بودكاست معاني .. سلسلة الوهم من عمل الشيطان .. مع د\عمرو خالد

هو شايف أن الحالة الاقتصادية صعبة جداً، وأن في ناس بتسيب شغلها. دي حقيقة، دي فاكت، ده واقع. حصل إيه؟ هو قاعد في مكتبه بيشتغل، وعمال يقرا أن فلان بيسيب الشغل، والدنيا فيها كذا كذا كذا. فهيبدا يصيبه هم على المستقبل، ويبدا السلسلة: أنا هسيب الشغل، وهيرفدوني، وأنا لو رفدوني مش هلاقي شغل تاني، فأنا هقعد البيت. فهيجي لي اكتئاب، وأولادي هيسيبوا المدرسة نتيجة أن أنا مش هقدر أصرف عليهم. فأولادي هيبوظوا حياتهم. فأنا هكتب أكتر: أنا انتهيت. وهو قاعد على مكتبه، يعني هو لسه موجود في المكتب، وهو لسه بيشتغل، بس تخيلوا. والموضوع له أصل، بس شوف سلسلة الهم ده. هم شفتوا؟ عرفتوا ليه بنفرق بين الحاجات وبعضها؟ لأن ده كلام على المستقبل. طب وهي السلسلة دي مين اللي بيعملها؟ الشيطان. لأن أنت فاهم غلط، أنت فاكر أن الشيطان بس عايز يدخلك النار، وعايزك تعمل ذنوب ومعاصي. لا، الشيطان بيكرهك. "إن الشيطان لكم عدو فاتخذوه عدوا". قال: "أنا خير منه، خلقتني من نار وخلقته من طين". اللي أنت خلقته ده أنا أحسن منه. فهو بيحسدك، بيحقد عليك، وبيكرهك. فحتى لو الشيطان عارف أنك كده داخل الجنة، بس أنا أؤكد عليه، يعني داخل الجنة، طب خلاص سيبّه. لا، أعيشه متنكد، ما يمكن النكد ده يخليه يسيب دينه، أو يقل إيمانه في ربنا، أو على الأقل على الأقل حتى لو ما حصلش كده، أهو يعيش متنكد، أشفي غليلي منه شوية، حتى لو داخل الجنة. فحلّه إيه؟

الشيطان. الاسترسال مع تضخيم الهم. هي بتتفرج على مسلسل، إن واحد أضرم مراته، وطلقها. هي قاعدة مع جوزها، فبدا على فكرة الحكاية دي بجد حصلت، يعني فيبدا يتولد جواها: هيعمل جوزي فيا كده؟ هي بتتفرج على المسلسل في التلفزيون، فتبدا تشك فيه، وتبدا تغير معاملتها معاها، وتبدا: أ، مش طايقاها. والراجل، يعني الراجل لسه ما عملش حاجة، بس هي حصل عندها هم بالمستقبل نتيجة يا إما بقى مسلسل، أو واحدة صاحبتها حصل كذا. والحياه مليانة طبعا، للأسف، رجال بياذوا ستاتهم، بس هي بقت: هو حلو إن الإنسان يبقى حذر، بس وحش إن الإنسان يسترسل مع سلاسل الوهم. فهي تضخيم مع سلاسل وهمية. كيف تتخلص؟ كيف تواجه؟ وكيف تخفف مشكلة الهموم والاسترسال والتضخيم؟ هقول لك حل علمي، وحل روحي. أما الحل العلمي، فمن علم النفس الإيجابي: اقطع السلسلة، سكت صوت الشيطان في دماغك، اسكت، ستوب، وقف، الشيطان عند حدوده، قول لعقلك الباطن: اقف، كت، اقطع السلسلة. سلسلة إيه؟ سلسلة الوهم، النكد، الهم، والغم. ستوب، وقف. أيوه، هي دي تنفع؟ طبعا تنفع، بس أنا ما بعرفش أعملها. بالتدريب. طب أنا ما كنتش بعرف أعملها. يعني اللي بيكلمكم ده، أنا مش جاي أقول لكم كلام كتب، أنا ما كنتش بعرف أعملها، والواحد يقعد يسترسل، والهم يزيد، والهم يزيل. ستوب، اقف. وبيحصل إزاي؟ بيحصل بالتدريب. إنك تعمل إيه؟ إنك: أ، أول ما تجي لك السلسلة دي، تقوم مغير مكانك، أ، تقوم ماسك الموبايل، وعامل فيه حاجة، داخل متفرج على، تقوم تتفرج على الماتش كرة، أ، ترفع التليفون، كلم واحد صاحبك، أ، تدخل في موضوع ثاني، تنشغل بحاجة عملية، تحضر، تشتغل، اكت، بدل ما أنت عايش في سلسلة الوهم. أ، دي طريقة. ده من علم النفس. طب والطريقة الروحية؟ أحلى منازل جميلة، منازل روحانية جميلة، اسمها التسليم لله. يا عم اللي سترك زمان، يسترك في اللي جاي. اللي وصلك إنك بقيت قاعد على المكتب ده، وبتقبض المرتب ده، يكرمك في اللي جاي. ليه؟ ليه الاسترسال مع الأوهام؟ سلم لله، سلم لله، تستريح. أنا معاك يا رب، أنا معاك، حط لي مطرح ما أنت عايز، أنا راضي بقضائك وقدرك. أكرمتني كتير، نعمك مغرقاني. أنت يا رب تريد الخير لعبادك، فأنا معاك، أنا مطمئن، اختار لي يا رب، فاختيارك لي خير من اختياري لنفسي، دبر لي يا رب، فتدبيرك لي خير من تدبيري لنفسي. أنا معاك، أنا مسلم أمري ليك، سلمت أمري لله. أما عملية مريحة، التسليم. التسليم لا يلغي المعاناة، ولكن يخفضها إلى الحد الأدنى الذي تستطيع تحمله. فيحصل إيه؟ فمع التسليم، ومع قطع السلسلة، حليناهم. واحد من علم النفس الإيجابي، وواحد من، منزل التسليم، التسليم لله. زائد إيه بس؟ التسليم، لسه، لسه فيه واحدة ثالثة. زائد إيه؟ طلع الحلو اللي جواك. يعني إيه؟ نفس المثالين الأولانيين: أنا مسلم لله، وقطعت السلسلة، بس أنا ما بشتغلش. طب ما هو الهم هيتحول لحقيقة، أحسن يبقى الإحسان مع التسليم، ضمان أكيد هتكسب، هتكسب، أنت تطمئن تماماً. طلع الحلو اللي جواك، لأن ربنا وعدك: "إنَّا لا نُضيعُ أَجرَ مَنْ أَحْسَنَ عَمَلاً". ما تخافش. والله تصدقوا الوصفة الثلاثية دي، مش عايز أقول بقى تخلصك، عشان إحنا قلنا تخفيف، بس الحقيقة إنها تخلصك من الهم والغم والحزن. ليه؟ أنا ما بستجسلش مع الشيطان، وهم الشيطان. اثنين: أنا مسلم أمري لله. ثلاثة: أنا بطلع الحلو اللي جوايا، الإحسان. بطلع الحلو اللي جوايا، عشان ما ألومش نفسي. أنا، أ، خايف أسيب مكاني في الشركة، يبقى الحل الإحسان. هطلع، هعمل أحسن ما أحسن ما عندي، عشان، ورب، ربنا وعدني: "إنَّا لا نُضيعُ أَجرَ مَنْ أَحْسَنَ عَمَلاً". أنا خايفة، زوجي، أنا خايفة زوجي مش عارف يغدر بيا، أنا هطلع الحلو اللي جوايا، لبسا، وشياكة، وروحاً، وثقافة، واهتماماً بيه، و، وروح حلوة، و، ومهتمة بنفسي. خلاص، أحسنت. وفي الآخر ربنا سبحانه وتعالى، أنا مسلم له. ولذلك لما تعمل الغزلة بتاعة التسليم مع الإحسان بنص القرآن، تضمن أحسن نتائج. عشان كده تشوف الآية الجميلة جداً: "وَمَنْ يُسَلِّمْ وَجْهَهُ لِلَّهِ وَهُوَ مُحْسِنٌ". شوف الخلطة، شوف الجمع: يسلم وهو محسن، فقد استمسك بالعروة الوثقى. أنت مسكت في أقوى حاجة، تحييك حياة رائعة دنيا وآخرة، بشرط جمع، جمع الاثنين. وما يجيء التسليم في القرآن إلا معاه الإحسان. طيب، فأنا بقول لكم تاني، إن في ثلاث أشكال تصيبنا بها المنكدات الأربع، الملخص. الشكل الأولاني: أ، تضخيم لمشكلة حقيقية، بس تضخيمها، والاسترسال معها في سلاسل وهمية. الحل إيه؟ من علم النفس الإيجابي: اقطع السلسلة. من الروحانيات: سلم لله، سلمي لله، وطلع الحلو اللي جواك. دي المعادلة الثلاثية للنوع الأولاني. طيب، النوع الثاني إيه؟ لا، مش وهم بقى، ومش تضخيم، مصيبة حقيقية، مصيبة حقيقية، لا وهم ولا تضخيم، أنا فعلاً فقدت حبيب، مصيبة حقيقية. كيف تتعامل نفسياً مع هذه المصيبة الحقيقية؟ الحقيقة: أ، مصيبة حقيقية، خسارة كل فلوسك، مصيبة حقيقية، مصيبة. أنا واحد في مصيبة، و، والمصيبة آنية هنا. يجي الغم. شايفين أهمية التفرقة بين الحاجات دي؟ لأن كل حاجة لها علاجها، وكل طريقة لها علاجها. الغم: أنا جوه المصيبة. كيف تتعامل مع نفسك من أجل سلامة صحتك النفسية جوه المصيبة؟ عندك كذا حاجة: واحد، الذكر. الذكر يا جماعة عند المصائب مخفف، لا تتخيلوه. الذكر يخرجك من وجع المشكلة إلى مربع جديد، التعلق بالله، مالك الملك. الذكر الكثير، الذكر اللي فيه تعلق بأسماء الله الحسنى. أ، يا لطيف، الطب، يا لطيف، أسألك اللطف، يا لطيف، طبنا، يا لطيف، طبنا، يا لطيف، طبنا، يا ستار، استرنا، يا ستار، استرنا، يا ستار، استرنا، يا ستار، استرنا، يا حفيظ، احفظ ولادي، يا حفيظ، احفظ ولادي، يا حفيظ، احفظ ولادي، يا شافي، أشفي ابني، يا شافي، أشفي ابني، يا شافي، أشفي ابني، يا شافي، أشفي ابني. نوع من التوسل إلى الله، مش مجرد دقيقتين في الدعاء، تقعد نص ساعة مع ذكر الله، وأنت بتتمشى، وأنت قاعد في أوضتك. أنت لا تتخيل أثر الذكر في تخفيف المعاناة، أنت لا تتخيل أثر الذكر في إحياء مات من، من روحك. لأن الروح بيحصل فيها نوع من الموت أو الكسرة. ما الذي يحيي الروح؟ "وَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ". الذكر. يقول النبي: "مثل الذي يذكر ربه، والذي لا يذكره، كمثل الحي والميت". أنت محتاجة تذكري ربنا ساعة المصيبة. إيه كمان؟ الصلاة. وفي صلاة معينة عجيبة جداً يا جماعة، إنك ساعة المصيبة تقوم تصلي ركعتين. أنا مش هقول لكم كلام، أنا، أنا قريته، أنا هقول لكم على حالتي الحقيقية. لا يمكن يجيني خبر وحش، أو حاجة تقلقني، وأقوم أصلي الركعتين، إلا منتهى السكينة والهدوء النفسي، لدرجة إن أنا بدأت أحفظ. ها حصل الموقف الفلاني، قبل ما تشتكي لأي حد، أي، قبل ما تاخد أي أكشن، قبل ما تعمل أي تليفونات، قوم صلي ركعتين، وتكتشف إن دي سنة النبي صلى الله عليه وسلم. كان رسول الله إذا افزعه أمر هرع إلى الصلاة. الآن من حاجة، يقوم يصلي ركعتين، سمع خبر وحش، يقوم يصلي ركعتين، أ، جاله خبر مؤلم، يقوم يصلي ركعتين. وأنا يعني طول عمري كنت بقرا الحديث ده، يعني ماشي، عمري ما تخيلت إن ده دواء، لغاية ما جربته بنفسي. مرة جالي خبر صعب جداً، فافتكرت حديث