Transcription
د. الامريكيه من الخليج دونالد ترامب الرئيس الامريكي غاضب. القصه والتفصيله ده اللي هنحكيه في لايف النهارده من لايفات العيار الثقيل. مش كده وبس، عندنا تفاصيل مهمه جدا. ما الذي يخطط له الأمير محمد بن سلمان ولي عهد المملكة العربية السعودية؟ ماذا أرسل سراً لمرشد إيران الجديد خامنئي الثاني أو مجتبى خامنئي؟ عندنا تفصيلة مهمة لسه باقيلها دقائق بسيطة.
مش كده وبس، عندنا بقى نقطة مهمة. لعبة السيسي شديدة الخطورة. إيه اللي بيعمله الرئيس المصري عبد الفتاح السيسي؟ استدعى أن التقارير الغربية تأخذه اليوم كمادة دسمة على صفحاتها وتقدر تقول في افتتاحياتها. دي برضه نقطة مهمة وحابين نتكلم فيها بكل وضوح. معلومات زي ما بيقولوا من العيار الثقيل تنشر لأول مرة وهناك تحركات على الأرض تخصها. لأن دعمت لك ده بشغل بقى من أروقة الدبلوماسية المصرية.
عندنا مصر ترفع أسعار الوقود. أسعار البنزين مش البنزين وخلاص، البنزين والغاز. كمية أو نسبة الرفع هتكون كام؟ تفاصيل ما يدور في كواليس النقطة دي. الأسباب، التحركات. هل ده هيكون خلال ساعات أم أن هناك قرارات أخرى ستؤخذ خلال الساعات القليلة القادمة؟ هنتكلم في النقطة دي بالتحديد فيما يخص أسعار البنزين.
مش كده وبس، عندنا نقطة مهمة. ثورة السوريين في مصر. إيه تفاصيلها؟ إيه القصة تخص النقطة دي؟ وزي ما بيقولوا كده أمريكا غاضبة من خيانة الخليج. عندنا لايف النهارده من اللايفات الدسمة. كم كبير من الأخبار والتقارير والمعلومات. هحاول أختصرها لحضرتك بحيث لا يخل بالمضمون اللي المفروض نقوله ليك. وفي نفس الوقت عايز أقول لك إن اللايف ده يعتبر تاريخي في كم كبير من الأخبار والتفاصيل والتحركات اللي هتعجب حضراتكم.
خليني أبدأ مع حضرتك الأول من الجانب الاقتصادي اللي يخص مصر وهو قصة رفع أسعار البنزين والسولار في مصر. خبر مهم جدا بدأ تسريبه من ساعات بسيطة بأنه خلال الساعات القليلة القادمة وبالتحديد صباح غد سيتم رفع أسعار البنزين والسولار في مصر. ده الخبر المسرب مش الرسمي، خد بالك في فرق ما بين خبر رسمي وخبر مسرب. الخبر ده بيجي في توقيت حساس جدا. يمكن إحنا عملنا لايف مهم جدا أو بمعنى أدق عملنا فيديو صغير شورت كده من نوعية الفيديوهات القصيرة بنتكلم فيها عن كمان ارتفاع أسعار الدولار في مصر.
النهاردة الدولار بيقفز من حدود الـ 46 وكسور أو الـ 47 جنيه وعشان يصل النهارده لحدود الـ 52 ويلامس الـ 53 جنيه واحتمال ده يوصل بكرة أو بعده على أقصى أو أقل تقدير. طيب سؤال بسيط إحنا بنتكلم دلوقتي إيه أسباب الرفع وتأثير ده علينا سواء فيما يخص الدولار أو يخص البنزين والسولار؟ خاصة وإن رئيس الدولة بنفسه اتكلم في الكلام ده من ثلاث أربع أيام. الرئيس المصري عبد الفتاح السيسي لما قال لك إن إحنا بنعاني وهنعاني اقتصادياً بسبب ما يحدث في مضيق هرمز وما يحدث من توترات في منطقة الخليج. المنطقة اللي بتصدر للعالم يومياً 25% من احتياجاته من الطاقة.
إنت بتتكلم النهارده عن انخفاض كميات الغاز الموجودة في بريطانيا. الناحية الثانية أزمة كبرى ارتفاع كبير في أسعار الغاز هناك. وده نتيجة انخفاض المعروض من الغاز أو بمعنى أدق شحنات الغاز اللي المفروض تشغل بريطانيا خلال أو مصانعها خلال اليومين الثلاثة اللي فاتوا أو اللي جايين كمان. ادي نقطة مهمة. طب إيه السبب؟ السبب بسيط جدا عشان تبقى عارف بس القصة رايحة فين. إنت اقتصادياً هتتأثر باللي يحصل شئت أم أبيت. هتتأثر باللي يحصل.
أداء الحكومة المصرية اقتصادياً غير مرضي لنسبة كبيرة من الشارع المصري. نسبة الناس اللي هي متواجدة كمواطن عادي. أداء الاقتصاد للحكومة مش راضي. نسبة حتى كمان الخبراء المتخصصين. حتى كمان طموحات الناس يمكن حكومة مش راضيها الطموح ده بالتحديد. طب القصة إيه؟ القصة بقى إن عملية زيادة أسعار البنزين والسولار أو ارتفاعها وتوترات سلاسل الإمدادات عالمياً وعملية رفع الدولار قدام الجنيه ده بره إيد الحكومة. إنت عايز الحق ولا عايزني أقعد أقول لك لأ ده المسؤول عن كذا؟ آه طبعاً أكيد هناك تقصير من أداء الحكومة وأكيد إن لابد الحكومة تاخد قرارات مهمة في هذا الشأن بالتحديد لأن إحنا المفروض ما نكونش رد فعل دائم كده للأسواق.
خد بال حضرتك في نقطة مهمة. هناك بالفعل أزمات. هناك بالفعل غلق لمضيق هرمز أدى بشكل واضح جدا إلى أن يرتفع أسعار البنزين على مستوى العالم بالاضافة وكمان السولار وبالتالي كمان ارتفاع أسعار النفط. إحنا بنتكلم امبارح لارتفاع وصل لحوالي 110 إلى 120 دولار لبرميل النفط واحد وكان في توقعات إنه يوصل لـ 50 ولم 200. النهارده بعد كلمة واحدة من دونالد ترامب بينخفض إلى ما دون الـ 80 أو الـ 89 دولار للبرميل. يعني معناها كحكومة شوف بقى الحكومة بتبص لها إزاي. أنا لازم أتحوط. آه الحكومة لازم تتحوط. ده هو ده وجهة نظرها. طب أتحوط إزاي؟ إن ما يحصلش الرفعة دي تاني لأنها هتاثر عليا. هتقول لي هو إحنا لحقنا نشتري في يوم؟ هقول لك هي بتتبصلها كده اقتصادياً. الناس دي بتفكر إزاي. ادي رقم واحد.
