كلمات للتاريخ من ابو تريكة عن مصطفى شوبير وتعليقه و تصريحات حسام حسن بعد المباراة انا مباخفش

نحتفل النهارده بالصعود، نشوف إن شاء الله ماتشنا هيبقى إمتى، نعمل ريكفري كويس، ونشوف الإصابات كمان. نتمنى لكل اللاعيبة إن شاء الله السلامة بإذن الله.

المباراة القادمة ضد أستراليا، أكيد ما تفرقش كثير إنه تتأهل أول أو ثاني في التنقل فقط، لكن المواجهة تكون ضد أستراليا.

آه طبعًا هنتفرج على أستراليا، وأكيد طالما هم قدروا يحققوا الإنجاز إن هم يصعدوا، ده دليل إن هم منتخب كويس، وإن هم وجودهم في كأس العالم، كل منتخبات لنا منتخبات كبيرة. هنبتدي ندرس أستراليا من بكرة إن شاء الله، وإن شاء الله نحقق الصعود ونعمل حاجة إن شاء الله ما عملناهاش قبل كده بإذن الله.

ألف مبروك، ألف مبروك لمصطفى شوبير، للمنتخب المصري، ولكرة القدم المصرية، والجمهور المصري هذا الإنجاز التاريخي الذي يُحسب لهذا الجيل وللمدرب حسام حسن. طبعًا ألف مبروك مرة أخرى.

شكرًا جزيلًا لك نافع، لمصطفى شوبير، وأوفى كما يحب زملاؤه وأصدقاؤه أن يطلقوا عليه. وشكرًا له لأنه وفى بوعده بالأمس. صراحة تواصلت معه، قلت له: بإذن الله تعالى ستتأهلون، ونريد أن تكون معنا في استوديو بي إن سبورتس على الهواء مباشرة. تواصل معنا ومع نجوم بي إن سبورتس بعد المباراة، وفى بوعده، ووفى أيضًا بما وعد جمهور الكرة المصرية بأن يقدم في مشواره، وأن يكون خير خليفة لوالده أيضًا، الأسطورة وحارس المرمى الكبير جدًا الذي شارك في مونديال 90 مع منتخب مصر. ومصطفى شوبير قصة كفاح ونجاح؛ لأنه كان يصارع أصلًا على مكان أساسي مع الشناوي الحارس الأول في منتخب مصر، أولًا في النادي الأهلي، ثم في منتخب مصر، واليوم واحد من نجوم المنتخب المصري في كأس العالم.

طبعًا، وخلي بالك، أولاد الرياضيين بيبقى لهم...

أفضلية؟

مش أفضلية الناس بتتهمه إن هم بالواسطة بس، آه بس أنا أقصد أفضلية من جانب إن أنت ممكن من الوالد تاخد خلاصة تجربة ونصائح.

أيوه، هو يعرفك الطريق، وموهبتك هي اللي بتوديك.

بس يخليك تحت ضغط.

آه، اسم أبوه كبير. هو ولد ما شاء الله عليه متزن، وبيعرف يتعامل مع الضغوط، فدي ميزة. وزي ما قلت لك يا محمد، إحنا عندنا في مصر يقول لك: إذا أنت ابن لعيب سابق أو أنت ابن رياضي سابق، يقول لك جايب الواسطة.

امم.

لا، ما عادي.

بس ولا فيديو قديم قال لك: هوريكم إنه ابن الوز عوام.

آه، هو فعلًا ابن الوز عوام، بس لازم يتعلم من أبوه إزاي يهدي اللعب.

في بعض الأحيان مع الخبرات، أبوه كان حاجة في داخل منطقة الجزاء، حاجة محترمة، وكان خبرة كبيرة وشخصية كبيرة زيه بالضبط.

هل الدقائق الأخيرة التي تحدث عنها كانت صعبة فعلًا؟ أصعب خمس دقائق على مصر في كأس العالم كانت هذه الدقائق الخمس الأخيرة في هذا المسار. أنا، كابتن حسام، استعجل بس في تغيير حمزة.

استنفذ التغييرات؟

آه، لازم تخلي معاك تغيير للأخير؛ لأن وضع المباراة عامل إزاي؟ أولًا، إصابات. إصابة صلاح تخليك لازم يبقى معاك ورقة بره أو تغيير في إيدك؛ لأن الريتم سريع، وفي صراعات ثنائية، وفي حساب ممكن حد يتصاب. فالطبيعي إن أنت لازم التغيير بتاعك الأخير ده تخليه في الآخر. إنما إحنا عملنا الخمس تغييرات اضطرارية، إنما تغيير حمزة ده بس اللي اتسرعنا فيه.

عبد المنعم، إن شاء الله نتمنى له إن شاء الله تكون الإصابة خفيفة، وزي ما قلت بيبقى جاهز، بيبقى أول رقم واحد. مروان، التغييرين اللي ما بين الشوطين، مروان ومرموش. مروان عشان إن يبقى في توازن في وسط الملعب، الكرة الثانية تبقى بتاعتنا. مرموش يزود الناحية الهجومية والسرعة الموجودة. صلاح عشان اشتكى، فإحنا عملنا التغييرات دي الدقيقة 56. الدقيقة 56، التغيير بقى بتاع حمزة شوية أنا بشوف وجهة نظري بدري بدري، وقلت ليه؟ طبيعة الماتش، طبيعة المباراة.

