عقلك يغشك دون أن تشعر ويقودك للاكتئاب | الشيخ أمجد سمير | سر نفسي خطير #أمجد_سمير

كويس. فخلينا نتكلم ندخل بقى على طول يعني كعادتنا يعني. اول تحيز عاوزين نتكلم عنه النهارده وانا مقدمه الحقيقه لانه تحيز في رايي هو الاهم ان احنا نقف عليه ونفهمه. ليه؟ لانه ليه ارتباط وثيق بمرض العصر. كلمه مرض العصر دي مش بتاعتي. الاطباء دلوقتي شبه متفقين على ان مرض العصر هو الاكتئاب.

الاكتئاب انتشر بقوه في العصر اللي احنا عايشين فيه في كل الاوساط في كل الاعمار في كل البلاد يعني مرض العصر الاكتئاب. طبعا الاكتئاب ممكن يكون مرض يعني له علاج دوائي فده مش تخصصنا خالص بقى ده الاطباء اتكلموا فيه. وممكن يكون يعني في اضطراب معين محتاج علاج سلوكي.

امم. من العلاج السلوكي بقى ان احنا نفهم التحيز الاول اللي احنا نتكلم عليه ده. لان هو من الاسباب الكبيره جدا اللي بتدخل الناس في دائره الكتاب. طبعا انت متشوق دلوقتي. [ضحك] عايز تعالج. لا متشوق للتحيز يعني ايه هو بقى قول لنا بسرعه. [ضحك] التحيز اللي هم بيسموه بيسموه تاثير التباين او الكونتراست ايفيكت.

ام. طبعا احنا هنلاقي بقى في مصطلحات انجليزي برده كعدتنا يعني في الحلقه. لان هو بيبقى ده خلاص احنا جايبين الكلام ده بتاعهم فاحنا جايبينه. يعني وبنحاول نعرب الدنيا شويه. فاستحملونا يعني. هي طالما مصطلحات م. اه. [ضحك] فهو يبقى اول حاجه تاثير التباين او الكونتراست ايفيكت. خليني انا مش عاوز ادخل بقى في في التعريف في ال. لا انا هسالك سؤالين والسؤالين انا عاوزك ترد عليا فيهم بنفسيه البني ادم الطبيعي. اي حد طبيعي هيرد. ليه هسالك سؤالين وعاوز جواب على السؤالين وبعدين ننطلق من السؤالين دول.

دلوقتي انت نازل تشتري قميص من محل انت متعود تروح وبتشتري منه القمصان. اخدت القميص اللي عجبك رحت على الكاشير بكام ده؟ قال لك ب 150 جنيه. القميص. طلعت 150 جنيه من جيبك عشان تدفع. قال لك بس هو في حاجه احنا لنا فرع جديد على اول الشارع النهارده الافتتاح. القميص ده لو رحت الفرع ده بينا وبينه ثلاث دقائق ماشي. فلو رحت النهارده تاخد قميص هناك هتاخده ب 50 جنيه مش ب 150 جنيه.

امم. فانا بسالك دلوقتي هتاخد قرار انك ما تاخدش قميص من الحته دي وتنزل تمشي دقيقتين ثلاثه دول عشان تاخذ ارخص وتجيبه 50 جنيه ولا لا؟ غالبا اه. يعني بنسبه 99% من الناس هتعمل ده. ايوه. هينزل ويروح عشان ياخده. كبيره تتكلم حاجه و 50 يعني من غير بقى من غير تفاصيل من غير. هو انت اخدت قرار اهو دلوقتي. ان ايه ان اه هنزل اروح عشان اخده ب 50 بدل 150.

طيب اقفل بقى على المثال ده نخش السؤال الثاني. عاوز اشتري عربيه. فقلت بقى لاصحابك دوروا لي على العربيه الفلانيه يا جماعه لو حد لقى عربيه كويسه في معرض يقول لي. وفقت لمعرض بيبيع العربيه اللي انت عاوزها. دخلت قعدت مع الراجل بكام العربيه؟ قال لك ب 2 مليون.

امم. طيب جميل وخلاص هنمضي العقد. جال لك تليفون صاحبك انت فين؟ قلت له انا في الشارع الفلاني. طب ممتاز. المعرض اللي على اول الشارع لقيت العربيه واقفه فيه اللي انت عاوزها ب 2 مليون الا الا 100 جنيه.