طيب رقم اثنين وده مهم. في توتر في سلاسل الإمدادات. حتى لو عملية الرفع دي عدت منها نتيجة يعني إن يحصل فتح للمضيق في توتر في سلاسل نتيجة توتر السياسي اللي حصل في المنطقة. صدامات عسكرية من وقت للتاني ده بيترجم على طول إن السفن بتاخد مسارات ملاحية معينة زي المسار اللي تجنبت فيه قناة السويس من الناحية والناحية الثانية المسار اللي تجنبت فيه المرور عبر البحر الأحمر وبالتالي لجات لطريق رأس الرجاء الصالح وكمان المسار اللي تجنبت فيه مضيق هرمز بالأساس. بالاضافة إلى إن في بعض الرحلات بتخاطر. فبالتالي اللي بيرتفع أسعار التأمين وأسعار الشحن وأسعار السلعة نفسها لأن في تخوفات مثلا لو إنت جاي لك سفينة قمح روسية أو سفينة نفط روسية على سبيل المثال بدر مثلاً يعني ممكن تضرب في عرض البحر. فده بيزود معدلات المخاطر. فالمخاطر بتترجم في اقتصاد إلى تكاليف زيادة. يبقى ده بيكون مبرر لارتفاع الدولار مثلاً قدام الجنيه من ناحية والناحية الثانية كمان انخفاض أو ارتفاع أسعار النفط وبالتالي انخفاض كمان المعروض النفطي في الأسواق.
فالنهاردة إنت بتتكلم عن ثورة أو أزمة عالمية فيما يخص توتر سلاسل الإمدادات. توترات سياسية. ده كله بيؤدي في النهاية إلى هروب حاجة اسمها الأموال الساخنة. قلنا ما نعتمدش على الأموال الساخنة. كلنا قلنا ده بس الثواني هو في بديل ليها دلوقتي في التوقيت الحالي؟ ما أنا قلت لك كذا مرة اللي على الشط واللي على البر عواب. أنا بكلمك بقى كلام سوق. سيبك بقى من اللي بيقعد يكتب على الفيسبوك. أنا إيه راجل إيدي في السوق بتاع اقتصاد فعارف الدنيا فيها إيه في النقطة دي بالتحديد. اللي يقول لك والله إحنا عايزين بديل. طيب إنت بديل عندك؟ إنت بتتكلم في زراعة وفي صناعة. طب دلوقتي الزراعة والصناعة مش مش متاحين لحضرتك بالشكل اللي ممكن تقدر فيه تكفي احتياجاتك. فبالتالي إنت ملزم إنك تستورد بكميات كبيرة وتعمل فائض في الدولار أو المعروض الدولاري وإلا هترجع لك السوق السودا تاني وترجع لك عمليات اختفاء الدولار من السوق الرسمية. فدي هتبقى قصة مشكلة كبيرة ويبدأ البنك المركزي يلعب تاني في السوق السودا والحديقة الخلفية اللي هي فيما يخص الأسواق الموازية والقصه دي.
إنت النهارده عندك أزمات كتيرة سبب رئيسي في المحيط مضيق هرمز. توتر سلاسل الإمدادات عالمياً. أزمات سياسية ودبلوماسية. الحروب المشتعلة فيها المنطقة. إنت بتتكلم عن ربع إنتاج العالم أو 25% من إنتاج العالم من النفط والغاز. طاقة عموما اللي بتمر عبر قناة السويس وعبر مضيق هرمز دي متوقفة. كل ده بقى أثر على حضرتك هنا. أثر عليك فيما يخص كل حاجة. النهارده إنت بتتكلم عن برميل النفط اللي كان مسعر في الموازنة ما بين 65 إلى 75 دولار في حالة الزيادة. إنت النهارده بتتكلم وأنا بكلمك دلوقتي إن النفط تحت الـ 90 أو يعني بتتكلم 89 87 في الحدود دي للبرميل الواحد بعد ارتفاعه لـ 110 و 10. يبقى دي نقطة مهمة.
طيب أنا إيش ضمن الحكومة بقى أو المستثمر أو أي حد بيلعب في سوق النفط. أنا إيه ضمني ما أصلش الرقم ده تاني الأيام الجاية خاصة إن ما فيش قيمة لكلمة دونالد ترامب بيعلن الصبح الحرب وبالليل بيهديها ويوقفها وهكذا. هي الأمور من وقت للتاني. فده كان مبرر الحكومة المصرية. ده بقى اللي بحكي لك أنا بحكي لك قصة الكواليس الخبر ده إن هي تعمل تسعير عاجل للجنة المواد البترولية. جميل. ده نقطة.
لجنة تسعير المواد البترولية اجتمعت. شوف بقى المعلومة اللي عندي كصحفي. أنا بقى لي يومين ثلاثة عندي المعلومة دي أو من أربع أيام بالتحديد. أربع أيام. عندنا معلومة إن في اجتماع هيحصل. لجنة تسعير المواد البترولية. خد بقى الكواليس وإيه اللي حصل. قال لك والله إن هي أوسط بزيادة محددة. الزيادة دي ممكن نتكلم من حدود معاك ما فوق الجنيه ونص وما فوق الجنيه ونص في الحدود دي. إحنا بيقول لك والله ممكن لو زادت الشريحة جنيه ونص دي تكون مرضية. لا 2 جنيه ونص إلى حد ما مقبولة. لا ممكن نخليها 2 جنيه بس. لا ممكن 3. 3 ونص دي تبقى جميلة جدا وهتخلينا ما نلجأش لأي زيادات أو أي رفع خلال الفترة الأخيرة. ده بيبقى القرار طالع كده متقسم شرايح وبيبقى متخذ محطوط قدام متخذ القرار. مع تحفظي على مين هو متخذ القرار لأن القرار ما بيبقاش بإيد رئيس الحكومة واحدة. أكيد بيبقى بإيد جهات ثانية بما فيها حتى الرئاسة نفسها بتشارك في هذا القرار. بيقول والله أنا أقدر أبدأ مثلاً على وليكن 2 جنيه. وليكن مثلاً 2 جنيه ونص. وليكن 3 جنيه. وليكن 3 جنيه ونص. القرار اللي هو منشور دلوقتي في الشارع المصري بنتكلم فيه عن 3 جنيه. أنا مش هقدر أقول لك ده صح أو خطأ إلا لما يطلع بيان رسمي. لأن المعلومة اللي عندي وقفت عند نقطة إن خلاص إنت بتتكلم عن هامش زيادة من جنيه ونص لـ 3 جنيه ونص. اختار إنت الرقم اللي يتمشى معاك. طبعاً المنشور دلوقتي حبر الصحف و في شكل تسريبات بيتكلم عن زيادات في أسعار البنزين. بنتكلم إن هو في حدود الجنيه على ما أعتقد. بنزين 95 بدل ما هيبقى 21 هيبقى هيبقى بـ 24 جنيه للتر. بنزين 92 هيبقى بدل ما هو 19 جنيه وربع هيبقى 22 جنيه وربع. بنزين 80 بنتكلم من 17.5 لـ 20.75. والسولار من 17.5 لـ 20.5. وده مشكلته مشكلة لأن ده اللي يختص بقى عمليات النقل والتحرك والشغل التجاري كله. فبالتالي هينعكس في موجة تضخمية وبالتالي ارتفاع أسعار السلع والخدمات والقصه دي. وكنا عملنا النهارده لايف لطيف قوي أو حلقة صغيرة شورتس كده حلقات اللي هي الصغيرة اتكلمنا فيها عن بتحديداً عن النقطة دي.
