تهديد مصر.. إيران تضرب غاز المتوسط وتحرق الإمارات.. ضرب جيش السعودية..الخطر يقترب جنوب مصر..كواليس؟!

تهديد صريح لمصر. ايران تعلن رسمياً، أو تقدر تقول إعلان أو تهديد ما قبل الإعلان. قصة إيه؟ إن إيران بتهدد بحرق حقول غاز المتوسط الخاصة بمين؟ هنحكي بالتفصيل في لايف النهارده، لأن الأمور بتخرج عن السيطرة زي ما قلنا. وهناك أهداف أخرى بتعلنها إيران أنها بتنضم إلى الصدام، أو تقدر تقول إلى الحرب الإيرانية. تفاصيلها بكل كواليسها هنحكيها في لايف النهارده. وقصة غاز المتوسط والرد إزاي جه سريعاً من القاهرة. مش كده وبس، عندنا كمان حرق الإمارات حرفياً. الإمارات دلوقتي بتحرق، بتجر إلى حرب. ولو أعلنت الحرب فالمنطقة كلها رايحة في اتجاه تاني خالص. وده زي ما قلت لحضرتك أكتر من مرة، ضغط على الإمارات. إيه اللي حصل؟ تم بالفعل توجيه ضربات عسكرية من العيار الثقيل إلى الإمارات خلال الساعات القليلة الماضية. بالإضافة إلى إعلان من ساعات بسيطة، أو من دقائق تقدر تقول الدنيا في الداخل الإماراتي. الإعلان ده مين صاحبه؟ صاحبته إيران. تفاصيله إيه؟ هنحكيها في لايف النهارده، لأن ده يعد أول اعتداء صريح حقيقي على السيادة الإماراتية، سيادة دولة من دول الخليج. بأي حال من الأحوال، مهما كان وجهتك ورايتك أو رؤيتك للموضوع، عايز أقول لك إن القصة بقت مختلفة بعد الإعلان ده. بنتكلم كمان عن ضرب الجيش السعودي، بمعنى أدق ضرب قواعد جيش السعودية. القصة القواعد العسكرية الخاصة بالجيش السعودي ضربت صباح اليوم، أو الساعات الأولى من صباح اليوم. بتفاصيل مهمة جداً ما تمش الكشف عنها إلا من دقائق بسيطة. وبعض وسائل الإعلام في أضيق الحدود اللي بدأت تسرب النقطة دي. وجايب لك تفاصيل تخص دبلوماسي ما تمش الحديث عنها في النقطة دي، لأن السعودية كانت بتتكتم حتى لا يتم إحراجها أكثر من اللازم ودفعها أنها ترد وتدخل في حرب. تفاصيل ضرب قواعد الجيش السعودي هنتكلم فيما يخصها. لكن يبدو أن هناك خطر جديد بيحدق بقواعد مصر الجنوبية، أو بحدود مصر الجنوبية. هو بصراحة مش خطر واحد، هم مجموعة أخطار تم إعلانهم خلال الـ 24 ساعة الماضية. وما تمش الحديث عن النقطة دي أو تداولها إعلامياً، لأن الإعلام عندنا مركز أكتر مع الجانب الإيراني. تفاصيل إيه؟ هنحكيها في لايف النهارده.

أهلاً بكم في لايف جديد من لايفات 50 اقتصاد اللي بنعملها بشكل يومي للوقوف على آخر الأخبار، التفاصيل، القصص، كواليس ما يدور في الاقتصاد والسياسة والدبلوماسية وحتى الشأن العسكري. الجميع مرتبط بحاجة واحدة فقط، وهي المصلحة اللي بتحرك اللي حضرتك شايفه ده كله. خليني مع أول خبر وأهم خبر وأول تفصيلة، وهو ما أعلن من إيران نفسها. الحرس الثوري الإيراني، وخاتم الأنبياء، أو مقر خاتم الأنبياء، أو القيادة بتاعته اللي أعلنت أنها بدأت دلوقتي خلال الساعات الماضية تجهز نفسها لاستهداف حقول غاز المتوسط الخاصة بإسرائيل. دي نقطة هتقول لي عادي، هقول لك لا مش عادي. قصة غاز المتوسط دي قصة، قصة أو هي حرب خامدة بتسعى أو بتنتظر من يشعلها. غاز المتوسط منطقة مش سهلة. طب أنت هتضرب إيه في غاز المتوسط بالتحديد؟ قال لك والله عندي حقلين رئيسيين هستهدفهم، وهم حقل ليفياسيان الإسرائيلي والآخر تمارا. الحقلين اللي شبه بيضخوا الغاز لمصر. بيضخوا يومياً حوالي 1.5 لـ 1.6 مليار متر مكعب غاز طبيعي يومياً لمصر. وبالتالي النهارده هل عندك القدرة أنك تضرب الحقول دي بشكل واضح؟ دي نقطة. ولا الصواريخ بتاعتك هتعدي الناحية الثانية وتضرب أي حقل من الحقول اللي موجودة حواليهم، بما فيها الحقول اللي داخل الحدود المصرية؟ ده سؤال مهم جداً. لما تربط السؤال ده بالخطاب اللي ألقاه مرشد إيران مجتبى خامنئي من ساعات بسيطة أو من أيام بسيطة، أول امبارح. عايز أقول لك إن الأمور المفروض ما تعديش كده. ولما تربطها بنفس التهديد اللي خرج من الحرس الثوري بإغلاق وتلغيم مضيق باب المندب، برضه الأمور ما ينفعش تعدي كده. لما تربط كل الأمور دي ببعضها تعرف أن إيران بتوسع دائرة الحرب الإقليمية عشان تشمل دول أخرى. وعشان أبقى واضح معاك ونشرح النقطة دي، قصة غاز المتوسط دي قصة مش سهلة. ممكن تلجأ إسرائيل أنها تشيل حماية جوية أو حماية دفاع جوي عن هذه المنطقة وعشان يتم ضرب أو الصواريخ تستهدف بالفعل حقول الغاز دي بالتحديد. ومش بعيد أن ممكن ده يحصل خلال الساعات اللي جاية. وبالتالي ده هيكون تأثيره واضح على مصر. رقم واحد هيتم قطع إمدادات الغاز الطبيعي عن مصر، لأن في أزمة بالفعل وده حق إسرائيلي طبيعي. وبالتالي تتضرر أنت اقتصادياً. وبالتالي تدخل في معادلة مهمة جداً، لأن الغاز ده أو الحقول دي بالتحديد بيخرج منها غاز آخر بيدخل إلى أوروبا. وبالتالي أسعار الغاز عالمياً هترتفع، بعد ما في توقعات أصلاً بانخفاض أسعار الغاز عالمياً خلال السنة اللي جاية بالتحديد. ده معناها أن السنة دي هتبدأ انخفاضات. فقال لك لا ندخل الغاز مع النفط. يبقى دي نقطة ثانية. وبالتالي النهارده الأزمات الاقتصادية اللي بتزيد أو بتحاصر مصر هتزيد أزمة اقتصادية. هتقول لي عادي ما دي حرب وشغالة، هقول لحضرتك أنا معاك.

أما بقى قصة غلق باب المندب، واللي اتكلمنا عنها من يومين ثلاثة، فجالنا كم كبير من الأسئلة. كنت عايز أجاوب على سؤال نقطة مهمة فيه، وأقول لك وأرجع لك قصة غاز المتوسط وأقول لك تأثيرها عليك إيه، خاصة بعد التهديد الصريح اللي أعلنه أو اللي وضحه أو اللي وصله الرئيس المصري عبد الفتاح السيسي امبارح لما كلم مسعود بيشكيان اللي هو الرئيس الإيراني. ما هو كان واضح معاه، قال له إن بنرفض ما يحدث في الخليج، وأن القاهرة بتراقب، وأن لابد من احتواء هذه الأمور وهذه الأزمة. وخد بال حضرتك مسعود بيشكيان راجل طيب، شغل أو شغال رئيس وزراء مش رئيس دولة بمعنى الأدق، لأن الدولة هناك في إيران نظام حكمها مختلف. المرشد هو اللي بيحكم الجميع هو السلطة الأولى. وخد بال حضرتك بعد ما تولى مشتبي خامنئي أصبحت الأمور واضحة جداً أن اللي بيدير إيران هو الحرس الثوري، شبه موجود انقلاب ناعم كده بشكل بسيط. فبالتالي الأمور خارج أضيق أو خارج إيد مسعود بيشكيان، اللي هو رجل إصلاحي في المقام الأول واللي مش عاجبه الأمور اللي بتدير أو بتحدث في الداخل الإيراني. فدي نقطة. طيب تعالى عند مضيق باب المندب، لأن كان في كلام كتير قوي الناس تقول لك لا ما ينفعش وينفع وعملية غلقه من عدمه. سريعاً هقول لك إيه المشكلة في غلق باب المندب. منطقة باب المندب بالتحديد، إحنا بنبص عليها على أنها حدود مصرية خالصة. إزاي يا عاصم؟ هو أنت مش قرأت التاريخ والجغرافيا؟ لا حضرتك اقرأ أنت التاريخ والجغرافيا. حدود مصرية مش معنى أنها حدود تتبع الجغرافيا المصرية، إنما هي حدود تتبع جغرافيا الأمن القومي في مصر. وبالتالي لما قامت حرب أكتوبر 73 وإسرائيل تلقت درس ثقيل جداً، مصر ما كانتش بتحارب من أرض الأرض لاطلاقاً، ده كانت بتحارب في المنطقة كلها. أغلقت مضيق باب المندب لمنع وصول أي تعزيزات عسكرية بأي حال من الأحوال للداخل الإسرائيلي. فإذا هو ومن ضمن حدود حضرتك. إسرائيل النهارده بتحاول تتواجد في أرض الصومال تحت، وكمان المنطقة دي كلها منطقة أزمات مستنية بس اللي يضغط على الزرار عشان يفجرها. فكون أن إيران ومشتبي خامنئي يطلع في الخطاب بتاعه ويقول إن إحنا هننقل الصراع أو ننقل الحرب، ده حتى هو ده التصريح بشكل واضح. قال لك إن إحنا هنفتح جبهات لا تملك أمريكا وإسرائيل خبرة فيها، وجبهات وهنوسع إمكانية توسيع الصراع خارج الجبهات التقليدية الحالية عبر أذرع النظام، حزب الله في لبنان والحوثيين في اليمن. فدي برضه نقطة ثانية مهمة لازم تاخد بالك منها. يبقى أنا النهارده بتكلم عن القصة دي، يعني أنت بتفتح جبهات أخرى، يعني بتتكلم عن أو لم حتى من ضمن التلميح إلى إمكانية غلق مضيق باب المندب، وده اللي أكده الحرس الثوري الإيراني. غلق مضيق باب المندب معناه بشكل واضح جداً شل وتعطيل قناة السويس