Transcription
بص بص هوريكم دلوقتي حاجه غريبه جدا. ده البنطلون بتاعي. البنطلون ده انا بحبه جدا يعني بحبه لدرجه انتوا ما تتخيلوهاش. مش عشان هو احسن شكل بنطلون في الدنيا ولا عشان هو اغلى بنطلون في الدنيا، ولكن انا بستريح فيه.
اللي حصل ان اليومين اللي فاتوا وانا ماشي في الشارع البنطلون بتاعي اتقطع بالشكل اللي انتم شايفينه ده. اتقطع قطع ضبه ومفتاح ما ينفعش ان هي تتخيط. البنطلون باظ على كده مش هينفع ان انا اخرج بيه.
اول ما ده حصل انا ضيقت جدا لدرجه ان انا خبطت ايدي في حاجه كانت تتعور يعني وقعدت تدبدب واشمعنى يحصل في اكتر بنطلون يعني كانت حصلت في اي بنطلون تاني بس ما كانتش حصلت في اكتر بنطلون بلبسه يعني انا بحبه وبلبسه وبستراح في البنطلون ده قوي. ليه ليه تحصل في البنطلون ده.
ولكن اللي اكتشفته ما قعدت افكر مع نفسي ان مضايقتي دي نبعه من ان انا لسه ما فهمتش الحياه بشكلها الصح. لسه ما فهمتش ان عمر البلاء ما هيجي في حاجه انا ما بحبهاش لازما البلاء يجي في حاجه انا بحبها والا ما كانش تسمى بلاء. لسه ما فهمتش ان كل حاجه حلوه دايما هيحصل فيها الحاجه اللي هتعكرها.
يعني الناس دايما تقول لك بص على نص الكوبايه المليانه وما تبصش على النص الفاضي. يعني بص ان انت معاك بنطلون وما تبصش لان في غيرك اصلا معوش البنطلون انت جايبه وماوش فلوس يجيب البنطلون ده. ولكن هو حتى نص الكوبايه المليان هو في الشوائب والحاجه اللي هتعكره.
على راي الدكتور عماد رشاد دايما كل حاجه حلوه هتلاقي ان بيحصل لها الحاجه اللي بتعكرها. تبقى جايب عربيه جديده ومبسوط بيها وهوب تروح واخده لها خط الطايره الفانوس. تبقى جايب تليفون حلو ومبسوط بيه وهوب يروح واخد له خبطه واعرض. تبقى جايب لبس جديد وهوب يروح منتوش. تكون مخلف ابنه ومبسوط انك زرع فيه كل الصفات الطيبه والحسنه ولكن دايما هيفضل فيه الصفه اللي معقره لك مزاجك.
فانا بشوف ان ان اعتقدنا دايما ان ان دايما الحاجه الحلوه مش هيحصل لنا اي فيها نوع من انواع البلاء ده اعتقاد يعني اسف لو قلت ان هو اعتقاد سازج. لان الاعتقاد ده ممكن يكون مسموح لو انت في الجنه ولكن احنا في الدنيا ومن طابع الدنيا ان فيها بلاقات ودايما البلاقات هتحصل في الحاجه اللي احنا بنحبها.
فعشان كده انا البنطلون ده علمني درس مهم قوي فقررت ان انا احتفظ بالبنطلون ده عشان الدرس ده كان مهم بالنسبه لي وممكن ماخرجش بيه ولكن هصور بيه وهلبسه كتير ا عشان اتقبل دايما او لما دايما عيني تيجي على القطع اللي فيه وافتكر ان انا كنت بحبه. فدايما افتكر في دماغي كده ان كل حاجه حلوه هيحصل فيها الحاجه اللي بتعكرها.
فلو فضلت اتنطط وادبدب واخب جنب الحاجه اللي معكره لي الحاجه الحلوه عمري الحاجه الحلوه هترجع زي ما كانت ولا عمري هتبسط بالحاجه اللي معايا. فده درس مهم اتعلمته وحبيت اني اشاركه.
وكالعاده ما تنساش تعمل شير. Yeah.