نظام الطيبات للدكتور ضياء العوضي | مؤامرة دواء ام اكتشاف طبي

لشلا الناس مهتمه بنظام الطيبات؟ يا ابني، طالما احنا كده كده ميتين بحاجه من دول، بناخد دول. ايه ولا احنا فعلا قدام معجزه طبيه، ولا احنا بوسط وهم كبير والناس عم تتعلق فيه؟

نظام الطيبات. على نظام الطيبات. جرب نظام الطيبات. ونظام الطيبات. هل معقول كل هالسنين حرموك من ابسط الاشياء اللي بتحبها زي السكر والنوتيلا؟ شو الحقيقه وراء وفاه الدكتور ضياء؟ وفاه الدكتور ضياء العوضي. هذا النظام نظام مجرد كلام وبيع امل للناس. والاهم، ايش بصير فيك اذا انت اتبعته؟ وايش صار بجواهر لما اتبعت ارشاداته؟ ايش صار بجواهر لما اتبعت ارشاداته؟

قول الحمد لله اولا وتذكر هي الايه: "يا أيها الذين آمنوا كلوا من طيبات ما رزقناكم واشكروا لله إن كنتم إياه تعبدون". صدق الله العظيم.

طيب، ايش هو نظام الطيبات؟ نظام الطيبات هو نظام غذائي خلق جدل واسع بين الناس. اشتهر بعد وفاه دكتور الرعايه المركزه في مستشفى الدمرداش في جامعه عين شمس، الدكتور الراحل ضياء العوض. هذا النظام له فلسفه خاصه فيه غريبه عجيبه. فهو بيعتمد على حميه عاليه جدا بسكر الفواكه والنشويات، بتوصل بسهوله لربع الى نصف كيلو سكر يوميا. خاليه تماما من كل انواع الالياف. قليله جدا بالبروتينات بسبب غياب مصادر البروتين المتاحه في ه الحميه، ما عدا اللحوم الحمراء من يوم الى يومين اسبوعيا والسمك البحري. اللي بفضل هذا النظام انه تكون مقليه بالزيوت المهدرجه والمصنعه، زيت الذره وزيت دوار الشمس. بالاضافه الى اللحوم المعلبه والنقانق المعلبه، فهي مسموحه بهذا النظام مع موادها الحافظه ونكهاتها الصناعيه والتركيز العالي للصوديوم والفوسفور اللي بترفع الضغط وبتضغط على الكلى. اه نعم، سمعت صح. مسموح في هذا النظام الدهون المهدرجه والمصنعه، زيت الذره وزيت دوار الشمس. وهي الدهون مسببه للالتهابات وبترفع مقاومه الانسولين. بالاضافه لزيت الزيتون والدهون المشبعه زي السمن البلدي. فهم مسموحين بالنظام، لكن كل هي المسموحات عم بتكون بدون قيود حسب القوائم اللي شفتها ومنتشره عن نظام الدكتور ضياء. في اطعمه مسموحه رغم انها مثبت ضررها. في اطعمه ثانيه محايده وبعضها مفيد. فبين المسموحات بعض انواع الاجبان المطبوخه والصفراء بكميات قليله زي جبنه المثلثات المصنعه الغنيه بالزيوت المهدرجه وجبنه الشدر. ومن النشويات بسمح بقمح الكامل والنخاله والرز الابيض المصري قليل الالياف. البطاطا باشكالها المختلفه حتى المقليه المضره منها. بالاضافه للشيبسي والذره والبشار والفريكه والبرغل. كمان بيسمح بالعصيرات المصنعه المليانه سكر مع العصيرات الفواكه اللي مش احسن منها حالا بعد ما تصفيها اكيد من ما فيها من الياف. بالاضافه الى منع شربك للمي بالوقت اللي عم بيعطيك سكريات عاليه جدا. كل غرام منها بده ارب غرامات مي. معظم الفواكه عند الدكتور ضياء مسموحه زي التمر والتين والعنب والموز والتفاح. القشر الجوافه بدون بذر. عصير القصب والرمان والتين الشوكي مسموحين. ضيف على هذا كله مسموح الحلاوه بالطحينيه والنوتيلا بده المشبعه المهدرجه المليانه سكر. بالاضافه للمربى والعسل والشوكولاته العاديه مليانه سكر. بس ما بفضل هو الشوكولاته الدارك قليله النشويات.

