فيديو مـ ـرعب سبب الخمول و الكسل و التشتت وعدم التركيز و إدمان التليفون 📱 الشيخ أمجد سمير

طبعا بقى من أسباب التشتت بقى الضخمة جداً في حياتنا دلوقتي اللي هو الحياة الرقمية اللي إحنا عايشينها، يعني المفترسة اللي هي خلاص يعني أكلت الكل. وده السبب، وده أصلاً سبب الحلقة، يعني سبب الحلقة التحرر من التشتت، لأن التشتت صار ظاهرة لازم نقف معاها، لازم، عمرنا بيضيع. تعالى أديك إحصائية مرعبة. إحنا متوسط، في الإحصائية بتقول إن متوسط الـ بيسموها الـ screen time اللي هو الوقت اللي بتقعد فيه قدام الشاشة، متوسطه للبشر سبع ساعات في اليوم.

يعني إحنا بنشوف ناس طبعاً إيه مش مشغولة قوي بده، وبنشوف ناس مدمنة ده من أول ما تصحى لغاية ما تنام. يعني هو بيصحى أول حاجة بيعملها إيديه بتتمد على التليفون عشان يفتح. أول حاجة وآخر حاجة هو التليفون، وما بين هذا وذاك حياته كلها تليفون.

فخلينا المتوسط، يعني المتوسط بتاع البشر سبع ساعات في اليوم استخدام شاشة. إنت عارف ده معناه إيه؟ معناه لو إن الطفل مسك التليفون من هو عنده 13 سنة، وده رقم متفائل، لأن في أطفال أصغر من كده بكتير. يعني الطفل مجرد ما يوجع دماغه بيجيبوا له تابلت عشان إيه ما يوجعش دماغنا.

فلا، إحنا هنقول الطفل ماسك التليفون عنده 13 سنة، وهنقول إنه هيموت مثلاً 60 سنة، خليها 63 سنة عشان يعني إيه تتحسب بسرعة. 63 سنة يعني 50 سنة معانا. ده معناه إن هو ضيع من عمره 15 سنة. 15 سنة مش 15 سنة فيها نوم وأكل، لا، 15 سنة صافية. سكرين تايم، وقت شاشة، ده للمتوسط. يعني اللي بيمسك تليفونه أكتر من كده، هو هيكون ضايع من عمره صافي صافي ساعات. 15 سنة. مش 15 سنة فيها نوم ودخول حمام وأكل، لا، 15 سنة صافية. احسبوها. يعني سبع ساعات اضربوها في 365 يوم في 50 سنة، وبعدين ارجعوا اقسموها على عدد الساعات في السنة اللي هي 365 في 24 ساعة. هو ثلث، ثلث اليوم يعني. السبع ساعات دي تقريباً ثلث اليوم. يعني يعني بقى تتحسب بقى إيه المهم يعني إيه. العمر يعني.

فأنت فاهم إحنا بنتكلم في إيه دلوقتي. هو المرعب زيادة إن هو يا ريت إنه ضيع 15 سنة والشاشة سابت لك بقية عمرك تعرف تنتج فيه. إحنا في أزمة كبيرة. هي شوشتك أصلاً عن حتى الإنتاج أو الشغل في الوقت الباقي. إحنا في أزمة مرعبة.

يعني أنا هنا بقى بندق ناقوس الخطر زي ما بيقولوا. يا جماعة إحنا في أزمة مرعبة. إحنا الشاشات يا ريتها التهمت ثلث عمرنا زي ما إنت بتقول عمر صافي. يا ريتها عملت كده وسابت لنا بقية عمرنا ننتج فيه. لا، هي ما عملتش كده. هي التهمت ثلث العمر الصافي وشوشت عقولنا بقيت عمرنا. فالإنتاجية قلت، التركيز ما فيش. إحنا بنتكلم في دنيا. طب تعال في أخره بقى.

