السيسى يذهب وسط الصواريخ السعودية قبل اعلان الحرب و ايران تضرب قناة السويس ولاول مره البحرين تضرب

ايه الأخبار يا جماعة؟ طبعاً تطورات محتاجة نفهم إيه اللي بيحصل بالظبط. هو ليه الرئيس السيسي، الرئيس المصري يعني، يجازف بالطريقة دي ويروح منطقة الخليج اللي فيها حرب وفيها صواريخ بتضرب في كل مكان؟ ومرة يروح دولتين قطر والإمارات، والنهاردة في السعودية. وماحدش يقول لي أصل بيبقى موقفين الحرب ثلاث ساعات، ما فيش الكلام ده.

إيران يا جماعة دولة خطيرة جداً من ناحية إن الناس هناك ممكن يضربوا وخلاص. ما فيش مركزية في الضرب. الحكومة هناك معظمها ماتت، وفي ضباط موجودين بيتحركوا من دماغهم. فالوضع خطير. فأنا مستغرب جداً إن مصر تجازف بالطريقة دي والرئيس السيسي يروح مرة الدولتين ومرة النهاردة في السعودية. فالموضوع أكيد ليه سبب ضخم جداً وسبب مش عادي.

والقصة مش مجرد مساندة. الرئيس السيسي واخد معاه رئيس المخابرات، واخد معاه وزير الخارجية. الموضوع مش مجرد بس مساندة. مصر بتساند الخليج من أول يوم. الموضوع أكبر من كده بمراحل. وده اللي هنشوفه مع بعض النهاردة والكلام الخطير جداً اللي طالع. يعني نيويورك تايمز بتقول لك إن البحرين أول دولة تضرب صاروخ على إيران. يعني في صاروخ اتضرب من البحرين على إيران. ميدل إيست آي بتقول لك إن السعودية هتفتح أكبر مطار عندها، مطار وقاعدة الملك فهد للقوات الأمريكية.

في تغيير واضح جداً، والتغيير ده بدأ بكلام مهم وخطير جداً قاله وزير خارجية السعودية. وزير خارجية السعودية يا جماعة طلع قال لك: "إيران دي خراب، هي اللي خربانة المنطقة كلها وعمرها ما عملت حاجة غير خراب". قالت لك هي كل اللي عملته إيه؟ عملت ميليشيا جهاد في المنطقة، وأدت لسقوط دول المنطقة، وبتضرب 10 دول إسلامية. ده كلام ثقيل اتقال من وزير خارجية السعودية علشان يجهز أرضية لواقع هيكون واقع صعب جداً الفترة اللي جاية.

في نفس الوقت، إيران مستمرة في ضرباتها. وفي كلام عن إصابة طيارات ومنها قبل كده طيارة إف 35، والنهاردة بنتكلم على إف 15. يعني في كلام كبير جداً. الكهرباء مقطوعة في طهران، وبدأوا في إيران يقولوا لك إن ضربة الغاز اللي عملتها إسرائيل مؤثرة جداً علينا واتسببت في أضرار كبيرة. وإسرائيل كل يوم بتضرب ضربات غير حتى الجامعات. الجامعة في إيران فيها زي بحث علمي، النهاردة ضربتها إسرائيل. عندها شغلها شغالة فيه ومالهاش دعوة بأي حاجة. يعني الأمريكان بيجيبوا قوات على الأرض وبيجهزوا لضربة برية. وده أكيد خلي بالك والحرب هتطول. والإمارات قالت: "ما عندناش مشكلة الحرب تطول بقى خلاص".

في اتجاه إننا لازم القصة دي تخلص ومهما اتكلفت. إسرائيل بقى شغالة على إيه؟ كل يوم عمليات اغتيال، ضربات في البنية التحتية، ضربات في العقل الإيراني. إيه العقل الإيراني بقى؟ بحث علمي، ناس بتصنع صواريخ، ناس ليها في النووي. كل يوم شغالة عندها بنك أهداف ضخم جداً. وعشان كده بتتكلم عن ست أسابيع تانيين الحرب هتستمر. فانت بتتكلم عن حرب ضخمة ثقيلة لسه هتبدأ، مش العكس.

الخطير بقى إن بدأت إيران تقول لك: "لو حضرتك ضربت جزيرة خارق أو مش بمعنى ضربتها خدتها زي ما الأمريكان دلوقتي حالياً بيحاولوا يعملوا وجابوا كاسحات كاسحات الألغام وفي الغالب هتيجي من أوروبا". كاسحات الألغام. سيبك من كل اللي هيصل اللي بيعملها لك ترامب ويقول لك الناتو مش معايا. الناتو هيخش الحرب دي. أنا هضرب لك باب المندب ومنطقة البحر الأحمر وكمان قناة السويس. يعني هو بدأ بقى إيه؟ هيلوش. والتلويش ده هيجي مصر. وده برضه بيقول لك ليه الرئيس السيسي كان موجود في السعودية النهاردة. البحر الأحمر دول عايزين يقفلوا لنا البحر الأحمر كمان. يعني مش بس هيقفلوا مضيق هرمز، لا ده هيخش كمان على البحر الأحمر.

بصوا يا جماعة، إيران شايفة حاجة واحدة: "أنا مش هقع". المنطقة اتكلفت ومهما حصل بعد كده، حتى لو إيران بعد كده الشعب ده خرب الدنيا والمنطقة كلها قاعدة والشعب الإيراني ما لقاش يشرب ميه مش أكل، أنا مكملة في طريقي. مكملة في طريقي بنفس المنهج اللي واخدينه من 1400 سنة. المنهج اللي حصل وأنا شرحت لك ده تاريخياً إيه. فهو لا تراجع ولا استسلام مهما حصل. ده المنهج اللي ماشي بيه الحرس الثوري.