اطلاقاً. هتقول لي إحنا مالناش علاقة، لا ليك علاقة حضرتك. أولاً جيش مصر مش هيسكت. جيش مصر منتشر على كافة الجزر السعودية والسودانية وحتى اليمنية المتواجدة في البحر الأحمر بالتنسيق مع هذه الدول. خد بالك يعني اليمن فيها حالة اختلاف رهيبة جداً، برغم كده أنت منسق معاه أنك تتواجد عشان تحمي هذه المنطقة. المنطقة دي منطقة نفوذ خالص لمصر والسعودية والسودان عشان أبقى واضح معاك. دي نقطة. النهارده إثيوبيا بتحاول تدخل عشان تعكر صفو هذه المنطقة ومصر. فالنهارده لما تيجي تغلقها لي بألغام عن طريق جماعة الحوثي في اليمن أو غيرها، كلمة ألغام أو تلغيم المضيق مش سهلة، لأن ده معناه ممنوع منعا بات مرور السفن. لأن ده مش سهل. وقصة بقى الألغام بتترمي بالطريقة القديمة اللي تابع حرب العراق زمان، حرب الخليج الأولى، هيعرف أن الإيرانيين ناجحين في النوع ده من تلغيم المضايق. فانت النهارده لما تقفل المضيق ده وأنت قافل لي مضيق هرمز، أن كان مضيق هرمز أصل على قناة السويس، ما هو حضرتك ربع الإنتاج العالمي بين النفط والغاز، الناس بس اللي مش مستوعبة القصة دي. بتتكلم أنت بتتكلم أن الربع ده كان المفروض بتعدي بيه الناقلات من عند حضرتك. فوقف من مضيق هرمز، فبالتالي أولى أنه يقف من عند. وبالتالي انخفاض عائدات قناة السويس، وبالتالي تراجع الحصيلة الدولارية، وبالتالي تراجع المعروض من الدولار، وبالتالي انخفاض سعر الجنيه، ارتفاع سعر الدولار، ارتفاع تضخم. أنت خلاص دخلت الحرب، أهلاً وسهلاً. طب استنى علي، ده غير بقى ارتفاع أسعار النفط عالمياً وأنت جاي النهارده تقول لي ارتفاع أسعار الغاز. يجي البعض يقول لي لا، إيران دولة مسلمة لازم ندعمها. ما قلناش لا، نحن ندعمها أنها تدمر إسرائيل وتجيبها الأرض وتذل أمريكا. بس هل النهارده منطقي أن اللي يحصل ده؟ 11 دولة بما فيهم دول الخليج كاملة بيتم ضربها ليل نهار من الجانب الإيراني. وده مقابل إيه؟ يقول لك في قواعد أمريكية عليها. مبدئياً القواعد الأمريكية في الخليج شبه عطلانة خلاص، أصبحت فارغة وتم سحب القوات الأمريكية. فدي برضه نقطة ثانية. يبقى النهارده أولى أنك توجه هجماتك إلى الداخل الإسرائيلي. لكن إيران لديها مشروع. وده يخلينا نرجع للسؤال البديهي، إيه جدول حقيقية للحرب الإيرانية الإسرائيلية الأمريكية؟ النهارده هتقول لي إزاي ده تدمير إسرائيل ما حصلش. وخد بالك ده خطاب شعبوي. والناس والناس وصفحات الفيسبوك اللي شغالة عن أن إسرائيل من الداخل بتمر بأزمات عصيبة وأنهم يعني ضاغطين على المجتمع الإسرائيلي. ما يطلعش أي فيديوهات. الكلام ده مش صحيح. إسرائيل 10 مليون، سهل جداً أنك تطلع الفيديوهات اللي بتحصل في الداخل. آه في أزمات، في خسائر، في توترات، في حاجات كتيرة جداً، لكن كلها خسائر مدنية. أنا يهمني الخسائر العسكرية في المقام الأول، إسقاط طائرات، تفجير قواعد عسكرية، تفجير محطات لوجستية، تفجير أزمات داخلية، وتوريط الجيش الإسرائيلي. لكن الجيش الإسرائيلي وأنا بكلمك دلوقتي بيتقدم في الأراضي اللبنانية. ده النهارده أنت بتتكلم نتيجة الضرب اللي حصل ده في إخضاع لدول الخليج كلها، في تقليص لأدوارها الاقتصادية والسياسية والدبلوماسية، وفي استنزاف لقدراتها الاقتصادية والعسكرية. في نفس التوقيت ده بالنسبة للخليج. بالنسبة لمصر والدول الحالية في ضغط عليها فيما يخص رفع أسعار النفط عالمياً. رفع أسعار النفط مستفيدة منه الشركات الطاقة الغربية اللي شغالة مأمنة احتياجاتها من الداخل الفنزويلي. فنزويلا بتدعم كل دول لأنها من أصحاب أكبر احتياطي نفط في العالم، من أصحاب الاحتياط الأكبر للنفط في العالم، دولة ثقيلة. فالنهارده أمريكا مأمنة نفسها والغرب إلى حد ما، حتى الغرب اللي بيتم الضغط عليه دلوقتي كمان لإخضاعه. ده أو دي اللعبة الأمريكية. كل شوية يهز السوق يشوف مين اللي متواجد عليه ومين اللي كان بيحاول أنه يدخل في صدام معاه. هي دي النقطة اللي لازم كلنا نفهمها أو نفهمها.

