لن تتخيل ما تفعله سورة البقرة

بسم الله والحمد لله والصلاة والسلام على رسول الله.

سورة البقرة نزلت معظمها في أول سنة ونصف من العهد المدني، أو حتى كنا فوتنا أول ستة شهور. يعني سورة البقرة بدأت في النزول بعد شوال سنة واحد هجرية. آية اللي بيخلينا نقول كده؟ السيدة عائشة رضي الله عنها وأرضاها بتقول: "وما نزلت سورة البقرة والنساء إلا وأنا عند رسول الله صلى الله عليه وسلم". طب متى بنى بها الرسول صلى الله عليه والسلام؟ اتجوزها إمتى؟ جاوزها في شوال سنة واحد هجرية. يبقى سورة البقرة نزلت بعد شوال سنة واحد هجرية، وقعدت الآيات تنزل بشكل مستمر تباعاً. يعني بتنزل النهارده آيتين، ثلاثة. بكرة 10 آيات. بعد بكرة آيتين، ثلاثة. الشهر الجاي كذا، لحد ما وصلنا شعبان سنة اثنين هجرية. في شعبان اثنين هجرية، يعني من أول ما بقول أواخر شوال سنة واحد هجرية لشعبان سنة اثنين هجرية، بيتكلم على 10 شهور تقريباً كان نزل معظم سورة البقرة. في آيات اتأخرت، في آيات نزلت في العام الخامس أو السادس من الهجرة، وفي آيات نزلت في العام السابع من الهجرة، وفي آيات نزلت في العام الثامن من الهجرة. وفي آية نزلت آخر حاجة خالص في سورة البقرة في القرآن كله برضه سورة البقرة، هي نزلت في آخر القصة السنة العاشرة أو الحادية عشر من الهجرة النبوية في آخر عهد الرسول عليه السلام. لكن معظم السورة نزل في هذه المرحلة الأولى. لما تقرأ السورة وأنت مدرك المرحلة الزمنية بتاعتها، هتعرف اللي أنا بتكلم عليه.

خطيرة النهارده هنتكلم على فضل سورة سورة [أصوات شخير] البقرة. ليه إحنا مهتمين كده بالموضوع؟ يعني الحد ده حدث حدث كبير، عملنا له فصل في السيرة وبنتكلم عليه وبندي خواطر. والعلماء لهم في هذا الموضوع يعني استفاضات كثيرة جداً لهذا الاهتمام الكبير. أولاً، سورة البقرة، كل القرآن عظيم طبعاً، لكن سورة البقرة لها خصوصية. لها خصوصية مختلفة عن بيت القرآن الكريم. يكفي أن ربنا سبحانه وتعالى صدر بها الكتاب العظيم. هذا التصدير أو هذا الترتيب للمصحف ده ترتيب توقيفي. يعني إيه توقيفي؟ يعني ربنا أمر بيه الرسول عليه السلام علمنا إياه. يعني لازم يكون كده بالترتيب اللي موجود في سورة في سور القرآن الكريم بشكل عام. فهو في الأول الفاتحة. الفاتحة دي فاتحة الكتاب. بعدها على طول مباشرة سورة البقرة. يبقى أول واحد ما يمسك المصحف يقابل سورة البقرة.

