الزهرة في جميع البيوت

[موسيقى]

بونسور، مثل ما وعدتكم رح ابدا احكي عن كل الكواكب بكل البيوت، يعني من الشمس إلى بلوتو، كل كوكب منهم كيف رح يتصرف بكل بيت. بروسيس رح تكون شوي بطيئة، بس رح ننجزها إن شاء الله. رح تكون كلها موجودة على اليوتيوب لحتى حتى أي حدا يفوت يقدر يشوفها.

بس قبل ما نبدأ بالحديث عن الكواكب بالبيوت، بدي أحكي عن بعض الأشياء. أولاً، البعض عم يسألني ليه التعليقات غير متاحة على قناتي باليوتيوب. أنا يا اعزائي بحب لما حدا يكتب شيء يرد عليه. أنا ما عندي وقت أرد على الجميع. اللي بده يكتب، اللي بده يتواصل معي، عندي انستغرام علي دوت استرولوجي، عندي فيسبوك علي دوت asرولوجي، وعندي ويب سايت علينورهدت كomوم. تمام؟ الروابط تبع الانستغرام والفيسبوك موجودين على موقعي وموجودين بالدسكربشن تبع الفيديو اللي عم تحضروه حالياً، موجودين بالشرح.

فأنا كثير بستقبل أسئلة، كثير بستقبل إيميلز، كثير بستقبل كومانز تعليقات سواء على الانستغرام سواء على الفيسبوك. مش بحاجة لمصدر جديد يجيب لي تعليقات. فهذا الموضوع غير متاح وغالباً لن يكون متاح. فاللي حابب يعلق يروح على الانستغرام عندي يعلق براحته. هي أول شغلة لحتى توضح.

ثانياً، اللي منه مشترك بهذه القناة يا ريت يشترك لحتى لما يجيه، لحتى لما زيد فيديو جديد يجي نوتيفيكيشن، يجي إشعار أنه صار في فيديو جديد. اليوم ما رح أبدأ مع الشمس. المفروض نبدأ من البداية، بس ولكن الـ كثير يعني أغلب الأشخاص عم يطلبوا مني أعمل الزهرة بالبيوت. فرح أبدأ مع الزهرة. بعد هيك رح أرجع، يعني رح أمشي فيهم بالتدريج قدر الإمكان. رح أحول، بس بكل الأحوال بنهاية المطاف كلهم رح يكونوا موجودين. كل الكواكب بكل الأب، بكل البيوت، وبكل الأبراج. مع كميلة كواكب بالابراج رح نعملهم أنا وكميلة. أوريدي عملت أنا وياها القمر بالابراج. اللي ما شاف عملناهم على قسمين. أول قسم حكينا فيه عن القمر من الحمل إلى العذراء. ثاني قسم من الميزان إلى الحوت. يعني عصمناهم ست أبراج كل فيديو. فـ اللي بيعرف القمر تاعه وين موجود، بأي برج، فيروح يسمع الشرح اللي حكيناه عن هذا الموضوع.