أكتر أكتر. آه، يعني تعالى صلاتك شكلها إيه؟ طب الصلاة دي هي يوم القيامة ظروفها إيه؟ طب يعني معلش يعني، لأن إحنا هنا في الآخر إحنا بنتكلم شرع. يعني ماشي إحنا إنما في الآخر شرع. إحنا يهمنا آخرتنا. طب أنا لما أسأل يوم القيامة بين يدي الله عز وجل، إنك لم تجود صلاتك ليه؟ يعني ليه لم تسعى؟ إنت ما إنت عارف إنك ما بتخشعش. ومرت سنة واتنين و10 و20 و50 عليك وإنت ما بتخشعش. إنت ما سعيتش ليه إنك تخشع في صلاتك؟ ألم تقرأ قولي: "والذين هم عن اللغو معرضون" بعد مدحهم بكونهم في صلاتهم خاشعون. إنت فين من ده؟ طب إيه الرد؟ طب والرد ده هيُسأل عليه الرب سبحانه وتعالى. يعني إحنا بنضيع إيه بإيه؟ هنا بقى وقفة لازم نقفها. فكرة إن الحياة الرقمية لما نيجي نقول إنها من أعظم المشتتات، هي دي مش كلمة تعدي علينا. نقول شوية حاجات كده لطيفة. لازم نفهمها كلنا دلوقتي. إحنا عندنا في المخ في حاجة اسمها مهام تنفيذية للمخ. حلو. 11 مهمة معروفين يعني عند الأطباء وكده. 11 مهمة المسؤول عنهم حتة في المخ الأمامي. خلاص كده. من المهمات واللي تعنينا يعني عشان إيه إحنا إيه مش جايين. إنما من المهمات بتاعته حاجة بيسموها الانتباه المستمر. الانتباه المستمر. آه، ماشي. اللي هو بيسموه الـ sustained attention. حلو. دي وظيفة تنفيذية للمخ. المسؤولة عنها إيه؟ الفص الأمامي. خد المفاجأة دي. الطفل بيولد بالفص الأمامي ده غير مكتمل النمو، ويكمل نموه شيئاً فشيئاً. التعرض للشاشات بيحدث خللاً في نمو هذا الفص الأمامي. وده بيسبب، ده بيفسر ظهور أمراض بقت شبه موجودة في الأطفال كلهم زي الـ ADHD وغيره من الأمراض. لو فنطت الـ 11 وظيفة دي اللي هي الوظائف التنفيذية للمخ اللي المسؤول عنها الفص الأمامي، هتلاقيها ملموسة في معظم الأمراض، ليه؟ لأن الفص الأمامي مش بيكتمل نموه. وعشان كده منظمة الصحة العالمية بتشدد جداً في تعرض الأطفال للشاشات. والسن يعني اللي هو الـ recommended يعني إن هو إن هو يمسك تليفون مش قبل 14 سنة. قبل كده ما فيش هزار، إنت بتدمر ابنك. ولا قدر قليل حتى. هم بيقولوا قبل الرسول ما يمسكش تليفون. ده مش توصية منظمة الصحة العالمية، لكن منظمة الصحة العالمية بتشدد جداً في أطر التعرض للشاشات للأطفال. إنما غيرهم من الباحثين بيقولوا السن كده 14 سنة. ما قبل هذا ما فيش. ما فيش تعرض للشاشات. ما فيش حاجة اسمها تابلت وموبايل. ليه؟ عشان نضمن إن الفص الأمامي للمخ اكتمل نموه.

وطلعوا بقى مصطلحات يعني بره اللي هو "فري فون سكول" يعني المدرسة خالية من التليفونات. ده مصطلح دلوقتي بره مشهور. إن إحنا يبقى المدرسة ما فيهاش تليفونات. يعني الولد جاي ما فيش جايب التليفون. طب جايب التليفون؟ عاملين خزن للتليفون بيتحط ويتقفل عليه. فيقضي فترة المدرسة بلا هاتف. يعني ابتدوا دلوقتي يحسوا بالخطر ده.

طيب، خلاص إحنا كبرنا فنمسك بقى براحتنا؟ لا، هو برضه ده مدمر لتركيزك، مدمر لإنتاجك. يعني معنى الإنتاجية ده برضه معنى مهم جداً. إنك إنتاجيتك بتقل. إنت النهارده شباب كتير جداً بيشتكوا من إيه؟ مش عارف أحفظ القرآن. خلي بالك، إحنا لما نيجي نتكلم في العلاج هنقول أول سبب وتاني سبب ولغاية 1000 كده قبل ما نتقبل في 1000 واحد هو الله سبحانه وتعالى، الافتقار لله عز وجل والاطراح بين يديه، وإن الحلول كلها من عنده. عشان بس برضه إيه ما.