بصوا يا جماعة، النهاردة عندنا حلقة فيها كلام خطير جداً، كلام تثقيل. في البداية بس بطلب منكم كلكم تعملوا إعجاب على الفيديو عشان يوصل لأكبر عدد. شير الفيديو ده، فيديو مهم جداً. لو حضرتك مش مشترك، اشترك. ويلا نبدأ على طول مع بعض. بس ردوا على السؤال بتاعي. الأخ إبراهيم، طب ما تخشش عندي أنت أصلاً جاهل، يعني عادي جداً.

بصوا يا جماعة، إحنا عندنا مجموعة من الجهلة بينشروا أخبار كاذبة. أنا عايز أكلمكم عن الأخبار الكاذبة. زي واحد لسه يعني في منتهى الجهل يقول لك إيه؟ "أصل رئيس دولة بولندا قال لأمريكا: أنا مش هستثمر عندك وأنا هقطعك عشان خاطر حرب إيران". الجاهل مش عارف إن الدولة دي، الرئيس ده، أقرب حليف لترامب. واستثمارات إيه اللي هتعملها بولندا في أمريكا وهتفرق مع أمريكا؟ كل دي أخبار فيك بتنزل على النت. للأسف بعض الناس بتنقلها ليكم.

في النهاية، الدول كلها ضد، في خندق واحد مع أمريكا. ما تصدقش الكلام الهبل اللي بيطلع. هو كل القصة مش عايزين يتورطوا. النهاردة بعد ضربة الصاروخ على الجزيرة اللي في المحيط الهندي، اللي بتقول الصاروخ ممكن يوصل لـ 4000 كيلو. وكانت إيران مش عايزة تضربه على فكرة. مش عايزة تضربه ليه؟ علشان خاطر الصاروخ ده هيبين إن هم عندهم مدى بعيد جداً. 4000 كيلو ده معناه إن إيران قادرة تضرب كل أوروبا. ده في صالح مين الكلام ده؟ في صالح ترامب. ليه؟ لأن ترامب كده يقول لكم: "شفتوا يا جماعة؟ ادي إيران اللي أنتوا بتقولوا كنتوا سبتوها. ادي إيران اللي بتقولوا عليها مش خطيرة وما كانش وقت أضربها. ده عندها صاروخ مداه 4000 كيلو".

طيب هتيجي تقول لي: "أصل إسرائيل هي اللي ضربته، أصل مش عارف". وعشان توقع وتدخل إنجلترا. يعني إنجلترا ما عندهاش مخابرات؟ إنجلترا اللي هي واحدة من أقوى مخابرات العالم مش هتعرف الصاروخ ده اتضرب من مين؟ وإيران نفسها ما نفتش، بالعكس. فانت بتتكلم كلم عن دولة بدولة، دولة أ، دولة أ قوية جداً، دولة ثقيلة جداً في المخابرات. هتقدر بالضبط تعرف كل حاجة وتقدر تفهم كل حاجة. والموضوع سهل سهل جداً يعني.

طيب في النهاية وببساطة شديدة وركز معايا في الكلام اللي هقوله ده. هنا إحنا بنقول نقول الحقائق كاملة. السعودية غيرت اتجاهاتها والكلام ده واضح جداً. لما السعودية النهاردة تقول لك: "أنا في الأول رفضت إن الأرضي يستخدمها القوات الأمريكية". بعد كده يطلع وزير الخارجية ويقول لك: "لا، إيران دي خربت المنطقة". نيجي النهاردة ميدل إيست آي بتتكلم إن مطار الملك فهد هيكون فيه قوات أمريكية وهيستخدم في الحرب. ده تغيير اتجاه واضح. لما نيويورك تايمز تقول لك إن في صاروخ ضرب من البحرين. تغيير اتجاه. الصبر الاستراتيجي اللي عند منطقة الخليج قرب يخلص. ليه؟ لأنهم خدوا ضربة واتنين وتلاتة وعشرة وعشرين. وبدأوا يضربوا كمان في البنية التحتية وهم ساكتين. لكن مش هيقدروا يسكتوا للأبد. فده واضح إن في تغيير قادم ضخم جداً من جهة الخليج. والتغيير ده بدأ مع كلام وزير خارجية السعودية لما قال إن إيران هو هي خراب المنطقة وخراب دول المنطقة وهي السبب وهي ما زرعتش أي خير غير الخراب ده. كلام السعودية على فكرة مش كلامي. أقول لك ده كلام السعودية. خلينا نخش ونبدأ مع بعض في الجد ونفهم اللي بيحصل بالظبط إيه الأيام دي.

بص يا جماعة، إحنا حالياً في مرحلة اسمها مرحلة كسر العظام. ثانية واحدة. إحنا في مرحلة اسمها كسر العظام في المنطقة وهتستمر المرحلة دي طول الوقت.

طيب بصوا يا جماعة، في كلام إن في ضربة لطيارة إف 16 إسرائيلية مش أمريكية، خلي بالك. إحنا قبل كده كنا قلنا إن في طيارة إف 35 أمريكية تم ملاحقتها. آه بيقول لك رجعت وكل حاجة، بس على الأقل تم تصويرها. بس المرة دي بقى بيقول لك إن في طيارة إف 16 إسرائيلية. المرة دي بقى في اعتراف إسرائيلي. قالت إسرائيل قالت: "أيوه، اضرب علينا صاروخ أرض جو بس الطيارة سليمة". يعني ده لوحده اعتراف مهم جداً. مش مهم بالنسبة لي الطيارة سليمة أو مش سليمة. كون انضرب صاروخ من إيران لأول مرة بالشكل ده على طيارة إسرائيلية ده حدث وحدث خطير جداً بالنسبة للحرب في الفترة الجاية.

طيب بس سؤال بقى، هو كل مرة بتطلع سليمة؟ مش مهم. سيب حتى لو سليمة، مش فارق معايا. اللي فارق معايا إن قدرت تضرب صاروخ على طيارة إف 16. دي مش طيارة عادية.

طيب إيران من ناحيتها بتقول: "لا، اتصابت وفي طيارة تانية كمان". ده كلام إيران. وقالت لك إن الطيارة كانت بتناور وفيها دخان. هي اتصابت آه، رجعت مكانها بس واخده إصابة.