طيب، نبدأ مع الزهرة أو فينس بالبيت الأول. بداية البيت الأول هو المظهر، هو الجسم، هو الهيئة، هو الشخصية. الزهرة كوكب جذاب. فوجود الزهرة بالبيت الأول بتخلي الشخص جذاب، بتعطيه جمال، بتعطيه اهتمام. يعني إذا صبية، إذا بنت بتهتم بالفاشن، بتهتم بالستايل، كيف بتلبس. اوكي؟ هذول الأشخاص بيكونوا ستايلش. كيف بيلبسوا، كيف بيظهروا. حتى لو شب، هذول الأشخاص بيهتموا بمظهرهم، بيهتموا كيف الآخر بشوفهم. غالباً بيكونوا جذابين للجنس الآخر. ما له علاقة بالجمال. الزهرة بالبيت الأول ما بالضرورة تخلي الشخص جميل. اوكي؟ بس بتخليه جذاب. قد يكون جميل. اوكي؟ بس مش شرط. طبعاً هون عم نحكي عن الزهرة بشكل عام. إذا كانت الزهرة بوضع صعب، بدنا نقلب الكلام اللي عم نحكيه، بكون عكس ذلك. اوكي؟ بس ولكن زهره بشكل عام كوكب جيد. هدول الأشخاص خاصة إذا بنات بتكون عيونهم واسعة، قد يكون شعرهم كارلي. إذا بنات أو شباب بكون في هيك نوع من الضوء بوجههم. اوكي؟ في عندهم جاذبية، في عندهم قبول. الناس بتحبهم. هدول الأشخاص اللي بس تشوفهم بتحس حالك بتعرفهم، بتحبهم. لأول مرة بتصير بتاخذ صور أنت واياهم. هدول عندهم الزهرة بالبيت الأول. ما بتاخذ وقت كثير لحتى تصير صحبة معهم لهدول الأشخاص.

الزهرة بالبيت الثاني. الزهرة بالبيت الثاني جيد للمال. هدول الأشخاص قد يكون عندهم اهتمامات مثلاً عملياً بمرحلة لاحقة من حياتهم. قد يكسبوا من خلال المجوهرات، من خلال السلع الثمينة، من خلال الأشياء اللي لها علاقة بالبيوتي، الميك اب، المكياج. يعني وهاي الأشياء. غالباً الشريك تبع الشخص اللي عنده الزهرة بالبيت الثاني بيكون جميل. اوكي؟ شريك حياته يعني إذا ذكر أو أنثى شريكه بيكون جميل. زهره بالبيت الثاني برضه بتعمل مصاريف، ما بس بتجيب فلوس. هذول الأشخاص بيصرفوا كثير. خاصة إذا رجل بيكون بيصرف كثير على النساء. إذا امرأة بتكون بتصرف كثير على السلع الفنية، على الأمور الجمالية. يعني هي اللي رايحة على الصالون تضبط تضبط شعرها، راجعة ما بعرف شو تعمل تساوي ضفيرة. كل البنات هيك بشكل عام. بس اللي عنده الزهرة بالبيت الثاني بيصرف كثير على جماله أو بتصرف كثير على جمالها.

الزهرة بالبيت الثالث. هدول غالباً بيكون في عندهم طريقة تواصل جميلة. بعبروا عن حالهم بشكل جميل. ما بحبوا الفوضى، ما بحبوا الكلام البذيل. غالباً بكونوا أشخاص سوفستيكيتد، يعني مهذبين، مرتبين. يعني ما بيتحملوا الأجواء الغير صحية، الضجة، الصوت العالي، المخانقة. اثنين عم يتخانقوا وكذا. الزهرة بالبيت الثالث ما بحب هذا الشيء. هون الأشخاص بكون في عندهم اهتمام بالفاشن، بالسينما، بالارتستك اكسبريشن، يعني المهارات. خاصة المهارات الفنية مثل التمثيل، مثل الميديا، الإعلام. إعلاميين، إعلاميات. زهره بالبيت الثالث بتكون موجودة غالباً بيكون إخوت يطغى عليهم الإناث. واحد عنده الزهرة بالبيت الثالث أغلب الإخوة عنده بيكونوا إناث. هذا وحده لا يكفي طبعاً. بدنا نشوف أكثر من خريطة لحتى نحدد أجناس الإخوة أو أجناس الأولاد. اللي بضل يسألني كيف بعرف؟ ما بيكفي بس الكواكب اللي بالبيت الثالث. بس الزهرة كوكب مذكر، عفوا كوكب مؤنث. وجودها بالبيت الثالث، البيت الثالث هو بيت الإخوة، بفرجيني أنه غالباً أغلبهم نساء، أغلبهم فيميلز. اه.