الرسول [تنحنُح] عليه الصلاة والسلام بيقول إيه في الحديث: "لا تجعلوا بيوتكم مقابر، فإن الشيطان ينفر من البيت الذي تقرأ فيه سورة البقرة". خصوصية البيت اللي بيقرأ فيه سورة البقرة لا يقربه الشيطان، ينفر منه. راجعوا كده حياتنا، لعل البيوت اللي فيها مشاكل كثيرة فعلاً صراعات وخناقات ودايماً في جو من التوتر، الشيطان موجود. ليه الشيطان موجود؟ عشان البقرة لا تقرأ في هذا البيت، أو لا تقرأ كثيراً في هذا البيت. طبعاً في ناس بتستعين بجهاز تسجيل يقعد يقرأ القرآن كله أو سورة البقرة. جيد، كويس إن يكون في عندك هذه القراءة. بس طبعاً قراءتك أنت للسورة وقراءة زوجتك ليها وقراءة الأولاد ليها، هذا شيء أعظم لا شك. ولك بكل حرف حسنة. شوف بقى البقرة فيها قد إيه؟ فدي نصيحة نبوية. وعلى فكرة اللي هيخليك تقرأ سورة البقرة كتير إنك تكون حافظها. والست لو حافظة سورة البقرة، مرآة وهي واقفة بتعمل بعض الأعمال في البيت، وهي بتطبخ، وهي بتتحرك جوه البيت، ممكن تقرأ سورة البقرة لما تكون حافظاها. وعلى فكرة برضه سورة البقرة من أسهل السور حفظاً. أنت شايفها كبيرة كده، ممكن الناس يعني تخاف إن تقدم على حفظها. أبداً والله، من أسهل السور في القرآن كله في الحفظ سورة البقرة. لأنها أولاً آياتها مسموعة كتير. ثانياً فيها قصص كتير، والقصص سهل في الحفظ. ثالثاً بقى لما بنتكلم على العلاقات ما بين الآيات، زي ما نيجي في خواطرنا إن شاء الله القادمة، هتجد إن كله مربوط ببعضه. فالآيات بتسلمك لأخرى، والأخرى بتسلمك لثالثة، فتلاقي في جو كده من التناسق جميل قوي قوي، رائع ومعجز حقيقة. هتقدر بتحفظ سورة البقرة. حاولوا تحفظوها. يعني أول الغيث قطر، ثم ينهمر. أول ما تحفظ آيتين ثلاثة، إن شاء الله ربنا سبحانه وتعالى هيبارك لك وتكمل بقية حفظها.