نرجع بقى إيه للحاجة المهمة جداً. إزاي الطيارة دي اتصابت رغم إن المفروض إيران كل الدفاع الجوي بتاعها اتضرب؟ ودي نقطة مهمة جداً استراتيجية. إيران في ضرب الطيارات أو محاولة ضرب الطيارات مختلفة تماماً عن أي حد. أنت عادة بتبعت الرادار بتاعك، بيبعت عشان يشوف في طيارة ولا لأ. هو لأ، هو بيلقط أي حاجة جاية من الطيارة. أي حاجة. وبعد كده يضرب. حتى الضربات دي لو كانت مش دقيقة جداً، بس كون إن هو يضرب على الطيارات بيعمل عمل قلق. لأن الطيارة دي خلي بالك ما ضربتش على أطراف إيران، ده اتضربت وهي في نص إيران. فده بيعمل إيه؟ إيه أهميته بالنسبة لإيران؟ بيقول للأمريكان والإسرائيليين: "خلي بالكم السما مش مفتوحة للدرجة دي". آه هي مفتوحة، هم بيعملوا اللي هم عايزينه عشان بس أكون صريح. لكن مجرد إن أنت توصل ضربة أو حتى تحاول تضرب طيارة، ده هيخليهم بعد كده عندهم حرص زيادة جداً. ما يخشوش، ما يدخلوش كده عمال على بطال في مناطق حساسة وخطيرة. خلي بالك في بداية الحرب إسرائيل وأمريكا كانت بتضرب الأطراف، ما بتخشش في العمق بالصورة دي. لما بدأوا بقى يضربوا الأطراف والشرق والغرب وبدأوا يدوروا بقى على الأماكن اللي هي صعبة داخل إيران، إيران بتحاول تقول لهم: "لأ، الموضوع مش سهل". علشان الأماكن دي بتبقى فيها أخطر حاجات بتملكها إيران. فده ممكن يرجع قوي الأمريكان والإسرائيليين الفترة اللي جاية.

طيب النقطة الثانية بقى والمهمة جداً بالنسبة لي اللي حصل لبريطانيا. بصوا يا جماعة ركزوا على الكلام ده. أنا عملت لك حلقة على الموضوع إمبارح وقلت لك إن بريطانيا خدت ضربة المفروض غير عادية. والخبر ده خبر صحيح. وكل وسائل الإعلام الأمريكية اتكلمت عنها. إيران اتضربت بصاروخين وواحد فيهم وقع في الطريق. طبعاً دييغو غارسيا دي جزيرة يا جماعة ملك تابعة للتاج، تاج بريطاني. يعني أرض بريطانية. خلي بالك هي آه موجودة في المحيط الهندي بس أرض بريطانية. ودي نقطة مهمة جداً. الجزيرة دي موجودة في نص المحيط الهندي بالظبط. فلما أنت تضرب عليها صواريخ والمسافة تصل لـ 4000 كيلو، لأ كده القصة غريبة. في واحد من الصواريخ وقع في السكة ما وصلش. والتاني اتقال إن في سفينة حربية أمريكية حاولت توقعه. ويعني ما حصلش إصابات في الجزيرة كده. بس كون إن إيران عندها صاروخ يصل لمسافة 4000 كيلو، ده معناه إن ممكن إيران تضرب كمان داخل أوروبا. تضرب إنجلترا نفسها، تضرب فرنسا، تضرب إيطاليا، تضرب هولندا اللي أنا قاعد فيها.

طيب مادام إيران عندها الصواريخ دي، ليه ما ضربتش من الأول؟ لأن إيران ما كانتش عايزة تكشف الصواريخ دي. بصوا يا جماعة، ترامب بيلعب على إيه؟ يا أمريكان، لو أنا سكت وسبت إيران تشتغل في البرنامج النووي، سوري، البرنامج الصاروخي، بعد خمس ست سنين هيقدروا يعملوا صواريخ 10000 كيلو يوصلوا للساحل الغربي من أمريكا. طيب الكلام كله إن هم عندهم صواريخ 2000 كيلو بس. لكن لما يتضح إن هم عندهم 4000 كيلو، إن كان بقى الصواريخ دي هم اللي عاملينها أو حتى واخدينها من الصين، أي كان الواقع، فانت هنا بتتكلم عن موضوع تاني خالص. أنت هنا بتتكلم إن ترامب هيطلع يقول لك: "كان أنا قلت لكم الكلام ده وكلامي اتحقق بالحرف. أنا قلت لكم إن إيران تقدر تضرب الساحل الغربي بعد خمس ست سنين، وعشان كده أنا ضربتها. عشان كده إيران ما كانتش بتستخدم الصواريخ دي رغم إن إيران عندها القدرة". وده يخوف بقى. عندها القدرة حالياً. مادام عندها الصواريخ دي تضرب أوروبا كلها.

طيب هل ممكن إيران في لحظة انتحارية؟ إحنا دلوقتي شايفين إيه؟ ترامب عمال يجيب قوات برية وبيقول لك هيجيب قوات ضخمة جداً وناوي يخش على إيران ياخد الجزيرة اللي هي بتاكل وتشرب إيران. الجزيرة دي يا جماعة بتاكل وتشرب إيران، مش هزار. 90% من بترول إيران يعني بتاكلهم وتشربهم في نفس الوقت. إسرائيل بتضرب البنية التحتية وبتخلي هناك ما فيش كهرباء. أنا عايزك بس تعيش شوية مع نفسية الإيراني. إيران ما فيهاش إنترنت من أول الحرب. حالياً الكهرباء قاطعة. بيقول لك طلع المرشد وقال لك: "إحنا محتاجين ننتج يا جماعة لأن الأكل بقى أقل وكل حاجة المنتجات كلها أقل". حالة حرب. فالشعب في وضع ما فيش كهرباء، ما فيش إنترنت. الأكل قليل. لو ترجع أنت حضرتك وتفتكر لما كنت أنت بقى وفي حرب وفي ضرب عليك لما كنت محبوس ساعة كورونا، كانت نفسيتك تعبانة. تخيل بقى النفسية وأنت بتشوف بلدك بتتدمر وفي نفس الوقت الكهرباء عندك مقطوعة، الأكل والشرب والمنتجات قليلة، وكمان ما فيش إنترنت. يعني حتى أنت مش عارف الدنيا رايحة فين وجاية منين. فنفسية. ففي حرب نفسية على الشعب الإيراني غير عادية. فلازم تفهم النفسية دي كويس قوي. لأن دي جزء من الحرب. جزء من الحرب ضرب النفسية الإيرانية.

