هل المؤمن يمرض نفسيًا؟ | أين ينتهي الحسد والسحر ويبدأ المرض النفسي؟

خلينا نفهم اكتر عن المرض النفسي. إيه هو المرض النفسي؟ وإيه أسبابه المختلفة؟ يعني ليه أحمد بيجيله مرض نفسي ومحمد ما بيجيلوش مرض نفسي؟

في واحد بياخد الأمور على قلبه، فده تعبان قوي. في واحد بيطلع من دماغه أول بأول، فده مرتاح.

هل المؤمن يمرض نفسياً؟ إزاي هنعرف إن هذا الشخص اللي هو تعبان، تعبان بشكل معين، هل هو مريض نفسي ولا مريض سحر وحسد؟ الناس مش بتشوف الحتة اللي قبل المرض النفسي، لكن بتشوف المرض النفسي ساعتها. وبعد كده يقول لك: "لا، ده سحر". أنا لما اتقال عليا معمول لي عمل أو مسحور لي غير لما يتقال: "أنا عيان أو مريض نفسي". طب ما أنت اللي عملت في نفسك كده. يعني دايماً المرضى دايماً بيحبوش الكلمة دي: "أنت اللي خليت نفسك تكتب، أنت اللي خليت نفسك توسوس، أنت اللي خليت نفسك عندك قلق، أنت اللي دخلت في الإدمان". فهنا هنا مسؤولية. أنا عايز أخلع من مسؤولية التعب، فالسحر ده مش مسؤولية. القلق هو أكتر مرض منتشر في مصر. أنت ما سمعتش عن المدرسة دي حصل فيها تحرش؟ أيوه، في 20 مليون طالب، واحد حصل له تحرش من 20 مليون. طب وأنا أعرف هي قلبت الآية خلاص؟ قلبت الآية. إحنا مطمئنين بوجود الله سبحانه وتعالى وإن كل ما هيحصل لنا هو خير. هي قلبت الآية؟ لا، أنا مطمئنة لما أسمع خير عن الولاد. سهل تصدق اللي يخوفك، مش سهل تصدق يطمنك. لولا الانتحار حرام كنت انتحرت. ده كتير جداً.

أهلاً بحضرتك دكتور محمد. إحنا مبسوطين بحضرتك معانا النهارده.

أهلاً وسهلاً بيكم وبمشاهدين.

أهلاً بحضرتك. طيب خلينا نبدأ بالسؤال الشائك على طول ونقول: هل المؤمن يمرض نفسياً؟

بدأت كده وش.

هو الإجابة نعم. الإجابة بشكل عام نعم. آه، المؤمن يمرض نفسياً. يعني الـ طبعاً ده له تفصيل طويل جداً. ممكن نبدأ بيه. الإيمان له دور أساسي في النفس البشرية تمام. لكن إحنا النفس البشرية مش حتة واحدة. هي أجزاء مختلفة. في جزء الاعتقادي والإيماني، وفي جزء خاص بالمرض، وفي جزء خاص بالعوامل النفسية أو الفنيات أو الطرق النفسية اللي بتحصل. يعني بمعنى آخر، هو طبعاً الأجزاء دي متشابكة مع بعض. إحنا الفكرة بس في كلمة النفس. تمام؟ النفس دي مش مش حاجة واحدة.

هي كذا كذا جزء.

فإحنا لما نقول الأمراض النفسية تمام، إحنا بنتكلم على أجزاء آه هي فيها بعد غيبي شوية ويعني مش مادي، لكن لها بعد مادي آخر اللي هو الكيميا والجينات وخلافه. فالجزء ده جزء شغال أصلاً بعيد عن الجزء الإيماني. خلاص، هو ده كيميا، ده بيولوجي.

كويس.

وفي حاجة تانية مشتركة بين الاثنين وهو إن العامل الإيماني ممكن إنه لوحده يغير في الكيمياء. مش بس العامل الإيماني، حتى العامل المعرفي، الوظائف الذهنية. يعني مثلاً أنواع التفكير. هل أنواع التفكير دي ممكن تغير في الكيمياء اللي في المخ؟ الإجابة نعم.

فلو في واحد عنده تفكير إيجابي بيغير في كيميا المخ. لو واحد عنده تفكير سلبي بيغير برضه في كيميا المخ. كويس. وكذلك الإيمان ممكن يغير في كيميا المخ نفسه. كويس. فهي العلاقة متشابكة أكتر. لكن هل هذا التغيير اللي ممكن يحدثه الإيمان أو التفكير أو غيره، هل هو كافي إنه يمنع أمراض نفسية؟ مش شرط. لا خالص. آه. الإيمان وكذلك التفكير الإيجابي وخلاف حاجات كتير تانية تعمل بعض الوقاية من بعض الأمراض النفسية.

كلام واضح.

أم.

بعض الوقاية.

من بعض الأمراض.

كويس. لكن ليست وقاية كاملة. خلاص. وليست من كل الأمراض. مش بس الوقاية، هي كمان الإيمان كمان هو جزء من العلاج لبعض الأمراض النفسية.

أم.

تمام. ده له شرح طويل. إحنا لو بنتكلم على مرضى الاكتئاب، القلق، الوسواس، الطلبات الشخصية، الإدمان وغيره. آه، جزء من العلاج هو جزء إيماني. ممكن جزء في العلاج يبقى جزء إيماني، زي ما في جزء معرفي وسلوكي وخلافه. لكن في أمراض أخرى لا. العامل الإيماني مش جزء في العلاج. زي مثلاً الفصام مثلاً، الذهان اللي هو الناس اللي مثلاً بتشوف ناس تانية وبتسمع ناس تانية والكلام ده كله. البايبولر أو الثنائي القطب. لا. هنا هنا برضه هي كيميا بحتة. هتلاقي إن مثلاً إن الأمراض اللي فيها العلاج السلوكي المعرفي، كمثال، جزء من العلاج. يعني العلاج السلوكي المعرفي ده نوع من أنواع العلاجات النفسية اللي هو إزاي بغير في تفكير في الدماغ.

الأمراض اللي فيها النوع ده من أنواع العلاج النفسي اللي هو السلوكي المعرفي أو أنواع العلاج الأخرى المعرفية زي الجدل السلوكي، زي الاكتئاب، التخيل والأساس وخلافه. ممكن هذه الأمراض يكون من خلال يعني برضه من علاجها العامل الإيماني. أنا بكلم كلام صعب شوية يا أستاذ.

طيب إحنا لما بنتكلم على الأمراض النفسية، إحنا عندنا علاجين اثنين مشهورين في العلاج الدوائي.

أم.

وفي العلاج النفسي. كويس. ففي أمراض نفسية هياها الأساسي هو دوائها زي الذهان والثنائي القطب وخلافه. وفي أمراض تانية علاجها المشترك ما بين الدواء وجلسات العلاج النفسي زي الاكتئاب والقلق والوسواس وخلافه. فالأمراض دي جزء من العلاج ممكن يكون علاج إيماني كمان. فهو جزء في الوقاية إيماني، جزء في العلاج إيماني. لكن يظل إجابة على السؤال بقى الأصلي: هل المؤمن ممكن يمرض؟ نعم. حتى لو كان عالي الإيمان ممكن يمرض فعلاً ببعض الأمراض النفسية. ربنا يعافي الجميع. لكن يظل إن الإيمان واقي شوية ومعالج برضه لبعض الأمراض.

حلو قوي. حضرتك قلت كلمة جميلة قوي إن هو الإيمان وقاية من بعض الأمراض. صح كده؟

أيوه.

جميل قوي. طيب إحنا بقى أو عايزين إن إحنا نفهم أكتر عن المرض النفسي وليه يعني ليه أحمد يجيله مرض نفسي وليه محمد ما يجيلوش مرض نفسي؟ إيه الأسباب المختلفة للأمراض النفسية؟

تمام. طيب إحنا عندنا هنا عوامل كتير جداً. والعوامل دي إحنا مهما حصل إحنا صعب نحدد عامل معين للمرض الفلاني. هو مجموعة عوامل. آه، ممكن ده احتماليته أكبر. كويس. لكن في ناس تانية ما بنقدرش نوصل للسبب المباشر أو الدقيق للموضوع ده. فأول سبب هو السبب البيولوجي. كويس. وهو سبب النواقل العصبية للنيورترانسميترز والوراثة الجينات. فهو واقعياً ودي نقطة الناس يعني محتاجة تعرفها أكتر. واقعياً إحنا في جيناتنا وكروموزوماتنا. الجينات دي لها الصبغة الجينية، صبغة الصفات اللي بناخدها من الأب والأم. فباخد نص من الأب ونص من الأم. الصبغة دي فيها صفات. الصفات دي في حاجة اسمها صفات سائدة وغير سائدة ضعيفة يعني متنحية. كويس. إحنا في خلايانا في مليارات الصفات. وكثير جداً من الصفات دي متنحية مش شغالة. بعض الناس بيبقى عندهم الصفة مش شغالة أو ضعيفة أو متنحية وتشتغل مع الوقت بحدوث عوامل أخرى. هضرب مثال بعيد عن الطب النفسي مثلاً السرطان. كويس. السرطان في كثير جداً من البشر. كثير جداً. إحنا بنتكلم في أكتر من 50% من البشر. إحنا ممكن 70% 80% من البشر عندهم على كروموزوماتهم أو جيناتهم وراثة للسرطان أو عامل يسبب سرطان.

طيب هل العدد ده كله بيجيله السرطان؟ طبعاً لا.

لكن في عوامل أخرى مساعدة لحدوث السرطان. معنى كده إن في جين ممكن يكون مش شغال ويشتغل لاحقاً؟ طبعاً كله بقدر الله سبحانه وتعالى. لكن من الحاجات اللي مثلاً اللي ممكن تنشط جين السجاير.

أم.

السجاير بتنشط جينات. خلاص. بتضر وتنشط. ممكن تنشط جينات خاصة بعمل السرطان. نفس الكلام عندنا هنا في المرض النفسي. المخدرات كمثال. المخدرات ممكن تأثر في كمية الدماغ وتثير إن الجين متنحي أو مش شغال يشتغل.

أم.

فشغل الجينات ده ممكن يحصل كطفرات جينية زي ما معروف. ممكن يعمل مشاكل أخرى في الإنسان في أي مرض من الأمراض النفسية، الأمراض الطبية.

حلو.

كويس. حامل آخر التغير في كيميا الدماغ اللي هو نيوروترانسميترز أو اللواخ العصبية. ودي برضه حاجة الناس برضه محتاجة تفهمها أكتر. إحنا عندنا المخ مراكز كتيرة جداً. فعندنا مراكز خاصة بالذاكرة، عندنا مراكز خاصة بالتركيز والحفظ والحسابات والمزاج والخوف والمشاعر والحب. كل حتة بتعمل حاجة. والمراكز كتيرة جداً جداً ومتداخلة مع بعض. فالمراكز دي عبارة عن خلايا. وإحنا بنتكلم في برضه مليارات الخلايا. إحنا بنتكلم في أعداد ضخمة جداً. الخلايا دي بتتكلم مع بعض من خلال كيمياء. في كيمياء بتطلع من الخلية الأولى توصل للخلية التانية في كسور كسور من الثانية. تمام؟ علشان في الآخر توصل لأكشن معين. أنا لو أنا بحرك إيدي دلوقتي، فانا في أوردر في أمر جه من دماغي إن أنا أحرك إيدي. إزاي ده حصل؟ الخلية الأصلية اللي فكرت في الحركة أدّت أمر للخلية اللي هتحرك بس اللي قبل اللي هتحرك اللي هتوصل الحركة. وبعد كده دي أدّت أمر تاني للخلية اللي بعدها. أدّت أمر تالت للعضلات. أدّت وهكذا. كل ده بيحصل في كسور كسور من الثانية. ما بنلحقش حتى نشعر إن في أصلاً تأخير أو ديلاي. المهم الخلية إزاي بتتكلم على خلية تانية؟ إزاي بتوصل لخلية تانية؟ من خلال كيمياء بينهم وبين الكيميا دي. لما بتلخبط بيحصل المرض النفسي. اكتشفنا مع التطور العلمي إن عندنا بقى مراكز مختلفة وكيميا مختلفة في الدوبامين وفي السيروتونين وفي النورادرينالين وفي غيره. في كذا نوع كيميائي وفي كذا مركز في الدماغ. وبالتالي حسب اللخبطة دي حصلت في أنهي مركز بيحصل المرض النفسي.

اللخبطة دي ممكن تحصل نصيب قدره بعوامل جينية مثلاً بحتة أو هو لوحده جيناته كويسة بس هو حصل له وهذا النصيب خلل؟ زي مكنة وباظت؟

زي خلل السكر مع السكر مع مثال. آه. مش شرط يكون في جين.

أم.

فممكن يحصل بجين، ممكن يحصل لوحده، وممكن يحصل لحوادث حاصلة. مثلاً واحد مثلاً وده السبب الآخر للمرض النفسي. واحد مثلاً حصل له صدمة. الصدمة دي لازم تأثر عليه. لما بتأثر عليه بتأثر على دماغه. وجوه الدماغ بتأثر على الكيميا الدماغ وهتحصل له مثلاً حسة عربية مكتئب وحزين عشان اتخبط. طيب هل هي هل حسة ما جتش في مخه بس؟ في الآخر هو تعور واتخبط. بس إيه اللي حصل في الدماغ؟ هو اتأثر. إحنا كل شوية في كيميا بتحصل. يعني أنا دلوقتي لما بقول إن أنا لما بحرك إيدي في كيميا بتتغير.