الزهرة بالبيت الرابع. ممتازة. موقع جيد للزهره بالبيت الرابع. لأنه هون الزهرة بيكون عندها دايركشنال سترانث، بتكون قوية. الزهرة بالبيت الرابع إذا وضع جيد، غالباً الشخص بيكون بيته جميل، بيكون بيته فيه ذوق. تفوت واحد على بيته بحسه تحفة. اوكي؟ هذول اللي بيهتموا بجمال بيتهم. ما بيفرشوا كيف ما كان. على طول بتلاقي أشياء فنية معلقة على الحيطان، تبلويات. أي دائماً في موسيقى، دائماً في جمال ببيتهم. يعني أصحاب الزهرة بالبيت الرابع هذول الأشخاص بحبوا يقعدوا بالبيت. يعني بيتوتية. ما عنده مشكلة يقعد بالبيت، بحس براحة هو ببيته. اوكي؟ غالباً يعني يسيطر السلام على أجواء المنزل إذا جاز التعبير. بحبوا البيوت الفخمة، البيوت اللي فيها لكجري. هذول الأشخاص مثلاً اللي بحطوا جاكوزي بالبيت، كل وسائل الراحة بحطوها بالبيت. يعني بيعملوا جهدهم ما يخرجوا برا بيتهم كثير.

هلا بما يخص زهره بهذا الموقع، الجزء الثاني من حياتهم بيكون أفضل من الجزء الأول. وهون في تحذير أنه ما يزيد وزنهم مع تقدم عمرهم. يعني الجزء الثاني من حياتهم يس بيكون أفضل، بس مع تقدم العمر قد يزيد وزنهم. اوكي؟ فاللي عنده الزهرة بالبيت الرابع بعد عمر 28 خفف أكل. أي إنسان بعد 28 لازم يخفف. خفف أكل. لأنه موضوع طويل. المهم خفف واكل.

الزهرة بالبيت الخامس. هون بتجيب مواهب. بتجيب مواهب الأشخاص اللي بيكتبوا، الأشخاص اللي بيمثلوا. اوكي؟ إعلام بالبيت الثالث. هون بنشوف ممثلين اللي بالسينما، اللي بالفاشن، اللي بالميوزك، اللي بالفن، اللي بيرسموا. اوكي؟ كل الفاين ارتز، كل الفنون الجميلة بنشوفها من الزهرة بالبيت الخامس. الزهرة بالبيت الخامس جيدة أيضاً مالياً، خاصة إذا كانت بتحكم الثاني، التاسع أو الحادي عشر. الزهرة بالبيت الخامس جيدة جداً للعلاقات الرومانسية. هذول رومانسيين بالفطرة. اوكي؟ رومانسيين بالفطرة. بحبوا العلاقات وجذابين للجنس الآخر. يكادوا لا يخلوا من شريك بحياتهم اللي عندهم الزهرة بالبيت الخامس. دائماً في عندهم حدا. [موسيقى] تعاملهم مع الأطفال بيكون جيد. الأطفال بحبوهم. واحد زرته بالبيت الخامس، الأطفال بشكل تلقائي بحبوه. فهذا موقع فني بامتياز. منه بنشوف المسرح، منه بنشوف السينما، منه بنشوف كل شيء برفورمنس، الرقص. طبعاً لهي الأشياء لازم نشوف باقي الخريطة شو وضعه. يعني زهره بالبيت الخامس في حدا يقول لي طيب أوك أنا ما برقص. إيه، فيك ما ترقص. بدنا نشوف البيت الأول وبدنا نشوف البيت الثالث. بدنا نشوف هي الأشياء. يعني الكلام اللي أنا عم بحكيه عام. هون بس الزهرة شو بتعني. اوكي؟ فإذا أنت عندك الزهرة بالبيت الخامس، أنا ما عم بحكي عنك. أنا عم بحكي عن الزهرة بالبيت الخامس. اوكي؟ فمثل ما دائماً بكرر، ما في شيء بدنا ناخذه إين أيسوليشن. ما في شيء بدنا ناخذه بمعزل عن ما تبقى من الخريطة. كل شيء لازم يدرس في سياق خريطة. في سياق خريطة. مش زهره بالبيت الخامس يعني أنا المفروض فنان. أنا شفت كثير من الزهرة بالبيت الخامس ولا فن ولا كلام فارغ. ليه؟ لأنه صاحب الأول ضعيف. اوكي؟ غير قادر. بيحلم يكون فنان بس ما بيحقق هذا الشيء. ما بيتعب على حاله. ما بيشتغل على حاله. هون الإمكانية موجودة. بس الإنسان إذا ما تعب، إذا ما اشتغل. في أشخاص خاصة زهره بالبيت الخامس هيدول أي شيء بالبيت الخامس هذا الشيء اللي بيكون موجود بشكل تلقائي. البيت الثالث بده يطوره، بده يشتغل عليه. البيت الخامس تقريباً بيخلق فيه.

