الدخول البرى بدا و امريكا تبدا فى تدمير ايران بالكامل و ايران ترد فى الخليج و الشرق الاوسط تحت القذف

تطور خطير جدا. قوات المارينز الأمريكية رايحة على إيران، وده حصل بعد ما إيران بدأت تلغم مضيق هرمز. إحنا يا جماعة شايفين تغيير واضح وخطير. ترامب مصمم إن هو يخرج منتصر. واللي حصل امبارح في إيران غير مسبوق. ضربات غير عادية، وبدأ كلام وزير الحرب الأمريكي يتطبق، اللي هي الضربات الافتراضية. بقى اللي هي عدينا من الضربات البسيطة للضربات اللي فيها فترة. الأخطر هو ضرب البنية التحتية. مش كده وبس، أي مكان أمني داخل إيران بيتضرب. إسرائيل بتحذر سكان إيران: ما تقربوش من مكان أمني، لأن إحنا ناويين نموتهم كلهم. في معسكرات بالفعل اتضربت، وفي قادة تم اغتيالهم. قاضي فين؟ في الحرس الثوري. فإحنا رايحين لوضع مختلف تمامًا. اللي هي فكرة إيه؟ إن أنا كأمريكا ما ينفعش أخرج مهزومة.

طب الناس تقول لك يا عم لا، ده إيران انتصرت معاك. ماشي، وإيران بتقف بقوة والشعب نزل ووقف وقادة إيران، رئيس إيران بقى، رئيس المجلس القضائي، وزراء نزلوا في الأرض وما همهمش. لكن المشكلة بالنسبة لي بعد الحرب هيتبقى إيه في إيران؟ دي النقطة الجوهرية بالنسبة لي. أنا ما حدش بيتكلم في الحاجات دي خالص، كله بيتكلم في الحرب بس. أنا شايف دولة ضخمة، إمكانياتها قوية، عليها عقوبات. لو تم نسف كل الدولة دي على الأرض، وده بيحصل ولسه مكملين. إحنا قدامنا أسبوعين على الأقل قبل ما ينزل المارينز للأرض. ده معناه إيه؟ إن هو بيجهز. مش هينزل جندي واحد غير لما يحمي المكان اللي هينزل فيه الجندي. وعايز يتحكم في مضيق هرمز وياخد جزر إيرانية.

يستولي على جزر. النهارده يا جماعة عندنا حلقة خطيرة جدًا. في كلام خطير، في تفاصيل مش هتسمعها غير معايا. في البداية بطلب منك تعمل إعجاب على الفيديو وتشيره. لو أنت جديد اشترك، ويلا نبدأ على طول. خلينا نبدأ وكلام خطير جدًا من قادة أمريكا على رأسهم ترامب. بيقول لك: "إحنا هنضرب البنية التحتية للبترول في إيران لو ما فتحتوش المضيق". طب ما هو ممكن برضه يخش يضرب لك الخليج. الكلام الأخطر هو اللي قاله وزير الحرب ومعاه كمان رئيس الأركان. وزير الحرب الأمريكي كلام خطير جدًا، وخلي بالك ما تاخدش الكلام ده كده أي كلام. الكلام بيتقال بيبقى في خطة وبيتنفذ على الأرض. وزير الحرب الأمريكي قال لك: "إحنا ضربنا 15,000 هدف". يا جماعة ده رقم مهول لازم نعترف بده. كمان قال لك: "إحنا هنبدأ بقى إيه نضرب الضربات الثقيلة". الضربات الثقيلة يا جماعة، أنا قلت لك قبل كده إن المطار بتاع إيران مش موجود. المطار المدني. إني ضرب السفن، الأسطول الإيراني اتضرب. واللي يقول لك ما اتضربش قول له حاجة بسيطة. لما يكون ما فيش دفاع جوي وفي طيران في السماء وفي سفن، بتبقى السفن كبيرة سهلة الاستهداف. الموضوع خلصان. ما تقدرش تحميهم، لأنك أنت ولا عارف تعمل دفاع جوي ولا عارف تصطاد الطيارات ومش هتعرف تحمي السفن. فبالفعل تم تدمير الأسطول الإيراني أو معظمه.