أم.

طيب إحنا كلنا لما بنصحى الصبح بنبقى بمزاج ولما بننام بالليل بنوصل لمزاج تاني خالص حسب حوادث اليوم.

صحيح.

فاللي بيحصل إن الكيميا دي بتتغير حتى في المراكز اللي هو الإحساس والأفكار والكلام ده كله بتغير يومياً وكل لحظة حسب أنا بعمل إيه في دماغي وإيه اللي بيحصل لي. فإحنا عندنا عوامل بيولوجية وعندنا عوامل نفسية واجتماعية. الجزء النفسي والاجتماعي ده يشمل حاجات كتير. النفسي ده يشمل الأفكار، منظومة الأفكار والمشاعر. فانا مثلاً أنا واحد مثلاً جه مثلاً شتمني، فانا زعلت. الزعل ده كيميا. طيب أنا ممكن أطلع من الزعل بسرعة. خلاص، الله يسامحه ولا إيه؟ خلاص، يروح مطرح ما يروح، ماليش دعوة بيه وخلافه. أنا خلاص خلصت المشكلة. الحزن ده بسرعة والكيميا غيرت خلاص واتعدلت لحالها. يعني اللي هي الطبيعي بتاعها. لكن في شخص تاني يرجع بقى: "لا، إزاي شتمني؟ وإزاي يستجرئ؟ ومش عارف إيه اللي حصل؟ وأنا لما أشوفه هعمله". يفضل يفكر في المشكلة أكتر من لازم. فيظل التغير الكيميائي بتاع الحزن ده موجود ثابت عنده. وعلى حسب هو هيكمل إزاي في التفكير في المشكلة. فانا ممكن أثبت التغير السلبي اللي حصل أو أعدله بنفسي. ده في أول اللي هي التفاعلات النفسية مع اللي هي المشاكل أو الأحداث.

الأحداث المختلفة.

وبنى عليه خلاص. أنا يا إما أنا بجنب نفسي المرض. أنا ده الوقاية اللي بنتكلم عليها. أو بلبس في المرض لأن أنا فكرت في حاجة باستمرار. وده اللي إحنا بنقوله للناس لما بنيجي نتكلم في العلاج السلوكي المعرفي أو حتى العلاج الإيماني.

أم.

يعني خلينا نتكلم دلوقتي مثلاً مثلاً وليكن مرض القلق. أنا خايف من بكرة. تمام؟ أنا مثلاً أم تقول لك: "أنا خايف على أحسن ولادي يحصل لهم حاجة. أنا خايفة أموت وأسيبهم. أنا خايفة بحسب مش عارف إيه". هذا الخوف هو كيميا برضه. هو أفكار ومشاعر. طبعاً القلق هو اتنين مترابطين. خوف، أفكار اللي هو أنا خايف أموت دي فكرة.

فكرة.

بتطلع مشاعر اللي هي الخوف والتوتر. فانا على طول إيه؟ عايز أطمن على ودي. طيب الخوف ده ده اللي هو الكلمة السطحية. من جوه عندنا كيميا اللي هي الخوف. الأفكار والمشاعر.

طيب هل إحنا لو عالجنا من الناحية السلوكية أو من ناحية إيمانية، هل ده يتعدل؟ آه، يتعدل. كويس. ده عشان بس نربط الكلام ببعض. فانا قصدي إن هو دلوقتي إحنا عندنا عوامل نفسية بتؤدي إلى تغيرات كيميائية. كويس. وعوامل اجتماعية. عوامل اجتماعية زي مثلاً طلاق، خناقة، اتطرد من شغله، خسارة فلوس. دي عوامل اجتماعية. حوادث اليوم. خلاص. دي بتأثر برضه في النفس وبتاثر في الكيمياء. تمام. أنا بقى حسب أنا بستقبل الحوادث دي إزاي. كويس. ده اللي بيفرق معايا في حالتي. ولذلك، ولذلك الناس الناس هو لما بيحصل لهم مشكلة معينة، هو بيتصور إنه على هو خلاص بقى أسير المشكلة. في حين لما نيجي نعلمه إنه طب ما أنت المشكلة اللي أنت حصلت لك حصلت لك دي، حصلت ناس تانية كتير. طيب ليه الناس التانية دي تعبت ما تعبتش؟ وأنت تعبت؟ هيبتدي بقى يفهم بقى واحدة واحدة إنه لا، في مشكلة في الاستقبال. الاستقبال مثلاً إحنا بنقول والله إحنا عندنا مثلا مشاكلنا والله مثلاً أبويا كذا وأمي كذا ومش عارف إيه وأخويا كذا وكلام كده. طيب إحنا فاهمين أنت اتضررت. لكن شوف هو إيه أصعب منك في مشاكل.

كمثال. خلاص. لما بشوف وده ده في جزء ديني في النقطة دي. في الحديث: "انظر لمن هو أدنى منك في الدنيا" يعني.

أو ما شابه في اللفظ ده. فانا لما ببص للي هو عنده مشاكل أكتر مني، فانا ده بيهون عليا مشكلتي. ده التغير في التفكير وفي الاستقبال. بال عندي مشاكلي. في مشكلة حصلت مش في إيدي إنها حصلت. لكن استقبالي هو اللي في إيدي. كويس. فالجزء بقى ده الجزء الرابع في الـ في المعاض النفسية في السبب. أنا أنا تفكيري عامل إزاي؟ أنا بستقبل الأمور إزاي؟ ففي واحد بياخد الأمور على قلبه، فده تعبان قوي. في واحد بيطلع من دماغه أول بأول، فده مرتاح. والأولاني أكتر إيه؟ أكتر يعني تقبلاً أو يعني للتعب. يعني ممكن يحصل له تعب بسهولة. الثاني اللي هو بيطلع من دماغه وبيطلع من على قلبه ده خلاص ده يعني أبعد عن التعب. بتشوف مثلاً مشاكل في البيت في البيوت. الزوج والزوجة اتخانقوا. لما تلاقي إن هم بيعرفوا يصطفوا بسرعة، فهم حالتهم النفسية الاثنين أحسن. لما تلاقي المشاكل لا بتتفاقم، إن هم مثلاً مش عارفين يتحاوروا مع بعض.

أم.

كل واحد عمال يهاجم الثاني وخلاص. لما تلاقي مثلاً إن هم مثلاً عمالين يخبطوا بعض. يعني حاسة مثلاً الزوجة مثلاً حاسة بالإهانة كمثال. ممكن تكون هي إحساسها حقيقي. ممكن يكون إحساسها ولا لأ. أنت إزاي تقول لي مثلاً إن أكلك مش حلو؟ في حين واحد تاني مثلاً لا، بيشتم زوجته. ربنا يعافينا يعني. كويس. فبتلاقي هي كل واحد واستقباله للأمر. لا، ده هو بيقول لي إن أكلي مش حلو، فهو ده بالنسبة لها ده زي الشتيمة. فقصدي إن الاستقبال وطريقة التفكير وشخصية الإنسان قابلة إنه تؤديه إلى مرض نفسي أو إن هي تقي من مرض نفسي. فدي ده بعض العوامل الـ إيه اللي ممكن تخلي الواحد فعلاً يمرض نفسياً.

جميل قوي. إحنا قلنا في ثلاث عوامل رئيسية. الجزء البيولوجي وده جزئين في منه الكيمياء وفي منه الجينات الوراثية. وده بيخلي الإنسان عنده استعداد للمرض.

أيوه.

يجي مع الاستعداد للمرض ده تربية معينة، فكونت عنده أفكار ومشاعر معينة، طريقته في التفكير، طريقته في الاستقبال.

أيوه.

فده العامل الثاني. ثالث عامل عامل اجتماعي، الأحداث المختلفة اللي بيمر بها فيها اللي بيمر بها في الحياة. وهم بقى شبكة. حصل له حادثة اجتماعية، إزاي هو استقبلها بالأفكار والمشاعر؟ وهل كان عنده جين وراثي ولا لأ؟ هي دي الأسباب المختلفة.

طيب أحمد ده بقى ربنا ابتلاه بمرض معين.

أم.

للأسف كتير من أهلنا يعني بيجي في دماغهم قبل المرض النفسي السحر أو الحسد. إيه الفرق بقى بين السحر والحسد والمرض النفسي؟

طب ده موضوع كبير جداً طبعاً.

آه.

طيب هو طبعاً هي الفروق كتير. لكن أنا بحاول أسهلها على الناس في الشرح أو في في التفرقة. أنا قلت إحنا دلوقتي كأطباء نفسيين أو كراجل مسلم عادي، خلاص؟ أنا مؤمن بوجود الجن والشياطين. مؤمن بوجود السحر والحسد. مؤمن بأن ممكن هذا السحر والحسد يضر الإنسان عضوياً ونفسياً. كويس؟ لأن بعض الناس بتفتكر إن خلاص الطب النفسي دول منكرين تماماً للجن والشياطين والحسد والسحر والأثر. لا، ده مش منكر. في ممكن يكون بعض الناس منكرة، بس في الآخر إحنا في الآخر مسلمين مرتبطين بديننا كويس ومؤمنين باللي بيحصل باللي جالنا من القرآن والسنة.

بس القرآن والسنة بس.

تمام. في موضوع الغيب. أنا مرتبط بالقرآن والسنة. عندنا مثلاً في الفقه بس عندنا الإجماع والقياس والـ أنواع التشريع المختلفة. لكن في الغيب أنا ليها في القرآن والسنة. لأن طبعاً في إضافات كتير ناس حطوها على آية في الغيب. مثلاً الجن الطيار وجن العاشق وجن مش عارف إيه.

يعني إيه غيب؟

الغيب اللي هو أنا مش شايفه. عكس المشاهدة.

حلو.

"الذين يؤمنون بالغيب". وهنا وهنا النقطة المحورية. ما هو أنت بتفتح لنا في بص. اللي بيوصل لي حاجة يا شيء مشاهد يا غيبي. خلاص. المشاهد ده عادتاً اللي أنا هختلف عليه أنا وأنت قدام بعض. فانا مش هقول إن مثلاً فلان مش قدامي ولا فاهم قصدي. إحنا إحنا. فلو جبنا 20 واحد. آه، ده الاثنين دول قد بعض. الناس هم شايفين الاثنين دول بعض. ده مشاهد. أما الغيب فنختلف فيه. لأنه مش كل الناس هتشوف. ما فيش حد بيشوفه بالعكس. بس مش كل الناس هتؤمن بيه. عشان كده في اختلاف الأديان واختلاف الثقافات في الغيب. ولكن الخوض في الغيب طبعاً عالي جداً جداً عشان نقدر نعرفه. رفه في حين إن إحنا ما لناش وصول له إلا من خلال الوحي اللي هو القرآن والسنة.

تمام.

طيب. فإحنا مؤمنين بما ورد بالقرآن والسنة. خلاص. وفي بقى إضافات حصلت من بعض الشيوخ أو الدجالين أو غيره. خلاص. ده إحنا هنخليه على جنب دلوقتي. طيب هل هل السحر والحسد يضر الإنسان؟ نعم. بيحصل وبيضر الإنسان. وده ثابت بالقرآن والسنة. طيب إزاي هنعرف إن هذا الشخص لو هو تعبان، تعبان بشكل معين، هل هو مريض نفسي ولا مريض سحر وحسد؟ طيب إحنا أسهل شكل التفريقة اللي ذكرته قبل كده إنه الإنسان يبدأ في العلاج الديني، الرقية والأذكار. كويس. ويمشي مع نفسه أسبوع، أسبوعين، ثلاثة. بس يحط ليمت. يحط حد للوقت. أنا مؤمن إيماناً مطلقاً إن زي ما ربنا سبحانه وتعالى قدّر وجود السحر والحسد وإنهم يضروا الإنسان وما هم ضارين به من أحد إلا بإذن الله. خلاص. ففي ضرر ممكن يحصل فعلاً كما قدّر الله سبحانه وتعالى ذلك. قدّر لنا إيه؟ الدواء لهذا للسحر والحسد. والدواء ما خلاص إحنا ما فيش دواء جديد في النقطة دي. لأن إحنا دلوقتي الدواء جاي من الدين. خلاص. اللي هو الأذكار والرقية. فما فيش فيش هيحصل دواء جديد في الجزء الديني. خلاص. ممكن دواء جديد في الدنيا إحنا لسه بنتعلم أدوية وخلافه. ده في الجزء الطبي. تمام. فهنا المرض مذكور في القرآن والعلاج برضه مذكور في القرآن والسنة. تمام كده؟ فإحنا هنتلتزم بالأذكار والقرآن إيماناً بإن وجود الداء والدواء. خلاص. إن إن الدواء يرفع الداء ده بنص حديث النبي صلى الله عليه وسلم.

وإن ما فيش دواء جديد.

