من الوكالة إلى الحرم... كواليس تنظيم رحلات الحج والعمرة بالمغرب

بسم الله الرحمن الرحيم.

أعزائي المشاهدين، مرحبا بكم مرة أخرى في حلقة جديدة من البودكاست ديالنا. اليوم أستضيف واياكم ضيف جديد، الأمر يتعلق بالأستاذ أو الحاج معاذ الخلفي. مرحبا بك.

جزاك الله سيدي محمد، ويوم سعيد في حضراتكم في هذا البوستكاست الجميل.

نعم سيدي، اعزائي المشاهدين، ما هو معلوم اليوم، هذا الموضوع ديال اليوم يتناول العديد من الأسئلة المتعلقة بفرصة العمر، ما تيقولوا عليها المغاربة، وهي فرصة العمرة أو الحج. هذا هذا الأمر هذا اللي هو أمر عظيم، أمر كبير لكل يتوق على أن يحصل على فرصة باش أنه يمشي للعمرة أو الحج. واليوم معنا سيدي معاذ كأحد المشرفين على وكالة للاسفار، وخصوصا المتعلقة بالسفر إلى الديار المقدسة لأداء مناسك العمرة والحج. سيدي معاذ، نبدأو معك أولا المسيرة المهنية ديالك وكيفاش كيفاش بديتوا هذا المسار المهني المتعلق بالأسفار.

نعم. تحياتي سيدي محمد. بخصوص يعني ميدان وكالة الأسفار، أول عهد به يعني لما بديته بناء على أن الوالد حفظه الله ورعاه كان عنده ارتباط بهذا الميدان، خاصة ميدان التأطير وتاطير الديني بشكل أخص، من منذ التسعينات تقريبا، من 90، 91، 92. فكان أنه في المخيلة ديالي يعني من الطفولة ديالي أنه ارتباط وجداني بالديار المقدسة، بالمدينة المنورة، والخدمة ديال المعتمرين. لكن أول تجربة كان لما كنت يعني مقيم بالمملكة العربية السعودية، في منذ 2008 تقريبا، وكنت كنغتنم الفرصة. ديك الساعة كنت يعني في خدام في مؤسسة في مكتبة في السعودية، وكنت دائما كنتردد وكنعاون الوالد في تأطير المعتمرين وفي الإشراف عليهم وكذا. فكانت هذه هي البوابة الأولى، وكانت هي المرحلة التأسيسية. كتعاونهم، تعاونهم في الباكاج، تمشي معاهم السبيطار، يديروا التعبئة في التسكين ديالهم، مثلا تمشي معاهم، دير بهم العمرة، وغير المزارات كذلك.

إذا كان هذا هو الدافع الأساسي؟

فأمور يعني الاطلاع على الميدان من من البداية، من نقولوا من الخشيبات والأقراص وهكذا إنسان. فمع مرور السنوات يعني قول تقريبا المرحلة الأولى اللي كانت يعني هي هذه المرحلة التأسيسية، ثم المرحلة الثانية وهو أن وليت كندي مجموعات وتحت غطاء وكالات أسفار. فالتدرج يعني أسماء متنوعة، كل مرة حسب اللغة اللي كنشتغل معها. لكن ما كنقولوا المرحلة اللي كانت هي التاسيس أو مسمى هي 2018. الحمد لله، خذت الرخصة ديالي من وزارة السياحة، وكان إشراف مباشر، خاصة أن هذا الميدان لابد الإنسان يكون تحت إطار قانوني، حفاظا حفاظا على حقوق الناس.

ثم قطعا الطريق على أي حاجة اللي ممكن تشين ه هذا القطاع اللي هو قطاع يعني شريف، وخاصة ارتباطه بواحد الأمر ديني اللي هو الحج والعمرة.

نعم سيدي معاذ، مرحلة التاسيس، أنا تنعرفوا بانه دائما، وأنت كشاب اللي اللي بنى الفكرة من من أسس، ما قلتي أنك خذتي تجربة في السعودية وخذتي كثير من التجارب ووصلتي لمرحلة ديال التاسيس. فهذه المرحلة بالذات، واش كانت عندكم شي صعوبات باش أنكم أسستوا هذ الوكالة، وكيفاش كانت البناء؟

بالنسبة كان دفتر التحملات الأول اللي كاندير وكالة الأسفار كان شوية معقد، باعتبار خص تكون عندك واحد التجربة، واحد الباع طويل في الميدان، باش أول حاجة أنت تكون من غير الرخصة ديال وزارة الصحة كذلك الرخصة ديال المدير، مدير كانت مهمة، لابد أنك كتفتح، ثم كتكون رخصة اللي هي مؤقتة سنتين، عاد بعد كتاخذ الرخصة النهائية. فكان وثم كانت الأمور في الرباط، كانت مركزية في الرباط، قبل ما تولي الجهوية، يولي الأمور. فكانت أمور شوية واحد النوع من البيروقراطية اللي يحول بين أنها تكون تسرع العملية ديال. شفتي بديت في 2008، 10 سنوات عاد درت يعني وكالة خاصة بي، لأن كان الأمور شوية فيها نوع من البيروقراطية. لكن الحمد لله لما الأمور الأمور تيسرات الآن، وكان الأمور الآن الأمور ميسرة، ولات جهوية، ولات عن طريق المنصة، وحيدوا شحال ديال الشروط بالنسبة للمدير وغيرها من الأمور. فالحمد لله ولا الآن تشوف تبارك الله ما شاء الله، تفتحوا شركات جديدة في الميدان، وهذا من شأنه ينعش القطاع السياحي عموما، سواء السياحة كما نقولوا الترفيهية وغيرها من أنواع السياحة، ولا السياحة الدينية كذلك، ممكن منها كذلك الحج والعمرة.

نعم سيدي معاذ، بالنسبة للتطور ديال الوكالة ديالكم في هذه السنوات الأخيرة.

