Transcription
زياد لسه تسلم على الناس. دكتور زياد اهو، شفتوا الدكتور زياد قبل كده معايا في لايف يا جماعه، صح؟ وأنا كل يوم الدكتور زياد، كتر خيره، كل يوم بينقلني في حتة. من الآخر يعني عشان تبقوا أنتم فاهمين.
الغموض لسه مكمل واللغز ما حدش جاوب عليه. يا ترى مين اللي حط له السم؟ أو يا ترى مين اللي شربه الخمرة مع الحشيش؟ الاثنين مع بعض. بالإضافة اللي الكل بيشاور على الدكتور زياد صديقه اللي جابه للإمارات وهناك كان سبب إن هو ينقله من فندق للتاني. والناس قالت هو ده السبب وهو ده اللي عنده مفتاح اللغز وهو ده اللي هنكلم حضراتكم عليه ونكشف لكم الهوية بتاعته. لكن قبل ما ندخل في الحكاية، صل على النبي معايا عشان هي أجمل حاجة نبتدي بيها أي حاجة. عليه أفضل الصلاة والسلام.
خلونا بقى نبتدي من الآخر للبدايه. والبدايه بتاعتنا زي ما قلت لكم كده معانا كذا حاجة. أولهم وصول جثمان الدكتور ضياء العوضي للقاهرة. وتانيهم إن وفقًا للإجراءات المتوفرة أو اللي هيتم اتباعها للمعلومات المتوفرة معانا إن هيتم تقديم طلب رسمي للنائب العام المصري لإعادة تشريح جثمان الدكتور ضياء العوضي لمعرفة السبب الحقيقي. يا ترى هو مات بسبب الخمور مع الحشيش؟ يا ترى هو متعاطي للحشيش من زمان؟ يا ترى موضوع الحشيش ده مش موجود أصلًا وهي خمور بس؟ ولا في مادة سمية حقيقية اتحقن بيها؟ ده مجموعة أسئلة. أسئلة هيجاوب عليها الطب الشرعي أو إعادة تشريح الجسمان مرة ثانية. وخصوصًا إن التقرير بيقول لك آه الوفاة طبيعية، لكن في شبهة جنائية أو نتيجة لمواد غير طبيعية. هو ما ماتش ولا ضغط ولا سكر ولا أي أمراض مزمنة زي ما قلنا امبارح. لكن الجديد اللي هو بيقول لك إن الخمور مع الحشيش موتته. وأنا مش مع الكلام ده. ليه؟ لما يبان ويتشرح في مصر واحنا عارفين اللي طبعًا التشريح في مصر على قدر كافي ووافي من التقدم العلمي وإثبات السبب الحقيقي للوفاة. فساعتها هنقطع الشك باليقين وساعتها هنقول آمين ورا الإجراءات اللي اتبعت. لكن لحد هنا إحنا قدام تسلسل وتتابع للأحداث في تصاعد من اليوم الأول للدكتور ضياء العوضي ومن المقطع الفيديو اللي قال فيه لو عرفتوا إني مت فإنا اتقتلت مش انتحرت. فده اللي خلى الموضوع في حتة تانية. لكن الناس على مدار امبارح بعد إعلان خبر وفاته نتيجة تعاطي الخمور والحشيش الاثنين مع بعض. فالشريان التاجي اتسد أو العضلة اتسدت عضلة القلب وقفت. الناس كلها شاوروا على الدكتور زياد اللي كان بداية الموضوع من المقطع ده.
"أنا مش هقول أنا فين في دبي عشان الصواريخ ما تجيش عليا. أنا من الآخر كده وأنا كل يوم الدكتور زياد كتر خيره كل يوم بينقلني في حتة. من الآخر عشان تبقوا أنتم فاهمين. من فندق لفندق لفندق. لا حد بص هينزل الشرطة قالوا لي نفس الموضوع. رحت السفارة قالوا لي نفس الموضوع. بلغت الدكتور زياد اللي هو أصلًا يعني استضافه. أنا أفقال لي طب أنا هحاول أكلمهم. معرفش إيه برضه طيب وغلبان يعني. طيب جدا مش زي ما بيبان يعني في في اللايف بتاعته وكده."
"آمين استودعكم الله الذي لا تضيع ودائعه. وأنا مش خايف عليكم. ولو موضوع نهايته هتبقى نهايتي. بس خلاص انتهت. دي حرب وعي."
المقطع الصوتي اللي حضراتكم سمعتوه هو ده بداية المشكلة أو بداية الموضوع اللي كل بيقول لك هو مين الدكتور زياد؟ مين ده اللي نقله من فندق لفندق؟ ما إحنا عايزين نشوفه ونعرفه ويكشف عن هويته. بالرغم إن هو كانت حركة ذكية من الدكتور ضياء إن قال لك إني مش هموت في الراس. أنا مش عايز أموت في الراس من صواريخ إيران. أنا عايز حاجة كده في الرجل عشان تخلي الراس دي هي الأساس. يعني هو كان حاسس اللي هيموت ولا حاسس بغدر. هو مين الدكتور زياد؟ جبنا لكم المقطع الحقيقي تشوفوه صوت وصورة. قعدنا كتير بصراحة اللي إحنا عشان نجيب لكم المقطع ده. مش عايز السؤال لسه على الناس.
