كيف أتخلص من الفراغ العاطفي و أكتفي بذاتي ؟(بدون موسيقى)

السلام عليكم ورحمه الله وبركاته. مرحبا بكم مجددا في فيديو جديد في بودكاست ذات. في هذا الفيديو حاقول لك كيف تتخلصي تماما من شيء اسمه الجفاف العاطفي وتوضي نفسك بنفسك عن كل شعور انت محتاجته من الناس. وحيكون عندك اكتفاء ذاتي يخليك تعيشي مبسوطه تحت جميع الظروف. وهذا الشيء حيخليك غير معتمده على الناس كمصدر للحب والاهتمام والسعاده. والشيء اللي ح تتعجبي منه بعد ما تتعلمي تكتفي بذاتك هو انه الناس راح تنجذب لك اكثر. وح يبداوا يعطوك الحب والاهتمام والرعايه اللي كنت تتمنيه منهم زمان بس ما كنت تلاقي. وحيب ينبسطوا اكثر بوجودك حولهم ويسالوا عنك اكثر. وتتغير طاقتك وتصيري فجاه انسانه مثيره للاهتمام عندها حياه ودائما يبغوا يسمعوا جديدها واخبارها.

قبل ما نبدا جهزي نفسك مره كويس. جيبي اي مشروب تحبيه. روقي اقعدي ركزي معاي. وجيبي معك ورقه وقلم واكتبي الخطوات اللي حاقول لك هي بالتفصيل. لانه هذه الحلقه حتكون فارقه في حياتك باذن الله.

ما هو الجفاف العاطفي او الفراغ العاطفي؟ هو احساس بفجوه ونقص وعدم اشباع عاطفي. الانسان يكون عنده جوع للحب والاهتمام والحنان. جوع للكلام الحلو للافعال الحلوه للغات الحب الخمسه. بعض الناس يوصل فيهم الوضع انهم يبداوا يحسوا بالوحده وفقدان الشغف. تحسي عندك رغبه انه يجي شخص اخر ويعبي هذا الفراغ العاطفي. تبداي تسمعي اغاني وتتخيل انك في قصه حب مجنونه. وتتخيل فارس احلامك واشياء كثير ممكن يسوي لك هي. مثلا تتخيلي يجيب لك ورد يجيب لك هدايا او يتقدم لك شخص حسب مواصفاتك والى اخره. الشخص اللي عنده فراغ عاطفي ما يقدر يكون مبسوط لوحده. لازم يكون حوله ناس كثير من بدايه يومه الى نهايته حوله ناس. ما يحب يجلس لوحده ابدا. يهرب من الوحده حتى البيت ما يحب يجلس فيه. يقوم من النوم يخرج واخر الليل يرجع البيت. يتكلم تليفون في الطريق يتكلم تليفون. مستحيل يتقبل يكون لوحده صمت.

وهذا الفراغ العاطفي لو كان في انثى يكون مدمر جدا. لانه بيخليها فريسه سهله للذئاب البشريه ويخليها سهله المنال جدا. تلاقي البنت تكون محتاجه جدا للحب والحنان والاهتمام وتقع في حب اول شخص يبدي اي اعجاب تجاهها حتى لو كان مستغل. هي تكون شايفه انه هو شخص ريد فلاج. ولكن رغبتها وحاجتها في الحب وال حنان اكبر من خوفها من العواقب. وطبعا البنت اللي يكون عندها جوع عاطفي مره يبان عليها. اللي عنده فراغ عاطفي تلاقيه يتعلق بسرعه في الناس. وتلاقيها تكون في علاقات بس عشان تاخذ هذا الاهتمام والحب مو فعليا مبني على تناسب والى اخره. تكلمنا عن فك التعلق في فيديوهات اخرى لو حابين تشوفوها ححط اللينك تحت في الدسكربشن.

