٧ كلمات ستجعلهم يودون الحديث معك | مهارات التواصل

الحلقه دي تبع كومينكيشن سكيلز اووي او تبع مهارات التواصل بشكل كبير، واللي فيها هنتكلم على جمل وبالتحديد سبع جمل ممكن تكون انت بتستخدمها في الكونفرزيشن او في الحديث الطبيعي بتاعك، فتخلي تقدر بشكل كبير قوي انك تكون بتسيب انطباع كويس عند الناس. مش بس كده، كمان تقدر تخليك متحدث بارع.

في الحلقه دي، السبع جمل اللي احنا هنتكلم فيها هتلاقيك تقريبا بتسمعهم، ورغم ان هم صغيرين، بيفرقوا معاك بشكل كبير جدا. وبتحس ان الانسان اللي بيستخدمهم بشكل دوري في الحديث القصير بتاعه، بتحس ان هو عنده ملكات تواصل عاليه، ومش بس كده، كمان عنده نوع من انواع الذكاء الاجتماعي اللي احنا كلنا بندور عليه. فيعني من غير ما نطول في الكلام، يلا بينا نبتدي ونعرف ايه هي السبع كلمات الصغيره جدا اللي انت لو بتستخدمها في الحديث الطبيعي بتاعك هتكون انسان متحدث بارع.

[موسيقى]

السلام عليكم، أنا مايكل راشد، وانت بتشوف برنامج الزيتونه. في بدايه الحلقه دي، احب افكرك انك تكون عامل اشتراك هنا في البرنامج ومفعل خاصيه الجرس عشان تتبع اول باول كل الفيديوهات اللي بتنزل واللي من شانها تغيير حياتك، ولو على اقل كده بنسبه 1% للافضل.

الحقيقه موضوع ازاي تكون متحدث بارع ده من المواضيع يعني اللي زي ما هي قتلت بحسن وناس كتير قوي فكرت فيها وناس كتير قوي حاولت تطور نفسها فيها، الا انه برده مالوش سقف. يعني دايما مهما انت كنت جامد في اي حاجه هتلاقي حد هو اجمد منك. وعشان كده انا عايزك تجرب تستخدم السبع جمل الصغيره اللي احنا هنستخدمها دلوقتي وتقول لي لما استخدمتها ازاي الموضوع فرق معك.

وأول جمله صغيره هتلاقي الناس اللي عندهم ذكاء اجتماعي عالي بيستخدموها بشكل كبير هي كلمة "احكي لي". "احكي لي أكتر عن الموضوع ده". عامة كلمة "احكي لي" لما تحطها في أي مكان تخلي اللي قدامك يتشجع ان هو يتكلم أكتر معاك. وده معناها ان انت اللي بقيت متحدث بارع، مش هو. وده على فكرة على كلام لاري كينج، اللي هو من أعظم المتحدثين الموجودين في هذا العالم. وعملنا موضوع كامل عن الحلقة دي، ممكن أسيبها لكم في الـ "i" اللي فوق هنا.

تاني جمله صغيرة ممكن تفرق بشكل كبير قوي لو حطيتها جوه كلامك هي جملة "أنا حاسس إيه اللي ممكن يكون حصل لك عشان توصل للنتيجة دي" أو "أكيد لو أنا كنت في مكانك كنت فكرت إن أنا أعمل الحاجة اللي أنت عملتها" أو "أنا متخيل الظروف اللي أنت عشتها عشان تقول الكلام اللي أنت بتقوله دلوقتي". فالجملة اللي احنا قلناها من شوية دي فيها فكرة الـ "empathy" أو التعاطف عالية جدا. واستخدام التعاطف ونبرات التعاطف بشكل كبير جوه الحوار نفسه ده بيخلي اللي قدامك يحس إن أنت كأنك منطقة أمان بالنسبة له، وبالتالي يتشجع إن هو يتكلم معاك أكتر ويتشجع إن هو يقضي معاك وقت أكتر. وأنت بالنسبة له تكون متحدث بارع، لأن أنت زي ما قلنا في البداية خليته يكون بينضم أكتر إلى حديث، خليته يكون بيتكلم أكتر وبيعبر أكتر، وبالتالي فأنت الشخص المهاري في هذه القصة.

تالت جملة بقى قوية جدا جدا هي جملة "دي وجهة نظر تحترم" أو "وجهة نظرك تحترم جدا". كلنا بشر عندنا حاجة كده فيما تسمى الـ "confirmation bias" أو التحيز التأكيدي. يعني كلنا عندنا ممكن تكون أفكار في دماغنا، ولكن دايما بنختار إن احنا نصدق الحاجة دي عن طريق إن احنا نشوف إيه اللي موجود في العالم يكون بيعدد أو بيساند الفكرة الأساسية اللي موجودة في دماغنا. تخيل بقى الجملة دي هتخليك أنت الـ "confirmation bias" بالنسبة للناس التانية. يعني الجملة دي هتخليك أنت مصدر التأكيد للحاجة اللي هم بيدوروا عليها. وبالتالي بقيت أنت المتحدث البارع، بقيت أنت الشخص اللي الناس دي شايفه إن هو ممكن أتكلم معاه، شايفه إن أنا ممكن أكون بقضي وقت أكتر معاه، شايفين إن هو بالنسبة لي ده الشخص اللي يستحق إن أنا أقرب منه.