النبي: "كان رسول الله إذا افزعه أمر هرع"، يعني على طول. فاليوم ده كان يوم تغيير في دماغي، شفت رهيب في حياتي، إن أنا قمت بسرعة توضيت وصليت ركعتين، مش حاجة مش عارفة تتوصف على حالة السكينة والهدوء النفسي، والتخفيف للمعاناة اللي بتحصل مباشرة بعد سبع المصيبة. أنا، أنا، يعني أنا في حالة انبهار إلى الآن، إنه ولا مرة، ولا مرة يجي لي حاجة وحشة، وأصلي الركعتين، إلا وأهدأ نفسياً، وأحياناً مرة ولا حاجة أنسى، فأفضل تعبان، لغاية ما أقوم أصلي الركعتين. وصية جميلة، روحانية رائعة. المصائب الحقيقية، الوهم هناك قلنا إيه؟ رحنا العلم النفسي الإيجابي بيقولنا: سكت صوت السلاسل الوهمية من الشيطان بإيه؟ اقطع سلسلة، خد قرار: لا، مش هسترسل. إنما هنا ما فيش قطع للسلسلة، هنا في مصيبة حقيقية، فالحل يكون إيه؟ الحل الروحاني: الذكر. الحل الثاني: صلاة ركعتين، ممكن يكونوا الصلاة هي الصلوات الخمس، يعني مش لازم، لكن مش في وقت الصلوات الخمس، قوم صلي ركعتين. الحل الثالث: سلم لله. ثاني، التسليم، جهاني. ليه أسلم لله؟ امسك السبحة، واقعد قول: "لا حول ولا قوة إلا بالله". ما هو التسليم، الذكر بتاع التسليم هو: "لا حول ولا قوة إلا بالله"، "لا حول ولا قوة إلا بالله"، "لا حول ولا قوة إلا بالله". إيه العلاقة؟ "لا حول ولا قوة إلا بالله"، معناها ما فيش حاجة تحصل لي إلا بحول الله وقوته. لا حول عن المصائب، ولا قوة على الخير إلا، إلا بالله. لا حول عن الشر، ولا قوة على الخير إلا بالله. لا حول عن مصائب، ولا قوة على النجاحات إلا بالله. لا حول عن المعوقات، ولا التحديات، ولا قوة على التفوق والتميز إلا بالله. لا حول ولا قوة إلا بالله. لا فاعل في الكون إلا الله. لا يكون في ملك الله إلا ما يريد الله. لا يجري تحت سمائه إلا ما يريده هو. اهدى بقى، سلم لله، سلم لله. ذكر، صلاة، تسليم، كلها حاجات روحانية رائعة ساعة المصايب. التسليم بيعمل معاك، الناس ممكن تفهم إن التسليم ده عمل سلبي، التسليم ده عمل إيجابي جداً. ليه؟ لأن هو علمياً بقى، نروح لعلم النفس الإيجابي، التسليم معناه إيه في لغة، باللغة الإنجليزية مثلاً، الاكسبتنس، القبول. اقبل، طبعاً هم هناك بيقول لك: اقبل الحياة، إحنا بنقول: اقبل قدر الله، واقبل الحياة. كلمة مش ممسوكة قوي، لكن اقبل قدر الله، كلمة معناها إن الخير جاي، فإحنا تسلمنا أقوى من كلمة اكسبتنس بكثير. لكن الاكسبتنس، أو القبول، أو التسليم بيعمل إيه في العقل الباطن؟ بيحرر العقل الباطن من الضغط العصبي بتاع: أنا عايش جوه المصيبة، بيشيل حالة الإنكار: إن أنا مش عارف إزاي ده حصل، قابلت، يحصل إيه للعقل؟ يهدى. فتبدا تاخد بدائل، وتتحرك، تدور على اختيارات صحيحة تحل بيها مشكلتك، فتطلع أحسن ما عندك. ده النوع الثاني من المصائب، بتيجي إزاي، أو الأشكال اللي بيصبنا بها المنكدات الأربع: الهم، والغم، والحزن، والكرب. [موسيقى]