"دكتور زياد اهو. شفتوا الدكتور زياد قبل كده معايا في لايف يا جماعة صح؟ بصوا اللايف بتاع الدكتور زياد ده كان لايف جامد جدا. هنعمل له هنعمل له شير على فكرة. ده كان لايف جامد جدا. هنعمل له هنعمل له شير على صبح على الناس يا باشا."
"أهلاً وسهلاً بيك."
"انت مش فاكر يا باشا انت قبلت الناس الحلوة دي قبل كده؟ ربنا يبارك في سعادتك يا باشا. كتر خيرك يا باشا. كتر خيرك. غير اللي بيعاني. غير اللي في الدوامة. أنا مش هقول أنا فين في دبي عشان الصواريخ ما تجيش عليا. أنا الآخر كده وأنا كل يوم الدكتور زياد كتر خيره كل يوم بينقلني في حتة. من الآخر عشان تبقوا أنتم فاهمين. من فندق لفندق لفندق. لا حد بص هينزلني خندق تحت الأرض ماشي عشان الصاروخ ما يجيش في دماغي. لو جه في رجلي مش مشكلة. لكن دماغي ص شغال بدماغي. مش كده يا باشا؟ مش كده؟ بصوا هو علاء ما بحبش. كل واحد يقول لي تعال. بصوا الدكتور زياد من الآخر جابني. يعني انت فاهم؟ ما قاليش تعال. هو جابني. فاهم؟ فاللي عايزني يجيبني. بس مش كده يا باشا. دكتور زف."
ده المقطع اللي كان صورة الدكتور ضياء العوضي واللي مش موجود على صفحته. مين اللي حذفه؟ ولاول مرة الدكتور زياد ده كان يظهر وما ظهرش تاني. ولاول مرة الدكتور ضياء كان يجيب سيرته. آخر مرة يا ترى هو فعلًا حسب كلام الناس على السوشيال هو متورط في القصة دي؟ ليه دور؟ هو كان علاقته إيه بالدكتور ضياء العوضي؟ وكمان ليه بينقله من فندق لفندق؟ هي الدنيا مش أمان للدرجة دي في الإمارات ولا دبي يعني بالتحديد؟ مجموعة الأسئلة دي فعلًا الناس يهمها تعرف الإجابة عليها. وكمان يهم الناس تشوف الدكتور زياد. اطلع وبرا نفسك وقول أنا جاهز للتحقيق لو حد طلبني عشان الموضوع زاد غموض بعد اختفائك وبعد اللي الكل بيشاور دلوقتي ويقول لك هو ده القاتل الحقيقي. لو مسكتوه هيجاوب على كل حاجة. أصل واحد كان بينقل الدكتور ضياء من فندق للتاني هيسيبه يغيب كذا يوم ما يعرفش حاجة عنه؟ ولا كان عارف؟ ولا هو اللي ورا الموضوع؟ هو هو ده الجديد منه. وهو ده اللي كنت محتاج أكلم حضراتكم عليه. كل السوشيال ميديا بتقول لك زياد اللي عمل كده. مش هقول لك هو اللي عمل كده. لكن هقول لك إن وراه مفتاح اللغز. حتى الإجابة عن سر اختفاء الدكتور ضياء العوضي كذا يوم لحد ما زوجته عملت بث مباشر وطلعت اتكلمت فيه وقالت أنا جوزي مختفي ومش عارفة أوصل له. يبقى هنا في حاجة غلط. وعشان في حاجة غلط يبقى كنا محتاجين نشاور على الموضوع ونقول لكم عليه. عشان كده القصة بتاعة الدكتور ضياء العوضي الله يرحمه كان مثير للجدل وهو عايش ومثير للجدل وهو ميت. ماذا بينك وبين الله يا دكتور ضياء عشان الناس تطالب بحقك وتشك إن انت حتى لو وفاتك طبيعية تشك إن انت ميت بشكل طبيعي. لكن أنا طالع من هنا أو طالع هنا مش عشان أشك ولا أشكك. أنا طالع أنقل لحضراتكم وأجاوب لحضراتكم. وكمان الفيديو اللي جبناه لكم ده تعبنا جدا عشان نجيبه. وانت لحد دلوقتي ما عملتش لايك يا عم شكراً. لكن خلونا بقى مش ده اللي يهمنا. اللي هيهمنا أكتر وأكتر إن الحق يرجع لأصحابه. وإن ما فيش حد يكون ميت في قبره ويقول لك حق ميت. أنا عايز حقي. واحنا سايبينه كده. لو ليه حق هو ده اللي طالع أتكلم فيه. بس الحلقة بتاعتنا صراحة ما خلصتش. أنا بوعدكم وعد. قصة الدكتور طول العوضي دي مش هنسيبها طول ما بإذن الله ما ربنا مدينا العمر كده هنفضل وراها. مين اللي ورا القصة؟ وفاة طبيعية ولا التشريح لما يتعاد في مصر هيبان الحقيقة الكاملة. ده اللي هنتكلم فيه وهنعرضه لحضراتكم بعد كده.