وإن هناك صفقة أمام مصر بأنها تستغل لوجستيتها لنقل النفط السعودي ولأنها تطرح اللوجستيات للشركات الأوروبية تحط المنتجات بتاعتها عليها. وإحنا يبقى لنا مسؤولية نقلها إلى البحر الأحمر. أحمر ومن البحر الأحمر تنقل بعبارات عبر السعودية عشان نقدر نكفي احتياجات الخليج من الأكل والشرب والقصه دي كلها. فكون بقى وطبعاً في غاز المنازل هيرتفع هو كمان. الشرائح بقى حوالي زيادة من 2 جنيه لـ 6 جنيه لـ 8 جنيه. برضه نفس الشريحة لحد ما نشوف الحكومة أو متخذ القرار هيعلن إيه رسمياً. كل ده قدامه. فدي برضه نقطة مهمة جدا لازم تاخد بال حضرتك منها.
طيب قصة ارتفاع أسعار البنزين في مصر ما هي إلا ساعات حتى يتم إعلان هذا القرار بشكل رسمي. القرار خلاص شبه محسوم. لكن الرقم الرسمي ده بإيد متخذ القرار نفسه. هل هيكون 3 جنيه كما هو معلن ولا أقل من كده أو أكتر من كده حاجة بسيطة؟ دي خلينا نتكلم فيها خلال ساعات بسيطة لأن الكلام إنه خلال ساعات خلال يوم بالتحديد خلال يومين على أقصى تقدير هيتم إعلان هذا القرار. في البعض نشر قال لك إن هو الصبح. وفي بس القرار لسه يعني إيه ما تمش البث فيه بشكل نهائي. خد بالك كلمة رسمي دي مش سهلة يعاقب عليها القانون. فدي برضه نقطة حبيت إن أنا أقول لحضرتك فيما يخصها.
بقول لك تبعيات القرار مش بقول لك أنا مع أو ضد. أنا قلت لك إن الحكومة فعلياً مخطئة اقتصادياً في ملفات كتير. عندها أزمات اقتصادية في ملفات كتير. عندها قصور اقتصادي في ملفات كتير. عندها أزمات بما فيها أزمات المرتبات نفسها. ما إنت النهارده طالما بقى زودت لي هنا يبقى تزود المرتبات الناحية الثانية برضه عشان أبقى صريح معاك وتزود الدخول والمداخيل. لأن النهارده في موجة تضخمية. ده إحنا داخلين في شهر رمضان وداخلين بموجة تضخمية هيكون غيرها برضه موجة التضخم اللي هي الخاصة بأسعار البنزين والسولار والوقود. لكن في النهاية أنا بقول لك إن القرار ده إحنا مفعول بنا لا فاعلين فيما يخص عشان بس أبقى واضح معاك. إنت مش السبب الرئيسي في زيادة أسعار النفط عالمياً ولا توتر السوق. توتر السوق أسوأ. يعني لو السوق أو النفط زاد إنت ممكن تتبع ده زيادات بسيطة بتتحوط حاجة بسيطة. لكن إنت النهارده جايلك قرار بزيادات خلاص هتعمل إيه؟ هتضطر تتحرك على أساس. في الآخر بتتحرك عليه.
طيب هتقول لي والله ده الاقتصاد ضعيف. هو اللي فعلاً كلام حضرتك صح. الاقتصاد في ضعف نتيجة إن ما فيش إنتاج. الإنتاج محتاج زراعة وكمان محتاج استهلاك ومحتاج ومحتاج ومحتاج قصة كبيرة وتفاصيلها أكبر. وأعتقد إن إحنا اتكلمنا فيما يخص النقطة دي كتيرة وكانت الأمور واضحة فيها. أعتقد إن أنا في خبر حتى دلوقتي طالع إن برضه الصين بتسعى إلى أو خلال ساعات كمان هتطبق زيادة فيما يخص النقطة دي. في حد سأل سؤال لطيف جدا قال لي طب دلوقتي أنا عايز أقول لك حاجة يا عم عاصر. قلت لك طيب اشمعنى بقى الناحية الثانية في الخليج ما بيزودش بهذه القدرة وبهذه الأموال؟ عايز أقول لك إن في موجة تضخمية على بسيط في الخليج. بس الخليج ليه ظروف معينة. رغم برغم إن الحرب عنده. أول حاجة إن الأنظمة هناك أنظمة ملكية وأميرية وبالتالي بتوفر قدر معين من الرفاهية للشعوبها. وده من باب إيه خدمة السلطة وخدمة الاستقرار. ده رقم واحد. وبالتالي دعمه لاقتصادها بنسبة كبيرة. دعمه لأن عندها النفط والغاز. طب النفط والغاز اتضرب عندك هل تقدر تدعم؟ هتدعم كام سنة؟ هي دي النقطة. يعني معناه إن إنت بتتبع برنامج إصلاح اقتصادي داخلي عندك هنا هو مش متواجد عندهم هناك. وسيبك بقى من قصة الخليج أفضل لأن إنت عارف إن مع أول صاروخين كل الصورة اللي محطوطة دي انهارت. ماليش علاقة. ده مش قصتي ومش كلامي.
