لماذا تخضع المرأة للرجل العنيف وتتمرد علي الرجل الطيب ؟! كشف سر تناقض المرأة بين الخضوع والتمرد!

ايه السبب العلمي وراء الواقع المرير اللي احنا عايشين فيه؟ واللي بيتلخص في فكرة إن الستات بتلاقيها بتتودد وبتخضع وبتكون كيوت قوي ومطيعة قوي للراجل العنيف، الراجل الصعب اللي ما بيسمحش لحد يقرب من حقوقه.

وفي نفس الوقت تلاقي الستات دول برضه على الناحية الثانية متمردة ومش مطيعة أبداً وصعبة، وهي اللي تلاقيها عنيفة مع الشخص الطيب اللي هو مستعد يضحي بحق من حقوقه عشان خاطر يخلي الحياة بينه وبين الست اللي قدامه أسهل.

والحقيقة إن مش الهدف أبداً بتاع الفيديو ده إن أجي أقول لك خليك راجل عنيف وصلّيط اللسان وصعب، وأوعى أبداً تكون إنسان طيب. ولا الهدف بتاع الفيديو ده إن أجي أشتم لك في الستات وأقول لك عليهم إنهم كائنات أو جنس سيء جداً زي فيديوهات كتير ثانية ما بتعمل.

الهدف بتاع الفيديو هو مصلحتك أنت كراجل. الفيديو ده معمول لمصلحتك أنت. أنت لازم تتقبل الواقع المرير اللي إحنا عايشين فيه وتعرف إزاي تتصرف معاه زي ما أنا هقول لك في الفيديو ده.

وفي الآخر اتس أب تو يو، أنت حر. أنت عايز تتقبل الواقع ده وتعرف إزاي تتصرف معاه صح، فبجد برافو عليك. لكن لو أنت مش عايز تتقبل الواقع ده، فما تكملش الفيديو. بس في الآخر شيل شيلتك، لأن شيلتك دي أنت اللي هتشيلها لوحدك. لا أنا ولا اللي حواليك هيشيلوها. أنت اللي هتشيل شيلتك.

وخليني أديلك مثال بسيط كده عشان تفهم قصدي كويس. تخيل كده لو في عربية مرسيدس موجودة في صحراء، والعربية دي متسابَة مفتوحة وجواها مليون دولار. وأنت في الآخر جبت 100 شخص عديتهم جنب العربية دي، وزي ما قلت ما فيش كاميرات ولا في أي حد حواليك ولا في أي حاجة. الواقع المرير بيقول إيه؟ إن على الأقل 90% من الناس دول، الناس اللي هتشوف العربية دي، هتاخد العربية بالفلوس اللي فيها وتمشي. ده الواقع، سواء كان إحنا نقبل الواقع ده أو نيجي نقول إن دول الناس الوحشة.

لكن لو حد متربي وكويس مش هيعمل كده. بس الواقع بيفرض نفسه في الآخر، وهي فكرة إن على الأقل على الأقل 90% أو 90 شخص هياخدوا العربية باللي فيها ويمشوا. واللي ما بيعرفش يسوق هيسرق الفلوس بس وياخد بعضه ويمشي.

وده بالظبط نفس الهدف بتاع الفيديو ده. الهدف بتاع الفيديو ده إنه واقع مرير إحنا عايشين فيه، إن الستات الزمن دي للأسف سيئين جداً. أنت عايز تقبل الواقع ده، عايز ترفضه، دي حاجة هترجع لك. لكن ده الواقع اللي إحنا عايشين فيه. الفكرة كلها إنت إزاي تعرف تتصرف مع الواقع ده بحيث تحمي نفسك.

بس قبل ما أبتدي أقول لك إيه السبب ده، ما تبخلوش عليا باللايك، لأن اللايك بيزود انتشار الفيديو وبيساعد القناة بتاعتي تكبر أكتر وأكتر. وفي نفس الوقت لو لقيتوا الفيديو ده مفيد وحسيت إن في حد محتاج الفيديو ده، ابعته له، لعله وعسى تاخد أجر وثواب إنك ساعدت الشخص ده.

ودلوقتي خلونا على طول نخش في موضوع الحلقة، تناقض المرأة في بره الصندوق. السبب العلمي وراء فكرة إن الستات بتلاقيها بتتودد وبتخضع ومطيعة جداً للرجالة العنيفة، وفي نفس الوقت هم نفس الستات دول بتلاقي متمردة وهي اللي عنيفة ومش مطيعة أبداً للراجل الطيب.