كمان النهارده، النهارده بقى بدأت ضربات خطيرة جدًا على جزر. خلي بالك إيرانية وبنية تحتية. وبدأ بقى وزير الحرب يقول لك إن المرشد اللي موجود في إيران مستخبي. وقال لك زي الفران. كلام طبعًا صعب جدًا. وقال لك إن هو مصاب واحتمال يكون مشوه. طب ليه بيقول الكلام ده؟ لأن خلي بالك طلع التلفزيون الإيراني وقال إن في بيان طالع من مرشد إيران الجديد. كلنا كنا مستنيين. فطلع بعد كده صوت بس، قلنا احتمال يكون صوته هو اللي بيتكلم. بعد كده طلع إن المذيع هو اللي بيتكلم بيان فقط. فكل بيقول لك هو حالته عاملة إيه؟ حالته الصحية أخبارها إيه؟ هو مش قادر يتكلم، هو مشوه. وفي نقطة خطيرة، هو تم تعيينه فقط لأن ترامب قال: "أنا مش عايزه". لأن كان في اختيارات تانية. كده ترامب تسبب في تعيينه. النقطة الأهم والأخطر هو موجود فعلاً. والنقطة اللي بعد كده ودي نقطة مهمة جدًا، هل هو مستخبي؟ مش عايزين يطلعوا صوته أو صورته عشان نواحي أمنية. ممكن جدًا، لأن بكل تأكيد ممكن يموتوه. تبقى مصيبة لإيران. كده إيران مش عارفة تحمي أي حاجة.

طيب خلينا بقى نفهم المواضيع كده وإيه مكاسب إيران وإيه الخساير والوضع رايح لفين. وزير الحرب الأمريكي كمان قال لك إن إحنا قضينا على الصواريخ والطائرات القصيرة. وباقي الصواريخ اللي بتطلع بتضرب من أماكن مدنية بيخفوها في أماكن مدنية عشان ما نقدرش نضربها. ده كلام وزير الحرب خلي بالك، مش كلام حقيقي. إحنا بنقول كلام وزير الحرب. فركز قوي. لكن أغرب تعليق طلع من وزير الحرب هي إن القادة الإيرانيين يائسين ومستخبيين وخايفين. في نفس اليوم شفنا وزراء، رئيس إيران، قادة طالعين على الأرض وبيحتفلوا. آه كان في ضربات جنبيهم، لكن في النهاية طلعوا وردوا على وزير الحرب. أنا قلت لك قبل كده، وده كلام كلام مهم جدًا يا جماعة. في عقيدة مهمة جدًا في إيران. فكرة الحسين. الإمام الحسين اللي واجه الجيش الأموي، جيش كامل وتم قتله. خلي بالك والتمثيل بجثته. فتخيل لما يكون الناس شايفين إن الإمام هو القدوة بتاعتهم، إزاي يمشوا في اتجاه آخر. هتلاقيهم دايما بيحاولوا يكونوا في نفس الطريق. وهي دي النقطة الجوهرية والمحيرة. في ناس تقول لك: "هو إزاي المرشد ما يستخباش؟" باش ده الكلام ده ضد الحكمة وضد الدولة. لأن هو عنده عقيدة. لو عمل عكسها هتبقى مشكلة. تخيل إن المرشد لما عرف حسن نصر الله مات قال جملة خطيرة جدًا. قال: "كنت أتمنى إن هو يموت فوق على الأرض مش تحت الأرض". بس أخطر كلام اتقال ولو حصل هتبقى كارثة في المنطقة كلها. هو كلام ترامب مع فوكس نيوز. قال لك إن الشعب الإيراني عشان يوقع النظام ده محتاج سلاح. ليه؟ لأن النظام ده عليه عقوبات، يعني مش هيخاف. ممكن يقتل أي حد ينزل في الشارع ومش هيخاف من أي عقوبات، لأن هو بالفعل عليه عقوبات. طب المشكلة فين؟ المشكلة إن الشعب معوش أدوات. محتاج سلاح. قال لك على فكرة أنا ممكن أضرب الكهرباء كلها وتحرق له الميه. يعني ممكن أخلي النظام ده الناس تصور عليه. تصور عليه. وده كلام خطير جدًا. لأن إيران مش هتسكت. والهدف مش هيكون إسرائيل. للأسف الهدف هتكون دول الخليج. ودي الكارثة اللي لازم نتكلم فيها.