خلاص. لأن ده كله تعرف بالوحي فقط. كويس. فخلاص. فإحنا ملتزمين بهذا الدواء عشان يرتفع الداء يقيناً من الله سبحانه وتعالى. حلو كده؟ فانا بمشي مع العلاج الديني بنفسي. مش لازم أروح للشيوخ واخلاف. أنا خلاص. أنا ممكن أرقي قي نفسي نفسي أو حد في البيت يقيني أو أشغل القرآن في البيت وأذكار وأمشي في الموضوع ده. والله اتحسنت. خلاص كان بها. ما اتحسنتش مع تكرار الأذكار والرقية. أنا بتكلم في مدة قليلة. إحنا بنتكلم مثلاً بكتير قوي ثلاث أسابيع، أربع أسابيع. خلاص. لا، أنا هروح للطبيب النفسي. ده طريقة تفريقة بسيطة جداً ممكن أي حد يعملها.

حلو قوي.

طيب في بقى طرق أخرى تفريقة بس هي أعمق شوية ومحتاجة حد متخصص أكتر. المرض النفسي أغلبُه أو أغلب الأمراض النفسية. خلاص. بتلاقي لها مقدمات. كويس. عكس الأمراض. عكس السحر والحسد. السحر والحسد أنا ماشي في طريقي جالي سحر وحسد زي حادثة العربية خبطتني.

عطلتني.

فانا كنت ماشي كويس بس أنا عطلت. طيب بأخد بالي إن في تغير حاصل بشكل حاد. يعني اللي هو أكيوت. يعني اللي هو قريب جداً. آه. يعني مثلاً في خلال مثلا ساعات أو أيام بسيطة جداً حاسس إن ده مش أنا. والكلام ده أنا ذكرته قبل كده وهذكره تاني. في إن هو ده عن تجربة شخصية يعني. كويس. بتلاقي لا، أنت مش أنت. تمام. هتكلم شوية يعني بصفة بخبرة شخصية يعني. وبعد كده نيجي لبعض الفوات الأخرى. بحكم يعني إن أنا يعني يمكن شوية معروف على السوشيال ميديا وكده. فيعني ممكن ساعات واحد يصاب ببعض المشاكل كل زي العين أو غيره.

أنا من خلال تتبعي للقصة دي. خلاص. أنا بتكلم عن نفسي عن إصابتي أنا. كويس.

تمام كده.

لقيت إن الواحد بيتأثر بكذا شكل. أولاً أول حاجة إنه يتعطل عن الدفاع. خط الدفاع الأساسي اللي هو ذكر الله سبحانه وتعالى. خلاص. بيتعطل عن ذكر الله. أنت الحصن بتاعك الأساسي للحسد والسحر هو ذكر الله سبحانه وتعالى. القرآن.

كله مش مش مش بس فقرات معينة.

لا، أنت طول ما أنت بتذكر الله سبحانه وتعالى في القرآن، أنت خلاص ده حصن أساسي. وكذلك الأذكار. أذكار الصبح والمساء. أذكار الأكل والشرب. أذكار الحمام. أذكار النوم. أذكار. كل دي الأذكار دي حصن للسحر والحسد. طيب أول حاجة بتحصل مع بسبب السحر والحسد ده هو إنه بتنسى أو بتتعطل. تلاقي مثلاً أنا مثلاً مخصص وقت معين للقرآن مثلاً. لا، دماغك مش فيك. أنت سرحان. بعد كده يجيلك: "لا، طب استنى أكلم فلان. طب مش عارف إيه. طب حد بيكلمك وأنت فاتح المصحف مش مش مركز. مش مش عارف حتى أكمل إيه".

أم.

تمام. أجي أجي أنتبه كده اهو. لا، بتلاقي الوقت خلص وأنا ما قرأتش حاجة. تمام. بيتكرر بقى على كذا مرة. ده أول دي أول علامة. العلامة الثانية في إجهاد في الجسم مش طبيعي. أنا عارف مثلاً أنا عارف طاقتي وقدرتي ومش عارف إيه. في أنا بروح شغلي بروح كده كذا. فانا عارف أنا قدرتي على الشغل وعلى الحركة قد إيه. بلاقي لا، اليومين دول لا، أنا حاسس إن أنا همدان أو تقلان أو مش الطبيعي بتاعي. تمام. حاسس إن أنا مجهد جداً وأنا ما عملتش المجهود الزيادة عن الطبيعي بتاعي. طبعاً هو ممكن بعض الأعراض لوحدها أو ممكن يتجمعوا مع بعض. بس عادتاً ما بيتجمعوا. ثالث حاجة إنه أنا عندي مشاكل مع آخرين. لا شيء عمال مثلاً بتخانق مع فلان وعلان. الموضوع ما يستاهلش. يعني كنا طف. هو قال كلمة وأنا ما بلعتهاش ومش عارف إيه ورحت مزود عليه. ولقيت يعني مثلاً مرة في مرة حصل قصة كده وبعدين أخدت بالي إن أنا في خلال ساعة يعني اتصدمت مع ثلاثة.

آه.

خلاص. وده مش طبيعي بتاعي. في خلال الساعة ثلاثة. ليه كتير قوي؟ مش هصدمت يعني بس لا، يعني زعلت منه وقلت له: "لا، خلاص، يعني أقفل دلوقتي ومش هتكلم دلوقتي". بعد كده.

النطر هقول لك عشان دي ليها ليها الجزء الرابع برضه اللي هي التأثر في الرزق. أنا راجل مش بشتغل براتب شهري. بشتغل على باب الله يعني. كويس. شغلي شغلي يومي. أنا بروح أشتغل آخد.

فتلاقي الرزق أثر كتير.

آه.

كويس. اليوم ده اللي هو لما لما حصل مشكلة مع ثلاثة أشخاص في ساعة أو ساعة وربع تقريباً كنت رايح حصل مشكلة. وبعد كده رحت العيادة كان في مواعيد وحوالي ساعتين ما حدش جه. مع إنه محجوز ساعتين كان ما حدش جا. فبدأت أنتبه بقى إن في حاجة. أنا رجعت بقى بال دماغي كده. آه، ده أنا حصل كذا وحصل كذا وأنا حاسس إن أنا إيه؟ أنا مش النهارده مش تمام. والسكرتير عندي في العيادة. قلت له: "بص خلي بالك. إحنا دلوقتي هنقرأ القرآن ونشوف". و أنا قلت له وحصلت معانا مثلاً في العيادة حوالي أربع مرات، خمس مرات حاجة حاجة زي كده. قلت له: "إحنا هنشغل القرآن ونشوف القصة". ففتحت قرآن وقعدت أقرأ كده. أنا قاعد بقى. وسبحان الله. كتير المواعيد اللي اتأخرت دي لقيتهم جايين. فده اتأخر مش عارف إيه واللي نسي واللي مش عارف حاجات كده غريبة. بس خلاص اشتغلنا في العيادة عادي جداً والدنيا كملت طبيعي بعد ما عملنا قرآن. طب هتقول لي طب ممكن تصادف؟ آه، ممكن تصادف.

ممكن تصادف.

لكن الموضوع اتكرر معايا أربع مرات بنفس الشكل ده. كويس. الدنيا فاضية. في مواعيد محجوزة. مش عادتاً الناس تتأخر كلها مع بعض. يعني ممكن واحد، اثنين، ثلاثة يتأخروا. يعني كل دول يتأخروا مرة واحدة.

برضه مش مش طبيعي يعني. ومع مع أحداث أخرى. قلنا قلنا بقول لك إن أنت توقفت في ذكر الله سبحانه وتعالى. حاسس بالإجهاد. عندك مشاكل مع الناس. ورزق بتأثر. كويس. كل ده حصل مع بعض كده في وقت واحد كده. أنت مجرد ما ترجع تاني تزنق نفسك. خلاص هتقعد وهتقرأ قرآن. مش قادر تقرأ قرآن. شغل. تلاقي خلاص الموضوع فك. يعني سواء كان يعني حتى أنا فاكر الثلاثة اللي أنا خلاص يعني كلمتهم قلت خلاص يعني ما تش خلاص أنا يعني يمكن كنت متعصب شوية وخلاص وصالحتهم بمنتهى البساطة والدنيا مشيت والشغل اشتغل. والإجهاد حتى حسيته الراحة. أنا بتكلم عن تجربة شخصية.

عشان بس إحنا مش مش عايشين في برج عاجي ولا في حتة تانية ولا بعيد عن الناس. ف ففي في في عوامل كده بتخليك تحس إن في مشكلة حصلت. بس المشكلة بتاعة السحر والحسد هي مشكلة أكيوت. يعني مشكلة حادة. يعني كان واحد ماشي وحصل له حادث. أما الأمراض النفسية فاغلبها لا فيها تحضيرات طويلة. أغلبها اللي ما فيهاش تحضيرات طويلة زي الصدمات. مثلاً واحد مثلاً والده مات. حصل له حادثة عربية. مثلاً سقط في الامتحانات. حصلته أزمة. دي دي صدمة. فدي بشكل حاد.

أو برضه من الحاجات الحادة برضه اللي هي اللي هي في وقتها. الولادة. س مشاكل ما بعد الولادة مثلاً. واحدة ولدت فايه؟ على طول وراها حصل لها بعض الأحداث زي اكتئاب ما بعد الولادة وخلافه. فدي أحداث حادة. لكن إحنا بنتكلم عن الاكتئاب أو القلق أو الوسواس أو الذهان أو ثنائي القطب أو الترابط الشخصية. كل دي بتاخد فترة طويلة عشان تتحضر لتبقى عشان تبقى توصل لمرض نفسي.

لكن الإشكالية في إيه؟ الإشكالية إن المريض ما يبقاش شايف التحضيرات دي. يعني هو بيبقى شايف إنه تمام تمام التمام. ما فيش مشكلة. لا حاجات بسيطة بالشغلانة. لكن بعد كده اتعبت. أضربك كذا مثال. إحنا دلوقتي مثلاً مرض الذهان. الذهان اللي هو الفصام اللي هو الشيزوفرينيا. لو شخص بيسمع وبيشوف ناس تانية وبيتكلم والمخابرات بت. آه. الهلاوس والضلالات والناس بتراقبه والكلام ده كله.

المرض ده له إحنا بنسميه في الطب برودروما. اللي هو مقدمات. المقدمات دي بالنسبة للناس ده شيء عادي. إيه المقدمات عنده؟ إنه مثلاً واخد جنبه وساكت شوية. هو لسه مش بيهلوس. لسه مش بيقول كلام غريب. لكن هو واخد جنبه وساكت.

قاعد بقى إيه يعني تحس إنه خلاص يعني زي مكتئب شوية كده. خلاص الراجل ساكت وقاعد في حاله وما بقاش مهتم بحاجة. فالراجل مكتئب وزعلان عشان يعني ظروف نفسية، مذاكرة، أياً كان. فهم بالنسبة لهم لا، خلاص مش مشكلة.

فترة فتعدي.

أيوه. بعدين يجي في الذهان برضه نفسه كتير من المرضى دول يدخل في التدين. فتلاقي الراجل إيه؟ ده ساب المذاكرة وقال لك إيه؟ "أروح مع ربنا سبحانه وتعالى وأصلي وأصوم". كده. ده بيحصل في في الذهان. الكلام ده مثلاً إحنا بنتكلم برودروما دي أو المقدمة دي ممكن تصل يعني من شهر لسنتين. واخد بالك.

وبعد كده يبتدي بقى يعمل الأفعال الغريبة بقى اللي بتحصل. فهو الفطرة اللي هي المقدمة دي كلها هو ما شافوش. ما شافهوش الأهالي إن هي دي مقدمة لمرض.

أم.

فلما أشوف مثلاً مريض في الفترة اللي هي مثلاً عامل أو شكله مكتئب. أنا لا، بعين يعني بحث بحكم الخبرة. لا أعرف إن ده مش اكتئاب. ده ذهان أو مقدمات ذهان.

أم.

وأقول للأهل: "خلي بالكم. ده مش اكتئاب". هم فاكرينه اكتئاب. ممكن يجي أهل متعلمين شوية. فايه؟ يجيبوهم بدري. فدي نقطة الناس ما بتاخدش بالها منها. مثلاً الكتاب. قبل مقدمة. طبعاً واضح. ساكت شوية. حزين. واخد جنب. بس لسه ما دخلش في المرض. بعد كده ممكن أسبوعين فما أكثر. خلاص. ممكن يدخل في المرض. القلق. الأمراض اللي الناس بيجولنا متأخر جداً فيها. وأنا كتير قوي لما بعلم المرضى مرضى القلق إن هم فعلاً لما كانوا جوه القلق المرضي. مش هقول لك الطبيعي. ما بيبقاش شايفين المشكلة أصلاً. يعني عادتاً بيقول لنا في القلق السيفير الشديد. كويس. يعني هو عدى القلق الطبيعي. راح للقلق المرضي. المرض فيه البسيط والمتوسط والشديد. خلاص. هو عدى البسيط والمتوسط ودخل في الشديد وجل. فهو فاكر إنه تعب بس في الفترة دي.

هو مش معتبر اللي قبل كده.

مش معتبر قلق. بالذات مرضى القلق. وكمان بعض مرضى الوسواس. بعض الوسواس.

