[موسيقى]

أهلاً بكم، معاكم أبو بكر أحمد من بودكاست أماديوس بالعربي. النهارده معانا حلقة مميزة مع ضيف مميز جداً جداً، والحلقة دي اتطلبت مني كتير خلال السنتين تلاتة اللي فاتوا. أغلب أغلب الناس بتتواصل معايا: باشمهندس أبو بكر، محتاجين نأسس شركة أو مكتب سياحة، نعمل إيه؟ إيه الإجراءات؟ طب أنا لو أسست شركة، هحتاج السيستم أو أجيب السيستم إزاي؟ الموظفين اللي عندي أدربهم إزاي؟ أصلاً إزاي أأسس شركة؟ إيه الأوراق المطلوبة؟ إيه التراخيص قبل ما أأسس الشركة أصلاً؟ حتة دراسة الجدوى، هل فعلاً أنا محتاج دراسة جدوى عشان أأسس شركة أو مكتب سياحة؟ كل التفاصيل دي كلها هنعرفها إن شاء الله النهارده مع مستر هشام. أهلاً بيك يا مستر هشام.

أهلاً بيك أستاذ أبو بكر.

إيه الأخبار؟ عامل إيه؟

تمام الحمد لله. أخبارك إيه؟

بنرحب بيك معانا في البودكاست. الرابع، إحنا عملنا حوالي أربع بودكاستات، ده الخامس سوري. البودكاست الخامس. إحنا عملنا أول بودكاست "إزاي تصبح موظف حجز تذاكر طيران في شركات الطيران". بودكاست رقم اتنين "إزاي تشتغل موظف في حجز تذاكر قبل ما تخلص الكورس". البودكاست رقم تلاتة كان مع الأستاذ محمود هيكل عن الفنادق وإزاي تجيب أفضل الأسعار ونصائح إضافية للحجز. البودكاست رقم أربعة كان عن الفرق بين الـ NDC والـ GDS. وأنا عرفت طبعاً إن مستر هشام برضه عنده خبرة كبيرة جداً في الـ GDS وفي الـ NDC، فإحنا إن شاء الله ممكن نعمل بودكاست برضه نقارن بينهم، هيكون منفصل عن البودكاست الحالي. لكن حالياً عاوزين نركز، ويعني البودكاست ده هيكون موجه أكتر للشركات وتأسيس الشركات. فقبل ما نبدأ يا مستر هشام، عايزين بس يعني تدينا بريف سريع عنك، عن الخبرات بتاعتك، اشتغلت في إيه قبل كده، حالياً شغال إيه؟

تمام. بداية بس أرحب بيك على المجهود الحلو اللي أنت عامله بصراحة في البودكاست. حلقات مميزة جداً وهتفيد أصحاب الشركات والموظفين والسادة الزملاء اللي في السياحة بصراحة. حاجة كويسة. الفيديوهات بتاعتك كمان بتاعة أماديوس وشرحك ممتاز، مش عشان إحنا أصدقاء أو حاجة، بس حرفياً دي حاجة كويسة بالنسبة لك وبتقدمها للناس.

أنا هشام يوسف، خريج إدارة أعمال جامعة القاهرة سنة 2011. دخلت السياحة من 2007، كنت في السياحة في 2007، كنت لسه بدرس. ده بسبب والدي، لأن هو برضه في مجال السياحة من سنة 80، وعمي برضه في السياحة من نفس السنة. ده اللي خلاني أتشجع إن أنا أدخل السياحة وأعرف وأستكشف المجال الحلو ده.