النهارده بتتكلم عن كمان إغلاق مضيق هرمز، وبالتالي الضغط على طريق الحرير وتفجيره بعد ضرب ميناء صلالة ومواني جنوب اليمن وكمان مضيق باب المندب وقناة السويس. ده يعتبر ضربت بالفعل كل ده كان طريق الحرير الصيني حضرتك. فانت النهارده أغلقته لي كإيران. النهارده الناحية الثانية النفط وسفن النفط اللي بتدخل وتروح دول جنوب شرق آسيا، سواء النمور الآسيوية أو اليابان أو الصين. كل ده تم تقليصه. تم تقليصه بشكل نهائي. تقدر تقول في كم سفينة بتعدي في اليوم في المنطقة دي بالتحديد وبعضها تم منعه. إذا أنت النهارده بتضغط اقتصادياً على دول جنوب الشرق آسيا. النهارده أمريكا كسبانة، كسبانة بدون أي تحرك ممكن حضرتك تتخيله. ده كل ده وأنت بتحارب ضد الأمريكان وفق الرواية بتاعتك. أمال لو بتحارب معاهم كنت اديتهم مكاسب إيه ثاني أو قد إيه ثاني. فدي برضه نقطة لازم تبقى أنت فاهم القصة فيها إيه. إحنا مش ضد الحرب الإيرانية الإسرائيلية، إحنا داعمين لإيران في ضغطها وضربها لإسرائيل. لكن في نفس التوقيت خد بال حضرتك من الأهداف الخفية لهذه الحرب والتحركات اللي بتجري في الكواليس. أن هي عايزة تطلع من الحرب دي أقوى من الأول وحقها، لكن مش على حسابي أنا، مش على حساب ضرب مصالح. سواء كانت مصر فيما يخص مضيق باب المندب أو قناة السويس. وبرغم كده أنا من أكثر الناس اللي بتشجع على التعاون مع إيران فيما يخص الأوضاع الاقتصادية والتعاون الدبلوماسي والسياسي والتعاون العسكري. لكن تعاون حذر. خد بال حضرتك خد بالك ما يغركش ما تعلنه إيران. إيران حطت هدف رئيسي جداً وهو أن يكون في رفع للعلم الإيراني على الرياض وعلى القاهرة وعلى الرباط. ويا ريت تكون شفت الحلقات اللي إحنا نشرناها امبارح وقصة ضرب السعودية والقواعد العسكرية اللي هناك. فدي برضه نقطة مهمة. آه ممكن يتم استغلال القصة دي بطرد القواعد الأمريكية من المنطقة، وده شيء يكون جميل جداً. ولو أنه مش هيكون على هواء الإيرانيين نفسهم. إيران شئت أم أبيت هي نظام وظيفي. هذا النظام الوظيفي جاي بأجندة وجاي بعقد. والنهارده أنت بتتكلم وبنقول أن في خلاف بالفعل حاصل وبيتم الضغط على الخليج بالدخول الحرب وبالتحديد الإمارات. الإمارات اللي هي بقى ثاني هدف مهم جداً النهارده واللي فيه واحد مهم جداً من العناوين معانا بيخصها، وهي حرق الإمارات. وإن شئت تقول ضرب الإمارات، وإن شئت تقول حرب الإمارات. إيه القصة؟ الإمارات من أكثر الدول اللي هي تقدر تقول مسكن السحب العافية اللي هي تقدر تقول دلوقتي بدأت بالفعل الحرب في الأروقة الدبلوماسية على إيران بحذر. التصريح على الإيراني ده رقم واحد ومحاصرتها فيما يخص السلاح اللي بتحصل عليه. في يوم من الأيام والقصه دي بحيث تنتهي الحرب من هنا تبقى إيران دولة منزوعة السلاح. من هنا كده بدأت الحرب في الأروقة الدبلوماسية. قامت كمان جمدت كل أصول الحرس الثوري والمستثمرين الإيرانيين على أراضيهم. ده رقم اثنين. ده رداً على انتهاك الجانب الإماراتي أو الإيراني ليها. طيب الإمارات ليها سياسة. السياسة دي كلنا في مصر نراها عدائية بشكل واضح جداً، وأن هي بتعبث دايماً في الحديقة الخلفية لمصر، وأن لديها مشروع. المشروع مش لطيف ومشروع وظيفي بما فيها دعم الدعم السريع في جنوب السودان هناك في السودان. وبالإضافة إلى كمان دعم الجانب الإثيوبي. وجاي لك على زيارة أحمد محمد يعني أبي أحمد للجانب الإماراتي والصفقة اللي حصل عليها. الراجل حصل على صفقة هناك. لكن عايز أقول لك أن إيران دلوقتي بيتم الضغط أكتر على الإمارات وضربها أكتر وأكتر، لأنها عندها حمية هتتحرك بسرعة. هي أكتر الدول الخليج لا تتمتع بالدبلوماسية في قصة الرد من عدمه فيما يخص الأسلحة والمعدات والقصه دي وعملية الانتهاك للسيادة بتاعتها. فمن دقائق بسيطة ومن ساعة على ما أعتقد صدر توجيه رسمي وإعلان رسمي من الحرس الثوري الإيراني. الناحية الثانية وعشان يعلن ويخاطب الشعب الإماراتي بالابتعاد عن الموارد وعن القواعد العسكرية وعن المطارات وعن مقرات شركات التكنولوجيا سواء أمريكية أو إماراتية لها شراكات مع دول أخرى. دول زي مين؟ زي الولايات المتحدة الأمريكية أو حتى إسرائيل. يبقى أنت النهارده أخذت الحرب لمنحنى ثاني خالص وهي منحنى البلطجة. أنت النهارده بتتكلم كإيران مع دول. وعلى فكرة النداء ده ما راحش الإمارات فقط، ده كمان راح السعودية. الناحية الثانية يعني أنت بتتخطى قيادات هذه الدول كأنهم مش فارقين معاك. فانت النهارده بتتعامل منك للشعب على طول، كأنك أنت بتوجه الطلبة. فلما تيجي تربط ده بقى الحرس الثوري وتحركاته وما أعلن من شوية عن ضرب غاز المتوسط والقصه دي كلها، لازم نشك في جدول الحرب الإيرانية من أساسه. لازم نشك أن الحرب دي مش موجهة في المقام الأول لإسرائيل، إنما للمنطقة كلها. بالدليل اللي شايفه حضرتك قدامك دلوقتي. النهارده لو كنت أنت بتتكلم وفق التقرير اللي طالع نفسه من إيران، بنتكلم عن أن 40% من الصواريخ راحت إسرائيل أو موجهة أو ضربت ناحية إسرائيل. إنما 60% ضربت ناحية الخليج نفسه. وبالتالي النهارده بيتم إسقاط الخليج بالفعل حضرتك وأنا بكلمك دلوقتي الخليج بيسقط. دي نقطة مهمة. هقول لك أخبار الصفقات التسليح دلوقتي حالا. أهون الأستاذ أحمد سمير حاضر حاضر معانا كم خبر مهمين.

فأنا بنتكلم النهارده أن في تصعيد جديد بتشهده المنطقة. في نفس التوقيت هناك تحركات. تحركات هحكيها لك بس بعد ما أقول لك عنوان مهم أنه هناك ضرب دلوقتي وأنا بكلمك لقواعد الجيش السعودي. جيش السعودية بيتم ضرب وأنا بكلم حضرتك دلوقتي. إزاي ده بيحصل؟ آه، النهارده تم إطلاق كم كبير من صواريخ شاهد، مسيرات شاهد الإيرانية والصواريخ الأخرى اللي هي بقى الصواريخ الشيطانية وغيرها، زي ما تقول سميها بالأسماء اللي هم بيقولوا عليها دي. في النهاية أنت عندك في ضرب لأكثر من قاعدة جوية سعودية وحتى النهارده القش بدأ يطالب قواعد برية. النهارده الرياض عاصمة السعودية بتقصف عادي كده عالم في يعني في وسط النهار. النهارده بنتكلم كمان عن المواني السعودية شبه أصبحت معطلة فيما يخص غرب السعودية. أما ما يخص الشرق ففي استهداف من وقت للثاني لمواني البحر الأحمر بعد إعلان السعودية أنها خلاص هتصدر النفط والغاز بتاعها عن طريق هذه المواني وأن نقلات النفط بدأت السعودية تجيبها من كل العالم وتأجرها بكميات كبيرة جداً عشان تقدر أنها تنقل هذا النفط. كمان بالإضافة إلى أن الإمارات والسعودية أعلنوا رسمياً أن هم خلاص هيبدأوا تصدير النفط والغاز عن طريق مصر وعن طريق البنية التحتية اللوجستية لمصر. أنا عارف أن مصائب قوم عند قوم قد تكون فوائد، لكن في النهاية إحنا اللي بنتضرر أكثر وأكثر من هذه القصة، خاصة وأن البنية التحتية فيما يخص عملية نقل النفط غرب السعودية أو عن طريق الخليج العربي أكثر بكثير وأحدث بكثير من البنية اللي موجودة في غرب أو شرق المملكة العربية السعودية. غرب المملكة اللي هي شرق المملكة اللي هي شرق مصر يعني على البحر الأحمر. خلينا نتكلم بالف على البحر الأحمر أفضل. هي دي القصة. فانت النهارده بتتكلم عن ضرب قواعد الجيش السعودي، خسائر كبيرة جداً فيما يخص سلاح الجو السعودي في واحدة من القواعد العسكرية بما فيها قاعدة سلطان الجوية. برضه دي واحدة من ضمن القواعد اللي تضررت. في عدد كبير من قواعد المشاه ما تمش الإعلان عنهم. السعودية بتتكتم بشكل واضح. وحتى المعلومة دي وإحنا بنجيبها من جوه مصادر دبلوماسية سعودية من جوه جوه السعودية نفسها بيبقى في حساسيات وأنت بتاخد من المصادر أو المسؤولين هذه المعلومة بالتحديد. لكن هناك تحركات للأسف الشديد فيما يخص الصواريخ الإيرانية باستهداف البنية التحتية نفسها فيما يخص السعودية. وده مدي حالة من الضيق في الداخل السعودي. السعودية اللي هي شبه خلال الساعات اللي فاتت عملت أكثر من لقاء مع باكستان مع الصين مع دول كثيرة لتمويل إمدادات أو تقدر تقول تأمين إمدادات من الأسلحة والمعدات وحتى الصواريخ فيما يخص صواريخ الدفاع الجوي، فيما يخص الصواريخ القتالية، فيما يخص صواريخ الاستهداف نفسها. فانت بتتكلم النهارده عن أزمة كبيرة بتعيشها دول الخليج. هي النهارده بين قاب قوسين أو أدنى أنها تبدأ حرب أو أنها تعطل. لو دخلت الحرب فهي ماذية وخسرانة بنسبة 100%، لأن أنت بمعنى