طيب يا ترى ايش السبب لا عندي هذا الفراغ العاطفي؟ ليه عندي جوع واشعر بفجوه؟ ليه انا مو مكتفيه بنفسي؟ ليه لازم يكون في احد في حياتي او لازم اخذ الحب والحنان من شخص اخر غير نفسي؟ السبب يا عزيزتي هو انك ما تحبي نفسك. لا تنكري ولا تسكي الفيديو لا تكذبيني. انت ما تحبي نفسك. نقطه. اتقبلي هذه الحقيقه المره عشان تعرفي تحلي المشكله. ما يهمني اي شيء تسوي شكلك وتسميه حب الذات. حب الذات لو ما بدا من جو ما يكون حقيقي. حب الذات ما له اي علاقه بالشكل والمظاهر. بكل بساطه رغم ان الموضوع اعقد من كده واعمق بكثير من كده بس هذا هو السبب الرئيسي. وتكلمنا عن كيف احب ذاتي وازيد من ثقتي بنفسي في فيديو اخر برضه ححط اللينك تحت.

طيب اتمنى انك خلاص تقبلتي هذه الحقيقه. انت انسانه ما تحبي نفسك. ما تفهمي نفسك. ما تعرفي احتياجاتك وما تعرفي تلبي احتياجاتك عشان اصلا ما عارفه ايش هي احتياجاتك. عشان كده انت دايما تستني احد ثاني هو يجي ويقدم لك الحب اللي ما عرفت تعطيه لنفسك. تبغي شخص اخر يجي ويشوف احتياجاتك ويلبي لك هي عشان انت مو عارفه تقدمي هذا الشيء لنفسك. انت حارمه نفسك من الحب. وصدقيني احلى حب واروع حب وامتع حب هو لم تبداي تحبي نفسك. واي حب يجيك بدون ما تحبي نفسك هيتعوض اكثر واكثر. ما في حب يشبع البني ادم غير حبه لنفسه. الحب من الاخرين يجي ويكمل هذا الحب لا اكثر. بس مستحيل يغنيك عن حبك لنفسك. صدقيني صدقيني حب الذات حيخليك انسانه مبسوطه لانك حتكوني فاهمه نفسك مضبوط. تعرفي ايش محتاجه تعرفي مشاعرك وتعرفي افكارك وعارفه تسيطري وتتعاملي مع افكارك ومشاعرك. تعرفي الاشياء اللي تزعلك وتبسط وتنرفز وتوترك وتخوف. تعرفي احتياجاتك العاطفيه والجسديه والعقليه وفوقها تعرفي كيف تلبيه. تعرفي حدودك وتعرفي تراعي نفسك ومشاعرك وتعرفي تعتني بنفسك وكانك قاعده تعتني ببنتك الصغيره. كثير ناس لسه ما فهموا ايش يعني حب الذات. وانا تكلمت بالتفصيل عن حب الذات في فيديو حب الذات لو حابه ترجعي له ححط لك هو تحت.

حب الذات هو انك تعاملي نفسك كانك بتعاملي احب الناس ليك. خلينا نفترض مثلا انه انت عندك بنت وتحب بيها حب الدنيا. وهذه البنت هي اكثر شخص تحبيه في الكون. حتى لو ما عندك اطفال حاولي تتخيلي معاي انسانه تحبيها جدا سواء اختك امك الى اخره. هل تحبي نفسك زي ما تحبي هذه الانسانه؟ لو انت عندك طفله وتحبيها مره هل هتعتب؟ هل انت الان قاعده تعتني باكلك زي ما حتتني باكلها ونومها وروتينها؟ هل حتتني للبي احتياجاتك العاطفيه زي ما حتلبس زي ما هتلب احتياجاتها الجسديه؟ هل قاعده تراعي نفسك وتسامح نفسك وتتعاملي بلطف ورحمه مع نفسك زي ما بتعاملي بنتك؟ ولا هل صوتك الداخلي او الناقد الداخلي حقك دائما يقول لك كلام سام ويجلد ك ويتنمر عليك؟ هل انت بتقولي لبنتك دائما كلام؟ اكيد لا. انا متاكده لا. اكيد هتحبيها ومستحيل تسوي فيها زي كده. مستحيل تجرحيه مستحيل تجلدها وتقللي من ثقتها بنفسها. ودائما هتحاولي تحسسيها بالحب والحنان والاحتواء. طيب ليش بتسوي كده في نفسك؟ المفروض انت تكوني تحبي نفسك حتى اقرب اكثر من اقرب الناس ليك.