طب النقطة الثانية فيما يخص جزء التضخم بالذات وارتفاع الأسعار داخلياً في الخليج. طيب النقطة الثانية إن سعر العملة في الخليج مرتبط بالدولار الأمريكي. وبالتالي تلاقي دايماً الفيدرالي الأمريكي أول ما يعلن خفض الفايدة أو رفع الفايدة أو تثبيت الفايدة تبص تلاقي الناحية الثانية. طيب الناحية الثانية في الخليج دايماً خد نفس القرار. طيب ده جزء. خليني بقى أخش لك على الجزء الثاني سريعاً لأن إحنا الموضوع ده خد مننا أكتر من المفروض نتكلم فيه. لكن إنت كده بقى عندك الأسباب والتحديات وإيه اللي هيحصل وارتفاع أسعار البنزين والقصه دي.
خليني بقى أخش عن طرد القواعد الأمريكية من الخليج. ترامب غاضب من هذه النقطة. بينعت الخليج بالخائن. بيقولوا الخليج خاني. خاني في حرب كان المفروض إن إحنا نتكلم فيها. طيب المعلومة دي عندنا من امبارح من يعني تقدر تقول مصادر دبلوماسية. مصادر دبلوماسية بتتكلم في النقطة دي. قاعدة دبلوماسية. الجميل في القاعدة دي إن إنت لما تقعد مع كذا واحد منهم المصري ومنهم غير المصري. فكله بيأكد معلومة معينة أو تحرك في اتجاه معين. إيه هو التحرك؟ إن الخليج بقى لا يثق في أمريكا. وبالتالي هناك حديث في الغرف والأروقة الخليجية هناك أروقة الحكم بأنه آن الأوان أن يتم تحجيم أو اللعب مع أمريكا سياسياً. هو إحنا نقدر نلعب مع أمريكا؟ آه حضرتك مصر عملتها ولعبت معاها. الخليج مش أقل من إنه يلعب معاها. ما هو جينا عشان ياخد الترليونات هو لسه الترليونات ماتحولت كلها عشان برضه ده بقى واضح معاك. فبالتالي الخليج بدأ يقول لك لأ أمريكا ما عادتش هي الأساس في الحماية عندنا. أمريكا فشلت. الجدار الحديدي سقط. وبالتالي النهارده أنا بدور على حد تاني يحميني أو معادلات أخرى للحماية. أول حاجة لازم أتحرك على الأرض وأوصل رسالة لأمريكا إنك فشلتي. وده اللي حصل دلوقتي بالفعل.
النهاردة الرئيس الأمريكي دونالد ترامب محاصر ما بين اليمين عنده واليسار وما بين الدولة العميقة. الجميع ضده. قليل اللي هو معاه. غلط غلط عمره لما راح ضرب إيران في التوقيت الحالي كان بيظن إن الخليج هيكون عنده من السرعة إنه يشارك معاه في الحرب. وده أعلن هو رسمياً. قال على الخليج أن يشارك أمريكا في الحرب. نحن لا يجب أن نقف وحدنا. هو دخل في عداوة مع بريطانيا. دخل في عداوة مع فرنسا. بريطانيا قالت شكراً أنا مش هرسل حملات الطيارات بتاعتي طول ما أمريكا هناك. النهارده هو امبارح بيقول لبريطانيا أنا مش محتاج دعمك وإحنا هنفضل أصدقاء. لكن مش هننسى الكلام ده. وده عداوة في عرف الدول مش سهل. ما حدش يقف قدام بريطانيا. الشيطان الأعظم. إنت بتتكلم الناحية الثانية فرنسا خاصة بتحاول تعمل اتفاقات إنها تظهر نفسها كبديل عن الولايات المتحدة الأمريكية في الدفاع عن أمن الخليج. إنت بتتكلم عن مصر بقى اللي بتتحرك بطريقة مختلفة وبعتت رجالتها عشان تتكلم في اتجاه مختلف خالص وهو اتجاه الدفاع المشترك أو تأمين أو قوة عربية مشتركة. مش قوة مصرية ولا قوة خارجية. قوة عربية مشتركة ككيان له قوة دبلوماسية زي ما اتكلمنا امبارح وليه قوة سياسية. فدي برضه نقطة ومن أول السطر.
طيب بنتكلم بقى عن قصة طرد القواعد الأمريكية. بدأ الحديث في الأروقة الدبلوماسية عن إن الخليج يستعد لطرد أو تحجيم دور القواعد الأمريكية. لو كان عندي ثلاث قواعد أمريكية في الإمارات كفاية عليهم قاعدة واحدة ويتحجم دورها أو يتم طردها مثلاً. ده أنا بضرب مثلاً. الكويت نفس القصة. البحرين. لا والله لم نعد نرغب في وجودكم أساساً من الأساس. أو قد تعرض أمننا للخطر. هنا النهارده كل أمريكا من جوه بتحاول تطعن في دونالد ترامب لأنه بالفعل خسرهم حليف أساسي. حليف مهم وهو الخليج. البقرة الحلوب اللي بتديهم نفط بتديهم غاز بتديهم ثروات معدنية بتديهم دولارات. دعم الدولار بتاعهم. فالخليج النهارده أو أمريكا بتخسر لأنها دخلت حرب. ولما ترجع تقرا يعني من النوعية اللي بتحب تقرا قوي فهترجع تقرا مثلاً مذكرات برنارد لومونتو جومري اللي هو كان قائد قوات الحلفاء في شمال أفريقيا. أنا قريت الكتاب ده والمذكرات بتاعته. يبان في المذكرات إن الأمريكان ما بيدخلوش حرب ويكسبوها لوحدهم. دايماً مدعومين من أوروبا. فدي النقطة. خد بالك إن أمريكا كانت الزراعة الطويلة لأوروبا. كانت العضلات طول عمر أوروبا هي العضلات. فدلوقتي بيتم تحييد أوروبا هي كمان. فإنت النهارده بتتعامل إنت وإسرائيل في المنطقة وبتبلطج على العالم كله. آه عندك سلاح وتطور. لكن مش هتقدر تنزل على الأرض لوحدك عشان بس نكون واضحين من النقطة دي.