اما الممنوعات فهو حرمك من كل مصادر البروتين المتاحه والمفيده للناس. فمنع افضل مصدر للبروتين للانسان وهو البيض. مش بس منع الحليب، منع كمان معه اللبنه والزبادي والكريمه والجبنه البيضاء والقريش. حتى الدجاج ما سلم منه ولا الكبده تبعت الدجاج ولا حتى القوانص ما سلمت من لائحه الممنوعات. بالاضافه لمنع اسماك المزارع. يعني اذا وضعك المادي ما بيسمح حتى تشتري لحمه، حتى مصادر البروتين اللي بيعتمد عليها الغلبان زي البقوليات صارت عنده ممنوعه. فهو منعك من الفول والحمص والعدس والفاصوليا واللوبيا. والمشروبات الغازيه حتى لو خاليه من السكر عنده كمان ممنوعه. لكن اسوا شيء منعه وهو اللي كان ممكن ينقذ الكبد عندك وجسمك على العموم والخضار الورقيه والخيار والبندوره والثوم والبصل. وسمح بدالها البطاطا والذره. والله اعلم ليش منع افضل مصادر الفيتامين سي زي البرتقال والكلمنتين اليوسفندي. بالاضافه لمنع المانجا. مش عارف ليش منع البطيخ. والغريب حتى الليمون اللي سمح فيه دمر محتواه من الفيتامين سي بسلقه وتحويله لمخلل. فهذا المخلل بيرفع ضغط المريض اللي رح يعاني من ازدياد ضغط الدم بسبب السكر والزيوت المهدرجه. فمن بالك تزيد عليه الملح بالاضافه لقله شرب المي.

لكن ايش العلم بيحكي في حميه الدكتور ضياء العوضي؟ هي الحميه هي حميه النوتيل بشكل عام هي كارثه صحيه. بنقدر نقول انها بالضبط زي اللي بياكله مريض قبل وفاته في قسم العنايه الحثيثه وهو محطوط على المحاليل واكله الوحيد هو نقاط من سوائل محطوطه في محلول بينزل لك لايده في ملح وجلوكوز. دكتور ضياء بيطلب منك توقف ادويتك فورا بغض النظر عن وضعك الصحي. حتى لو كنت مريض سكري نوع اول وبدون استشاره طبيبك بمجرد ما تبدا الحميه. حتى قبل ظهور نتائج ايجابيه. وحتى الدكتور ضياء كان بيتهكم على اللي بيقيس السكر في الدم وبيستهتر باهميه السيطره على السكر اساسا. ومتجاهل انه استمرار ارتفاع هذا السكر بسبب تلف الكلى والعمى عند مرضى السكري. ناهيك عن بتور اللي بتصير في الغرغرينه في ارجل مرضى السكري. ضيف على هذا كله انه اذا انت ما بتقدر تشتري اللحمه وما عندك سمك بحري فريش فانت محروم من كل مصادر البروتين تقريبا. وهي مصيبه. فكيف بنكرياسك رح يصنع انسولين اللي هو بروتين اذا انت ما بتاكل بروتين بالاساس؟ نقص الارسولين وارتفاع السكر معناته فقدان ووزن سريع من لحمك الحي عضلات في جسمك. هذا كان واضح على خساره الوزن عند الدكتور ضياء في اخر ايامه. اما الخضار بشكل عام والخضار الورقيه بشكل خاص فهي اللي ممكن تحم يحميك من الالتهابات. هذا بكل بساطه بسبب وجود مضادات الاكسده والفيتامين سي الموجود فيها. فتوقفك عن الخضار بالتوازي مع اكلك لاطعمه غنيه بالدهون المهدرجه والمصنعه زي المقليات والوجبات السريعه والمعلبات بتزيد الالتهابات عندك بالجسم. فمين بده يحميك من الالتهابات لما توقف كل انواع الخضار وتركز على البطاطا والسمك المقلي. حتى الصيام المتقطع والصيام الاسلامي صار مضر في ه الحميه. وهو بعد 12 ل 14 ساعه من الصيام سمح لك بالمربى والعسل والنوتيلا والبطاطا والعصيرات المليانه سكر اللي رح تدمر كل شيء في صيامك. كل شيء بنحتاجه وهو النيتريك اوكسايد واللي بيفرزه الشريان الاورضيه حتى ينزل لك ضغطك اللي بيعطل بارتفاع السكر المفاجئ في في الدم. هذا ببساطه بسبب زياده في ضغط دم المريض وتقلص بالشرايين اللي عم تغلق تدريجيا مع كميات الدهون المهدرجه والسكريات العاليه في ه الحميه.