أنا بالنسبة حتى واحد القضية بغيت أن تأسيس الوكالة بناء على دراسة ديال الحاجيات، على القصور ديال الجوانب اللي ممكن تكون، باعتبار أنه عايش الأمور، عايش المشاكل. فكنعرف المشاكل ديال التسكين ديال الناس لما كيوصلوا ما كيلقاوش الفنادق، علاش كيكون تأخير في النقل، علاش الأمور اللي الناس كيتشكاو منها. فبناء على دراسة هذه الحاجيات، فحاول أنه في تأسيسي يعني الوكالة ناخذها بعين الاعتبار، واللي هي كتعطيك واحد النوع ديال ديال التميز، سواء الوكالة ديالنا ولا غيرها من الحمد لله من الوكالات. والأمور اللي الحمد لله هي إيجابية، أن الآن كتلقى شباب كثار و وكيتنافسوا في خدمة المعتمر وفي ذلك. فليتنافس المتنافسون، بالعكس ذاكشي كيزيد كيعطي واحد الإشعاع، كيعطي واحد الصورة يعني إيجابية ومطمئنة على وكالات الأسفار، اللي كان شحال كاين الناس اللي هما ضعاف النفوس اللي عطاو واحد الصورة مشوهة، وكيقولوا راه كاين الناس كياكلوا لهم فلوسهم، راه كذا، كيتكرسوا على صحيح، وقعوا حالات. لكن ما كنقولوا استثناء لا حكم له. لكن القاعدة والغالبية العظمى في الوكالات أن هازة الهم، وكالات الجانب اللي هو الجانب ديال التزاماتنا مع المعتمرين، الجانب اللي هو ديال التأطير كذلك ديال المعتمرين والسهر على الراحة ديال المعتمرين. ثم واحد المسألة اللي هي الناس خص يفهموها، ما هو دور وكالة الأسفار؟ وكالة الأسفار هي بحال واحد كتنسج أو كتخيط ما بين مجموعة من الخدمات. بالناس فاش كيوقع شي مشكل، كيرجع لوكالة الأسفار. كيرجع لوكالة الأسفار على أنه وكالة الأسفار را هي اللي سببت ليه المشكل. فما كتبقاش هو شنو هو سبب المشكل. مثلا كيكون مثلا تأخير ديال الطائرة، الوكالة ما عندهاش دخل في تأخير الطائرة، ولكن هي شركة طيران مستقلة بذاتها، ولكن المخاطب الوحيد لدى هي الوكالة. فحنا كنحاولوا أننا دائما الأمور نصحوها، أن الوكالة لا تستحمل المسؤولية في حالة تغيير تاريخ الطيارة. ما علمنا أول متضررين هما حنايا، لأن ولا تأخرت الطيارة كنكون أنا كريت الكار، كنكون كريت لوطيل، مشات ليلة في لوطيل، كون التأخير في كل شيء. فالناس خص تكون ذاك الوعي بثقافة السفر. فهمتي؟ كتلقاو الفئة عندها وعي الحمد لله قريب وموالفين كيسافروا، لكن واحد الفئة مساكن، لأن هما أبائنا وأجدادنا الحمد لله، فهو كيصحاب لأنه كيكون عن تخوف، كيكون عنده واحد الفوبيا، أنه الناس مشاو وكذا، أول شي وقعت أنا ضحية الناصبي ما كذا. فحنا الحمد لله كنحاولوا نطمنوا الناس، بالعكس ما كنكونوا حنا ضحايا. مثلا في 2000 تقريبا 2022، كانت شركة الطيران نصبت نصبت على مجموعة وكالات الأسفار وكذا، وكانت قناة الثانية صورت معايا، فكنطم أنا الزبائن أن كلشي الناس غيمشيو، وحنا نتحملوا الحمد لله ذاك ما كنقولوا ديك الخسائر. وكذا ولا صلة للزبون بهذ الأمور. لكن كان تطمين لأن الناس عطات واحد الصدقة، كانوا الناس مشاو طار. فالناس ديالنا الحمد لله طمانهم، والحمد لله مشاو سالمين ورجعوا غانين بفضل.

سيدي معاذ، نتدرجوا معك في هذا الأمر هذا اللي هو أمر كبير جدا، وال المشاهد الكريم يبغي منك أنك تعطينا كيفاش تيتم ذاك الإعداد المسبق لهذه الرحلة، رحلة العمر. عرفتي أنه المغاربة كلهم ملي تتقول لي غادي للعمرة، إلا هو أمر جلل، أمر كبير جدا، سواء في العمرة أو الحج. أنتما هذا الإعداد لا شك أنه هناك كواليس، هناك إعداد قبلي. بغيناك تعطي للمشاهد الكريم.

نعم. من البداية. نعم. إلى غاية نهاية المهمة. نعم. دابا صلة الوصل بينا وبين بين الزبون. نعم. هو ذاك البرنامج اللي كنخرج ديال العمرة، فهو كيشوف وكيختار، لكن ما وراء ذلك البرنامج، الإعداد دياله، الإخراج دياله، ما كنقولوا مجموعة من الجهود المتظافرة.

صح.

أول حاجة، احنا لما كنجيو كنحصل على أثمنة ديال الطيران، يعني وثمن المجموعات، ثم كذلك الفنادق، سواء في المدينة وفي مكة، وكذلك التأشيرات. ودائما كيكون الجديد من المستجدات، سواء بالطيران أو التأشيرة أو الفنادق. فكان هذا هذ المعلومات، هذ المعلومات كلها كيتم التجميع ديالها مع استحضار يعني الزبون المستهدف. كاين البرنامج الاقتصادي، كاين المتوسط، وكاين السياحي، وكاين الممتاز، حسب ما كنقولوا كل واحد كلفلوكياله، يعني كل واحد والقدرة دياله. على واحد البرنامج، فكنراعيو وكنحاولوا تكون واحد المقاربة، المقاربة ديال ديال أن الإنسان يكون شي حاجة اللي هي في المتناول، كذلك الأسعار تكون في المتناول، يعني ما تكونش المغالاة. ولكن في نفس الوقت، احنا عاوتاني ما يمكنش تكون تنجر لديك المنافسة في الأسعار اللي تخليك أنك في نفس الوقت تنقص من جودة من جودة المنتوج.