فإنت بتتكلم النهارده عن اتجاه بشكل واضح من الخليج لإلغاء وغلق القواعد العسكرية الأمريكية نظراً لها تهدد أمن الخليج. ونظراً لأن أمريكا قد فشلت بالفعل. وبدأت المملكة العربية السعودية بالتحديد تأخذ خطوات في هذا الاتجاه. كان أبرزها الذي أو الصفقة التي أبرمها ولي عهد الأمير محمد بن سلمان مع مرشد إيران الجديد مجتبى خامنئي. هو لحق؟ آه حضرتك أصلاً هو مترشح أو بمعنى أدق تم اختياره من أكتر من أربع خمس أيام. لكن الإعلان جه مؤخراً. طب تفاصيل إيه؟ هحكيها لك. بس عايز أقفل لك قصة صفقة القرن بتقرير حلو قوي منشور في الواشنطن بوست بيكشف إن إغلاق أو إغلاق القواعد الأمريكية في الشرق الأوسط هو بمثابة ضربة قوية جداً من دول كثيرة لأمريكا بما فيهم دول الخليج اللي تقدر تقول بالبلدي كده قدرت إن هي تحاصر أمريكا التي أفشلت أو فشلت في حربها على إيران حتى وقتنا هذا. بدليل النظام لم يسقط. إيران حتى وقتنا هذا منتصرة. طالما النظام لم يسقط يبقى منتصرة عشان بس أبقى واضح معاك. سيبك بقى من الخساير المادية والجسيمة والقصه دي كلها. هو الأهم إسقاط النظام.
والنهاردة هو بيعلن من دقائق انتهاء الحرب أو قاربت على انتهاء الحرب. الناحية الثانية مدعومة من الصين. وهقول لك الصين دلوقتي عاملة إيه. عاملة مصانع في الداخل الإيراني أسفل الأرض عشان إنتاج صواريخ. وده تقرير كشفه أو كشفته عدد من الصحف بما فيها صحف روسية وأخرى صحف بريطانية. إنت بتتكلم عن ذا تايمز البريطانية بتتكلم على النقطة دي وبتقول لك إن عندهم مصانع لإنتاج المسيرات وأخرى لإنتاج الصواريخ. وإن هي ومهندسيها بتساعد الجانب الإيراني. الناحية الثانية وقال لك كمان مصر تسعى إلى طرد القواعد الأمريكية في المنطقة. وخد بالك ده لصالحنا. ده إحنا بنتكلم بيننا وبين بعض. آه طردها من الشرق الأوسط. صد ده لصالح. عشان أبقى صريح معاك. طب مصر بتسعى إزاي؟ عن طريق إنها بتعلن رسمياً إن هي لازم يكون فيه قوة عربية مشتركة. ومش معنى قوة عربية مشتركة إن أنا هشتبك عسكرياً. اطلاقاً. بس هيكون لها من القوة والنفوذ ما يخليهاش يسيطر على أي مكان في النقطة. أي مكان في العالم. فده النهاردة إنت بتتكلم إن التقرير اللي نازل في الواشنطن بوست مكتوب حلو قوي وبيتكلم عن إن تسريبات البيت الأبيض بتوحي بأن ترامب قد فشل فعلاً في حملته على إيران. فدي كانت كارثة سوداء. تتكلم عن طرد القواعد الأمريكية في المنطقة. الجميع يسعى للتخلص منها لأنها بتيجي ومعاها الأزمات ومعاها الفساد ومعاها الخناقات ومعاها عدم استقرار الدول وغير قادرة على حماية الدول. وبالتالي سقطت معادلة حماية الخليج التي كانت تسوقها أوروبا.
طيب يعمل إيه الخليج؟ يعمل الصفقة اللي عملها الأمير محمد بن سلمان. ودي صفقة بدأت دلوقتي مصادر استخباراتية تسربت. يعني كم كبير من الصحف أبرزها صحيفة زي نيويورك تايمز في مقال حلو قوي تحليلي. وبالإضافة كمان لكده في تقرير أو بمعنى أدق الكلام لسيناتور أمريكا اسمه لينزي جراهام. الراجل ده قالب الدنيا خلال الساعات اللي فاتت. ده واحد من الناس المدعومة قوي أو اللي هي ليها علاقة قوي بإسرائيل وسيناتور جمهوري وبيتكلم بشكل واضح عن النقطة دي. بيتكلم بيقول إن بالفعل نحن لدينا معلومات بأن الأمير محمد بن سلمان عن طريق الذراع الاستخباراتي بتاعه تواصل مع مرشد إيران مجتبى خامنئي. اللي هو رجل أشد تعقيداً من أبيه. أبوه كان عنده يعني روح التريث. لكن ده بيقولوا إن هو يعني أكثر قوة أكثر شراسة. قاد عدد من مظاهرات قمع الإيرانيين خلال مظاهرات يناير وغيرها. لديه قوة أو هو يدير الذراع الاقتصادي للحرس الثوري الإيراني. لديه ثروات هائلة في بريطانيا وعدد كبير من دول العالم. لاعب رئيسي في بورصات العالم. وضيف عليها بيتكلم إن هو راجل هيكون أشد قوة من علي خامنئي اللي هو والده. يعني إحنا ممكن نسمي مجتبى خامنئي خامنئي الثاني. جميل. ده حلو قوي. يبقى إحنا كده أصحاب الاسم ده. فخامنئي الثاني هيكون أشد وأقوى. وبريطانيا و في في في قد أعلنت اليوم أن إسرائيل فشلت في حملتها. طالما وجود خامنئي هذا على رأس النظام مرة ثانية.
