ترامب يعلنها: ضرب إيران خلال ساعات.. هل يشتعل الخليج ويغلق مضيق هرمز؟

السلام عليكم، ازيكم؟ دونالد ترامب، بعد ما أنقذ التيار الأمريكي، عاوز أقول لك إنه زود التهديدات لإيران وقال لهم خلاص المهلة قربت تخلص. وقت تدمير البنية التحتية ومحطات الطاقة والجسور اقترب. الحقيقة دونالد ترامب أصبح أكثر شراسة بعد ما تم إنقاذ التيار الأمريكي، لأن ببساطة كده أنت بتتكلم على إنه حرم إيران من حتى نصر دعائي. يعني إيران لو كانت حاطت على التيار ده، كانت هتعلن النصر قدام شعبها وتيجي تقول لك والله أسرنا تيار أمريكي، أسرنا التيار اللي بيضرب المنشآت الإيرانية، وهيقعدوا يعملوا حملات دعائية كبيرة جداً. فدور ترامب حرمهم حتى من الحتة دي، عشان كده أصبح أكثر شجاعة وأكثر قوة وقسوة خلال الأيام القادمة. وقال لك أنا هعمل مؤتمر صحفي يوم الاثنين، هقول أنا هعمل إيه في إيران لو إيران ما استجابتش للمهلة بتاعتي وفتحت مضيق هرمز.

طيب هو بقى في سؤال دلوقتي، هو لو دونالد ترامب جه يوم الاثنين وكان متوقع يعني، إيران رفضت إنها تتفاوض أو تفتح مضيق هرمز، ماشي، وقام الراجل راح ضرب في إيران وهبت في إيران، وبعد كده إيران برضه ما فتحتش مضيق هرمز، هيعمل إيه؟ ده السؤال الأهم. يعني إحنا بنفترض إن هيبقى فيه الجحيم الشامل زي ما دونالد ترامب بيقول. وبالمناسبة، إيران هي كمان هددت أمريكا بالجحيم، ماشي. فالاثنين هددوا بعض بالجحيم. بس أنا بتكلم لو ترامب نفذ تهديده وإيران ما استجابتش، ممكن يلجأ لسلاح نووي ولا ممكن يعمل إيه؟ ما تخلي بالك ترامب عاوز يمشي، عاوز يمشي والوقت بيضغط عليه. فهل عشان [تنحنُح] يخرج من إيران يستخدم سلاح نووي ولا لا؟ ده سؤال أهم.

ليه بقول لك كده؟ لأنه واضح إن أطراف مش حابة إن إيران تخسر ومش حابة إن الحرب تخلص. زي مين مثلاً؟ زي روسيا وزي الصين. النهارده جريدة التليغراف البريطانية كشفت عن وصول سفن جاية من الصين بتحمل مكونات لوقود الصواريخ. الظاهر كده إن الصين عاوزة إيران تكمل في إطلاق الصواريخ ومش عاوزة إيران تخسر الحرب. أما على الجانب الآخر، فالكاتب الصحفي الصهيوني اللي اسمه زافي بارل كشف لك عن كارثة بيعاني منها الجيش الإسرائيلي في جنوب لبنان. ولا خلي بالك المشكلة مش جنوب لبنان فقط، المشكلة إن إسرائيل صوتها هيضعف بعد الحرب دي بالذات داخل البيت الأبيض. لازم تبقى عارف كده كويس جداً. إسرائيل هتخرج من الحرب دي ضعيفة سياسياً، ماشي.