هذ العملية كلها لما كنقدموا من الأمور اللي ضامنة النجاح ديالها، وهو كذلك التأطير. فكنحاولوا أن الناس قبل ما يمشيو نقعدوا معاهم، نشرحوا لهم الأمور التقنية المتعلقة بالرحلة، كيفية الإجراءات اللي كتكون في المطار، ثم الأمور المتعلقة كذلك بالمناسك، باش الإنسان يكون على بينة من أمره. هذه المجموعات ضروري ومؤكد، بل من أركان نجاح الرحلة، أن يكون معه مؤطر.

نعم.

ومؤطر في الغالب مكون، وكيستجمعوا في هذ الشروط، سواء في الجانب التأطير اللي هو ديني وكذا، وبنسبة للأمور التقنية. ماشي مفتي، ولكن كيكون ما يقيم به يعني الأمور ديال الدين اللي هي اللي هي أساسية. لكن الناس لو كانت أمور طارئة، كاين ناس مرجع في الفتوى، سواء في المغرب من الهيئات الرسمية الدينية، أو في السعودية كذلك، الهيئات الرسمية اللي تستفتي فيها في النوازل و في الأمور الأمور الطارئة. لكن الخطوط العريضة لازم تكون عارفة، يكون عارفها هذا المؤطر.

لاحظنا كذلك أنه أنكم من بين المؤطرين اللي تنشوفوا في الساحة، وسيدي أبو عثمان الهلالي كذلك، لأن ديما تيكون من من مرافقين، وكذلك مصطفى الهلالي. يعني كان رافقنا في رحلة الحج وكذلك في رحلات عمرة متعددة، وكانت عنده بصمة راسخة ومتميزة، خاصة أنه جمع له الله تعالى ما بين الواقع كذلك وما بين التنظير، ثم سعة الصدر دياله، ثم تحمل يعني الأخلاق والصبر، ثم كذلك حتى في اللغة ديال الخطاب.

صحيح.

بالأمازيغية وبالعربية وبالدارجة. فحقيقة كان دائما الرحلات اللي كيكون كيرافقنا فيها، كانت دائما متميزة، وكنعطي واحد الصدى جد جد طيب. وكنستغل الفرصة أنني كنشكره من هذا المنبر. ولأنه ما نقولوا لن نوفيه حقه وقدره، لأنه كيضحي حقيقة، لأن باش يصبر على الناس وعلى الطباع ديالهم وكذا، لأن هو الشيخ ما كيقدمش راسه أنه في الرحلة أنه واصي ولا في واحد البرج عاجي. العكس، كينزل مع الناس، وكيبسط معاهم، وكيصبر حتى على قلة أدب بعض الناس، للأسف. فرغم ذلك، الحمد لله، فزاه الله جزاه خيرا.

سيدي معاذ، ترقنا للتاطير اللي هو أول خطوة، والخطوة الموالية هو أشن هي المعايير ديالكم في اختيار الفنادق اللي تينزلوا فيها الناس؟

نعم.

و شن هما النوعية الخدمات اللي تيقدموها في؟

بالنسبة بالنسبة للفنادق، كما يقف عليك، كاين ك كاين يعني ما كنقولوا أصناف متعددة في التصنيف. كاين اللي ما عندوش كاع التصنيف، كاين الليكاين عنده نجمة واحدة، جوج، 3، 4 إلى خمس نجوم، إلى غيرها من أكثر. احنا أول حاجة، لابد الفندق يكون مرخص له من الجهات المسؤولة في السعودية، سواء من وزارة الحج، من الدفاع المدني، وغيرها من من الجهات الرسمية. تما، وهو هو أنه تكون فيه وسائل ديال الراحة، يعني كيسو في شروط ديال الراحة ديال المعتمر، من النظافة، لأن كتكون بعض المرات عيوب خفية، كتكون رائحة، لأن الفندق في السعودية التشغيل دياله تقريبا راه كيوصل حتى 365 يوم، تبارك الله. بعض الفنادق راه ماكينش مجال ديال الراحة، فحتى التنظيف ولا غير كيكون سريع. لكن كن شي عيوب خفية، الناس اللي كتكون عندهم حساسية ولا كذا، فلابد هذه الأمور نعينوها. الجانب ديال التكييف مثلا، الآن تطور، كان تكييف اللي ذوك الصنادق القدام، ممكن يزعج راحة المعتمر، فكنحاول نعتمد يكون تكييف مركزي، أولا يكون سبليت. هذ الأمور اللي هي مهمة، كذلك المصعد في الفندق، مخرج الطوارئ، أمور اللي هي مهمة في راحة ديال المعتمر، وكذلك في النقل. بالنسبة للبساط تيكونوا موديلات جدد، ما يكونش موديلات قدام، لأنه ممكن يخسر بالناس في الطريق، خاصة المسافة الطويلة ما بين المدينة ومكة، أو ما بين جدة والمدينة. هذ الأمور كلها مهمة، اللي كتخلي دائما كتكمل، كتكون تكميلي أساسية بأساسية، ماشي حتى تكميلية، كتكون أساسية في نجاح الرحلة ديال المعتمر، خاصة اللي كيكون في المدة الطويلة، بحال رمضان، كيكبوا 30 يوم، 40 يوم. هذ الأمور ضروري خص تكون تركز على هذه المسائل. ثم الجانب ديال القرب، الفنادق وبعدها عن الحرم. فقصى الفنادق مثلا في الأيام العادية، كتكون تقريبا 800 متر و 900 متر، فما تحت، لأن نقولوا دائرة الحرم كديلك واحد 300 في الساحات، كديلك واحد 300 متر ولا 400 متر. فحنا كنشوف على على بعدها وقربها من من دائرة الحرم. أقصى فندق كيكون مثلا في رمضان، كيكون تقريبا ديك 1500 متر. في الأيام العادية، الحمد لله، يعني اشتغلنا حتى على الفنادق المواجهة يعني الحرم المكي، بالنسبة للأبراج ولا غيرها، ولا جبل عمر، ولا غيرها من من أو جبل الكعبة كذلك.

