Transcription
الاسبوع اللي فات ابتدينا السلسله بتاعه الحكمه فوق ال 40 وكلمتكم على الحاجات اللي بطلت اعملها بعد سن ال 40. والنهارده هنتكلم على الحاجات اللي ابتديت اركز عليها فوق سن ال 40 اللي مخلياني اعيش النهارده براحه نفسيه وحياتي اسهل واسعد كتير.
اول حاجه ب اركز عليها هو السلام بتاعي. اولا بقيت بختار المناقشات اللي تستاهل فعلا انه ادخل فيها او اتناقش فيها واغلبيه وقت انا بسمع اكث ما بتكلم. مش هدخل في جدال، مش هقعد احاول اقنع اللي قدامي بوجهه نظري. انا بقول وجهه نظري مره واحده بس. لقيت اللي قدامي بيبوش باك وهو مقتنع بوجهه نظره هو براحته. يعني لو جيتوا النهارده بصيتوا على البلوزه بتاعتي وقلتوا لي البلوزه دي صفراء جميله جدا بس ليه لابسه بلوزه صفراء هقول لكم لا هي البلوزه مش صفراء البلوزه بيضا. قلت لي لا البلوزه صفراء مش عارفه بصي دي حتى لونها اصفر هقول لكم اوكي هي صفرا جميله جدا انا مبسوطه بالبلوزه بتاعتي الصفراء. بقيت باخد الناس على قد عقلها، بقيت انا بكبر راسي، بقيت انا بطنش كتير.
الموضوع ده اللي لفت لي نظري عليه كان مدير كنت بشتغل معاه وقت ما خطبت. كان المدير ده عنده التيم بتاعه كنا كلنا بنات، كلنا ستات وهو الراجل الوحيد. الراجل ده كان يعني ملك الطناش، طناش خالص حد مكبر دماغه جدا. فكنت فعلا بحب جدا السلام اللي هو فيه. فلما جيت خطبت قال لي بصي انا عندي رساله لخطيبك يا ريت لو توصليها له. قولي له باولو بيقول لك عشان تبقى سعيد في جوازك لازم تختار حاجه من الاثنين يا اما تكون سعيد يا اما تكون صح. ما ينفعش تبقى الاثنين. وفعلا الموضوع ده حطيته في راسي مش بس في الجواز في اي علاقه في اي موقف في الحياه في الشغل في اي حاجه. الواحد عنده حل من اثنين اختيار من اثنين يا اما اختار سلامي وراحتي النفسيه وسعادتي يا اما اختار ان انا افضل اهاتي واجادل علشان بس مجرد ابروف البوينت بتاعتي واثبت انه انا معايا حق. وانا شخصيا بقيت بركز على السلام وما يفرقش معايا خالص اكسب اي مناقشه.
ثاني حاجه بقيت بركز عليها جدا انه اعيش حياتي انا فعلا واعيش في اللحظه. بطلت اضيع في وقتي انه ابقى عايشه حياه الناس الثانيه او بتفرج على حياه الناس الثانيه او حشره نفسي في حاجات ما تخصنيش بتاعه حياه الناس الثانيه. انا مركزه في حياتي انا في مشاكلي انا في طموحاتي انا في سعادتي انا في اهدافي انا. لو متابعيني من زمان اكيد انتم عارفين ان انا موقفه السوشيال ميديا. بطلت ادخل على فيسبوك وانستغرام وبطلت حتى انه ابوست اي حاجه للقناه على فيسبوك وانستغرام. وعشان كده عملت الكميونيتي البرايفت كوميونتي البرايفت لاونج اللي عملتها. لأنه زهقت ان انا ابقى بضيع عمري في حاجات مالهاش اي معنى ولا هتغير اي حاجه في حياتي. مجرد انا قاعده بس حتى النظارات بتاعتي كده قاعده بتفرج على الناس بتعمل ايه في حياتها. انا مالي. الناس اللي تهمني فعلا اعرف ايه اللي بيحصل معاها في حياتها هي في حياتي في الدايره بتاعتي دلوقتي. اي حد تاني بره الدايره دي انا مش هضيع وقتي عشان اكيب اب مع الاخبار بتاعته وهو وصل فين في حياته وبيعمل ايه وارائه في الدنيا ايه ولا يفرق معايا.
والحاجه الثانيه اللي بقيت بعملها علشان فعلا اعيش اللحظه انه بقيت مركزه في الوان ين الشيء الواحد. عارفين الكتاب ده بركز على حاجه بس ما بعملش حاجتين ثلاثه اربعه خمسه في نفس الوقت. ما بحطش اهداف لسه طويله عريضه عايزه اعمل ده وده وده وده. ما بعملش كل الكلام ده. بقيت بركز بس على حاجه اخلصها اديها وقتها اروح اركز على الحاجه اللي بعديها. ونفس الحاجه بالنسبه للعلاقات. انا دلوقتي بركز اكت انه اخرج وان ان وان كده انا مع واحده صاحبتي انا مع بنت خالي مع بنت عمي مع اي حد مع جوزي ابقى وان اون وان يبقى في علاقه ان تيم اركز مع الشخص فعلا مش ابقى في جروب طويل عريض وتبقى القاعده كلها ما فيش حد عارف يعمل حوار مظبوط او يتكلم مع حد يبقى بس عايزه اتكلم مع ده شويه ومع ده شويه وقاعده بس مع اثنين ثلاثه من الناحيه دي والترابيزه الثانيه انا يعني تقريبا ما بتكلمش معاها. لا انا بقيت بركز على الجوده مش الكميه.
