار شكل أو باخر، والتانية جايبة آخرها. بس أمريكا لازم تخليها في الخدمة. ماشي. فانت أنت قدام عمليات خطيرة جدًا.

طيب، الجيش الأمريكي ساعتها ممكن يعتمد على صواريخ التوماهاك ويقعد يضرب إيران بصواريخ موجهة من تراس توماهاك من البحرية الأمريكية. وخد بالك إن فيه عدد من القطع البحرية الأمريكية كتير في المنطقة. طيب، هنا في كارثة جديدة. إيه هي؟ خد بالك إن صحيفة فاينانشال تايمز كشفت عن كارثة من العيار الثقيل. وقالت لك: على فكرة، لازم تعرف إن مسؤولين أمريكان، خد بالك المقالة دي مش مكتوبة وفقًا لرؤية كاتب ولا مقالة تحليلية. لا، ده هم جايبين مصادر. قال وفقًا لمسؤولين أمريكان: أمريكا ما تقدرش تجدد المخزون بتاعها من الصواريخ بتاعة توماهاك. اشمعنى؟

قال لك خد بالك إن الأمريكان اشتروا خلال الخمس سنين الماضية 322 صاروخ توماهاك. يعني خلال الخمس سنين اللي فاتوا دول، أمريكا اشترت 322 صاروخ توماهاك. استخدموا منهم في حرب يونيو الماضي ضد إيران 124 صاروخ توماهاك. ضربوا بمنشآت نووية إيرانية في الضربة الأمريكية. يعني كانت الضربة الأمريكية بقاذفات نووية، ما ضربتش نووي، بس هي بتسمى قذائف اللي هي بي تو سبيرت. وكان صواريخ توماهاك طالعة من القطع البحرية. ففي يونيو الماضي ضربوا 124 صاروخ توماهاك. إيه اللي حصل؟ اللي حصل إن في الحرب اللي إحنا فيها دي، الظهر كده، استهلكوا الباقي. باقي الـ 322. ماشي.

وقال لك إيه بقى؟ قال لك: خلي بالك، الحرب لحد دلوقتي، ودي الكلمة اللي أنا يعني مستغربها جدًا، قال لك: خلي بالك، الحرب دلوقتي داخلة تكلفتها في 17 مليار دولار. 17 مليار دولار. يعني أنت بتتكلم أول ست أيام كانت تكلفة 11 مليار و300 مليون. ده اللي كشفته مصادر في البنتاجون ومصادر في مجلس النواب الأمريكي. دلوقتي كان إن الميزانية دخلت 17 مليار دولار. ما يعني إن وزارة الدفاع الأمريكية لازم تلجأ لدعم مالي سريع ودعم طارئ. إنها تطلب ميزانية 50 مليار دولار هتتعرض على الكونجرس.

طيب، ماشي. وايه المشكلة؟ ما تتعرض على الكونجرس. ارجع هنا للمقالة اللي اتكتبت في فورين بوليسي. مقالة فورين بوليسي قالت لك: خلي بالك، الديمقراطيين في مجلس النواب مش هيمرروا الميزانية اللي تتعرض عليهم. والديمقراطيين يعني هيبقوا حازمين جدًا. إنهم شايفين الحرب دي مالهاش شعبية في أمريكا. لأن الرئيس الأمريكي مش عارف يفسر الحرب دي عشان إيه؟ هل هي إسقاط النظام؟ ولا التخلص من برنامج نووي؟ ولا القضاء على البرنامج الصاروخي؟ ولا إيه بالظبط؟ الراجل ما قالش لحد دلوقتي. ولا هم عارفين الحرب دي هتنتهي إمتى.

فلحد ما الرئيس الأمريكي يجاوب على الأسئلة دي، ساعتها ممكن يناقشوا الـ 50 مليار دولار. طب لو ما جاوبش؟ هيفضل المزرية دي متعلقة. كل شوية يصوتوا عليها وتترفض. هتيجي تقول لي: إزاي ده الجمهوريين عندهم أغلبية في البرلمان؟ خلي بالك، الجمهوريين عندهم أغلبية هامشية، يعني مقعد أو مقعدين بالكتير قوي. فلازم إن أنت هتلجأ لتصويت من الديمقراطيين. الرئيس الأمريكي لازم إنه يدي معلومات مفصلة. وده اللي هيطلبه الديمقراطيين وفقًا لصحيفة فاينانشال تايمز. إن الديمقراطيين هيطلبوا معلومات مفصلة وهيزيدوا الضغوط على الرئيس الأمريكي إنه ينهي الحرب دي في أسرع ما يمكن. أو ده اللي أنا قدرت أفهمه بمقالة في الحتة دي. إنهم هيزيدوا الضغوط. الحرب دي ما ينفعش تكمل.