فإنت بتتكلم إن هذا الرجل تواصل معه الأمير محمد بن سلمان وقال إن إحنا يهمنا استقرار المنطقة. وبالتالي لابد يكون في بينا وبينكم تفاهم بشكل واضح جداً. إحنا لسنا طرف في هذا النزاع وهذا الصراع. وخلاص القواعد الأمريكية أصبحت خالية. وبالتالي لا حاجة لاستهداف البنية التحتية في المملكة العربية السعودية أو أياً من دول الخليج. وبالتالي هيكون في صفقة استقرار ما بينا وما بينكم. ما فيش أي أزمة. وهنحاول نضغط مع الولايات المتحدة الأمريكية. لكن لابد أن تعلموا أيها الإيرانيين بأن الخليج أو بأننا كخليج يعني ده الكلام بقى اللي وصل. لم نعد مهتمين بالتحالف مع أمريكا. وإن إحنا بنسعى دلوقتي لتنويع مصالحنا. وحابين نحط إطار لمعادلة الأمن ومعادلة التعاون اللي بتجمعنا ما بينا وما بينكم. ما بين إيران وما بين الجانب الآخر السعودي. ده مش معناه إن إحنا هنصفي أو الخليج يعني هيصفي لإيران أو إيران تصفي للخليج. اطلاقاً. اطلاقاً. أمال إيه؟ ده شغل السياسة. خلاص إنت بتتكلم النهارده إن هي دي معادلة الأمن الوحيدة. المعادلة إن أنا ما يتضربش استقراري. ولأن خد بال حضرتك في كتاب حرب العملات اللي هو نائب رئيس جهاز الاستخبارات الأمريكية قال جملة مهمة جداً. قال إن أمريكا بتسعى وكت اللي قلناه النهارده في لايف مهم قوي أو في حلقة مهمة النهارده نزلت من شوية. أعتقد قبل الفطار. آه قبل الفطار. بتتكلم عن إن الحرب أو الكتاب ده بالتحديد بيقول إن دي سياسة أمريكا من زمان إنها كل وقت ثاني بتعمل غربلة اقتصادية عشان توقع كل استقرار الدول. وبالتالي كل حلفائها يكبر ليها توقع لحد ما يوصل لمرحلة من الاستقرار ما يقعش. فساعتها بتشوف بديل ليه يسقطه. هو. فدي كلها حرب أمريكية. فالخليج يعلم أن أمريكا قد خانته. وأن أمريكا قد سعت لتوريطه في حرب ليس لها بكفر ومش على أجندته وليست هي الخيار الأساسي بالنسبة له. وسعى لتوريطه اقتصادياً وسياسياً. حتى كان رده إن هو منع إرسال الأموال الترليونات اللي هو بيتكلم فيها. لأن خد بالك دي مش بتضخ بين يوم وليلة أو سنة أو اثنين. دي بتاخد وقت عشان يتم ضخها. حتى لو هيتم نقلها مش كاستثمارات كفلوس سائلة. لكن في النهاية منع القصة دي.
فالنهاردة بتتكلم عن الصحف الأمريكية وحتى صحف الشرق الأوسط بدأت تحلل التقرير ده. وحتى مصادرنا الدبلوماسية اللي قعدنا معاها قال لك فعلاً إن هناك اتجاه بالفعل إلى إبرام أو يكون في اتفاق ما بين الجانب الإيراني والجانب الآخر في الكليك. حتى تستقر الأمور بشكل واضح. عندك مصر والمملكة العربية السعودية بيضغطوا على الإمارات حتى لا تندفع الإمارات لصدام عسكري. والنهاردة الإمارات عندها أزمة كبيرة جداً دبلوماسية مع الجانب الإسرائيلي اللي أعلن بشكل واضح. وخد بالك لما يجي يعلن إحنا عندنا هنا في مصر الدولة مش مسيطرة على الإعلام بنسبة 100%. الدولة المصرية لها قنواتها اللي بتتكلم بالنيابة عنها. لكن إحنا كصحفيين مثلاً ما فيش حد بيقول لي اتصل اعمل كذا وخلي كذا وسوي كذا وقول دي وما تقولش دي. دي نقطة مهمة.
بقول كده ليه؟ لأن في الخليج بقى الأمور غير كده خالص. الخليج هناك سيطرة بشكل كامل على الإعلام عشان بس أبقى واضح معاك. فبالتالي إنت بتتكلم النهارده عن كل الأقلام الخليجية بتتكلم عن حاجتين. لابد من أن يكون هناك طرد للقواعد الأمريكية. فبالتالي رأي عام خليجي لأن الداخل الخليجي بيعمل كده وبيتكلم في ده. بالاضافة لنقطة ثانية مهمة وواضحة. إن هو بيتكلم إن لابد من يكون في معادلة حماية ما بين إيران وما بين الجانب الأمريكي الناحية وما بين الجانب الخليجي الناحية الثانية. وبالتالي لابد برضه من الضغط على الإمارات حتى لا تندفع في أي صدام عسكري. لأن الإمارات تم حمل حبتين في النقطة دي. بتسعى أو ما بتتعاملش بدبلوماسية في النقاط دي. لكن السعودية حتى وقتنا هذا إلى حد كبير بتحتوي هذه الأمور. برغم إن الحوثي بيتم الضغط عليه للدخول إلى الحرب. وإنه لو استهدف هيستهدف إسرائيل. المملكة العربية السعودية. دول الخليج. دول الخليج دلوقتي على الحياد. مجرد رد فعل لفعل. فدي نقطة مهمة حابب إن أنا أتكلم فيما يخصها بالتحديد.
النهاردة أمريكا غاضبة من خيانة الخليج. كل السيناتورز وكل الصحف الأمريكية بتتكلم في النقطة دي. إن الخليج قد خان أمريكا في حربها. وإنه كان لازم يدخل معاها في هذه الحرب. طب إزاي ده إنت دخلت حرب بدون ما تستأذني أنا كخليج؟ إنت بتورطني في حرب أنا كنت رافض الحرب دي من الأساس. ما كنتش عايز أدخلها. النهاردة نفس القصة بتحصل لما الخليج بيطلب أو إن بيحصل ده. كان تسريبات دبلوماسية لحد قبل اللايف بساعة. دلوقتي خلاص دونالد ترامب أعلنها رسمياً. إن على الخليج أن يدخل حرب مع إيران. طب الخليج مش هيدخل. هنا بقى تتأكد الرؤية المصرية. خدت بالك إن مصر قالت أوعى يا خليج تدخل الحرب دي بأي حال من الأحوال. ليه؟ لأن أول رصاصة هتنطلق من الخليج بعدها بساعات هيتراجع الدور الأمريكي والإسرائيلي ويقعدوا في المقاعد الأولى للمتفرجين يشوفوا الحرب اللي شغالة لحد ما ينسحبوا بشكل نهائي جداً من هذه الحرب. فدي برضه نقطة كنت حابب إن أنا أكلمك فيما يخصها.
طيب إيه القصة فيما يخص الرئيس المصري عبد الفتاح السيسي اللي هي لعبة السيسي شديدة الخطورة؟ إيه القصة؟ هو الرئيس السيسي بيفكر في إيه؟ إنت بتتكلم عن اجتماع النهارده كان بالفيديو كونفرنس مع الرئيس السيسي والاتحاد الأوروبي. جميل. امبارح وزير الخارجية المصري بيتكلم في معلومة دبلوماسية إن مصر تسعى أو تدعو إلى تشكيل قوة عربية مشتركة لحماية الأمن العربي والخليجي وغيره. جميل. بكلمك أنا في تسريب أو معلومة مسربة من ثلاث أربع أيام إن رجال مصر متواجدين في الجانب الخليجي هناك بيتفاوضوا إن يكون في فعلاً قوة عربية. وسواء ده حصل أو ده ما حصلش فإنت النهارده بتلعب بورقة مهمة جداً.