اما اذا بدنا نروح ننط على موضوع الالياف، هو ما ترك حتى البكتيريا النافعه في جسمك من عبثه. عدد البكتيريا النافعه في قولونك اكثر من عدد خلايا جسمك اساسا. فلما توقف طعام البكتيريا النافعه وهي الالياف، هي البكتيريا النافعه الموجوده في قولونك رح تبدا تموت بالتدريج شوي وبيزداد انواع البكتيريا الضاره منها واللي بتعتمد على السكر. مش بس هيك، هي الالياف لما انت بتوقفها بتزداد ارتفاع السكر عندك في الدم. فهي الالياف هي المسؤوله عن عمليه ابطاء امتصاص السكر من الاكل اللي نحن بناكله بحياتنا عاده. تحذيره للناس من شرب المء بالتوازي مع زياده السكريات بطريقه كبيره بيسبب جفاف مش بس بخلايا الانسجه وجسمك كامل. بزيد الصعوبه على الكلى بفلتره الدم اللزج الغني بالسكر. لما بنحكي عن الخبز نخالفه، فهو بالضبط زي اللي بدس السم بالعسل. انك تاكل تطلي ونوتيلا فيها زيوت مهدرجه مع خبز اسمر نخاله سكر مع سكر محشي سكر. لكن ايش وضع الكلى هون؟ لانه جواهر كانت مريضه كلى عنده. بتيجي عندي الكلى والكبد اكثر المتضرين في ه الحميه عديمه الرحمه المحفزه للالتهابات. فاول شيء بدي اياك تركز فيه هو النقرص واليوريك اسد اللي بيرتفع بشده مع هي الحميه. فنقص البروتين يعني هتك العضلات عندك وهذا طبيعي بده يرفع الكرياتينين واليوريك اسد بدمك. ولما بتاكل البروتين اللي سمح لك اياه واللي هو بكل بساطه عالي بالبيورين والموجود باللحمه والسمك بيرتفع عندك اليوريك اسيد. بيورين وحمض نووي بصنع الجسم منه اليوريك اسيد. اما الفواكه والسكر والعصاير ففيهم سكر الفواكه الفروكتوز. وهم دمار لصحه الكبد عندك بسبب زيادتهم لمقاومه الانسولين في الكبد والتسبب بتراكم الدهون داخله. اما الكلى فهي بتعاني بسبب هذه الحميه من نقص قدرتها على انتاج الطاقه داخلها عشان تفلتر. فسكر الفواكه بحول الاي تي بي الموجود داخل الكلى اللي بيعطيها طاقه طبعا وبيشغلها الى يوريك اسيد. والنتيجه انخفاض قدرتها على الفلتره للسموم اللي عم تاكلها من الحميه زي الشيبسي والنوتيلا والعصيرات المختلفه. بكفيك تعرف انه انت اذا بتاخذ زيوت مهدرجه وبتزيد الالتهابات وهي الالتهابات هي السبب اللي بخلي اليوريك اسد وحمض اليوريك يتراكم على شكل بلورات في مفاصل رجليك. بيسبب لك نقرص بعيق حركتك وبيمنعك تنام وتتهنى بنومك. اه نومك اللي عم بصير خفيف بسبب هي الحميه نتيجه نقص المغنيسيوم والفيتامين بي 1 اللي مش موجودين بكم كميات كافيه في هالحميه. بتعرف انه التسارع في ضربات قلبك لما بتطبق ه الحميه له اربع شغلات واسباب اساسيه. اولا نقص فيتامين بي1 اللي عمالك بتفقده في البول مع ارتفاع السكر. وثانيا نقص المغنيسيوم مش موجود الا بالورقيات بشكل عام بكميات كبيره وانت انعت منها. ثالثا تضيق الشرايين اللي رفعت لك ضغطك. رابعا حاله التوتر اللي بيمر فيها جسمك بسبب الالتهابات اللي عم تنتشر في كل عضو فيه ونسيج.

طيب كيف تعرف انه هذا الكلام صحيح؟ سبب وفاه الدكتور ضياء اولا سبب الوفاه هو انتهاء الاجل. "فإذا جاء أجلهم لا يستاخرون ساعة ولا يستقدمون". صدق الله العظيم. الايه 34 من سوره الاعراف. ببساطه الاستاذ ضياء اثبت بدراسه بحثيه على نفسه وعلى مريضته جواهر اللي رح احكيه قصتها الان كمان شوي صحه هذا الكلام. فهو اثبت على الهواء خلال فتره شهرته كيف ممكن تقتل شخص في ال 40 من العمر بجلطه قلبيه. "انا هموت في الفورتز كنت بقول له انا هموت في الاربعينات هموت بالسجائر". كشف ان وفاه الدكتور ضياء العوضي نتيجه جلطه في القلب. بعد ما يخسر عضلاته ووزنه بحميه تفتقر للحوم عاليه بكل ما هو مدمر للجهاز الدوري وعضله القلب. فهو كان مدخن شره عاشق للعصير صادق بالتزامه في حميه امن فيها بحذافيرها اودت بحياته. هذا الله واعان وحمى من اتبعه من العالمين اللي عم يتبعوه فبزيدوا من اثامه الجاريه كلما واحد منهم طبق حميته العشوائيه وتضرر. "انا هضحي بنفسي خديني ساتر ونشرب دخان واشرب نيجتيف واخليه يبقى مدخن سلبي عشان اللي بيدخن سلبي بيجي له السرطان لكن اللي بيدخن ايجابي ما بيقولوش حاجه". هي حميه غير القائمه على الدليل واللي بيدعي فيها بايقاف الانسولين عن مرضى السكري نوع الاول. مرضى السكري النوع الاول اللي كان يقتل هؤلاء المرضى قبل اختراع الانسولين في 1900 وشويه 20. حميه الدكتور ضياء الخبيثه هي سبب ما جرى لجواهر. جواهر واهر مريضه كلى مصابه بالسكري في ال 60 من العمر اجتني على العياده بعد ما التزمت في حميه الخبائث تبعته لشهرين. كانت في المرحله الثالثه من مرض الكلى المزمن قبل ما تستعين في نظام الدكتور ضياء. اسف، اجتني بعد ما بدات تغسل كلى. ايوه، خلال شهرين فقط كانت كفيله باختصار سنوات من تدهور في حاله الكلى اللي بتصير عاده. جتني جواهر بعد ما فات الاوان وصارت الحميه المتاحه هي حميه سكري لمرضى الكلى حتى تتحسن صحتها وتتمكن من الدخول ببروتوكول زراعه الكلى فيما بعد.