خسائر سبعة جنود أمريكان لحد دلوقتي مؤكد قتلهم. بتتكلم على 140 إصابة. وده على فكرة رقم بالنسبة لي غريب شوية. 140 إصابة وسبعة معها قتلة. يعني في حاجة غلط. أكيد عدد القتلة ممكن يكون أزيد شوية. فانت بتتكلم إن فيه خسائر ضخمة جدًا. رادارات أمريكية بتضرب، حاملات طائرات فيها مشكلة، طيارة تزويد بالوقود سقطت. ده أمر خطير.

طب أنا هقول لك حاجة تانية دلوقتي. أنت بتتكلم إن الرادارات الأمريكية اللي أنا قلت لحضرتك عليها، إن إيران ضربت رادار في منظومة ثاد في قاعدة موفق السلطي في الأردن. ضربت رادار مهم جدًا يقدر بمليار دولار في البحرين، اللي هو الرادار الخاص بالجيش الخامس الأمريكي أو الأسطول الخامس الأمريكي. ضربت رادارات في دول خليجية كتير. صح؟ فده أثر على قدرة أمريكا لتنسيق التصدي للصواريخ والمقذوفات الإيرانية. ماشي.

إيه الرادار اللي بتعتمد عليه أمريكا إنها تكشف المنطقة بشكل كبير؟ الرادار اللي موجود في قاعدة إنجرليك التركية. حتى لو تركيا طلعت قالت لك: دي قاعدة تركية. وحتى لو طلعت قالت لك: القاعدة دي ما بتشاركش في الحرب والطيران الأمريكي ما بيطلعش منها. ده حقيقي. بس الرادار شغال والأمريكان بيستخدموه للتجسس على المنطقة كلها. ماشي ورصد أي صاروخ طلع من إيران بيتم رصده عن طريق القاعدة دي. طيب، هل دي قناعة شخصية؟ أبدًا. أنا عاوز أوريك الفيديو ده. الفيديو ده لصواريخ نازلة على قاعدة إنجرليك. إيران عمالة تحاول تلقط الرادار اللي هناك ده وتضربه. ما يمثل خطورة على تركيا في الحرب. لأن تركيا توعدت قالت لهم: بلاش تضربوا الأراضي التركية. إيران شايفة إن الرادار الموجود هناك ده لازم يتضرب. لأن ده آخر أمل للجيش الأمريكي إنه ينصف دفاعاته في الشرق الأوسط لحد ما يعمل عملية تبديل للرادارات الموجودة حاليًا واللي اتضربت.

إيه الخسائر دي؟ إيه الكم في المشاكل دي كلها؟ طيب، هل ده طبيعي؟ بص، خليني أبقى صريح معاك. الحروب اللي زي دي، حروب طبيعي جدًا يحصل فيها الكلام ده كله. خاصة إن أنت القواعد الأساسية اللي أنت لازم تقلع منها عشان تضرب إيران هي القواعد الخليجية. دول حلفائك، بس هي مقفولة. دول الخليج مش عايزة تشارك في الحرب. فانت دلوقتي من الأول وأنت عارف إن هيكون عندك مشاكل لوجستية في طريقة ضرب إيران. فطبيعي يحصل المشاكل دي. بس بموجبها، بموجب الكلام ده كله، لازم تعرف إن إحنا قدام حاجتين مهمين جدًا. إن أمريكا هتبتدي الضغوط على الدول الخليجية، أو تعيد التفكير إن الدول الخليجية لازم تخش الحرب بشكل أو بآخر عشان تفتح القواعد بتاعتها. ده لازم. الجيش الأمريكي عنده مشكلة عملياتية، أو ينقل جهوده للجبهة الأخرى من إيران. وأنا أعتقد إن ده أمر صعب شوية. هو ينزل بقى أذربيجان بقى ويبتدي يعتمد على منطارات أذربيجان وكردستان وتركمانستان والكلام ده كله، ويبتدي إن هو ينقل الحرب الناحية التانية. فدي أمور مهمة جدًا. تعقيدات في الجيش الأمريكي بشكل كبير.