انتقل للزهرة بالبيت السادس. هدول الأشخاص دبلوماسيين. أي زملائهم بالعمل بحبوهم. بيكون عندهم اهتمام بالدايت. بيكون، أحميتهم بديروا بالهم عليها. جيدين جداً للمجالات اللي بيكون فيها وساطة كعمل. أي نوع من العمل يتطلب الوساطة، حدا عنده زهره بالبيت السادس بقوم فيه بشكل جيد. اوكي؟ لأنه عندهم القدرة أنه يكونوا دبلوماسيين كثير. هذول الأشخاص قد بمرحلة من المراحل ينشئوا علاقات غرامية بمجال عملهم. الزهرة بالبيت السادس. هدول الأشخاص ممكن يشتغلوا أيضاً بالمؤسسات المالية مثل البنوك أو مثل الفوتوجرافي. اوكي؟ يعني البيت السادس هو الداي تو داي لايف، الإنسان شو اللي بيعمله بحياته اليومية بنشوفه من البيت السادس. الزهرة هونك بفرجينا أنه الشخص بحياته اليومية إنفولفد مع الفن. فهدول ممكن يشتغلوا بالمجالات الماليه، بالمجالات الفنية. اه بيكون في عندهم حب للحيوانات. الزهرة بالبيت السادس إذا ببرج غير قوي، يعني إذا ببرج مثلاً متعبه شويه، إذا بالعذراء وكذا، شانها شان أي كوكب بالبيت السادس. أي كوكب بالبيت السادس إذا منه قوي ممكن يكون مؤشر لمرض. إذا ضعيف، إذا مزعوج من كواكب، إذا مزعوج من عدا. وقد يكون مؤشر لمرض. فهون الزهرة بالبيت السادس بدنا ندرسها كثير منيح لحتى نشوف كيف ممكن تتصرف صحياً. يعني بدنا نشوف الكواكب اللي بالبيت السادس وبدنا نشوف صاحب البيت السادس وأشياء أخرى. رح نحكي بوقت لاحق عن الميديكال استرولوجي أو الطب الفلكي ونحكي كيف فينا نشخص، نكتشف الأمراض أو الأعضاء اللي بجسم الإنسان الأكثر عرضة للمرض من خلال خريطته الفلكية.