الموسوس مثلاً يقول لك: "لا، أنا لخبطت شوية في الصلاة. بطول شوية في الوضوء. بزود شوية في الغسيل. مش عارف إيه". تمام. فهو ماشي ماشي لغاية أما يبتدي حياته تتعطل بشكل كبير. يبتدي بقى إيه؟ يفكر يروح لدكتور. ده لو راح يعني. الطلبات الشخصية. إحنا لو بنتكلم مثلاً على الشخصية السيكوباتية. الشخصية الغشاشة. ما بتراعيش ضمير. مالهاش عندش قيم. وما أكثرها بصراحة في المجتمع. الشخصية دي عمرها ما تنشأ كده على كبر. دي بتنشأ عادتاً يعني ما كانش في نظام تربية في البيت. واحد مثلاً أهله مثلاً ما بيقولوش: "صلي". ما بيقولوش: "اسمع الكلام". يعني الراجل هو اللي بيشاف الأطفال اللي بيعيوا طول اليوم في الشارع. وا يعني بيزعوا بعض ويضربوا بعض ومش عارف إيه. ما فيش فيش إطار تربوي.

مع.

إحنا قلنا العامل الاجتماعي اللي من ضمن أسباب المرض.

أنا أنا لسه بفرق. أنا بقول لك إن في بس إيه؟ الأمراض النفسية فرقها عن الأمراض الروحية. خلاص. لو اعتمدنا المسمى ده بس. خلاص. إن الأمراض النفسية ليها مقدمات طويلة أغلبها كويس. كل الطلبات الشخصية ليها مقدمات طويلة جداً. يعني عادتاً الطلبات الشخصية كونكن إحنا بنشخص في الكبر. بس ليها أبعاد من الصغر. الطفولة. مراهقة. تجيب العيان. تجيبه هو بقى إيه؟ الناس مش بتشوف الحتة اللي قبل المرض النفسي. لكن بتشوف المرض النفسي ساعتها. وبعد كده يقول لك: "لا، ده سحر". ده أحد عوامل التفريقة. بس ده بقول لك عايز متخصص هو اللي يفرق أو يشوف الصورة من زاوية أخرى. ببدل الزاوية اللي هي فيها الثقافة العامة. فدي كلها دي كلها عوامل بتخلي الواحد يقول: "لا، هو مريض نفسي" أو "أو مسحور". وعشان كده قلنا التفريقة الأسهل هو يبدأ بالعلاج الديني. لأن ده أصلاً إحنا مطلوب منا نعمله يومياً. أنا مطلوب مني أقرأ القرآن وأكل أذكاري وأحافظ على صلواتي يومياً. تمام؟ فكده كده أنت أصلاً مطلوب منك تعمله بشكل كنت عندك مشكلة أو ما عندكش مشكلة. مطلوب منك. فاعمله. اتحسنت كان بها. ماتحسنتش. خلاص روح للدكتور نفسي.

لكن اللي بيحصل إيه في البلد بقى؟ لا، الوضع مختلف خالص.

روح لمعالج بالقرآن.

آه.

هل في حاجة اسمها معالج بالقرآن؟ أنا الحقيقة ضد القصة دي كلها.

بالكامل.

وأرى وأرى إن الموضوع ده من بدع العصر. يعني لم يكن على عهد النبي صلى الله عليه وسلم.

عليه الصلاة والسلام.

أو الصحابة أو حتى القرون الثلاثة الأولى. خلاص. شخص اسمه اسمه معالج بالقرآن. على الرغم من وجود المشكلة أيامها ووجود العلاج أيامها. يعني أنا بقول لك أنا أنا بالنسبة لي ده دي بدعة.

طبعاً.

هيقول لك: "ما بياخدش فلوس". برضه هو ما كانش في حاجة اسمها. ما كانش هذا الوضع ده موجود خالص. مع مع وجود المشكلة.

ومع وجود المؤهلين لهذا الأمر.

طبعاً لا شك. وكان كان أهله. كانوا العرب قبل الإسلام والصحابة بعد الإسلام والتابعين كانوا يذهبوا إلى رقاه. رقاه على أساس إنه يفتقدوا للطب. يعني كان لما تحصل مشكلة خلاص كانوا يسترقون. تمام. ده حصل.

حتى في القرآن في سورة القيامة. "وقيل من الراق؟" يعني هل من راق للشخص الذي اللي بتنتزع روحه؟ هو بيموت.

"كالذا بلغت التراقي. وقيل من راق". يعني هل من راق خلاص يرقيه؟ يعني الراجل خلاص بيموت.

فطلب الرقية كان موجود في في موجود. وده مش مش غريب إنه يكون موجود. لكن الغريب إنه خلاص تتحول إلى مهنة. خلاص. ويبقى ده كل اللي داخلين عندنا 100 داخلين الشيخ أو 50 داخلين الشيخ عشان ما نقولش إن إحنا بصينا لهم في العدد. خلاص. 50 داخلين في الشيخ. الـ 50 معمول لهم عمل. ومشكلتي الكبيرة بقى في النقطة دي غير إن أول حاجة اعتبرناها. أنا شايف إنه من بدع العصر. وإنه أخد الفلوس على الكلام ده. لا يجوز بحال.

أم.

يعني هو الفقهاء اختلفوا. مش دخلنا في حتة فقيه دخلاء. فقهاء. الفقهاء اختلفوا في مسألة أخذ الأجرة على تعلم القرآن. تعليم القرآن.

أم.

فهو في ناس في فقهاء قالوا يعني يجوز ولا يجوز. ده في تعليم القرآن. ليه؟ لأن لازم الأمة تعلم الأمة. يعني الأجيال تعلم الأجيال. وإلا القرآن هيروح. فهم قالوا عشان يستمر القرآن في في الدنيا لازم يكون في معلمين. فالمعلمين دول مش دايماً هيكون عندهم مال. فدي وجهة نظر للفقهاء. لكن إنه ياخد أجرة على إنه يقرأ قرآن كنوع من العلاج. دي لم نسمع بها خالص في الفقه الأول القديم. طيب الإشكالية فين عندي كمان؟ هو الجزم بوجود مشكلة. يعني أنت عديت على حاجة. أنت شربت حاجة. أنت معمول لك عمل. أنت في جن بيجيلك. أنت جبت الكلام ده منين؟ يعني ده غيب بحت. لا يمكن. لا يمكن خلاص توصل له أبداً. ولو افترضنا جدلاً إنه دجال وبيتحالف مع شياطين. خلاص. فالشيطان يكذب 99 مرة ويصدق مرة. كويس. فانا إزاي أصلاً أجزم إن دول كلهم معمول لهم أعمال؟ يعني حتى لو أنت هتقولها يعني. خلاص. يقولها بصيغة التمريض. يعني إيه؟ قد يكون حصل لك حاجة. قد التمريض اللي هو صيغة اللي هو احتمال.

احتمال.

لكن مسألة إنه رحنا للشيخ وقال لي عمل وشربت حاجة. طب أنا هو أصل نزل من بطني ونزل. وهو يقعدوا يشربوه بقى حاجات.

ثانيه بقى ودي الجزء الثالث. ان هو في حاجات بقى كتير بقى بتحصل غريبه يعني اللي هو بيقعد يشربوه حاجات ويدي لله حاجات يعني. أيوه في حاجات منصوص عليها بس في حاجات كتير جدا اضافوها بشكل غريب يعني. يعني مش عايز يعني ازود في الوط دي بس أنا أنا لأن أنا مشكلتي أنا كطبيب نفسيه أن أنا عندي المريض بيجي لي يعني متكحور يعني.

>> اه للاسف.

تمام يعني سبع ثمان 10 سنين مع الشيوخ وطبعًا استنزفوا ماليًا ونفسيًا والمرض عمال مكمل. المرض النفسي مكمل مكمل مكمل وهم ولا هنا. ف ليه ليه التاخير ده كله؟ طب ما أنت لو جيت من بدري كنا خلصنا بسرعة خلاص. أنت عندك مرض عمال يستفحل. فدلوقتي أنا أنا بقول نصًا صريحًا كده. أنا مع أن الإنسان يلتزم بأذكاره ورقاه مع نفسه يرقي أهله أهل بيته خلاص. ولو مش عارف يقرأ يشغل ويسمع في البيت. تمام وده ضروري لكل واحد مصاب أو غير مصاب بتعب. لكن ما تقعدش تستنى على نفسك كتير في التعب. يعني أنا لما بقول لناس خلصوا بسرعة ليه؟ أنا ممكن أكون علاجي مثلاً شوية إرشادات ويبقى كويس أو علاجه علاج سلوكي فقط من غير أدوية.

>> أو حتى ممكن أكتب أدوية في الأول بجرعة بسيطة خفيفة ومش عارف إيه وخلص. لكن لما الناس تجي لنا مثلاً بعد خمس ست سنين من التعب أنا مضطر أدوية كتير خلاص. وأدوية دي هو يقول لي لا أنا مش عايز آخد أدوية كتير ومش عارف خايف من الدوا والكلام ده كله. ودي نقطة ثانية هنجيلها حالًا. ف فبنخش خش في دوامة ثانية. أنا مضطر لأن شايف الشخص تعبان جدًا وبقى له فترة طويلة في المرض. مضطر أن أنا أدي أدوية كتير كويس. وأنا مش عايز الناس فاكرة أن الدكاترة حابين قوي الدوا. لا أنا مش عايز أقعد أدو بس هو للضرورة أحكام. فاللي أنا بقوله في الآخر أنه ما تمشيش في اللخبطة دي.

في حاجات ثانية برده برده زي ما قلت التفرقة كتير. بس في متخصصين في حاجات عامة وفي حاجات أكثر تخصصًا. الناس بتحمل السحر الحسد ما لا يحتمله من أعراض. في أعراض متشابهة ما بين السحر والحسد والأمراض النفسية. الإجهاد المشاكل مع الآخرين أن أنا خلاص مكتئب وحزين وأن أنا تعبان في جسمي وأن. اه ده موجود في الاثنين. أنا لسه قايل من شوية أن أنا نفسي بحس بإجهاد.

>> عضوي مع الإصابة بعين مثلاً.

وده ممكن يحصل في أي مرض عضوي أو نفسي حتى. لكن في بعض الأعراض الناس تظنها صرفة للجن. زي مثلا هو بيص بيصوت أو بيغمى عليه أو بيتكلم بكلام ثاني خالص. مش متعودين عليه يعني بتتكلم صوت راجل أو هو بيتكلم صوت ست أو بيتكلم بلغة غريبة أو الكلام ده كله. الحقيقة أنا أنا لا أعترف بهذا الكلام واضح. كويس أن ده جن.

>> أمم.

كويس. لأكثر من سبب طبعًا. هو يعني هو في تفسير نفسي صريح للموضوع ده. وإن كان شرحه يطول بس في تفسير نفسي. لكن خلينا نقول بشكل واضح دلوقتي. لو افترضنا جدلاً أنه هذا المريض اللي عمال يصوت ويقول الكلام غريب. لو افترضنا أن هو ضرب واحد وهو بيصوت كده قتله. نفترض خلاص. وهو بيصوت وبيضرب ومش عارف إيه راح ضرب واحد ومات. الشخص ده العقوبة دلوقتي الدنيوية والأخروية تقع على مين؟ على الشخص اللي هو ضرب.

>> ولا الجن اللي جواه كما يزعمون يعني؟ هل الشخص ده فاقد فاقد العقل؟ كويس يعني هو عمل كارثة وده المسؤول المسؤولية أو الأهلية خلاص المسؤولية القانونية أو الأهلية أهلية دماغه ساعتها. هل هو كان فاقد الوعي؟ هل في حد متحكم فيه فعلاً يقدر يقول أن حصل الكلام ده؟ الكلام ده فقهيًا مش موجود.

>> هو وضعه في القانون أن ده بيتعرض على طبيب نفسي شرعي صح كده؟

>> طبيب نفسي شرعي اه. بس بتكلم عنها الإيمانية. إحنا دلوقتي بنفرق بين الأمراض الروحية.

>> لو صحت التسمية والنفسية. فمسألة أن في حد بيتحكم فيا دي أنا معترض عليها.

تعترض كلي. ده دي عقيدة الجبرية خلاص. إحنا مسيرين وليسنا مخيرين. ففي حد بيتحكم في تصرفاتي وفي كلامي وفي أفعالي. تمام. طيب هل لو افترضنا أن في جن جوه؟ هل هو اللي بيتحرك على لساني؟ هو اللي بيخليني أتكلم أو خلي إيدي تتحرك؟ لا. تمام. واللي عايز يقول أن هو أن هو الجن اللي بيحركه خلاص يجيب لنا نص من القرآن والسنة.

>> أمم.

تمام. في استشهادات بنصوص بس استشهادات غير مباشرة بتاويلات كتير. خلينا نتكلم في النص الواضح المباشر. طيب. ف طب هل هل القصة أن هو بيتكلم بلغة ثانية والكلام ده كله؟ هل القصة دي ليها تفسير نفسي؟ الإجابة نعم. كويس. طبعًا على فكرة من من اللي قالوا أن الجن بيعمل كذا وبيعمل كذا ده أئمة أئمة كبار على فكرة. الشيخ الإسلام رحمه الله كان بيقول الكلام ده. شيخ والإمام أحمد رحمه الله.

