خمس اشياء يتخلص منها الاقوياء نفسيا لفرض احترامهم علي العالم من حولهم و حماية سلامهم النفسي

السلام عليكم ورحمه الله وبركاته. ازيكم؟ يا رب تكونوا كويسين وفي أفضل حال.

النهاردة عايز أتكلم معاك عن خمس سلوكيات، أنماط من التفاعل. ارجوك، من الآخر كده، ارميهم. اخلص منهم فورًا لو عايز تحافظ على سلامك النفسي، عايز تفرض احترامك على الناس اللي حواليك، عايز تكون مقدر في عيونهم، عايز ما تحسش إنك أنت مستغل ومستنزف، تبقى ماشية ما تعطلش كتير في المشاكل النفسية والتعقيدات بتاعة التفاعلات مع البشر اللي حواليك.

فعشان ما نغش ونمط كتير، اكتب كده ورايا الخمس تصرفات دول عشان تخلص منهم بدري بدري، وتتعلم إنك أنت تتعامل في الحياة من غيرهم، عشان تحس إنك أنت بتتحسن، وإنك أنت أفضل نفسيًا وعاطفيًا.

أول سلوك، يا عزيزي المحترم، اللي لازم تفكر فيه وتحاول تتجنبه طول الوقت، إنك تتزحلق في ضِيق الجدال العقيم. في ناس للأسف الشديد عندهم نوع من التمركز حول أنفسهم، ما بيعرفوش يشوفوا غير نفسهم، ويسمعوا غير رأيها. ما يعرفوش حاجة اسمها الرأي الآخر، ما يعرفوش حاجة اسمها الاختلاف. عايز يفضل ماسك المايك وقاعد طول الوقت يتكلم، يتكلم، ويرغي، ويتكلم، ويقول، ويستعرض. إنما تقول له رأي مخالف، لا تقنعه، بنظر لثانية، لا يا إما هيدق، يا هيلق بوشه، يا هيهاجمك. المهم إن هو بس اللي يتكلم، وهو المتسلط لرأيه، محدود الفكر، عديم الإدراك. تسيب نفسك ليه؟ غلط. تخليه يستهلكك؟ بالعكس. ما تحمّش نفسك في الجدال ده. محاولة إقناعه هي نوع من العبث. أما إنك أنت تأثر، ما تدخلش في نقاش أصلًا. سيبه مع نفسه. خد خطواتك بعيد عنه. ما تحاولش تقول إنك تستشيره في موضوع، هو أصلًا الجدال معاه هيوديك في ستين داهية. فعلى كل، حاول على قد ما تقدر تـ exclude بقى، تستثنيه، تخرجه من الصورة، وتهمّش و وتخليه في الكراكيب، أو ابتساماتك اللطيفة وتسطيح العلاقة. إنما تدخل في قاعدة وتتكلم في السياسة، في الرياضة، في الموضة، في المستقبل، في الأفكار، في القناعات، في تغيير الكارير، أنت هتودي نفسك في جلطة في بقك هيتعوج في حوارات كتير أنت في غنى عنها. الراغي الكتير مع الناس دي نقصان عقل.

الحاجة الثانية، على قد ما تقدر كده، قرر إنك أنت تمسك الناس اللي بيقللوا منك طول الوقت، واللي عندهم عقد ومشاكل، ودائمًا بيحاولوا إن هم يقللوا من قيمتك، أو شايفين نفسهم عليك، أو أياً كان، وارميهم في البحر. هقطع علاقة معاهم. يا ريت مش قادر، يبقى إيه؟ تسطيح، تقليل. ما تاخدش كلامهم بشكل شخصي. ما تحاولش تقنعهم وتحاول طول الوقت. لا، هم عندهم مشاكل. خلي راسك، خلي معاك حدود. خلي معاك دايماً إنك أنت ما تديهمش الفرصة إن هم يتفرعنوا عليك، أو يعيشوا اللقطة عليك، أو يحسسوك إنك أنت قليل. أنت حلو وجميل وكويس وغني في عين نفسك. ما تحاولش تبان في عينيهم أي حاجة. الناس دي عندها مشاكل، الناس دي عندها عقد. عايزين يظهروا ويعملوا عليك لقطة. عايزين يستخدموك كـ مراية عاكسة عشان يشوفوا الجمال المزيف اللي هم بيحاولوا طول الوقت يوروه للعالم. ما تبقاش أنت الأداة اللي تخليهم يحسوا بالتوازن. ما تتكلمش معاهم. اثر. اثر. تفاعلاتك كلها تبقى سطحية. تبقى أنت مالك؟ أنت عندك مشكلة في حاجة؟ خليك دايماً كده إيه؟ شوية زي ما قلت لك قبل كده، فاكر فيديوهات بتاعك؟ كون وقحًا شوية. وقاحة كده على الخفيف مع الناس دي عشان يتلموا ويعرفوا إنك مش لقمة سائغة، ومش شخص سهل يتأثر فيه بسهولة.