ليه هقول لك؟ قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو باتر هاوس. الطلب زاد جداً الفترة اللي فاتت دي على منطقة الجلالة في العين السخنة، وفي مشروعات ضخمة جداً بتعملها الدولة هناك بشركات متعددة، ولسه في استثمارات أكبر وأكبر هتتعمل في منطقة الجلالة ده خلال الفترة اللي جاية. عشان كده بقول لك دي فرصة دلوقتي إنك تستثمر هناك. والنهارده شركة باتر هاوس قررت تعمل حاجة غير متوقعة. رغم النجاح الكبير جداً اللي حققوه الفترة اللي فاتت، قرروا يعملوا عرض خاص جداً وحصري لعدد محدود من الوحدات. ودي فرصة بجد ما تتفوتش في منتجع فيدلا في منطقة الجلالة بمقدم 3% فقط، وسعر بيبدأ من 9700 جنيه فقط على 10 سنين. سنين بشرط إنك تحجز معاهم استمارة حجز بقيمة 50,000 جنيه. والتسكين قريب جداً. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر. وطبعاً في مساحات أكبر زي التوين هاوس والتاون هاوس. والنهارده مدينة الجلالة في مرحلة نمو وتوسع مستمر وتطوير سريع جداً وقيمة استثمارية وسعر بيعلى كل يوم. وبالنسبة لمنتجع فيدالا، فهو بيقع في منطقة جلالة، فانت مش بتشتري مجرد مكان تقضي فيه وقت، أنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر. يعني هواء نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جداً وقريب جداً من الداون تاون والتليفريك وجامعة الجلالة. يعني حياة كاملة. هسيب لحضراتكم رابط باتر هاوس أسفل الفيديو لو حابب تتواصل معاهم. أوعى تفوت الفرصة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص الجحيم الشامل. إيه اللي حصل بالظبط؟ اللي حصل إن والله كل شوية معلومات استخباراتية بيتم الكشف عنها حديثاً حوالين عملية إنقاذ التيار الأمريكي. وطلع بقى كلام جديد تماماً. قال لك خلي بالك، أول ما التيار بيفتح كرسي القيادة أو كرسي الطيارة اللي هو قاعد عليه، الجيش الأمريكي بيجيله إخطار إن في مقاتلة سقطت. بيحرك وحدة اسمها البي جي بي جي أو البي جي دي. وحدة خاصة من القوات الخاصة بتشرف على عملية إنقاذ مدربة عليها. فدي وحدة برية. يعني دي مش وحدة عادية ومش زي ما إحنا كلنا كنا معتقدين إنها من السيل أو القوات الخاصة الأمريكية. لا، دي بقى قوة صفوة من القوات الخاصة الأمريكية مهمتها البحث والإنقاذ. فبي جي دي وحدة مهمة جداً.

طيب الوحدة دي بتنزل بري عن طريق إيه؟ قال لك والله عن طريق طيارات اسمها ويسكي. طيارات ويسكي دي هي طيارات بلاك هوك أمريكية [موسيقى] بس فيها تعديلات كتير قوي للمهام البرية والبحث والإنقاذ. يعني هتلاقي الطيارة البلاك هوك على فكرة البطن بتاعها أو أسفل الطيارة بيبقى مصفح. لا دي بقى مش مصفح عادي، ده ضعف التصفيح. ولازم تعرف إن هو بيبقى على جنبين [موسيقى] الطيارة رشاشات، ماشي. ده على فكرة الطيارة دي أو التصميم ده من أيام حرب فيتنام وناجح جداً مع القوات الأمريكية.

>> ما نشاهده الآن هي مروحية بلاك هوك المعدة لمهام عدة، أبرزها مهمة البحث والإنقاذ، وهي طائرة محصنة مزودة أيضاً بمدفع رشاش للتعامل مع أي تهديدات. تحمل مجموعة من قوات الدلتا الخاصة، وهي أيضاً هذه الطائرة هي قادرة على تنفيذ مهمة البحث لساعات وساعة طويلة. هي مزودة كما نتابع مشاهدينا بأجهزة رؤية حرارية للبحث عن الطيار، كما أنها تستطيع التحليق على ارتفاع منخفض.

بمناسبة القوات الأمريكية عملت عمليات إنقاذ في حتت كتير قوي دول العالم. حرب فيتنام، أمريكا أنقذت طيارين كتيرة جداً بطيارات البلاك هوك دي. حرب الصومال، حرب العراق، حرب البوسنة. فأمريكا متمرسة على عمليات الإنقاذ. فقال لك الوحدة بتاعة البي جي دي وطيارات الويسكي أو طيارات البلاك هوك المعدلة للبحث والإنقاذ بيقوموا بعملية إنقاذ. طيب العملية دي بتستمر قد إيه؟ قال لك 72 ساعة. عشان كده الأمريكان في تاني يوم أو في 48 ساعة كثفوا عملية الإنقاذ بشكل كبير جداً. طب اشمعنى 72 ساعة؟ قال لك لأن والله الكرسي بتاع الطيار لازم حضرتك تعرف إنه مش مجهز فقط بأجهزة اتصال وأجهزة تعقب والكلام ده كله. لا، ده كمان أسفل الكرسي بيبقى فيه طعام وشراب بيكفي الجندي 72 ساعة. وهو مدرب على فكرة إنه ياكل الطعام والشراب ده بحيث إنه يكفيه 72 ساعة. لأن هو على فكرة مش وليمة، هي بتبقى علب. فهو اتدرب على إنه ينجو 72 ساعة. فدي معلومات أول مرة يتم الكشف عنها. بس حضرتك لازم تعرف إن أمريكا ما بترتجلش في البحث عن الطيار بتاعها. بالعكس، ده هي عدوا خطط مسبقة.