هي فكرة المساحة، هشرح لك يعني إيه. بص يا سيدي، اعتبر كده إن إنت ليك مساحة معينة، حقك تتحرك فيها زي ما أنت عايز. المساحة دي اللي هي حقوقك. فأنت بالتالي حقك تاخد حقوقك زي ما أنت عايز. المساحة دي خلينا ندي لها رقم اللي هو على سبيل المثال 100. فبالتالي إنت حقك كراجل تاخد 100% من حقوقك. وفي نفس الوقت الست برضه ليها المساحة بتاعتها، واللي هي برضه ليها نفس الرقم 100. كل حد ليه رقم 100.

إنت كراجل حقك تاخد 100% من حقوقك، وهي الست برضه حقها تاخد 100% من حقوقها. المشكلة بقى بتحصل إمتى؟ بتحصل لما بيجي يجي راجل بيبتدي يقرر إن هو يضحي بجزء من حقوقه أو جزء من مساحته. فيجي يقول لك أنا مستعد آخد 70% بس من مساحتي، أو آخد 70% بس من الحقوق بتاعتي، وخليني أضحي بالـ 30% دي عشان خاطر تبقى حياتي بيني وبين الست اللي قدامي أسهل.

لأن خلينا نتفق، الراجل لو قرر ياخد 100% من حقوقه، واللي هو حقه وده طبيعي جداً، فبالتالي ده بيبقى مجهود زيادة شوية على الست اللي معاه. فالراجل بيقرر ساعات ساعات إن هو يضحي بجزء من حقه عشان تبقى حياته بين الست اللي قدامه أسهل.

المشكلة هنا بتحصل إيه؟ المشكلة هنا إن إحنا كرجالة بنبقى فاكرين لما إحنا بنقرر نضحي بجزء من حقوقنا، الست اللي قدامنا هتقدر ده وتشيله فوق الراس. والحقيقة عكس كده خالص. المشكلة إن الستات لما بتلاقي الراجل اللي قدامها ضحى بجزء من حقوقه أو ضحى بجزء من مساحته عشان خاطر يريحها، هي مش بتفهم أبداً إن الراجل ده كتر ألف خيره والمفروض مش بس إن الراجل ده يتشال فوق الراس، لا ده المفروض يتشال فوق الراس وفوقيها كمان 50 بوسة.

الست مش بتفهم كده خالص. الست كده في اللا وعي عندها مبرمج على فكرة إن لما تلاقي الراجل قدامها ضحى بجزء من حقوقه، إن هو من الآخر كده من غير ما أزين الكلام هو مش راجل بما فيه الكفاية. فبالتالي الراجل ده عنده مساحة 30% هو مش واخدها. هل الستات بقى بتسيب الراجل ده في حاله؟ لا، هي بتقرر إن هي تملى الـ 30% دي. فهي بتبقى واخدة الـ 100% من مساحتها وتروح واخدة الـ 30% كمان من مساحة الراجل اللي هو حقوقه اللي هو سايبهم عشان يخلي حياتهم أسهل.

فهي بتبقى واخدة 130% والراجل في الآخر ده بيتبقى له بس الـ 70%. فكردة فعل طبيعية جداً الست هنا بتبتدي تحس إن ليها الابر هاند. بتبتدي تحس في اللا وعي عندها من غير ما تكون مخططة لأي حاجة، هم الستات مبرمجين على الموضوع ده، إلا من رحم ربي، إن هي بتحس إن أنا دلوقتي القوية، إن أنا دلوقتي الطرف الأقوى، أنا واخدة 130% وهو واخد 70%.

أو على الناحية الثانية الراجل اللي قدامي ده مش راجل بما فيه الكفاية. الراجل ده مضحي بـ 30% من حقوقه، وده بالتالي بيخلي الست تتصرف مع الراجل بتحس إن ليها السلطة العليا والراجل هو السلطة السفلى. فبالتالي ما بتقبلش منه كلام، ما بتقبلش منه أي حاجة، ما بتقبلش منه نقد، ما بتقبلش منه أي حاجة إنها تطيعُه في أي كلمة وهو بيقولها، لأنها بقت حاسة إن هي الطرف الأقوى في العلاقة.