هل الخسائر دي بس اللي إحنا واقفين عندها؟ لا. خد بالك، أنا قلت لك مشاكل عسكرية، سياسية، ودلوقتي اقتصادية. إيه اقتصادية؟ هل الاقتصادية إن أنا بقول لك الخسائر اللي في الجيش؟ لا. خسائر اقتصادية إن سعر برميل النفط رجع تاني 100 دولار للبرميل. طب وايه المشكلة؟ المشكلة إن أمريكا خلصت الحيل بتاعتها إنها تخلي برميل النفط أقل من 100 دولار. يعني خلوا دول الـ G7 تسحب من مخزوناتها. يعني دونالد ترامب يطلع يقول لك: الحرب هتنتهي قريبًا. يطلع وزير الطاقة الأمريكي يقول لك: والله الجيش الأمريكي هيصاحب ناقلات النفط إنها تخش مضيق هرمز ويرجع تاني في كلام حيل. تصريحات وحيل عشان يخلوا برميل النفط أقل من 100 دولار. التصريحات دي كلها خلصت. خلصت. العالم أصبح على قناعة إن إيران ملغمة مضيق هرمز. ونزلت ألغام في مضيق هرمز. لدرجة الرئيس الأمريكي نفسه بيطلب من إيران في تغريدة نزلها على منصة تروث قال لهم: شيلوا الألغام. لأن أمريكا ما عندهاش كاسحات ألغام في الخليج العربي. طلعت بره الخدمة. وأنا كشفت الموضوع ده في الفيديو السابق. ده أمر. أمر تاني، دلوقتي أنت بتتكلم إن إيران عمالة تزيد، تزيد الهجمات على ناقلات النفط الموجودة في الخليج العربي. فده أمر خطير.

طيب، الأمر التالت وده اللي لجأت له أمريكا دلوقتي. إن أمريكا يعني هتزيل العقوبات عن النفط الروسي اللي موجود، بحيث إن دول العالم كلها تشتري النفط الروسي كبديل مؤقت للنفط اللي محبوس في الخليج العربي. صح؟ بس خد بالك، ده فيه نقطتين. أولًا، الأمريكان مش بس أزالوا العقوبات، لا، دول بينصحوا الشركات كمان: روحوا اشتروا ناقلات النفط الروسية اللي واقفة في البحر واللي عليها عقوبات. ما حدش هيتعرض لأي عقوبة. تاني حاجة، أنت بتزيد من قوة روسيا. على فكرة، روسيا لو كانت هتبيع برميل وقت ما هي طلعته وتم فرض عليه عقوبات، كانت هتبيعه بكام؟ بـ 60 دولار. دلوقتي هتبيعه بكام؟ 90، 100 دولار. هتبيعه سعره الأصلي. لأن على فكرة، روسيا كانت بتبيع البرميل كان عليه عقوبات، فكان نفط مهرب، فسعره أقل من السوق. دلوقتي ده برميل أو نفط مرخص وعلى عينك يا تاجر خلاص يتباع بسعر السوق. 100 دولار.

معنى كده إن أنت هتزود الخزانة الروسية وتقوي روسيا أكتر وتفوق روسيا أكتر وتخلي روسيا تنفق على حربها بشكل أكبر في أوكرانيا. وهتشوف خلال الأيام القادمة الروس هيبقى مخزوناتهم الأسلحة تزيد، تكتيكاتهم هتزيد. وأنت هنا بتزيد تعقيد حرب أوكرانيا. طيب، فانت هنا بتتكلم على خسائر بشعة للجيش الأمريكي.

طيب، لحد هنا الكلام يمشي. شوف كل اللي أنا قلته لك ده، أنا بالنسبة لي طبيعي. حرب، حرب بيحصل فيها خسائر. الكلام ده كله ماشي. حتى لو في أخطاء، بس هي أخطاء يعني في الحرب. أنا هعتبرها. بس اللي جاي ده خطير. إيه اللي حصل؟ بيقول لك والله الجيش الأمريكي دلوقتي عاوز يخلص ويمشي. يعني بالكتير قوي أسبوع، أسبوعين ويمشي. مين اللي قال الكلام ده؟ اللي قال الكلام ده بصراحة يعني إحقاقًا للحق، هو مراسل قناة العربية. قال لك: الحرب دي كتيرها قوي يعني ثلاث أسابيع والجيش الأمريكي هيلم حاجته ويمشي. هو إحنا في الأسبوع الثاني. فالأسبوع الجاي الجيش الأمريكي عاوز يمشي. مراسل العربية لو أخذت بالك من الفيديو بتاعه، هيقول لك: لا، أصل الصهاينة مش عاوزين الجيش الأمريكي يمشي.

زي ما حضرتك هتشوف كده بالظبط.