والمفاجأة الكبرى إن والله زي ما إيران كانت حاطة 60,000 دولار على رأس التيار الأمريكي ده، عشان كده الإيرانيين كانوا بيتسابقوا للحصول على التيار وإنهم يقبضوا عليه. زي ما في بطاقة على دراع الجندي الأمريكي اسمها بطاقة الدم. إيه بطاقة الدم؟ بطاقة الدم دي عبارات مكتوبة من الجيش الأمريكي إن أنت لو ساعدت التيار ده هو ينجب حياته، أمريكا هتكافئك. فزي ما إيران حاطة مكافأة، أمريكا حاطة مكافأة للي يساعد التيار. بس ما تمش الإشارة إن في مساعدات للتيار الأمريكي تلقاها من أي إيراني [موسيقى]. وما تمش استخدام بطاقة الدم دي حالياً. فده أمر مهم جداً. المعلومة بس اللي أنا قلتها وفي ناس كتيرة قوي غلطت فيها. قلت لحضرتك إن وحدات خاصة للقوات الأمريكية ما اشتبكتش مع الحرس الثوري الإيراني وما حصلش أي نوع من الاشتباك. ممكن يكون حصل اشتباك في الإنقاذ بتاع الجندي الأول أو التيار الأول، التيار الثاني ما حصلش أي نوع من أنواع الاشتباك. وده اللي أكد عليه جنرال لفوكس نيوز وقال لهم على فكرة ما حصلش اشتباك، إحنا بس أطلقنا النار عشان نبعد الأهالي الإيرانيين. بالمناسبة، ما كنتش جايب معلومة من عندي، كانت قالتها نيويورك بوست. قالت لك ما حصلش أي اشتباك. برغم إن في على فكرة ناس كتير قوي بتأكد إن حصل اشتباك والجيش الأمريكي يعني اشتبك وعمليات قتالية ضخمة والكلام ده. ما حصلش الكلام ده كله. كانت بس مجرد عمليات لابعاد الإيرانيين بشكل كبير.

طيب معلومة أنا بالنسبة لي كانت غريبة ومفارقة جداً. إيه هي؟ صحيفة التليغراف البريطانية قالت لك على فكرة من شهر مارس ومنتصف شهر مارس، سفن إيرانية معروفة بالاسم، أربع سفن، سفن إيرانية. سفينة اسمها هامونة، وسفينة اسمها بارزين، والسفينة الثالثة اسمها شابيديز أو شابديز، والسفينة الرابعة اسمها ريان. الأربع سفن دول بيروحوا الصين ياخدوا مواد كيماوية لصنع الوقود الصلب من الصين، ماشي، وبيرجعوا إيران. وبالفعل بيقدروا يرجعوا إيران ويفضوا حمولتهم في ميناء بندر عباس. وبعد كده الحَمولة دي من نترات الصوديوم بتروح لأن تساعد الحالة الإيراني لإنتاج معدل أكبر من الصواريخ.

>> كيف تضمن إيران مخزونها من الوقود لتغذية صواريخها البالستية؟ لغز، تقول صحيفة التليغراف إن الصين تقف وراءه، بمثابة الشريان الصامت الذي يبقي طهران على قيد الحياة. فبحسب تحليل بيانات الشحن، تواصل الصين تزويد إيران بكميات كبيرة [موسيقى] من المواد الكيميائية اللازمة لإنتاج وقود الصواريخ، بغطاء اعتبارها بضائع تجارية، حيث وصلت أربع سفن ترفع العلم الإيراني وتخضع لعقوبات دولية لموانئ طهران منذ اندلاع الحرب، فيما كانت سفينة خامسة في الطريق إليها تطفو قبالة سواحلها.