>> كانوا بيقولوا إيه بالضبط في أي نقطة يعني؟

>> أا أن هو الجن يلبس الإنسان وأن هو يعني يتكلم على لسانه أو يفعل هذه الأفعال. فإحنا لما بنرد بنرد على ناس كبار جدًا مش مش صغيرين. فإحنا أنا عارف أن قد إيه صعوبة المواجهة مع الناس بالحجم ده.

حضرتك بتقول أن هم بيقولوا هذا الكلام ولكن ليس له نص.

ليس نص. لأن هو هنا هنا نص نقطة مهمة أن أن في جزء جزء خاص بثقافة المجتمع اللي كملت من قبل الإسلام وكملت. تمام. يعني يعني قبل الإسلام كانوا الناس معتقدين طبعًا في الجن والكلام ده كله كان موجود.

>> لا يعني مثلا كلمة عبقري. كلمة عبقري دي في اللغة للشخص يعني شديد الذكاء. لكن في الأصل جاية من وادي عبقر.

>> ام.

و له قصة بشه أن شخص يعني زي اختفى أو يعني انتهى في وادي اسمه عبقر ورجع لهم بعد فترة طويلة. يعني يهدي يعني بيقول كلام بقى عن في ناس بتشوفنا وفي ناس بتعملنا. واضح أن هو بيقول كلام غريب. في يعني هم ظنوه شديد ذكاء.

>> ام.

ك فجت كلمة عبقري. تمام. وبعد كده انتشرت بعد كده. لكن هي أصلها جاية واحد بيتكلم كلام غريب.

حضرتك بتقول أن إحنا متأثرين بالثقافة اللي حتى ما قبل الإسلام.

اه. يعني في في بص الإسلام لما جه حط حط نظام ثقافي واضح جدًا كويس. في حاجات نفاها الإسلام نفيًا كاملاً. وفي حاجات.

>> في حاجات لم تنفها.

>> ام.

كويس. يعني ثبت يعني عادي خلاص. فكملت خلي بالك. مثلًا قبل الإسلام كان الكرم عند العرب صح. كويس. الإسلام جه أثبته خلاص. فليكرم ضيفه.

>> صحيح.

صح. لكن يعني ماتحطش في الإسلام حدود الكرم ده. يعني تكرم حتى هذا أي. لكن إحنا عندنا خلاص كملنا كما كان إيه العرب يكرمون ضيوفهم وبزيادة كمان على أساس الإسلام حس. وإحنا كملنا كويس. وفي حاجات في حاجات إيه يعني خلاص هي كملت مع العرب خلاص لم يأت لا نفي ولا إثبات وخلاص و تمام ما فيش مشكلة. ده اللي هو المباح يعني في الدين. فجزء جزء اللي هو قدرة الجن على الفعل أفعال اه أو التحكم دي جزء منها جه في الدين صح. يعني مثلاً أنه الشيطان لما لما أذى أبو هريرة خلاص. أوس أسف. لما نصح أبو هريرة أسف صدقك وهو كذوب.

>> بس هو هنا جه من الخارج ونصحه وتكلم مع ماتحكمش فيه.

>> اه. لا في في في حديث آخر لما النبي لما واحدة سألت النبي صلى الله عليه وسلم عن الدم يعني كان ينزل عليها دم فقال ففقال هذه ركضة من ركضات الشيطان.

فنسب ذلك الشيطان. فإحنا مؤمنين بأذى النفس. فقصدي قصدي أن أن في الآخر الإسلام جه ببعض المعتقدات بإثبات معتقدات خلاص. خاصة بالإسلام ونفي معتقدات للجاهلية. وفي معتقدات خلاها إيه لم ينص عليها جوه الدين ولكن كملت منها مثلاً إيه القدرة قدرات بعض الجن. إحنا عارفين الجن لهم قدرات خارقة. عارفين وده ثابت في الدين. لكن ما جاش في نصوص يعني كل القدرات الخارقة. ما يعني في في قدرات خارقة. فاه منها أن مثلاً يطيل مثلاً شديدة ويراكم هو قبيل من حيث لا ترونهم يرا. تمام. كل دي قدرات خارقة. لكن قد إيه حدود القدرة الخارقة إحنا ما فيش حد القدرة دي يعني وصلنا. فناس توسعت في هذه الحتة فمظين؟

>> أيوه. هو حتى إحنا ممكن نقول أن كلام شيخ الإسلام واللي تكلموا عن تحكم الجن في الإنسان كان لسه الطب لم يتقدم في تفسيرات نفسية واضحة للأمور دي.

>> أيوه صح صح. ما هو ده اللي بقوله. أن إحنا دلوقتي يعني مع تقدم العلوم شوية خلاص وبقى في تفسيرات أخرى مقبولة لا تتنافى مع الدين.

>> ام.

لا تتنافى. هي دي النقطة. اه مقبولة. ممكن نفسرها. هقول لك بقى إحنا ليه بيحصل الكلام ده. طبعًا الموضوع برده إحنا عمالين نفتح في موضوع الموضوع طويل. خليني قبل ما ما أقول ليه بيحصل الكلام ده في في مقدمة ليه بيحصل.

>> ام.

دلوقتي شخص تعبان بشكل أو بآخر كويس. أنا كشخص تعبان أنا دلوقتي سبت دراستي أو مش طايقة جوزي أو مش عايزة أشتغل في البيت أو أياً كان عندي مشكلة معينة كويس. وعندي اختيارين في دماغي. أنا أنه إما هكون مسحور ومحسود أو أني أكون مريض نفسي. أنا أختار إيه؟

احنا قلنا الطريقة سهلة خالص اللي بنصح بيها الناس.

أنا هختار هختار المسحور ليه؟ لأن أنا دي بتديني أولاً تديني ا. أنت هتنكر السحر قصدي قصدي.

أنا لما أقول على نفسي جوايا قبل برايا دلوقتي. أنا دلوقتي فكرتي عن نفسي إيه؟

>> أيوه.

مسحور ومحسود ولا تعبان نفسيًا؟

مسحور ومحسود ده من الخارج حد عمل فيها حاجة ف أنا مش غلطان يعني.

>> أيوه. دي حاجة أن أنا خلاص أن أنا مظلوم. أنا يعني مضحية للجن أو السحر أو الحسد.

خلاص دي أول حاجة. الحاجة الثانية التقبل المجتمعي للفكره. أنا لما يتقال عليا معمول لي عمل أو مسحور لي غير لما يتقال أنا عيان أو مريض نفسي. خلاص. التقبل المجتمعي هنا أن الناس هتتقبل فكرة مسحور الجديد بالعكس. هيتعاطفوا معايا جدًا وهيدينوني شيوخ ومش عارف إيه الكلام ده كله. أنا ف أنا بالنسبة لي أنا كمريض أو كشخص تعبان أحسن لي أن أنا أختار أن أنا مسحور أو معمول لي عمل عن أن أختار أن أنا مصاب بمرض نفسي. طب هو أنا اللي بختار؟ اه. في الأول بختار. أنا دلوقتي تعبان. أنا عايز أوري أهلي أو أقول لاهلي أن أنا تعبان ليه؟ لمكاسب كتير. المكسب الطبيعي أن أنا تعبان يا جماعة عالجوني.

مكسب طبيعي. لكن في مكاسب أخرى. أنا أصعب عليهم وأن هم يراعوني أكتر وأن هم يرحموني من الضغط بتاعهم وأن هم ما يدونيش أوامر ونواهي زيادة. دي مكاسب أخرى.

>> ام.

كويس. طيب أنا عشان يعني دي حاجة إحنا بنتكلم على سكندري جولز اسمها أهداف ثانوية سكندري. كويس. ف أنا عشان أثبت للناس دي أن أنا تعبان التعب ده كله كويس. طيب عندي اختيارين. يا هكون معمول مسحور يا أكون مريض. الأحسن لي مسحور. مقبولة اجتماعيًا وفكرتها لطيفة. وبعدين مظلومية اه. وأنا متحكم فيا وأنا الجني بيلبسني ومش عارف إيه والكلام ده كله. ف أنا مش متحكمة في نفسي. لو اخترت أن أنا مريض. لا أنا كده أنا مريض. طب هيتقال لي على طول في الثقافة العامة. طب ما أنت اللي عملت في نفسك كده. يعني دايما المرضى دايما بيحبوش الكلمة دي. أنت اللي خليت نفسك تكتب. أنت اللي خليت نفسك توسوس. أنت اللي خليت نفسك عندك قلق. أنت اللي أنت دخلت في الإدمان. خلاص. فهنا هنا مسؤولية. أنا عايز أخلع من مسؤولية التعب. فالسحر ده مش مسؤوليتي. كويس. دي أول حاجة. الحاجة الثانية زي ما قلت لك أن أنا لو مسحور عادي هعيش حياتي يعني طبيعي ويتقال عليا مسحور معمول. غير لو أنا مريض نفسي. أنا خايف بقى حد يعرف أن أنا عيان. خايف أن أنا أروح العيادة. خايف أروح آخد كذا أدوية. خايف أروح المستشفى. خايف ما حدش يتجوزني. خايف ما حدش يوظفني. في عندي مشكلة في فكرة المرض النفسي اللي هي الوصمة العامة للمرض النفسي.

ففي داخل الإنسان في ثقافتنا تقبل عام ل فكرة أن أنا أكون مسحور أو معمول لي عمل عن أن أكون مريض نفسي.

طب هنروح بقى للشيخ كبرده ثقافة عامة. أن أنا دي أول طلعة للعلاج. خلاص. أنت قلت أنت مسحور. حاضر. تعال نروح للشيخ.

أنا بقى عند الشيخ اللي جوايا أن أنا إيه مسحور. عند الشيخ. الشيخ أنا عارف قبل ما هروح أنه هيقر لي وهيعمل لي أيًا كان اللي هيعمله سواء كان شرعي أو غير شرعي. فعارف أن ممكن يحصل اللي هو الكلام الغريب ده. يعني في في تحضير ذهنية حاصلة من قبل ما أروح.

>> أمم.

تمام. اللي إحنا كلنا بنسمع الكلام ده. يعني مش لسه أنا مثلاً غريب جدًا على البلد. فلسه هروح أول مرة أسمع أن في ناس بتتكلم على الجن. يعني ففي ثقافة موجودة. والثقافة دي أو أو الفعل ده لو حصل خلاص. ده هياكد للناس أن أنا فعلاً معمول للعمل ده.

فبعمل كده.

فبعمل كده. لا إراديًا.

لا إراديًا.

أو إراديًا حتى.

على حسب الشخص.

على حسب قد إيه تمكن الفكرة في العقل سواء الواعي أو غير الواعي. واخد بالك. طيب.

يعني هو ممكن يكون مش مريض ويعمل كده لا إراديًا.

طبعًا طبعًا. ما هو ده النقطة الثانية هشرحها لك. يعني في جزء إيه جزء في الثقافة الأولانية اللي شرحتها. في جزء ثاني خالص بقى برضو نفسي. إحنا دلوقتي عرفنا برضه بعد العلوم ما تطورت شوية أن إحنا في حاجات كتير بنعملها بإرادتنا وفي حاجات لا إرادية.

>> ام.

كويس. ف في عقل ظاهر اللي هو الإرادي الواعي المدرك. وفي عقل باطن بيشتغل وأنا مش واخد بالي. تمام كده. طيب. إحنا خلاص قلنا في في الصورة الأولى هو راح والفذهنية وفي وعمل كده وسوى خلاص. إحنا عشان نفهمها عشان في نقطة ثانية دي مختلفة خالص. طيب لو فعلاً هو فعلاً في بعض أنواع التعب النفسي اللي إحنا مشهور جدًا باسمه إيه؟ اضطراب تعدد الشخصية.

>> اه.

اللي هو بيشتغل بشخصيتين كويس. وده موجود. هو صاحب بنشوفه كل فترة فترةانية. بس بنشوف في الصورة العادية في الحياة أنه شخص فعلاً مثلاً اسمه محمد بالنهار واسمه علي بالليل.

>> والرواية بتاعة فيكتور اند هيكل ولا مش فاكر اسمها.

>> اه. وصورت أفلام كتير زي بئر الحرمان كمثال. فأن هي الصبح مش عارف موظفة وبالليل بترقص حاجة زي كده. والشخصيتين ما يعرفوش واحدة خالص. أنا بتكلم بس الصورة دي موجودة في في النهار بعيد عن الشيوخ دلوقتي. كويس. الناس صعب تتصورها. لكن بنشوفها. طيب. إيه اللي بيحصل عند الشيخ؟ إيه اللي بيحصل في الصورة دي؟ قصدي الصورة دي بيحصل أن في في مشاكل نفسية أصلاً موجودة من الأول. خلاص بتخلي الإنسان مش قادر يكمل في الصورة اللي هو فيها الأصلية. أنا كمحمد محمد أنا خلاص أنا مكم أنا في محمد بس عندي مشاكل وضغوط كتير مش قادر داخليًا عندي صراع نفسي شديد مع شخصيتي اللي هو محمد. بيحصل لي بشكل لا إرادي هنا أن أنا بطلع من من الموضوع ده خالص من محمد بخش في أحمد. وأحمد ما يعرفش حاجة عن محمد. ما يعرفش أي حاجة عنه. وبيعيش حياته بقى مع ناس ثانية. مع بيطلع من البيت ويروح ناس ثانية ويعمل حاجة ثانية خالص. بعد كده لوحده بيرجع مش شرط في ميعاد معين لمحمد تاني. طبعًا هو التصور ده تصور غريب. اللي إحنا بنقوله ده الناس بتقول أنت أنت بتقوله أي كلام. بس هو بنشوفه في الناس يعني موجود. وزي ما قلنا أن هو تصور في أفلامه. مسألة تعدد الشخصيات ده موجود في في عند المسلمين وغير المسلمين وغيره. هو صحيح قليل. لكن بس موجود.