76 يا كابتن.

آه، طب لازم يستنى يا محمد.

بدري عمل تغيير ده بدري.

أنا قلت طبيعة المباراة فيها صراعات ثنائية، وفيها عنف، وفيها التحامات، وفيها ناس خرجت قبل كده مصابة زي صلاح، حاجة اشتكى بالخلفية، حاجة عضلية. فلازم تستنى شوية. عشان كده اضغطنا آخر 10 دقايق عشان بتلعب 10. راح فتوح اتصاب، لعبت 10. استغلوا ناحية فتوح يلعبوا الكورة ناحية اليمين، في أوفرات عرضيات، لاعيبة قدام، مهاجمين أطوال، فتبقى خطورة. فكل بيتعلم، إحنا بنتعلم. فالمباراة دي لازم تفاصيلها تناقش وأخطائها تناقش، ليه؟ لأنها هتفيدنا. لأنها إيه يا كابتن محمد؟ هتفيدنا؛ لأن أستراليا هتلعب بنفس نفس النظام.

هنا فتوح أكمل يا كابتن رغم الإصابة.

أنا ما كنتش حابه يكمل، إصابة عضلية، يطلع.

على الفريق وقد يعني تزداد إصابته هذه؟

هو شعور حلو وروح كويسة، إنما لازم كان يطلع.

وطبعًا هم ما على طول هنا ناحية اليمين، ناحية اللي هو المصفية، ويلعب بقى كرات عرضية وكرات عالية، ويبقى في محطة أساسية. فطبعًا هنتضغط؛ لأن إحنا بنلعب 10، وهم طبعًا محتاجين الفوز. فالحاجات دي آه روح كويسة، إنما أعتقد من الحاجات اللي لازم نناقشها بسرعة وتفاصيلها، ونعالج أخطائها بسرعة؛ لأن ده خصم مشابه للخصم اللي إحنا هنلعبه في دور الـ 32، أستراليا. نفس الاندفاع البدني، نفس الأطوال، نفس الأسلوب في الكرات العالية والكرات الهوائية. فأعتقد إن إحنا إن شاء الله الحمد لله، الأهم اللي إحنا وصلنا له وخرجنا من المجموعة بالتأهل. التركيز، نستعيد التركيز مرة ثانية، ونشوف أخبار المصابين، وأيضًا عملية البديل لمهند؛ لأن مهند ومروان هي دي الثنائية المتكاملة اللي كانت بتعمل توازن كبير في نص الملعب.

طيب، سنستمع لتصريحات كابتن حسام حسن عن الإصابات وعن الظروف الصعبة. لكن قبل ذلك، دعونا نذكركم بما حدث في المباراة الأخرى. وعلى ما يبدو يا كابتن عبد العزيز، أن منتخب بلجيكا في الجولة الأخيرة كشر عن أنيابه.

صحيح، من المنتخب الذي سجل هدفًا واحدًا إلى تسجيل خمسة أهداف. كانت البداية مهمة بالنسبة لمنتخب بلجيكا، وهي تسجيل تروسارد للهدف، وكانت هناك سيطرة كاملة على الشوط الأول، عدد فرص كبير للغاية، يعني ربما هو العدد الأكبر حتى الآن في بطولة كأس العالم، 35 تسديدة. بعد ذلك، عاد تروسارد ليسجل الهدف الثاني مع بداية الشوط الثاني، ومن هنا بدأت النتيجة تزداد، ضغط أكبر، محاولة الحصول على الصدارة. بعد ذلك، أتت عن طريق دي بروين الذي لم يصنع أي شيء في المباراتين الماضيتين، لكن مع تواجد دي بروين والخبرة الموجودة بكل تأكيد، ما زالت اللمسة موجودة، ودي بروين يسجل الهدف الثالث. هنا كنت أنتظر لأني كنت أشاهد هذه المباراة، تسجيل نيوزيلندا لهدف، وسعدت بهذا الهدف؛ لأن هذا الهدف أعاد مصر للصداره بشكل مؤقت. لكن سرعان ما أتى لوكاكو وسجل الهدف الرابع لتصبح الأمور محسومة لمصلحة منتخب بلجيكا، وأضاف هدفًا خامسًا عن طريق سالمي ميكرز. ويعني الجودة وفارق الجودة والإمكانيات كان لصالح بلجيكا في هذه المباراة، وفوز مستحق بهذه النتيجة. الآن، دعونا نستمع لتصريحات كابتن حسام حسن عن ما جرى في هذه المباراة وعن الظروف الصعبة مع كمية كبيرة من الإصابات تعرض لها الكثير من لاعبي المنتخب المصري في مباراة اليوم مع إيران. نتابع.

