Transcription
اعذروني لو في أصوات طلعت ورايا أو كده عشان لسه صاحي وقلت أسجل الكلام دوت.
إيه بدري بدري قبل ما نشغل تمام. في فيديو من كام يوم طلع إن في بنت من إسكندرية ولد وقفها تقريبًا من الهند. هو بلوجر قال لها مش عارف مطعم. المهم إيه ودت معاه وكده تمام.
لو الحروف واقعة مني عادي عدوها عشان أنا مركب التقويم بس أنا بتكلم بالعافية دلوقتي. أنا حبيت أتكلم عن الموضوع بعد ما الموضوع ما يخلص عشان إيه ما بحبش جو الترندات وكده الحمد لله يعني.
تمام. أول حاجة لازم تفهموها إن ده مش حالة فردية وليها أسباب وأسباب كتيرة قوي وهشرحها لك في الفيديو ده.
أول سبب بالنسبة لي وده ما حدش يتكلم فيه تقريبًا إن أصلًا بقى لنا فترة إحنا كذكوريين عمومًا في مصر تحديدًا طالع علينا السمعة مش كويسة تمام. ما تتجوزيش مصري جزائري أحسن مش عارف إيه وهكذا. فالبنات دلوقتي أساسًا نافِرين من الراجل المصري بغض النظر على إن هم المفروض يعملوا كده أو لا في سبب مقنع أو لا دي مش قصتي ومش ده موضوعنا. المهم يعني إن لو في واحد تاني من مدغشقر من غانا من هيبقى يبقى نفس القصة برضه ويقول لك إيه أصل البلاك بيل مش عارف إيه.
ادي أكبر دليل إن الشكل مش عار. لا أنت ما تعرفش أساسًا الموضوع جاي منين وليه أسباب تانية بيولوجية وثقافية واجتماعية وهشرحها لكم في الفيديو ده برضه بجانب السبب ده لأن ده أول سبب رئيسي بيخلي حاجة زي دي تحصل.
حد هيقول لي طب ما هو الكلام ده بيحصل في الجزائر؟ ما هو نفس القصة في الجزائر. البنات مش بتحب الراجل الذكوري. نفس الكلام في المغرب، نفس الكلام في تونس، نفس الكلام في ليبيا. الريد بيل عمومًا بدأ ينتشر مؤخرًا والذكورية بدأت تزيد. فهم البنات إيه ما بقوش يحبوا الوضع ده. طبعًا هم عايزين ياخدوا راحتهم والقوانين تبقى في صفهم وكده تمام. فده من ضمن الأسباب إن هم أساسًا نافِرين من الراجل المصري عمومًا أو الراجل العربي. تمام. يعني لو جبت واحدة جزائرية نافرة من الراجل الجزائري هتلاقي عايزة مصري. تجيب واحدة مصرية نافرة من الراجل المصري عايزة واحد جزائري. فهمت الفكرة؟ هم مش عايزين الذكر بتاع بلدهم. ده غير إن هو كان شكله مش وحش للدرجة. أنا من هيئته طويل ولو بس عمل فورمة أعتقد هيبقى شكله أحلى من رجالة في مصر كتير.
ندخل بقى في الأسباب العلمية. في في علم الأحياء حاجة اسمها إيه؟ التنوع الجيني. إيه فكرتها؟ كل ما الجينات مختلفة أكتر من ثقافات مختلفة بتقلل الأمراض الوراثية وبتزود قوة المناعة. وده باين كتير قوي في دراسات عن الـ MHC أو المركبات المناعية إن فعلًا اختلاف الجينات كل ما بيبقى أكبر كل ما فعلًا الأمراض الوراثية بتقل والمناعة بتزيد. يعني من الآخر التنوع الجيني ده بيترجم لإن مثلاً إن شاء الله العيال دي الأمراض الوراثية فيها هتبقى أقل طبعًا بنسبة أكبر. المناعة قوتها أحسن. تنوع صفات وهكذا. طبعًا ده مش بيبقى بشكل واعي بيبقى حاجة زي الإحساس كده.
طبعًا حد هيقول لي طب دي خرجت معاه ما اتجوزتوش؟ ما هو مش ده الموضوع. العقل ما بيفهمش الكلام ده. هو مش شرط يشتغل بشكل واعي. هو ممكن يبقى إحساس بس. ثم إن مش ده السبب الوحيد ومش ممكن يكون ده السبب. ممكن يبقى في سبب تاني عادي.