دقة هيتم استنزافك بشكل واضح جداً. وعندك بقى دروس الإمارات من قبلها، دروس العراق، دروس سوريا، دروس دولة زي لبنان. وده برضه شيء يوضح لك أن الحرب الإيرانية مش سهلة بنسبة 100% زي ما أنت فاهم. ده واخدة العداء مع إسرائيل هدف رئيسي لتحقيق ما يحدث من توسع ليها. النهارده أنت بتتكلم أن خلاص لبنان دلوقتي شبه أسقطت. الجيش الإسرائيلي بيتقدم في لبنان بدون أي يعني رادع ليه وبيفضل أي طلب أن هو يتراجع عن لبنان وبيتقرب وبيقصف داخل العاصمة بيروت نفسها. فانت بتتكلم أن الأراضي اللبنانية مباحة وبيتكلم عن أن هو خلاص هيبقى ليه أرض جوه أو هيبقى ليه تواجد جوه في لبنان وعشان يقدر يعني يقدر يصد هذه الضربات في بدايتها. فدي برضه نقطة مهمة لازم تاخد بالك منها. وبالتالي أنا عندي دولة بتقع بتطلع بره التاريخ وهي لبنان. اللي هنصحى الصبح هنبص نلاقيها اتسحبت للداخل الإسرائيلي. إسرائيل المفروض لما تضرب تنكمش، لا ده أنا النهارده بأخذ أراضي جديدة وبضم أراضي جديدة. إذا التواجد الإيراني أو الأذرع الإيرانية المتواجدة في كل دولة اللي بتدي إسرائيل المبرر أنها تدخل تاخذ أراضي وتاخذ ثروات وتسيطر وتضرب دول. ده دي كارثة سوداء. كمان النهارده وأنا بكلمك إسرائيل بتضرب داخل العراق. إسرائيل بتضرب داخل سوريا. وفي دلوقتي لسه بدأت التقارير تتكلم على أنا كلمتك عنه قبل كده أن دلوقتي سوريا تستعد بالفعل لاجتياح وعشان الأراضي اللبنانية عشان تقدر تشتبك مع حزب الله من ناحية وبتحشد على حدود العراق وعشان عن طريق العراق يتم تسهيل دخول المقاتلين السوريين إلى الجانب الآخر في إيران. لأن أمريكا بدأت تفكر في أن يكون في تواجد بري في إيران وضربت امبارح واحدة من الجزر اللي كنا بنتكلم فيما يخصها وهي ضربات أو جزيرة خارك اللي هي الإيرانية اللي بيطلع عن طريقها 90% من النفط الإيراني. لكن في النهاية أنت شفت الضربات دي، شفت التأثير على الأرض. في النهاية هي حرب أمريكا مش عايزة تحسبها، لكن عايزة تديرها. وإدارة الصراع ده محقق مكاسب كبيرة على الأرض. أنا يهمني أن أنت تكون فاهم. البعض دايماً بشكل أعمى كمية هجوم رهيب علينا لما نتكلم عن هذا الدور الإيراني. إحنا عارفين أن إسرائيل سرطان في المنطقة، ربنا يخلصنا منها وربنا يخلصنا من الظالمين بعضهم ببعض. لكن في النهاية عشان أبقى واضح معاك، إسرائيل مش سهلة وعارفة تدير الصراع. وكذلك إيران واحدة من الأنظمة الوظيفية برضه لازم تاخد بالك منها. ده ليه أهدافه وده ليه أهدافه. والأهداف قريبة من بعضها. والاثنين بيلعبوا دلوقتي على وتر السنة والشيعة. ودي برضه حرب طائفية الكل عايز يدخلنا فيها. النهارده إيران عملت إيه بعد ده كله؟ أخضعت العراق، أخضعت لبنان، أخضعت سوريا، أخضعت اليمن. النهارده دمرت الدول الأربعة دي بالتحديد. أنت بتتكلم دلوقتي لم يعد قائماً سوى مصر. دي الدولة الوحيدة اللي واقفة على رجليها دلوقتي. السودان في أزمات، ليبيا في أزمات، القرن الأفريقي في أزمات، الخليج يعاني بالفعل. أصبحت هي مصر بسم الله ما شاء الله. عندنا حدودنا الأربعة يعني حاجة تفرح. كلها مشتعلة زي ما بيقولوا. فدي برضه نقطة كنت حابب أن أنا أوضحها لك وأوضح لك تفاصيلها. السعودية لن تصمت، خد بالك. والنهارده الخليج لو دخل الحرب فهو كده دخل الحرب بالنيابة عن الولايات المتحدة الأمريكية وإسرائيل. وبالتالي هي فرحتهم فينا وفرحتهم في المنطقة. وما يدور في داخل المنطقة. النهارده سيبك من الهجمات الشعبوية. الناس اللي بتقول لك لا، إنها حرب على الإسلام. ده هي مش حتة حرب على الإسلام وخلاص، ده هي حرب عليك وحرب على السنة وحرب على الطائفة أو أن يكون في طائفية. النهارده في أهداف غير معلنة لهذه الحرب. والحرب دي مش سهلة. هتقول لي إزاي يقتلوا المرشد؟ هقول لك إيه يعني؟ وما ثمن المرشد؟ هي أمريكا محتاجة تقتل المرشد؟ تعمل حرب عشان تقتله أو تختله؟ اطلاقاً. كانت ممكن تختله عن طريق فريق أو أي أحد من الداخل. النهارده رؤساء الاستخبارات بيتم استهدافهم داخل إيران نفسها. ده أي دولة ماسكة حدودها بالشكل ده. دي نقطة كنت حابب برضه أحكي لك فيها وأقول لك تفاصيلها بالتحديد.

