الأنثى المكتملة مع الرجُل مقارنة بالأنثى المجروحة (بدون موسيقى)

السلام عليكم ورحمه الله وبركاته.

مرحبا بكم في بودكاست ذات. معكم فاطمه. واليوم حنتكلم عن الجزء الثاني من مقارنه بين شكل العلاقه مع الرجل بين المراه المجروحه وبين المراه اللي انوثتها مكتمله. في الفيديو الاول تكلمنا عن خمسه صفات او خمسه اوجه للمقارنه في اشكال العلاقه. وفي هذا الفيديو حنتكلم عن الثمانيه صفات الاخرى. لو عجبكم الفيديو اكتبوا لي في الكومنتات.

سادسا. الانثى المجروحه لغه حبها المعاناه. هذه منتشره في العالم العربي عندنا بشكل كبير. لاحظها في امك. لاحظها في اختك. لاحظها في ستك. شوفي كل الامهات والمتزوجات في حياتك حتلاحظي فيما الحياه حقهم. انا اعاني لاجل زوجي واطفالي. طيب هي تقول لك انا لازم اعاني عشانه. لازم اتعب عشانه. لازم اهلك نفسي عشانه. لازم اعطيه راتبي فلوسي. لازم ابيع ذهبي عشان اعطيه. تقوم تصحى من الصبح تسوي فطور. تسوي غدا. تسوي عشاء. تسوي سناكس. تكون سبع رجاله في بعض. تودي تجيب. تحط عزائم طول الوقت عندها في البيت. ضيوف طول الوقت عندها في البيت. فوق طاقتها. ركزي لي على كلمة فوق طاقتها. والله يا بنات جاتني واحده في الكومنتس تقول لي ايش الكلام اللي انت بتقوليه ده. بالعكس انا اصلح السياره. انا اسلك البلاعات. وانتم في كرامه. مستوعبين. طب يعني عشان بس يعني يرضى فيها ويحبها. فالمراه المجروحه هي بتسويه بنيه ان هو يحبها اكثر. او انها تعجبه اكثر. وانه و انها تكبر في عينه اكثر. فبالتالي الشعور اللي هي يعني النيه لكل هذا الشيء هو الاضطرار. انا مضطره اسوي عشان يحبني. انا ما بسويه بحب. انا بسويه بالاجبار خوفا من ان هو يسيبني او اطيح من عينه. والدليل انها لمما زوجها يسافر ما تسوي ربع اللي كانت بتسويه وهو فيه.

طب فاطمه هل هذا شيء سيء؟ ايوه سيء. لانه يرفع طاقتك الذكوريه. لما تيجي تسوي الشيء سويه من باب حب ضمن مقدرتك العقليه والجسديه والروحيه. يعني احيانا تبغي تسوي الشيء من باب الحب. بس ايش تسويه فوق مقدرتك. هذا غلط. طب احيانا تسوي الشيء من باب ضمن مقدرتك. ولكن بنيه انك انت مجبره. او تبغي فلان يحبك. برضو غلط. هذه الاثنين ما هي كويسه. اذا لما انا ابغى اسوي الشيء اسويه من باب حب ضمن مقدرتي العقليه والجسديه والروحيه. كده الانوثه. لا تضغطي على نفسك عشان تسوي شيء عشان احد. ولازم وانت تسويه تسويه عشان نفسك. عندك تنظيف. تبي تنظفي البيت. اكيد قاعده تسمعي البودكاست حقي اصلا دحين وانت قاعده تنظفي. تبي تنظفي البيت. لا تنظفيه عشان ام زوجي تقول عني ست بيت. ابطلع النجفه اتسلقها انظفها عشان ام زوجي تقول واو نفك يلمع. لانها اصلا ما ح تقول لك كده. لما تبي تنظفي قولي انا هنظف عشان انا احب النظافه. واستمتع في التنظيف. واستمتع في البيت النظيف. لما انت بتطبخي اطبخي بنيه انه انا بطبخ اكل صحي عشاني وعشان عيلتي نكون اصحاء. مو اروح اسوي عزيمه كبيره اطبخها من الى فوق طاقتي بس عشان فلانه تقول عني طباخه. لو ابغى البس وضبط عشان اطلع حلوه في عيون نفسي. واستمتع بجمالي وبعمري. مو بس عشان الناس. هذا التفكير يزيد انوثتك. وفي نفس الوقت ما يستهلك. حتلاحظي انك انت بتسوي الاشياء عشان نفسك. ما بتسويها تحت ضغط اني انا بسويها عشان الناس. ليه كثير بنات يجوا يقولوا بس انا سويت وفعلت عشانك وعملت عشانك وانت خنتني ولا انكرت العشره. طيب هل في احد طلب منك انك تجي على نفسك. في بنات كثير ما يحبوا الطبخ. مو ما تعرف تطبخ. ما تحب تطبخ. ما تطبخ وزوج هيموت فيها. بنات كثير ما تحب تنظف. جايب لها داده ويموت فيهم. بنات ما تعرف للاطفال. ما تعرف تربيهم. تخلف وهو اللي يعتني فيهم. وبرضو حيموت عليها. ليه؟ اكيد شفتي امثله كده. زوجه خالك. غالبا لانها تحب نفسها كثير. بنات لما اقول تحب نفسها تحسبه انانيه. وهذا شيء في ثقافتنا انه المراه لازم تفني نفسها عشان زواج واطفال. وهذا شيء غلط. انت اهم شيء في حياتك. ما حتقدري تكوني زوجه كويسه وام كويسه لو كنت مهمله نفسك ومو حاطه نفسك اولويه. لو في شيء بتسويه يضغطك يتعبك جسديا نفسيا ويرهق وبتسوي عشان احد وقفي. نعطي ضمن الحدود. ولو الشيء في بيتك سويه لنفسك. الزوج والاولاد اخر شيء يبغوه زوجه وام متعبه. يبغوا زوجه وام مبسوطه. لذلك خليك مبسوطه عن طريق انك تحبي نفسك وتقدمي حسب قدرتك. وضروري تشوفي فيديو نظريه فاطمه لتقدير الذات.