>> موجود.

اللي بيسحب عن الشيوخ جزء صغير من ده. لما يبقى لا إرادي بالكامل. إحنا قلنا في في الصورة الأولى أن هو جزء إرادي أو لا إرادي. في الجزء الصورة الأولى. الصورة الثانية دي لا إرادية بشكل كامل. هو فعلاً بيطلع من شخصيته. تمام. يقول له مثلاً أنت اسمك منى؟ لا أنا مش منى. أنا أحمد مثلاً.

>> اه.

ويتكلم صوت الراجل. تمام. ده بيحصل بشكل رد فعل عند الشيوخ بسبب أن ده بيحصل إمتى بالذات عند الشيوخ اللي بيعملوا إيه يعني أكشن قوي. يعني يقعد يزعق ويمر ويعمل شوية. تمام. ف القصة في ناس بتخض. يعني من من أكشن شيخ. ممكن يعمل شوية حاجات كتيرة كتير لغاية أن هم كأنه بيخض الجن. بس هو في الآخر هو المريض هو اللي بيتخض وبيحصل له القصة دي. لكن بتبقى قصة مقتل. أن هو طبعًا بيطلعوا بعد القصة دي يقعدوا يضربوها عشان تشوفوه بقى أنت أنت منى أصلًا مش خلاص. فيقعدوا يضربوا في.

>> يطلع منى في الآخر.

فده صورة ثانية برضه أو سبب ثاني نفسي بيحصل للمرضى دول. الصورة بقى عند الناس إيه؟ ده إحنا طلعنا الجن. كويس. أو الجن اتكلم. أو بيتكلم بشكل ثاني. وهي أنا متفهم جدًا أن ده يعني اللي أنا بقوله ده بالنسبة للناس صعب جدًا تصوره. يعني ده متفهمه جدًا.

بس ما هو صعب برضه أتصور فكرة. يعني فكرة الجن دي إحنا بنشوف جن ولا كده. فهي حاجة غيب زي ما حضرتك قلت. بس إحنا اعودنا عليها. ف الفكرة اتقالت لنا كتير قوي. فبدأنا متقبلينها.

لكن هي في صعوبتها أو في غرابتها زي الفكرة اللي إحنا بنقولها في.

أنا معاك. أنا عشان كده عشان كده إحنا خلاص عارفين أن الجن ممكن بالقرآن والسنة بيعمل كذا وكذا وكذا. وحتى قلنا من شوية أن ممكن العين والسحر يؤذي الإنسان. إحنا قلنا الكلام ده خلاص. ولكن برضه في حاجات نفسية ممكن تعمل كده. إحنا بنحاول نفرق بين الاثنين دول. لكن الإشكالية عند العامة الناس والبسطاء خلاص. أنه التفرقة دي بتكون صعبة شوية. عشان كده بدأت كلامي في نقطة. خلينا في العلاج. ده بيوضح لك الفرق. اتعالجت بالقرآن والسنة كنبيه. خلاص. لا لسه ما اتعالجتش. روح للدكتور نفسي. حلو قوي. يعني خلينا نلخص كده. أن إحنا أول حاجة نؤمن بالحسد والسحر والعين. ودي حاجات مذكورة في القرآن والسنة وبتاع. إحنا نؤمن بيها. الحاجات دي غيب. فبالتالي إحنا ما نقدرش أن إحنا نتأكد منها بالضبط. فإحنا لما بنصاب بأي مصاب يختلط ما بين المرض النفسي والسحر والحسد. الخطوة الأولى أن أنا أسبوعين لأربع أسابيع بعمل الحيا بعالج نفسي رؤية قراءة قرآن أذكار. في تحسن. اه. اتفضل.

أنا برضه ما حددتش مش عايز أحدد الأسبوع أربع أسابيع كبرنامج علاجي. أنا مش مش بعمل برامج علاجية دينية دلوقتي. أنا بتكلم أن هو المبدأ الفكرة الفكرة أن أنا ما أقعدش أصبر على نفسي. لازم تايم ليمت أو يعني حد أقصى ليه أن أنا بجرب علاج.

بس عايزين نقول برضه أن التايم ليمت ده ما ينفعش يزيد عن شهر. لأن في بعض الأمراض النفسية لو لو أنا اتأخرت في العلاج بيبقى علاجها أصعب. زي ما حضرتك قلت.

صح صح. دي دي حوال. ما هو ده بقى ساعتها لو الدنيا عارف مثلا البايبولر مثلا قطب.

>> ام.

مرض الهوس ده مرض واحد ماشي في حاله كويس جدًا. في خلال يومين ثلاثة تلاقيه مهيبر جدًا وبيتخانق وبيزعق وبيعمل بلاوي. هم عادة مش مش هيستنوا الشيخ. لأن هو كم المشاكل اللي بتحصل من العيان على طول على الدكتور. يعني هو يعني هو بيكسر. هو بيكسر في البيت.

>> اه.

أو يعني يعني مزعقلهم كلهم ومبهدلهم. يعني عادة مش هيستنوا الشيخ. عادة هيروح على طول على المستشفى والدكتور. فقصدي اه. يعني أنا بس قصدي مش تايم ليمت يعني مش حد أقصى للوقت أن هو سنة.

لا خلينا بس يعني خلينا أنا بدي شهر على أساس أن أنا مش مش حد أقصد برنامج علاجي ديني.

لكن عشان يفهم المبدأ. خلاص ما تسيبش نفسك بشكل مفتوح كده هو للتعب. وبعد كده تيجي لنا بقى متأخر واحنا نقعد يعني نطول في العلاجات. تعال ب نخلص بسرعة. النقطة برضه في اسمح لي.

>> أفضل.

أنا كنت بتكلم في نقطة. الناس بتحمل الجن. أكتر مما لا يحتمله. يعني من مصايبنا. كويس. يعني مثلاً واحدة شابة مراهقة. بتجيلها شهوة جنسية خاصة وهي نايمة. ده طبيعي. ده تطور طبيعي للإنسان أنه يبلغ ويكون عنده شهوة جنسية صح. تشتكي لمامتها. أنا بحس بحاجات وأنا نايمة. فتقول لك فيروح للشيخ. ده في جن عاشق بيجي. فيقعدوا يقروا عليها مش عارف إيه. يا جماعة ده تطور طبيعي. ده حل مش حتى مرض نفسي. تطور طبيعي. واحدة عندها شهوة. إنسانة يعني. هنشيلها الشهوة. يعني كمثال.

أنا مثلاً مسألة برضه أن هو أن الشيخ أن هو بيعرف ديانة الجني. أنت عندك جن مسيحي وجن يهودي وجن مش عارف إيه. وعند المسيحيين عندك جن مسلم. يا جماعة أنتوا أنتوا يعني أنتوا تعرفوا الكلام ده إزاي يعني قولوا لنا بس هل عندكم من علم فتخرجوه لنا.

>> اه.

إزاي؟ هو بقى النقطة دي بقى. وبعدين لا ده في جنين. في كمان عديتهم ما شاء الله.

>> وفي قبيلة.

اه. و في ف وفي أنواع بقى من. أنا يا إخوانا. طيب. أنا متفهم أن أن ممكن جزء من الغيبيات يتعمل له زي إيه زي تصنيف. يعني للتعليم. زي مثلاً إحنا عندنا أقسام التوحيد. عندنا التوحيد الألوهية والربوبية والأسماء والصفات. ده التفرقة تصنيفية عشان نبقى فاهمين. بس أنما في الآخر هو توحيد واحد. لكن أنت صنفت على أي أساس. تجربة شخصية. ماشي. دي عليك أنت. لكن ده ليس العلم اللي إحنا هنقدر نقول خلاص نعتمد كعلم في الغيبيات. خصوصًا أن أغلب التصنيفات دي تصنيفات حديثة جدًا جدًا. طب الكلام ده ما كانش موجود زمان. كان موجود زمان بالعكس. لما ناخد العقيدة والدين من زمان أفضل بكتير من إيه كتب حديثة. خصوصًا دخول بقى التدخلات الثقافية المتعددة دي جوه دي. فقصدي أن دلوقتي بقى على طول إحنا بنفكر في مسألة أن إحنا ده على طول مباشرة. يعني طب إحنا مش مختلفين في النقطة دي. بس فكر في احتمالات أخرى عشان بس إيه ما نلبسش في الحيطة. يعني بس في الآخر. تمام. إحنا أنا ليه بقول الكلام ده وبستفيض فيه. لأن أنا فعلاً بعاني بعاني مع مرضاي. ليه؟ لأن هم بيجوا متأخرين جدًا. خلاص. وأنا بيطلب مني كدكتور أن أنا أعالج بقى دكتور اتصرف. طيب هتصرف. حضر هحاول. بس أنا عندي مشكلة كبيرة. هو طبعًا المريض عايز يتعالج من غير دوا أو يتعالج بدوا بسيط أو يتعالج شهر شهرين ويروح من غير علاج أو مش عارف إيه. وفي نفس الوقت هو مش بس مريض. هو في عيلة كاملة متأثرة بمرضه.

>> ام.

يعني في أولاد مثلاً متأثرين بمرضه. في زوج أو زوجة أو أب أو أم. يعني في في المرض نفسه بكل سف. داخل في أبعاد أخرى. يعني مثلاً لو مريض مكسور أو مريض ضغط أو سكر. عاده أثره على نفسه. أما المرض النفسي بكل أسف مؤثر على الآخرين كمان ومهلك للناس. أنا عايز أقول لك أن أن المرض النفسي هو يعتبر حاليًا هو ثاني مرض في التأثير الاقتصادي على شعوب العالم. يعني إحنا المرض ليه؟ هو مش بس فكرة أن المريض ده عيان وهنعالجه. هو فكرة أن في شخص وأسرته خلاص.

>> تعبانين.

ودول مؤثرين في النمو الاقتصادي أصلًا في العالم. يعني أنا مثلاً لما يكون عندي عيان وهنفترض مثلاً زوج مريض. خلاص. ونطلع عين مراته. كويس. وأولاده. الإنتاجية العامة للأسرة دي بتضعف بشكل كبير. يعني الأولاد دول مش هيذاكروا أو هيتأثروا بذاكرتهم بشكل كبير أو هيعملوا مشاكل لناس آخرين. خلاص. فدول أصلًا بدل ما هم يعملوا حاجة كويسة لنفسهم للبلد. خلاص. لا هم عاملين هم بقوا عبء أو عبء إضافي. ف أنا عندي عيلة كلها مثلاً فيها مشكلة دلوقتي. طيب أنت المفروض العيلة دي تكون عيلة كويسة. اللي بيدرس واللي بيتعلم واللي بيشتغل واللي بينتج. فهو عيلة بتن الإمباكت أو العبء الاقتصادي الاجتماعي لمرض نفسي عالي جدًا. عشان كده أنا بقول يا إخوانا اهتموا شوية. تمام. إحنا مش بنقول كطب نفسي برضه مش بنقول أن إحنا يعني خطيرين جدًا وخلاص هنخلص لكم كل حياتكم خلاص. أن تبقى زي الفل. لا. إحنا هنحاول مع بعض نكون أحسن. وده أثبت يعني على مدار السنين. الحمد لله. أنا ج نفسي بيجيب نتيجة كويسة الحمد لله. بس ال الفكرة بس أنت اسعى بس من بدري عشان تكون المشكلة بسيطة ونكمل بدل ما إيه هنقعد نغلب مع بعض شويتين ونطول. فبالتالي هتبقى مشكلة أصعب عليك أنت كمريض. ده ده بس يعني. إحنا هيطول. هيقول لك أنت السبوبة هتروح عليك. يا عم تروح عليا. ما فيش مشكلة. خليك أنت بس كويس.

>> اه. طيب الحمد لله.

طيب حلو قوي. إحنا هنا اتكلمنا على تعامل بشكل غير سوي مع بعض الأمراض النفسية من خلال الدجالين وهكذا. بس هل بقى للدين والإيمان دور حقيقي في علاج الأمراض النفسية بشكل سوي وبشكل صحيح؟

زي ما قلنا في الأول أن الدين والإيمان له عامل وقائي من بعض الأمراض النفسية.

تمام. وهو بعض الوقاية برضه عشان ناكد.

وكذلك هو له دور في علاج لبعض الأمراض النفسية. يعني خلينا ناخد مثلاً مرض زي القلق كمثال.

>> امم.

وأنا كان عندي محاضرة طويلة في مسألة العلاج الإيماني للقلق.

ممكن نحطها في الوصف إن شاء الله عشان الشباب يسمعوها.