رابع جملة هتبص بقى من كل الناس اللي شغالين في الـ "customer service" وكل الناس اللي شغالين في مجال المبيعات وهي جملة "إزاي ممكن أساعدك؟". الجملة دي ممكن تكون بتفتح لك أبواب كتيرة جدا في الشغل بتاعك أو في علاقاتك أنت ممكن تكونش متخيلها، بس عن طريق إن أنت تكون بتستخدمها بشكل "proactive" لي أو عن طريق إن أنت تكون بتبادر في استخدامها. أياً كان الظرف الاجتماعي اللي أنت بتمر بيه، أياً كان الخوف الاجتماعي اللي ممكن يكون عندك، كون إن أنت استخدمت جملة زي كده مع الناس أنت بتشجعهم بشكل كبير قوي إن هم ينفتحوا أكتر ليك، وبالتالي بتشجع أكتر إن يكون في "conversation" أو محادثات حقيقية. بل بالعكس، أنت بتخلي الطرف الثاني ده يحس بارتياح أكبر نتيجة إن أنت سألت سؤال زي كده. وممكن مين عارف، ممكن تلاقي أفكار كتيرة قوي كانت غايبة عنك وعن الشخص ده، ولكن هذا السؤال فتح لكم آفاق جديدة إن أنتم تكونوا فيها بتتكلموا مع بعض عمركم هتتكلموا فيها. فالجمل دي في حد ذاتها ممكن تغير العالم اللي أنت موجود فيه بشكل كبير قوي وممكن تغير كل العلاقات اللي أنت فيها لو أنت استخدمتها بشكل دوري.

وده على فكرة يعني بيني وبينكم، حتى لو ما كانش قصدك إنك تساعد بجد. الجبرة رقم خمسة اللي تخليك بجد تعرف تتواصل مع ناس بشكل كبير قوي وتخليك برضه متحدث بارع في نفس الوقت هي جملة "إن في حاجة معينة أنت معجب بيها في الشخص ده". يعني مثلا، "أنت عارف إيه أكتر حاجة أنا معجب بيها فيك؟ هو إنك بتعرف تعمل واحد اتنين تلاتة". كون أنت تستخدم جملة بسيطة زي كده في الحوار بتاعك يخلي اللي قدامك عنده انتباه كبير جدا، هو أنت هتقول إيه؟ برضه في نفس الوقت استخدمت حاجة زي الـ "confirmation bias" أو التحيز التأكيدي، برضه في نفس الوقت دعيت اللي قدامك إن هو يتكلم أو إن هو يشارك معاك الحديث. وبالتالي فالشخص المهاري والحواري هتلاقيه بيستخدمها بشكل كبير جدا عشان يشجع الناس دايما إن يكون في "conversation" حقيقية بينه وبين بعض. أنا الجملة دي رغم إن هي بسيطة، إلا إن دلوقتي لما باجي أفتكر كل الناس اللي قالتها لي بلاقي بجد إن هو هم دول الدوائر القريبة مني دلوقتي، دي الدوائر اللي أنا اخترت إن أنا أكون موجود فيها، ودي الناس اللي أنا دايما بقول إن الناس دي بتتكلم حلو قوي، لأن أنا كنت سمعت منهم كلام شجعني إن أنا أكون موجود معاهم أكتر. أنا كنت فاكر إن أنا اللي كويس، ولكن الناس دي هي طالع عندها ذكاء اجتماعي أكتر مني الصراحة.

سادس جملة أو ممكن نقول كلمة ممكن تساعدك بشكل كبير إنك تكون مهاري أفضل هي كلمة "ساعدني". "ساعدني أحاول أساعدني إن أنا أفهم أكتر قصدك إيه"، "ساعدني إن أنا أفهم الجزئية دي"، "ساعدني إن أنا أوصل للمرحلة دي". مثلاً، بس طبعاً لما يكون في مجال من الطرف الآخر إن هو يقدر يساعدك بجد، ما تروحش يعني تقول لأي حد في الدنيا كده "ساعدني". لما يكون في زي شبه "communication" أو شبه محادثة، استخدام الجملة دي يعزز الـ "communication" بشكل كبير قوي. كلنا بنحب نبان في الشكل اللي إحنا بنساعد الناس، كلنا بنحب نبان بالشكل اللي هو أنا أضفت النهارده حاجة جديدة لأي إنسان في الدنيا. وبالتالي الجملة دي في حد ذاتها كأنك بيها بتحيي الاحتياج ده جوانا كلنا، بتحيي الاحتياج لأن أنا أكون بقول لك خبرتي وإن أنا أكون بتكلم معاك وإن أنا أكون بفيدك.