هي هي ميؤوس منها؟ هي مش ميؤوس منها. إحنا بنحس ده ليه؟ لأن بقى نمط حياة. بقى نمط حياة. إنما هل نمط حياة ده ممكن يتغير؟ آه ممكن يتغير. نستعين بالله عز وجل ولا نعجز ونقدر نغير. وأولى الناس بالتغيير المسلمين الحقيقة، لأن إحنا عندنا معاني في شرعنا مش عند غيرنا، وعندنا معاني تخلينا أحرس من غيرنا على إننا نغير. فإحنا كلنا نطلعه من الشرع دلوقتي. يعني إحنا بدايه، إحنا شفنا المساحة اللي الشرع بيفردها للتشتت، ولسه هيجي معانا نصوص كتير في الحتة دي وكلام للفقهاء في الحلول بقى لما نيجي للحلول هنشوف. فلا، الشرع قال لنا أصلاً ده شيء بديهي، واحد من أعظم المعوقات في طريق سيرك إلى الله سبحانه وتعالى. وأنت مغمض الشرع اتكلم وأداله مساحته. بس إحنا ندور في الكبار بقى اللي مسكوا. مش بنتكلم بقى عن ظواهر خطيرة جداً. عندك ظاهرة مثلاً بيتكلموا عنها اللي هي بيسموها "عقلية القرد". بيسموها الـ monkey mind. دي ظاهرة خطيرة. إيه هي ظاهرة الـ monkey mind؟ القرد لو لاحظت حركاته، حركات القرد وهو عمال ينط من شجرة لشجرة، بتلاحظ فيها معنى إنه مش مركز في حاجة. هو يعني ما تحسوش هو بينط الهدف. يعني إنت جيت من هنا لهنا ليه؟ ما تحسش إن في هدف. بدليل إنه ممكن يرجع من هنا لهنا تاني. فتحس إن هو حركاته مالهاش هدف غير المتعة. هو خلينا بقى نصيغ الجملة بشكل تاني. بيتنطط من شجرة لشجرة لرابعة فقط للمتعة بلا هدف. ده اللي المحتوى الرقمي عمله فينا. إحنا بقينا بنسكرول على الريلز، بنسكرول على الشورتس، على التيك توك فيديوز دي. إنت قاعد ليه ثلاث ساعات بتعمل إيه؟ ولا حاجة. طب إيه هدفك؟ ولا حاجة. دي بيسموها الـ monkey mind. دي بتعمل إيه؟ بتخليك زي القرد في الجبلاية ولا في الغابة اللي هو طول النهار بيتنطط. آخر الليل هو استفاد إيه؟ ولا حاجة. ولا حاجة. هو بيتنطط لأنه مستمتع بالتنطيط بس ما استفادش حاجة من التنطيط خالص.