بصوا، لما نعرف إن أمريكا بعت قوات مارينز نتكلم ما بين 2500 جندي والمجموع كله بالبحارة 5000 للمنطقة. وممكن ينزلوا على الجزر والأرض. ده معناه إن خلال الفترة دي اللي هم أسبوعين على ما تيجي القوات هيكونوا بيجهزوا المنطقة. إن هم لو نزلوا على الأرض ما يكونش فيه أي ضرب عليهم. معنى كده إن إحنا داخلين على أسبوعين طحن لغاية لما تيجي القوات. المارينز جايين من اليابان على فكرة. طب في الأسبوعين دول وأنت بتطحن إيران، إيه اللي هيحصل للخليج؟ ما ده السلاح الوحيد اللي في إيد إيران. وإيران شغالة ضرب. امبارح أنا شفت وأنا بتابع كده قطر بتضرب. بس عارفين إيه أغرب حاجة في ترامب؟ حاجة تجننك. يعني الدنيا مقلوبة في أمريكا من تصريحات ترامب. لأن هو صريح زيادة عن اللزوم. سألوه: "هو ممكن تكون روسيا بتساعد إيران في الحرب؟" قال: "آه ممكن تكون بتساعدها". فقالوا له: "طب أنت إيه رأيك في الموضوع ده؟" قال لك: "طب ما أنا كمان بساعد أوكرانيا". ما طبيعي زي ما أنا بساعد أوكرانيا، روسيا بتساعد إيران. يعني اللي بيعمله بوتين مش غلط. كلام غريب. كلام غريب جدًا يطلع من رئيس أمريكا. حتى لو منطقة صح، هو في المنطق على فكرة كلامه مظبوط. أنت عايزني أنا أساعد أوكرانيا وأبهدل روسيا وأديهم إحداثيات وأديهم كمان شغل مقابلات أمريكا القوي وأجي أحارب أنا إيران؟ يقول لي: "لا، أنا مش هقرب من إيران ومش هديها أي حاجة". لا، طبيعي إن هو يساعد إيران. طب السؤال المهم، هو فعلاً روسيا بتساعد إيران؟ هنا بقى وزير الدفاع البريطاني جون هاليه طلع وقال لك كلام مهم جدًا. قال لك إن في مسيرة ضربت قاعدة إنجليزية. وخلي بالك بيحبوا بعض قوي إنجلترا وروسيا في أوبرس. لما جابوا المسيرة دي لقوها روسية فيها تدخل روسي. فقال لك إن روسيا بالفعل هي اللي بتحرك تكتيكات إيران كلها في الحرب. والشغل ده شغل روسي، شغل روسي فاخر. مش كده وبس، رئيس العمليات المشتركة في الجيش البريطاني قال لك: "إحنا عندنا بدل الدليل 10 إن روسيا بتساعد إيران". مش بأسلحة ولا قوات، لكن شغل فني على أعلى مستوى. وفي مكسب مرعب لبوتين في الموضوع ده. بالراحة كده، كل ما الحرب تطول البترول بـ 100 دولار. ملايين ملايين ملايين. أعوض خسائري في أوكرانيا. فهو لو عليه عايز الحرب دي تقعد سنة. هو مش فارق معاه إيران، إن شاء الله حتى إيران تتفرتك. هو فارق معاه إن هو يستفيد أكبر استفادة. ده كفاية إن ترامب رفع عنه الحظر ده. يعني مكاسب بالمليارات. فبوتين هو أكتر واحد كسبان في الحرب دي فوق ما تتخيل. ولما تيجي بقى المارينز ويبدأ يشتغل، هو أنا في بس الموضوع هيجنني. عمال أفكر فيه، إزاي الجيش الأمريكي مش قلقان من نزول قوات مارينز؟ قوات على أعلى مستوى خلي بالك. عشان كده أنا بفكر إن الأسبوعين اللي جايين دول هيكونوا الأخطر داخل إيران. الضربات اللي هتحصل ضد إيران هتكون مهولة. لأن الجيش الأمريكي هينزل جنود غير لما يضمن إن بنسبة كبيرة جدًا مش هيحصل عليهم ضربات. وده ما يحصلش غير لو إيه؟ قضوا على الصواريخ أو على الأقل منصات الصواريخ واتحكموا في مناطق ضخمة جدًا في إيران. واحتمال كمان يكون الوضع رايح لاسقاط إيران بالكامل. أخطر حاجة سمعتها من بداية الحرب هي قصة المارينز دي. ده بيقول إن هم لازم يسيطروا سيطرة كاملة. والسيطرة الكاملة دي هتؤدي لتدمير معظم إيران. للأسف.

