السبب الحقيقي اللي مخليك لسه سينجل

النهارده أنا جاي أصدمك بالواقع القليم، وأقول لك أنت ليه مفقود الأمل فيك، وليه هتفضل لوحدك كده؟ مفيش بنت في حياتك ولا حتى كلبه. مع البراك، هتكلم معاك في الأسباب اللي مخلياك لسه لحد دلوقتي سينجل، ولسه هتكمل فترة كمان قدام سينجل. وأنا بصراحة عن نفسي فقدت الأمل فيك، أنت ناقصك إيه تاني يعني؟ فيديوهات وعملت لك برامج استشارات، وعملت لك… ناقص أروح أكلم البنات بدالك! الفكرة كلها إن أنت مش عارف تستَ ستَ ام دماغك صح، مش عارف تبدأ صح، ودي أول غلطة أنت بتعملها إن أنت ما بتحاولش، ما بتجربش أصلاً. الموضوع لازم أول تجربة ليك تبقى صعبة، واحتمال كبير تترفض فيها، بس كون إن أنت تفضل ما تبتديش، مش هتتعلم، خلاص هتفضل زي ما أنت عامل بالضبط. زي اللي بيسوق عربية لو ما ابتدا، وخد الخطوة وجرَأ، ونزل وخبط العربية مرتين تلاتة، مش هيتعلم.

أنت لو فضلت قاعد ومستني الفرصة تجي لك لحد عندك، ومستني البنت الجميلة جدًا اللي تكلمها، ومستني الأجواء تبقى متاحة قوي ليك، وهي واقفة لوحدها وبتبص لك وعايزة هي تكلمك، وكل حاجة بيرفكت بقى، وساعتها تروح تتكلم… صدقني مش هتكلم أي حد! مفيش الفرصة الـ 100% دي ما بتحصلش غير كل فين وفين قوي. أنت لازم تروح تنتش الفرصة على طول. للأسف ده أقوى سبب مخليك مش عارف تكلم بنات لحد دلوقتي، وعشان كده هتفضل سينجل: إن أنت خايف تكلم بنات، مش عارف تتجرأ وتاخد الخطوة دي. تنام كل يوم بتفكر في البنت اللي معاك في الجامعة أو في المدرسة، ومش عارف تاخد الخطوة وتكلمها، مع إن أنت شايفها واقفة مع شباب تانية، وبتتكلم مع شباب تانية، وبتبص لك ساعات، بس أنت مش متجرأ. بتقنع نفسك ليه إن البنات دول جنس تاني غيرنا؟ أنا مش عارف! على فكرة البنات بشر زينا، زيهم زي ما أنت. عايز تتعرف على البنت المهضومة الجميلة اللي موجودة معاك في الدفعة؟ هي كمان عايزة تتعرف عليك عشان أنت عاجبها. زي ما أنت عايز تتكلم معاها وتعرفها وتحكي معاها وتاخد كمان رقمها، هي كمان عايزة نفس الكلام على فكرة! أنت بس اللي للأسف عشان ما جربتش، فأنت فاهم إن الموضوع صعب، وفاهم إن الموضوع مش هيجي معاك خالص، وبتقفل على نفسك الدنيا، مع إن أنت لو خدت الخطوة وجرَأت ورحت تتكلم، خلاص الموضوع انتهى! ليه أنت بقى معقد الأمور على نفسك؟ أنا بجد حقيقي مش فاهم، صدقني والله! أنت بمجرد إن أنت خدت أول تجربة في القصة دي هتقول لنفسك: إيه ده؟ طب ما الموضوع سهل أهو! أمال أنا ليه كنت معقدها لنفسي؟