"الأولى فيما يتعلق بالسقف الزمني هو السقف الزمني موجود ومحدد منذ بداية هذه الحرب، لكن على ما يبدو كانت إسرائيل تراوغ وتحاول أن تماطل لعدة أسابيع أو على الأقل لأسبوعين كما كان عكس ما كان مخططاً، ربما كان مخطط أن تكون الحرب أو تستمر لأسبوعين لثلاث أسابيع، إسرائيل تحاول أن تماطل لأكثر أي لأكثر فترة ممكنة كي تحقق جميع الأهداف كما تقول وكما يقول المسؤولون الإسرائيليون."

طيب، وايه المشكلة في الفيديو؟ والله هو مش فيديو، هو مقالة. وأنا أعتقد مراسل قناة العربية لما اتكلم تقريبًا هو اتكلم من نفس المقالة أو حاجة زي كده. لأن المقالة اللي نزلت في وول ستريت جورنال كشفت عن بلاوي. قال لك: فيه خلاف كبير ابتدى يتضح في الجيش الأمريكي والجيش الإسرائيلي. ليه؟ والله وفقًا لجارد كوشنر، صرح لوول ستريت جورنال. جاريد كوشنر ده جوز بنت دونالد ترامب، واللي هو كان مشارك في مفاوضات بتاعة جنيف، واللي هو دونالد ترامب بيعتمد عليه بشكل كبير جدًا. قال لك: خلي بالك، دونالد ترامب ونتنياهو بيكلموا بعض كل يوم. بس بيكلموا بعض على إيه؟ كيفية إنهاء الحرب.

دونالد ترامب عاوز عملية سريعة نظيفة ويمشي. سريعة ونظيفة. يعني خلي بالك، نظيفة دي يعني ما يبقاش فيها خسائر عسكرية. الخسائر اللي إحنا فيها دي كلها دي كده مش عملية نظيفة خالص. دي كده عملية يعني بقت حاجة تانية خالص. ماشي. سريعة. هو كان بيبص على ثلاث أسابيع. دلوقتي نتنياهو قال لك: لا، ما تمشيش. ما ينفعش إن إحنا نمشي كده. ليه؟ نتنياهو شايف إن ده حلم عمره. إن بيخوض حرب مشتركة مع الأمريكان ضد النظام الإيراني. فما ينفعش إن أمريكا تمشي من غير ما نقطع راس النظام الإيراني، أو إن إحنا نقضي على البرنامج الصاروخي خالص الإيراني، مش البرنامج النووي، البرنامج الصاروخي. أصلًا نبيد البرنامج الصاروخي الإيراني.

طب هل حضرتك شايف في أمل لإبادة البرنامج الصاروخي الإيراني؟ لا. إحنا يا جماعة، إحنا بنتكلم في الموجات الأربعينية لإيران. يعني إيران في الموجه الـ 40 أو الـ 45 اللي هي بتضربها على دول الخليج وإسرائيل. فواضح جدًا إن إيران ما فيش أي شواهد بتقول إنها إيران هتنفذ منها الصواريخ قريبًا. ماشي. ممكن عمليات إطلاق الصواريخ تبطأ، إنها مش هتنفذ. ماشي. فانت قدام قصة. ولازم حضرتك تعرف، كل ما الحرب تطول، المعلومات الاستخباراتية اللي أمريكا وإسرائيل عارفينها بتقل. لأن هم أي معلومة استخباراتية بيجيبوها بيضربوها. ماشي. ده حتى لو هم مشتبهين فيها بيضربوها برضه. يعني والله لو دي عربية، ممكن تكون عربية عفش أو عربية فيها صاروخ، بيضربوها وبعدين نبقى نشوف. ماشي. المعلومات اللي زي دي بتقل. وعشان تجيب معلومة استخباراتية جديدة، ده أنت عاوز وقت. أنت عشان تشغل المصدر بتاعك على معلومة استخباراتية، قصة. ماشي. فده أمر.

فدونالد ترامب شايف: أنا هقول لك بقى بقى خلاف اللي ورده. دونالد ترامب شايف إن والله إحنا ممكن نقتل مكتبه ونمشي. ماشي. يعني نقتل مكتبه وكده نطلع على النصر. نتنياهو اللي طلع في فيديو من دقائق بعد خطاب مكتب وقال لك: والله ده يعني ما فيش شركة تأمين، وما أنصحش أي شركة تأمين تدي ضمان أو تأمين على حياة مكتب. زي ما حضرتك هتشوف كده.