امم. خلاص المعرض الفرق بينك وبينه ثلاث دقائق ودقيقتين ماشي على رجلك وانت خلاص اتفقت مع راجل وهتدفع الفلوس. فجالك فيها اهو ان ايه العربيه ده ما هي ب 2 مليون هتبقى 2 مليون الا 100 جنيه. هتقوم وتسيب المعرض ده وتروح تشيله من المعرض الثاني؟ لا طبعا هي جت على 100 جنيه. [ضحك]

الغريبه بقى الغريبه وده فعلا هيبقى رد 99% من الناس برده يعني ده مش حاجه عجيبه جدا يعني. الغريبه ان المثالين دول انا سالتك سؤال هو هو نفس السؤال في مره قلت لي اه ومره قلت لي لا. وده لو انت مش شايفه غريب فده غريب بقى. يعني انا قلت لك ايه هل ممكن تمشي دقيقتين ثلاثه عشان توفر 100 جنيه؟ قلت لي اه. رجعت سالتك هل ممكن تمشي دقيقتين ثلاثه عشان توفر 100 جنيه؟ قلت لك لا. قلت لي لا. وانت نفس الشخص. والمرتين مقتنع. والمرتين انت مقتنع انت بتعمل الصح.

ام. فلو انت بقى لو احنا مش شايفين ده غريب ف رؤيتنا دي هي اللي غريبه. لا هو ده غريب ولازم نفهم هو ده حصل ليه. هو ده حصل عشان احنا وقعنا تحت حاجه اسمها تاثير التباين او الكونتراست ايفيكت.

ام. اللي هو ايه باختصار الكونتراس ايفيكت بيخلينا ما نحكمش على الحاجه بقيمتها. بيخلينا نحكم حكم على الحاجه بنسبتها لحاجه ثانيه. يعني في المثال الأول والمثال الثاني هل قيمه ال 100 جنيه مختلفه؟ يعني ال 100 جنيه اللي انت وفرتها في المحل مثلا لو بتجيب كيلو تفاح. ال 100 جنيه اللي كنت هتوفر في المعرض بتجيب ربع كيلو تفاح ولا هي بتجيب. هي هي. قيمه ال 100 جنيه هي بس انت عقلك وقع تحت تاثير انه نسب ال 100 جنيه الاولانيه لل 150. وفي المثال الثاني نسب ال 100 للا 2 مليون. فلقاها تقريبا يمكن ايه. ولا حاجه. ولا تتلاشى قيمه. مش قيمتها. انا يعني كنت هطو. هو قيمتها مش مش هتتلاشى نسبتها. فانت حسيت ان فكره النسبه دي انت ترجمتها في عقلك لقيمه مع ان القيمه واحده.

صح. فده اسمه كونتراست ايفيكت. ان احنا ما بنحكمش على حاجه بقيمتها نحكم عليها بنسبتها.

ام. طيب ده بيعمل مشاكل؟ اه مشاكل كتيره جدا في العالم كله. انا احنا قلنا اصلا ابتدينا بيه ليه؟ لانه سبب من الاسباب الكبيره في الوقوع في الاكتئاب. هديك مثال اول نخش على تفاصيله وعلاقته ايه بالشرع وفين النصوص الشرعيه اللي بتتكلم عنه.

انا كنت لسه اسالك علاقه ده بالاكتئاب. مش بالشرع يعني بالاكتئاب. طيب خلينا في الاكتئاب وبعدين نروح للشرع.

دلوقتي افترض المثال الاتي ده ان انت من زمان مثلا بتحلم تروح تصيف في حته معينه انت واولادك وقدرت الحمد لله تكون المبلغ اللي هيخليكم تصيفوا في المكان الفلاني ده. وراجع فرحان جدا جدا انك ايه خلاص وحجزت في. او لو مثلا واحده بقى جوزها بيقول لها مثلا اتصل بيها ايه احنا هنصيف خلاص حجزت في المكان الفلاني. فطرت من الفرح ان هي هتصيف الحته الفلانيه. في عز فرحتها راحت داخله على الفيسبوك عشان مثلا تكتب. انا ولا بتفر في الفيسبوك. فلقيت انتمتها اللي هي صاحبتها جدا متصوره في المطار. انا يا جماعه رايحه المالديف.

امم. في لحظتها في اللحظه دي بتلاقي ايه مستوى الفرح اللي كانت فيه مش نزل للصفر لتحت الصفر.

امم. هو هنا السؤال بقى قيمه المصيف اللي كان مفرح الست دي لما جوزها قال لها في الحته الفلانيه قيمته. هي هي. هي هي. ماصيف اي حاجه. هو المصيف اللي انت من زمان تحلمي وتروحيه هو. طيب انا ازاي فجاه انتقلت من الفرح الشديد ده للحزن الشديد؟ كونتراست ايفيكت. لما قست المصيف اللي انا رايحاه بالمصيف اللي صاحبتي رايحاه.

ام. اتهبدت بقى القي. المفروض على فكره تبقى النسبه. احنا بنفكر نسبه. لا هو للاسف هو بيتحول داخلنا الى قيمه. قيمه المصيف اللي هي هي المفروض. لا اتهبلت. بقى كاني ما انت موديني ايه منزلني نقط تحت بيت تحت ال قدام المدخل. ايوه. فده طبعا مع بقى انتشار السوشيال ميديا مع انتشار الحاجات الكتير اللي بنشوفها في حياتنا احنا بقينا في ماراثون. بقينا مهما انت حققت فانت واقع تحت تاثير الكونتراست ايفيكت. فانت شايف انك ما عملتش.