هجوم بري كاسح.انقلاب أمريكا.ضربة مصر والأردن لإسرائيل.السودان يعلن حرب على إثيوبيا.العراق يدخل الحرب

يكاسح مش كده وبس، دي نقطة مهمة جداً تغير توازنات المنطقة. انقلاب على دونالد ترامب؟ انقلاب في أمريكا؟ ماذا يحدث أو حدث خلال الساعات القليلة الماضية؟ قلب الدنيا في المجتمع الأمريكي. هناك تفاصيل تخص النقطة دي. فرقة الاغتيالات على حدود مصر؟ مش قصدي اللي تم إعلانه النهارده واللي اتكلمنا فيه في لايف العصر، لاطلاقاً. ده فرقة اغتيالات حقيقية ترسل بها دولة [تنحنُح] ما معادية لمصر. ليه؟ هتختال مين؟ حد جوه مصر ولا رئيس بره مصر؟ لا، دي نقط مهمة هنتكلم فيها في لايف النهارده.

ضربة مزدوجة تحت الحزام من مصر والأردن بالتحديد. لمين؟ لإسرائيل. يبدو أن هناك لعبة بتجري في الكواليس هنحكي فيها تفصيلة مهمة جداً هتعجب حضراتكم. رسمياً السودان يعلن الحرب على إثيوبيا. أهلاً بمنطقة القرن الأفريقي في فوضى من العيار الثقيل. تمام، دي نقطة بس مش بس السودان اللي بتعمل الحرب. النهارده دلوقتي وأنا بكلمك حالياً العراق هو الآخر يعلن الحرب. إيه التفاصيل؟ هقول لحضرتك. ويبدو أن الخليج أمام مفترق طرق هو الآخر. السيناريو الأسوأ قد برز على لائحة الخليج. والخليج بيدخل أو بيعلن حرب بس من نوع ثاني، أو بيدخل الحرب الأمريكية الإيرانية من باب آخر. أعتقد لايف النهارده هيكون واحد من اللايفات السخنة المتعودين عليها. أهلاً بكم في لايف جديد من لايفات 50 اقتصاد اللي بنعملها بشكل يومي للوقوف على آخر الأخبار، التفاصيل، القصص، كواليس ما يدور في الاقتصاد والشان السياسي والشان الدبلوماسي وحتى العسكري. الجميع مرتبط بحاجة واحدة فقط هي المصلحة. المصلحة اللي بتحرك اللي حضرتك شايفه. 50 اتشاك. ويلا بينا بسرعة لأن ده واحد من لايفات العيار التقيل.

خليني أبدأ معاك من نقطة مهمة جداً وهي قصة الهجوم البري الكاسح. تناقلت وسائل الإعلام خلال الساعات القليلة الماضية تحركات من العيار الثقيل قلبت الدنيا فيما يخص الداخل الإيراني، حتى كمان [ضحك] الداخل الأمريكي. على الجبهة الأخرى، إيه اللي حصل؟ هل بالفعل أرسلت إسرائيل فرقة من فرقها القوات الخاصة بتاعتها إلى الداخل الإيراني؟ نقطة ومن أول السطر. طب هل الفرقة دي كانت فرقة لوحدها ولا كان معاها فرقة من الجيش الأمريكي؟ معلومة ما اتنشرتش لسه، أو بمعنى دقيق ما تداولتش، لكنها تمت نشرها من دقائق بسيطة. لنقطة. طب هل هناك فرقة من القوات الخاصة البريطانية بتشارك لأول مرة في الداخل الإيراني؟ نقطة برضه من أول السطر. عايز أقول لك إن وفق تكهنات أولية فإن وسائل الإعلام الغربية بدأت تتنقل هذه المعلومة وتقول لك بالفعل إن هناك فرق من القوات الخاصة للدول الثلاثة الناحية أو الدول المعلنة أمريكا وإسرائيل. وقيل إنها تم [تنحنُح] سندها أو السند أو الدعم ليها من والاسناد بشكل مباشر من فرقة واحدة من الفرق اللي تتبع القوات الخاصة البريطانية. ليه؟ قال لك كانوا بيدوروا على صيد ثمين كندي ثمين في داخل الإيراني. هل هو اليورانيوم؟ البعض رجح القصة دي كلها. والبعض الآخر بيقول إن خلال الساعات القليلة القادمة قد تعلن بشكل واضح جداً الولايات المتحدة الأمريكية عن مفاجأة أو الصيد من العيار الثقيل. تفاصيل النقطة دي لسه ما فيش أي حديث عنها بشكل واضح. لكن يبدو أن أمريكا كانت بتنيم الجانب الإيراني لأجل أمر ما. ده بيجي في نفس التوقيت اللي الولايات المتحدة الأمريكية فيه أعطت الضوء الأخضر من ناحية ثانية لإسرائيل بدك محطات سواء كان فيما يخص محطات الرادارات أو المتبقية من الرادارات أو حتى الناحية الثانية البنية التحتية فيما يخص الكهرباء وشبكات الإنترنت في الداخل الإيراني. وبالتالي أنت بتتكلم إن بلد ممكن تقع كلها في شلل بسبب قطع التيار الكهربائي. وبالتالي يتسرب العملاء للداخل. بس سيبنا من النقطة دي وخلينا نتكلم في النقطة الأهم وهي الهجوم البري الكاسح اللي بيجري التجهيز لها. إحنا قدام سيناريو مهم جداً. البعض بيقول لك عمر الولايات المتحدة الأمريكية ما هتعمله على الأقل بشكل منفرد. إزاي؟ واضح جداً هي بتخاف من سيناريو فيتنام. لكن هي لو مش لوحدها لا مش هتخاف. لأن النهارده خليني بقى صريح معاك من أشعل هذه الحرب هو الولايات المتحدة الأمريكية. أشعلتها لأجل أهداف معينة ولأجل إخضاع الجميع. إخضاع الخليج وهز ثقته بنفسه واستنزاف ثرواته. وفي نفس الوقت الجميع يرى مصلحته في هذه الحرب. إسرائيل ترى أنها بتهرب من مشاكل وأزمات وفشل الداخل، بالإضافة إلى فشلها في ملف غزة، بالإضافة إلى فشلها في أكثر من ملف في المنطقة. ده رقم اثنين. رقم ثلاثة، أنت بتتكلم بقى عن الخليج نفسه بدأ يطوع هذه الحرب لنفسه. ولو أنت شفت لايف النهارده اللي مليان انفراضات ونزل الساعة خمسة بتوقيت القاهرة عصراً، هسيب لك اللينك بتاعه في لينك هذا أو في وصف هذا الفيديو في أول كومنت عشان تشوفه بعد ما نخلص، هتعرف إن قلت لك نقطة مهمة جداً إن على الجانب الآخر كل دولة خليجية أصبح ليها هدف من وراء هذه الحرب. أو بالتحديد دولتين أهم منهم أو هم الأهم. وإحنا بنتكلم عن السعودية وبنتكلم عن الإمارات. السعودية ترى أنه لابد أن يتم تكسير عظام إيران حتى لا تتجرأ مرة أخرى على ضرب الخليج ولأنها بالفعل أصبحت خطر على الجميع وبتحمل بين طياتها أزمات أو تقدر تقول العداء للجميع. وبالتالي أنت عندك خلاف ما بين إيران من ناحية وما بين السعودية من ناحية. كمان إيران من ضمن أهدافها أن يرفع علمها خفاقاً على مكة المكرمة وعلى الرياض بالتحديد. وبعد كده بقى نتكلم بقى في باقي الدول سواء كانت مصر أو المغرب وفق وصية الخميني ودي وفق لسانه أو على لسان طيب. وبالتالي السعودية شايفه في عداء حتى وإن كان في كلام بعكس ده. الناحية الثانية الجانب الإماراتي. الإمارات لديها الثلاث جزر. الثلاث جزر دول قلنا إنهم طنب الكبرى، طنب الصغرى، أبو موسى. المفروض إنهم تحت مين؟ تحت إيد الجماعة الإيرانيين. الناحية الثانية، فورة اجتياح إيران برياً ده معناها أن الجيش الأمريكي هيسيطر على جزيرة خارك اللي هي تعتبر منجم الذهب بالنسبة لإيران. وهيحصل إنزال للقوات اللي حاصلة على الحدود الغربية. جميل. الحدود الغربية لإيران أو الساحل الغربي بالنسبة لنا. الساحل الشرقي. وتتقدم قوة قوات. بس ثانية واحدة. هو مين قال لك إن القوات الأمريكية هي اللي هتتقدم ناحية الداخل الإيراني؟ في التوقيت اللي زي ده لو وصلنا للمرحلة دي بالتحديد هيبقى الفوضى هتضرب كامل البلاد في إيران. طب مين هيتم استدعائه؟ هقول لحضرتك. فرق من سوريا. نقطة ومن أول السطر. وهذا ما يحدث وأنا بكلم حضرتك دلوقتي. الجيش السوري بالفعل إحنا كان عندنا الخبر ده طالعين نتكلم فيه، لكن فوجئنا بمفاجأة من العيار الثقيل. إيه هي؟ أن الجيش السوري اللي بيتم حشده على حدود العراق. وأن في حديث مسبق ما بين القوات الأمريكية أو القيادة الأمريكية والقيادة العراقية في الناحية الثانية بأن العراق بأي حال من الأحوال توفر ممر. هذا الممر يكون لعبور الجيش السوري إلى الأراضي الإيرانية. الناحية الثانية. بالإضافة بقى إلى الكردستان أو الأكراد اللي هيشاركوا في هذه الحرب. لو الأكراد والسوريين دخلوا الحرب إلى جانب الولايات المتحدة وإسرائيل، مش محتاج إنك تجيب قوات أمريكية في النقطة دي ومش هتكرر سيناريو فنزويلا. العكس، أنت هتضرب المنطقة دي بكم كبير من الأزمات. جميل. جميل. طب إيه اللي حصل دلوقتي وأنا بكلمك؟ اللي حصل دلوقتي هي عملية هجوم طاحن ما بين أو اشتباكات عنيفة مع قوات الحشد الشعبي في الداخل العراقي. النهارده أنت بتتكلم في صدامات في الداخل العراقي ما بين الجيش العراقي وقوات الحشد الشعبي. خد بالك العراق دلوقتي متغلغلة أو محاصرة بكم كبير من الأذرع الإيرانية في الداخل. وأنا بكلمك دلوقتي هجوم كاسح وضرب لمقرات الحشد الشعبي في الداخل العراقي. سواء كان بقى من مسيرات أو طائرات مقاتلة أمريكية أو حتى فيما يخص تعاون وتحرك محدود من الجيش العراقي نفسه على الأرض. لأن الحشد الشعبي بدأ يوجه ضربات عسكرية لمين؟ لدول الخليج. سواء فيما يخص الكويت أو حتى البحرين أو حتى الإمارات نفسها. اللي بدأت تطالب القيادة العراقية بأهمية السيطرة وضبط حدود بلادها. واللي هيكون في تحرك آخر. وبالتالي أهلاً وسهلاً. العراق بتدخل الحرب رسمياً. النهارده دلوقتي حالا وأنا بكلم حضرتك بتعلن الولايات المتحدة الأمريكية لموظفيها أو إخلاء السفارات. لو في سفارة داخل أو قنصلية داخل العراق ما زال فيها موظفين بيتم إخلاؤها بشكل نهائي. إخلاء أي قوات أمريكية متواجدة في الجانب العراقي. رغم أن في إخلاء بالفعل تم قبل اندلاع هذه الحرب الإيرانية الأمريكية بشكل واضح جداً. أنت النهارده بتتكلم أن العراق دخلت اللعبة هي الأخرى وبيتم تصفية أذرعها أو أذرع إيران في الداخل العراقي. من دقائق بسيطة شارك الطيران الإسرائيلي في دك مقرات فيما يخص الحشد الشعبي. دي نقطة ثانية. إذا أنت النهارده مش عارف إيه اللي بيحصل في العراق. هل الجيش العراقي هو اللي بيضرب؟ هل القوات الأمريكية الإسرائيلية هي اللي بتضرب؟ هل بيتم حشد قوات سورية على الحدود وعشان هي اللي تمر؟ لأن أبو محمد الجولاني أو تقدر تقول أحمد الشرعي الحالي الرئيسي وسلطة الأمر الواقع في سوريا بيتحرك هو الآخر وعشان ينال رضا أمريكا فبدأ هيبدأ يبعت قواته. قواته اللي هو يعني فيها كم كبير من المرتزقة والمقاتلين. الناس اللي قاعدة دلوقتي من غير شغل. هي دي الناس البزنس بتاعها شركات الأمن والمرتزقة حول العالم كلها هي دي اللي بتشتغل معاه دلوقتي. فبالتالي كل ده المفروض يتم توفير ليه ممر أو أمور أمن وعشان عشان يعبروا الناحية الثانية إلى الجانب الإيراني. لكن إيران مجهزة مليون مقاتل. مين قال لحضرتك؟ وحتى لو ده حاصل بالفعل النهارده مع دخول القوات الأرضية أو بمعنى أدق القوات البرية. أنت بتتكلم عن دعم جوي سواء بالمسيرات أو القوات أو المقاتلات. بتتكلم عن صواريخ ممكن تنضرب الناحية الثانية. بتتكلم عن عملية إسقاط النظام بالفعل حقيقية هتحصل والسيطرة على مفاصل الدولة. وده هيكون مسألة وقت. وبالتالي البلد هتغرق في فوضى. طب الفوضى دي؟ ما أنت معاك قوات أو كم كبير من القوات اللي قادرة إنها تجتاح. مع العلم أن نظام الملالي أصلاً في إيران شعبيته منخفضة نتيجة آخر فترة كان فيه مظاهرات ضده. فده برضه من ضمن السيناريوهات اللي ممكن تكون محطوطة أو متاحة. لأن هذا النظام قد فقد صلاحيته بالفعل بعد ما قدم لأمريكا وإسرائيل كم كبير من الإغراءات لم يكونوا يحلموا بها. أنت بتتكلم النهارده أن الهجوم البري الكاسح ده هيقلب الدنيا. لكن في نفس الوقت دونالد ترامب محتاج نصر عظيم يعترف به الجميع. مش هو بس اللي يتكلم بيه. أه. إزاي بقى حضرتك؟ نقطة بقى ومن أول السطر. الناحية الثانية بنتكلم عن انقلاب في الداخل الأمريكي. خد بال حضرتك. رغم اتفاق كل دوائر الحكم والسياسة والدولة العميقة وغير العميقة في أمريكا من الداخل وعندهم الكلام ده وحكيناه قبل كده. اتفاقهم على أن أهمية ما يقوم به دونالد ترامب. لكن في النهاية كل واحد بيطوع ده لخدمته ولمصلحته. طب خلينا نكون واضحين أكتر وعشان الموضوع يبقى سهل بمعنى أدق. أمريكا هي من أشعلت هذه الحرب. لكن كل واحد فيها خد بال حضرتك ليه مكاسب. زي ما اتفقنا. خد بالك بره المكاسب دي بالتحديد في نقطة لازم أقول لك عليها وأنا جايلك دلوقتي للصفقة. اقتنصها الرئيس المصري عبد الفتاح السيسي. ممكن تهدئ الأوضاع أكثر وأكثر. إيه هي؟ أحكيلك عليها دلوقتي. بس خلينا في قصة الحرب [ضحك] الأمريكية. أه. أمريكا هي من أشعلت الحرب. وزي ما قلت لك في كتاب فن الحرب قبل كده إن من ضمن القواعد الأساسية في العسكرية إنك أنت قادر إنك تشعل الحرب. لكن لا تتوقع أبداً مساراتها ولا أحداثها. أنت بتشعل الحرب وبتسيب بقى قطع الدومينو تتعامل مع بعضها وتتوقع مع بعضها واحدة تلو الأخرى وتسقط واحدة تلو الأخرى. فدي نقطة مهمة. فالنهارده أمريكا بتلعب لعبة قوية جداً. لو كسبت اللعبة دي خلاص سيطرت على العالم وتقدر تقول حطت شوكة وخنجر في خصر الصين وظهر روسيا الناحية الثانية وأخضعت الخليج أكثر وأكثر. طيب انفشلت إن فشلت خلاص بالتالي هتطال نارها الناحية الثانية في الولايات المتحدة الأمريكية. وده اللي بيحصل. قصة السيطرة على المضايق وضرب طريق الحرير الصيني. قال لك هنعمل ممر تجاري من الهند إلى الولايات المتحدة وأوروبا عبر الخليج وإسرائيل. أه. جميل. كلام حلو لكن غير منطقي وغير عقلاني ومش هينفع ومش عملي ومش مجدي. فبالتالي قال لك لا خلاص يبقى نضرب بقى طريق الحرير الصيني وناخده إحنا نشغله لصالحنا. ناخد الهند. نحط إيران. طب إيران وقفت ضدك خلاص شيل إيران. النهارده بتتكلم في باكستان. وقلت لك النهارده في اللايف الصفقة اللي بتنفذها مصر مع باكستان وعملية الربط ما بينا وما بينهم فيما يخص الميناء الرئيسي عندهم اللي هو بيربط منطقة بلوشستان باكستان. فدي برضه نقطة