بودكاست معانى....إحمى نفسك من الإحتراق والإنهاك الداخلى

نعمل حاجات لاث حاجات ثلاث حاجات ندخلها جوه الانهاك اليومي او جوه بلاش كلمه الانهاك جوه المهام اليوميه اللي بتسبب الانهاك والاحتراق الداخلي. فلو انت بتعملي خمس حاجات في اليوم أو لو انت بتعمل خمس حاجات في اليوم هندخل جواهم ثلاث حاجات. الثلاث حاجات دول يقضوا على الانهاك. الكلام اللي انت بتقوله نظري؟ لا، أنا بحكي لك عن نفسي. أنا عمرو خالد. فترة من حياتي وأنا أنا آخر سبع سنين. آخر سبع سنين أنا مروق مع إن الشيلة أتقل، بس لا أنا رايق ومبسوط ومستمتع برحلة حياتي و ورايق. قبل كده لا، أنا كنت أنا كنت منهك وكان بيبان على وشي. أنا رايق بدليل إن أنا بعمل البودكاست. على فكرة البودكاست إضافة فوق الأعمال اللي أنا شايلها، بس أنا بعمله عشان عايز أطلع الحلو اللي جوايا. فانا مستمتع وأنا قاعد قدامكم دلوقتي وبتكلم وأنا مستمتع. وما عادش الانهاك الوجهي لأنه بينعكس على الوش على طول. وما عادش التكشيرة. وما عادش إن أنا بدخل بالليل وأنا بتعمل إيه؟ طب إيه إيه اللي اتغير من هنا لهنا؟ اللي اتغير ثلاث حاجات. وكأني عمال أمهد لكم وأشوقكم. يا عم قول لي الثلاث حاجات عشان أطبقها في حياتي.

الأولى روحية. أول حاجة في الوصفة العبادة. العبادة. إحنا بنصلي الحمد لله. لا لا مش هو ده مش هو ده اللي يعمل لك إيقاف الاحتراق الداخلي ويهديك. العبادة بإحساس اللي هو معنى الإحسان اللي النبي اتكلم عنه. إن تعبد الله كأنك تراه. يعني إيه؟ أنت بتصلي الصلوات الخمس. على فكرة أنا مش بطلب منك تزود وقت الصلوات الخمس ولا بقول لك قم الليل طويل. لا لا. أنا بتكلم على الصلوات الخمس ونفس الوقت اللي أنت بتصليه فيهم. أنت بتخلص الظهر في قد إيه؟ أربع دقائق. هم هم الأربع دقائق. مش بتكلم على قيام ليل. أنا بتكلم على الصلوات الخمس بس. الصلوات الخمس ممكن تحسهم. ممكن تعتني بيهم شوية. يعني تحسهم. يعني وأنت داخل تصلي الصلوات الخمس. أنا بين يدي الله. أكبر. الحمد لله رب العالمين. شكراً يا رب على نعمة من نعمك. الرحمن الرحيم. أنا عايش برحمتك. مالك يوم الدين. راجع لك يوم القيامة. ده إحساس. ما فيش كلمة عربي صعبة. أنت اللي مش ناوي تحس. مالك يوم الدين. راجع لك يوم القيامة. اهدنا الصراط المستقيم. يا رب وريني الطريق في المشاريع اللي أنا شغال فيها. صراط الذين أنعمت عليهم. أديني صحبة حلوة. غير المغضوب عليهم ولا الضالين. ابعد عني أصحاب السوء. الله أكبر. يعني إيه أكبر؟ أنت أكبر حاجة في حياتي. الخمس دقايق دول بس. أكبر حاجة في حياتي. خمس دقايق بس. وقت الصلاة. يلا اركع. أنا موطي بين إيديك يا مالك الملك. عشان كده بقول لك يا عظيم. سبحان ربي العظيم. هقولها ثلاث مرات عشان تلزق في عقلي الباطن. وارفع راسك وقول له. سميع. سمع الله لمن حمده. يعني إيه؟ إنما يسمع الله دعاء الحامدين. ربنا بيسمع دعاء اللي بيحمدوه. عشان كده بتقول ربنا ولك الحمد. قولها من قلبك. اسجد. وكلمة. قول له أنا تعبان يا رب. الشيلة تقيلة يا رب. كلمة بالعامية وأنا ساجد. أيوه. يقول النبي أقرب ما يكون العبد من ربه وهو ساجد. شفت تعرف تصلي كده؟ سهلة قوي. تعرف تعرف تطلب منه بالعامية من غير لغة عربية؟ يا رب الحمل تثقيل عليا. قويني. أعني. افتح عليا. ارزقني. يا رب الرزق اتأخر. يا كريم. وسع. يا رب. اهدي. ودي. يا رب. تعرف تعمل كده؟ بس خمس مرات في اليوم. منهم الفجر طبعاً. ليه؟ هي الصلاة بتعمل إيه؟ افهم. وإيه علاقة ده بالاحتراق الداخلي؟ خلي بالك نفس الفكرة اللي صديقنا قالها. أنا حاسس إن مكنة وحديد بيخبط في بعضه. ده اللي بيحصل معاك. الحديد سخن. راس راسك سخنت. ما تحتاجش. هدي. الصلاة بتعمل كده. في المصانع يقول لك إن لازم بعض المصانع في بعض الصناعات لازم المصنع نعمل أي إيقاف. نوقف المكن لمدة ساعة كل 12 ساعة. ما هي دي فكرة الصلوات الخمس. خمس مرات في اليوم لازم توقف المكنة. يقول لك لو ما وقفناش المكن بتاع المصنع كله وقمنا قافلين سويتش أوف لكل المكن. المكن يتحرق. لازم كل 12 ساعة تقوم موقف المكن كله. تصدق الصلوات الخامسة نفس الفكرة. يلا قوم صلي. يلا طفي المكان. طفي المكان. طفي طفي. اهدى. اهدى. الله أكبر. خلاص بره الدنيا بقى. أنت أكبر حاجة في حياتي. الله أكبر. وقف بين إيديه. تعرف تعمل كده؟ لو صليت كده بس. أنا مش بتكلم بقى قيام ليل وتصحى قبل الفجر بنص. بص على بتكلم على الصلوات الخمس.

وإيه كمان في العبادة؟ أنا لسه بتكلم إن أول حاجة العبادة. إيه كمان جوه العبادة؟ الذكر. ليه بس ذكر بإحساس؟ بصوا يا جماعة. كلمة إحساس هي المفتاح. هي السيكرت بتاع الموضوع كله. إحساس فعل الإحساس. اعمل اكتيفيشن للإحساس بتاعك وأنت بتصلي أو وأنت بتذكر. ليه الذكر؟ إيه علاقته بالاحتراق الداخلي؟ لأن الذكر هو عملية خروج بره الزمان والمكان. أنت ماسك السبح وبتقول لا إله إلا الله. لا إله إلا الله. لا إله إلا الله. لا إله. ويا سلام لو في منظر طبيعي بقى وبتتفرج على الملك والكون. سبحان الله. سبحان الله. سبحان الله. الحمد لله. الحمد لله. الحمد لله. الله أكبر. الله أكبر. الله أكبر. من همومك ومشاكلك. الله أكبر. من الدنيا واللي فيها. الله أكبر. هو إيه اللي بيحصل؟ أنت طلعت بره الزمان والمكان. لأن تفاصيل الحياة مرهقة. تعرف تطلع بره تفاصيل الحياة؟ بس 20 دقيقة. لازم 20 دقيقة عشان دي 20 هي اللي هتعبر بيك من مرحلة الاحتراق إلى مرحلة المايندفولنس. اللي هو إيه؟ المايندفولنس؟ الصفاء الذهني والروحي. وده كلام علمي. إن فكرة المايند فولنس بتحتاج من 15 ل 20 دقيقة من التأمل. مع إنك تقول كلام ده ده ساينس ده بوزيتيف سيكولوجي. إحنا بقى الكلام عندنا هو الذكر. طب وهم الكلام عندهم قد إيه؟ بيقولوا أي كلام. هوب يقعد يقول هوب هوب هوب. وأنا حضرت كورسات كده. يقعد يقول هوب عشان لازم يقول حاجة عشان مش كفاية إنك تتأمل. لازم في منترا. لازم في كلام. فإحنا عندنا الكلام لا إله إلا الله. والله هم مساكين. لأن الكلام عندهم ملوش جذر في المعتقد. لكن إحنا الكلام عندنا نابع من المعتقد. وبالتالي قوي. صل جدا. كونكريت. متماسك. عايز تقول إيه؟ عايز أقول إن الذكر. يا سلام. طلعت بره التفاصيل. بره الإنهاك. يلا نرجع بقى للدنيا وأنا فريش. إيه ده؟ دي فكرة رائعة. فكرة الذكر بالطريقة دي. طبعاً عرفتوا ليه ربنا بيقول: "الذين آمنوا وتطمئن قلوبهم". يعني إيه تطمئن قلوبهم؟ كفاية احتراق بقى. هي نفس الفكرة على فكرة. ما هي تطمئن قلوبهم عكسها إيه؟ احتراق داخلي. وتطمئن قلوبهم بإيه؟ بذكر الله. وبعدين يوم قايل إيه؟ ألا. يعني قسم. ألا. والله. ألا بذكر الله تطمئن القلوب. يا سلام. الوصفة الأولى من فضلكم. هم ثلاث حاجات. أرجوكم اكتبوهم معايا. ثلاث حاجات يحموك من الاحتراق الداخلي. يوقفوا الإنهاك. مع إن الحمل هو واحد. العبادة ها. بإيه؟ حد فاكر الكلمة؟ بإحساس. والعبادة هنا تقصد بها إيه؟ نصلي كتير قوي قوي؟ ابدأ الصلوات الخمس. والذكر ربع ساعة وثلث ساعة. بس. آه. في عبادات أخرى. بس عشان الاحتراق الداخلي أنت محتاج الاثنين دول. وصلت؟ وصلت النقطة الأولى.

النقطة الثانية. النقطة الثانية. لو عايز تواجه وتقلل الاحتراق الداخلي. فن التعامل مع النفس. أنا طبعاً أنتوا فاكرين إن أنا هقول الثلاثة حاجات روحية وعبادية. بس أنا هنا بقوم بدور اللي اللي بيقول خبرته في الحياة. فن التعامل مع النفس. بامتاع النفس. مش هينفع طريقة إن أنت من الشغل للشغل. شغل للشغل. شغل للغسيل. للتربية. للطبخ. لا لا لا. دي حاجة منهكة. طبعاً منهكة. فين امتاع النفس؟ ولو 10 دقايق. ربع ساعة. يعني إيه امتاع النفس؟ ذكاء. أنا دلوقتي محتاج إن أنا أنبسط. يعني شوفوا أنا بسجل البودكاست ده. طيب. الحلقة دي هقعد أصورها في قد إيه؟ قولوا مثلا هقعد ساعة. أنا لازم ألعب رياضة بعدها. أنا النهاردة لازم أروح ألعب بادل أو راكيت. لازم. ليه؟ لازم أبسط نفسي. لأن أنا لو طلعت من دلوقتي وقلت: خلينا بقى نحضر حاجة لبرنامج رمضان. وبعديها خليني أشوف مشكلة عائلية. وبعدين خليني أشوف البزنس بتاعي اللي باكل منه عيش. لأن أنا فاصل الرسالة الدينية عن البزنس. عشان أنا مش عايز أرتزق من رسالة الدين. أنا برتزق من البزنس. فخليني أعمل كل ده ورا بعضه. ده إنها. إيه الذكاء؟ زي ما قلنا ما بين الحاجات وبعضها. دخل واحدة من الثلاثة. فدخلنا الصلوات الخمس. ودخلنا وقت الذكر. تعال ندخل بقى وقت امتاع النفس. موضوع ذكي في التعامل مع نفسك. لا ده مش موضوع. مش وقت الذكر دلوقتي. ده وقت اللعب. أنا عايز ألعب رياضة عشان أنا قعدت بقىي كتير. لازم أتحرك. لازم أجري. أنا ما أعرفش أنام بالليل إلا لما أتفرج على ماتش كورة. أفتح تلفزيون وأتفرج على أي ماتش كورة. عشان أو على الدوري الإنجليزي أو على الدوري الإسباني. ريال مدريد ولا أتفرج على الأرسنال ولا أتفرج على مانشستر سيتي. ولا ليه؟ ليه؟ عشان أنا طول النهار شغال. لا. هنا الملف. هنا النقطة الثانية. لازم من امتاع النفس. في كتاب جميل جدا اسمه فقه حب الحياة. فقه. فقه. فقه وضوء وصلاة. إيه اللي يجيب حب الحياة؟ الفقه. لأن فيه فقه عند النبي صلى الله عليه وسلم. إزاي تحب الدنيا. كان يحب العطور جدا. وعمرك ما تقابل النبي إلا وهو حاطط بيرفيوم. بلغة العصر. ويحب اللبس الحلو قوي. ويحب رحلات المشي الهايكين. بلغة العصر. ويطلع يتمشى كتير مسافات 5 كيلو و 6 كيلو و 7 كيلو. ويروح مشاوير ويرجع ماشي. مع إنه عنده الحصان بتاعه والبغلة بتاعته. لكن يحب المشي. ويحب يقعد مع مراته ويهزر معاها. فن امتاع النفس مهم جدا جدا. أنا أنا كتير تحت الضغط العصبي. قبل ما أنام بالليل. لا أحب أتفرج على فيلم كوميدي أبيض وأسود. عايز أضحك. عايز عايز أبسط. ممكن أتفرج على أي مقطع كوميدي. أقعد أدور عليه عشان عايز أضحك. فن امتاع النفس. داخل فيها الرياضة. داخل فيها الرياضة. هقول لكم بقى شوية حاجات في فن امتاع النفس. الرياضة. داخل فيها الأكلة الحلوة. تعالوا ناكل أكلة حلوة. مش لازم غالية. بسيطة بس جميلة. داخل فيها اللمة الحلوة مع الصحاب. داخل فيها. تعالوا نتمشى. داخل فيها ماتش كورة. داخل فيها حاجة كوميدي. داخل فيها مكالمة مع حد غالي غالي عليك. ونقعد نهزر مع بعض. مش مهم بنقول إيه. بنهزر مع بعض. أخبارك إيه؟ وطمن. شفت الفيلم؟ شفت الماتش الفلاني؟ طب مين هي؟ دي مهمة. بتقلل الإنهاج بنسبة كبيرة في الحياة. يبقى واحد العبادة. اثنين فن امتاع النفس وذكاء الإنسان. إمتى؟ يعني أنا ساعات أجي مع نفسي وأقول إيه؟ لا. الوقت وقت ذكر. لا لا معلش. ناجل الماتش شوية. أنا طالع الروف أذكر ربنا لوحدي على الروف ومعايا السبحة بتاعتي. ده ده وقت عبادة. وأحيانا أقول لنفسي: لا. تعال ناجل الذكر شوية. أنا محتاج ألعب رياضة دلوقتي. أنا محتاج أضحك. إيه الشطارة؟ إيه؟ إمتى؟ ما بين إيه؟ ما بين إن أنا بدي كل أدواري. أنا مهتم بكل الأدوار اللي بقوم بيها. بس بعرف إمتى أم متع نفسي. وإمتى أبسط نفسي. في كتاب جميل جدا اسمه الناجحون أكثر مرحاً. الناس الناجحة مش الناس اللي المكشرة اللي ماشية زي يعني على القضيب كده زي القطر. أبداً. الناجحون. والكتاب يستعرض الناجحين حول العالم. وإنهم شخصيات مرحة. الناجحون. ما لقيت رسول الله صلى الله عليه وسلم إلا وابتسم في وجهه. كان رسول الله صلى الله عليه وسلم ضحاكا في بيته. لا مش يضحك في بيته. ضحاكا يعني إيه؟ يعني يضحك ويضحك أهل البيت. يدور على البسمة الحلوة والكلمة اللي تضحك الناس. الله. يبقى يبقى دي النقطة الثانية. والله يا جماعة أنا مش بحكي لكم كلام كتب. أنا بحكي لكم وصفة حياتية. أنا حياتي اتغيرت إزاي آخر سبع سنين. واحد العبادة بإحساس. مش مهم الكم. المهم الكيف. مش مهم الكوانتيتي. المهم الكواليتي بتاع العبادة. اثنين فن امتاع النفس.