سابعا. المراه مكتمله الانوثه سكن لنفسها وسكن لزوجها. ربنا قال في القران: "ومن اياته ان خلق لكم من انفسكم ازواجا لتسكنوا اليها". المراه مكتمله الانوثه هي السلام. هي وصلت لمراحل من تقدير الذات عاليه. وحققت ذاتها. ووصلت ل سلامها الداخلي. وتكلمنا عن هذا في فيديو تحقيق الذات. ولذلك هي عرفت كيف تنظم مشاعرها وافكارها. هي تخلصت من مخاوفها وشكوكه وتعلقها المرضي. وشالت الرجل من المحور. هي الان محور حياتها. لذلك هي عندها ا نوع من انواع الرضا والسكون. اما الانثى مجروحه الانوثه عندها فوضه داخليه. ما ترتبت. ما تعرف تنظم مشاعرها. لذلك دائما في صراع مع زوجها واطفالها. عندها عصبيه مفرطه. بكاء هستيري. صريخ. زعيق. هذه المراه صعبه ومتعبه لنفسها ولكل من حولها. لازم تكوني ساكنه. هاديه داخليا. راكز راسيه. لان الانوثه كمان مو بس تنظيم مشاعر. هي توكل على الله. هي تسليم. هي ثقه بالله. هي ايمان بالله. ايمان بانه الله حيحل كل المشاكل. فما في قلق زايد. ما في فرض تفكير. ما في خوف ورعب من سيناريوهات في مخك. حنتكلم عن التسليم والامان بالله في فيديو اخر باذن الله.