فالحقيقة صحيفة التليغراف البريطانية [موسيقى] بتركز إن والله لما إيران تطلب شحنات من نترات الصوديوم، لازم تعرف إن معنى كده إن إيران قادرة وقت الحرب لإنتاج صواريخ، ماشي. وإن والله الصين بتعمل كل ما هو مساعد بدون ما يكون ليها يد عسكري في الحرب مع إيران وأمريكا، ماشي. فمساعدات مثلاً شحنة هنا، شحنة هنا، بيدوا أربع شحنات. قال لك على فكرة شحنتين يكفوا لإنتاج 105 صاروخ. شوف قد إيه الكلام الخطير جداً ده. طيب أنا هسألك سؤال بسيط ومنطقي كمان. صحيفة التليغراف البريطانية ذكرت أسماء السفن وذكرت تاريخ ذهابهم للصين ورسوهم. وعلى فكرة هم استخدموا مارين تايم أو موقع اسمه مارين تايم لتعقب السفن. يعني وقال لك والله السفن رجعت وحطت حمولتها والكلام ده كلام هايل وعظيم. بس السؤال الأكبر، يعني هي صحيفة التليغراف أقوى من أمريكا والجيش الأمريكي؟ ده أمر أمر ثاني. هي إزاي صاحبة التليغراف رصدت السفن دي وأمريكا ما رصدتهاش؟ لأن بالمناسبة منطقي جداً إن أمريكا لو رصدت السفن دي تضربها. صح؟ يعني أنا شايف حمولة لإنتاج وقود صلب للصواريخ، الصواريخ المبهدلة المنطقة كلها. إيران راحت تجيب شحنة جديدة وراجعة تاني. فهل أنا هسيب السفن دي؟ ما أنا هضربها.

الحقيقة هم ما قالوش الأمريكان ما ضربوش في السفن ليه؟ بس ده أمر منطقي جداً وأنا شايفه منطقي كمان. ليه؟ خد بالك أنت مثلاً لو أنا هتعامل بمبدأ ممكن يكون مثل مخل كمان أو تبسيط مخل. إزاي؟ أنت دلوقتي لو حطيت حتة سكر للنمل، ماشي. أنت بتبقى عاوز تعرف مكان العش فين أو مكان مخبأ النمل فين الأساسي. فلازم تسيب الشحنات دي تمر عشان تعرف المكان اللي بتروح للمواد دي وتعرف مصانع الصواريخ اللي ما زالت بتعمل عمل داخل إيران. فانت لازم تسيب الشحنات دي. وعشان كده بالمناسبة الأمريكان مش شرط إن هم يكونوا يعرفوا كل أماكن مخابئ الإيرانية. لأنه واضح جداً لحد دلوقتي في مخابئ ما تعرفش عنها حاجة. فاللي إحنا بنتكلم فيه [موسيقى] إن الظاهر كده إن أمريكا بتسيب الشحنات دي على كفها. بس هي بتسربها للإعلام، بتسربها لصحيفة تليغراف عشان تعرف الأماكن الجديدة بتاعة المخابئ اللي ما زالت شغالة ومدن الصواريخ اللي ما زالت بتعمل بعد القصف. وتعرف بالضبط فين بيتم تصنيع الصواريخ دي أو محاولة تصنيع الصواريخ دي. فده أمر مهم جداً.

طيب الأمر الآخر اللي كشفته صحيفة الفاينانشال تايمز البريطانية وقالت لك على فكرة في أمر أنت لازم تاخد بالك منه كويس جداً. إيه هو؟ قالت لك على فكرة إيران بتتبع سياسة الموزيك أو الموزايك اللي هو الفسيفساء بالعربي. إيه سياسة الموزايك دي؟ قال لك والله خد بالك، إيران أول ما الحرب ابتدت، لازم تعرف إنهم غيروا مقر القيادة والسيطرة بتاعهم. يعني طول ما الحرب ما كانتش شغالة، كان معروف مكان القيادة والسيطرة الخاص بالحرس الثوري الإيراني. أول ما الحرب ابتدت، الإيرانيين غيروا القواعد دي كلها وغيروا مركز القيادة والسيطرة بتاعهم. وأصبحوا إن هم بيجدوا مركز قيادة وسيطرة جديد [موسيقى]. أمريكا ما تعرفش هو فين. ده الجديد بقى. ماشي. وقال لك بالمناسبة، لازم تعرف إن موضوع الفسيفساء ده والاستراتيجية اللي إيران بتنتهجها، لأن على فكرة اللي أطلق الاستراتيجية دي هم الإيرانيين مش الأمريكان. يعني. فقال لك الاستراتيجية دي معموله إن ما بيبقاش في مركزية في القرار. ماشي. ده الصواريخ دي لازم تعرف إن منصات إطلاق الصواريخ لازم تعرف إنها بتنتشر وبتروح في حتت نهائية بعيداً عن كمان مراكز السيطرة. والجندي أو الضابط اللي موجود ممكن ما يكونش جاله الأوامر بشكل مباشر من القيادة والسيطرة. ده أمر. فممكن يكون محدد له يوم، أنت في اليوم ده هتضرب الهدف فلان. حتى لو الهدف ده اتغير، حتى لو حصل في الأمور أمور، لازم تعرف إن هو هيضرب الهدف ده في الميعاد الفلاني.