من الظواهر مثلاً اللي بيتكلموا عنها مؤخراً، والمصطلح ده اللي هقوله دلوقتي، المصطلح ده اتقال أول مرة في الثمانينات من زمان، لكن ظهر مؤخراً على الساحة واعتمد في بعض القواميس الغربية اللي هو الـ brain rot أو بالعربي التعفن الدماغي. مصطلح مرعب. جداً. التعفن الدماغي، إن دماغك بتوصل لحالة تعفن، بتفقد كثير من وظائفها بإيه؟ بالمحتوى الرقمي. على فكرة، بالمناسبة، المحتوى الرقمي دلوقتي اعتمد إنه مادة إدمانية خلاص. اعتمد. المحتوى الرقمي بشكل عام. آه. الجديد بقى، الجديد اللي دلوقتي بيبحث وقاب قوسين يؤدى إنه يعتمد إنه مادة إدمانية، التليفون. التليفون. يعني هم دلوقتي بيتكلموا عن التليفون كتليفون. ماشي. في أبحاث ماشية في السكة إنه خلاص قريباً هيعتمد إنه مادة إدمانية. وأول ما بنقول إنه اعتمد مادة إدمانية أو يعني ده من المواد الإدمانية، إن أي حاجة هتقولها في سكة المخدرات هتقولها هنا كأعراض. يعني دي مفاجأة برضه ظريفة لبعض الناس. فنرجع بقى تاني الـ brain rot، الـ brain rot اللي هو التعفن الدماغي. أنا كنت زمان قبل حتى أسمع المصطلح ده، المصطلح ده قاموس أكسفورد اعتمدوه خلاص مصطلح رسمي عنده وحطوا له تعريف واختاروه في 2024. بيسموه الـ word of the year. يعني كلمة العام. وده بناء على استفتاء حصل بين 3700 واحد إن الـ brain rot هي كانت كلمة العام في 2024. ماشي. يعني أهم كلمة أو أهم مصطلح ظهر في. بص عشان برضه ما يعني أنا ما أعرفش إيه الحيثيات اللي بيختاروا بيها الكلمة، فدي بقى ممكن يبحث عشان ما أقولش حاجة. لا، هو ليهم حيثية بس أنا مش عارفها، فيعني ممكن الناس تبحث عنها بقى ليه. بناءً على إيه بيقولوا إن دي كلمة العام. ما عنديش حاجة واضحة فيها، بس هي كلمة مهمة في الآخر هي كلمة مهمة لسنة 2024.

فأنت فاهم إحنا المحتوى الرقمي واخدنا فين؟ واخدنا إن إحنا بنفقد ملكتنا الذهنية. طب معلش، هو عشان كلمة محتوى رقمي دي واسعة جداً، اللي إحنا بنعمله ده محتوى رقمي، يعني ده كده غلط أو ده اللي إحنا بننتجه ده خطر؟ المحتوى الرقمي لما بنقول اللي هو اللي الخطورة جاية منه قوي، هو المحتوى القصير، الغير هادف، اللانهائي. تمام كده؟ ماشي. ماشي. كل كلمة من دول يعني ليها مغزى. يعني حتى كلمة لا نهائي دي هنجيلها كمان شوية إن إحنا مصطلح برضه يعني إيه طلع حديثاً اللي هو إيه بيسموه الـ infinite scroll. اللي هو إنك هتسكرول مهما تسكرول ما فيش نهاية للي إنت بتسكرول له ده. دي حاجة هنتكلم عليها كمان شوية. بس مش عاوز أدخل فيها دلوقتي. هيبقى فكرني بقى عشان.