قبل ما نروح للنقطة رقم سبعة والأخيرة، واللي هي على فكرة جملة صعبة جدا جدا جدا، حابب بس أقول لكم على تنويه مهم. لو عايز تعرف أكتر عن الحاجات اللي إحنا بنتكلم عليها دلوقتي، فأنت قدامك طريق من اتنين. ممكن تكون بتتابعني دلوقتي في قناة ومصة المشهد، وهسيب لكم لينك القناة أو لينك البلاي ليست اللي إحنا بننزل عليها برامج هنا، هي برضه موجودة على اليوتيوب. أو الطريق الثاني، لو أنت بقى حابب إنك تتعلم حاجات زي كده أكتر، حابب إن أنت تكون "life coach" معتمد، حابب إن انت تمارس "life coaching" على نفسك وعلى ناس تانية، فما تنساش إن أنت تدخل وتبص وتشوف البرامج اللي بقى قد دلوقتي في الـ "coaching" واللي معتمدة من الـ ICF أو الـ International Coach Federation. في ناس كتير حياتهم اتغيرت بسبب فكرة الـ "coach". ولو أنت حابب إنك تاخد الطريق ده كمان، فأنصحك إن أنت تخش على اللينك الموجود تحت ده.

طبعاً الجملة رقم سبعة والأخيرة، وفعلاً مش كل الناس بتعرف تستخدمها، ولكن اللي بيستخدمها بذكاء بيعرف يكون متحدث بارع وبيعرف يسيب أثر كبير في أي مكان، هي الجملة الشهيرة بتاعة "أنا كنت غلط". هو الاعتراف بالحق مش فضيلة بس وخلاص، يعني هو أي نعم هو فضيلة، ولكن هو كمان بيشجع الناس إن هي تبص لك بمنظور مختلف. بصوا الطبيعي في الحياة دي، سواء أنت اعترفت أو ما اعترفت، إن إحنا بنحتك مع بعض، إحنا بنتفاعل مع بعض بشكل كبير، سواء كنا في بيت واحد أو في شغل واحد أو في أي مكان في الدنيا. وفي ناس من كتر ما الاحتكاك ده موجود ابتدوا إن هم ينعزلوا أصلاً عن الناس، يعني ما بقوش حابين إن هم يتكلموا مع ناس تانية لأن هم تعبانين من الوضع الاجتماعي اللي هم موجودين فيه دلوقتي أصلاً. فكون إن أنت من الآخر بتتخلى عن الـ "ego" بتاعك أو الكبرياء والـ "identity" بتاعتك وتبين ده للناس، بتخليهم فعلاً كده أو فعلهم الباطن في الـ "subconscious" بتاعهم يفكروا إن أنت إنسان سموت عن كل الأفكار التانية، سموت عن باقي الناس التانية، أنت إنسان مختلف عن باقي الناس اللي موجودة دي. مش بس كده، ده أنت بتحفز جواهم فكرة التعاطف إن هم يقولوا لك "لا، أنت ما كنتش غلطان"، "لا، أنت كان ممكن تعملها بشكل بس تاني أفضل شوية". بتعزز جواهم الفكرة بتاعة "لا يمكن تكون أنت بتضحك على نفسك بس وأنت مش غلطان". بتخليهم هم يتعاطفوا معاك أكتر ما أنت ممكن تكون متعاطف مع ذاتك، أو ممكن حتى ما تكونش متعاطف وبس بتقول كده عشان تكون أنت هذا المتحدث البارع اللي خليت الجميع يلتف حواليه بجملة صغيرة زي كده.

وبكده خلصنا السبع جمل اللي قدامنا دول، واللي بجد لو أنت استخدمتهم، ممكن أضمن لك بشكل كبير قوي إن أنت تكون متحدث بارع. ممكن أضمن لك إن أنت يكون عندك اللي إحنا بنسميه الـ "social intelligence" أو المهارة الاجتماعية اللي إحنا كلنا عايزين نوصل لها. لو في جملة من الجمل دول علقت معاك أكتر، اكتبها تحت. ولو في جمل تانية أنت شايف إن هي ممكن تكون بتفرق، اكتبها لنا برضه. وأوعدكم إن إحنا نعمل حلقات أكتر ليها علاقة بالموضوع ده. بس في البداية حابب إن أنتم برضه تكونوا تدعموا البرنامج عن طريق إن أنتم تعملوا لايك أو إعجاب، تعملوا مشاركة للبرنامج ده والحلقة دي مع ناس تانية عشان تساعدوني إن إحنا نوصل الكلام ده لناس تانية. وأشوفكم على خير الحلقة الجاية إن شاء الله. كان معكم مايكل راشد، برنامج الزيتونة. شكراً.