شايف إن لا، مكتب وسقوطه مش فقط هو الحل. مكتبه يتقطع رأسه والجيش الإيراني ينفذ منه الصواريخ وما يبقاش قادر على إطلاق صواريخ على إسرائيل. والجيش الإيراني، البرنامج الصاروخي بتاعه والنووي بتاعه يباد. وإيران ما تقومش تاني غير بعد خمس سنين أو 10. ماشي. يكون الجيش الإسرائيلي فاق من القوة بتاعته. إنما الحرب تخلص كده، يبقى إسرائيل ما عملتش حاجة. دونالد ترامب ممكن على فكرة يعرف أو يحاول يبيع الحرب دي للشعب الأمريكي.

بس خلي بالك، الوضع في إسرائيل مختلف. وفقًا لصحيفة وول ستريت جورنال، 82% من الشعب الإسرائيلي مؤيد للحربين. فـ 82% لو شافوا إن نتنياهو شن الحرب ومشي من غير ما يقتل مكتبه أو يخلص على البرنامج الصاروخي، يبقى هو خلصها في نفس نهاية حرب يونيو الماضي. إن هو خلص وهيطلع بقى كلام إن إسرائيل صوتت لأمريكا إن هو الحرب والكلام ده كله. فانت قدام كارثة سياسية بالنسبة لنتنياهو. ونتنياهو ما أنجزش أي حاجة. بالعكس، إيران ما زالت موجودة وإيران قوية. فده أمر كارثي.

طيب، حاجة تانية. وده اللي ما اتكتبش في المقالة، بس أنا متوقعه. أمريكا لو أنهت الحرب بالشكل ده، لازم تعرف إن ده بالنسبة للدول الخليجية كارثة. يعني إيران تحتفظ مخزونها الصاروخي. اللي الخليج جرب إن على طول السنوات الماضية هو بيحاول إن هو يصلح علاقته بإيران، وإن هم يعني يهدوا الأجواء ونقفل القواعد، ما نخليش الأمريكان يستخدموها والكلام ده كله. فأول حرب أو أول يوم في الحرب، إيران تضرب الدول الخليجية كلها. ده أمر خطير. فالدول الخليجية هتشوف إن الخروج الأمريكي ده، ده كارثة. يعني ده طب إحنا جبنا القواعد الأمريكية ليه؟ فاهم؟ لما أمريكا تخرج بالشكل ده، وأمريكا ما منعتش الصواريخ، ده الرادارات الأمريكية اتضربت. كارثة بكل معنى الكلمة.

اللي أنا شايفه إن حتى لو دونالد ترامب أعلن عن نصر، هيطلع بنصر غير مقنع للأمريكان. بس هو ده اللي عنده. ماشي. وهيحاول يبيع إنه خلص على المرشد. بس بالنسبة لحلفائه هتبقى كارثة. بالنسبة للعالم كله دفع تكلفة كبيرة جدًا على حرب طايشة. يعني حرب مش دقيقة وما خدش وقته كويس جدًا عشان إنه يلم معلومات استخباراتية وياخد صورة استخباراتية كاملة قبل شن الحرب. أنا شايف إن الحرب دي تبقى كارثية بالمعنى الحرفي على أمريكا، على إسرائيل، على الدول العربية، علينا كلنا كعرب. الحرب دي ما كانش لازم تبتدي بالشكل ده. ده اللي أنا مقتنع بيه. ونهايتها أنا شايف إن نهايتها كارثية. أيًا كان مين المنتصر. حتى على فكرة لو إيران طلعت قالت إنها انتصرت، هي إيران بهدلت يا جماعة. إيران يعني دلوقتي بيتكلموا إنها ممكن تتقسم. والأكراد يقوموا بحرب برية. كوارث. كوارث بتسمع كوارث. ماشي.

فأوعى تقتنع إن إحنا قدام إيران أقوى. يعني لا. إيران هتبين إنها أقوى وتبين إنها والله عندها مرشد جديد وعاوزين يعني نسيطر والكلام ده كله. بس هم كارثي. الأمر عندهم كارثي. في الآخر، يا رب أكون شرحت لحضرتك الموضوع بشكل مبسط. ويا رب نسول مصر، رب العرب. ويا رب فلسطين. يا رب. تحيا مصر. سلام.

أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين. والعالم مش عارف سرها. إحنا خفة دم بتضحك القلب. وكرم بيتضرب بيه المثل. جدعنة وشهامة مش موجودة في زماننا. ورحمة بتطلع من عينينا قبل قلبنا. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر. يا محروسة بسيف شاطر وسيف حارس عليك يا مين. ومن فوق السماء السابع حاميك رب العالمين.