ثامنا. المراه مكتمله الانوثه زواجها قائم على التقبل وليس تحمل. ما عندها رغبه في تغيير زوجها. هي شافت طبعه في فتره الخطبه وتقبلته. شفت في الكومنتس مره كثير بنات طب فاطمه اذا انا وازنت طاقه الانوثه طاقته هو حتتغير. طيب يا فاطمه زوجي مره ما هو طموح. كيف اخليه طموح؟ ما تقدري. الشمس تشرق من مغربها. الرجل لا يتغير. الشي الوحيده اللي تقدري تغيريه تغيري نفسك عشان نفسك. اما تقولي انا حغير نفسي عشان هو يتغير غلط. ما حيتغير. فالعلاقات قائمه على التقبل وليست التحمل. حتى لو اكتشفتها بعض بعض الامور اكتشفتها بعد الزواج. ما عندك خيار. يا انك تتقبلي. يا انك تتحملي على مضد. يا انك تخرجي برا العلاقه. انت عاد تشوفي ايش تبغي. فالمراه مكتمله الانوثه تكون شايفه الاشياء اللي اللي زوجها عليها وتتقبلها. طب هل معنى الكلام ان الانثى مكتمله الانوثه لما تشوف شيء ما يعجبها تتقبله؟ لا. لو شيء اساسي ما تقدر تتقبله ابدا مستحيل انها تقعد تتحمله. لانه يقلل من طاقه انوثتها. ولكن هذا موضوع جدا كبير. المهم ف طاقه التقبل او طاقه الانوثه هي طاقه مرونه وسيوله. وطاقه مرنه تقدر تتاقلم مع طباع زوجها ضمن الحدود. طبعا اخذ بالاعتبار انهم هم متكافئين دينيا واجتماعيا وثقافيا الى اخره. اهم حاجه انها ما عندها نيه تغير طباع زوجها. زوجها كلامه قليل مرحبا. زوجها كلامه كثير مرحبا. زوجها ما يحب يفطر مرحبا. زوجها ينام بدري مرحبا. ما تبغى تغير نظامه. ما تبغى تغير روتينه. ما تبغى تغير شخصيته. الرجال عاش 30 سنه قبلك. حتيجي انت تغيريه؟ الانثى مكتمله الانوثه تعرف انه الرجل لا يتغير. وانه لو كان يتغير مو من مهامها تغييره. دحين حتيجي واحده تقول لي بس فاطمه انت قلتي لازم يكون عندي شخصيه. كيف اني يكون عندي شخصيه وبرضو اتقبل شخصيته زي ما هي؟ اهم شيء عزيزتي تعرفي انت ايش الاشياء المهمه جدا لك اللي ما تقدري تعيشي من غيرها. وانا قلت لك اتقبلي كشخص. ما قلت اتقبلي اي تعامل يتعاملوا معاك. اذا الاشياء اللي مو شرط تقبليها هي التعامل. في تعامل تتقبليه وفي تعامل ما تتقبليه. حسب كل واحده يختلف هذا معناه. برضو لغه الحب. لو هو شخص مو من طبعه يقول كلام حلو ما حيتغير. ما ما حيعطي هدايا. ما حيتغير. مو من طبعه يكون رومانسي ويسوي لك مفاجات. ما حيتغير. حتطلب منه حيسو لك بس ما حيصير طبع. وهنا الفرق. لا تقولي انا حغير طبعه واخليه شخص يحب يفاجئني ويجيب لي. لا. قولي انا كل مره حطلب منه وخلاص. تصيري ايش متقبله هذا الشيء اللي هو فيه. لا تتوقعي تغيير في الشخصيه. وهذا الشي لو البنات فهمته حترتاح كثير. حتعرف انها لو تزوجت مدمن مخدرات انها ما ح تعالجه. يا مصحه الامراض النفسيه انت وانها تريح نفسها احسن وتتزوج الانسان السليم. لما تروحي تتزوجي النسونجي ترى ما ح تعالجيه. وروحي تزوجي انسان طبيعي احسن. سوي انسان سوي. وبرضو راحه المتزوجات اللي يشتكوا زوجي فيه ويخط حبيبتي ركزي على نفسك. تبغي منه شيء اطلبي منه بكل صراحه وتقبلي واقعك. لو مره ما تقدري تعيشي بهذه الطريقه للابد هذا قرار يرجعلك. انا ما حقدر اجي اقول لك والله اخرجي ولا هذا تخريب بيوت. ده انا ما لي علاقه فيه. اذا اي تعليق يجيني فاطمه هل اقدر اغيره حقول لك ارسلي كلمة حلم الى 0 1 15 33 54 5.

تاسعا. والله الفيديو طويل. الامتنان. الانثى مكتمله الانوثه بما انها قبلت في شخص زوجها وقتلت الرغبه في تغييره وفكت تعلقها باي شيء ولمن تبغى شيء تطلب. لمن زوجها يبادر لها باي مبادره طيبه تكون ممتنه. عندها شعور بالامتنان دائما. ما عمرها ترفض شيء هو يعطيها. هو النيه طيبه. طالما كانت التعامل حلو تقبل فيه. شكرا. يعطيك العافيه. الله يخليك. الله لا يحرمنا منك. الله يبقيك. الله يديمك. شكرا من ايد من اعدمها. ده لو هو بادر من عنده وجاب لك شيء بدون ما تطلبيه. لكن لو عندك طلب معين وهو ما جاب لك هو زي ما تبغي عادي. اظهري امتنانك بس قولي له ترموا هذا اللي ابغاك. انت تقصد شيء ثاني. لكن لما هو يبادر من عنده اقبلي هذه لغه حبه. لازم تتقبليها. لما تعترضي او تقولي ما كان في داعي ليش تجيب ليش جبت كده مره اشياء كثيره. ليش ما سويت كده بدال كده كان ما تعبت نفسك كان وفرت احسن. كده ايش هذا رفض للعطاء. وهو ما حيحس شعور حلو. امتني. جاب لك ورده من الحديقه او جاب لك رولكس. امتني.