طيب فانت حالياً في وضع ضغط غير عادي. طب أنا مضغوط بعمل إيه؟ بضرب الخليج. بدأ يتكلم بقى على إن أنا هدخل كمان الحوثيين وهضرب منطقة قناة السويس وباب المندب بكل القصص دي. عشان كده مصر شايفة إن ده خطير جداً. التحركات المصرية الخطيرة اللي الرئيس بيروح بلاد وسط الصواريخ اللي بتضرب من كل حتة.

طيب بعد كده هل ممكن يفكر يضرب أوروبا؟ هل ممكن يفكر يضرب ضربات أخطر من كده؟ يعمل ضغط. كل حاجة مع الحرس الثوري الإيراني ممكن تحصل. ما فيش حاجة اسمها دبلوماسية. ما فيش. بص، مادام أنت بتتكلم عن تدمير دولة كاملة، أنا أنا هخرب العالم كله قبل ما أدمر. وهو ده اتجاه الدولة الإيرانية.

خلي بالك، أمريكا وإسرائيل في الأول كانوا بيركزوا على الصواريخ والدفاعيات. دخلوا على الأجهزة اللي ماسكة الشارع يعني الحرس الثوري، البسيج، الشرطة. يعني بيكسروا السيطرة. مش القوة بس. الأرقام لوحدها. الأرقام ضخمة جداً. إحنا بنتكلم على ضرب كم غير عادي من قوات الأمن الإيرانية.

تعال بقى نروح لأغرب حاجة. أغرب حاجة ممكن تشوفها في حياتك. يعني ودي مفارقة. أمريكا بتشتري البترول من إيران وهتشتري وهتسمح لإيران إن هي تاخد حوالي 14 مليار دولار من عائدات النفط. يعني أنت كده بتمول الحرب؟ بتخلي إيران تشتري أسلحة؟ ولا بتعملي إيه؟ ده اللي حصل. لأن أمريكا بصوا يا جماعة، كل تصريحات ترامب وكل اللي بيعمله ترامب كله كلامه مش حقيقي على فكرة. إن هو يطلع يقول لك: "الحرب هتخلص قريب". هي مش هتخلص قريب. يطلع يقول لك: "إحنا خلاص بنقفل". هو لسه ما بيقفلش. هم لسه عندهم أهداف كتيرة. بس دي تصريحات لتهدئة أسواق النفط. أنا قلت لك قبل كده من بدري يعني إن ترامب كل تصريحاته عشان يقلل سعر البترول. وتحركات إيران كلها عشان ترفع أسعار البترول. ودي حرب البترول. إيران أكبر سلاح عندها إن هي تخلي البترول يوصل 200 دولار. فرامب بيعمل إيه؟ بينزل سعر البترول. عشان كده سمح ببترول إيراني يتباع في الأسواق بـ 14 مليار دولار. عشان الأهم عنده مش إن تاخد 14 مليار دولار. الأهم عنده إن البترول ده ينزل السوق فالأسعار تنزل. الأغرب بقى إن دي أول مرة أمريكا نفسها تشتري بترول إيراني. أمريكا اشترت بترول إيران من سنة 96. أمريكا نفسها اشترت. يعني من 30 سنة أمريكا ما اشترتش بترول من إيران. المرة دي اشترت من إيران. وده غريب جداً. يعني أنت بتحارب دولة وبتشتري منها بترول؟ دي ما حصلتش قبل كده.

نروح بقى للضرب اللي شغال حالياً على الأرض. أول حاجة، إسرائيل زي ما قلت لك سايبة كله بيلوش في كله وماسكة الحاجات اللي هي مهتمية بيها. أول حاجة، منشأة طنز النووية اتضربت. ثالث مرة تضرب. آه. لحد دلوقتي ما فيش تسريب نووي. بس إسرائيل مصممة تضربها. ضربات خطيرة جداً. قبل كده اتضربت وضربت كمان بشهار. ويعني إحنا بنتكلم على استهداف مباشر للملف النووي. إسرائيل مركزة عليه تركيز غير عادي.

طيب في نفس الوقت إسرائيل بتقول لك: "كده إحنا مكملين لحد ما نكسر ضهر النظام ده خالص". استهداف القادة، استهداف مصانع الصواريخ، استهداف مخازن. يعني عملية تفكيك شاملة. مش مجرد ضربات. زي ما قلت لك، هدف إسرائيل مش النظام. هدف إسرائيل ضرب العقلية والإمكانيات الإيرانية. اللي اتضح لينا إن إيران دولة جبارة. إحنا كنا فاكرين دولة دينية عادية. لأ، الشعب الإيراني شعب جبار. لازم تفهم كده.

الجيش الصهيوني بيقول إن هو ضرب مواقع إنتاج الصواريخ البالستية في طهران نفسها. يعني حتى المصانع بتاعة إنتاج الصواريخ بيضربها. هنا بقى أخطر حاجة حصلت. إن في ضربة كانت قريبة جداً من المسجد الأقصى. المسافة كانت حوالي 350 متر من حائط البراق. والضربة دي طبعاً ضربات إيران مش بتبقى كلها ضربات دقيقة. فممكن ضربات تبقى على فلسطينيين مثلاً. توصل في ضربة حساسة جداً. ودي حاجة حساسة جداً دينياً. كانت قريبة من الحائط البراق. وهنا بقى كان في رجل دين إسرائيلي قال لك إيه؟ "إحنا المفروض نستغل الضربات دي الإيرانية ونروح نوقع المسجد الأقصى". أنتم كلكم عارفين طبعاً إن إسرائيل عندها هدف إن هي توقع المسجد ده. لأن هي بتقول إن هيكل سليمان تحت المسجد. والكلام ده كلام طبعاً قديم جداً وإحنا عارفينه. بس ده بيقول لك إن الحرب دي خطيرة. ممكن تصل لدرجات كمان درجات دينية خطيرة جداً جداً.