الثالثة والأخيرة. عجيبة جدا جدا. القدرة على تقليب ملفات كتيرة في اليوم الواحد. فاهمين؟ مين جابها؟ القدرة على تقليب الملفات الكتيرة في اليوم الواحد. إحنا عادة عندنا ملف. الملف ده مشكلة ابني. فندخل جوه الملف ونفضل غايصين جوه الملف ودماغنا مش عارفة تعمل سويتش لملف تاني. لأن الموضوع مستغرقني 100%. مهما كان الموضوع صعب. لازم يبقى عندك القدرة إنك بتتنقل من ملف لملف. مش بس بجسدك وبعقلك كمان. طب ودي إيه فايدتها؟ تقليب الملفات ممتع. تقليب الملفات بيقضي على الرتابة. النبي كان بيعمل في اليوم الواحد 15 نشاط. أنا عديتهم ومش عايز أحرق النقطة دي. لأن دي حلقة كاملة في برنامج رمضان السنة دي إن شاء الله. 15 ملف يا رسول الله في اليوم الواحد. طب وهو مين أكتر هموماً وشايل هم الأمة كلها ومعارك وغزوات؟ والنبي صلى الله عليه وسلم. طب بس إزاي بيقلب 15 ملف في اليوم؟ لأن دي ده نوع من الإبداع في الحياة. ونوع من المتعة. خلي بالك. طول ما أنت جوه الملف مش عارف تخرج منه. أنت مش هتعرف ده بيزداد تعقيداً. ليه؟ لأن دماغك خلاص قفلت. ده أنت عايز تحل الملف. اخرج بره بدماغك وبفكرك وبوقتك وبجسدك. اطلع بره الملف. ارجع له كده تاني يوم. هتلاقي نفسك أكتر إبداعاً في حل مشكلة في حل هذا الملف اللي قدامكم ده. من ضمن الحاجات اللي فرقت معايا جدا في حياتي. القدرة على تقليب بالملفات. لما تبص على الأجندة بتاعتي. كان نفسي تبقى معايا بس مش معايا دلوقتي. لما تبص على الأجندة بتاعتي تلاقي اليوم ما شاء الله فيه تسع حاجات ورا بعض. يعني الأجندة ما عادش فيها مكان أكتب فيه المواعيد. فانا فانا صليت الفجر وقلت الأذكار. أو دخلت نمت على طول. وبعدين من 10 لـ 12 عندي ميعاد في البزنس. من 12 لـ 2 عندي معاد في مثلا في أكاديمية الإحسان للرسالة بتاعتي. من 2 لـ 4 في قاعدة مهمة جدا مع مراتي عشان في مشكلة عائلية لازم نحلها. من 4 لـ 6 لازم أطلع فوق عشان أقعد مع أبويا وأمي عشان ماسيبهمش. من 6 لـ 8 عندي اجتماع بزنس تانس. من 8 لـ 10 لازم أمسك الورق وأقعد أحضر لبرنامج رمضان بمنتهى التركيز. من 10 لـ 11 لازم أروح ألعب بادل. من 11 لـ 12 عايز أتعشى عشاء حلوة وأتفرج على حتة من ماتش. وبعدين النهاردة سهران شوية. هرجع أقعد أحضر بعد ما يكون له نام. الساعة بقت كام؟ بقت 12 ونص. عايز أطلع. اطلع الروف أذكر شوية عشان أنام 1. عشان أصحى الفجر. أنا عملت كام ملف في اليوم الواحد؟ أنا عملت حوالي تسع ملفات. على فكرة ده برنامجي فعلاً. تسع ملفات. كل ملف أول ما أدخله. أنا عايش جواه. يعني إيه عايش جواه؟ جواه بالكامل. يعني أنا بلعب لعبة البادل. وبلعب الراكيت اللي هو بشبكة. اللي هو زي التنس. اللعبة دي قايمة على التوازن العصبي العضلي. يعني لازم تبقى مركز قوي قوي قوي قوي. لأنك يعني إزاي تحط الكورة وبقوة وفي مكان صح. وأنا بلعب لعبة. أنا شاطر في الحتة الفنية. يعني إزاي أحط الكورة عكس اتجاه. يعني شوية حاجات كده. إيه. ممكن اللي عايز يجي يتفرج. أدعي إن أنا يعني إيه من الناس اللي بيدخلوا البطولات في اللعبة دي. ويطلعوا من الأول أو الثاني أو الثالث. حاجة زي كده. واللعبة دي بتتلعب كمان على البحر. عارفين الناس اللي بيقعدوا على البحر يلعبوا راكت بكورة التنس والمضرب بالخشب. أنا ممكن مثلاً أقعد ألعب ساعة. أنا بشوط واللي قدامي بيصد. وهو بيشوط وأنا بصد بسرعة. كورة خرافية. ده عايز مهارة وتوازن. أنا أول ما بدخل. أنا نسيت كل الملفات التانية. لأني لو مش ناسي الملفات التانية هلعب وحش. أحياناً ألاقي اللي بيلعب قدامي يقول لي: أنت النهاردة في حاجة شاغلاك. بس دي نادرة لما بتحصل. ليه؟ أنا بعرف أقلب الملفات. خلصنا الملف ده. يلا أقلب الصفحة. أقلب الصفحة. مش بس أقلب الصفحة. وهنا هنا كمان حضرتك بتعرفي تعملي الحكاية دي؟ ولا حضرتك بتخشي الملف بتغوصي فيه ما بتعرفيش تطلعي منه؟ هتنهجي. هيحصل احتراق داخلي. إذا استطعت إنك تقلب الملفات بسرعة كبيرة. إذا استطعت إنك تتعامل مع الملفات بأن خلصنا الاجتماع اللي بعده. وبعمل حاجة جميلة جدا. ما بطلعش من الاجتماع إلا لو فيه حاجات ديول للاجتماع. مثلاً عايزين نكلم فلان. أكلمه أنا واحد. عشان أنا عايز أطلع أعمل حاجة تانية. طب لو سمحت ابقى ابعت لي الملف الفلاني. عشان الاجتماع ده محتاج كذا. أبعته وأنا قاعد. أقول له: ثانية واحدة هبعته لك حالاً. ليه؟ عشان أطلع دماغي صافية. طلعت من الاجتماع. دخلت اللي بعده. موضوع مختلف تماماً. أدخل فيه بكليتي. قاعد بتفرج على ماتش كورة. استمتع بماتش الكورة. اللي هي بلغة علم النفس الإيجابي. عيش اللحظة. استمتع باللحظة اللي أنت فيها. تقليب الملفات بيساعدك على السعادة. وبيطلعك شخصية غنية. كوب مليان. يعني زي ما أنا أمسك ده وأقول لكم. أصل أنا ده مصطلح أنا بستخدمه. إن الناس ناس فاضية وناس مليانة. فبسميهم كوب فاضي وكوب مليان. فالحكاية دي إنك بتقلب ملفات كتيرة في اليوم. لازم تخليه كوب مليان.