الزهرة بالبيت السابع. جيدة جداً، خاصة إذا الزهرة بكوكب جيد. يعني بالكواكب، يعني يا إما ببيتها، بأحد بيوتها بالتور أو بالميزان، أو ببيت شرفها بالحوت، أو ببيوت زحل دلو أو جدي. فهون الزهرة بشكل عام كوكب جيد. قد تشير إلى شريك جميل. إذا الزهرة وضعها جيد. هذول الأشخاص تركيزهم بيكون على العلاقات. بحب، بحبوا العلاقات وبحبوا يعني خاصة هون إذا أنثى غالباً بتبحث عن شخص، عن شريك يؤمن لها الحياة الهادئة المريحة اللي فيها وفرة مالية، اللي فيها لكجري. اوكي؟ هون كمان الزهرة بالبيت السابع جيدة لاتجاه التجارة بالسلع الثمين، التجارة بالمجوهرات، التجارة بالفنون، الأعمال الفنية. يعني في أشخاص فنانين بس بفنانين على حالهم. في أشخاص لا بيخلقوا شيء وبيجربوا يبيعوه، بتاجروا فيه. فالظهر بالبيت السابع بتساعد بهذا المكان. بكل الأحوال، أنا عملت عن عملت فيديو موجود على قناتي اسمه الكواكب بالبيت السابع. بحكي فيه عن كل الكواكب بالبيت السابع كيف بتتصرف. فاللي بحب، اللي عنده كواكب بالبيت السابع حابب يعرف شو بيعنوا، يرجع للفيديو موجود على القناة يشوف أو يسمع الشرح تبع الكوكب اللي عنده إياه هو بالبيت السابع.

الزهرة بالبيت الثامن. من سيئة، بس هون الزهرة يعني غالباً الأشخاص اللي عندهم زهره بالبيت الثامن ممكن يكون في عندهم مشاكل غيرة، ممكن يكون في عندهم مشاكل تملك. ممكن يعني ما بدهم يعني هن بحبوا بكل ما أوتوا من قوة. اوكي؟ بحبوا باشين. فما بدهم كثير يبالغوا فيها لهي الباشن. الزهرة بالبيت الثامن إذا وضعها صعب، ممكن تفرجينا إذا وضع صعب كثير. اوكي؟ ركزوا معي. إذا وضع صعب كثير، فندرسها منيح. ما بدنا نحكم على الناس. ممكن تفرجينا ممارسات اوكي غير سوية. كل الأحوال، الزهرة بالبيت الثامن إذا جيدة وبخريطة شب، ممكن تفرجينا زوجة ثرية. اللي عنده الزهرة بالبيت الثامن هذول أشخاص بتيجيهم القروض بشكل سهل. ما عندهم مشاكل بالقروض. حسب أي بيت بتحكم الزهرة. الشخص الممثل بهذا البيت غالباً بيعطيه فلوس لهذا الشخص. بيجي منه خير. ميراث أو غير ميراث. اوكي؟ نفترض الزهرة بتحكم البيت العاشر موجودة بالثامن. هذا الشخص بيجي ميراث من أبوه. بتحكم الرابع قاعدة بالثامن من أمه. وهكذا. فالزهره هون بتجيب مكاسب من الآخرين، من خلال الآخرين. اللي عندهم الزهرة بالبيت الثامن قد يتراسوا مؤسسات بإحدى مراحل حياتهم إذا بقيت الخريطة تضع دعم ذلك.

الزهرة بالبيت التاسع. مش بأفضل مكان لها. الزهرة مش روعة بالبيت التاسع. اوكي؟ لأنه البيت التاسع أساساً البيت التاسع الأصلي هو يحكم من خلال المشتري. والمشتري عدوها للزهره. الزهره ما بتحبه للمشتري. فالزهره هون منها كثير مرتاحة. غالباً الأشخاص اللي عندهم هالزهره بالبيت التاسع قد يتزوجوا شخص من خارج الكلتشر تبعهم أو من خارج الدين أو من خارج الريس، يعني من عرق مختلف، من دين مختلف، من إثنية مختلفة. هيك شيء يعني من خارج البيئة تبعهم. البيئة الأساسية تبعهم. شريكهم بيكون مختلف. طبعاً هدول الأشخاص بحبوا السفر كثير. بلاقوا راحتهم بالسفر. عندهم إمكانية يبدلوا دينهم بالمناسبة. إذا الزهرة وضعها صعب. عندهم إمكانية يبدلوا دينهم. يعني بيكون شخص مثلاً ولد بعائلة من دين معين، بصير في عنده اهتمامات بطرق فلسفة أخرى أو بأديان أخرى. الزهرة يعني رغم أنه كوكب لطيف بالبيت التاسع. بالبيت التاسع قد بحالات محددة جداً. ممكن تجيب تعصب. صدقوا أو لا تصدقوا. يعني ما بالضرورة زحل بالبيت التاسع يعمل تعصب. أنا شايف كثير ناس عندهم زحل بالبيت التاسع ما عندهم تعصب. الزهرة بالبيت التاسع إذا في متصلة مع كواكب معينة قد تنشئ تعصب.