طيب طيب خلينا نشوف بقى زيارة الرئيس السيسي. ودي أنا بالنسبة لي مهمة جداً. طبعاً أنت شايف الصواريخ بتضرب الخليج وبتُهدد مدن كاملة زي رأس الخيمة. في نفس اللحظة بالظبط، طش السيسي كان في جدة قاعد مع الأمير محمد بن سلمان. طبعاً عشان بس أفهمكم اللي بيحصل. لما بيطلع الرئيس السيسي المفروض إن أكيد بيتبلغ كل الجهات إن في رئيس ماشي بالطيارة بتاعته. بس ده مش كافي. لأن ممكن يطلع صاروخ منظومة جوة إيران يضرب الطيارة عادي جداً يعني. والمفروض إن بيطلع معاه قوة من الجيش المصري. طبعاً الكلام ده مابقاش معلن. بس ده أكيد. لما يكون في منطقة حرب ورئيس بيتحرك بيبقى معاه طيارات حربية 100%. ويبدأ يحاول يأمنه. بس طبعاً مع ضرب صواريخ التأمين مش بيبقى كافي.

فأنا بشوف إن الرئيس السيسي قعدته يعني إن هو، وأعتقد ما فيش أي رئيس هيروح السعودية أو الخليج غير الرئيس السيسي. صعب جداً حد تاني يروح ياخد الطيارة ويروح هناك. قعدته إن هو بيجازف. وده أنا ضده على فكرة عشان تبقوا فاهمين. وبيروح الخليج مش مش ضد إن هو يروح الخليج طبعاً مع الخليج 100%. بس ضد إن هو يجازف. يعني. وده عشان يبعت رسالتين. الرسالة الأولى إن مصر مع الخليج 100% حتى لو الموضوع وصل لحرب. وده إن الكلام الوحيد اللي أنا قلته مصر ممكن تصل إن هي تقف في حرب مع الخليج لأن ده أمننا القومي. الحاجه الثانية والأهم إن في المرحلة دي وفكرة ضرب البحر الأحمر دي بالنسبة لمصر موضوع حساس جداً وأمن قومي. والتهديدات اللي بتطلع إن لو حصل حصل نزول بري أمريكي هيتم ضرب البحر الأحمر ودخول الحوثيين. ده تهديد موجه برضه لمصر. فالزيارة دي مش مجرد مساندة للخليج. الزيارة دي ترتيبات خطيرة جداً في المرحلة القادمة. بعد كلام وزير خارجية السعودية اللي بيتكلم عن تخريب إيران للمنطقة.

أنا فاهم كويس الناس طبعاً. إحنا عندنا ما شاء الله اللجان بتاعة الإخوة بتوع إيران. أنا مش فاهم اللجان دي مشكلتهم إيه. ربنا يشفيك. بصوا يا جماعة خليني أرد في الآخر كده على اللجان. إحنا عندنا لجان. وده كشفت عنه على فكرة قناة الجزيرة. في لجان إيرانية. يعني إيه؟ يعني في جهاز بيطلع منه 100 واحد بيتكلف. رغم إن إحنا محايدين تماماً وبنتكلم عن الحرب دي بصورة محايدة. في ناس للأسف مصريين وهيتم الكشف عنهم أمنياً قريب. بيقبضوا من إيران علشان يبينوا طول الوقت إن إيران منتصرة 100%. أمريكا بتتدمر، إسرائيل بتدمر، إيران هي المنتصرة. ما فيش ولا ضربة وصلت لإيران. مش عايزين حد يقول الحقيقة. فينسوا الكلام ده. ما حدش يقدر يرهبنا أبداً. حد يقدر يرهبني يعني؟ لو تفتكر إن أنت تقدر ترهبني بشوية الهبل بتاعك وشوية اللي كان الهبل بتاعك ومش هقول الحقيقة كاملة ومش هقول إن إيران للأسف بيتم تدميرها رغم إن هي واقفة بقوة في الحرب. لكن في النهاية في تدمير كامل لدولة إيران. ففكرة الإرهاب الفكري ده مش هينفع معانا. انسوا الكلام ده. مش هينفع معانا.

تاني حاجة، فكرة إن أنت عايز طول الوقت تقول: "الخليج غلط، والخليج أصل يستاهل، أصل فيه قواعد أمريكية في إيران". لأ، إيران بتضرب دول الخليج. ما فيش حاجة. أنا عندي سفارة أمريكية فتضربني في مصر. أصل السفارة الأمريكية عندك. فبقول لك أه يا حبيبي اضرب السفارة الأمريكية. تعالى نور. ما بس أنت كده ما بتضربش مصر. ما فيش الكلام ده في العالم. مادام أنت كدولة دخلت حد عندك وأديت له الأمان وحطيته خد فيزا ودخل عندك وفي شركة أمريكية ولا إيطالية ولا حتى هندية تيجي تضربها، فأنت بتضرب الدولة. فكل الكلام ده غلط. ده كلام ضد يعني اللي بيقبلوهم المصريين. الكلام ده. أصل معلش، أصل هو بيضرب شركات أمريكية. أصل هو بيضرب أمريكان موجودين في الفندق. لو أنت مصري وقبلت الكلام ده هتقبل ده يحصل عندك؟ يكون في أمريكان في فندق عندك في مصر وتضرب عليهم صاروخ وتقول له: "أه ما هو مش بيصطادنا إحنا، ده بيصطاد الأمريكان". يا حبيبي ده بيصطاد أمنك، بيصطاد دولتك. ف اللي ما تقبلوش على دولتك ما تقبلوش على أي دولة تانية. فطبعاً الخليج بيتضرب. الخليج بيتضرب من إيران. والخليج ليه حق إن هو يدافع عن نفسه. لحد دلوقتي عنده صبر استراتيجي وبيدافع عن نفسه. دي حاجة. والحاجة الثانية إن أنت تقول: "لأ، أصوات بيضرب الأمريكان". يبقى أنت ما بتفهمش عن إيه سياسة. ما بتفهم عن إيه دول. ما بتفهمش يعني إيه فيزا. ما بتفهمش أي حاجة خالص.