على النقيض تماماً بقى الراجل العنيف، الراجل القوي، الراجل الصعب ده، بيبقى طبعاً واخد 100% من حقوقه على أكمل وجه، إن ما كانش هو نفسه جاي أو ظالم شوية كمان وواخد جزء من حقوقها، واخد 20 30%. فالراجل ده بيبقى صعب وبيبقى صليط اللسان جداً. فالست لو فكرت بس فكرت إنها تقرب منه هتسمع كلام ما يسرهاش وهيزعق لها وهيطيح فيها وحرفياً هيفرمها.

فبالتالي هي بتحس بإيه؟ إن أنا الراجل ده ما أقربلوش. فالراجل ده بقى واخد مساحته ماليها تماماً، على الأقل أقل مالي مساحته 100%. فالست كردة فعل طبيعية برضه في اللا وعي عندها بتبتدي بتروح كده في الـ 100% بتاعتها وبتقعد فيها وبتبتدي ترجع تخضع وتتودد للراجل ده.

لأن غريزة المرأة الطبيعية اللي ربنا خلق عليها المرأة إن هي بتخضع وبتتودد للراجل. دي الغريزة اللي ربنا حطها في كل ست، زي ما ربنا حط في كل الراجل إن هو إحساسه إن أنا ليا الابر هاند. مش ليا الابر هاند عشان أنا إنسان أحسن منها ولا أنا هخش الجنة وهي هتخش النار، لا خالص. أنا الابر هاند لأن أنا مسؤول منها، فانا لازم طالما أنا مسؤول منك يبقى أنا ليا سلطة عالية عليك، أو سلطة أعلى منك، وأنت لازم تطيعني، وإلا أنا هنا ما بقتش اسمي مسؤول.

فبالتالي المشكلة الحقيقية بتكمن فين هنا؟ المشكلة الحقيقية بتكمن فيك أنت، أو بتكمن فينا إحنا كرجالة. إحنا كرجالة بنبقى للأسف فاهمين إن أنا لما أسهل عليك الأمور ولما أنا أضحي ببعض حقوقي، سواء كان في مرحلة التعارف أو الخطوبة أو حتى ما بعد الجواز، إن أنا لما أبتدي أسهل عليك وأضحي بحقوق من حقوقي، إحنا بنبقى فاكرين كرجالة كده إن الست هتقول يا سلام الراجل اللي معايا ده ما حصلش، الراجل اللي معايا ده ما فيش منه.

واللي هو الواقع الحقيقة فعلياً بتقول إن اللي بيعمل يعمل كده واللي بيضحي من حقوقه عشان يسهل حياته مع مراته ده مش بس راجل ده سيد الرجالة والله. لكن للأسف الزمن ده أو الستات عامة ما بيفهموش كده خالص. الست بتفهم إن الراجل قدامي مش راجل كفاية لدرجة إن هو مستعد يضحي بالحقوق بتاعته.

فالحل هنا دلوقتي بسيط جداً. الحل إن أنت كراجل لو لقيت نفسك في الوضع ده إنك ترجع تاخد حقوقك كلها كاملة 100% في كل حاجة. حرفياً جوه البيت، في بره البيت، في لبسها، في طريقة كلامها مع اللي حواليها، إمتى تروح، إمتى ترجع، الأكل، الشرب، العلاقة الحميمية اللي بينكم، كل حاجة هتاخد حقك فيها كامل.

ساعتها أنت هتبتدي تملى الحتة بتاعتك على الآخر، وساعتها هي لوحدها كردة فعل تلقائية هتروح تكن في الـ 100% بتاعتها في المساحة بتاعتها، وساعتها هتلاقيها بتخضع وبتتودد ليك زي ما أنت بتحلم وأكتر.

ودلوقتي وصلنا لنهاية الفيديو. لو أنت كملت الفيديو للآخر، فأحب أشكرك جداً إنك كملت معايا للمرحلة دي. وزي ما قلت في أول الفيديو، ما تبخلش عليا باللايك عشان خاطر القناة بتاعتي تكبر أكتر وأكتر. وفي نفس الوقت لو لقيت حد محتاج أو حسيت إن في حد فعلياً محتاج الفيديو ده، ما تبخلش عليه إنك تساعده، لعله أو عسى تاخد أجر وثواب إنك ساعدت الشخص ده.

لو حبيت تعرف ليه لازم تكون حذر جداً لو قررت ترتبط بواحدة مطلقة، بشوف الفيديو اللي طالع قدامك ده. السلام.