طيب بما انه دحين عرفنا ايش هو حب الذات ارجوك خليك واضحه وقولي لي خطوات واضحه واطبقها واوصل لحب الذات اللي حيخلي اكون مكتفيه ويخليني اتخلص من الجفاف العاطفي اللي انا فيه. الطريقه كالتالي بتتكون تقريبا من اربع خطوات. اول خطوه هي فهم الذات. ثاني خطوه الاتصال بنفسك. ثالث خطوه استقبال الحب. ورابع خطوه هي انك تعلمي تنبسطي مع نفسك. بس قبل ما نبدا بهذه الاربع خطوات ابغاك تشوفي علاقتك بنفسك وكانها علاقه ام بطفلها. وكانك انت الطفله وانت الام. ابغى كل افكارك عن نفسك وكلامك حوارك الداخلي الناقد الداخلي يكون كلام ام لطفلتها. كيف تعامل الام طفلتها زي كده ابغاك تعاملي نفسك بالضبط. الاشياء اللي تعودتي تسوي حنت خص منها تماما وحنبقى نعامل نفسنا بطريقه غير بطريقه جديده. في اشياء نقاط تقريبا سته نقاط لازم نوقف نعملها الان.

اول شيء حنوف ذم. بطلي تذم ذاتك. وقفي افكارك السلبيه عن نفسك. انتبهي لاي فكره غلط لا تسمحي لها تتمادى وقفيها وفكري بفكره ايجابيه. مثال: انا صوتي رجولي جدا. لا. انا احب صوتي لانه الله خلقه. اعرف انه هو مو بدي السهوله بس خليكي معايا وثقي فيا.

ثاني خطوه حنوف جلد الذات. ما عرفتي توصلي لاهدافك خلص اليوم وانت ما سويتي شيء مفيد. عادي. انا احبك يا ذاتي وانا حسامحك. اكيد احتجتي ترتاحي شويه. ما حضطر باذن الله. ابداي عوضي عن اليوم.

ثالث خطوه حنوف مقارنه بالناس. انا ربي خلقني مميزه وانت ربي خلقك مميزه. ما ح نقارن نفسنا باحد. فلانه اشطر مني الله يهنيها. انا عندي مميزاتي اللي تميزني. انا يكفيني اني انا اولدت.

انا رابع خطوه وقفي تنظري لنفسك بطريقه وحشه. من انسانه كسوله قبيحه غير مهتمه لنفسها الى انسانه نشيطه وتشتغل على نفسها وتطور في نفسها. ولما تغيري نظرتك عن نفسك حتتغير افعالك بناء على النظره الجيده اللي كونتيه عن نفسك.

خامس شيء لا تخلي نفسك اخر شيء. لازم تكوني الاولويه في حياتك. صحتك الجسديه النفسيه العقليه. روتينك اهدافك راحتك هواياتك وقتك جهدك. كل هذا لازم تكوني انت الاولويه فيه وبعدها اي شيء ثاني. اهتمي بشكلك وبجسدها واكسسوارات وخلي الاشياء اللي تحبيها اولوياتك. بعدين تيجي الاشياء اللي تخص الناس زي اني اجيب لفلانه هديه وعلان هديه. لو قصرتي مع نفسك ما احد حيع اوضك. ولازم تعرفي انه الناس ما بتقصر مع نفسه عشان احد. فلازم تعرفي اولوياتك وحدود عطائك. وقتك بطلي تعطيه للناس بدون حدود. فلوسك جهدك الجسدي لا تتعبي نفسك فوق طاقتك عشان احد. قدرتك على التحمل النفسيه والعقليه اهتمي فيها. ابعدي عن الناس السامه وحطي لهم حدود وتعلمي تقولي لا. وخليك واثقه في نفسك وانت تقوليها. ولاحظي كم مره الناس بتقول لك لا. ليش ينبك ضميرك لما تحطي حدود للناس رغم انهم دائما يحطوا لك حدود.