واحد بيقول لي: "يا جون، أنا بحب أستمع ليك، بس أتمنى أن تنتشر إيران، لكن بيعجبني تعليقاتك الوقحة". يا حبيبي، كلنا يا حبيبي. بص خليني أقول لك الواقع إيه بالنسبة لي. أنا بالنسبة لي إيران دولة مهمة جداً في المنطقة كتوازن قوى. أنا أهم حاجة بالنسبة لي مصر بصراحة. أنا كمصري ببص إن مصر هي المهمة بالنسبة لي. طب إيران بالنسبة لي مهمة ليه في الموضوع ده؟ لأن لو إيران سقطت كدولة كده، توازن القوى فيه خلل. زي بالظبط لما العراق سقط عمل توازن، عمل خلل كبير في توازن القوى. فالنهاردة أي دولة بتسقط بيحصل إيه؟ بيبقى لازم فيها يحصل فراغ. طب مين اللي هيملى الفراغ؟ هتلاقي بقى إسرائيل، هتلاقي طبعاً تركيا. تركيا لعلمك ليها زي ما قلت لك في داخل إيران حضنها شعبية. في أتراك عايشين في، في أتراك يعني اللغة تركي والجنس تركي عايشين ومواطنين إيرانيين. فهتلاقي تركيا بتخش كحضن شعبية وتستغل وتتبدد في إيران. هتلاقي إسرائيل. ده ضد إيه؟ ضد مصر وضد الخليج على فكرة. فإحنا مش في مصلحتنا خالص إن إيران تسقط. ولو حضرتك بتقول: "أتمنى إيران تنتصر". تنتصر طبعاً. يا ريت إيران تنتصر. بس أنا بقول لك الواقع. أضحك عليك؟ أنا مثلاً يعني الناس اللي طول الوقت تقول لك إيه؟ "يا جماعة يا جماعة أمريكا بتضرب، إسرائيل بتضرب، والإيرانيين بيرقصوا قاعدين بيرقصوا". ده اسمه ده اسمه تخلف. يعني ده وأنت لو تقبل الكلام ده وتسمع الكلام ده الصحاف اللي عمال يقول لك الكلام ده طول الوقت، يبقى أنت معلش مع احترامي ليك أنت متخلف. وكلمة متخلف مش شتيمة على فكرة. متخلف يعني أنت دماغك ورا. مش عايز تصدق الحقيقة. مش عايز تشوف الحقيقة. إيران بتاخد ضربات صعبة. إيران مشكلتها مش أثناء الحرب. مشكلتها بعد الحرب. إيران واقفة بقوة. وده مهم لينا جداً. بس دي الحقيقة. عايزني أكلك الحقيقة وأقول لك كذب؟ أصل إيران بيرقصوا؟ بيرقصوا قاعدين في كل واحد مع مراته بقى بيعملوا أكلة حلوة بالليل وبيتفرجوا على التلفزيون. يبقى أنا بنصب عليك.

العلاقات بين مصر والخليج. واحد بيقول لي: "بعد الحرب العلاقات بين مصر والخليج علاقات جيدة". المشكلة السوشيال ميديا. يعني أنا لسه كنت بتكلم مع أخ على التيك توك اسمه الوطن قريب. يا جماعة في حاجات في الكوارث أنتم ما تشوفوهاش. يعني مصر النهاردة لما الرئيس المصري يعني بيجازف بحياته ويروح السعودية ويروح دول الخليج ده إيه؟ ده يعني ده بيجازف بحياته. ده معناه إيه؟ معناه إن الخليج مهم جداً لمصر. معناه الموضوع مش هزار. معناه الموضوع أمن وأمن قومي. فلا. لكن بقى ناس بتشتم سعودي، بيشتم مصري، ولا مصري بيشتم سعودي. ولا بصراحة يعني أنا ما شفتش الإماراتيين والبحرينيين والحتى حتى القطريين. ما شفتش كتير قوي مشاكل بينهم على السوشيال ميديا. طبعاً فكرة السوريين بيتحركوا جامد قوي في إن هم يوقعوا بين مصر والسعودية دي حقيقة. لكن ده مش معناه إن في مشاكل بين الدول. الدول الأوضاع كويسة جداً.

هل تعتقد أن الحل الدبلوماسي حاضر في المشهد؟ وما تأثير توسيع إيران للحرب؟ وهل روسيا تخلت عن إيران أم هذا كلام إعلامياً؟