طيب صحف بقى الجانب الأمريكي والصحف الإسرائيلية بالتحديد هنتكلم على الصحف الإسرائيلية في النقطة دي. قالت إن السيسي بيلعب في منطقة شديدة الخطورة. إن هو بيسعى إلى استغلال الفشل الأمريكي والإسرائيلي. والله عجبتني المعلومة دي منهم. والله ما كذبوا بصراحة. فعلاً هي صحافة إسرائيلية بس صادقة في النقطة دي. الفشل الأمريكي والإسرائيلي في ضرب إيران والقضاء عليها بشكل نهائي. وبالتالي هو بيلعب على أخطاء الجانب الأمريكي. طيب أخطاء الجانب الأمريكي إن هو دخل في عداوة مع أوروبا. عداوة مع الصين. عداوة مع روسيا. وجايب لك حاجة إيه حاجة كده إيه تخص الصين مهمة قوي والجانب الآخر. عداوة مع الخليج. آه الخليج تورط وتأذى وتضرر. اليوم بيتكلم في مليار دولار فيما يخص خسائر النفط وأكثر والطاقة. أنا ما اتكلمتش بقى في صد الهجمات الصاروخية والقصه دي. لا. أكتر بكتير. ممكن بعض الدول تخسر 2 مليار دولار يومياً فيما يخص الخليج. آه ممكن تكون الخساير نزلت شوية. فدي برضه نقطة مهمة لازم تاخد بالك منها. ده حاجة. طيب تصدير وتعطيل وتضخم قصص كبيرة.
طيب ده كله مصر بتلعب عليه. تعالى بقى النهاردة عدم وجود قواعد أمريكية صالحي. النهاردة لما بتكلم عن معادلة حماية وعن التحالف ما بين أوروبا وما بين مصر وما بين دول الخليج. لا ده في صالحنا. ده في صالحنا كلنا. ليه؟ لأن التحالف الأوروبي لحد ما بيكون مضمون شوية عن التحالف الأمريكي. الناحية الثانية التحالف الأوروبي هيبقى تحالف ند لند. النهاردة أوروبا ما بينفعش تمشي فرادة. لازم تمشي تحالفات. ده طبعها من زمان. تم تحييدها الفترة الأخيرة بسبب أمريكا. فده النهاردة بترجع للملعب مرة أخرى بس بتلعب. بترجع إزاي دي نقطة مهمة. دي نقطة مهمة. ترجع الملعب بطريقتها بقى. ترجع بالملعب بتحالفات مع القاهرة. تحالفات أخرى في الداخل. النهاردة بتتكلم عن التحركات دي كلها تحركات خطرة. النهاردة أوروبا بتبقى بتسحب بعثاتها من العراق. والعراق اللي خلاص على شفا إعلان حرب داخلياً. لأن حتى الكويت أبلغت العراق بأن في جماعات من عندها بتضربها. فدي كارثة. النهاردة بيحب بيجري توريط العراق في الحرب الإيرانية. وإيران هتعمل كده. إيران قدرت إنها تصدر الأزمات للخارج. قدرت إنها تقلبها حرب. مش خليج حرب إقليمية بالفعل. أديك شايف بنتاذى اقتصادياً. نتاذى دبلوماسياً. نتاذى عسكرياً. أمور مش متوترة. عمليات تجسس رايحة جاية. عمليات صدامات رايحة جاية. تقليل نفوذ رايحة جاية. وحتى ما قيمة وعد ترامب اللي قال لك إن الحرب انتهت. اطلاقاً. لا العكس. حتى لو هيكملها حرب باردة مش هيسكت. لأن دي هزيمة حقيقية للجيش الأمريكي. هتقول لي ده دمر إيران؟ هقول لك مين قال لك إن دمرها؟ هو داخل إيران لاسقاط النظام وتحييد النووي الإيراني والسيطرة عليه. ويا ريت كمان خطفه. بالإضافة إلى تقدر تقول تدمير الترسانة الصاروخية والترسانة البالستية. وده ما حصلش. لسه بنتكلم عن الصاروخ وزنه طن هيبدأ يطلع دلوقتي بيحمل رؤوس وزنها طن. على ما أعتقد. آه وزنها طن. صواريخ وزنها طن كلها عشان تضرب الداخل الإسرائيلي. آه ممكن تكون هو الخساير مش زي ما إنت عايز. لكن في النهاية ده تهديد واضح. في تصاعد. إسرائيل أو إيران خلصت الترسانة القديمة وبتشتغل دلوقتي على الترسانة الجديدة. الأسلحة المتطورة عندها. فدي برضه نقطة ومن أول السطر.
سوريا النهارده بتلعب بالنار. ده برضه خبر جايبه لك قبل ما أروح للخبر الأسوأ وهو إشعال النار في حديقة مصر الخلفية. القصة النهارده سوريا بتعرض على الجانب اللبناني إنها تشارك في حملة عسكرية للقضاء على حزب الله اللبناني. دي نقطة. اللي هو أحد أذرع إيران. ده الأول عرض. أنا قلت لك إن هو حشد قوته من أسبوع. ما حدش صدقني. والبعض قال إنت جايب الخبر منين يا سيدي؟ جابه لك من جوه سوريا. المهم إنه جالك من جوه لبنان. المهم إنه جالك. فهو هو بيحشد قوته دلوقتي وعشان بدعم من إسرائيل. آه الاثنين متفقين في النقطة دي تحت مسمى السياسي يدخل الأراضي اللبنانية. وفي الآخر هيك بقطعة أرض وتبقى الخلاف ما بينه وما بين لبنان والأزمة تكبر. والنهاردة لبنان عدد النازحين وصل فيها 540 ألف نازح من الجنوب حتى الشمال. فدي أزمة كبرى. الجيش اللبناني انسحب. قال لك مش هدخل. دي مش حرب. وده بأوامر من الدولة. النهاردة في اشتباكات ما بين حزب الله. آه. بس هل هو قادر على تغيير المعادلة؟ لو قادر اتفضل وكلنا نسقف لك. بس ده ما حصلش. فدي برضه حاجة ثانية. فتخد بالك إن هو حتى وتز أقدم العرض للجانب اللبناني. لبنان ما ردتش. لأنها عارفة إن عدم ردها أو ردها بالموافقة ده هيورطها أكتر وأكتر لبنان في حرب هي مش قدها. حرب أهلية. حرب طائفية. ده غير الحرب مع إسرائيل وغير توتر الدولة. فدي برضه نقطة ثانية حبيت إن أنا أكلمك فيما يخصها.