الشباب اللي أنت بتشوفها كل يوم بتكلم بنات دي وبتحكي عليها، على فكرة كانت في يوم من الأيام زيك، ما تعرفش أي بنت وما تعاملتش مع أي بنات قبل كده خالص، بس الفرق ما بينك وما بينهم إن هم خدوا الخطوة بس! بل بالعكس، أنت كمان عندك مميزات أكتر منهم، ليه؟ لأنك بتتفرج على الفيديوهات بتاعتي، مش محتاج أقولك! فعشان خاطري خد الخطوة يا سيدي، خد الخطوة وطِّلع، وتعالى قولي، هساعدك. برده تاني سبب، وده اللي بجد يعني بينرفزني قوي، إن أنت مركز مع أجمد واحدة في الدفعة، وهي دي اللي أنت عايز تكلمها! أنت مالكش دعوة، مالكش فيه! أنت مش هتتفاجئ، مع إن أنت لا عندك خبرة ولا كاريزما ولا عرفت تتعامل مع بنات قبل كده، بس أنت متجوز أجمد واحدة في الدفعة، وهي دي اللي أنا لازم أجيبها وخلاص بقى، قفلت دماغي على كده، مش شايف أي بنت تانية غيرها، خلاص هي دي اللي أنا عايزها، وهي دي اللي أنا هفضل مركز معاها. بيتِك في الآخر بتجيبها يعني، بتخلص سنين المدرسة أو سنين الجامعة كلها، وأنت متجوز البنت دي، وكل يوم بتفكر وتقول: هكلمها، وما تكلمهاش، وما تكلمش بنات تانية غيرها! فأنت متخيل اللي أنت بتعمله في نفسك يعني؟ أنت مش مدي لنفسك مساحة إن أنت تجرب حتى مع بقية البنات لحد ما تجي لك فرصة كويسة مع البنت دي، لا ده أنت مقفل الدنيا خالص: وهي دي اللي أنا عايزها! عشان تبقى فاهم، حتى لو جبتها، لو اتكلمت معاها وتقبلت إن هي تتكلم معاك في الأول، هتخسرها بسرعة جدًا، لأن أنت بالنسبة لك شايفها أجمد واحدة في العالم، وهي هتحس بده في التعامل، وهتحس إن أنت قليل الخبرة، فهتفلتك على طول! ما هي برده بنت جامدة وحواليها شباب كتير. أنت متخيل أنت مضيع نفسك إزاي؟ متخيل إن أنت ماشي في طريق آخره سد، مفيش أي حاجة! سنين هتضيع عليك مركز مع واحدة مش هتجيبها، وحتى لو جبتها مش هتكمل معاها! أنت متخيل الكارثة اللي أنت فيها؟ أنت متخيل كمية الفرص اللي أنت مضيعها، وكمية البنات اللي أنت ممكن تتعامل معاهم، تاخد منهم خبرة، وتعمل منهم صحاب، بس أنت ما بتعملش حاجة خالص!

في إيه؟ أنت خلي دماغك، المايند سيت بتاعتك: أنا شخص اجتماعي، أنا عايز أعمل صحاب، أنا بعرف أهزر مع الناس عادي وأضحك، واستغل أي موقف يجمع ما بينك وما بين أي بنت تانية، واتكلم! اتكلم في إيه؟ المواضيع كتير، على حسب الموقف اللي أنت فيه، اتكلم بس! افتح بقك واتكلم، هي لو في قبول من ناحيتها هتلاقيها دايسة معاك في الكلام وبتزهز معاك وبتضحك معاك عادي. وعلى فكرة بنات كتير قوي من اللي بيبقوا رايحين الجامعة بيبقوا برده عايزين يتعرفوا على شباب، بيبقى بالنسبه لهم: أنا عايزة أجرب الفترة دي وأشوف الدنيا فيها إيه، وأعرف شباب كده كده جوه نطاق الجامعة، ما حدش من بره، فمضمون، عشان ممكن بعد الجامعة على طول أُتخطب وخلاص الموضوع يخلص بالنسبه لي، فعايزة أجرب دلوقتي. كتير فبتلاقي البنت جدًا إن هي تتعرف على شباب جديدة، وطول ما إحنا في جامعة واحدة ودفعة واحدة كمان، فليه لأ؟ هتقول لي: طب أنا عايز مدخل، أدخل أقول لها إيه؟ هتشلني! ما أنت لازم تشلني بأي طريقة! هرجع تاني وأقول لك زي ما قلت لك 20 مرة إن مفيش حاجة اسمها مدخل! ادخل اتكلم، قول اللي يجي في دماغك، أيًا كان هو إيه، صدقني مفيش لاين معين يتقال للبنت اللي معاك في الجامعة، أو لاين يجيب من الآخر! القصص دي وهمية، هي لو البنت متقبّلة، ما عندهاش مشاكل إن هي تتعرف عليك، هتجيب جيب معاك بأي كلام تقوله، والدليل على كده إن لسه لحد دلوقتي شباب بيشقط بموضوع: أنا عايز كشكول المحاضرات أصوره! الجمله دي أعتقد إن أبوك نفسه كان بيشقط بيها أيام الجامعة، يعني جملة محفوظة ومهروسة، والبنات كلها عارفة إن أنت كده مش جاي تصوّر كشكول المحاضرات ولا حاجة، أنت جاي تتعرف عليا! بس البنت اللي بتبقى عايزة، عندها قبول، بتجيب معاك عادي. فادخل واتكلم مع أي بنت تيجي في سكتك، وواحدة واحدة هتلاقي نفسك بتاخد خبرات وبتعمل صحاب، وتلاقي الشباب كمان عايزين يتعرفوا عليك عشان شايفينك طبعًا حواليك بنات، وتعرف بنات وبتاع، فأنت حد كده جامد بالنسبه لهم. تلاقي بقى الموضوع رايح جاي: تعال أما أعرفك على صحابي البنات، وأنت تعرفني على صحابك، تلاقي نفسك مرة واحدة بقيت مشهور، وبقت الناس بتتكلم عليك وبتاع، وبقية البنات منجذبة لك، وحاسة إن أنت ولد روش كده، وهي كمان عايزة تتكلم معاك وتعرفك. هتلاقي الفرصة ساعتها بالنسبة لك أسهل بكثير. لما بنت تحس إنك عارف كذا بنت في الدفعة هيبقى أحسن بكثير من إن هي تشوفك متوحد لوحدك كده، عمال تراقبها من بعيد لبعيد، وعمال تبص عليها، وما فيش حواليك أي صحاب! بل وممكن كمان البنت اللي أنت كنت مترجها دي تطلع صاحبة واحدة من اللي أنت كلمتهم، وتلاقي نفسك في يوم من الأيام البنت دي بتعرفك على البنت اللي أنت كنت مترجها أساسًا! حتى لو كانت البنات اللي معاك في المدرسة أو في الجامعة مش عاجبينك، أي فرصة تجي لك دوس فيها، خد بس منها الخبرة. كل بنت تتعرف عليها هتلاقي من وراها خير كتير، مش لازم تتعرف على الجامدين بس! صدقني أنت بتغلط كتير في الأول، كده كده لازم تشوف بنات أفريج زيك عشان يستحملوا غباوتك في التعامل.