نعم سيدي معاذ، لا شك أنه دائما في هذه الرحلة، رحلة العمر، كما أقول ديما، تيكونوا بعض المتغيرات المفاجئة بالنسبة لكم كوكالة، كيفاش تتعاملوا معها، سواء في المتغيرات اللي تتصدر من السلطات، سواء السعودية والمغربية، كيفاش تتعاملوا معها أنتما والزبون هو في غنى عن هذا الأمر؟ ليس عننا ببعيد، يعني مثلا الوباء اللي كان ديال كورونا.

نعم.

كورونا كان مؤثر، يعني أثرت على وكالة الأسفار وعلى شركات كبيرة جدا، الإفلاس، الإفلاس ديالها. هذه كان تأثيرها على قاتل، بالنسبة خاصة على ميدان ديال العمرة والحج. كانت ديك الساعة في البرلمان هنا المغربي، أصدر مرسوم يعني يعني التوفيق ما بين الوكالات والتزاماتها مع الزبائن والمطالبة بالدفعات. فكان الحمد لله واحد ما كنقولوا واحد الحل اللي كان مؤقت و وناجع. قبل منه اللي كان واحد المشكل اللي كان في السعودية، هو ديال تسقيف الأعداد، أو كان تخفيض ديال الأعداد بالنسبة للعمرة. بالنسبة كنقولوا في هذه الحالات، راه دائما دائما يتم تحييد الزبون على هذه المشاكل. لا علاقة له الزبون. درنا مع واحد الالتزام، كيستفد منه سواء أو فيما بعد أو مؤجل، كيستفد من هذه الخدمة. احنا في هذ الجائحات، كنحاول ارتباطنا بشركات اللي هي ما شاء الله كبيرة في السعودية، اللي هي تعى واللي كتقدر ه الظروف. في نفس الوقت حتى احنا كنقدروا الموقف ديالها. فممكن ما كيكون واحد التفاهم، ويدي أننا كنحل مشاكل. كذلك مثلا شركة الطعام مع شركات مسؤولة، شركة مثلا الخطوط المغربية، ولا الخطوط السعودية، ولا القطرية، ولا التركية. فلما كتكون هذه الجائحة مثلا، هما كيقدروا الظروف. مثلا كيقولوا إيه، غتستافد من هذ التذاكر، ممكن أما يرجعوا لك لهذ المبالغ، أو أما كتستافد منهم مرة أخرى. بالنسبة للزبائن، وهذا هو واقع المشكل، هو أنك فاش كتعامل مع كيانات، كيانات ما عندهاش مسؤولية، سواء سواء قطاع الفنادق، أو التأشيرة، أو الطيران. فهذه هذ ممكن هذه تاخذ الجمال بما حمل، وترجع بالوكالة إلى إلى ما تحت الصفر، لأن في الغالب الكيانات كتحاول أنها تطمع الوكالات بأسعار تفضيلية وكذا، لكن غير مؤمنة. عكس مثلا شركات، ممكن تلقى فيها زايدة شوية، ولكن كتأمن لك فلوس، وكتعطيك ضمانات لهذا الزبائن.

نعم سيدي معاذ، أمر آخر اللي اللي متعلق علق بالرقمنة. تنشوفوا أنه الآن باش تمشي لشي مناسك، لابد من من الحجز المسبق، وكاين بزاف د الأمور. هذ المتغيرات الآن بالنسبة للزبون المغربي، أو المعتمد المغربي، أو الحاج المغربي، ما تيعرفهاش، وربما الأمر الصعب، خصوصا أنه الناس أ ماتيعرفوش هذ الوسائل ديال.

اللي كاينة. كيفاش تتعاملوا معها دابا؟

هو بالنسبة للرقم، هي واحد الأمر يفرض نفسه.

صحيح.

حالا أو فيما يستقبل. أه نعم. واللي لابد منه أن وكالة الأسفار تواكب تواكب هذا الأمر، وإلا سميته غادي مع الوقت وغادي صافي، وانتهى الصلاحية الصلاحية ديالها. المغرب باقي باقي حنايا متأخرين شيئا ما، علاش؟ لأن أغلبية ديال المعتمرين كذا، را كنشوفوا بأنهم الناس كتكون كيكونوا كبار السن. يلا ولاو كينتعشوا بالنسبة هذا الجيل ديال الشباب، خاصة في متابعتهم المؤثرين، والناس اللي هما اللي حرفتهم السفر، من من مؤثرين، فكيحاولوا يعني يوجهوا الناس الاستفادة من بعض من بعض التطبيقات، والاعتماد على أنفسهم. لكن احنا بالنسبة في مجال العمرة، أغلبية الناس كتلقاهم ما عندهمش دراية، فكيجي كيرمي لك الثقل كله. الرقم أنا كانت عندها إضافة نوعية في تسهيل مجموعة ديال ديال المراحل ديال أي ديال ديال رحلة العمرة أو العمرة أو الحج. مثلا في الجانب ديال ديال التأشيرات، في الجانب ديال الحجوزات، في الجانب ديال التطبيقات، زيارة مثلا زيارة الروضة الشريفة في.

في التصريح بالنسبة للعمرة.

هذه الأمور كلها سهلت العملية. مثلا كان في التأشيرة من قبل، كان الإدخال اليدوي، وخصك تهز الجوازات وتحطهم في القنصلية، ما تيبقاوك أسبوع في القنصلية، وشي كياثر على كذلك على الطيران، على الفنادق. الآن الحمد لله ولا كتصور الجواز، كيمشي، كيتم المعالجة دياله في الموقع الخارجي، بطريقة الكترونية، عن طريق التطبيقات.

أيوا أيوا صافي، وربما التأشيرة تخرج لك. كاين بعض المرات كتخرج لك في 10 دقائق. ب المرات ولا تأخرت كاع 48 ساعة. 48 ساعة، وأنت في المكتب في المكتب ديالك.