بص يا أستاذ، حل دبلوماسي مع الحرس الثوري صعب جداً. لأن صعب جداً إيران ترجع للخلف. أنا شرحت ده قبل كده. إن فكرة الفكرة المسيطرة على إيران فكرة الإمام الحسين. الإمام الحسين كان معاه مجموعة صغيرة أعتقد 300 واحد قدام جيش بالآلاف. المنطق يقول لك إيه؟ لما أنا أعرف كده هنسحب. أنا 300 واحد والجيش قدامي. هنقول مثلاً بلاش يا عم أقول أرقام كده 10000 وجيش محارب مش جيش عادي. فالمنطق يقول لك إيه؟ لأ يا عم أنا هموت 100% هموت أنا والـ 300 اللي معايا. يعني ما فيش أي منطق يقول لك إن أنا هنجح في الموضوع ده. ف الإمام الحسين لأ ما انسحبش. رفض يتراجع. النتيجة إيه؟ النتيجة في النهاية كانت حرب قوية والراجل كان فارس قوي وكل حاجة. بس في الآخر مات ومعظم الناس اللي معاه ماتوا. وفي النهاية الأمويين نجحوا. ف ده المنطق الإيراني. إن أنا مهما كانت القوة اللي قدامي كبيرة، مهما حصل، هستخدم كل أدواتي عشان أعور القوة الكبيرة. وأنا عارف إن أنا هموت في الآخر. مش مهم. ف ده المنطق ده هو منطق الحرس الثوري الإيراني. اللي هو أصلاً متركب على فكر ديني. ومادام دخلت الفكر. أنا هقول لك على حاجة غريبة جداً. اسمعوا الكلمة دي. دي أغرب حاجة هتسمعها في الموضوع. خامنئي اللي هو المرشد بتاع إيران. لما حسن نصر الله اتقتل قال لك: "كنت أتمنى أن هو يتقتل فوق الأرض". طبعاً كلنا عارفين إن حسن نصر الله كان حسن نصر الله. الطابع السياسي عنده أقوى من الطابع الديني. فهو الراجل كان كان حريص جداً. حسن نصر الله كان حريص جداً إن هو ما يتقتلش. وفعلاً كان طول وقت بيستخبى وما يمسكش موبايلات. ما يمسكش أي حاجة. كان راجل الدين عنده مش تأثيره زي تأثير السياسة. أهم حاجة السياسة. كان راجل يعني مسيس. فخمين زعل. قال إيه؟ "كنت أتمنى أن حسن نصر الله يتقتل فوق على الأرض". عشان يكون زي الإمام الحسين. ما اتقتلش وهو مستخبي. عشان كده خامنئي. وأنا بقول لك إن هم طلبوا منه إن هو يكون في مخبأ بقى وطلبوا منه إن هو ما ينفعش يبقى فوق في مكتبه والكلام ده. لا. قال لك: "لأ، أنا زي الإمام الحسين يا حبيبي. مش حاسس. ما استخبيتش". راح عمل اجتماع في مكتبه عادي. إسرائيل دخلت قتلته بالمجموعة اللي معاه كلها. فهنا كان الفكر الديني طاغي على الإمام الخميني. طاغي عليه. النتيجة إيه؟ إن الواقع بيقول لك أنت كده هتتقتل. واتقتل. فاهم الحتة دي؟

ف ده نفس فكر الحرس الثوري. الواقع بيقول إيه؟ إن إيران بتتدمر. إيران كل يوم بتخسر خسائر ضخمة جداً. إيران بعد الحرب هتواجه شعبها. الحكومة دي هيبقى عندها مشاكل كبيرة. عشان ترجع تاني محتاجة عشرات السنين. لا. الفكر الديني بيقول إن أنا هكمل وهقاوم وهفضل أقوم مهما حصل. حتى لو الدولة دي يعني رجعت لورا 50 سنة. الناس اللي كان عندها فكر سياسي ماتوا كلهم. اتقتلوا. إيران بدأت تكشف كل قدراتها الصاروخية ومدى.

إذا اعتبر هذا الشيء غير حكيم. بص يعني يعني فكرة إن إيران بدأت تكشف كل صواريخها والمدى 4000 كيلو ده في صالح ترامب. ده هيقوي موقف ترامب جداً أمام الشعب الأمريكي وأمام الكونجرس. ليه؟ لأن هم كانوا بيقولوا: "يا عم لأ، ده إيران قدامها زمن طويل قوي عشان تقدر تضرب أمريكا". يقول لهم: "لأ يا حبيبي، شفت 4000 كيلو أهو. يعني كلها شوية صغيرة وكان هيوصل لك. ف أنا كان لي حق واخترت التوقيت. وأنا أنقذت العالم وأنقذت أوروبا وأنقذت أمريكا من إيران". بس هو مضطر ليه؟ لأن كل يوم إسرائيل بتضغط على إيران. إسرائيل خلي بالك ضرباتها غير ضربات أمريكا. ضرباتها بتضرب الدولة نفسها. فهو بيضرب الشعب. إسرائيل بتضرب الشعب مش النظام. فرق بين النظام والشعب. يعني إيه؟ يعني إسرائيل كانت بتقتل الأول القادة. دلوقتي بيعملوا إيه؟ اضرب كهرباء، اضرب جامعة، اضرب غاز، اضرب محطات، اضرب أقسام بوليس. فهو دلوقتي بيضرب الدولة. إسرائيل عايزة إيران ترجع. فهو 50 سنة ورا. طب أنت عايز توقف الحرب؟ فبدأت تعمل إيه بقى؟ أهدد بقدراتي كلها. فبدأت أضرب حاجات خطيرة جداً زي جزيرة بريطانية. شوية ممكن يضرب على أوروبا على فكرة. وطبعاً دي هتقلب العالم. تخيل بكرة كده سمعت إن في صاروخ اتضرب مثلاً في فرنسا ونزل. تخيل. أو حتى فرنسا اصطادته ما نزلش. ده هيقلب العالم كله.

واحد بيقول لي: "يا جون، أنت مش قلت إن إيران صواريخها بدأت تنفذ؟" طبعاً يا حبيبي. يا حبيبي خليني أقول لك. إني إيران عندها كم ضخم جداً من الصواريخ. بقى بقى فوق الـ 30 سنة بتاخد كل الفلوس اللي بتخش لها من البترول والغاز وكل حاجة. وبتدي الشعب أموال قليلة. معيشاهم حياة صعبة. عشان كده الدولار وصل لمليون و500 ألف ريال إيراني. وكل فلوسها بتتصرف على الصواريخ. وطبعاً بتعمل مدن صواريخ تحت الأرض تكلفتها عالية جداً. وعلى أذرعها. يعني مثلاً حزب الله خد من إيران عشرات المليارات في الـ 20 سنة اللي فاتوا. فده كان وهم. طبعاً اليمن ده كان وهم إيران الوحيد. اعمل قوة صاروخية غير عادية وأذرعها. ف أنت النهاردة لما أمريكا مثلاً تخش. لو مثلاً افترضنا إن إيران عندها 8000 صاروخ. وأمريكا النهاردة ضربت 7000 صاروخ. معظم الصواريخ اتضربت. بس عندها 1000. ونوعية الصواريخ هو ده المهم. لأن هي بتخبي الصواريخ الأقوى بطرق أصعب. تحطها في أماكن أصعب. في كلام بيتحط كمان في وسط المدنيين. في أماكن صعبة جداً. إسرائيل تجيبها. عشان كده لو خدت بالك في بداية الحرب. إيران كانت بتضرب الصواريخ الأقوى. الأضعف. مش سوري الصواريخ العادية بكميات كبيرة. كل شوية الكميات تقل. ونوعية الصواريخ تكون أقوى. ليه؟ لأن هي مخبية الصواريخ اللي باقية في حتت صعبة ومتأمنة أكتر. وفي نفس الوقت كمياتها أقل. فبتضرب صواريخ قوية جداً مؤثرة جداً بس بكميات أقل.

