Transcription
اوعى تفقد صحتك النفسية مهما حصل في الدنيا. ما تفقدش أغلى ما تملك: صحتك النفسية. الشباب والبنات دلوقتي بيحبوا المحافظة على اللياقة البدنية وعندهم أوبشن شديد إزاي أحافظ على لياقتي البدنية وأروح الجيم. صحتك النفسية أغلى بكتير من صحتك البدنية. اوعى تفقدها، اوعى تسمح لبني آدم، اوعى تسمح لموقف أو لظرف أو للشيطان أو لوضع حصل لك إنك تفقدي صحتك النفسية. غالية قوي، غالية قوي. لا لا لا لا لا لا، أنا ماسك فيها قوي، أنا متمسك فيها قوي.
أكثر حاجة تساعدني إيه؟ إن أنا أفضل محافظ على صحتي النفسية: ذكر الله. يبقى عندك ورد ذكر مع الله. أنا بشكرك كل يوم يا رب، أنا مش هفرط في ذكرك لأن ده اللي بيحميني، لأن ده اللي هيحافظ عليّ. وأنا مصدقاك يا رب لما قلت: "الذين آمنوا وتطمئن قلوبهم بذكر الله ألا بذكر الله تطمئن القلوب". عارفين الآية يعني إيه؟ والله ما في حاجة بتطمن القلب قد ذكر الله. عشان كده ربنا وعد اللي بيذكروه قال: "سيهديهم ويصلح بالهم". ما هي "يصلحوا بالهم" دي هي صحتك النفسية. اهدى بقى، اهدي، اهدي، اوعي تفرطي في صحتك النفسية.
في علامات تعرف بيها أنت صحتك النفسية سليمة ولا عندك مشكلة في صحتك النفسية. العلامات دي زي إيه؟ التفاؤل والتشاؤم. أنت إيه؟ أنت كم من واحد لعشرة؟ حسن الظن بالله وسوء الظن. الابتسامة لوجه المبتسم والوجه العبوس. روح الفكاهة والدعابة والروح الحلوة والطموح أو الروح الكئيبة. هي هي بنت عندها عشرين سنة بس روحها معجزة ولا كأنها عندها تسعين سنة. هو شاب عنده خمسة عشر سنة بس روحه معجزة. وواحد عنده سبعين سنة بس روحه شابة. ده اختيار. المحافظة على صحتك النفسية وإنك تفضل محافظ عليها ده اختيار ليك.
علامات إيه تاني لصحتي النفسية؟ مين صحابك؟ كلهم ناس عمالة بتشتكي ليل ونهار وناس كئيبة وبيختزلوا من طاقتك؟ ولا ناس كده ناس حلوة وناس صحبة صالحة وقريبين من ربنا؟ أصل البعيد عن ربنا وغرقان في المعاصي طبعاً صحته النفسية تعبانة. أنت عايش إزاي؟ أنت أنهي نوع؟ طب العلامات دي إزاي أحافظ عليها؟ قل لي الأول أنت تاخد كم من عشرة في صحتك النفسية في العلامات دي: تشاؤم وتفاؤل، ابتسامة وعبوس، روح حلوة ولا روح وحشة، نوعية الصحاب. من العلامات دي أقدر أقول لك صحتك النفسية كمان عشرة. أنت تاخد كم من عشرة؟
إيه أكثر حاجة تساعدني على إن أنا أحافظ على صحتي النفسية؟ أكثر حاجة صحبة صالحة. أكثر حاجة تسليم لله. أنا معاك يا رب مهما الأيام ضارت بيّ، أنا مش هحط نفسي إني أبوظ صحتي النفسية. ده معنى تاني كنت عايز أقوله لك.
حاجة عجيبة جداً في مسألة الصحة النفسية: أنتوا عارفين إن في ناس عيانة وهي مش واخدة بالها؟ عيانة، عيانة، تعبان. هو مش سليم نفسياً، هو من جوه متقطع ومش باين عليه، يعني في وسطينا كده عادي. تبان إمتى؟ تبان في ردود الأفعال العنيفة. إيه يا عم أنت ليه بترد بالطريقة العنيفة دي؟ إيه الانهيار اللي أنت فيه ده؟ إيه الدموع المبالغ فيها دي؟ إيه الانفعالات العصبية؟ أنت تعبان.
طب وإيه اللي يساعد على صحتي النفسية إن أنا أفضل كويس؟ الفضفضة أو الكتمان. فضفضة مش لازم لكل الناس، اختار واحد أو اتنين تفضفض ليهم بس أقول لك: وأنت بتفضفض هتستريح كتير. والكتمان بيزود المشكلة. وتعرف إنك كويس منها وحش إن عندك حد تفضفض له ولا لأ. بس أقول لك أجمل حد تفضفض له إيه؟ فضفض لربنا. واحلو بالليل لوحدك وأنت في أوضة لوحدك قبل ما تخشي السرير بتاعك. اتوضي وصلي ركعتين وكلميه. قولي له أنا تعبانة، قولي له أنا موجوعة، ما تسيبنيش، ساعدني، علمني. هو ده الإحسان: تعبد الله كأنك تراه. لأنك هتحس وأنت بتعملي كده كأنه بيطبطب عليك وكأنك خدت مدد من السماء فصحتك النفسية تتحسن. فكرة حلوة جربيها.
أنا بتعامل مع صحتي النفسية بطريقة عجيبة جداً بتخليني حالتي دايماً كويسة. والطريقة اللي أنا بتعامل بيها إن أنا بقول لنفسي: خد قرار، أنا مش هسيب حاجة في الدنيا تخليني مكتئب وتعبان أكتر من 24 ساعة. لأن أنا بشرح أنا بتواجه وأنا بني آدم وبعيط وأنا تلقائي دمعتي قريبة، بعيط بسهولة. ويمكن العياط قد يكون مفيد. بس أنا ما بسمحش لحاجة في الدنيا مهما كان الوجع أكتر من 24 ساعة تعبان وحزين ومتضايق وقرفان. بعمل إيه؟ بدخل أنام وأصحى الصبح: يلا يوم جديد، يلا قوم بقى نشتغل. قرار: أنا آخر 24 ساعة. أنت آخرك ماشي 48 ساعة، تلات أيام يا سيدي. بس أكتر من كده لا. هنبدأ ندخل بقى في اكتئاب. لا هنبدأ ندخل بقى إن أنا أنا أنا بقى لي أسبوع مش عايز أعمل حاجة ولا أقابل حد ولا أشتغل أصل أنا مهموم. حاجة وحشة قوي بصراحة. أنت آخرك 24 ساعة. أنا آخر 24 ساعة وبتعامل مع نفسي كده.
طب وتاني يوم؟ عايش بفكره الإحسان. يلا نطلع الحلو اللي جوانا. خليني أعمل اللي أقدر عليه وتوكلت عليك يا رب. يحصل اللي يحصل أنا مسلم لله. إحسان وتوكل وتسليم. أقوى تلات حاجات أحفظ صحتك النفسية. وخد قرار: أنا مش هزود الألم، كفاية عليّ 24 ساعة. أنا هقوم أشتغل وأبدأ من جديد. أنا عملي جداً ومصحصح جداً. لن أستسلم لأي ظرف إنه يبوظ صحتي النفسية.