الحاجة الثالثة، أرجوك تخلص من الدم على اللي فات. اللي فات مات. اللي فات خلص. اللي فات عدى. اللي فات أصبح من الماضي. ما عادش لنا سيطرة عليه. إحنا في اللي جاي. ما تضيعش النهارده وبكرة في البكا على اللي فات. إذا اللي فات ده فيه منه درس مفيد، فيه منه موعظة، فيه منه خبرة، فيه حاجة هنبني عليها. لكن ما نقعدش طول الوقت: "يا ريتني، ولو كان، خيراً ولو كان". لا. لو كان خيراً لبقى. لو كان خيراً لدام. لو كان خيراً لآتى. لكنه لم يكن. بـ ضوء. خلص. عدى يا سيدي. انتهت الدنيا. ما بتقفش. ما توقفش حياتك. ما تستغرقش في الماضي كتير في مشاعر الحزن والانتقام والاستياء. وبسببهم والظروف والجوابات كلها دروس، وكلها خبرات، وكلها عبر. المهم ما تضيعش اللي أنت فيه دلوقتي. ما تضيعش بكرة بأنك تفضل باصص لورا، فتتكعبل. بص لقدام، عشان لسه في إيدك اللي قدام، تقدر تحدده، تقدر تحسنه، وتقدر تغيره. لكن هتفضل قاعد في اللي فات، هتضيع وتضيع نفسك وتضيع اللي حواليك.

الحاجة الرابعة، إنك خايف تجرب. خايف تحاول. دايماً مستر بيرفكت. استنى اللحظة المثالية. ما عندكش ثقة في نفسك. كلها أسباب لـ فكرة. أنت ليه مش عايز تحاول؟ ليه مش عايز تخرج من منطقة الأمان؟ متأثر برأي الناس اللي حواليك؟ عيب في الدايرة؟ غير الدايرة؟ عندك مشكلة في الثقة في النفس؟ اشتغل عليها. عندك مشكلة في التسويف والتردد؟ حاول وجرب. وقع وقوم وتعلم. ما هو الناس بتتعلم من التجربة والخطا. والناس بتتعلم من الفكرة. إني أحاول؟ ما أنا مش هقدر. حجم الكارثة أو حجم المشكلة أو حجم النتيجة وحجم الإنجاز غير لما أجرب. غير لما أحاول. أخدت بالاسباب؟ استعنت؟ اتغيرت؟ عملت الواجب؟ عملت الماهرات؟ سيب الأجر والتيسير على الله. بس اعمل اللي عليك. اعمل اللي عليك. عشان قلة التجريب بتضيع عليك فرص ومناسبات وأشخاص وأماكن وحاجات كتير. وأنت فاهم يا عيني إنك قاعد في المنطقة الجميلة الحلوة ومستني. وهي لو أنت بصيت من فوق هتلاقيها ضيقة قد كده. وضيعت عليك براح ووسع وفرص قد كده ومهارات جديدة. يا عم ده أنت قاعد في أوضة وصالة. ده أنت قاعد في أوضة من غير حمام. ده أنت قاعد في نفسياً حاجة تخنق. ففوق وغير وجرب وحاول. ما التجربة اللي بتعلمنا نطور. التجربة اللي بتخلينا نتحسن. أنا بتحسن بالتجربة. إلا ما فيش تجربة ما فيش تطوير.