تمام. القلق عبارة عن إيه؟ عبارة عن أفكار سلبية عن المستقبل. بالمناسبة القلق هو أكثر مرض منتشر في مصر. بالمناسبة. خصوصًا في ستات مصر. الجزء يعني أنا لا يقل عن لا يقل عن 40% من الحالات اليومية اللي بشوفها مشكلتها الأصلية قلق. والقلق معدي. معدي يعني هو بيعدي. يعني الأم القلقة بتخلي أولادها برضه قلقين.

>> صحيح.

بصراحة. وموضوع القلق في مصر بالذات ودول العربية بشكل عام. بس أنا بتكلم على مصر تحديدًا كمان. لا عالي جدًا. يعني مثلاً لو نقارن مثلاً خليها ماشي في الستات ماش النساء مصر مثلاً بالنساء الخليج. لا النساء في مصر أكثر قلقًا بشكل كبير جدًا. وله أبعاد بقى كتير جدًا سياسية واجتماعية وإعلامية. والإعلام دايما هندسة مركز على الحوادث. المثال. وإحنا وإحنا طبيعي أن بلد فيها 100 مليون ولا 110 مليون. طبيعي حوادثنا أكثر من أي دولة. العدد متساوي مع كم الحوادث ده شيء طبيعي جدًا. وفي طبعًا أسباب أخرى مش لادع ذكرها. فنصري أن الإله كمثال. إحنا دخلنا في نقطة بس نصي نسبته عالية جدًا جدًا في البلد. خاصة عند النساء هنا.

>> اا طيب. الإله عبارة عن إيه؟ الإله عبارة عن أفكار سلبية عن المستقبل. عن الغيب. خلاص. أنا هيجي لي مرض كذا. أنا هموت مش عارف إيه. أنا ابني راح واتأخر فزمان حد خطفه. أنا ال البنت مش اتأخرت ميكروباص مش عارف عمل لها إيه. أنا مش عارف جوزي ما بيردش ده شكله مع واحدة ثانية. أنت عارفك بس.

>> أي فعلى طول في حسابات لأشياء غيبية.

خلاص. ده حاجة غيب. خلاص. هو حاجات في الغيب وأنا عمال أحسبها. أحسبها. أحسبها. طيب. إحنا لو طبعًا هو له علاج دوائي وسلوكي وخلافه. لكن إحنا لو حسبنا من جانب ديني كويس. أنا إيه اللي في الدين يقدر يساعدني في في موضوع علاج الإله كمثال. أول حاجة الإيمان الكامل بالقضاء والقدر. أنا دلوقتي مشكلتي في إيه؟ مشكلتي في الإله إيه؟ أن أنا خايفة يحصل لي حاجة وحشة. طيب الإيمان بقضاء وقدر. وهما كل المرضى يقول لك أنا مؤمن بقضاء وقدر. أنا طبعًا مؤمن بربنا طبعًا. هنكفر يعني. المشكلة في حتة الإيمان الكامل. يعني إيه إيمان كامل؟ أن كل ما قدر لي خير. هو خلاص مكتوب. في حاجات حاجات كتير هتحصل غصب عني. في حاجات أنا بختارها.

>> في حاجات هتحصل غصب عني.

طب أنا مقدر لي حاجات مصايب يعني أو حوادث. كويس. هنسميها ابتلاءات. لأنها طبعًا ده اختبار للمؤمن. كويس. عند غير المؤمن هي مصائب. أوكي. فهو الحديث النبي صلى الله عليه وسلم أدبًا لأمر المؤمن أن أمره كله له خير. إن أصابته ضراء شكر. وإن أصابته سراء شكر. فكان خلف. وإن أصابته سراء شكر. فدلوقتي أمره كله له خير. إيماني بالجملة دي بيخلي استقبالي للمصايب أو الحوادث أخف. أولًا هو مكتوب لي.

>> امم.

ثانيًا هو خير لي وأنا مش عارف فين الخير. ثالثًا عليا الصبر والشكر. أنا عرفت هيحصل إيه. طيب هل أنا أتمنى المصيبة؟ لا طبعًا. لا أتمنى نصيبه. تمام. لكن أدعو لربنا سبحانه وتعالى باللطف في مقاديره. خلاص. وبعد ذلك خلاص لو حصل حاجة أنا فهمت أن أنا المقدر لي ابتلاءات. فاخدها في صورة أن هو ابتلاء لاختبار إيماني. تكفير سيئات ورافع حسنات. الاختبار ده فيا أنا. في حد من بحبهم. خلاص. ف أنا ف أنا خلاص. أنا مؤمن أن كل شيء بقدر وهو خير لي مهما قلقت مهما خفت أنا مش هغير غير القدر. طيب بالعكس. أنا هقول ربنا سبحانه وتعالى يلطف بينا. ولو جا شيء أنا هصبر على قد ما أقدر واستعين بكل أنواع الصبر والاحتساب. ولو جه خير أشكر. طبعًا هي النقطة دي لوحدها لو إحنا وظفناها جوه نفوسنا. مشكلة الإله كلها خلصت.

>> ام.

وصلت. طيب. أمر آخر مثلاً الإيمان الكامل باسم الله سبحانه وتعالى وصفاته. لما نقول مثلاً الله سبحانه وتعالى عدل. حكم عدل. كويس. عدل في أحكامه. كويس. لما نقول الله سبحانه وتعالى لطيف بعباده. خلاص. خبير بأفعاله. عليم بأحواله. خلاص. أنا ما بقوله أن ربنا سبحانه وتعالى لطيف بينا. خلاص. مهما كان من مصاف هو لطف. صح.

>> صحيح.

طيب. ف وهو عادل. ده عدل من عدله سبحانه وتعالى. ف أي شيء يحصل هو من عدل. أنا.

>> امم.

أنا سيئاتي كتير ومشاكلي كتير. فإذا كان هو سبحانه وتعالى قدر لي المصاب تكفيرًا لسيئاتي عشان ألقاه يوم القيامة بدون سيئة أو بأقل من سيئاته. فده من عدله سبحانه وتعالى ولطف بيا. ده ده من أن أنا أقعد أتأمل في صفات الله سبحانه وتعالى. سماعي. واخد بالك. لو أنا بسمع ده جوايا. خلاص. ده بيفرق معايا جدًا في تقبلي للمصاب أو حوادث الزمن. صح.

طيب حاجة ثانية. الاقتداء أو اللي تاسي به الصالحين والأنبياء. صح. الأنبياء حصلهم حوادث كتير. في في أنبياء ورسل قتلوا زي يحيى عليه السلام.

>> وفي النبي صلى الله عليه وسلم كان يتيمًا.

خلاص. وأوذي من من قومه يعني. وكان عمه أبو طالب كان بيدافع عنه. مات وفقد زوجته الأولى اللي هي المدعمة وهكذا. يعني كل في ناس في رسل وفي صالحين أوذوا أكتر مني. أما تقرأ مثلاً قصة أصحاب الخدود. قصة إبراهيم عليه السلام وهو يلقى في النار. تقرأ إسماعيل وهو يعني حكم عليه بالذبح. لكن ربنا فداه. وهكذا. تعرف أن أن أنت لست الوحيد في المعاناة. بالعكس أنت متأسي. لقد كان في قصصهم عبرة لأولي الألباب.

>> صح.

صحيح. فهذه عبرة والابتلاء سنة كونية للمؤمن. خلاص. إيه المشكلة أن يحصل مصاب. كويس. هيحصل. إحنا ما نحبوش. أيوه. ولكن أنت لازم تكون أنت مستعد بال الوقاية الإيمانية من أي مشكلة. هي مشكلة نفسية. يعني النبي صلى الله عليه وسلم كان مر على امرأة تبكي. فيعني فقدت ولدها. فقال يعني اصبري واحتسبي. فقال فلم تعرفه المرأة. فقالت إليك عني فإنك لم تصب بمصيبتي. بعد كده عرفت أنه النبي صلى الله عليه وسلم. فاتته يعني. فقالت يعني إيه.

>> اا يعني تعتد لمك.

فنظري. أنا بس عايز آخد من قصة إليك عني فإنك لم تصب بمصيبتي. كويس. هنا الإنسان لما يكون تعبان في مصيبة معينة. كأنه عزل نفسه عن الآخر. دايما إحنا في لساننا العام. لا ده ما حدش حاسس بيا.

>> ام.

ده في لساننا كلنا. صح. النبي صلى الله عليه وسلم بعد كده علمها إيه؟ إنما الصبر عند المصيبة الأولى. فده كان تعليم. إنما هي إحنا بنفصل. خلاص. أنا لا. أنا قاعدة بمشكلتي وهقعد أعياط عليها. ما بفكرش في الجانب الآخر من المشكلة. زي الصبر والاحتساب. زي رفع الدرجات. زي تكفير السيئات. زي فقاعد على طول خايف من أنه يحصل مصاب. فحين أنا ما أحبش يحصل لي مصاب. ما أحبش.

>> لكن لو قدر خلاص.

أمره الله سبحانه وتعالى. التسليم والرضا. هو دي النقطة. ودي نقطة ثانية. الرضا. الرضا ده شيء في غاية الأهمية. إحنا عندنا مستويات الرضا بقت قليلة جدًا. تلاقيه عند الشخص البسيط. عارف الناس الفلاح البسيطة الجمال دول اللي هم. فإحنا الحمد لله على كل حال. عندك يا عم تاكل وتشرب؟ الحمد لله. عندنا ناكل ونشرب. عندك مش عارف إيه؟ اه الحمد لله. الحمد لله. دقيقة في لسانه كتير جدًا. وتلاقي يحس براحة نفسية عالية جدًا. وهو راجل بسيط جدًا. ويتمتع براحة نفسية عالية جدًا عن شخص واحد أصلًا عمال شغال في السوق وفلوسه وفي كل حتة. عمال يلم فلوسه من هنا وفلوسه أن هو قاعد بقى يتخانق مع ده وده عشان فلوسه. في شوف الواقع الاجتماعي إزاي. هو فارق جدًا في الحالة النفسية. ده واقعيًا. كل ما المستوى الاجتماعي عمال يرتفع بالناس. كل ما مشاكلهم النفسية بتزيد. مستوى الرضا بيقل. إحنا كأننا ماشيين في سباق في سباق على الدنيا. يعني وكلنا تورطنا فيه. أنا مش بعرف نفسي. يعني كلنا متورطين فيه. تستغرب لما تلاقي مثلاً مستوى الرضا. مستوى القلق في في الأوروبيين مثلاً أقل كتير. سار الرضا في الأوروبيين أعلى من مستوى مستوانا هنا كمسلمين.

>> أعلى ولا أقل؟

أعلى. الرضا أعلى والقلق أقل. الأرادة هنا عندهم أعلى.

>> والقلق أقل. تخيل.

طب إزاي يا إخوانا؟ إزاي؟ هو هو قاعد. أنا شغال بأخد مبلغ. المبلغ ده بيروح كله في الإيجار والأكل والشرب. ما بيحوش حاجة. آخر الشهر. هو عنده ده. تمام. عنده. واسأل كده. اسأل الأوروبيين عشان عايشين إزاي. يعني أنت قليل جدًا ما تسمع أن أوروبيين مثلاً بيحوشوا يجيبوا شقق مثلاً. يعني هو أن هو الأوروبي أن هو يحوش ويجيب ويشتري بيت. ده عنده يعني شيء صعب جدًا جدًا. ولو حصل هيبقى حاجة يعني خلاص جاب شقة وبيت. ده يعني ده راجل جامد جدًا. ده بقى له مثلاً 30 سنة بيشتغل مثلاً. وأكيد ليك أصحاب كانك ممكن تسألهم.

>> عشان تصور البودكاست بتاعك في استوديو والهيمو علشان بتحس عندنا أن أنت في بيتك. وإحنا أهلك. وبنشرفك قدام ضيوفك. علشان صورنا عدد كبير من البودكاستس المعروفة في مصر. علشان بقى لنا سنين في السوق وعارفين إزاي نطلع بودكاست احترافي. علشان اسمنا مرتبط في ذهن عملائنا بالكواليتي الاحترافية والبيئة المريحة. وكمان عندنا كادرات كتير جدا متنوعة للريلز. وعاملين شغل شغل جامد جدا في الكورسات. ملمسات فنية عالية في تغطية الإيفنتات. ابعت لنا على الواتساب دلوقتي أو كلمنا على رسائل الصفحة وهنرد عليك في أقرب وقت بكل التفاصيل.

أنا يعني في في حالة معينة في دماغي وعارفها وعايشها هناك وفعلاً الوضع.

عندهم عندهم. أنا أنا خلصت بروتابي آخر شهر عادي جدًا. ما فيش مشكلة. وما حدش هيساعدني. لا بابا ولا ماما.

ولا الكلام ده كله عندهم خلاص. مسألة إن أنا بقى، إحنا أهو، إحنا مثلاً إحنا هنجيب شقة، كان نجيب مصيف في المكان الجديد، كان هنجيب مصيف في مكان تاني. بعد كده هنسافر آخر السنة في المكان ده، بعد كده هنعمل كده على طول. أنا ببص على الخطوة اللي بعدها، وقاعد إن أنا في الخطوة اللي أنا فيها دي أنا مش راضي. ده بقى بيحمس الناس جداً كضغط نفسي داخلي.