وحتى كانجي مشكل في نفس، كتعالجه كذلك عن طريق الرقمنة، خلال المنصات التعديل أو أي. وهذا من شأن الحمد لله اللي كيخليك الآن مثلا تكون في أي منطقة في العالم، أنا كبغيت تستفد الخدمة، ماشي بالضرورة ترجع حتى للمغرب، عاد تستفد منها. فمن ثم بامكانك تستمر الوقت ديالك، ودوز مثلا، ودير العمرة ديالك، سواء في 240 ساعة، أسبوع، أو غير ذلك، وأن إنسان وقضى الغرض.

هذا الأمر هذا تتكلفوه به أنتما كامل؟ بالنسبة لطاقم؟

خاصنا فريق عمل.

خليه خليه ديال الرقمنة.

إيهيه اللي هما الناس متكلفين بالنظام، سواء ديال التأشيرات، أو ديال الحجوزات، أو أو غيره من الأمور اللي.

وبالتالي المعتمر أو الحاج ما عليه غير يجي ويركب في الطائرة، والمسائق الأمور دياله كلها الحمد لله مقادة.

را قلت لي كانت إكراهات من قبل، بعض المرات ما يلقاو الفيزا ديالهم، وطيارتهم وداكشي، حتى كيطلع للمطار.

صح.

حتى كيطلع للمطار، عاد كيشد ورقي. الحمد لله الآن قبل أيام، عننا مع واحد مؤسسة، المكتب الجهوي للاستثمار الفلاحي، وعن اتفاقية تقريبا ثلاث سنوات، يعني الرحلة عندهم مثلا في 21، خداو خداو المسائل ديالهم قبلها تقريبا ب 10 أيام أو أو 12 يوم، باش خداو التأشيرات ديالهم، الطائرة، كلشي الأمور المتعلقة لهم لهم بالصف سفر. إنسان كيور على لا الحمد لله، والأحسن، الأحسن، لأن هذو ضيوف الرحمن.

يعني فيهم الأجر وكذلك الأجرة.

نعم. محور آخر سيدي معاذ، ننتقل له، اللي هو الكل بغى يعرف عليه الكثير، لأن تتبقى بعض الأسئلة اللي اللي تتروج. تنهضروا على الحج مقابل العمل. هذا واحد الأمر اللي انفرتوا به كوكالة، كوكالة أسفار.

نعم.

وحنا بغينا نعرفوا عليه.

أكثر فاكثر، ونقربوا المشاهد الكريم لهذا الأمر.

بكل فرح.

بالنسبة الحج مقابل العمل، أو كان مشروع أضاحي، اللي كان منوط بالتنظيم دياله، يعني البنك الإسلامي للتنمية، تنفيذ له قرار مجلس الوزراء السعودي، بشراكة مع مجموعة ديال الوزارات داخل المملكة العربية السعودية. الغرض منه هو تدبير، تدبير ضيوف الرحمن، وإنفاذه بطريقة بطريقة معقلنة وسليمة وشرعية وسلسة، لي كتضمن النجاح، وكتعطي واحد الصورة مثالية على هذا المشروع المبارك، بالنسبة أمام مجموعة من من من من من الدول. وكتعتبر صورة صورة كيسميوه المشروع المملكة العربية السعودية، استفادت من هذه والأضاحي، لأن كان في الأول التدبير دياله، كان اللي رجع للفيديوهات وكذا، كانت أمور كانت أمور ماشية. لكن حرص الجهة المسؤولة داخل المملكة العربية السعودية، أن تؤدي رسالة على كم وجه، ثم يتم الاستفادة من هذه اللحوم للفقراء المسلمين في دول العالم الإسلامي، لأن ما شاء الله كتكون تقريبا واحد، كتمشي حتى لواحد مليون رأس تقريبا ديال اللي كيتذبح وزيادة. فكان هذا المشروع كان عنده، كان في البدايات دياله، كان في 2016، عن طريق بعض وكلاء الأسفار، لكن كان بشكل محتشم. بداية ارتباطي بهذا المشروع المبارك، هو سنة 2023، وكانت طفرة. هذ الطفرة هو أنه أنني أخرج، حاولنا أن نخرجه للعلن العلن، بطريقة اللي هي مؤثثة، وطريقة اللي هي تشرف المغاربة، في جانب التنظيم، في جانب التأطير، في الجانب ديال الحفاظ على مصالح ديال الناس المشاركين فيه. ف الحمد لله، وثم تحت إشراف السلطات في جميع المدن، عننا هنا في المملكة المغربية. ف الحمد لله، كانت صورة مشرفة، واللي هي تارة انتباه ديال مجموعة الحمد لله ديال الناس اللي عندهم اهتمام بهذا الموضوع. وكيتعتبر الحج مقابل العمل، كيتعتبر هو بديل، بديل على بالنسبة للناس اللي ما تسناش لهم أنهم يستافدوا من القرعة، سواء الحج ديال الأوقاف، أولا وكالة الأسفار، أولا المجاملة. المجاملة هي كتعتبر بديل. لكن اللي هو أساسي، هو الإفادة ديال الأوقاف وديال وكالة الأسفار، بالنسبة لنظام القرعة. ف هذا كان كمتنفس، أن هذ الناس كيتوفر لهم الجهات المعنية في السعودية، الحج مقابل اشتغال ثلاثة أيام. ف ثلاث أيام كيشتغلوا 8 ديال الساعات، في نص المقابل، كتعطيهم التأشيرة ديال الحج، وكيحجوا، وكيوقفوا بعرفة.

احنا كوكالة أسفار، جا باعتبارنا في الجانب الخدماتي، أننا نشرف على تنظيم هذ الاختبارات، وتأمين.