>> لا تراهن طهران في مواجهتها المرتقبة مع واشنطن على الصدامات التقليدية، إنما تستحضر عقيدة الدفاع الفسيفسائي الاستراتيجية التي صممت خصيصاً لتكون ممتص الصدمات أمام أي هجوم خاطف يستهدف رأس الدولة. فماذا نعرف عن هذه الاستراتيجيات الدفاعية؟ وفقاً لـ وول ستريت جورنال، بنيت هذه الفلسفة العسكرية على أنقاض بغداد عام 2003. حينها راقبت إيران بذهول كيف أدى استهداف القيادة المركزية إلى شلل كامل في جسد الجيش العراقي وسقوطه السريع. ولتجنب هذا المصير، قرر الحرس الثوري تحويل البلاد إلى لوحة فسيفساء مكونة من قطع صلبة ومستقلة لا ينهي كسر أحداها صمود البقية.

والنقطة الأساسية اللي ركزت عليها فاينانشال تايمز. قالت لك على فكرة كل الأهداف اللي إيران بتضربها هي عندها علم مسبق بيها. شوف الكلام المهم جداً. قال لك عندها علم مسبق بيها. فهم شغالين على أهداف هم جمعوها قبل الحرب. ما بيشتغلوش على أهداف هم اشتغلوا عليها وقت الحرب. امشي بس معايا عشان نقطة مهمة جداً. ليه؟ [موسيقى] لأن لازم تعرف إن هنا تدخل الروس. يعني إحنا بنتكلم إن إيران مش شغالة على ولا هدف هي عارفاه وقت الحرب. الرادارات الإيرانية كلها اتضربت. قدرة الرصد والاستطلاع الإيرانية صفر صفر. فالروس لما تيجي مثلاً طيارة طيارات تزود بالوقود أو طيارة الإنذار المبكر اللي نزلت في قاعدة الأمير سلطان تنزل في القاعدة دي، فإيران تعرف تضربها. دي مش قدرات إيرانية، دي قدرات روسية. فتمشي مع صحيفة فاينانشال تايمز. فاينانشال تايمز تقول لك إيران اللي عارفاه بتضربه من قبل الحرب. ولازم تعرف إنهم ودوا منصات إطلاق صواريخ في مناطق منتشرة في إيران كلها مش في حتة معينة. والضابط بيبقى معاه الميعاد والهدف وبيضرب. طيب ده جميل جداً. قال لك في استراتيجية تانية ولازم تعرفها. إن حالياً القادة والضباط الإيرانيين بيكلموا بعض، بس بيكلموا بعض بطريقة بدائية جداً. ممكن يكون عن طريق مرسال. يعني يرسل له واحد يقول له روح بلغ القائد الفلاني أو الضابط الفلاني يضرب الهدف الفلاني. ماشي بالبق. خلاص. ده كلام بتاع الحرب العالمية الأولى، مش الحرب العالمية الثانية. الحرب العالمية الأولى إن هو يرسل بقى مرسال عن طريق واحد أو شخص. ماشي. وعلى فكرة كان في فيلم اسمه دان كيرك، كان بيوري الموضوع ده. إن قائد في القيادة المركزية يرسل لقائد تاني شخصين أو جنديين يحملوا رسالة. ده من أيام بقى العصور بقى إيه القديمة جداً. يعني ده بس عشان التكنولوجيا الأمريكية ما تعترضش الرسائل. ده أمر. الأمر الثاني أنا عاوز أقول لك ممكن يكونوا بيعتمدوا على الحمام الزاجل. شوف قد إيه بعيداً عن التكنولوجيا. أو ممكن يكونوا بيعتمدوا على خطوط هاتفية ممكن ما تكونش ليها علاقة بموبايل كده أو كده. فاينانشال تايمز تقول لك في حالياً اتصالات بتتم وأمريكا مش عارفة تعترضها. ده إنها بعيدة عن التكنولوجيا. ماشي. ده اللي بيأكدوا عليه.

الحاجة الثانية صحيفة فاينانشال تايمز وده اللي بتختلف معاه يعني السي إن إن وبتختلف مع رويترز. قالت لك والله صحيفة فاينانشال تايمز بتقول إن 70% من قدرات إيران تم تدميرها. ماشي. والمتبقي 30%. طيب الـ 30% دول سهلين؟ قال لك دول صعبين جداً. لأن كل ما العدد يقل، لازم تعرف إن أمريكا بتفقد الأعداد دي أو الأهداف دي. قدرة رصد الأهداف دي بتقل. ماشي. سواء استطلاع استخباراتياً أو عسكرياً. حتى إن أنت تجد منصات إطلاق الصواريخ دي. فـ 30% من منصات إطلاق الصواريخ أو الصواريخ الإيرانية ما زال موجود وبيعمل وأمريكا مش عارفة تلاقيه.

