ازاي تستمر ونجاحك يزيد سنة بعد سنة

في حاجه مشتركه بين الناس اللي طاقتهم عاليه وبينجحوا باستمرار وهي ان نظام توقعاتهم مختلف تماما عن اغلب الناس. معظم الناس بتتحرك بمحفزات ماديه فلوس اكتر القاب شهره ارقام.

المشكله ان المحفزات دي خارجه عن سيطرتك ولما ما تتوفرش حسب توقعاتك وزي ما انت عايزها بيحصل انهيار في الدوبامين واحباط عميق والاداء بيتراجع.

الناس اللي مستوى ادائهم مستمر ونجاحهم بيزيد سنه بعد سنه نظام التوقعات بتاعهم داخلي في احساس اساسهم باثر الفعل مش النتيجه. يعني بالنسبه لهم المكافاه لازم تتحقق الاول من الفعل بعدين تيجي براحتها في النتيجه الماديه بعد كده ايا كان شكل النتيجه دي عامل ازاي من الناحيه الماديه.

وده عن طريق انهم بيعملوا حاجه بيحبوها بيشعروا فيها بالقيمه بتدي حياتهم معنى بيحققوا ذاتهم فيها بيفيدوا بيها غيرهم. البعض قد يظن انه ما عندوش رفاهيه انه يشتغل في حاجه بيحبها بس ده مش صحيح.

لان حتى العمل اللي انت مش بتحبه لو قدرت تربطه بمعنى اكبر من الدخل اللي بيجي يجي لك منه وتعبر فيه عن قيمك العليا علاقتك بالعمل بتتغير للافضل قدراتك بتتفعل وتميزك ده بيفتح لك فرص ابعد من توقعاتك.

وخلي بالك انه كتير من الاشخاص اللي انت بتنبهر بيهم دلوقتي وبتنبهر بنجاحهم بداياتهم ما كانتش بتقول خالص انهم هيوصلوا للي وصلوا له دلوقتي ولا حتى هم نفسهم كانوا متوقعين النجاح ده. لان زي ما قلت في الاول نظام توقعاتهم مختلف عن اغلب بس.