بدايتي أول ما دخلت، كنت لسه مش عارف أنا فين. المجال واسع، المجال كبير، وفيه أقسام كتيرة. بدايتي كانت مندوب عادي في الشركة، تحصيل فنادق، تحصيل في البنوك، الكلام ده. كنت في البداية كنت مندوب تحصيل فنادق واستقبال ترانسفيرمان في المطار وكده. ولقيت الموضوع بدأ فيه شغف للموضوع وفيه حب، ودي برضه نقطة مهمة هنتكلم فيها النهارده. حتة إن أنا إزاي أحب السياحة وإزاي أتدرب على استكشاف السياحة نفسها. وبعد كده اشتغلت كويس، فهمت الدنيا إيه. كنت لسه صغير. لقيت مجال حلو كده اسمه السياحة الدينية، قسم السياحة الدينية. دخلت، اتعلمت الناس اللي فيه كانوا كويسين وناس خبرة، ودي كانت مفيدة بالنسبة لي بصراحة إن أنا اشتغلت مع ناس خبرة وادوني من خبرتهم. ما صراحة ما لقيتش حد خبى معلومة عني خالص. اللي كنت بطلبه أو كنت عايز أفهمه، بيتشرح لي. بلس إن أنا كنت بشوف ده بيعمل إيه وده بيعمل إيه والكلام ده. لدرجة طلعت بقى على قسم الطيران. ده دخلته من 2011. أول لما اتعلمت، اتعلمت على جاليليو، وبعد كده أماديوس كان 2012، بعد كده سيبر 2015. فضلت في الشركة دي، كانت اسمها وولفير. دي أول شركة اشتغلت فيها. طالع من عندهم 2014 وأنا مدير فرع.

بعد كده صاحب الشركة فتح شركة تسويق فندقي في السعودية وعمل أول سيستم أونلاين للـ allotment للغرف السعودية، بياخد الغرف وكده زي الـ TBO زي الأونلاين دلوقتي، بس هو كان مخصص للسعودية. وأنا رحت معاه وكنت مدير مبيعات. وبعد كده اتنقلت بقى على المسافر من 2016. اشتغلت في المسافر كويس الحمد لله. برضه كانت لسه المسافر كانت لسه صغيرة برضه يعتبر. والحمد لله دخلنا في وقت مناسب، كانت لسه الخبرات برضه موجودة فيها. والحمد لله اكتسبت خبرة كبيرة، ودي كانت حاجة كويسة جداً بالنسبة لي. من 16 لـ 2020. بعد كده اتجهت لشركة ووندر ترافل. كنت هناك اشتغلت معاهم على الـ NDC. الحمد لله كان سيستم جميل. كنت هناك كاستمر مانجمنت مانجر هناك في ووندر. كنت مسؤول عن الـ CRM وإزاي إعادة هيكلة الشركة على الـ CN نفسه، لأن كانت الشركة لسه كانت offline تعتبر لسه مش شغالة أونلاين. هي شغالة كويس جداً offline. والووندر من سنة 88 في السوق وكل من خلال الطيران بس. كانوا بقى اتجهوا على الأونلاين 2019. ودي كانت الطفرة اللي حصلت في مصر. ودي اللي طلع منها الـ NDC وخدم بيها شركات كتير وأصحاب شركات لسه كانت بادئة برضه جديدة. خدمتهم بسبب السيستم ده، سيستم مميز جداً. وقعدت معاهم سنتين. وبعد كده في 2023 قلت أبدأ بقى الحلم اللي أنا كنت بدأت ماسسه في خيالي وفي الورق وكل حاجة، اللي هو إن أنا أفتح شركة سياحة. شركة السياحة للأسف هي اللي أنا آخد رخصة الـ الف دي كانت صعبة، لأنها مقفولة من الألفينات. طيب اتجهنا إزاي؟ اتجهنا إن إحنا ناخد نعمل خدمات سياحية. برضه لقيناها دي كانت شغالة الأول. طب لقينا البديل اللي هي شركة اسمها تسويق سياحي. دي الحمد لله اتأسست في 2023 أنا وشيز محمد فايز. الحمد لله مستقرين فيها وعرفنا إن مانجمنت الجزئية بتاعة السياحة وإزاي نهندسها وإزاي نأسسها بجزئية بس. ده يعتبر CV ملخص بس شوية. أنا طولت شوية بس الأحداث كتير.

لا بالعكس، إحنا عايزين نعرف عنك أكتر عشان ما شاء الله عندك خبرات في أكتر من حاجة في الـ GDS، في الأماديوس، سيبر، والجاليليو، والـ NDC. وزي ما أنا قلت للناس المتابعين أو المشاهدين، إن شاء الله هنعمل حلقة تانية خاصة بالـ NDC نستفيض فيها.

طيب هو بس الناس قبل ما يعني أحب أعرفهم إن أنت كنت مديري في شركة من الشركات لما كنا شغالين مع بعض، كنت أنت المدير المباشر ليا أو اللي بتساعدنا في الـ floor. وا يعني الحمد لله كان معروف عني إن أنا مسميني أبو بكر لص بسبب كمية الـ

ما هي كانت لسه في البداية وده طبيعي. وده طبيعي. ما مش أنت لوحدك. عامة أنا عن نفسي أول ما اتعلمت السيستم وأول تذكرة عملتها، شلت فيها الـ 500 جنيه بس. كانت التذاكر كانت أسعارها حلوة.