أنا مش عايزك تسمع الفيديو ده وتخرجه من الناحية التانية وتقول: آه كلام مظبوط، وتعمل لايك والله ينور عليك وتمشي! أنا عايزك تنفذه، صدقني هتلاقي الدنيا مختلفة تمامًا، هتلاقي اعتقاداتك كلها اتغيرت. ولو حصل لك أي مشاكل في النص ابعت لي، أنا عامل لك برنامج عشان أقدر أساعدك بيه، هتلاقيني أعملك استشارة تليفونية، هتلاقيني أعملك جلسات أون لاين، هتلاقيني مظبطك من كل حتة! تعال اشترك معايا واتكلم معايا في المواضيع اللي تخصك، صدقني هحل لك أي مشكلة عندك، لأن هي كل الحكاية تغيير مايند سيت بس مش أكتر. أنت في حتة في دماغك هنا كده مقفلة على حاجة معينة، فاهم حاجة معينة بطريقة غلط، وأنا هصحح لك المفهوم ده. ومعظم المشاكل اللي أنت واقع فيها أنا أوردي وقعت فيها كذا مرة وعارف إيه الصح وإيه الغلط، أنا هوفر لك وقت كتير ومسافات طويلة ومجهود أنت كنت هتقعد تحرق فيه على الفاضي. هتلاقي أول لينك في الديسكربشن بيوديك على البوست اللي أنا كاتبه على الفيسبوك اللي بيشرح فيه البرنامج وتفاصيله والباقات بتاعته، وتشترك إزاي. أظن كده أنت ما عندكش أي حجة إن أنت ما تكلمش بنات بقى، الموضوع سهل جدًا معاك، الفيديوهات معاك، المحتوى معاك، وأنا موجود معاك في أي وقت تقدر تستشيرني، في أي وقت تقدر تاخد رأيي. كل اللي ناقصك إن أنت تاخد خطوة.