خليني أقول لك على حاجة بس دي تقديرات أمريكا. فأنا مش بقول لك الحقيقة. أنا بقول لك أمريكا بتقول إيه. بتقول لك إن إحنا دمرنا ثلثي منصات الصواريخ. وقال لك إن الهجمات الإيرانية انخفضت بنسبة 90%. لو الأرقام دي حقيقية معنى كده إن في ضربات صعبة جدًا ضد الصواريخ. خلي بالك من غير منصات صواريخ ما فيش صواريخ. كمان بيقول لك إن هجمات الطائرات المسيرة انخفضت بنسبة 95%. رغم إن إحنا كل يوم بنشوف أعمال. بس خلي بالك الضربات اللي موجودة داخل إسرائيل في نسبة كبيرة منها جاية من داخل جنوب لبنان. وعشان كده إيران دخلت جنوب لبنان لما لقت إن أعداد الصواريخ بتروح قليلة. فبدأت تدخل جنوب لبنان. كمان إيران دخلت في استراتيجية جديدة. أنا مش عارفة أضرب صواريخ كتير، هضرب صواريخ مؤثرة. علشان هم يهمهم جدًا إن يفضل الزخم بتاعهم في الضرب مستمر. النقطة المهمة جدًا، إمتى تهزم إيران؟ مش انتصار لأمريكا بقى، تهزم إيران بمعنى الكلمة. حاجتين: لو تم التحكم في مضيق هرمز من أمريكا، ده انتصار ضخم جدًا لأمريكا في رأيي وهزيمة لإيران. لو الضربات على الخليج تم التحكم فيها بقوة، دي برضه ضربة كبيرة لإيران. لأن دول أقوى سلاحين عند إيران. مش إسرائيل. ضربات على إسرائيل سيبك منها. أنا بشوف إن إسرائيل خلاص خرجت من المعادلة. مهما خدت ضربات، ليه؟ دولة صغيرة، شوية فلوس يصلحوا كل حاجة. والناس مستخبية. الخطر الحقيقي الخليج. اللعبة كلها الخليج. وده السبب إن أرام بتضرب الخليج. هم مش حابين قوي يعني يضربوا وخلاص. هم عارفين إن هو ده السلاح الأقوى في إيديهم. عشان كده الأسبوعين اللي جايين أنا بشوف هم الأخطر على الخليج. وهتبدأ إيران تحاول تكثف ضرباتها على الخليج علشان تحاول ترجع ترامب للخلف. هرجع تاني وأقول لك للأسف، أنا بعتبر نفسي واحد من القليلين جدًا اللي بنقولوا لك الحقيقة. لأن الجو العاطفي هو المنتشر. بس في حاجة مهمة لازم أقولها لك. إيران بتعمل دور مهم جدًا. هتقول إزاي الكلام ده؟ هقول لك. كون إن إيران خلت الحرب دي صعبة، عملت حاجة مهمة جدًا. إن عشان تقوم حرب زي دي تاني في المنطقة قدامك 40 سنة. ما حدش هيفكر أبدًا في حرب كبيرة تاني. وده مهم جدًا في رأيي. ودور رغم إن إيران اتدمرت، لكن كان لازم يكون ليها رد فعل قوي. في النهاية يا جماعة بشكركم وأشوفكم على خير في لقاء قادم إن شاء الله. مع السلامة.