كانت التذكرة القاهرة جدة القاهرة كانت عاملة 1200 جنيه و 1300 جنيه. كانت الأسعار كويسة.

لا لا الحمد لله. بس أنا

أنا كاني إن ما أخدتش تدريب كافي وكنت داخل في رمضان في الهاي سيزون زي ما أنت عارف.

ودي تاني نقطة برضه هنتكلم فيها بصراحة. نتكلم برضه على نقطة اللي إحنا إزاي أفيد الـ losses بتاعتي وإزاي أفيد الريسك اللي أنا هاخده في أي حاجة.

طيب خلينا نبدأ في الأول خالص، لو أنا شخص جت لي فكرة إن أنا أأسس شركة سياحة، شركة أو مكتب أو وكالة، أياً كان المسمى بتاعها.

أول حاجة الـ business plan بتاعتي. يعني أعمل business plan إزاي وبناءً على الماركت اللي أنا فيه. يعني لو أنا هشتغل ماركت، عاوزك توضح لي يعني في فرق بين الماركت الخليجي، الماركت المصري، الحاجات دي كلها. فلو واحد عنده الفكرة زي ما أنت دلوقتي، الناس اللي ما تعرفش، أنت عندك أصلاً شركة سياحة صح كده؟

صحيح. تسويق سياحي.

تسويق سياحي. آه. لا، لأن المسمى بيفرق أكيد طبعاً. آه. أنا فاهم.

يعني أنت بتبيع تذاكر؟

مش ببيع تذاكر. هي الفكرة كلها إن أنا مش ببيع تذاكر. أنا يعتبر...

بتسوق للتذاكر؟

بسوق للتذاكر وبسوق للفنادق. ولكن الـ main بتاع الشغل تمام هو فنادق، لأنه أنت واخد تسويق فندقي. تمام؟ اللي أنا أقدر إن أنا أسوق الفنادق الداخلية هنا في مصر. يعني الجزئية اللي حضرتك بتتكلم عليها إن أنا كشركة إن أنا أفتح إزاي أو أبدأ الماركت هنا ولا السعودي ولا الإماراتي ولا الكويتي، حسب الـ owner نفسه هو جنسيته إيه. لو أنا جنسيتي سعودي تمام، آه هفتح في السعودية. ولكن الـ back office بتاعي ممكن أخليه في مصر. ودي أغلب الشركات دلوقتي عاملاها هنا. ولكن لو أنا مصري، أبدأ في البداية، أبدأ هنا. لأن هنا في مصر بصراحة فيها شغل، فيها مبيعات كويس. دي الجزئية. لو أنا مصري، أروح أفتح في السعودية، أنا مش هعرف أفتح في السعودية. لأن أنا ما عنديش أصلاً CV أو ما عنديش حاجة تدل إن أنا كويس في الجزئية دي. لسه في البداية. في جزئية تأسيس الشركة. حتى لو أنا موظف بقى لي 20 سنة أو 50 سنة، ما ينفعش إن أنا أطلع السعودية على طول. يلا غير لو أنا كنت شغال في السعودية أصلاً. أنا عارف المجال، عارف المبيعات إزاي هناك، عارف أقدر إن أنا أجيب العميل هنا إزاي. أقدر الترخيص. لأن الترخيص هناك في السعودية أو في الدول الخليج عامة بيبقى صعب. هنا في مصر سهل. كل اللي أنا بحتاجه أو صاحب الشركة محتاجه إن هو يعين محامي. بمحامي بيروح لهيئة الاستثمار. بيقدم على تسويق فندقي. بيختار الاسم. دلوقتي بقى تقدر إن أنت تختار الاسم من خلال الأونلاين دلوقتي. وده أهم واحدة. تاني حاجة إن أنا الـ owner نفسه يعمل الـ business plan بتاعته. البلان. يشوف الـ plan صح. لازم يشوف أنا محتاج إيه؟ إيه الـ tools اللي معايا وإيه الـ tool اللي أنا عايزها؟ لأن الـ tools اللي معايا لو هي مش كتير تمام وأنا لسه داخل، ممكن أقع. لا لازم يبقى معايا tool كويس. طب إيه هي الـ tools اللي معايا اللي أنا أقدر إن أنا... بقول أول حاجة كسيولة. تاني حاجة الـ business plan بتاعتي اللي هي دراسة الجدوى. دي تاني جزئية. تالت جزئية المعلومات. معلومات. أنا هل عندي أنا معلومات كافية عن السياحة إن أنا أقدر إن أنا أفتح شركة سياحة وأدير team وأجيب موظفين وأجيب مكان وأفتح ملف ضريبي وملف تأمينات وترخيص وكل حاجة وأنا ما عنديش دراية كاملة بالموضوع؟ لا دي بتبقى غلط. إلا إذا بقى في حالة واحدة لو أنا كمستثمر هفتح شركة وأجيب كوادر عندهم هما ذوي خبرة يمسكوا الـ team ويمسكوا ده. آه أقول لك آه. ما فيش أي مشكلة جوه وأبدأ إن أنت تشتغل. لو أنت معاك سيولة تكفي إن أنت تجيب كوادر كويسة ده تمام. وبعض من الشركات موجودة. طب ليه أنا بروح لهيئة الاستثمار؟ هيئة الاستثمار مع ترخيص الشركة مع بيتكلّف حوالي مثلاً 200 ألف جنيه. ولكن الرخصة الـ الف دي دلوقتي في شركات بتبيع. بيع الشركة بتتباع من حوالي 8 مليون لـ 12 مليون جنيه.