في حاجة الناس مش واخده بالها منها إن الغريب بيكون تأثيره أقوى. المختلف دايما تلاقيه بيشد الأجواء من اللي حواليه. لو أنت مثلاً إسكندراني ورحت في بلد أرياف اتكلمت باللغة الإسكندرانية الناس هتلتفت لك. وبرضه نفس الموضوع من هناك لو جبت واحد صعيدي في إسكندرية هيبقى نفس الحوار برضه هيلتفتوا له وكده تمام.
ودايما المخ بيربط الندرة بإيه؟ بالقيمة العالية. وحاجة كمان المكانة الاجتماعية. المخ ساعات بيربط بعض الدول بأن هي فرص أحلى فلوس سفر وهكذا. فهنا الانجذاب مش للشخص نفسه هو للثقافة أو للموارد اللي مع الشخص.
حاجة كمان وهي الهروب من الإطار الثقافي. زي إن هي عايزة واحد من دولة تانية من محافظة تانية. وعلى فكرة الكلام ده حقيقي وكلنا شايفينه. لو أنت قدامك واحدة من الجزائر مثلاً ونفس نفس الصفات المصرية بنفس أخلاقها بجمالها وكده هتنجذب للجزائرية. وهي برضه نفس القصة لو شافت واحد مصري مغربي من غانا من ونفس الجينات ونفس الشكل ونفس الشخصية وكل حاجة هتفضل الغريب عن بلدها.
لأن الراجل اللي من بلدها بيكون متوقع شغال إيه من كام لكام بيصحى من إمتى لإمتى. في الغالب شغله هيكون مثلاً من 8 لـ 4 العصر مثلاً أو 6. مرتبات معينة. شغلانات معينة. طريقة القبض نفسها على الفيزا كاش. لو اتأخر مرتبه الحاجات دي متوقعة. إنما الأجنبي هي مش عارفة بيقبض إزاي. الفلوس بتتحول له عن طريق إيه؟ بيقبض كام؟ ما فيش تاريخ مسبق عليه. من الآخر كده مش متوقعاه. وده طبعًا ليه علاقة بالغموض. تأثير الغموض وصعوبة القراءة نفسها. إن في ستايل بينا مختلف. هو لبسه مختلف. إيه ده؟ ده مختلف. طب أنا هحاول إن أنا أخليه يلبس زيي. هحاول ول أخليه يحب الأكل اللي أنا إيه بحبه أو إن أنا آكل الأكل اللي هو بيحبه اللي هو في بلده طبعًا. تمام. فكل ده مع اختلاف الثقافة واللغة وكده أحيانًا. هو مش أحيانًا هو الأكيد هيخلق غموض.
من الآخر كده اللي عايز يتجوز من بلد تانية من نفس بلده عايز يعمل معاه جميلة عايز يتشرط عليه. كل واحد وبراحته ما حدش ليه حكم على حد سواء راجل أو ست. لما تكون البنت دي أختك ابقى ساعتها اتكلم قول لها إيه اللي أنت عملتيه ده وساعتها إيه اعمل راجل عليها. بس.
ونفس الكلام ليكي أنت لما تشوفي واحد برضه عايز يجوز واحدة من بره مالكيش دعوة. كل واحد وبراحته. عشان الموضوع ده بهوا. واللي يقعد يقول لك ده حالة فردية حالة اكت هو مش حالة فردية وموجود من زمان وليه أسباب تانية غير اللي أنا قلتها بس أنا مش هينفع أذكرها في الفيديو لأسباب أنا ما ينفعش أتكلم فيها وخلاص.
وبعدين ما تظبط شكلك وظبط شخصيتك وانزل جيم واعمل فلوس وظبط عقليتك وخلي عندك خيارات كتير. وفي الوقت ده البنت دي مش هتنجذب للهندي. لا هتنجذب لك أنت. كونك إن أنت شايف إن البنت دي انجذبت للهندي أو اديته فرصة دي مشكلتك أنت. أنت مالكش دعوة أنت مش حكيم عليها.
يا ريت يا رجالة ما يهمكمش الكلام ده. ركزوا على إنكم تعلوا قيمتكم. تضبط جيناتك. تضبط شكلك. تضبط عقليتك. وقتها والله العظيم أنت اللي هتتشرط وهي اللي بص بدل ما هتدي الفرصة ليه هتديها لك أنت.