سيكولوجية المقاتل || غريزة البقاء

اول مره بتوقف فيها في الحلبه عقلك ما بفكر في الكومبو ولا بفكر في الفوز. عقلك بفكر بشي واحد بس الهروب. هذا الشيء مش قله شجاعه، هذا الشيء غريزه البقاء اللي انولدت معك. الكل بفكر انه الملاكمه هي تبادل لكمات، بس الحقيقه هي صراع للبقاء. عمرك سالت نفسك ليش عقلك بتجمد في اللحظه اللي بتشوف فيها القفاز متوجه لوجهك؟ في اللحظه اللي بتدق فيها الجرس العالم كله بيختفي، بتظل انت وخصمك وحقيقتك اللي كنت مخبيها عن الكل. الملاكمه هي المكان اللي بينفضح في خوفنا قدام الناس. ليش عقلك بقرر يغدر فيك في اهم لحظه بحياتك؟ كل الامور هي رح نعرف اجوبتها في حلقتنا اليوم. غريزه البقاء. وهيا بنا نبدا.

[لهاث][تنهّد]

في علم النفس عننا وحش ساكن في نص الدماغ اسمه اللوزه الدماغيه. هي اللوزه وظيفتها واحده تخليك تعيش. لما تحس بالخطر تعطيك خيارين قاتل او اهرب. فايت اور فلايت. المشكله وين؟ المشكله لما بيزيد الخوف عن حده العقل بيدخل حاله ثالثه اسمها فريزينج التجمد. هون بتصير تشوف اللخمه جايه عليك، عارف انها راح تصيبك بس جسمك رافض يتحرك. هذا مش ضعف منك كرياضي، هذا خطا برمجي في سايكولوجيه المقاتل او في سايكولوجيه البقاء عندك. خلينا ندخل في صلب الموضوع.

الخوف مش عدوك عزيزي المشاهد. الخوف هو مستشعر بيحكي لك انك في منطقه خطر. ومسؤوليه معنى كلامي لما قلبك يدق بسرعه قبل الجوله ما تبلش هذا مش دليل خوف، هذا جسمك بيفرز ادرينالين وبيضخ دم للعضلات عشان يجهزك للقتال او للهروب زي زي ما حكينا فايت اور فلايت. عمرك شفت جهاز انذار الحريق عائق؟ بالعكس هو بينبهك عشان تتحرك. والمشكله مش في الانذار، المشكله لو تجمدت مكانك وما عرفت تطفي الحريق.

وعننا جانبين رئيسيين للخوف. الخوف من الالم والخوف من الفشل. ايش الفرق بين الخوف من الالم والخوف من الفشل؟ الخوف من الالم وهو الالم الجسدي طبيعته هو خوف غريزي من الاصابه او الوجع. الالم في الملاكمه مؤقت والتعود عليه يتم من خلال سبرنج المدروس وصناعه ردود الافعال لكل فعل متوقع. واللكمه اللي انت بتشوفها عزيزي المشاهد هي اللي بتوجع اقل.

الخوف الحقيقي هو من اللوف من الفشل نفسي وهو اقوى من الخوف من الالم. هذا هو الوحش الحقيقي. الخوف انك تخسر قدام الناس. الخوف انه تعبك يروح على الفاضي. الخوف انك تطلع بشكل سيء على الحلبه. وتاثير هذا الخوف اكثر مما تتوقع صديقي. ابرز تاثيرات هذا الخوف هو بجمد عضلاتك وبيخليك تستهلك لك طاقه واكسجين اكثر بمرتين من الوضع الطبيعي. فبتتعب من اول دقيقه او من اول جوله.

نصيحه ابو بريز عزيزي المشاهد الفشل في التمرين او الحلبه هو مجرد بيانات بتحكي لك وين نقاط ضعفك. الفشل اللي انت خايف تتعرض له سواء في التمرين او في الحلبه هي معلومات مفادها انه عندك ضعف في جانب معين. فانت لما تعرف هذا الجانب رح تشتغل عليه وتطوره بحيث انك ما تقع فيه ثاني مره. ولكن عشان تصل المرحله على هي لازم تدخل وتفشل وتعرف وين نقاط الفشل عندك عشان تعرف تصحح النقاط وتتطور. اللي بخاف يفشل عمره ما راح يتعلم يضرب صح.

الفرق بين البطل والهاوي مش انه البطل ما بيخاف. الفرق انه البطل بيعرف كيف يحول طاقه الخوف لطاقه انفجريه. في علم النفس السلوكي بنسميها ايموشنال ريجوليشن او التنظيم الانفعالي. وكيف تخلي الادرينالين يشتغل لصالحك عشان تكسر الخوف. ما بينفع تقرا كتاب. لازم تعمل شيء بنسميه بعلم النفس سيستماتيك ديسنسيزيشن ازاله التحسس المنهجي. ايش يعني هذا الكلام؟ هسا بقول لك.

المشكله انك بتخاف من المجهول في اللكمه. بالاضافه لانك ما عندك اي علم عن مدى تاثير اللكمه عليك او رده فعلك ايش راح تكون تجاه هذه اللكمه. لذلك عندما تتوجه اللكمه لوجهك عقلك بيتشتت مع اكثر من فكره واكثر من رده فعل لاتخاذها. ولكن ينتهي بك الامر تتعرض للكم ومتجمد بمكانك. نستنتج من هذا الكلام نقطتين مهمه. الاولى لازم يكون عندك ردود فعل محفوظه لكل ضربه متوقعه لتجنب التشتيت الفكري. يعني كلكمه ممكن يوجه لك اياها الخصم بتكون انت متدرب على ردود فعل لكلكمه. هيك انت فقدتك بنفسك بتزيد وما بتخاف باذن الله.

النقطه الثانيه لازم تتعرض للكم يا صديقي لانك كل ما تعرضت للكم بنيت صلابه نفسيه لانك بتكسر حاجهز التوقعات اللي براسك. مثلا انت بتكون ماخذ فكره عن نفسك انك اذا بتتعرض لكروس ممكن فكك ينكسر. ولكن اذا طبقت الامر على الواقع بتتعرض للكروس امورك طيبه وبتكمل الفايت ومش هالوجع. واذا تالمت الم بشكل عادي فبتكسر الحاجز او الحكم او الفكره المسبقه اللي انت زارعها في مخك عند مدى قوه لكمه الخصم. هون انت بتبلش تندمج وتكسر حاجز الخوف بالتدريج.

لذلك بستنتج من هذه النقطتين انه الممارسه المستمره هي مفتاح كسر حاجز الخوف من خلال صناعه ردود فعل لكل الضربات المحتمله والتعرض لكم بحيث يصبح امر طبيعي بالنسبه الك عزيزي المشاهد. لذلك دائما يا صديقي لما تطلع الحلبه ويبلش النزال وتحس في انه الادرينالين قاعد يرتفع بجسمك ذكر نفسك بانه جسمك بجهزك للقتال او للهروض. واختار دائما انك تقاتل. يعني تكون ملم وعارف ايش اللي قاعد بصير معك.

واذا في مجال تضغط زر اللايك ما راح ازعل منك عزيزي المشاهد. واذا بتشترك في القناه راح اكون ممنون الك. والسلام عليكم والى اللقاء. ‏Ok.