لكن كل اللي حكيناه ولا شيء قدام اللي صار مع بنتنا ليان. ليان طفله صغيره مريضه سكري نوع اول. ابوها قرر يسافر فيها على مصر على امل يلاقي علاج امل بسيط ينقذ بنته. لكن حسب روايه اهلها اللي صار كان كارثه. توقف عنها الانسولين بكل استهتار. انحط قدامها توست ونوتيلا للصبح. بطاطا ورز وبنفس الوقت المنع من البروتين لا دجاج ولا بيض ولا حتى خضار. طفله صغيره مريضه بالسكري النوع الاول تترك بلا انسولين. ليان اغمى عليها في بلدها ودوها على الطوارئ. بعد ما سالوه شو نعمل فيها حسب ما قالوا كان الجواب سيبوها لحد ما تقوم لحالها وتتشافى. بس ليان ما قامت. دخلت بغيبوبه لايام. الاطباء حاولوا يصحوها وما قدروا بسهوله لان الدماغ كان متاثر والجسم كان داخل في معركه خطيره. الحمد لله ليان نجت. لكن السؤال اللي بيوجع القلب كم ليان غيرها في ذمه الله؟

طيب ليش انتشرت هي الحميه وايش دور شركات الادويه ونظريه المؤامره؟ هلا انتشرت لانه الناس بشكل عام بتميل لنظريه المؤامره والمريض بيتعلق باشه وكل ممنوع مرغوب. والناس ما بتتوقع انه ممكن الاكل يكون قاتل بهالسرعه ولهالدرجه. ما اجا في العالم حدا قبل الدكتور ضياء بهيك توليفه سريعه لتدمير صحه جسم الانسان. هلا بخصوص شركات الادويه ممكن تتضرر من نصائحه وارد. فالمبيعات حتقل لما المريض اللي بيحتاج للدواء يبطله بدون سبب. لكن كمان انه المده الزمنيه اللي ممكن يعيشها المريض اللي عم تدهور حالته بسرعه على وجه الارض بتقل. فالمساعده الدوائيه اللي انت حتتقدم له حتكون اقل. اعمار بيد الله ولكن اعقلها وتوكل يا صديقي. باختصار، لما تتحسن قراءاتك دكتورك رح يقلل علاجك بدون حتى ما تحكي. وهذا عم بصير معي دائما بالعياده. فمع تحسن حاله المرضايه الصحيه الدكتور بيكون سعيد يقلل العلاج او يبدله بشيء اقل تاثيرا. اما اني ابدا تغيير حميه مهما كانت نوعها واسمها ووقف الدواء بدون استشاره الطبيب وبدون ما تعرف انك رح تستمر في الحميه او لا او حتى تشوف نتائج على ارض الواقع انها تحسنت. هذا استهتار بصحتك وبحياتك وحياه كل من حولك اللي رح يتورطوا فيك وانت تعبان. بنهايه المطاف الله يشفي كل مريض ويرحم موتانا اجمعين ويفك اسر اهلنا بغزه. وبالنهايه اذا بدك تعرف ايش اخطر ثلاث انواع الكرش فاكبس على الفيديو اللي هون. لكن قبل ما تروح تذكر انك مش لحالك. في كثير ناس اظلهم نصائح الدكتور ضياء. اكسب اجرهم حتى توعيهم وانشر ها الحلقه. بشوفك في الحلقات القادمه وبامان الله. مع السلامه. باي.