أمريكا أو أوروبا بتعمل تحالف عسكري وبترسله إلى قبرص لحماية قبرص من الصواريخ الإيرانية. خد بالك قبرص أصلاً بتستضيف كل الطيران المدني الإسرائيلي وبعض الطيران الحربي اللي هو الثمين قوي. وفي قواعد هناك. قواعد بريطانية. قواعد فرنسية. وكمان قواعد أمريكية. فالنهاردة بيبعتوا أسطول كامل لحماية قبرص بما فيها بقى اليونان هي كمان بترسل جزء من هذا الأسطول.
طيب عندي خبر مهم قوي فيما يخص حظر جماعة الإخوان في السودان. ودي برضه نقطة من أول السطر. كنت عملت لكم حركة أو حلقة مجتبى خامنئي امبارح قبل ما يتم إعلانه الرسمي. عملناها امبارح قبل الفطار. الحلقة دي كنا بنتكلم فيها عن إن الإخوان هي ذراع من أذرع المرشدية أو مرشد إيران. عشان بس أبقى واضح معاك. الإسلام السياسي فيما يخص الشيعي والسني. الاثنين مع بعض. فإنت بتتكلم النهارده إن فجأة تم إعلان داخل الولايات المتحدة الأمريكية بأن الجانب الآخر فيما يخص الإخوان. إخوان السودان. إعلانها منظمة إرهابية. طيب ليه بقى الكلام ده كله؟ وعشان دعمها الحرس الثوري. كده الأمور بتشتعل في منطقة القرن الأفريقي. خد بالك إن التحركات دي عقاب. عقاب بقى للخليج لما تم إشعال حرب إيران. عقاب لمصر لما جت مصر وقفت ضد مخططات دونالد ترامب. لما جه قال لك عايز تهجير وانت قلت له مش هيحصل تهجير وتحديته علناً. جبت العالم كله عندك وقلت في كل الأحوال لن ترضى مصر بتصفية القضية الفلسطينية ولن تسمح مصر بتهجير الفلسطينيين. وفي كل الأحوال لن يكون على حساب مصر. مش هفتح لك البوابة عشان بس تبقى واضح. فالنهاردة لا من وقت للثاني مطلوب إن ليبيا والجانب السوداني يفضلوا مشتعلين. طب السودان لو كان البرهان الأمور استقرت ليه والدولة كلها في قبضته كان هيتم تطهير الإخوان واحدة واحدة من الداخل السودان. لأن السودان فيها نسبة كبيرة من الإخوان وداعمة بشكل أساسي لإيران. وكان فيها مد ونفوذ قوي جداً من إيران. كان بيتم اللعب في حديقة مصر الخلفية من إيران. عشان كده مصر كانت واقفة لهم هناك في بورسودان ما يعملوش قصة الحرب أو قصة القاعدة العسكرية اللي محتاجينها. لكن لهم نفوذ.
قوي. هناك فالنهارده اصبحت او تم تصنيف جماعة الإخوان بأنها جماعة إرهابية هناك وحظر عملها في الداخل السوداني. وده بيأثر عند حضرتك لأنه جايب توقيت سيء جدا. توقيت مش لطيف، سيء فوق ما تتخيل.
لأن المفروض الأمور تستقر إلى حد ما. السودان دلوقتي بيتم فيها طيران مجهول واخدها كسح يمينا ويسارا بأمانة. عشان بس أبقى واضح، مستغل إن الظرف العالمي أو الكاميرا كلها ناحية إيران والخليج. وهو بيحاول على قد ما يقدر. الطيران المجهول ده مش عارفين هو مين لحد دلوقتي بيضرب في السودان والدخل السوداني. وعشان يقدر يمكن الجيش السوداني من السيطرة على ضي.
وبالفعل قوات الجيش السوداني بتحاول إن هي توصل بقوة جدا إلى الحدود وتسيطر على ميليشيات الدعم السريع الناحية الثانية. فانت النهارده بالقرار ده والإخوان منخرطين داخل الصفوف ولهم جماعات في الجيش السوداني أو داعمة للجيش السوداني مش داخل الجيش بنفسه مكون من مكونات الشعب السوداني. ده ما كانش قراره. ده مش وقته. انت بتفتحي أزمة في الداخل السوداني. كده انت هتفرض عقوبات على تسليح الجيش السودان. هتفرض عقوبات على الاقتصاد السودان. وبالتالي هنرجع تاني السودان في البلوك. فكده في أزمة كبرى. كده انت بتحاول تلاعب مصر.
هتقول لي ده ترامب بيحترمنا. اه طبعا بيحترمنا. ما يقدرش يتعامل قصاد مصر بحاجة وبيقدرها. لكن هي دي السياسة يا صديقي. لا صداقة. لا عداوة. لا اتفاق تام. لا اختلاف تام. الجميع كله في الآخر بيجري ولا حاجة واحدة فقط هي المصلحة. المصلحة اللي بتحرك اللي كل حضرتك بتشوفه ده في التوقيت الحالي.
عموما من ارتفاع أسعار البنزين وتوتر سلاسل الإمدادات إلى ارتفاع الدولار وتراجع الجنيه وأزمات اقتصادية في الداخل المصري والخارج. اتجاه الخليج لرفع أو لغلق القواعد العسكرية في المنطقة. أعتقد أن الأمور القادمة المنطقة ستشهد تداعيات أكثر وأكثر. هنكون معاكم في لايف على مدار الساعة نتكلم فيما يخص البنزين مرة ثانية. نتكلم فيما يخص الدولار مرة ثانية. كل الأصوات لازم توصل للدولة وللحكومة بأن لابد أن يكون في لينا برنامج اقتصادي خاص بينا. البرنامج ده يخلينا دايما إحنا فعل ولسنا رد فعل. لأن ده كان سبب رئيسي في التوترات اللي بتحصل قدام حضرتك.
نقطة أخيرة. رفع أسعار أو خفض الجنيه بالتحديد قدام الدولار في نقطة صغيرة قد كده. اللي دخل لك بمليون دولار والدولار بـ 47 جنيه عشان يشتري أذون خزانه النهارده. وعشان يطلع من عند حضرتك المليون دولار اللي دخل بيه ده هيضطر يطلع بيه ما يقابله اللي هو 52 جنيه 53 جنيه يا سيدي. يعني لو دخل مليون دولار هياخدهم حوالي 870,000 دولار. فدي برضه نقطة ثانية. عقاب ليه يا تقعد بقى تستنى يا تاخدها بخسارة. دي نقطة كنت حبيت أوضحها لحضراتكم.
سعدت قوي باللايف مع حضراتكم لحد ما أشوفكم. أترككم في رعاية الله وأمنه. شكرا لكم. سلام طيب.