هو السؤال البديهي اللي المفروض بقى يجي في طب يعني إحنا لما أقول المحتوى الرقمي بالبشاعة دي اللي إحنا اللي إحنا نقصد بقى اللي إحنا عرفناه من شوية. طب إحنا إحنا ليه بيتعمل فينا كده؟ يعني ما هو ما هو وحش ما تلغوه يا جماعة. يعني ببساطة. يعني ما نلغي المحتوى الرقمي ده. لا، هو الفكرة إن هو ده مراد. يعني ده مقصود. طب ليه مقصود؟ تخيل بقى إحنا عندنا مصطلح طلع عجيب جداً بيسموه اقتصاد الانتباه. بيسموه الـ attention economy. اقتصاد الانتباه. يعني إيه اقتصاد الانتباه؟ دلوقتي إحنا بنتكلم، إحنا بنتكلم إن الانتباه بيتكلموا عنه دلوقتي كده إنه مورد. والمورد ده إحنا عاوزين نجذبه. يعني كل ما أنا قدرت أخلي انتباهك للمنصة بتاعتي، أنا بكسب. ده اقتصاد. في اقتصاد قايم على كده. أنا عاوز أديك رقم مرعب. الإعلانات الرقمية لسنة 2023، الإعلانات الرقمية تجاوزت الـ 800 مليار دولار. إنت واخد بالك إحنا بنتكلم على اقتصاد عامل إزاي؟ أرقام أرقام عاملة إزاي؟ فنشأ ما يسمى بالـ attention economy أو اقتصاد الانتباه. وده اللي المنصات بتتنافس عليه. كل منصة بتتنافس على تواجدك عليها أكبر قدر ممكن. هديك شيء مرعب. ده إنت بتقول لي الـ infinite scroll ده إيه قصته؟ اخترعوا الـ infinite scroll سواء اخترعوه عشان كده أو هو بقى من أدوات كده بعد كده. لأن في كلام إن اللي اخترعه ندم عليه وندم إن هو اخترعه. الأول قبل ما نروح ليها، ممكن واحد يحس إن إيه مالهاش أهمية القصة. لا، أنا هقول لك بقى. هسألك سؤال. جوجل لما بتسيرش على جوجل بتبحث في جوجل عن حاجة. قولي كم مرة في حياتك كلها وصلت للصفحة رقم خمسة في جوجل؟ يعني تخلص الصفحة بتاعة جوجل بتاعة الاختيارات اللي جايه لك. الصفحة الخامسة. فتدوس على رقم اتنين. تقريباً ولا مرة. أنا بقول لك آه، ممكن حياتك كلها ما وصلتلهاش ولا مرة. أيوه. عارف ليه؟ وإحنا خل يعني برضه في نقطة إحنا من الجيل اللي تقريباً كان جوجل ده هو ما فيش غيره. ما عندناش غيره. عارف ليه بقى؟ عشان ما فيش الـ infinite scroll. إنت لما بتخلص صفحة بتحس إن خلصت وحدة. صح. ده شيء نفسي بيحصل لك. هو غصب عنك. فلما لما تخلص صفحة تحس إن خلصت وحدة. فالانتقال. الانتقال ده بيحسسك ده أنا خلصت كتير. كفاية بقى. بيعمل نوع من الإشباع يعني. أنا ليه بقى بقول ده؟ عشان نفهم خطورة المصطلح اللي أنا قلت له ممكن الناس تشوفه إيه يا عم إنت بتهول الموضوع. ليه النهارده إنت لا إنت ممكن تقعد تسكرول على الفيسبوك بالثلاث والاربع والخمس ساعات تسكرول في الريلز والشورتس بكده. يحصل. دي واحدة من الأدوات اللي قدروا يجذبوا بيها البشر ليه؟ عشان ما يسمى بالـ attention economy. إنت أول ما إنت قاعد على المنصة بتاعتي فإنت بالنسبة لي إنت السلعة. يعني إيه إنت السلعة؟ اهتماماتك، أحلامك، طموحاتك، أنا بعرفها. أنا بعمل مسح لكل. أنت عارف يعني في الاقتصاد حتى بيتكلموا عن كان حاجة بيسموها حاجة توكلك مش فاكر كان اسمها إيه كده إن هو فكرة لما بتدوس على حاجة بتتحسب في الصفحات دي واليوتيوب حتى إنت راجل بتاع محتوى عندك هتلاقيها عندك في الحاجات اللي بيتعمل لها أناليز اللي هو حد داس على. اه يعني فهو أنا مش فاكر أقول المصطلح بتاعها. ممكن افتكره كمان إن شاء الله. الجديد بقى والمرعب إنه مش بس كده، ده دلوقتي ابتدوا يقيسوا إيه؟ إن وإنت بتسكرول. وقفت الصفحة. وقفت الفيسبوك على المنشور ده. صح. هو بيعرف يكت ده. بيعرف يلاحظ ده ويبني عليها تصورات. هو لما واقف على المنشور ده طب المنشور ده بيتكلم عن إيه؟ طب الصورة دي كانت عن إيه؟ فتلاقيها بتتكرر لك بعد يعني بتتكرر لك إعلانات على نفس المحتوى اللي إنت وقفت عليه. يعني وإنت بتسكرول وقفت هنا ثلاث أربع ثواني. دلوقتي بقى يعرف يحسبها. وبقى يشوفها وبقى يحللها ويبني عليها قرارات. صح. إنت فاهم كان فيه إيه. إنت فاهم الدنيا رايحة لفين. فهم عاوزينك. طيب عشان عشان يعملوا ده عملوا كذا حاجة. منهم أكبر حاجتين عملوهم. الـ infinite scroll اللي هو عشان تفضل معانا أكبر مدة وما تحسش إنك معانا. هي دي بقى. ما تركزش في الوقت. ما تحسش إنك معانا. الحاجة الثانية المرعبة. ده إحنا دلوقتي عاوزينك معانا أكبر بد. فقعدوا يحللوا لقوا إن البشر وهي نايمة إحنا بنفقدها. يعني طول ما إنت صاحي فإنت مجال المنافسة بيني وبين غيري من المنصات. يعني أنا بجذبك مثلاً كتيك توك ويوتيوب بيجذبك وميته بتجذبك. الفيسبوك ومشتقاته بتجذبك. وإنت في الآخر سلعة وإحنا بنحاول إيه كل واحد بيشد من دراع ومن رجل واللي يكسب. المنصات دي كلها اكتشفت إيه بقى؟ إن وإنت نايم إحنا بنفقدك. كلنا فقدناك وإنت نايم. طب نعمل إيه؟ نعمل إيه عشان مش عاوزينك تنام؟ أنا ما بهزرش على فكرة. عملوا إيه بقى؟ فمنصة زي تيك توك بقت تعمل اللايف ستريمين بتاعها بالليل بمزايا أكتر. إنت عارف لما يبقى البث المباشر. والبث المباشر ده لما هينتهي خلاص انتهى البث. فلو إنت عاوزه هتعمل إيه؟ هتقعد له. هتسهر له. هتقعد له. فبقت تعمل حاجات تحفز صناع المحتوى إن يخلوا البث المباشر بتاعهم بالليل. أنا بكده عملت إيه؟ أنا قدرت أجذبك ليا في فترة كنت هتنام فيها. طب ما أنا هنام الصبح. لا، إنت هو ده مش هيحصل. إنت عندك شغل وبتاع وبتروح برضه سهران وعينيك حمرا. ده ما بيحصلش. إنت حتى بيسموها إيه؟ يعني إزاي قدروا يعملوا ده؟ بلاك أوف سليبينج. يعني إن إحنا نقلل نومك. إنت بس مستوعب إحنا بنتكلم فين وروحنا لفين وإيه اللي بيتعمل فينا وإحنا مش دريانين. اقتصاد اقتصاد أرقام 2023 بقول لك الإعلانات عدت الـ 800 مليار دولار الإعلانات الرقمية. فهنتكلم في اقتصاد كبير. وبقى تيك توك مثلاً عمل حاجة اسمها تيك توك شوب تقدر تشتري منه. يعني في قصص بتحصل. وهم عاوزين ده. هم عاوزينك تبقى مشتت. ليه؟ طول ما إنت طول ما إنت معانا فإحنا بنكسب. وجودك معانا مكسب لينا.