لكن خلونا بقى في قصة حصلت كده كنا محتاجين نتكلم فيها. قصة مهمة جدا. هي إيه؟ قصة رجل أعمال مشهور أو شهير زي ما بيتقال. القصة دي كانت غريبة حبتين عشان حصلت في الحي الراقي زي ما بيتقال في التجمع الخامس. رجل أعمال في مجال الكلاب البوليسية، كلاب الأمن والحراسة. مع فلوس والدنيا رايقة معاه. لصاحب عمره. وصاحب عمره كان بيدخله بيته. فرجل الأعمال ده حب مراته. مرأة صاحبه. فعينه بقت منها. ومرأة صاحبه بقت عينيها منه. فنشأت ما بينهم علاقة. والدنيا بقت زبادي خلاص زي ما بيتقال. وأنا عارف صاحبي بيروح فين وبيجي منين ومواعيده إيه. وهي هتظبط لي الدنيا. واحنا جايين مع بعض سكة. عشان كده الموضوع الحرام اللي أوله كده بيبقى طعمه لذيذ. لازم ينتهي بحاجة غير متوقعة. وهنا إحنا قدام سيناريو جديد قديم. يعني إيه؟ يعني جديد اللي بيحصل في عصرنا ده. وقديم اللي هو اتكرر قبل كده. اتهرس. الراجل كان يوم الخميس اللي هو امبارح يعني. واحنا بكلمكم من الجمعة. بيقضي الخميس مع عشقته اللي هي مرأة صاحبه. والدنيا جميلة. وقت الظهرية. لسه صاحبه في الشغل. وهو بيقوم بالواجب وبيطمن على مراته في بيتها. وهو في قلب شقة صاحبه. صاحبه رجع فجأة. الراجل دخل أوضة النوم. أعمل إيه؟ الأرض تتشق وتبلعني. طيب أعمل إيه؟ القديم بقى اللي قرره. اللي جاب إيه؟ جاب الملايات بتاعة السرير. ربطها في بعض. وهو في الدور الخامس. عايز ينزل بيها بالملايات دي. يربط الملايات في بعض ويطلع يشعل حلقة وينزل من البلكونة. الملايات اتفكت. وقع على الأرض. زرع بصل. الراجل مات. اهو زي ما بقول لكم كده. صوت الهبده جمعت الجيران. إيه اللي حصل؟ ده وقع منين؟ وإيه الملايات اللي متربطة في البلكونة؟ الراجل طلع. إيه ده؟ ده صاحبي ده. إيه اللي حصل؟ الموضوع اتعرف والسر اتكشف. والزوجة الشرطة خدتها اتحقق معاها واتقبض على الراجل. يا ترى أنت اللي زقيته؟ ولا أنت اللي أكبرته؟ ولا أنت إيه؟ لسه القضية مفتوحة. لكن التفاصيل بتاعتها برضه غريبة حبتين. عشان الطبقة الراقية دي بيكون قليل لما بتلاقي فيهم الحوادث. هي موجودة ما بينهم. لكن الدنيا ما عندهمش مشاكل زي الطبقة المتوسطة أو الطبقة الكادحة. يعني. فعشان كده كنا محتاجين نسأل ونتساءل. إيه اللي يخلي رجل أعمال يمشي في الحرام؟ ما أنت قدامك الحلال سهل قوي. يعني ربنا مديك المال. لو قلت لأي واحدة عايزة اتجوزك مش هترفض. يعني على سنة الله ورسوله تتجوزها بالحلال. مهما كانت جميلة الجميلات. يعني. فاظن ال سبحان الله. من مات على شيء بعث عليه. تخيل معايا كده هيقابل رب كريم على آخر حاجة كان بيعملها. ميت إزاي وميت على إيه؟ إحنا بنقول القصة عشان ناخد عبرة. في كل مرة بطلع أتكلم مع حضراتكم بقول لكم يا جماعة الحرام نهايته. فارجوكم ابعدوا عن الحرام. ربنا يبعدنا ونموت على موتة كويسة. حتى لما تيجي سيرتك وانت في القبر يقول الله يرحمه. ده ميت وهو بيصلي. ميت وهو بيتصدق. ميت وهو بيصل الرحم. ولا ميت ولقدر الله. لو أنت وصلت معايا لحد هنا واحنا في اليوم يوم الجمعة يوم مفترج زي ده ما صليتش على النبي هزعل منك. صلي على النبي وقول لي رأيك بقى في اللي بيحصل. الدكتور دي العوضي الدكتور زياد هو اللي خلص عليه. أما القصة الثانية المبرر لرجل أعمال يخون صاحبه ويمشي في الحرام.