سادس شيء اتخلصي من تانيب الضمير. لو ضميرك دائما يانبك اعرفي انك انسانه ما تحبي نفسك. فلانه طلبت منك طلب وانت رفضتي عشان ما عندك وقت او جهد او حتى بس انت ما تبغي تلبي لها طلبها. ليش يانبك ضميرك؟ هي حتروح وتدور احد ثاني يلبي لها طلبها وانت قاعده تجلدي ذاتك طول الليل وتان بي نفسك عشان شيء يعني فوق طاقتك. الناس دائما حتطلب منك حتطلب منك وقت وجهد وفلوس وطاقه. بس لا تتوقوقعي من نفسك دائما انك تلبي طلبات الناس جميعها دائما وترضي جميع الناس. اعرفي حدودك. لا يكلف الله نفسا الا وسعها. اذا الله في سماه ما بيكلفك فوق طاقتك ليه انت قاعده تسوي سبع رقل في بعض وتكون الشمعه التي تحترق لتضيء غيرها؟ ترى على فكره خبر جدا سيء بس ما في جائزه لاكثر شخص يتعذب في الحياه. ما في. واذا في يوم قلتي للناس انا سويت وفعلت و عشانكم حيقولوا لك والله ما حد اجبرك تسوي شيء فوق طاقتك. عشان كده ارتاحي. اتعلمي تقولي لا. حطي حدود واختاري نفسك وحبي نفسك بدون تانيب ضمير. وقتها عطائك حيكون اصلا مختلف. حيكون عطائك للناس غير تماما.

طيب يلا نبدا في الاربع خطوات حقتنا خطوات حب الذات. هذه كانت الاشياء اللي لازم نتخلص منها. دحين ايش في اشياء اسويها عشان يزيد حبي لذاتي؟

اول خطوه فهم الذات. ابغاك تنشغلي بنفسك. تنشغلي بمراقبه افكارك ومشاعرك وتصرفاتك. راقبي كل فكره تجيك وكل شعور يجيك وافهمي ليش جاتك هذه الفكره ليش جاك هذا الشعور. حاولي توصلي للسبب. مثلا لو جاتك احد الافكار السابقه انا انسانه فاشله الى اخره. راقبي الفكره افهمي ليه جاتك هذه الفكره. ايش الشيء اللي صار خلاك تحسي بالفشل في هذا الموقف؟ هل هو عشانك رسبت في امتحانك خسرتي وظيفتك خسرتي علاقتك خسرتي فلوسك؟ ايش الشيء اللي خلاك تحسي بالفشل؟ افهمي افهميه. لما تفهمي السبب ابداي عاملي نفسك بحنان وحب الام. وقفي افكارك السلبيه في محلها. لا. انا مو فاشله. انا انسانه جيده احب ربي وربي يحبني. ولو فشلت مره هذا ما يعني اني انسانه فاشله طول عمري. وهكذا اقعدي راقبي افكارك دائما وافهميها وعاملي نفسك بحب وحنان دائما. في عباره احبها جدا جدا جدا. الاشياء الاشياء اللي تنرفزك وتاثر فيك هي الاشياء اللي تسيطر عليك. وعشان تتخلص منها لازم تعالج اسبابها. استغلي اي فكره سلبيه تجيك واي شعور سلبي يجيك وراقبيه وافهميها وشوفي اسبابها وعالجيها من الجذور. لانه افكارك ومشاعرك دائما بتحمل رسائل ليكي عشان تحسني نفسك اكثر واكثر. ودائما بدلي افكارك السلبيه بافكار ايجابيه. اي فكره ما تخدمك غيريها بفكره تخدمك. وصدقيني مع التدريب والتكرار مخك حيتعود وحت دربيه يفكر بس في الاشياء الايجابيه وحت عندك سيطره كبيره على افكارك. تكلمنا في فيديو فك التعلق عن تكنيك يخليك توقفي تفكير. روحي شوفيه ححط لك اللينك تحت.