الحمد لله، برحب بيك طبعًا، ومبروك للشعب المصري كله والكرة المصرية. مبروك للوطن العربي وإفريقيا؛ لأن إحنا بنمثل الوطن العربي وإفريقيا. ومبروك لجماهيرنا الجميلة العظيمة اللي هي قاعدة في كل حتة في العالم، واللي موجودين في مصر حاليًا وسهرانين. يعني الحمد لله إحنا صعدنا، ويمكن كنا هنبقى أول مجموعة بفرق الأهداف، ولولا الحمد لله على كل شيء الإصابة بتاعة فتوح. لكن إحنا كنا ماسكين الماتش كويس في استحواذ لحد ما نقصنا واحد بفتوح. لكن زي ما حضرتك قلت، إنجاز من أول ما كورة اتعملت في العالم، من ساعة ما أنشئ المنتخب المصري، الحمد لله أسعد جماهيره وأسعد الوطن العربي كله وإفريقيا إن إحنا نصل للدور الثاني. وإن شاء الله، هنجهز نفسينا وهنجتهد وهناخد بالأسباب اللي جاية.

اجتهدتوا، قدمتوا مستوى عالي، وفرحتوا الجماهير المصرية. ومثل ما قال كابتن بوتريكا في الاستوديو قبل الماتش، يعني خليتوا سهرات وصبحيات المصريين أعياد في ثلاث مباريات، وإن شاء الله تتواصل. كابتن، لو تطمنا على الحالة الصحية؛ لأنه الحظ ما خدمش المنتخب المصري. شفنا عبد المنعم إصابة، لو تطمنا على صلاح أيضًا إصابة، وعديد الإصابات وفتوح.

زائد إيقاف مهند الثاني، وزائد الإصابة بتاعة حسام عبد المجيد. لكن إن شاء الله، ربنا موجود وهناخد بالأسباب. وإحنا، أنا جايب 26 لعيب، إذا كان حوالي ست لعيبة يعني مش هيبقوا موجودين تقريبًا. لكن لسه التشخيص بتاع صلاح، لكن هو طلب التغيير، طالما طلب التغيير يبقى حس شعر بأي حاجة، بحاجة معينة، لكن هنأكد. لكن وفتوح نفس الشيء اللي اتأكد عليه. لكن مهند، أتمنى إن حمدي فتحي يرجع، إن شاء الله تكون الإصابة اللي كانت حصلت في الماتش اللي فات يبقى أفضل. لكن في كل الحالات، وبقول للناس في مصر، وبقول كل اللي بيتفرجوا: أنا أنا عندي وحوش، ومع لعيبة المصريين عندي حسن ظنهم، وأنا ما بقلقش من أي نقص، ما بقلقش. يعني إحنا في التصفيات، ماي فريند، ثانك يو ماي فريند، أنا مش قلقان. عايزك، عايزكم تتفائلوا؛ لأن أنا مش ما بخافش. قلقانين وفرحانين يا كابتن؟

ما بخافش من أي نقص ولا؛ لأن أنا عندي ثقة في لعيبتي كلهم، كلهم على أعلى مستوى. وأنا لعبت إسبانيا في الماتش اللي في إسبانيا والسعودية، ولعبنا الماتشات كنا ناقصين لعيبة كتير، وتصفيات كأس العالم لعبنا ناقصين يعتبر نص التيم. لكن أنا بطمنكم، وإذا كنت هقلق من الإصابة يبقى أنا ما ينفعش، ما ينفعش أكون ماسك منتخب مصر.

تنفع وزيادة، وألف مبروك يا كابتن.

ربنا يخليك، شكرًا لك.

الله يخليك حبيبي.

استمعنا للكابتن حسام حسن. عمر الكثير من التفاؤل والكثير من الثقة في كلام كابتن حسام حسن عن منتخب مصر، عن هذه المجموعة من اللاعبين. تعرف منتخب أستراليا، واجهته في أكثر من مرة مع منتخب سوريا، وسجلت ثلاثة أهداف في مرماه. كيف تبدو في رأيك هذه المباراة من جانب، ثم قدرة المنتخب المصري على التعامل مع هذه المباراة في كل هذه الإصابات التي شاهدناها؟ مثل ما تفضل الكابتن محمد، منتخب أستراليا مشابه لمنتخب إيران، لكن اللي فرق بين أستراليا وإيران، أستراليا يلعب كورة ويخليك تلعب كورة، يعني مختلف عن المنتخب الإيراني مثلًا بالثنائيات، مو كل كورة يضغط، ما يحب يتكتل داخل منطقة 16 ويخرب لعب مثل منتخب إيران. لكن منتخب أستراليا مع منتخب سهل، يعني تأهل ثالث المجموعة أعتقد بأربع نقاط. ممكن المنتخب المصري قادر على مواجهة أستراليا، لكن الإصابات والـ... إحنا ما نعرف يعني خطورة الإصابة أو مدة الإصابات اللي صارت اليوم. مباراة اليوم، يعني مباراة منتخب مصر اليوم مع إيران، يعني إيه؟