عاشرا. المراه مكتمله الانوثه ما تنتهي حياتها بعد الزواج. اهتماماتها ما توقف. هواياتها ما توقف. ما تقطع صحباتها بعد الزواج. لو عندها بزنس ما توقفه. تستمر حياتها عادي. في المجتمع يحسبوا البنات انه حياتي توقف بعد الزواج. انه مصطلح متزوجه. انا ترقيت خلاص. انا حصلت على دكتوراه الحياه. ودحين لازم اتقاعد في بيتي. يا حبيبتي الزواج جزء من حياتك. مو كل حياتك. الزواج واحده من العلاقات الكثيره اللي عندك. انت مو بس زوجه. انت بنت. انت اخت. انت ام. انت صديقه. انت دكتوره. انت معلمه حسب وظيفتك. لو كنت ماما. انت موظفه حسب هواياتك. انت رسامه. انت كاتبه. ايا كانت ميولك واهتماماتك. فلو سمحتي لا تخسري كل هذه الحياه. مري فيها. خصصي وقتك لنفسك. لصحباتك. لاهلك. لهوايات. في واحده مشهوره انا مره احبها واحب اللايف ستايل حقها. ا هي ما شاء الله تبارك الله متزوجه وعندها بيبي والان حامل. ما شاء الله تبارك الله. واحلى مثال يطبق اللي انا اقوله. هواياتها. سفراتها. صاحباتها. شغلها. زواجها جزء من حياتها. ما هو كل حياتها. واكيد انه الزواج اهم شيء في حياته. هو جزء جدا جدا مهم. لاني انا مؤمنه بقدس الزواج. وانه شيء لازم نستثمر فيه ونحافظ عليه. بس مو معناها انسى الباقي. الانثى المجروحه تنسى كل شيء. حياتها تصير زوجي زوجي زوجي. ولما يجيها ولد ولدي بنتي بنتي ولدي. تفني نفسها وحياتها عليهم. زي ما قلنا. ولما تشوف واحده مسافره من غير اولادها تقول اوه كيف قلبك يعطيكي. انا ما در انا اتنق عليهم. هي نفسها اللي تقول يو هذه عايشه حياتها. تركي ام ليش تلبسي زي كده. تركي ام ليش تسوي دي الحركات. تركي متزوجه. ايش دخل؟ ما هي العلاقه. لا ارى الرابط. ما ارى. لا ارى العلاقه. الانثى المجروحه زواجها اهم منها هي شخصيا. وعشان كده لما زوجها يعيش حياته تزعل. ولمن اولادها يكبر ويعيشوا حياتهم تزعل. يا اختي لاقي لنفسك حياه جنب زوجك واولادك. بليز. ثانك يو.

النقطه الحاديه عشر. الاستقلال المادي. ما عمري شفت امراه عندها انوثه عاليه ما عندها شغف وحولته لمصدر دخل خاص فيها. ايا كان المبلغ اللي بيجيها من ريال الى مليون ريال. لا تقولي لي وضعي صعب واستنى زوجي يعطيني فلوس. ولا مضطره عليه انا اصلا لان انا فقيره وما عندي اهل ويتيمه ومتزوج ته عشان ما عندي فلوس وما عندي بيت ما عندي مصدر دخل. الاستقلال المادي مهم جدا جدا جدا. لازم تبني نفسك فيه. جيبي مصدر دخل باي طريقه. والان سهل سهل سهل تجيبي مصدر دخل باي طريقه باستخدام اشياء بسيطه جدا. اهم شيء يكون عندك شيء انت شاطره فيه. او عندك شغف تقدري تنميه وتصيري شاطره فيه. عندك حب للخياطه نمي الحب وشوفي فيديوهات. صممي. خيطي. افتحي حساب انستقرام. بيعي. افتحي حساب يوتيوب. علمي. عندك علم معين افتحي قناه في اليوتيوب وعلمي الناس. كوني مدرسه خصوصيه. علمي اولاد الجيران. عندك حب للطبخ نميه اكثر. اتفرجي. خذي كورسات. اسوي وجبات معينه بيعيه للجيران. بيعيه للصاحبات. كبري الدائره. بيعيه اون لاين. سوي بوفيهات عزائم الى اخره. شوفي ايش الشيء اللي انت شاطره فيه. عندك حب للاطفال اعرضي للحي انك تمسكي اولادهم كحضانة. تواصلوا معاك عشان تسوي لهم هذه الخدمات ويدفعوا لك مبلغ مادي. طبعا سواء كانت كل شيء ديجيتل. سواء كان رسم. سواء كان ترجمه. سواء كان تعليم. ايا كان. تعرفي ترسمي تطوري مهاراتك. اعلمي الرسمه الديجيتال من اليوتيوب. كل شي في اليوتيوب. اعرضي خدماتك للمحلات في الحي حقكم. الان زمن في فرص كثير انت تقدري تخلقها وتسالي الله وهو يفتحها عليك. لا تقولي ما اقدر. لا تقولي ما اعرف. يعني عندنا كل المصادر. هذا الزمن الوحيد اللي البني ادم عنده جميع المصادر في متناول يده. شوفي الشيء اللي انت مستعده تقضي فيه ساعات طويله وحوليه لفلوس. اعتمدي مادي على نفسك. حتى لو زوجك يعطيك فلوس شيلي منها على جنب عشان ايش؟ لكي وللزمن. عشان الفلوس حريه. ما تدري ايش الايام تسوي وتحتاجي شيء تلاقي عندك. ما تضطري تتحملي وضع ما يليق فيك بس عشان ما عندك فلوس.