معلش بس ممكن نوضح أنواع الرخص وإيه الفرق بينهم؟ عشان في ناس ما تعرفش.

هما كانوا تلات رخص. كانوا تلات فئات. أ، ب، ج. ولكن كان الأول كانت متصنفة اللي هو أ د، اللي هو كان معاه الـ IATA عشان يقدر إن هو يشتغل IATA ويشتغل سياحة دينية ويشتغل سياحة خارجية. ولكن هما دمجوا كل دول. لأن كان في حاجة للنقل السياحي وحاجة للسياحة الداخلية وحاجة للسياحة الدينية. هما عملوا دمج كله وبقت هي فئة واحدة اللي هي فئة أ. دي اللي أنا أقدر إن أنا بشتغل عليها IATA. أطلب IATA سواء هنا في مصر لو أنا الماركت بتاعي مصري. تمام؟ بقدر أقدم على الـ IATA الأول وبعد كده بقدم على الشاشات بتاعتي سواء أو أتعاقد مع أماديوس أو سيبر أو جاليليو. في ناس زمان كانت، وفي برضه في بعض من الشركات شغالين على سيستم اسمه أبوللو. ده متاح لسه لغاية دلوقتي. بس دي يعتبر إن أنا عشان آخدها لازم يكون معايا الـ أنا عايز أشتغل طيران و IATA وكل حاجة والسيستم يكون معايا. لازم تبقى سياحة.

طيب ليه بتجه للتسويق السياحي؟ بسبب قلة السيولة. إن أنا ما عنديش سيولة كافية. لأن برضه الـ IATA بتطلب برضه فلوس كخطاب ضمان حوالي 2 مليون جنيه. دي تمام. بالتالي دي برضه مصاريف زيادة. يعني أنا عشان أبدأ شركة سياحة، لازم يكون معايا مبلغ حوالي 15 مليون عشان أبدأ إن أنا أشتغل. ده اللي المستثمرين الكبار اللي هما دلوقتي بيعملوه. اللي هما بياخدوا شركات وبيكبروا المجال نفسه أو بيكبروا الشركة.

طيب التسويق السياحي زي ما قلت لك في البداية، إن هو رسومه قليلة حوالي 200 ألف جنيه. يلزم إن أنا آخد مقر. عندي مقر كويس في موقع كويس. لأن الموقع بيخلي العميل يطمئنك أكتر. ما ينفعش مثلاً أجيب موقع في منطقة مش كويسة. بالتالي العميل ممكن يشك. هل أنا شركة ولا أنا كيان وهمي؟ وده الفترة اللي فاتت حصل عمليات نصب كتير الفترة اللي فاتت بسبب كيانات وهمية. خدت الاسم. شركات كبار خدوا أسماء شركات كبار وتراخيص وكل حاجة وعملوا بيها صفحات على الفيس وحطوا البيانات وع واشتروا فلوس للـ followers والكلام ده كله. أنت أكيد فاهم الجزئية اللي أنا بشتري متابعين.