النهارده بنتكلم كمان عن نقطة مهمة وهي وجود أبي أحمد في الداخل الإماراتي. بيوصل رسالة أن الأزمات اللي فيها الإمارات أنا قادر أن أكون متواجد وجنبك. أنا دولة عندي أكثر من 100 مليون مواطن وعندي مساحات ومحتاج استثمارات. فالنهارده قال يعني بيدي تضامن. بس التضامن ده بقى شفناه في حتة ثانية. شفناه بتقارير وفيديوهات بدأت تنشرها الصحافة الإثيوبية. النهارده بأن في كم كبير من الأجهزة والمعدات والعربات ودفعات كبيرة جداً من عربات القتال وصلت إثيوبيا. عربات إماراتية. دعم إماراتي غير محدود للجانب الإثيوبي. إثيوبيا بتعيد بناء الجيش بتاعها. الإمارات بتستثمر في ده. وفي نفس الوقت بتدعم الدعم السريع الناحية الثانية. ودي برضه الحاجة من ضمن الحاجات اللي قدرت أو الأفخاخ اللي وقعت فيها الإمارات. يعني الإمارات لما دعمت مصر كل سقف لها في 30 يونيو وقامت طهرت مصر من نظام كان هيجيبها ركعة. النهارده لما تبدأ تدخل في السودان بهذا الشكل وتدخل في إثيوبيا بهذا الشكل يبقى أنت كمان وتدخل في الجانب الليبي بشكل آخر يدعم استراتيجية ليبيا. يعني سبحان الله شتم بين هذه وهذه. أنت بتتكلم كمان تدخله في اليمن. وبالتالي بدأ يدخل في صدام مع السعودية. يبقى أنت النهارده بتتكلم عن هو ده الفخ اللي راحت لهلا الإمارات اللي هو تلعب وظيفي لصالح الغير. اللعب الوظيفي ده خلاك النهارده. النهارده أنت متعاطف بشكل واضح جداً مع أي ضربة تتلقاها الإمارات أو أي دولة خليجية أخرى كان لها مشروع ضد مصر أو ضد دول المنطقة. السودان أو غيرها. ده شيء واضح. عشان كده بقول لك أنهم برغم أن هم ناس بيمتلكوا في أهلنا في الخليج ولهم كامل الاحترام والتقدير كلهم أنظمة وشعوب وحكومات. لكن أنا بتكلم عن تحركات الأنظمة نفسها. أنت النهارده بتمتلك أموال كتير، لكن الخبرة عندك ناقصة في تدابير السياسة. هتقول لي ده أقل واحد في مصر فاهم. هقول لك أقل واحد في مصر فاهم اللعبة كاملة. بس ما فهمهاش بسهولة. فهمها بعد ما عرف يدخل اللعبة كلها ويفهم القصة فيها. لكن هناك في الخليج مش فاهمين القصة دي. وبالتالي النهارده الدور الوظيفي اللي بيقوم بيه دول الخليج ده بشكل واضح جداً مخليك أنك مش متعاطف معاه. ويجي الكتاب هناك يسألوا هو ليه بشكل واضح ما فيش تعاطف معانا من الجانب المصري؟ إلا يعني الناس اللي فاهمة قوي. سبب بسيط جداً بسبب هذه التحركات. أنت النهارده لما بتدعم الجيش الإثيوبي، أنا عارف أنه هيشتري سلاح حتى لو من براك. ما فيش مشكلة. أنت بتتكلم دي نقطة مهمة وعارفين القصة. فلكن أنت النهارده لما بتدعم الجيش الإثيوبي، أنت عارف أن في خلاف مع الجيش المصري وأن جيش إثيوبي يتسلح لأجل اصطدام مع الجيش المصري والسيطرة على منطقة القرن الأفريقي وإخضاعها وأن يكون ليه حدود وأن هو يدعم أو يحاول أن هو يحصل على إريتريا بشكل واضح. وده اللي بيحصل النهارده قدام حضرتك. النهارده بتهدد إريتريا ثاني يوم. النهارده بتتكلم عن كارثة كبيرة جداً بتحدث في السودان وهي قصة ما يحدث في الحدود الجنوبية. النهارده بتتكلم عن قصة أسوأ وهي بتحدث في أرض الصومال. أرض الصومال اللي قلت لك من فترة أن إسرائيل بتبني فيها قاعدة عسكرية. لسه بلومبرج ولسه اليوتيوبر ولسه الناس بدأوا النهارده وامبارح وأول يتكلموا عن الموضوع ده. أنا حكيت لك عليه من شهر أن فعلاً في قاعدة عسكرية إسرائيلية هتكون متطورة بيتم بنائها دلوقتي في أرض الصومال. طيب أجيب لك بقى معلومة مش موجودة في أي حد في أي