>> launchers, 50% drones.

وقالوا إن والله خد بالك إن كل الأهوال المنطقة كلها شافتها من إيران، لازم تعرف إن الأمريكان بيتوقعوا حاجات أعظم من كده أو سيناريو أسوأ من كده كمان. ماشي. وقالوا إن والله إيران أطلقت 500 صاروخ في أول الحرب على إسرائيل. وأطلقت 3500 صاروخ على حلفاء أمريكا في المنطقة. قصدهم هنا الدول الخليجية. عشان الناس تيجي تقول لك إيه؟ تقول لك أصل إيران ما بتضربش الخليج زي ما بتضرب إسرائيل. ادي يا عم بيقول لك 3500 صاروخ نزلوا على الدول الخليجية وإسرائيل ضرب عليها 500 بس. ماشي. طيب ليه إيران بتقلل من التواريخ اللي رايحة لإسرائيل؟ هي بتعتمد كمان إن حزب الله هيضرب معاها. وبتعتمد إن الحوثيين هيضربوا. بالمناسبة، تدخل الحوثيين في الحرب مخزي، مخزي. مش زي ما كان والله بيتوعدوا إن والله ده يعني ده الحوثيين ده هيبهدلوا إسرائيل وصواريخ رايحة جاية والكلام ده ما حصلش. لحد الحوثيين واضح جداً إن هو تدخلهم بيضرب صاروخ صبح وليل. يعني صاروخ الصبح وصاروخ بالليل. ما تكفيش الحرب دي. الكلام ده كله ودي مش نصرة لإيران بأي شكل. بس هي إيران دي الاستراتيجية بتاعتها يعني إنها إيه؟ تركز على الدول الخليجية وتضرب محطات الطاقة والكلام ده كله.

بمناسبة محطات الطاقة والبنية التحتية، دونالد ترامب قال لإيران قال لهم بصوا بقى لو جينا يوم الاثنين ما أخذتوش قرار إن إنتم تفتحوا مضيق هرمز، إحنا هنضرب محطات البنية التحتية ومحطات الطاقة والجسور. طيب المفارقة هنا صحيفة وول ستريت جورنال كشفت عن نقطة مهمة جداً. قالت لك خلي بالك المساعدين بتوع ترامب العسكريين ابتدوا يقنعوه إن والله استراتيجيتك دي زي الفل. يعني إيه؟ [موسيقى] يعني خد بالك إن والله دونالد ترامب ما كانش عاوز يضرب محطات الطاقة والجسور والبنية التحتية عشان إيران ما تضربش دول الخليج، صح؟ وده على فكرة كان مفهوم وفقاً لتقديرات العسكريين الأمريكان. إن بلاش تصعيد في الحتة دي. اضرب زي ما أنت عاوز تضرب بس بلاش تصعيد في حتة إن أنت تضرب بنية تحتية. بس ظاهر كده إن البنتاجون أو وزارة الدفاع الأمريكية اتغيرت. لأن خد بالك إن وزير الدفاع الأمريكي ابتدى يمشي قادة كبار ومناصب كبيرة جداً في الجيش الأمريكي عشان يمتلك الجيش وفقاً لرؤيته، وفقاً لرؤية دونالد ترامب. فاللي ترامب مثلاً بيفكر فيه، باتهاكسس وزير الدفاع الأمريكي يقول له يا باشا أنت زي الفل. ده أنا كمان هايدك وأرسل لك الخرايط وأقول لك إيه اللي هيحصل بالظبط وهنضرب إيه. إنما مفيش معارضة في وزارة الدفاع الأمريكية وما فيش كمان حد بيقدر الموقف تقدير واقعي. ده وزارة الدفاع الأمريكية هتشتغل على الأهداف اللي هيقولها ترامب وهيقولوا له أمين. خلاص. بيت هاكسس وسيد الدفاع ماشيين. كل الناس اللي هتقول لا ويقول لك بقى والله أصل دول كانوا قادة تم تعيينهم من رئيس أمريكي سابق جو بايدن. أصل دول قادة ليهم نوايا سيئة. حالياً في وزارة الدفاع الأمريكية ما حدش بيقول لا لدونالد ترامب. وأي فكرة ينتهجها ترامب تبقى فكرة شرعية ويايدوها. أصلاً فاكر فاكر أنت كان في فيلم الفؤاد المهندس بتاع هاي هق. هو هو هاي هق ده. دونالد ترامب لما يقول كلام وزارة الدفاع الأمريكية تؤيده وتقول له والله ده فكر عظيم ولازم نعمله. فدونالد ترامب كان بيفكر في ضرب منشآت الطاقة. دلوقتي كل وزارة الدفاع الأمريكية بتقول والله دي فكرة شرعية. إحنا لازم نضرب محطات الطاقة ونضرب الجسور. ودي أفكار إحنا إزاي ما فكرناش فيها قبل كده. إحنا إزاي ما أيدناش الموقف إن إحنا لازم نضرب محطات الطاقة.

