Transcription
اشتري دماغك بأي ثمن! [موسيقى]
شايف الخناقة اللي أنت فيها دي؟ تخلص بفلوس. اشتري الجمجمة وادفع.
شايف الحوار اللي شاغلك ده؟ يخلص بمعلش. ما تصرفش في وجع الدماغ دقيقة، قول: معلش.
اشتري دماغك مهما كان الثمن. أوضح لك أنا عايز أقول لك إيه بالضبط.
بني آدم مننا رأس ماله إيه؟ رأس ماله دي: وقته، تركيزه، صحته. اشتريهم!
من أول ما تفتح باب بيتك الصبح وتشوف راجل عكر ما بيردش السلام، قافل وشه؟ مش موضوعك. آه، وأنت سايق عربيتك، الواد اللي هيموت وهيكسر عليك ده؟ ربنا يهديله حاله. البياع الكشر؟ ما تشتريش منه تاني.
المساكين اللي حواليك، الناس اللي حواليك دول مساكين، خارجين من بيوتهم الصبح وجواهم خناقات، مرتبكين، حاسين بالخوف وإن هم متأخرين عن حاجة. وسع لهم، وسع لهم. اشتري دي، والله اشتريها!
عشان لما يحصل اللي يحتاج تركيزك وصحتك وانتباهك، ما تكونش مجهد من معارك أكتافها صغيرة. عيب، عيب تبقى حياتنا كلها بنتهاوش مع ده وبنتخانق مع ده وشاغلين بالنا مع ده ومخنا مهلوك في خناقات صغيرة، ولما نيجي في الوقفات اللي عايزة رجالة، ما نلاقيش همة ولا حيل ونقول تعبانين.
لازم الذكي يشتري دماغه ويخلص، وما ياخدش كل حاجة في الدنيا دي على أعصابه، ولا يرى كل معركة كأن هي صيحة حرب. لا عادي، حاجات كتير تخلص بمعلش، وحاجات كتير تخلص بمِلّيمين، وحاجات كتير جداً جداً تخلص بـ"حقك عليا". فما يصحش نبقى كبار ونبقى كده صغيرين.
كلامي واضح يا صاحبي؟ اللي تعرف ديته، اللي تعرف ديته، ركبه الخشبة. اشتري دماغك وقرر إنك تختار عدوك زي ما بتختار حبيبك.
أكثر من 90% من خناقاتك وعداواتك بلح وتوهم. أصلاً ربحها مش مفيد لأي حد، فما بالك بخسارتها فضلاً عن خوضها. [موسيقى]