مكان. بس تفاعل بقى معانا باللايك والتعليق والشير في النقطة دي بالتحديد. أيوه المعلومة بقى أن مصر هددت. هددت بضرب هذه القاعدة بشكل واضح. والتهديدات وصلت وأن الصومال هتقوم بضرب القاعدة دي بالتحديد لو تم بنائها. لو إسرائيل عملت قاعدة اللي هي قاعدة فيها أجهزة تجسس اللي هي المفروض تتجسس عن كل ما هو داخل وخارج عن باب المندب والناحية الثانية تجسس في الأراضي اليمنية على الحوثيين. خد بالك أن كان لهم قاعدة زي دي موجودة في إريتريا وعلى بعد بضعة كيلومترات منها تم إقامة قاعدة عسكرية مصرية. وقال لك بقى تحت ضغط أن الحوثي ممكن يضرب قاعدة إسرائيل. لا إحنا نمشي ونسيب إريتريا. خدوا وعدتهم وراحوا بيها على أرض الصومال. دي نقطة واعترفوا بيها وهم الوحدة ومعاهم دولتين كمان معترفين بأرض الصومال. فانت بتتكلم النهارده أن بيتم أو هيتم توجيه ضربة عسكرية لجمهورية أرض الصومال بالتحديد. دي لقطة مهمة لازم تاخد بالك منها ويا ريت تكتبه ده في الكومنتات اللي سامع الحلقة دي مننا قبل كده. النهارده بيتم تأكيد الكلام ده رسمي. دي كارثة سوداء. كده منطقة القرن الأفريقي هتشتعل. ادي واحد. النهارده السودان للأسف الشديد ضباط فيها منشقين بيقول لك أن إحنا بندعم إيران وبندعم الإخوان وضد العقوبات الأمريكية. فانت الأمور في السودان كمان بتسوق. في التوقيت اللي في ضربات من طيران مجهول دخلته عشان تحسم الأوضاع داخل السودان ويقدر أو يقدر الجيش السوداني أن هو يستقل بالأراضي كلها ويطرد الدعم السريع ويحجم الدعم الإماراتي. ليه في التوقيت أن الإمارات نفسها منشغلة. يجي ضباط سودانيين بكل هدوء يطلعوا يقول لك إحنا بندعم الإخوان وبندعم إيران. وكانك بتشعل الداخل السوداني مرة أخرى. ده لمصلحة مين ولصالح مين هنا بقى معظم النار بتيجي من مستصغر الشر. فاكر لما عملوا اجتماع سد النهضة عندنا وقال لك نضربه وكان الكلام ده على الهواء مذاع. نفس القصة بيتم الاستشهاد بهذه التحركات وبالتالي الآية بتنعكس على السودانيين وعلى الإخوة هناك. طيب باعتبار السودانيين بقى قصة السودانيين. ولو أن شايف لا دي نتكلم فيها بالليل أحسن فيما يخص اللاجئين السودانيين على مصر أو في مصر اللي هم بدأوا يستنجدوا بكم كبير من الجمعيات الحقوقية في مصر. وبدأت الجمعيات الحقوقية تتكلم باسمهم هم والإخوة الموجودين الناحية الثانية السوريين اللي هم عاملين ثورة على الداخل المصري يقول لك قاعدين بفلوسنا ومش عاملين بفلوسنا. خد فلوسك وروح في أي بلد ثانية طالما مش عاجبك مصر بالتحديد. بس شوف بلد أمينة زي مصر يعني آمنة زيها يعني. حاول القصة دي كلها يعني من وقت للثاني بتوضح أن الناس دي كانت خلايا نايمة. معظمها كان خلايا نايمة في الداخل المصري. اللاجئين سواء كانوا سوريين أو سودانيين. ومش بقول كله مش بعمم. لكن الغالبية العظمى منهم. النهارده في لايف الساعة 11:30 مساء إن شاء الله هيكون عندنا تفصيلة مهمة تخص القصة دي بالتحديد.

عندنا كمان خبر مهم حابب أختم بيه وهو أن مصر وكوريا الجنوبية يبحثان توطين برنامج الغواصات تايب 214. مصر عايزة تنقل تكنولوجيا تصنيع الغواصات سواء من البراكودا أو حتى الفرنسي أو حتى الإسباني أو أنت بتتكلم كلم عن الكوري. إحنا عايزين ننقل كل دول كلهم مرة واحدة. لأن مصر عايزة تطور صناعة الغواصات. أنا آخد بس تكنولوجيا التصنيع وأضيف عليها اللي أنا عايزه. هكون في مكان ثاني خالص. لحد ما أشوفكم أترككم في رعاية الله وأمنه. شكراً لكم. السلام.