بالتالي أنا كعميل بروح داخل، اتغريت. آه دي شركة X. ده عندها 10 آلاف. آه دي هي دي الشركة الأصلية. ده ده معرفش إيه. بالتالي العميل اطمن. النصاب دايماً بيطمع العميل اللي هو بيديله سعر قليل. مثلاً العميل جالي، هيقول لي الفندق ده بكام؟ بقول له ده بـ 5000 الليلة. راح الفندق. راح للاكس قال له لا ده بـ 2800. بالتالي العميل يقول لي لا أنت اللي نصاب. أنا اللي نصاب. ده في شركة تانية أقل. وحصل كتير يعني. كان والحمد لله العملاء ما بيعملوا محضر. وفيه برضه من الداخلية بصراحة جابوا ناس كتير. وفيه فلوس رجعت برضه للناس. حاجة كويسة.

ده بالنسبة للتسويق السياحي. باخد بقى التسويق السياحي أو بشتغل بالتسويق السياحي كفنادق. طيب هل أنا لإن أنا أشتغل طيران؟ لإن أنا أجيب شاشة وأشتغل بيها سواء جاليليو أو أماديوس أو سيبر؟ لا. طيب إيه البديل؟ البديل اللي هي البورتالات اللي طلعت زي ووندر، نسناس، المجيد. دول أكتر توب 3 موجودين في في مصر. بيدوا أسعار كويسة. بيدوا خصومات. بيتسهل على العميل والموظف. سوري، على صاحب الشركة والموظف. إني أقدر إن هو يحجز. بالتالي بقى العميل أكتر من الشركات بتطلب الموظفين عندك خبرة على الـ NDC أو الـ GDS أو الأونلاين عامة في العموم. لأن الـ أماديوس في منه كتير. وأكيد أنت عندك الناس بتيجي تاخد أماديوس. وفي الآخر بتروح تشتغل على الـ NDC في الآخر. هو نسي كل المعلومات اللي هو أخدها. بس دي خطوة حلوة. خطوة حلوة إن أنا فهمت يعني إيه طيران. فهمت يعني إيه المجال ده أصلاً ماشي إزاي. أنا لازم كموظف داخل مجال أفهم فيه كل حاجة. مش عشان أنا أخدت خلاص الكورس واشتغلت بشهر وشهرين أنا خلاص بقيت عندي knowledge كافية و info كافية. أشوف شركة تانية أكبر. لا أنا ده شايفه للموظف غلط. يعني لازم الموظف أقل حاجة في الشركة اللي هو فيها يبدأ اللي هو يفكر إن هو عايز يمشي أو حاجة أو الكلام ده كله. حسب الـ لو شركة مريحاني فيها كل بتديني كل الطلبات اللي أنا بطلبها منهم والكلام ده كله ماسيبهاش. ولكن هو بيروح سايب على شركة تانية هو شايف إن أنا خلاص بقى لي سنة ولا بقى لي سنتين أنا كده تمام زي الفل. أو سنة ونص أنا أروح لشركة تاني أكبر. لأن الـ salary عندهم أكبر. تمام؟ بيروح للشركة الأكبر. لأنها هي إنترناشونال بتدي salary أعلى. حلو. ولكن عندهم عندهم task عالي وعندهم turn over عالي وعندهم شغل عالي. بالتالي أنا لو أنا لسه ما عنديش info كافية ودخلت للمجال الأوسع، أنا ممكن أتوه. وأخد loss زي ما حصل معاك. إن بيسيب الشركة بعد ما قعد سنتين أو بعد سنة مثلاً أو ست شهور في الشركة بيقول أنا باخد من الشركة دي 5000. لا ده في شركة تانية بـ 7000 و 8000. بيروح رايح للشركة التانية. ولكن بيتصادف بقى اللي اللي هو هناك بيخش في مجال أوسع. مجال تصنيفات أعلى.

معلش خليني أقطعك. خلينا واحدة واحدة بس. يعني سيبك من الموظف دلوقتي. الموظف على راسنا. ماشي.

أيوه.

بس يعني خلينا دلوقتي إحنا عاوزين قوي.

لا لا عادي. ما إحنا كلنا كلنا ابتدينا موظفين.