اذا اول خطوه اني انا افهم نفسي. ثاني خطوه اتصلي بنفسك. يا ترى ايش سبب الهاله الجمي والجذابه اللي نشوفها حول البنات اللي يحبوا نفسهم؟ سببها انهم متصلين بانفسهم. انت متكونه من روح وعقل وجسد. عقلك في افكار وروحك فيها مشاعر ولها احتياجات وجسدك برضو له احتياجات. لما تعرفي تتعاملي مع افكارك ومشاعرك وجسدك حتعرفي تكوني انسانه متصله مع نفسك وتحبي نفسك اكثر. لو انت انت اهملتي عقلك وروحك وجسمك كيف هتحبي نفسك؟ لازم تتعرفي على نفسك. احنا يا جماعه ما احنا مستوعبين انه ترى احنا لازم نتعرف على نفسنا. احنا نحسب انه لما نتولد خلاص احنا نعرف نفسنا. ولكن اكثر علاقه الناس غافله عنها هي علاقتها بانفس. ما احنا عارفين نفسنا فلازم تتعرفي على نفسك وتكوني علاقه مع نفسك. لازم عقلك وروح وجسمك يثقوا انك تقدري تعتني فيهم. انت روحك متعبه جدا ومجهده لانك مو واثقه انك قادره تكتفي بنفسك وتعتني بنفسك. كوني علاقه جديده وجيده مع جسمك وروحك وعقلك واقنع ايهم انك تعرفي تعتني فيهم وتعرفي تلبي احتياجاتهم كامله. وبعد ما تسوي كده هم حيث قوا فيك وما حيحتاج احد ثاني وحيح السسوق تفاء ذاتي. ودحين حاقول لك كيف.