الزهرة بالبيت العاشر. جيدة، خاصة إذا موجودة يعني جيدة للمجال العمل الفني. خاصة إذا موجودة بجوزاء، ميزان، أسد. اوكي؟ هذول الأشخاص بيكونوا بيشتغلوا بالمجال الفني. الزهرة بالبيت العاشر ممكن تشير إلى منصب بحياة الإنسان. بصير في عنده منصب. هون مثل ما قلنا الكارير لها علاقة بالفن، لها علاقة بالانتينمنت، لها علاقة بأي شيء فني، لها علاقة بأي شيء له علاقة بالجمال. يرتبط بالجمال. أي الزهرة بالبيت التاسع، بالبيت العاشر عفوا، ممكن تخلي الإنسان عنده صداقات قوية مع ذوي النفوذ. اوكي؟ هذول أشخاص إذا الزهرة تحكم السابع مثلاً، أو تحكم كم الحادي عشر أو التاسع وموجودة بالعاشر. ممكن يكون عندهم شهرة بمرحلة من مراحل حياتهم.

الزهره بالحادي عشر. برضه جيدة جداً مالياً. الشخص بكون وال كونكتد، بكون في عنده علاقات، بكون في عنده يعني اجتماعي جداً بكون. اوكي؟ محبوب. هذول الأشخاص غالباً تبدأ علاقاتهم كصداقة وتتطور مع الوقت بتصير حب. مالياً مثل ما حكينا جيد هذا البوزيشن للزهره بشكل سهل. يعني الأموال بتجيهم بشكل سهل.

الزهرة بالبيت الثاني عشر. والبيت الأخير. بداية ممكن تشير إلى أنا شفته هذا الشيء كثير. مكاسب غير متوقعة، مكاسب غير منتظرة. الزهرة بالثانية عشر تعمل هيك. هدول الأشخاص غالباً ممكن يكونوا كتاب، ممكن يكونوا أنه أشخاص بيشتغلوا مثلاً بمستشفيات، دكتورز، فيزيشنز، فيزيولوجست، نيرسز. ممكن يكون في عندهم شغل بمؤسسة روحانية. هي الأشياء بنشوفها. ممكن يكون في عندهم علاقات سرية ما حدا بيعرف عنها. اوكي؟ غالباً أيضاً المهارات الفنية عندهم أو المواهب الفنية بتكون جيدة جداً. قد يكونوا خجولين ببعض المطامح، خاصة إذا الزهرة بوضع صعب. قد يكون الشخص خجول. أو قد يكون هون إذا ارتبطت الزهرة مع مع راهو، مع الراس. هذول الأشخاص خاص بدهم يديروا بالهم. الأوفر اندجنس. ممكن مثلاً يصيروا بقى ياخذوا كحول كثير. يكون عندهم نوع من أنواع الإدمانات. بيكون في عندهم تطرف بالمتعة. اوكي؟ فاللي زهرته بالبيت 12 إذا بوضع صعب، في كواكب زعجين، وإذا القمر ضعيف مثلاً، يديروا بالهم من التطرف بالمتعة.

فـ هاي كانت الزهرة بكل البيوت. مثل ما حكيت قبل، تابعوني على الانستغرام، على الفيسبوك. واللي ما اشترك بهي القناة يشترك فيها. وبشوفكم على خير. ثانك يو.