آخر حاجة لازم إنك تخلص منها برضه، فكرة إنك تكتم جواك. ما بتعبرش عن مشاعرك. ما بتكلمش عن احتياجاتك. بستنى تفهمه؟ وه طايرة؟ بتتكسف؟ لا يزعله؟ ما هو أنت طول ما أنت ساكت، هتعوّض إنهم يتجاهلوها. وطول ما أنت ساكت، هتعلم إنهم يطنشونا. ت هيفهموا حاجة غير اللي أنت عايز توصلها لهم، أو فاهمين ومطنشين. فلازم تتعلم تقول: "أنا محتاج. أنا مش مناسبني. أنا عايز. أنا حاسس". مش عايز؟ عايز حاسس؟ نفسي سمعنا شوية. أنا شوية مش أنانية. هي ضبط المسافات مع البشر عشان الناس تعرف إن لك حقوق، لك احتياجات. فكرة بقى إني قلت وطنشتوه؟ ما ده موضوع تاني. إنّي خالص وفيديو تاني خالص وكلام تاني خالص وتمرين تاني خالص له علاقة بـ فكرة أنت بتقولها إزاي؟ بتشحت؟ ما عندكش استحقاق زيادة؟ ما عرفتش تحميها؟ ما عرفتش تحط حدود ليها؟ ما عرفتش تحط عواقب؟ فده مول تاني. بس الفكرة الأساسية، البيز، القاعدة هي إن أنا قلت. إن أنا عبرت. إن أنا وضحت. إن أنا اتكلمت عن اللي أنا حاسس بيه. اللي قلبي ده بيقول لي. أنا حاسس بقلة التقدير. أنا حاسس بعدم الاحترام. أنا حاسس بعدم ارتياح. أنا محتاج شوية راحة. محتاج أقدر. محتاج ده ما يحصلش. أنا مش هقدر أعمل ده. إيه اللي هيحصل؟ إيه اللي هيحصل يعني؟ ما تركبش الناس عليك وتعوّدهم النطاعة وتعلمهم الاستغلال بسبب السكوت. أحياناً كتير السكوت ما بيخليش المركب تمشي، ده بيغرقها في عرض البحر. إنك شفت الخطأ وما قلتش. طب أنا دقتي راكب مركب والمركب فيها حفرة قد كده وخرمة قد كده وبتغرق. أفضل ساكت عشان أنا مش الربان؟ عشان مش أنا القائد؟ عشان أنا هو اللي مسؤول عن حياتنا؟ ما أنت هتموت. فبالتالي تعلم دايماً عبر عن احتياجاتك. ما تضرش حد. ما بتأذي حد. تعلم دايماً تتكلم عن عن مشاعرك. تتكلم عن اللي بيضايقك. تتكلم عن اللي أنت مش هتعمله واللي هتقدر تعمله. طالما باحترام وبدم وبتدور حد. بغض النظر عن مشاعر الآخرين ورد فعلهم. دي مشكلتهم. مش مشكلتك. أنت مسؤول عن توصيل المعلومة بشكل واضح. مش مسؤول عن إنهم يحسوا بشكل لطيف. مش لازم تبقى طول الوقت لطيف وحبوب ودبدوب. المهم إنك تكون واضح وحازم ومحترم.

عجبك الكلام؟ تمام. ما لدم اقتنعت؟ ما اقتنعت؟ قول لي. ناقش معايا في التعليقات وخلينا نتفاعل ونوصل لأفكار أفضل. ما تنساش تعمل لايك للفيديو ده وتعمله شير وتحفظه عندك. هينفعك في وقت عوزة. ولأول مرة شفت محتوانا وعجبك وحبيت الحماس والشغف اللي بنتكلم بيه والمعلومة اللي بتتقدم، اعمل متابعة. فعّل كل إشعارات عشان دايماً يصلك بإذن الله كل ما هو مفيد وجديد. تحياتي.