طب ما هو إحنا ممكن نكون مبسوطين بكده وحياتنا ماشية والدنيا مستقرة. يعني إيه اللي أنا محتاج أغيره؟ يعني أنا هعدل على كلامك. هو إحنا مش ممكن؟ هو إحنا أكيد مبسوطين بكده. يعني ليه أكيد بقى وهو فعلاً الأبحاث بتقول ده؟ بتقول إن إحنا أول حاجة هو ده تعرض سهل. يعني إيه؟ يعني النهارده لو جيت قلت لك عشان تفرز دوبامين في جسمك مثلاً. فتحس بسعادة، تحس بنشوة، satisfaction، رضا. انزل اجري 2 كيلو. أو اقعد في التكييف وحط رجل على رجل واسكرول لمدة ثلاث دقائق. فده هيفرز دوبامين وده هيفرز دوبامين. إنت هتعمل إيه؟ السكرول ساعتين. وأخس. أسرع. فهو ده فعلاً اللي بيحصل. هو ده اللي بيحصل إن الدوبامين بيفرز. وتحس بالراحة والسعادة والانبساط والانشراح. بس إنت فقدت بده حاجات كتيرة في حياتك اللي هو المفروض ربنا أصلاً خلق الدوبامين ده عشان يفرز عشان يساعدنا إن إحنا نعمل حاجات يا إما تطورنا في الدنيا يا إما تطورنا في الآخرة. ما هو سيدنا عمر كان بيقول إيه؟ "إني لا أكره أن أرى الرجل سبهللة، لا في أمر الدنيا ولا في أمر الآخرة". إحنا صرنا كده. إحنا بقى معظم يومنا كده.