انتقاء ديال الناس. وهذا الانتقاء يعني على ثلاثة ديال المجموعات، وثلاثة د الأنواع. كاين الجزارين، الجزارين، هما الحرفيين، السلاخة، هذا معدل أنه يقادينا الذبيحة ويسلخها، تقريبا في واحد المعدل ديال خمسة ديال الدقائق. وكاين المساعد، اللي كيعاونوا الإنسان، فعلا كيدير شوية ديال اللقطات، كيكون كيدفع في العيد الكبير، كيكون مساعد. فهذا كيعاونوا في التنظيف، ربما يعاونوا أنه يهيئ ليه الذبيحة وكذا. وتكون منوط أو يكون مراقبة الجو كذلك داخل المجزرة. ثم كاين العامل، هو الذي ليس له دراية نهائيا بميدان الجزارة، لا من قريب ولا من بعيد. فهذا كتكون عنده مهام أخرى منوط بها هو داخل المجزرة، من ضمنها، أما يكون الإمداد، أما الثلاجات، أما التلف أو التكفين، وأما كذلك مراقبة الجودة أو الشحن. يعني أمور اللي ما عندهاش علاقة بالحرفة ديال ديال الجزار. لكن الأساس الأساس في هذا المشروع، هو الجزار ومساعد الجزار. هذا هو الأساس.

إذا هذا الأمر كله تيتعلق بالجزارة فقط، إذا حيت تنعرفوا أنه في موسم الحج.

نعم.

تتكثر الخدمات، ماشي غير في الجزارة. واش هذ الناس، هذ العملية هذه، خاصة بالجزار فقط والمساعد؟

لا.

لا.

أي ممكن يستفد، مهما يكون.

ممكن أي شخص ممكن يستفد، ماشي بالضرورة أنه يكون حتى يكون محترف، عنده بطاقة مهنية، ما تنهضروش على الاحتراف. تنقولوا بأنه هل يك نكتفي بحرفة الجزارة فقط والمساعدة؟

واش كاين شي خدمات أخرى يقدر نقول العامل هو العامل؟

نعم. هذا خاص.

المسألة ديال الجزارة فقط؟

لا. داخل المجمع، المجمع، هو هذا المجمع، المهمة ديال الذبائح، كيتسمى المعصم.

كاين معصم واحد، جوج، 3، 4 وكذا. حنايا بزاف. حنايا تعاقدنا مع المعصم رقم واحد، اللي كتسمى اللي هي شريان أع المجازر في منطقة يعني مزدلفة، أو منطقة المعصم. يعني تقريبا كاين سبعة ديال المجازر. هذ المجزرة هي عصب المجازر. كتهز تقريبا 6000 عامل، اللي كيتم الاستقدام ديالهم من أربع دول: الأردن، تركيا، مصر، والمغرب فقط. هما أربعة الدول اللي كيتم الاستقدام ديالهم.

وتكتفيو بالرجال فقط؟

ماكينش الرجالي فقط.

ما بين 25 و 48 سنة.

نعم.

هذ الناس الرحلة ديالهم، لما مثلا كيتم الانتقاء ديالهم، تم الانتقاء ديالهم، را كيستافدوا من البرنامج. كتبدا الرحلات من 17 ذو الحجة حتى 28 أو 29 ذو القعدة. في الدخول والرجوعات كتبدا من 17 الحجة، كيبداو يرجعوا للمغرب. هذ المدة كلها اللي كيمشيو هما، را كيكونوا الحمد لله كيؤدوا مناسكهم، كي مشيو للحرم، أحراء، ويجيو. فقط عندهم ثلاث أيام ديال الخدمة، اللي هو يوم يوم ديال العيد، واليوم الثاني والثالث، كيخدموا 8 ساعات، وكيتم كيؤدوا عليها مباشرة، كياخدوا الأداء ديالهم. في الوجبات، الأكل كذلك.

بالنسبة للوجبات، كيبداو من 25 د القعدة حتى 13 ذو الحجة. بالنسبة في المزار، كاين الإيواء، السكن ديالهم عبارة عن أجنحة، كاين اللي كيهز 70 واحد، كاين اللي كيهز 100 واحد، كيكون بياس فوق بيا. يعني بالنسبة سكن ديال ديال العمال. وكاين المسجد، حتى هو كيساعد تقريبا 6000 واحد. كاين المطعم كذلك، هو كيجي تبارك الله كبير، كيعني ك.

واش عندهم حرية التنقل كذلك في الأيام؟

عندهم حرية التنقل. يمشيو للحج، بحالهم بحال الحجاج. كيمشيو يمشيوا للعزيزية، يمشيو لشارع النور، يمشيو لجبل النور، يمشيو فين ما بغاو يمشيوا. الحمد لله. وعندهم التصريح ديالهم، يعني في التطبيق توكلنا، عندهم تصريح بالحج، وعندهم بطاقة النسوك. هذا هو اللي كان الحمد لله، يعني كيدخلوا بطريقة قانونية، بالإحرام ديالهم، وبإعلام وإبلاغ جميع الجهات المسؤولة، وبيان الوصول. ف الحمد لله، في عرفة، عندهم سميته الخيمة ديالهم في عرفة. وفاش كيوصلوا وقت الأكلة، را كيجيبوا عليهم، كيكون تما، كيجيبوا لكم التوزيع دياله داخل المشعر ديال ديال عرفة. وبالنسبة عاوتاني النقل ديالهم، اللي يوصلوا لعرفة، ولي رجعهم عاوتاني، جمع ديال ديال العمل، اللي هو المعصم رقم واحد. ف الحمد لله، الأمور اللي ما عندش هذ العمال، واللي هما كيتعتبروا حاج ديالهم، خاص أنه مينان ما عندهمش مينان الخيام في ميناء.

نعم.

لأنهم كيتعتبروا قياس قياسا، لأنهم غير معنيين بالمبيت في الميناء، قياسا على ممن رخص لهم النبي صلى الله عليه وسلم، من السقات والرعاة، بعدم المبيت في. من كتهيئ ليهم الناس، الحمد لله، كيتهيئ لهم في اليوم الأخير، كيباتوا في في ميناء، أو من الناس اللي كيخدموا في الورديات الأولى، لأن الاشتغال على ثلاثة د المراحل في اليوم، من 6 د الصباح حتى 2 د النهار، من 2 د النهار 10 ديال الليل، من 10 ديال الليل حتى 6 د الصباح. فكل واحد حسب المهام المنوط به، جدول اللي تم تحديد فيه المهمة ديالو، اللي غيشتغل فيها هو، والحضور دياله إلزامي في هذا العمل، وإلا تترتب عليه يعني جزاءات.