طيب اذا افكارنا قلنا كيف تتعاملي معاها. مشاعرك لازم تتعلمي تتعاملي مع مشاعرك. كيف حسيتي بغضب بحزن بغيره ببغض بقهر بظلم؟ كل هذه المشاعر جدا صعبه ومؤلمه وتاثر علينا نفسيا وجسديا وتاثر على مزاجنا ويومنا انتاجيتها. والبنت اللي تعرف تتحكم وتتعامل وتسيطر على مشاعرها هي البنت اللي تقدر تسيطر على اي مخلوق وهي البنت اللي تفوز في هذه الحياه. لا تخلي مشاعرك نقطه ضعفك. اتعلمي تتعاملي معاها. اعتبري مشاعرك زي الحصان اللي يبغى لله ترويض. في البدايه حتحسي بمقاومه حتحسي منك عارفه تتعاملي مع مشاعر. بعدين حتبدا تهدي اكثر وتتعلمي وتتعرفي كيف تتعاملي معاها وتهديها على كيف كيفك. طيب كيف اتحكم بمشاعري؟ في بنات اول ما تحس بغضب تنفعل او تتجاهل الشعور او تروح تخرجه بطريقه خاطئه زي التدخين والاكل. لكن الطريقه الصحيحه للتعامل مع مشاعرك اللي مو قادره تتحمليها هي انك تروحي غرفه هاديه تبعدي عن مصدر الشعور. لو كان الشعور سببه شخص او موقف تبعدي عنه تهدي نفسك بالطريقه اللي حاقول لك اياه. اول شيء اكتبي الشعور اللي انت حاسته واوصف بالتفصيل هو كان حزن ولا غضب ولا قهر ولا ايش وايش الشيء اللي اثر فيك ايش كان السبب. بعدين اكتبي ايش السبب اللي خلى هذا الشيء ثر فيك لهذه الدرجه. مثال: انا عصبت من اخويا عشان قال لي سويي قهوه مثلا مثال جدا تافه ولكن مثال. وانفعلت جدا رحت غرفتي كتبت اني عصبت عشانه كده قال لي وحسيت اني عندي خفقان والدم يعني راح لراسي. والسبب انه هذا الشيء عصبني هو اني كنت لسه دوبي قاعده بعد يوم طويل تعبت فيه وحسيته قمه الانانيه وهو يطلب مني هذا الطلب وهو شايفني تعبانه. بعدين اسالي نفسك هل هذا الشيء يستدعي رده الفعل هذه؟ ايوه او لا. وبعدها حاولي تهدي نفسك عن طريق انك تفعلي الحواس الخمسه. وهذا التكنيك انا مره احبه. استخدمي الحواس الخمسه في انك توقفي افكارك وتهدي نفسك. الشم: بخي عطرك المفضل او بخري. البصر: حاولي تتفرجي على شيء حلو يعجبك يهديك. التذوق: ماء بارد او كلي حاجه حلوه. اللمس: حاولي تطبطبي على نفسك او يعني كده تحضني نفسك صدقيني يفرق. والسماع: اسمعي للقران او اي شيخ تحبيه او حتى صوت و صفير البلبلي. اهم شيء اسمعي حاجه تحبيها. وصدقيني وانت اكيد عارفه وجربتها وشفتي بعد ما تعطي نفسك وقت تفهمي السبب اللي خلاك تشعري كده. هذا لوحده كافي انه يخليك تهدي تماما. لانه كثير مننا تتجاهل شعورها اصلا. تلاقيها قاعده اليوم كله منكده وهي مو عارفه ليه. تيجي تساليها ايش بك؟ خلاص لا احد يكلمني انا مره معصبه. طيب ايش السبب؟ ما تعرف. لمما كل مره تتعاملي مع شعورك بهذه الطريقه بالطريقه اللي انا قلتها انك انت تروحي غرفه هايه وكذا صدقيني حيجيكي احساس انك مسيطره على مشاعرك وانك معتمده على لنفسك وانك عندك ثقه كبيره بنفسك انك ما راح تتصرفي بطريقه تدل على انك انسانه ما عندها سيطره على مشاعرها.

طيب تعاملنا مع افكارنا وتعاملنا مع مشاعرنا. جسمنا كيف نتعامل معاه؟ افهمي احتياجات جسمك وخططي يومك وروتين بناء على احتياجاتك. تحتاجي تاكلي كويس تشربي كويس تدفي تلبسي كويس تنامي كويس تتريض تعتني بشعرك وبشرتك واظا فيركايل. لازم يوميا تراعي احتياجات جسمك. لا تجوعي نفسك لفترات طويله. لا تحرمي نفسك من الشربه الكفايه. اهتمي يوميا باحتياجات جسدك من كل النواحي. واحلى شيء دائما انصح البنات يسووه هو الركس. يعني دائما لازم تدخلي في روتينك. سواء كنت انسانه تسمعي اغاني او لا. الرقص حتى على انغام الطبيعه. اهم شيء تحركي جسمك وتتمايل بطريقه تكتشفي فيها جسمك. هذا الشيء يوثق علاقتك بجسمك ويخلي عندك انوثه عاليه جدا وحيف معك كثير. ماني عارفه اشرحلك بالضبط بس يوميا ارقصي وشوفي الفرق. احنا البنات تنحبس مشاعرنا في اجسادنا يعني البشر بشكل عام وتتشكل احيانا على هيئه الام في العضلات والام في وه فضروري انك تتخلصي من هذه المشاعر السلبيه عن طريق انك يوميا ترقصي وتتحركي وتتمايل وتحركي شعرك ولو لنص ساعه يوميا وهتلاحظي فرق كبير في نفسيتك بعدها. الضغط النفسي والتوتر كله حيقل. وانا متاكده انك جربتيها.