وصلت كده؟ حفظ الله كل المنطقة. أعتقد يا جماعة كده يعني طولنا إحنا على بعض. بس كان أسئلة كنت لازم أرد عليها. أشوفكم على خير.

بس يا جون، القواعد العسكرية غير السفارات في أي دولة. طيب خليني أرد على الموضوع ده. الأستاذ شريف بيقول لي: "إيه القواعد العسكرية غير السفارات؟" طيب صح. مبدئياً كل دولة ليها الحق. العالم كله كده على فكرة. من حقي أنا أعمل أنا لي السيادة على دولتي. لو أنا عايز بكرة أجيب قاعدة قاعدة عسكرية للسعودية في مصر هجيب. من حقي. عايز أجيب قاعدة عسكرية روسية هجيب. من حقي. مصر رافضة الكلام ده. بس من حقي أعمل كده. تركيا فيها قواعد عسكرية على فكرة أمريكية. معظم أوروبا. أوروبا فيها قواعد عسكرية أمريكية على فكرة. في قواعد عسكرية قريبة من إيران برضه موجودة في جيبوتي مثلاً. موجودة في القرن الأفريقي. بس أنت بتضرب الخليج. رغم إن الخليج وده حصل على فكرة رفض تماماً يتضرب أي ضربة من داخل الخليج. والضربات كلها كانت بتطلع منين؟ من حملات الطائرات. طيب في البداية كانوا بيضربوا القواعد العسكرية. الخليج قال: "ماشي، طنشنا، مش مشكلة". رغم إن ده اعتداء برضه على الأرض الخارجية. بعد كده بدأوا يضربوا إيه بقى؟ بدأوا يضربوا السفارات. بدأوا يضربوا الفنادق. بدأوا يضربوا بيوت. لأ، يبقى أنت كده سبت القاعدة العسكرية ودخلت في مجال تاني. تاني حاجة بدأت تضرب بقى البترول والغاز. عايز تقول في الآخر إن هم كده مش بيعتدوا على الخليج؟ طب أنت بتقول لي: "أصل هو بيعتدي على الغاز بتاعي وبيعتدوا على الغاز بتاعي وبيعتدوا على البترول بتاعي". ف أنا هضرب الخليج. طب أنا مالي؟ أنا الخليج. ما تضرب إسرائيل. قال لك عشان هو عايز يرفع سعر البترول. طب يعني أنت بتعتدي عليا ترفع سعر البترول؟ يبقى أنت كده في النهاية بتعتدي على دول الخليج. ده مش محتاج تفكير حتى. هديك سؤال. هديك مثال. لو الفترة الجاية قال لك: "أنا هضرب بقى قناة السويس عشان أمريكا عايزة تقفل مضيق هرمز". وقناة السويس دي لو أنا قفلتها أبوظن لأمريكا. كده ما اعتدتش على مصر؟ رد على السؤال بتاعي ده. هو بيفكر يضرب دلوقتي باب المندب. ولو تخيل بقى ضرب صاروخ على قناة السويس. مصر ساعتها تعلن الحرب على إيران ولا لأ؟ رد على سؤالي. يقول لك: "أصل الحجة إيه؟ أصل أنا عايز أضرب أمريكا في قناة السويس". هل ده مقبول بالنسبة لك كمصري؟ رد عليا. ما أنت لازم تبص تبص على الموضوع بالكامل. ما أنا اتكلمت يا سيدي. اسمع الفيديو من أوله. عنوان الفيديو ده في أول الفيديو. إحنا خلاص خلصنا. ارجع بالبث المباشر من أوله.

واحد بيقول لي: "يبدو أنك أحد أبواق الخليج". ما هو ده الكلام العبيط اللي أنا بسمعه. يعني إيه؟ بص يا حبيبي، لما تحب ترد على حد ترد عليه بالمنطق اللي هو بيكلمك بيه. يعني إيه؟ يعني أنا لما أقول لك إن أنا لو اعتدت على مصر، ضربت قناة السويس في مصر، ضربت السفارة الأمريكية في مصر، ضربت فندق في مصر، ضربت البترول بتاع مصر، ضربت الغاز بتاع مصر، هتضربني في نفس اليوم؟ هل ده معناه إن أنا داخل الحرب مع إسرائيل ضد إيران؟ ولا أنت اللي خدت حسبات غلط وضربت مصر ودخلت مصر في الموضوع؟ النهاردة لما إيران تطلع تقول لك إن أنا هضرب باب المندب. وإن أنا ممكن أقفل البحر الأحمر. أنت بتعتدي على مصر. أنا مالي بمشكلتك مع إسرائيل وأمريكا. ما تضرب أمريكا وإسرائيل. ما أنت عندك حاجات. طب ما أنت عندك حاجات أمريكية في تركيا. ليه ما بتضربش تركيا؟ ليه ما بتضربش القواعد العسكرية في تركيا؟ ليه ما ضربتش القواعد العسكرية اللي في أوروبا؟ ليه بتضرب المنطقة بتاعتنا؟ إحنا أوروبا داخلة 100% في النهاية يا جماعة بشكركم وأشوفكم على خير في بث قادم. النهاردة بالليل إن شاء الله هيكون لنا لقاء تاني. مع السلامة.