ثانية. طب سيبك من القصة دي. فالنهارده لو نجح ترامب هيحط نفسه في مصاف القصة. طب لو ما نجحش خلاص بالنسبة لك أنت أشعلت الحرب. هيجي غيرك يلم مكاسب أمريكا وفي نفس التوقيت يكمل. وهو في الآخر ماليش علاقة والله ده ترامب هو اللي أشعل الحرب. وده اللي بيحصل دلوقتي في الداخل الأمريكي. الدنيا مقلوبة. مظاهرات على الرئيس الأمريكي دونالد ترامب. خد بال حضرتك. إحنا عندنا ثلاث ولايات النهارده بيتم هناك حديث عن إمكانية انفصالهم. لأن أمريكا تعتبر اتحاد فيدرالي ده شيء معروف. ففي ثلاث ولايات هم اللي بيصرفوا على أمريكا دلوقتي وهم ممكن ينفصلوا في أي وقت. الولايات الغنية بتتكلم عن تكساس عن كاليفورنيا عن نيويورك. وكل ولاية وهي طالعة هتاخد معاها ولايتين ثلاثة ثانيين. فانت بتتكلم النهارده عن انهيار في الداخل الأمريكي. لو حصلت وخسرت الحرب. البعض اللي بيقول لك لا ده ممكن تحسح. اطلاقاً. حضرتك مش هينفع. دي نقطة مهمة. وبالتالي أنا بتكلم النهارده عن مظاهرات بتضرب الداخل الأمريكي. عن تراجع لشعبية دونالد ترامب. عن ارتفاع في معدلات وأسعار السلع الداخلية خاصة البنزين والمحروقات وغيره. خد بالك الأمريكان سواء كانوا مواطنين أو مسؤولين أو رؤساء بيخافوا ويخافوا جداً من حتة التضخم. وأنت بتتكلم عن تضخم وركود تضخمي. تضخم كان ارتفاع في الأسعار. لو وصلنا لـ 150 دولار معناها أن العالم داخل على ركود تضخمي. يعني أزمة سيئة جداً هتضرب العالم كله اقتصادياً. وهنا بقى ما ينفعش نلعب بعنصر الفائدة من عدمه. لأن دي نتيجة ارتفاع أسعار مش للاستهلاك. لا. نتيجة الأزمات العالمية. دي نقطة ومن أول السطر. على الناحية الثانية بقى القصة دي مش رايحة اتجاه ده خالص. الاتجاه ده رايح لنقطة ثانية أهم وهي قصة لو رحنا 200 دولار هنا في أزمة خانقة هتحصل في أمريكا وأنت داخل على انتخابات التجديد النصفي الكونجرس والقصه دي كلها. ولو هم نجحوا ودونالد ترامب جوه الحرب. خد بال حضرتك. ما حققش مكاسب حقيقية. ممكن يلجأ لعزله. وده راجل درامي. ممكن يلجأ إن هو يتم اختياره أو يحصل له حاجة. الراجل ده مش هينتهي أو مش هتنتهي هي فترة رئاسته بسهولة كده أو عادية. لازم ينهيها بشكل دراماتيكي. إزاي ما تعرفش. المهم إن هو هينه وخلاص. فانت بتتكلم النهارده عن حرب المضايق في الداخل. دي نقطة كنت حابب إن أنا أكلمك فيما يخص الهجوم الكاسح والانقلاب في داخل أمريكا.

نفس القصة بتحصل دلوقتي داخل إسرائيل. كم كبير من التظاهرات ضد بنيامين نتنياهو. كمان المعارضة واقفة ضده. الراجل نفتالي بينيت نفسه اللي هو رئيس وزراء إسرائيل الأسبق. واللي بصراحة ليه علاقات جيدة مع مصر. هم كلهم تعبانين في الآخر. لكن كان ليها علاقات جيدة مع مصر. وهو اللي قدر أو مصر وقتها قدرت تعدل اتفاقية السلام اللي هي اتفاقية كامب ديفيد وملاحقها الأمنية. واللي سمحت بتواجد الجيش المصري على الحدود وفق أرقام معينة. لكن في النهاية هو ده الراجل اللي كان حريص إنه يعدل الاتفاقية بالتحديد. الراجل ده قال لك نقطة مهمة جداً. قال إن لا، إحنا حتى الآن فاتحين على جبهات في كل مكان. لكن لم نحقق نصر حقيقي. لم نحقق نصر حقيقي معترف به في سوريا أو حتى في لبنان أو حتى في اليمن أو فيما يخص إيران نفسها أو حتى في قطاع غزة. بل هي خسائر ومن سيء إلى أسف. وبيتكلم ويستشهد بتصريحات إيال زمير اللي هو المفروض رئيس أركان الجيش الإسرائيلي اللي قال لك إن إحنا عندنا أزمة كبرى داخل الجيش الإسرائيلي. استدعينا 400 ألف من الاحتياط ما جالناش غير 2000 بس. ودي مشكلة. دي كارثة كبرى. ربنا يكتر كوارثهم يا رب. ما علينا من القصة دي. خلينا بقى نقطة ثانية مهمة تخص قصة إيال زمير. النهارده بيتكلم إن الجيش الإسرائيلي بيطلب رسمياً المجانين إنهم يلتحقوا بالجيش. أنا مش بهزر. المجانين فعلاً. الناس اللي عندها أمراض نفسية وأمراض عقلية ومختلة عقلياً بيتم إلحاقهم بالجيش. وال هيتم اعتقالهم بيبقى فيهم الناس المرضى النفسيين اللي هم كانوا خلال الحروب اللي فاتت. وبالتالي أي مكان كيان دولة شركة بتتحط تحت ضغط مستمر لمثل هذه السنوات بتنهار. الاحتلال بيكسر قاعدة أبدية محطوطة عنده إن إسرائيل ما ينفعش تتحارب لفترات طويلة. وده بالفعل اللي حصل. قال لك انهيار في الاقتصاد. انهيار في البنية التحتية. انهيار في تواجد الشركات. انهيار في تواجد الناس أساساً. أنت بتتكلم نقطة ومن أول السطر. تخيل في وسط الحزامات دي بيقولوا إن العدو الحقيقي يقبع جنوباً. جنوباً فين؟ قال لك على مصر. طيب ليه بقى؟ هقول لك دلوقتي. بس بقول لك إن في مظاهرات دلوقتي ضد بنيامين نتنياهو. إن المفروض إن هو داخل انتخابات قريب قريب جداً يعني. وبيتكلم عن إن هو انتخابات رئاسة الوزراء التجديد بتاعه. والراجل ده بقى له كام سنة في الحكم على ما أعتقد من سنة 2010. ومن وقتها ما فيش انتخابات كملت. لأن هيجي بس يتكلم عندنا إن لازم ديمقراطية وتغيير الوجوه والقصه دي كلها. أنا مش ببرر بس اديني شايف قدام حضرتك الوضع رايح فين والاتجاه والناس دي بتفكر إزاي. خد بقى عندك الكام ضربة الثقيلة اللي أعتقد إنك هتسمعهم لأول مرة. في لعبة جميلة قوي بتحصل ما بين مصر والأردن. خد بالك أن مصر والأردن في نقطة مهمة اللي هي ما تقول إيه توحيد الجبهات. أه. إزاي؟ قال لك والله تعالى هنا فيما يخص توحيد الجبهات. في تعامل غريب ما بين مصر والأردن مع الناس في إسرائيل. قلت لك النهارده في خبر إن مصر رفعت رسوم العبور ثاني أو ثالث أو رابع على ما أعتقد من 60 لـ 120 دولار. أه. من 60 لـ 120 دولار. ول بيتكلموا بقى خد بال حضرتك إن الأمور دي مش لطيفة. خد بالك الأيام الجاية في شوية احتفالات بما فيهم اليهود جايين عندك هنا في مصر. أعتقد بقى هيشرفوا مدينة البحيرة وعشان يروحوا يشوفوا أبو حصيرة والحاجات دي كلها. على فكرة أبو حصيرة أصلاً جاي من المغرب. وده كان شخص يهودي ما لناش علاقة بيه. وفي الآخر المقام فاضي عشان بس بصراحة. ما لناش علاقة. ما لناش علاقة بالقصه دي. في الآخر أنت بتتكلم هم بقى بيجوا عند حضرتك هنا ثلاث أسباب دلوقتي. مبدئياً في اتفاق ما بين مصر وإسرائيل والأردن إن كل الطيران الإسرائيلي اللي متواجد دلوقتي هو كله موجود في قبرص. المفروض إن هو هيجي عندك هنا في مصر ينزل مطار شرم الشيخ يبدأ ياخد الركاب الإسرائيليين يوديهم أي مكان في العالم. ادي رقم واحد. الأول كنا بنعدي بـ 10 دولار وكانوا بيعدوا بـ 4 دولار وست دولار والكلام ده كله. تم رفع الرسوم أكثر من مرة عشان يوصل لحوالي 120 دولار. ادي رقم واحد. طيب رقم اثنين. مش بس المسافرين عن طريق شرم الشيخ وزير أو الداخلين لمصر. ده كمان اللي داخل لمصر عبور عادي. ادي اثنين. رقم ثلاثة. اللي داخل لمصر عشان يحضر أي احتفالات زي الاحتفالات اللي بنقول عليها دي. ادي ثلاثة. ده مين بقى اللي قال على كده؟ مصر. قال لك خلاص يبقى سيب مصر وروح ناحية الأردن. الأردن اتفقت مع مصر. نفس القصة. وكمان ما عادوش بيقبلوا بأي عملة سوى عملة واحدة فقط وهي الدولار. شكراً. أنا الدولار واخده من حضرتك يبقى هديهولك. هكذا هو التعامل. أنا ما بتعاملش بالعملة بتاعتك دي خلاص. انسى. انسى خالص. فانت بتتكلم العملات بتاعتهم ما مش هي أو مش بيتم التعامل معها. كان بعد ما كان ده مسموح بيه في الأيام اللي فاتت. بالإضافة بقى خد الأقوى والأشد. إن شركات الطيران الإسرائيلية اللي بتحط في مطار شرم الشيخ نظراً نظراً لأنها عالية الخطورة ولأن هي ده مخاطرة من مصر إنها تستقبل طائرات. فمصر قالت لهم والله مخاطرة عالية بتساوي تكلفة عالية وعشان محتاجين نأمن. فبالتالي بدأت ترفع كمان رسوم الهبوط والإقلاع. برغم أن ده وده وفق قوانين الطيران الدولية. أنت عندك أزمة عالمية وأنت السبب فيها. ممكن يتم استهداف مطاراتي. وبالتالي لازم نتكلم في النقطة دي. فبدأ بالفعل هناك أزمة بقى وبيقولوا في الداخل الإسرائيلي يلا بينا نقاطع مصر ومش عايزين نطلع عن طريق مصر ولا عن طريق الأردن. أمال هتطلع فين؟ ما فيش تحرك لحضرتك. حتى اليمنيين قفلوا لك المضيق تحت هناك الناحية الثانية. وأي طيارة لازم تطلع وتعدي من الأجواء دي يا إما الأجواء الأردنية يا إما الأجواء المصرية. يا من الناحية الثانية يا من الناحية اللي هنا. هتروح فين؟ تبقى ما فيهاش حل. مالهاش حل. فبالتالي بقول لك في لعبة بتتلعب ما بين مصر والأردن. وخد بالك اللعبة فدي بقى وفق تقاريرهم بيقول لك إن مصر بتحاول تستنزفنا من الناحية الثانية اقتصادياً. وبصراحة أنا شايفها لعبة حقيقية. لأن أنت بتستغل أزماته. ياما استغل أزماتنا. إحنا بنتعلم برضه من دروسنا وبنتعلم من أخطاء الماضي. دي نقطة.