الحاج معاد، نرجعوا بككمسألة أخرى، اللي هي مسألة الانتقاء.

نعم.

انتقاء هذ الأشخاص، وكيفاش تتمر هذ العملية ديال الانتقام، وأنه واش كاين شفافية ووضوح في هذ العملية هذه؟

نعم. بالنسبة حنا دابا الآن، واحد قدامنا نهار يوم الأحد، 2 نونبر، إن شاء الله، غادي تعطى الانطلاقة للاختبارات الأولية، اللي هي مدة أسبوع. تبدأ في الدار البيضاء، وغتنتهي في أكادير نهار 9. وخلال ما بينهم، كاين في العيون، كاين في وجدة، كاين في أسفي. هذ الاختبارات، كنكون الحمد لله، خذنا الناس التراخيص، كيجي، كيحضر صاحب المشروع، مقاول، الأستاذ محمد علي ظافر الشهراني، أبو علي، هذا اللي هو واحد الإنسان، هو اللي صاحب المشروع، المشرف على هذا المشروع. فحسب الناس اللي اللي تقدموا للترشيح، حسب التصنيف دياله، والنوع فين دفع هو. دفع مثلا جزار، أولا مساعد. كنجيب ذبيحة، وكيتم الاختبار دياله، واش عنده دربة، وعنده حرفة، وعنده مهنية في هذا الأمر.

نعم.

والاطلاع.

فأمور كلها أمام الجميع.

نعم.

كيجي، كيقول لي، بسم الله، سلخ هنا، سير، مفصل هنا، سير للراس هنا. صافي، في البلاصة، كينقط.

قتلي.

نعم.

بناء على ذاك التنقيط، كيتم التصنيف دياله.

نعم.

وياخذ هو النتيجة دياله. كان جزار.

هي نتيجة فورية.

نتيجة فورية.

نعم.

نتيجة فورية.

وحنا كنظموها، وكنخرجوها في جداول، وكيتم الإعلان عليها، ويطلع الناس كلهم عليها. وهي اللي كتحدد لك يعني أنتيا ديال المجال. حيت مثلا الإنسان كيجي يقول لك أنا راه جزار، وهو ماشي جزار.

نعم.

فهمتي؟ هو ماشي جزار. وهذا ماشي غيجني لينا على العمل.

صحيح.

راه تبارك الله 280 ألف فرصة، خصها تذبح في خلال ثلاث أيام.

وسيدي معاد، العدد ديال المستفيدين في المغرب ككل تقريبا؟

تقريبا يكون فا 3000. باعتبار الشركات الأخرى اللي هي واخذة التفويضات، يكون تقريبا شي أزيد من 3000.

من 3000 واحد.

في المغرب.

نعم.

ألاحظنا أنه كاين تجاوب ديال الناس مع هذ المسألة ديال.

أي كل عام، كل عام، وكتزاد أعداد. كل عام كيتزاد الإقبال. كل عام كيتزاد يعني الاستفسارات، وكذا، ويتم، وكيتم التجويد كذلك ديال الخدمات، والظروف ديال استفادة الناس من من هذا الأمر. احنا فلما جينا، لقينا لقينا كاين ناس ما شاء الله، كيتشتغلوا ب ذمة وبحرافية. وكاين ناس، للأسف، كيجنيو، وكتكون كجينا قصص مؤلمة. لكن الحمد لله، الأمور كل سنة، باعتبار كنحاولوا الناس تكون نسهروا على الراحة ديالهم، والاستفادة ديالهم من هذا المشروع الطيب.

إذا نذكروا المشاهدين الكرام بالوقت، امتى يبداو هذ الاختبارات؟

يوم الأحد، بإذن الله تعالى، 2 نونبر. قريبا غتكون الاختبارات الأولية. الاختبارات النهائية، اللي هي غتجي لجنة خاصة من وزارة من السعودية، اللي فيها مجموعة من كل مندوب عن كل وزارة. هذه أما كتكون في شعبان، في نهاية شعبان، أو كتكون في بداية شوال. حسب سميت الإعلان اللي غيتم الإعلان من السلطات المختصة في السعودية.

نعم. سيدي معاذ، هذا هذا المحور هذا قفلناه. عندنا محور آخر متعلق بالبعد الاجتماعي والروحي. ملي تنهضر، تنقول كيفاش تتشوفوا العلاقة بين الجانب الديني والجانب التجاري؟ لأن هنا تنهضروا على وكالة أسفار.

عندها كذلك واحد الهامش ديال الربح.

ونفس الوقت، كاين العلاقة ديال الجانب الديني.

خصوص أنكم كذلك دكتور، ودرتوا مسيرة علمية حافلة. وكيفاش تتربطوا بين هذ الاثنين؟

نعم. بالنسبة وكالة أسفار، أول حاجة نعرفوها، وكالة الأسفار هي شركة. هذه الشركة يعني يعني كتقلب على واحد الربح.

نعم.

كتقلب على واحد الربح، بناء على الأمور المسالك القانونية فيه.

أمر عادي جدا.

خلاف العمل الجمعوي، كيكون المقاربة الاجتماعية والتطوعية.

نعم.

فماشي عيب أنه أنا في وكالة الأسفار، أنني كنقلب على على واحد الربح. لكن هذا الربح كتاثر أمور كثيرة، اللي اللي ما كنقولوا لا يشبهها عيب من عيوب الرضا.

نعم.

سواء غابن، أو تدليس، أو غيرها من الأمور التي، أو إكراه، أو نصب، أو غيرها من الأمور. باعتبار المقاربة الدينية، أو الأخلاقية، في خاصة في مجال الحج والعمرة. ولا ما استحضرهاش الإنسان، أكيد أنه راه ما كنقولوا غادي غادي يتمادى، يتمادى، وغادي يخرج على على كنقولوا على الطريق السوي، السوي.

