أسرار نضارة البشرة وتأخير ظهور التجاعيد

عايزه تحافظي على نضاره بشرتك وتاخر ظهور الخطوط وعلامات التقدم في السن لازم تعرفي ان الكولاجين هو اهم بروتين للبشره. تعرفي كمان ايه هي الحاجات اللي بتاذي بشرتك جدا بسبب ان هي بتكسر الكولاجين بشكل سريع جدا.

على القمه وبلا منافس التدخين طبعا. ويجي في المرتبه الثانيه استهلاك السكر والاطعمه المصنفه. بعدهم تيجي حروق الشمس. وخلي بالك ان حروق الشمس غير التعرض للشمس. تعرض للشمس في الاوقات المناسبه مفيد جدا وضروري لكن حروق الشمس ممكن تدمر بشرتك وده بيحصل لما بنتعرض للشمس لمده طويله في ساعات الحر الشدي.

ويجي بعدهم طبعا التوتر وقله النوم. وعشان تحفزي عمليات انتاج الكولاجين في جسمك ركزي في وجباتك على مصادر البروتين الحيوي وكمان ما تنسيش فيتامين سي. ما تخليش كل ده ينسيكي ان الخطوط هي جزء من جمالك اللي ما بيتغيرش.