تعالى بقى على أسوأ خبر معانا النهارده وأشد خبر. واحد من الأخبار اللي لازم بقى تتفاعل معانا بقوة فيما يخصها. لايك وشير وتعليقات بقى وكومنتات وتكون متواجد معايا. ليه بقى؟ السودان يعلن الحرب رسمياً على إثيوبيا. بس إحنا ما سمعناش أخبار بكده. لا هي بدأت. ما هو إعلان الحرب ما بيقولش خلاص أنا أعلنت الحرب واقف ضدك. اطلاقاً. إعلان الحرب ده إزاي؟ أنت معايا بقى لك ثلاث أربع أيام بنتكلم عن أزمات ما بتحصل من الداخل السوداني. بدأت من حوالي خمس أيام لما عدى طيران مجهول وعشان يشتبك مع قوات بيتم عبورها للحدود الإثيوبية إلى الجانب الآخر في السودان. هذه القوات على حين غفلة وفي بعد أيام العيد أو خلال أيام العيد بالتحديد بدأت تشتبك مع الجيش السوداني لاسترجاع بعض الولايات والحصول على بعض المواقع العسكرية. حصل الكلام ده. قلته لك وكنا أول من نشره. ده رقم واحد. بعدها بشوية يبدأ الجيش السوداني يعلن رسمياً إنه بيشتبك مع قوات ثانية ناحية ولاية النيل الأزرق. جاية برضه بالدعم. رغم أن الدعم السريع الفترة الأخيرة خد بال حضرتك ما بيحصلش على الدعم الكافي. لكن بدأ يحصل على هذا الدعم عن طريق مين؟ عن طريق دولة إثيوبيا. إثيوبيا اللي عندها أزمات ومشاكل داخلية. وعشان النهارده يتم الكشف في تقرير مهم جداً ويعلن الجيش السوداني رسمياً بأن فرقة من فرق العيار الثقيل اسمها فرقة الاغتيالات. الفرقة القذرة بدأت تحاول أو إنها عبرت مع قوات الدعم السريع إلى الحدود أو الحدود الإثيوبية وعشان تختال عدد من قادة الجيش كان على رأسهم الفريق ركن عبد الفتاح البرهان رئيس مجلس السيادة السوداني. نقطة ومن أول السطر. وبالتالي السودان أعلن إنه هيرد على الاعتداءات دي وإنه بيعتبر إن أي هدف مشروع يقترب من الحدود السودانية الإثيوبية هو هدف ليهم مشروع يتم ضربه في أي وقت. وده في عنف أو في عنصر الدبلوماسية يعتبر فعل من أفعال الحرب وإعلان للحرب. نقطة ومن أول السطر. ده معناه إيه؟ معناه النهارده إن أنا عندي فرقة اغتيالات موجودة على الحدود المصرية. النهارده معناها بدأت بقى بعض الصحف تحلل القصة دي. ولنا صديق في السودان صحفي محترم بينقل كم كبير من هذه الأخبار. قال لنا خد بالك بقى الناس دي بدأت تعتمد الصحافة أو تعتمد الأسلوب الإسرائيلي في تخطيط الأزمات وفي زي ما بيقولوا تصفية الأزمات. إيه هو بقى الأسلوب الإسرائيلي؟ قال لك والله أسلوب الاغتيالات. أنا مش قادر على عبد الفتاح السيسي ولا عبد الفتاح البرهان ولا السين ولا الصاد. خلاص ابدأ اشتغل بنظام الاغتيالات على اعتبار إن مهما كان أكيد كل رئيس له سياسته أكيد كل قائد له سياسته ويه طريقة تعامله. وبدأ يقيل أو يقول إن في التعاملات أو في بعض الخلافات في الداخل السوداني ما بين القادة بعضهم البعض وأزمات داخل الجيش السوداني. وأن تحركات كتائب إسلامية في الجيش السوداني مؤخراً وإعلانها دعم إيران ده إلى حد ما ممكن يدي بعض الشرعية لقوات الدعم السريع ويرجعها للملعب تاني. هو خطأ سياسي واحد يجيبك الأرض. وده اللي حصل الأيام اللي فاتت. أنت النهارده على حين غرة أو على حين غفلة بتتكلم عن إن الجيش السوداني بدأ يرسل كمان ده وفق آخر تحديثات قوات لي إلى الحدود الجنوبية. يعني حدود الإثيوبية السودانية. وعشان يقدر يقفل هذه الحدود من محاولة الصدام أو محاولة الدخول في صدام عسكري مباشر مع الجانب الإثيوبي. خد بال حضرتك ده معناه إن ممكن يحصل اجتياح في أي وقت لمناطق معينة. السودان متمسكة بأنها سودانية برغم أن إثيوبيا بتضع يدها بما فيها الأرض اللي عليها سد النهضة نفسه. خد بال حضرتك ده ممكن يكون تحرك من العيار الثقيل. خد بالك أن ده بيحصل في نفس التوقيت اللي الجيش المصري والجيش الصومالي الناحية الثانية بيحاربوا بؤر إرهابية كتير جداً وبيحاولوا يسيطروا عليها. وأكيد أنت النهارده شفت لايف النهارده وشفت التعليق والأخبار اللي جبناها وكان أول ناس نشرنا جزء معين كان معلومة كده فيما يخص الخلية الإرهابية. خليه