>> من الواضح جداً حسن أن هذا المنشور كتبه الرئيس الأمريكي وهو في حالة غضب جام، وأراد أن يصب جام غضبه على الإيرانيين الذين يرفضون حتى الانصياع لأوامره بإعادة فتح مضيق هرمز والموافقة على بنوده لإنهاء هذه الحرب. الرئيس الأمريكي قال إن يوم الثلاثاء سيكون يوم تدمير محطات توليد الكهرباء والجسور، وكل ذلك سوف يتم في يوم واحد وسوف يكون أمر لا يضاهى، لن يسبق له مثيل. مع إن هو عارف لما يضرب الكلام ده كله في إيران، إيران هترد في دول الخليج، صح؟ فده أمر.

أمر آخر إن خد بالك من إيه؟ إن هو ممكن يعمل الكلام ده كله ويضرب البنية التحتية في إيران ويضلم إيران كلها وبرضه مضيق هرمز ما يتفتحش. طب هتعمل إيه ساعتها؟ ممكن يضرب نووي. ماشي. أي فكرة هتيجي في بالك خلاص ما فيش معارضة في وزارة الدفاع. أي فكرة هتبقى فكرة منطقية ووزارة الدفاع الأمريكية هتقول لك والله دي فكرة عظيمة جداً. ده الخطير في الأمر. فدي حاجة لازم تقف عندها.

أما المقالة اللي بعد كده ودي مقالة اللي عجبتني جداً. مقالة اللي كاتبها زافي بارل. زافي بارل بيقول لك إيه؟ بيقول لك على فكرة إسرائيل لازم تعرف إنها ضعفت جداً بعد الحرب. ما بقتش إسرائيل زي اللي قبل الحرب. ليه؟ أولاً لو خدت بالك هتلاقي دونالد ترامب دلوقتي ما بيتكلمش إن هو عاوز يغير النظام الإيراني. مع إن ده كان هدف إسرائيل الأول. ما بيتكلمش إن هو عاوز يحد من قدرة إيران الصاروخية. مع إن ده كان هدف إسرائيل الأول. ما بيتكلمش على إن هو عاوز يستعيد اليورانيوم. مع إن ده برضه هدف أساسي لإسرائيل. دونالد ترامب غير أهداف الحرب بتاعته بعيداً عن إسرائيل، بعيداً عن نتنياهو، بعيداً عن قدرة إسرائيل أو هي عاوزه تعمل إيه في إيران. دونالد ترامب أصبح ليه مبادئه الخاصة واعتقاداته الخاصة اللي هو عاوز يطبقها على الحرب دي. إن هو عاوز يمشي خلاص ويمشي منتصر. ما يمشيش وإيران لسه بتعمل. لا يمشي منتصر. يمشي وإيران خلاص على الأرض. إسرائيل مش عاوزة كده. إسرائيل عاوزة إيران تجرف. ما يعني يبيدوا النظام الإيراني. يعملوا إيران إيران كأنها غزة بالضبط. دونالد ترامب مش عاوز الكلام ده كله. عاوز يمشي وخلاص.