نعم.

لكن كان استحضر بعض النصوص، مثلا، أرحم الله، سمحا إذا باع، فقول صلى الله عليه وسلم: "سمحا إذا باع، وسمحا إذا اشترى، وسمحا إذا قضى".

و "سمحا إذا اقتضى".

وثم الصدق في في البيع، وفي الشراء.

نعم.

هذ الأمور كلها، لا تتنافى مع الربح الدنيوي، والربح الأخروي.

نعم.

قول الله عز وجل: "ربنا آتنا في الدنيا حسنة، وفي الآخرة حسنة". يعني الأجر والأجرة.

الجمع بين الحسنين.

فلهذا، الحمد لله، الناس كنحاولوا نيسروا معاهم. وهذا هو اللي يعني خلانا أننا، أن الحمد لله، أن تكون عنا واحد القدم راسخة في الميدان. وكل سنة الحمد لله، يعني كتشوف بأن الإقبال والأعداد كتكون أفضل وأكثر مقارنة مع السنوات الماضية. وهذا مؤشر، مؤشر ديال النجاح، بفضل الله سبحانه وتعالى، ثم بحسن الظن الناس اللي حسنوا بنا الظن، وتعاملوا معنا، وتقوا فينا كذلك. فكتخلي الأمور، والثناء ديالهم كذلك، الكلمات الطيبة، وكذا، كتخلينا أننا نزيدوا نعطيو، وأن نراعيوا هذا الجانب الأخلاقي، أن نيسروا مع الناس، سواء في في الجانب ديال الأسعار، أو كذلك في الخدمة، والإنفاذ الالتزامات اللي التزمنا بها مع هذا الناس.

نعم سيدي معاذ، لا شك أنكم في هذ الرحلات اللي تتقوموا بها، صدفتوا أكثر من مواقف إنسانية، وكذلك مواقف مؤثرة. صدفتوا، صادفتموها، يمكن تعطينا شي مواقف، شي أمور اللي حدثت وأنتم تتقوموا بهذا؟

هو بالنسبة له الجانب ديال العمرة، كتلقى الناس قلوبهم يعني مشرأبة، وتواقة، ومرتبطة بالحرمين الشريفين. وكتشوف الناس يعني ذاك ذاك الدموع ديال الشوق. وكيما نقول، كيجيوك ناس مسكين، ما عندوش قدرة، ما عندوش قدرة، وباغي باغي باغي يمشي. فكيفرض عليك يعني، كيفرض عليك يعني الدين ديالك، أنه دائما ماشي بالضرورة تكون دائما المقاربة التجارية حاضرة. ولكن ضروري، هذا باب تفتح لك واحد الباب ديال الخير، لابد أنك تستغله. زيد على ذلك، كنشوفوا الناس، احنا ماكيجيبوش الناس الفلوس ديالهم، وكذا، كنشوفوا بعض المرات الناس في دوك الفلوس، رائحة ديال ديال الكافور.

صحيح.

و دا الناس كيجمعوا دوك الفلوس.

شويه بشويه.

بشويه، ب 20 درهم، ب 50 درهم، كذا. فكتاثر له الجانب، وكتعرف بأن الجسامة ديال المسؤولية ديالك لهذ الناس. فالإنسان لابد أن الإنسان لابد أنه يستحضر هذ هذ المواقف في التجارة دياله، اللي ما كنقول لك أنه كتجمع فيها بين الأجر والأجرة.

نعم سيدي معاذ، الطموحات ديالكم المستقبلية داخل الوكالة؟

بالنسبة احنا دابا، كنا قبل الآن، ما نقولوا في أفق الرهان اللي كاين الآن في المستقبل، هو كأس العالم. كأس العالم، فالجانب أننا نشتغل في السياحة كذلك الداخلية بشكل كبير، لأن الآن الحمد لله، الأنظار كلها متجهة للمغرب، وتكون، وهذا هو الدور اللي خصائ، بالنسبة يعني ماشي فقط الجانب السياحة الدينية فقط، ولكن كذلك والتاريخية، وغيرها، والتراثية، الأمور اللي تخلي، كتعطي، كتسوق فيها الصورة ديال البلد ديالك، بشكل أجمل، وأحسن، وأرقى.

نعم سيدي معاذ، نختموا، لأن الوقت ضيق، ولنا ربما عودة معك مرة أخرى في بودكاست آخر، لقاء جديد آخر. بغينا منك رسالة للشباب الراغبين في في تأسيس وكالة الأسفار، أو الشباب، أو الناس عموما، اللي تيرغبوا في أداء.

مناسك العمرة والحج مع الوكالة ديالهم.

بالنسبة نصيحة للناس اللي الشباب المبادر، اللي بغى يسلك أي طريق الحمد لله، ديال ديال النجاح، نموذج، نموذج.

لابد، لابد، لابد من الصبر. "أخلق بذي الصبر أن يحظى بحاجته، ومدمن القرع للأبواب أن يلج". لابد الإنسان يطيح وينوض، ويطيح وينوض. فما يمكنش أنه وصفة سحرية للربح، ولكن ما يمكنش تذوق، تعرف قيمة ديال ديال الإنجاز، حتى تذوق حلاوة ديالو، إلا حتى تذوق مرارة ديال ديال الخسارة، وديال ديال ديال المعاناة. فإن النصر مع الصبر، وإن الفرج مع الكرب، وإن مع العسر يسرى. ولابد من من المغامرة، ومن المبادرة. إذا كنت ذا رأي، فكن ذا عزيمة، فإن فساد الرأي أن تتردد. أقدم ولا تدبر.

ما شاء الله عليك سي معاد. وكذلك تنشكرك بدوري.

على أمل أن نلتقي بك مرة أخرى.

قلت وكذلك تنشكر مشاهدينا الكرام على المتابعة. على أمل أن نلتقي بكم في حلقة جديدة ومع ضيف جديد. إلى ذلك الحين، أستودعكم الله، وإلى اللقاء.