حس اللي أسقطت النهارده والقيادي الإخواني اللي تم تسليمه أو تم أو سلم إلى الحكومة المصرية. فدي لقطة حبيت إن أنا أقول لك فيها وأقول لك إيه اللي بيحصل فيما يخص الجانب السوداني بالتحديد وفرقة الاغتيالات اللي موجودة في الجانب أو جنوب مصر. واللي موجودة في الحديقة الخلفية لمصر وهي السودان اللي ممكن تنفجر الأوضاع فيها. وال الأوضاع هتنفجر هتنفجر. طيب سيبك بقى من القصة دي وتعال على قصة مهمة. طبعاً أنت عارف طول النهار إن وزير الخارجية المصري بدر عبد العاطي كان موجود في باكستان معاه كم كبير من الأخبار والتفاصيل والقصص. وكنا قلنا جزء النهارده. أنت بتتكلم عن واحدة من أهم الصفقات اللي بتجري ما بينا وما بينهم اللي هي فيما يخص باكستان بالتحديد. واللي بنتكلم فيها إن مصر خلاص بتربط كم كبير من موانينا بالمواني الرئيسية عندهم. وأهمهم بناء كوندر الأساسي. ده واحد من المواني عندهم الرئيسية. طيب بره القصة دي بقى في لقطة مهمة وهي إن الرئيس المصري عبد الفتاح السيسي بشكل واضح جداً بدأ يتحرك في اتجاه مهم إن هو يقتنص صفقة. صفقة من العيار الثقيل. البعض أو الكثير بيجري الحديث عنها أو بيتكلم عن إن هو هينفذها الأيام الجاية. إيه بقى قصة الصفقة دي؟ تفاعل معانا بقى. تفاعل معانا بشكل واضح. في حد بيقول لي الصوت فقولوا لي الصوت عامل إيه على الفيسبوك. على الفيسبوك الصوت عامل إيه بالتحديد على الفيسبوك وباقي برضه اليوتيوب. لو الصوت تمام قولوا لنا تمام يعني. فانت بتتكلم النهارده عن قصة مهمة جداً تخص قصة الصفقة اللي بيقتنصها الرئيس المصري. إيه هي؟ إن في خطوة أولية بتتوسط فيها القاهرة. إن القمة اللي عقدت [تنحنُح] في باكستان ب في مدينة إسلام آباد عاصمة باكستان تناولت مقترحات تتعلق بإعادة فتح مضيق هرمز كخطوة لبناء الثقة. إن إيران تفتح مضيق هرمز وتبدأ تقول لك يعني إن كان ببير من المضايق والممرات دي أو المضيق ده بالتحديد يكون فتحه هو حسن نية. فدي نقطة مهمة جداً لازم ناخد بالنا منها. وإن مصر بتتوسط في اجتماع وزراء الخارجية اللي جمع كل من السعودية وتركيا ومصر. استمر حوالي ساعة ونص. إن يكون في نقاشات بتتجاوز نطاق الحرب الحالية. وإن يكون في حديث عن فتح المضيق. ولو من باب إبداء حسن النوايا. طبعاً أنت عارف إن كل واحد في هذه الحرب له نواياه. لكن في النهاية لما الموضوع بيخش في جانب دبلوماسي بيتم إقناع الجانب الإيراني أو غير الإيراني بأن الأمور لازم يكون فيها استقرار. ولو نسبي أو هدنة بسيطة من الحرب اللي شغالة دي. حضرتك ودي نقطة لازم ناخد ناخد بالنا منها. يبقى النهارده الرئيس المصري السيسي بيدعم بشكل استراتيجي عبر وزير الخارجية بتاعه. وكمان عبر الفرق الدبلوماسية اللي بتتواصل مع الحرس الثوري من تحت الترابيزة الناحية الثانية. وبتتواصل مع الجانب الأمريكي من من فوق الترابيزة عادي خالص. بأن يكون في وقف للحرب. ولو مقا كنوع من الهدنة. ونبدأ نتكلم ونتفاوض فيما يخص مع بعض فيما يخص النقطة دي. كنت قلت لك في لايف النهارده اللي هسيب لك اللينك بتاعه في أول كومنت. معلومة مهمة جداً إن دخلت أو إن إيران تدخل أو بالذراع الأخير وهو ذراع اليمن الحرب. ده شيء مش منطقي وشيء مش لطيف. وهيخلي اليمن تتلقى ضربة عسكرية خلال ساعات. وأعتقد أن الساعات الجاية ده هيحصل. إيه الجديد يا حسن؟ قلت لك برضه معلومة. إحنا لو بنضرب الودع مش هيحصل ده. لكن ده قراءة عادية وطبيعية إن ده هيخلي الأمور تشتعل في اليمن ويخلي اليمن الجنوبي يصحى تاني ويبدأ يطالب بدولته. جميل. ده اللي قلته لك. مش كده؟ اليمن الانتقالي الجنوبي. مجلس الانتقالي قال اليمني النهارده دلوقتي حالا قبل ما أطلع اللايف بحوالي نص ساعة بالتحديد. بيبدأ يدعو للاحتشاد. بيحتشدوا عشان يعلن الدعم الكامل للولايات المتحدة الأمريكية. وفي نفس الوقت الدعم بأنه يكون له دولته والدعم لتحركات الولايات المتحدة الأمريكية. وإنه ضد التحركات فيما يخص الحوثي أو حتى المجلس الشمالي. وإنه آن الأوان إن يكون في تأمين لحركة الملاحة والسيطرة على المضايق. وهنا بيطلب دعم الولايات المتحدة الأمريكية وإسرائيل لإقامة دولة اليمن الجنوبي اللي اللي هو هرب منها عيدروس الزبيدي. اللي هو عيدروس الزبيدي اللي كان هيعلن الدولة وبعدين هرب على الإمارات من حوالي شهرين. لما حصل اشتباك ما بين الإمارات والسعودية في هذا الملف بالتحديد. وبالتالي أنت بتتكلم النهارده إن هم بيطالبوا بعودة المشير أو اللواء عيدروس الزبيدي مرة أخرى للحكم. وأن يكون إعلان لليمن الجنوبي دولة مرة أخرى. وعشان كده بيقدموا السبت بأنهم بيدعموا الجانب الآخر فيما يخص الجانب الإسرائيلي والأمريكي في وجه الجانب الإيراني بالتحديد. عايز أقول لك إن حتى وقتنا هذا لسه في حوالي على بعد أكثر من ميلين نيران مشتعلة في جنوب إسرائيل في منطقة النقب بالتحديد. وعشان بتتكلم عن قصة المصانع أو المصنع بتاع البتروكيماويات اللي ضرب هناك. وأعتقد أن ده المفروض الاتجاه اللي تركز فيه الجانب الإيراني فيما يخص الحرب بالتحديد. عايز أقول لك نقطة مهمة لازم تكون عارف إن يعني إن الدور بالفعل جه على مصر. جاه على مصر في نقطة مهمة. أنا عارف أن الجملة دي ممكن تقلق حضرتك جداً. لكن جه على مصر في نقطة إن الولايات المتحدة الأمريكية يهمها من هذه الحرب ترقيع العالم. سيطرة على مفاصل العالم عن طريق ممرات بحرية. إحنا بنتكلم دلوقتي عندنا الممر من أول قناة بنمامة. بنتكلم على ممر جبل طارق. بنتكلم على ممر قناة السويس. بنتكلم على ممر مضيق باب المندب. بنتكلم على ممر مضيق هرمز. بنتكلم كمان على الممرات اللي هي المفروض مضايق ملقى. اللي هو بين إندونيسيا وماليزيا. وأخيراً مضيق تايوان. كل دي مضايق بتسعى الولايات المتحدة الأمريكية للسيطرة عليها بسلطة الأمر الواقع. أرسلت جيشها وبقى هو دلوقتي الحاكم لمضيق بنما أو قناة بنما بالتحديد. دي نقطة. أه. بقى هو الحاكم وبقى هو المسيطر وطرد الاستثمارات الصينية من هناك. النهارده هو بيتكلم أو حاول عن طريق التهجير إنه يسيطر على قناة السويس. ما قدرش. فتدخلت مصر وكانت قوية جداً بالفعل. لكن كان عنده حلول بديلة وهو إنه يحول البحر الأحمر بما فيها قناة السويس لبحيرة بط. زي ما بيقولوا في المصطلح الدارج بتاعهم. بأن هو يسيطر على مضيق باب المندب ويضرب مضيق هرمز الناحية الثانية. نتيجة استغلال التحركات الإيرانية أو السياسة الإيرانية الخارجية بشكل أو بآخر في الناحية الثانية. مع إضافة توترات في مضيق تايوان ومضيق مالكا. إذا أنت النهارده عندك كل المجاري البحرية مقفولة. هم بيحاولوا يشوفوا خطوط بديلة. خد بالك حتى الخطوط البديلة مش هتكون هي القوية. لكن في النهاية اديني ضربت طريق الحرير الصيني وقدرت إن أنا أحول البحر الأحمر لبحيرة مغلقة زي بحيرة قزوين. خد بالك خلال الساعات القليلة اللي فاتت بدأت روسيا في إرسال أسلحة متطورة جداً إلى الجانب الإيراني الناحية الثانية. لو حصل بالفعل أو بمعنى أدق من وقت للثاني أي إنزال بري اعرف إن روسيا هتحتل شمال إيران. اللي هو جنوب روسيا. اللي هي منطقة قزوين بالتحديد بكل ما فيها من ولايات إيرانية للحفاظ على. وده حصل قبل كده على فكرة. للحفاظ على الجنوب الروسي بأي حال من الأحوال حتى لا تكون روسيا محاصرة من تحت فيما يخص الولايات المتحدة الأمريكية ونفوذها. ومن فوق فيما يخص أوكرانيا. سعدت قوي باللايف مع حضراتكم. كاللايف من العيار الثقيل. جالي دلوقتي خبر عاجل وهو أنباء عن اغتيال حسن زاده قائد الحرس الثوري في طهران. يبدو أن إيران الوضع فيها بالفعل أو الفرقة اللي إحنا اتكلمنا عنها في الأول ممكن تكون هي السبب الرئيسي في اغتيال هذا الرجل. أعتقد أن في أمور ثانية بيقول لك إن في قادة آخرين تم اغتيالهم الآخرين في هذه النقطة بالتحديد وفي الغارات اللي تمت خلال الساعات القليلة الماضية. سعدت قوي بحضراتكم. لو عجبك اللايك ما تنساش بقى التعليق والشير. تشترك في قناة اليوتيوب صفحة الفيسبوك بيدعمنا. شكراً لكم. سلام.