النقطة 12. لو زعلتي من كلامي وبداتي تفقدي الامل بسببه. هذه الخطوه حتخليك تتشجعي وتتغير وتوازن انوثتك. لانه اغلب النساء اللي انوثتها مكتمله بداوا بذكور عاليه. وتعلموا و وازنوا انوثتها عن طريق معالجه الذات. هي عندها مشاكل في طفولتها. عند محيط ما يشجع انوثتها. عايشه لوحدها. هي اضطرت تكون الذكر والانثى. عاشت صدمات كثير. ادمرت كثير. ما كانت تعرف نفسها. ما كانت تحب نفسها. ثقتها بنفسها كانت صفر. ولكن هي عالجت نفسها. وبدات من الصفر. وصارت انثى. وحياتها صارت سهله وجميله. والكون كله صار مسخر ليها سبحان الله. من فوائد الانوثه انك فعلا تبداي تعيشي حياه سهله و. نتكلم زياده عن ذا الموضوع في فيديو موازنه الطاقه الانثويه.

اخر نقطه اخيرا في هذا الفيديو هي النقطه 13. الانثى المتكامله انثه حب من قلبها وما تخاف تبين حبها وتعبر عنه. بس ضروري يكون للشخص الصح. ويكون في المكان اللي يقدرها. يعني لو زوجها كان انسان يعني رجال بمعنى الكلمه ومو مقصر معاها. هي استحاله تبخل عليه بكلمه حلوه. استحاله تبخل عليه بالحب. هتعبر له عن الحب بكل الطرق اللي هي تبغى تعبر له بها. هتعبر له بالاغاني. هتعبر له بالاشعار. حتقول له كلام حلو. حتط بخ له الطبخات اللي يحبها. الاشياء البسيطه اللي تراعيه فيها. لمن يوحشها حتقول له. لمما يسوي شيء تحبه حتقول له. ما عندها خوف انها تبين له الحب وتبين له الاهتمام. ما تقول مثلا انا لو بينت له حبي يضمني حيروح ويسيبني. ما عندها شيء يكبح حبها ومشاعرها. طبعا انا ما بتكلم عن المشاعر الزايده. لانه لازم تكون مشاعرك موزونه كانثى مكتمله الانوثه. لانه الانثى الموزونه ما عمرها حته في شخص. ما عمرها تهيم فيه. هي بس تحبه تالفوا وترحموا. شعور جميل. شفتي ذاك الشعور اللي نشوفه في المسلسلات اللي نحس فيه بقوه ويتمكن من تفكيرك وقلبك وعقلك. هذا سم ما هو حقيقي. هذا ما هو حب. ماهو هذا ما هو طبيعي. هذا تعلق. ما في هيام وما في عشق. وما حتموت عشانه. هذا شعور سام ويضر بصاحبته. لانه العشق مرض عضال. ولو كان ضروري بين الزوجين كان الله قال وجعل بينهما محبه وعشق وهيام. لكن هو وقال موده ورحمه. لانه هذه احلى واشمل واهم من الحب والعشق. وتكلمنا عنهم بالتفصيل في فيديو العلاقات العاطفيه تظلم الانثى وتنفع الذكر. وقلنا معنى الموده والرحمه بالتفصيل.

وصلنا لنهايه هذا الفيديو. شكرا لحسن استماعكم. وان شاء الله كلامي ما كان عورك مره. استخدموا الالم في التطوير وفي معالجه وموازنه الطاقه الانثويه. ونشوفكم في فيديو كيف اوازن الطاقه الانثويه باذن الله. ودمتم سالمين.