شوف الحديث الثاني ده. أنا بقول لك الأثر بتاعه دنيوياً إن الشيطان مش هيقرب لك. فأنت عايش في الدنيا دلوقتي بعيد عن الشيطان. في منافع دنيوية هتحصل لك ومنافع أخروية. لأن الشيطان مش معاك. ينفر الشيطان من البيت اللي تقرأ فيه سورة البقرة. فحياتي هتبقى مستقرة بشكل أكتر عشان الشيطان خرج منها. وآخرتي مستقرة بشكل أكبر عشان الشيطان خرج من حياتي في الدنيا. فما عادش بيزقني على عمل يعني فاسد أو يدفعني إلى باطل. لكن مش بس كده. الرسول عليه الصلاة والسلام بيمد أثر أثر سورة البقرة إلى الآخرة بشكل يعني مبهر حقيقة. تصور لما تتصور تجد نفسك منبهر بهذا التصور العظيم. نتمنى نكون إحنا أصحاب هذا الموقف. يقول إيه صلى الله عليه وسلم: "اقرأوا القرآن، فإنه يأتي يوم القيامة شفيعاً لأصحابه". القرآن كله يأتي يوم القيامة يشفع لك لما تكون بتقرأ قرآن كتير. طيب كويس. خلصت الجملة ديت. في نفس الحديث يكمل يقول إيه: "اقرأوا الزهراوين، البقرة وسورة آل عمران". يعني هو قال لك في الأول اقرأوا القرآن كله على بعضه، كله هيفيدك، كله هيشفع لك يوم القيامة. لكن يجي يحدد في الآخر سورتين. اقرأوا الزهراوين. لو أنت مش هتعرف تقرأ القرآن كله، ما يفوتكش الخير ده. اقرأوا الزهراوين. يعني إيه الزهراوين؟ الزهراوين جمع الزهراء. الزهراء هو الشيء المنير وفيه الحسن وفيه الصفاء. فاقرأ الزهراوين يعني السورتين المنيرتين. إيه هما السورتين المنيرتين؟ البقرة وآل عمران. ليه بقى بيقول لك ليه؟ شوف: "فإنهما يأتيان يوم القيامة كأنهما غمامتان أو غياي". هو في الحديث بيقول كده: "غمامتان أو غيايتان". غياية غيايتان يعني الغياية هي السحابة زي الغمامة. فـ "أو غايايتان أو كانهما فرقان من طير صواف". الطير الصواف هي الطير الباسطة أجنحتها بتطير. فاتحة جناحتها. وفرقان يعني جماعتان. الفرق هي الجماعة. فكأنهم مجموعتين من الطيور الباسطة أجنحتها. سرب طيور. شوف المشهد ده. الرسول صلى الله عليه وسلم بيصور لك مشهد حقيقي هو شايفه. هو شايف مشهد وبيقول لك بيوصف لك المشهد ده زي ما هو شايفه وبيقول زي ما يكون غمامتان، البقرة وآل عمران، غمامة البقرة وغمامة آل عمران جايين مع صاحبهم يوم القيامة بيدافعوا عنه. يدافعوا عنه من إيه؟ من النار، من ملائكة العذاب. حموه. بيدافعوا عنه يوم القيامة. أنت ماشي في عزوة يوم القيامة. إيه عزوتك؟ سورة البقرة وسورة آل عمران. شكلهم زي ما يكون سحابة يمين وسحابة شمال، أو مجموعة طيور يمين ومجموعة طيور شمال. هو شايف مشهد بيقول لك أقرب صورة ليه كذا. زي ما كده ربنا في القرآن كانهم يقول لك مثلاً: "كأنهم جراد منتشر" أو "كالعهن المنفوش". بديك صورة تقرب لك الوضع. هو مش عهن منفوش ولا جراد منتشر. هم ناس. والعُهن ما فيهوش دي جبال. لكن بيقول لك كأنها كذا عشان أنا أتصور المشهد. فهو يوم القيامة سورة البقرة بتيجي بهيئة مجسدة. أنت شايفها حاجة فيزيائية موجودة حواليك حقيقية. والرسول صلى الله عليه وسلم شافها وبيقول لك زي ما يكون سحابة أو سرب طيور يمين وشمال بيدافعوا عنك. الله أكبر. شيء مبهر. يقول: "تحاجان عن أصحابهما". يعني بيدافعوا عن صاحب البقرة وآل عمران. طب مش عايز أنت الدفاع ده يوم القيامة؟ يعني قلنا في الدنيا الشيطان مش هيجي ناحية البيت. وفي الآخرة عندك اثنين حراس من هذا النوع، البقرة وآل عمران. هو مين اللي بعتهم؟ الذي أرسلهم هو الله عز وجل. من الذي جسدهم في هذه الصورة؟ الله عز وجل. الله يدافع عنك بهذه الصورة الحسية، مش بس المعنوية. مش بس أنت مطمئن وقلبك مستريح وخارج آمن. لا مش بس كده. ده لزيادة الأمان والاطمئنان. بيقول لك الموضوع جسدي حقيقي. في أجسام واقفة حواليك بتدافع عنك.

طيب الحديث نفسه الجزء الثالث منه. إحنا قلنا الجزء الأولاني بيقول لك اقرأوا القرآن. وبعدين قام قايل إيه؟ اقرأوا الزهراوين. يعني خاصة من القرآن سورتي البقرة وآل عمران. شوف الجزء الثالث: "اقرأوا سورة البقرة". ما عرفتش تقرأ سورة البقرة وآل عمران؟ طب اطلع بالبقرة. "اقرأوا سورة البقرة، فإن أخذها بركة، وإن تركها حسرة". خلي بالك. كان ممكن يكفي هذا الكلام. لكن قال لك إيه: "وتركها حسرة". يعني اللي ساب سورة البقرة مش بس فاتته البركة، ده كمان هيتحسر. لأنك ممكن تحقق ثواب ضخم جداً جداً دنيا وآخرة. تعيش حياتك سعيد وتعيش آخرتك سعيد وراح عليك ده كله عشان أنت ما اهتمتش بسورة البقرة. لها خصوصية يا إخوانا. لا، القرآن كله عظيم. لكن لها خصوصية. سورة البقرة. "فإن أخذها بركة وتركها حسرة". ولا تستطيعها البطله. البطله دي كلمة جمع باطل. يعني السحرة. أحد رواة الحديث معاوية بيقول: "بلغني أن البطله هم السحرة". يعني السحرة ما يقدروا تغلبوا على سورة البقرة. المحافظ على سورة البقرة يامن من شر السحرة. بدل ما تقعد تتابع الإعلانات في الفضائيات وتشوف الناس اللي بتخرج الجان ومش عارف الربط والحاجات اللي بتقعدوا تسمعونها دي. اقرأ سورة البقرة. السنة نور. وإنك لتهدي إلى الصراط المستقيم. كلام السنة ده نور. خلاص أنا وقيت نفسي شر شياطين الإنس والجن. شياطين الإنس أهو السحرة. البقرة حميتني. وشياطين الجن ينفر الشيطان من البيت الذي تقرأ فيه سورة البقرة. عايز إيه أكتر من كده؟ تكون عندك وقاية من شياطين الإنس والجن بقراءة سورة البقرة. هذه خصوصية لسورة البقرة.