طيب اتعاملت مع افكاري ومع مشاعري ومع جسمي. انتهينا؟ لا طبعا. الروح مو بس الجسد له احتياجات. حتى الروح لها احتياجات. والبنات او الناس اللي ابتعدوا عن الله ورجعوا له مره ثانيه حيفهم وي الاتصال بالله يغذي الروح. الصلاه والصيام وقراءه القران والذكر واعمال الخير كلها عباره عن غذاء للروح. خلي عندك يوميا غذاء لروحك. لازم حتى ايام الدوره لمن النفسيه اصلا تكون طبيع يعني طبيعه تكون تكون سيئه اسمعي للقران او اذكري. هذا الشيء بيشبع حاجاتك الروحيه. وانا انصحك بصلاه الشفع والوتر. هذه الصلاه تكون نهايه اليوم. وانا اعتبرها لقاء بيني وبين الله. فضفضي له احكي له ادعيه اطلبي منه استغفري. خليها لحظه اتصال بينك وبين خالقك. ما حتصدقي تاثيرها على حياتك. طريقتها هي ركعتين بعدين ركعه. الركعتين الاولى تقري في اول ركعه سوره الاعلى والركعه الثانيه الكافرون. وبعدين الركعه الثالثه اللي هي الوتر تكون سوره الاخلاص. تركعي وبعدين تقومي تدعي بعدين تسجدي.

اذا اول خطوه كانت فهم الذات. وثاني خطوه كانت اللي هي اتصال بالذات. ثالث خطوه يا بنات هي استقبال الحب. كثير مننا عندهم عاطفي بس لما يجي احد في عائلتهم يقول لهم كلمه حلوه يجيهم تبلد. هم نفسهم جافين جدا مع الناس. ليش مو تبغي الناس تحبك وتعطيك حب وحنان؟ لن تنالوا البر حتى تنفقوا مما تحبون. عشان تنالي الحب والحنان من الكون لازم تنفقي حب وحنان. الشيء اللي تبغيه دائما اعطيه. انا لاحظت هذا الشيء في حياتي. لما لقيت نفسي اهتم بالناس اللي حولي لقيتهم يهتموا في مره كثير في المقابل. افتحي ابوابك استقبلي الحب من عائلتك وصحباتك وانت اغدق ايهم بحبك وحنانك. لا تحسي بالحب مشروط لشريك الحياه. الحب موجود في كل شخص وكل شيء وتقدري تحبي وتاخذي حب من كل شيء. حتى النباتات والحيوانات. وكذب من قال فاقد الشيء لا يعطيه. احيانا فاقد الشيء احسن الناس اللي تعطيه.