ف الصحفي اللي اسمه زافي بارل بيقول لك خلي بالك إسرائيل كده يعني وصلت لقمه التأثير على أمريكا. ماشي. أنت ما فيش رئيس هيتأثر برئيس وزراء إسرائيلي زي ما نتنياهو بيأثر في ترامب. بس دلوقتي ترامب بيخلع ونتنياهو ما زال مصر للحرب تكامل. فده خلاف تاني. [موسيقى] حاجة الطلعة اللي طلعتها أمريكا مع إسرائيل دي. أول مرة في التاريخ الجيش الأمريكي حارب بجوار الجيش الإسرائيلي في التاريخ. [موسيقى] كله واضح نتيجة الحرب عاملة إزاي. ماشي. مهما كان أمريكا بتسوق إن ده حرب حرب عظيمة وإحنا عملنا يعني إنجازات والكلام ده كله. لازم تعرف إن والله الحرب دي لا كلفت أمريكا كتير. طب وإيه المشكلة؟ أمريكا مش هتعمل الحركة دي تاني مع إسرائيل. توقع الكلام ده كله. ليه بقول لك كده؟ إسرائيل عندها خطة بعد التخلص من إيران يطلعوا بعد كده يختالوا أردوغان أو يخلوا تركيا هي إيران الجديدة. أمريكا مش هتقتنع بالكلام ده. أو والله يعلنوا الحرب على مصر بقى ويقول لك المصريين والجيش المصري والكلام ده كله. انسى يا باشا. إسرائيل غرزت في إيران. والغرزة بتاعة إسرائيل في إيران مش هتطلع منها بسهولة. ده لازم تبقى عارف كده كويس. ده مش بس هتطلع منها بسهولة في إيران. لا ده غرزت في جنوب لبنان. ليه؟ كاتب الصحفي اللي اسمه زافي بارل بيقول لك خلي بالك إسرائيل بتعاني في جنوب لبنان. والكلام ده ما بيطلعش في الإعلام. ولازم تعرف إن تقييم الجيش الإسرائيلي عشان يقضوا على قدرات حزب الله. عارف لازم يعملوا إيه؟ يحتلوا لبنان كلها. مش جنوب لبنان. ويقفوا عند النهر الليطاني. لا ده يحتلوا لبنان كلها. ياخدوا لبنان كلها. وقال لك الحل الوحيد بقى لتقييم الجيش الإسرائيلي إن والله يتكلموا مع الحكومة اللبنانية. الجيش اللبناني هو الوحيد القادر على نزع سلاح حزب الله. ده [موسيقى] كلام جديد تماماً. ده كانوا بيقولوا كلام عكس كده أول حرب. يقول لك ده الجيش الإسرائيلي هو اللي هينزع حزب الله بالقوة والكلام ده كله. وإحنا عملنا عملية البيجر ونتنياهو أدى بيجر ذهب لترامب والكلام الفارغ ده كله. صح. دلوقتي بيقول لك إيه؟ بيقول لك مش هنعرف. طيب.

والكاتب بيقول لك ده في خطورة كبيرة جداً على عناصر الجيش الإسرائيلي إنها تتواجد في مساحات شاسعة في ظل تواجد قوات لحزب الله ما تمش القضاء عليها. فانت دلوقتي هتشوف حرب استنزاف دخلت فيها إسرائيل. تباين في الخطاب الإسرائيلي يتصاعد بين المستويين السياسي والعسكري ليكشف عن فجوة في فهم مسار الحرب على لبنان. فبينما يروج المستوى السياسي لتسويق الإنجاز الحاسم والقريب في تفكيك سلاح حزب الله، تتسلل من المؤسسة العسكرية تصريحات تفيد بأن نزع سلاح الحزب غير وارد الآن.

>> وحتى لو انتهت حرب إيران، حرب لبنان ما زالت مكملة. وحرب لبنان أنت هتشوف كوارث في الحرب دي. لأن بالمناسبة لبنان أو جنوب لبنان مش سوريا. خلاص سوريا الجيش السوري تراجع بمزاجه. ماشي. وكل الميليشيات تراجعت وسابوا جبل الشيخ وسابوا الجولان والكلام ده كله وسابوه لإسرائيل. إنما حزب الله تراجع تراجع تكتيكي [موسيقى]. وعمال يعمل كمائن مدمرة في صفوف الجيش الإسرائيلي. والجيش الإسرائيلي أصلاً بيعاني من نقص في المعدات ونقص في العتاد ونقص في الرجال. 12,000 جندي نقص في الجيش الإسرائيلي كان عاوزهم رئيس أركان الجيش الإسرائيلي عشان يخش جنب لبنان. فحالياً إسرائيل فيها كوارث. والكوارث دي مش هتنتهي بانسحاب أمريكا من حرب إيران أو إن أمريكا تخلص حرب إيران خالص. فده أمر مهم جداً. وبيقول لك والله الصهاينة دلوقتي ممكن ينفتحوا إن هم يتكلموا مع الحكومة اللبنانية. الكلام فارغ في الآخر. يا رب أكون شرحت لحضرتك الموضوع بشكل مبسط. ويا رب ينصر مصر. رب ينصر العرب. ويا رب انصر فلسطين. يا رب تحيا مصر.