أيوه.

بس أنت دلوقتي بتتكلم من منظور صاحب شركة وبتعاني مع الموظفين. فخلينا بس نبدأ واحدة.

ماشي.

أنا عاوز ألخص الكلام اللي أنت قلته بالنسبة لحد عايز يبدأ شركة أو مكتب أو أياً كان المسمى الوظيفي بتاعه.

سواء في مصر أو بره مصر. أنا دلوقتي يعني بيجي اتصالات وأسئلة كتيرة. ناس بره عايزة تفتح في مصر أو ناس في مصر عايزة تفتح بره. خلاصة الكلام اللي أنت قلته: لو أنت من مصر، افتح في مصر.

لو أنت بره، افتح بره واعمل الـ back office بتاعك في مصر عادي. توفير. ما فيش مشكلة. زي أغلب الشركات الخارجية اللي شغالة.

طب أنا هنا سؤالي. يعني أنت قلت إن أنا بحتاج مثلاً 15 مليون عشان أأسس الشركة في مصر. أنا عايز أعرف بقى من الناحية التقنية. أنا عارف إن لو الـ IATA محتاجة شهادات معينة. محتاجة ناس تكون عندك hiring ناس عندها خبرة معينة عشان إن أنا هاسس وآخد سيستم مثلاً زي أماديوس من الـ IATA. هل كل الناس تقدر على حاجة زي كده؟ وفي نفس الوقت أنت قلت إن اللي يفتح لازم يكون عنده خبرة أو يجيب ناس عندها خبرة. لو حد فتح وما عندوش الخبرة الكافية وجاب ناس عندها خبرة، ممكن الناس دي تسرقه. حصلت كتير.

آه. صح صح.

فلازم يكون عنده الـ knowledge اللي تمنعه إن هو يتسرق على الأقل. مش لازم يبقى expert في المجال. فمن الناحية التقنية الفنية عايزك برضه تكلمني أكتر. الشهادات المطلوبة إيه؟ إيه الـ knowledge اللي هو بيكون محتاجها عشان يقدر يأسس شركة ويقدر يفهم الدنيا ماشية إزاي جوه الشركة.

طيب بالنسبة للسياحة الـ الف. لو أنا هشتري شركة. دي بتكون شاملة الـ IATA بتاعتها وشاملة تفاصيلها. تمام؟ هو بس بيتعاقد على الأماديوس أو جاليليو أو سيبر. ولكن الشهادات اللي لازم آخدها من IATA. شهادة من الـ IATA نفسهم اللي أنا واخد الكورس واللي أنا عندي دراية كافية بالطيران. وده مصر للطيران بتعمل الكورس ده. كان الأول كان عامل حوالي 20 ألف أو أقل شوية. دلوقتي ممكن تلاقيه وصل لكده. بيكون تلات كورسات لمدة تلات شهور. الـ كتيبات كتير من الشهادة دي. تمام؟ أقدر إن أنا أقدم على الـ IATA وبقول لهم اتفضلوا أنا واخد الشهادة منكم. من الشهادة دي أقدر إن أنا أقدم بيها على الـ IATA بتاعتي. تمام؟ ومن الـ IATA أقدر إن أنا أقدم بقى وأتعاقد على أماديوس أو سيبر أو جاليليو. في حاجة تانية ممكن ما أشتغلش بيها IATA. ولكن في حاجة اسمها non-IATA. أنا سياحة الف وكل حاجة. تمام؟ بروح أتعاقد مع جاليليو أو أماديوس أو سيبر وبقول لهم أنا non-IATA. مش هدفع IATA. طب إيه الفرق بين IATA و non-IATA؟ الـ IATA أنا يعتبر مديني الشاشة. أصدر من خلالي. طب الـ non-IATA؟ معايا شاشة من أماديوس. بعمل الـ PNR وبديه لشركة اكسبيرت. بقول له اطبع لي الحجز ده. وهما بيتفقوا مع بعض على الـ offer اللي هيتفقوا على السعر. مثلاً التذكرة على حسب شغلهم والكلام ده كله. دي الـ non-IATA. يعني ممكن ما أفتحش شركة سياحة الف وكل حاجة بس معايا شاشة أماديوس فقط.

هل الشاشة دي؟ الشاشة دي بقى باخدها من الشركة اللي هي مسجلة؟