رابع شيء واهم شيء انك تستم تعي بنفسك. لو كنت انسانه دائما حولها ناس ابداي ادربي على انك تخصصي وقت لنفسك ولوحدك فقط بدون اي مخلوق حتى بدون اي شخص على الجوال. قفلي جوالك وادخلي غرفتك انفردي بنفسك. سوي فعاليات لوحدك حاولي تنبسطي فيها. في البدايه الموضوع حيكون جدا صعب. بعدين هتتعودي ويصير وقتك لوحدك جدا جميل. مثلا اتفرجي على مسلسل او فيلم لوحدك. سوي موفي نايت جهزي فشار وجهزي ايبادك ولا لاب توبك ولا ايا كان واتفرجي على شيء لوحدك. اتعلمي طبخات جديده. اقراي كتب تحبيها. اتعلمي مهاره جديده. حتى مو شرط تكون شي زي كده يعني قومي رتبي غرفتك وانت تسمعي بودكاست. قومي غيري فرشه سريرك نظفي بيتك اهتم بزرعات شوفي حيواناتك الاليفه ايش محتاجه يعني اهتمي فيها. خرجي الملابس اللي ما استخدمتيها من فتره تصدقي فيها. صدقيني لو ركزتي حتلاقي الف شغله وشغله تسويها لوحدك تشغلك وتكون فرصه انك تتعرفي على نفسك فيها وتنبسطي فيها لوحدك. في برضو اشياء برا البيت تسويها. اخرجي لوحدك تتسوقي لوحدك. اتعلمي تسكتي مو شرط طول الوقت في اغاني مو شرط طول الوقت في ناس. اتعلمي الصمت. روحي اقعدي عند البحر لوحدك كده خصصي وقت يوميا يوميا لوحدك وعودي نفسك على الوحده. اللي عنده جفاف عاطفي جزء من جفافه هو انه يظن انه لو كان لوحده احتياجاته ما حيكون في احد يلبيها. غلط. حع نفسي اكون لوحدي واثبت لنفسي اني اقدر اكون لوحدي وانبسط واموت من الانبساط.

اخر حاجه عندي كم نصيحه ليك. اولا الدنيا ما تعطي محتاج. هذا قانون. طول ما عندك ش بالحاجه الى اي شيء ما حيجيكي. وانا متاكده انك لاحظت برضه في حياتك. لما تكوني محتاجه الشيء ما يجيك واول ما تستغني عنه في اللحظه اللي تستغني عنه فيها حيجيكي رغما عن انفه. وهذا الشيء انا لمسته في الجفاف العاطفي. الانسان اللي يكون عنده جفاف عاطفي طاقته طاقه شح وفقر. كل اللي يقعد معاه يحس فيها ويستشعر. وهذه الطاقه تكون منفره جدا جدا جدا للي حولك. اما على النقيض اللي مكتفي بذاته طاقته تصير طاقه وفره وتجذب كل من حوله.

ثاني نصيحه. الجفاف العاطفي لازم تعالجيه قبل ما تدخلي اي علاقه مع شريك حياه. مثلا زواج خطوبه. ليش؟ لانه الانسان لازم يتعلم يكون مبسوط لوحده اول قبل ما ينبسط مع الناس. فهمتيني؟ لا لازم تكوني عندك هذه المهاره انك تكوني مكتفيه وتكوني مبسوطه لوحدك قبل ما انك تدوري انبساط مع الناس. لو ما كنت مبسوطه وعندك جفاف عاطفي حتدخل العلاقات بهذا الجوع وبهذه التوقعات الخياليه. هتتوقعي انه العلاقه هذه وهذا الشخص هو اللي حيخليك سعيده وهو اللي حيحس بحب الذات وهو اللي يعوضك عن حنانك. لا تدخلي اي علاقه الا لما تكون مكتفيه وسعيده جدا بنفسك. لانه هذه التوقعات الخياليه مصيرها تضغط على شريك الحياه وتحملوا مسؤوليات فوق طاقته. هو اصلا غير ملزم فيها. ما احد من دوره انه هو يسعد بني ادم ثاني. احنا يا نكون سعداء من انفسنا يا ونشارك هذه السعاده مع الناس يا خلاص ما ما نطالب احد انه هو يسعدنا. فهذه التوقعات الخياليه مصيره انها تهدم هذ العلاقه. والعلاقه في الحقيقه هي هدفها اصلا مشاركه السعاده اللي خلقتيه بنفسك. يعني انت تخلقي سعادتك بنفسك. هو يخلق سعادته بنفسه. وانتم الاثنين تتشارك السعاده.

وصلنا لنهايه فيديو اليوم. شكرا لكم على حسن استماعكم. اكتبو لي في التعليقات ارائكم وتجاربكم. ونشوفكم باذن الله على خير في فيديو اخر. ودمتم سالمين.