ثالث سبب: إن أنت عايش دنيتك لوحدك، دوبك عندك اتنين تلاتة صحاب زيك كده بالظبط، قامتين ساكتين على طول، ما بيعملوش أي حاجة في الدنيا، برده بيروحوا نفس الوقفة بتاعتك، بيروحوا يقعدوا يتفرجوا على بنات ويقعدوا يتخيلوا نفسهم مع بنات، ويقعدوا يحقدوا على الشباب اللي واقفين مع بنات، وما بتعملش أي حاجة في حياتك، ولا حد فاهم أنت عايش ليه أصلاً! وأنت نفسك ما عندكش أي حاجة مثيرة في حياتك تحكيها، وده اللي هيخلي أي بنت حتى لو عرفتك فهي هتشوف واحد فاضي ما عندوش أي حاجة. هي أي بنت هتعمل بيك إيه؟ لو أنت أخرك كل يوم بعد الجامعة بترجع على البيت، تنزل جيم، تقعد على القهوة مع صحابك، وده تمامك؟ إيه الفن في إن هي تتعرف عليك وتبقى من ضمن صحاب صحابك؟ أنت كده كده ما بتعملش أي حاجة فيها إثارة في حياتك! أنت لازم يكون عندك صحاب بتتنطط، بتتشقلب، بتعيش حياتها، اتبسط بحياتك، انجوي يور لايف! لما أنت نفسك شايف إن مفيش أي إثارة في حياتك، طب إيه اللي هيكسب البنت إن هي تقعد معاك؟ هي البنت برده بتدور على سعادتها، أنت إيه الفاليو اللي هضيفها لها لو هي عرفتك؟ أنت واحد لا بتخرج ولا عارف الدنيا بره عاملة إزاي، ولا ليك صحاب، ولا في جروبس مثلاً تخرجوا وتروحوا مع بعض هنا وهنا، ولا ليك أي إكسبيرينس في أي حاجة. صدقني كمان مش البنات بس اللي هتفلتك لو عرفت إن حياتك مملة، لا ده والشباب اللي عايزه تتنطط، شباب اللي عايز يعرف بنات ويروح هنا وهنا وهنا، لما يتعرف على واحد زيك هتلاقيه بيبعد عنه، بيكرف له، لأنه مش محتاجه، مش محتاجك في حاجة، هيعمل بيك إيه؟ فأنت بالنسبة لأي حد مش إغراء خالص: إن أنا أبقى صاحبك! أنت إغراء للتلاتة أربعة شباب صحابك اللي ما بيعملوش أي حاجة في حياتهم زيك بالظبط، لأن للأسف هم مش لاقيين حد تاني زيهم، مش لاقيين غيرك! فأنت اعمل حاجات، اتشقلب! لازم يبقى عندك حكاوي تحكيها للناس اللي هتتعرف عليها جديدة، لازم تقول: أنا بعمل وبعمل.

رابع سبب بقى: إن أنت عايش في جو: أنا هنفض للبنات دلوقتي، أنا هركز في الكاريير بتاعي، أنا هركز في شغلي، هركز في مستقبلي، وبعدين لما أكون نفسي هبقى أركز في البنات! صدقني اللي بيقولوا كده معظمهم بيجي لي وهو عنده حاجة و٣ سنين، وبيقول لي: قولي لي إزاي أتعامل مع البنات؟ أنا مش عارف، ما عنديش أي خبرة، عايز أتعرف على بنات، أنا عملت فلوس والدنيا حلوة بس ما عرفش أي بنت، ولما بعرف بنت بتستغلّي! أنا ما بقولكش إن أنت تضيع مستقبلك عشان بنات، بس تبقى موازن ما بين الاتنين، لقيت شغلانة عدلة وهتجيب لك فلوس كويسة، ركز فيها وفكك من البنات، لكن أنت واحد قاعد في البيت أو واحد لسه بتدور على شغل، أو واحد أخره بتروح شغلانة بتديك مثلاً ٥٠٠٠ جنيه، هتعيش في الدور ليه وتقول لي: أنا بركز في مستقبلي؟ مستقبل إيه يا أبو ٥٠٠٠؟ أنت لما تلاقي شغلانة فعلاً بتجيب فلوس، لما تلاقي حاجة فعلاً فيها مستقبل ابقى انفض للبنات خالص يا سيدي وركز في مستقبلك، لكن طول ما أنت ما معكش حاجة قوية هتعيش في الدور ليه وتقول لي مستقبلي؟ والله ياما جالي ناس وعملوا معايا جلسات وهم حاجة و٣، وداخلين على الأربعينات كمان، ونفسهم يتعرفوا على بنات ومش عارفين! اللي يركز في شغله وسافر ساب البلد خالص وقعد في الصحراء عشان يجمع فلوس، وبعد ما يجمع فلوس بقى يلاقي نفسه مش عارف يعمل بالفلوس إيه! أنا معايا الفلوس بس ما عرفش بنات، طب عايز أتجوز ألاقي نفسي اتجوزت جوازة تقليدية، وحاسس إن حياتي مملة، وحاسس إن أنا شبابي ضاعوا عليا! ما تدخلش في الدوامة بتاعت: انفض للبنات وأركز في المستقبل! دي معاك شغل بجد يكسب بجد يستاهل، أغِي البنات خالص من حياتك مش مشكلة، لكن معاك حاجة خفيفة كده على قدك هتعمل فيها ليه جيف بيزوس، وما عندكش وقت خالص بقى! وده كان آخر سبب يا ريت بقى تاخد الخطوة وتبتدي عشان ما أحرّش، هشّق هدومي منك، أعمل لك إيه تاني يعني؟ أنت إيه تاني ناقصك مخليك مش عارف تتكلم مع بنات؟ ما تنساش بقى تعمل لايك وسبسكرايب للقناة لو ما كنتش لسه عملته، وتابعني على كل أكونتات السوشيال ميديا هتستفيد من كل حتة، وما تنساش بقى تبقى تدعي لي قبل ما تنام، وأشوفك الفيديو الجاي.