وده بيجيبني للحاجه الثالثه اللي بقيت بركز عليها. بقيت بركز على علاقات قليله يبقى عندي علاقات قليله بس علاقات علاقات انتيم علاقات حقيقيه علاقات فعلا بتضيف في حياتي مش علاقات بتستنزف مني. بقيت سلكتيف جدا في الناس اللي بتدخل حياتي او الناس اللي بتتقرب مني في حياتي. ما بخليش اي حد كده يدخل حياتي ما بخليش اي حد يتقرب مني. ما عنديش اي مشاكل اني اعمل بلوك ناس مش بس اون لاين حتى في حياتي الشخصيه. اي حد احس ان هو عدى خط احمر بالنسبه لي في حياتي بلوك. اي حد بحس انه بيستنزف مني طاقتي على الفاضي بلوك. فانا النهارده اصبحت ما عنديش اي مشكله انه ابقى لوحدي او يبقى دايره معاررفي اقل او اصحابي يتعدوا على ايد واحده احسن ما ادخل في حياتي اي حد وخلاص يبقى بيستنزف بس من وقتي وطاقتي.
الحاجه اللي بعد كده اللي بقيت بعملها كثير ومركزه فيها هو انه بقيت ما عنديش اي مشكله احط حدود او اني اقول لا. الاول طبعا زي ما اغلبيتنا اتربينا على انه لا عيب ما تزعلش ده لا عيب ما تقولش لا عيب ما تكسرش خاطر حد لا عيب وعيب وكل حاجه عيب. وهي في الاخر ولا هي حاجه عيب ولا انا بغضب ربنا ولا انا بجرح اللي قدامي. انا مجرد بفضل بس اجي على نفسي علشان افضل ادادي او علشان من وانا صغيره ما اتربيتش وماتعلمتش ازاي احط الحدود للناس اللي حواليا. ودي حاجه على فكره من اكث الحاجات اللي لما الواحد بيتعلم يعملها وبيحط الحدود دي فعلا حياته بتتغير تماما وبيصبح اسعد ومرتاح زياده كتير.
الحاجه اللي بعد كده اللي بقيت مركزه عليها انه بقيت بستثمر في العلم بتاعي. باخد الوقت علشان اتعلم حاجات جديده مهاره جديده معلومه جديده اعمل ريسيرش اروح اخد ماستر كلاس او اروح اخد كورس في جامعه. في جامعات كتير بتدي كورسات ببلاش اون لاين منها جامعات كبيره اوكي وسمعتها قويه جدا بتدي كورسات اون لاين او ممكن بكل بساطه اقرا كتاب او اسمع بودكاست من حد خبير فعلا عارف هو بيتكلم على ايه مش بس البودكاستات اللي هي درد دشه دي وخلاص. اي حاجه من دي المهم انه كل يوم لازم بدي وقت للعلم. ليه الموضوع ده مهم عشان حاجتين. اولا عشان مش عايزه مخي يصدي. انا عايزه مخي يفضل على طول شغال ويفضل على طول بينمو ويكبر ويبقى مركز. وتاني حاجه علشان دلوقتي لو انا ما ثقفتش نفسي فعلا واتعلمت الحاجه مظبوط ممكن اي حد بكل بساطه يقنعني باي حاجه هو عايز يقنعني بيها. لأنه انا ما عنديش العلم الكافي انه اكون انا لنفسي الراي الصح.
واخر حاجه واهم حاجه بقيت مركزه عليها زياده هي صحتي. ان كان صحه عقلي ان كان صحه جسمي. بقيت بحاول اكل اكل صحي زياده اختار حاجات احسن احاول اعمل تبديلات بسيطه في الاكل اللي انا متعوده عليه اللي بناكله كل يوم علشان تبقى احسن جسمي. بقيت اقرا ورق اي حاجه بشتريها الليبل عشان اشوف فعلا الحاجه دي جواها ايه المكونات بتاعتها فيها قد ايه سكر فيها قد ايه ملح فيها قد ايه فات قد ايه كالوريز. بقيت ابقى سلكتف زياده في الاكل اللي بيدخل البيت عندنا. وبقيت بعمل حاجات انا في البيت فروم سكراتش زياده. غير طبعا انه على قد ما اقدر بحاول امشي كل يوم. وان شاء الله يا رب في الخطه بتاعتي انه هبتدي سترين ترينين كمان علشان العضلات وتقويه العضلات عشان كل ما بنكبر مهم ان احنا نقوي العضلات بتاعتنا علشان ما تبتديش تصغر وتبتدي تضعف وتخلينا نقدر معتمدين على نفسنا حتى واحنا كبار في السن.
حابه اعرف منكم ايه الحاجات اللي انتم ابتديتوا تعملوها بعد ال 40 او ابتديتوا تركزوا عليها او استبدلتوا حاجات بيها. وحابه اشكر كل واحده فيكم شاركت معانا الفيديو اللي فات في الكومنتس الحاجات اللي هي بطلت تعملها بعد ال 40. ولو ما شفتوش الفيديو ده لسه لسه هسيبه لكم هنا لو حابين تروحوا تتفرجوا عليه. فاي هوب يكون عجبكم فيديو النهارده وتكونوا استفدتوا منه. لو عجبكم ما تنسوش تعملوا له لايك ولو استفدتوا منه اعملوه شير مع حد تاني هو كمان يستفاد منه. شكرا جدا لمشاهدتكم النهارده حبايبي هشوفكم الاسبوع الجاي ان شاء الله في نفس المد. باي باي.