أنا [تنحنُح] هقول لكم كمان خاطرة واحدة أو يعني كلمة واحدة وأختم الخاطرة دي وأكملها إن شاء الله في خاطرة أخرى في الجزء الثاني من من سلسلة الخواطر دي عشان الوقت. الصحابة كانوا عارفين إن سورة البقرة دي لها خصوصية خاصة. أنا هذكر موقف واحد بس، وإن شاء الله في الخاطرة الجاية أذكر عدة مواقف أخرى. موقف واحد غريب جداً. سيدنا عبد الله بن مسعود رضي الله عنه وأرضاه بيعلم الناس مناسك الحج في موسم أحد مواسم الحج بعد وفاة الرسول عليه الصلاة والسلام. فبيعلّمهم الحج. فواقف عند الجمرات بيعلمهم. الرسول صلى الله عليه وسلم كان بيقف فين عند الجمرات لما يجي يرمي الجمرة تمام؟ فبيقول لهم هو كان بيقف هنا وبيرمي كذا، بيقول كذا، بيعلمهم المناسك. فـ فـ عايز يؤكد للناس إن ما قاله هو الصواب والصحيح وإنه نقل نقلاً صادقاً صحيحاً عن الرسول عليه السلام. فـ أقسم. أقسم إن ما أعلمكم إياه هو ما فعله الرسول عليه السلام. لكن القسم بتاعه كان شكله إيه؟ غريب جداً. بيقول إيه: "والذي [أصوات شخير] لا إله غيره، هذا الحتة اللي واقف فيها دي بيحدد لهم كان بيرمي منين الجمرات، هذا مقام الذي أنزلت عليه سورة البقرة". شوف بيعظم الرسول وبيشرفه. عرفه ويقسم بالله عز وجل إن ده المقام الذي وقف فيه الرجل صلى الله عليه وسلم الذي أنزلت عليه سورة البقرة. شوف التعظيم. مش حتة ما هو أنزل عليه القرآن كله [أصوات شخير]. هو الذي أنزل عليه القرآن. خص سورة البقرة. لها مكانة. كل الناس تخشع عندما تسمع هذا الكلام من عبد الله بن مسعود. إن هذا المكان الذي أنزلت عليه سورة سورة البقرة. العلماء بيقولوا خص سورة البقرة عشان خصوصيتها، عشان مكانتها، عشان فيها مناسك الحج، عشان كذا. الله أعلم. بس ده مطلق اللي قاله. وبعد كده هنشوف إن استخدمت كلمة سورة البقرة بين الصحابة كـ كمطلق التحفيز بشكل عام. زي ما مواقف القادمة إن شاء الله نتكلم عنها إن الناس اللي عندها سورة البقرة دي متميزة.

فـ دي الأجواء اللي نزلت فيها سورة سورة البقرة. البقرة وهي بتنزل في المدينة المنورة في السيرة النبوية في أول العهد المدني في أواخر السنة الأولى من الهجرة والسنة الثانية من الهجرة. الصحابة عارفين إن في شيء عظيم جداً جداً له خصوصية كبيرة ينزل الآن ويكتمل آية ورا آية ورا آية. يا ترى إيه يعني إيه في سورة البقرة من خصائصها المتميزة بها عن غيرها من السور؟ ده اللي إن شاء الله نعرفه في الخاطرة القادمة. أسأل الله عز وجل أن يتقبل منا ومنكم. والسلام عليكم ورحمة الله وبركاته.