>> ام.

مع طبعاً ضغط التسويق للكل: اعمل واشتري وسوّي وكبّر نفسك. وعمل بقى وعدم الرضا بقى عالي جداً، وده مخلي الإنسان أصلاً مش مبسوط.

ماشي، دخلنا في نقطة تانية. بس أنا، أنا لما سافرت وشفت الـ... لا يا جماعة، ما عندهمش أي قلق خالص من مسألة إن مثلاً ممكن يُقال، قال من شغله مثلاً وهيقعد في من غير. هو طبعاً هناك النظام الاجتماعي هناك يعني مثلاً الحكومة، الحكومة هتساعده مثلاً لفترة لغاية ما يجيب شغل ويكمل في شغل مثلاً. آه، في نظام اجتماعي بيسند لو حصل له مشكلة. بس برضه هو بيسند على القد خالص. إحنا عندنا لا، عندنا تطلعات. أنا دلوقتي إزاي أروح الساحل القديم؟ لا ده مش مقامي. هروح الساحل الجديد. الشرير بجد ده موضة قديمة. إحنا لازم نمشي مع الموضة الجديدة عشان أنا مش هينفع أروح مثلاً مدارس تجريبي عشان...

>> وزي الإيمان بيعالج النقطة دي.

>> الرضا.

>> الرضا. كنا بنتكلم في نزول الرضا.

>> كويس. أنا، أنا بقى في القلق. أنا إيه اللي دخلنا في الكلام ده؟ إن الرضا نفسه بيخليني أنا خلاص، أنا الحمد لله كويس. عشان كده بيقول لك الراجل البسيط اللي راضي في حياته ده ما عندوش قلق. هو مش مش شايل بكرة. هو بيحط الزرعة والسنة هتطلع.

>> اللي هو بيطبق أحاديث النبي صلى الله عليه وسلم: "من بات منكم آمناً في سربه، معافى في بدنه، عنده قوت يومه، فقد حيزت له الدنيا".

>> أيوه. إحنا بقى أنا عايز أجيب أكتر من بنت خالتي وأحسن من بنت عمتي ومش عارف هما راحوا كذا. لازم نعمل زيهم. وباصين لبعض بقى بنبص بشكل كبير. أنا بس يعني شيء بالشيء يُذكر. فإن أنا قصدي إن إحنا دلوقتي لو بنعالج كمثال مرض القلق بالعوامل الإيمانية. إحنا عندنا حاجات أنا عديتهم. عدوا الـ 14 عامل إيماني. أنا ذكرت بعضها دلوقتي. الوسواس مثلاً. الوسواس الديني مثلاً. خـ... وسوسة بتيجي في الله سبحانه وتعالى. الوسواس يعني إيه؟ يعني فكرة خطأ في الدماغ عمالة تلف وتدور مش عارف يطردها. فـ... الوسواس إن أنا... الوسواس إن هو عنده وسواسه يا إما في الله سبحانه وتعالى، أو وسواس في النظافة، أو في الصلاة، أو في الوضوء، أو في الطلاق، أو غيره.

طيب الوسواس ده حصل بعض صحابة النبي صلى الله عليه وسلم وجوم اشتكوا. يعني النبي صلى الله عليه وسلم جاءوا كذا حديث من حديث واحد إن هو إن أحدنا يأتيه شيء يتعاظم أن يذكره. يعني هو في عنده أفكار صعب عن الله سبحانه وتعالى ما يقدرش يقولها. لأن يكون حمى أحب إليه من أن يذكرها. اللي هو يعني هو إن هو يمرض بالحمى بالحرارة يعني أحب إليه أن هو بس يذكر الوسواس اللي في دماغه. فالنبي صلى الله عليه وسلم ذكر إن ده من وسوسة وسوسة الشياطين. ليه أحاديث كتير وذكر له العلاج خلاص. إن هو يدخل عن يساره ثلاثاً ويقول: "آمنت بالله". وفي حديث أخرى يقول: "قل هو الله أحد". وفي حديث أخرى: "ولينتهِ". وينتهي ليتوقف عن الفكرة نفسها.

>> ام.

>> ده علاج إيماني بحت. كويس. الإشكالية فين؟ الإشكالية المريض عندنا هنا هو بقى بيجي لنا طبعاً إن هو متأخر. بس في أول حصل ليه إن الفكرة دخلت. هو قعد يناقشها في دماغه كتير.

>> ما وقفش عند "لينتهِ" دي.

>> آه. ما وقفش عند "لينتهِ". قعد يناقش ويرد ويروح يسأل الشيوخ ومش عارف إيه. طب أنا كفرت؟ طب أنا ما كفرتش؟ طب أنا مش عارف إيه؟ ويدور على النت وياخد فتاوى تانية ويدنه. يعني في حتى مرضى يعني يتشاهد شهادة الإسلام تاني ويغتسل على أساس إن هو طلع ودخل وطلع ودخل وطلع ودخل ويلف في اللفة تاني. وعمال بقى. وفي حين إن الحل الديني واضح جداً. من باتري مثلاً وسواس الوضوء إن هو عمال يتوضأ يتوضأ يتوضأ. النبي صلى الله عليه وسلم كان يتوضأ بي يعني حجم زي عارف الـ... المده يعني اللي هو تقريباً إزازة ميه صغيرة. إزازة ميه صغيرة. في حديث وحديث آخر بثلثي المده اللي هو يعني تقريباً ثلثين الإزازة الصغيرة. ده وضوء النبي صلى الله عليه وسلم. كويس. وكان يغتسل يغتسل تقريباً عارف الإزازة الكبيرة ما إليه ميه كبيرة اللي هي المعدنية دي بس حوالي إزازة ونص.

>> ده اختسال النبي صلى الله عليه وسلم أو غسل النبي صلى الله عليه وسلم.

>> المسوس بيقعد بالخمس ساعات في يستحمى. يقول لك: "لا، لسه لسه ما طاهرتش". طب أنت يعني أنت تعلم بخصوص؟ لا، أصل الحتة دي ما جالهوش. لا، أنت خلاص أنت طالما الميه عدت على جسمك خلاص. وده ده كلام الفقهاء يعني مش حتى كلام فـ... وعلى هذا في قس في الاكتئاب كمثال.

>> الاكتئاب آه.

>> إحسان الظن بالله. خلاص. إحسان الظن بالله. أنا إحسان الظن يعني أنا متفائل. خلاص إن الله سبحانه وتعالى يعني يقدر لي أشياء كويسة جديدة. لأن أنا كنت مع الله سبحانه وتعالى عبدته وصبرت وشكرت و و. فـ أنا محسن ظن في الدنيا وفي الآخرة. إن كل شيء هيجي خير. فـ أنا عندي اللي هو الفكر الإيجابي المتفائل. شايف. إنما المكتئب شايف نفسه لا، أنا ما فيش أمل في الدنيا وما فيش أي حاجة نافعة. والكلام ده كله طبعاً بتكلم على أول حزن. أول حزن. مش الاكتئاب الشديد. خلاص. ده لازم هيروح لطبيب. بس بتكلم على أول المشكلة. لما أ... مثلاً من علامات الاكتئاب مثلاً هو بينعزل. ينعزل بتاع بعيد عن الناس.

>> في حين أن في في الأحاديث مثلاً كتير قوي: "يد الله مع الجماعة" أو إن هو الحث على الصديق الصالح.

>> صلاة الجماعة تبدأ على صلاة.

>> أيوه. فـ أنت زق نفسك. خليك مع الناس.

>> "إنما يأكل الذئب من الغنم القاصية". فـ أنت ما تبعدش.

>> تمام. فـ عمال عمال الأحاديث كلها بتزق على إن أنت قرب للناس أكتر. فـ ده بيمنعك إن أنت تزيد في الحزن مثلاً. المسألة الحركة والسعي في الحياة. "كل الناس يغدو، كل الناس يغدو، فباع نفسه فمعتقها أو موبقها". كل. فـ أنا ما ينفعش أقعد. خلاص. لازم أنا أتحرك. فـ باع نفسه فمعتقها أو موبقها. فـ أنا أما هتحرك في الحياة فـ بعمل حاجة إيجابية. أو هتحرك إن أنا نايم في السرير. هو اللي نايم في السرير ده ومنعزل بيتصور إن هو ما اتحركش. لا، هو اتحرك. بس هو اتحرك في النوم كمثال. طبعاً.

>> يعني هو دي نقطة شيء مش يُذكر يعني. إن هو الناس تقول لك: "لا، أنا مش قادر آخد قرار إني أقوم". كويس. إني أقوم السرير. اعرف إن أنت مش قادر تاخد قرار إنك تقوم. فـ أنت واخد قرار إنك تنام. أيوه.

>> فـ ما فيش حاجة اسمها ما فيش قرار. هو في قرار. ولو أنت دقت في حديث: "إنما الأعمال بالنيات". في شرح حديث: "لا عمل إلا بنية". فـ كل حاجة بعملها فيها نية. أنا لو قلت: "أنا مكمل في النوم ده عمل".

>> امم.

>> ولو أنت مش واخد قرار ده عمل. فهو قرار إن أنا مش مش واخد. وقرار إن أنا مكمل في اللي أنا فيه. فاهم قصدي إيه؟ فـ الحزين اللي هو قبل ما يوصل للاكتئاب خلاص. هو عمال هو بياخد قرارات إن هو لا، هو هيقعد وهيريح عشان هو مش قادر. فهو مثلاً في "المؤمن القوي خير وأحب إلى الله من المؤمن الضعيف، وفي كل خير". طب المؤمن القوي ده في كل حاجة. في إيمانه وفي بدنه وفي نفسه.

>> صحيح.

>> صح. فـ أنا طول الوقت عمال أزق إن أنا أكون من المؤمنين الأقوياء. فـ عمال أتحرك أكتر. أعمل أكتر. أنتج أكتر. أبقى أكون نافع لنفسي وللآخرين. حديث اللي هي دي كلها عمالة بتزقك بره المرض. بتغير المنظومة التفكيرية بتاعتك. المنظومة الفكرية بتاعتك. بس هو الفكرة إن هو هنا مش بستحضر الكلام ده في دماغي. أنا بستحضر إيه بقى ساعتها؟ "صباح التعب إليك عني، فإنك لم تُصب بمصيبتي". أيوه. صحيح.

>> فهو عمال مركز في المصيبة اللي هو فيها. هو تعبان مش قادر، حزين، قلقان، خايف، وموسوس. فاهمني؟ فهو مركز في المصيبة وحاسس الناس مش حاسة بيه في مصيبته. تمام. فهو مكمل في الوفـ...

>> هو في اللحظة دي بيبقى لابس نظارة سودا أصلاً.

>> أيوه.

>> وباصص للدنيا من النظارة السودا دي. ما بيبقاش شايف الأحاديث ومابقاش شايف المعاني دي. طب هو هيعمل إيه في الحالة دي؟ ما هو...

>> هنبتدي نوريها له بقى.

>> آه.

>> هي المشكلة في إيه برضه هنا هو؟ إن هو الإشكالية لما نيجي نقول له: "طب اتحرك". أنت بيبقى عنده مشكلة وبيزعلوا مننا حتى المرضى: "أنت دكتور، أنت بتلومني أنا؟ أنا ده أنا مش قادر". يا عم أنا مش مسألة لوم. أنا بس بقول لك حاول تساعد نفسك. طب أنا مش قادر. هي المشكلة هنا إحساس العجز. أنت بتحط لنفسك فكرة العجز. بتتشربها لغاية لما بتلبسها. يعني مثلاً أنا واحد مثلاً طلع عيننا في الشغل. فـ بيروح البيت ينام. مش قادر يصحى. مش قادر يقعد. تعبان. هو تعبان جسدياً. فـ مش قادر ينام. فـ بيخش ينام ويريح ويصحى شغله. ده فعلاً كان شخص مش قادر. عنده حق. فـ مش قادر. بس هو في دماغه إيه؟ إن أنا مش قادر. هخش أنام أريح وأصحى أكمل.

>> ام.

>> فـ "مش قادر" دي هي إحساس جسدي. مش قناعة. الشخص التاني لا، بيتحول إلى قناعة خلاص. إن أنا أنا مقتنع إن أنا مش قادر. هو إحساس جسدي فعلاً. بدأ بدأ بإحساس جسدي ودخل بعد كده على المخ خلاص. إن هو لا، أنا مقتنع إن أنا مش قادر. فـ خلاص. أنا شايف نفسي على طول مش قادر. فـ مكمل في اللي مش قادر.

>> أني ما إحنا كده محتاجين تدخل آخر بقى.

>> أيوه. تدخل آخر. إحنا بنيجي نغير له صورته على نفسه.

>> ام.

>> خلاص. إن هو لا، أنت شوف نفسك من زاوية تانية. أنا أسألهم. أنا الناس دول اللي أسألهم: "طب أنت بتقدر تخش الحمام؟" قول لي: "آه". على حمل روح. يعني طيب طالما قمت من السرير. يعني أنت قادر تقوم أهو. يتنح كده معايا. آه. بتقوم تجيب لنفسك أكل؟ ساعات بيقوم وساعات حد بيجيب له أكل. طيب بتقوم تصلي؟ آه. لازم أصلي. ده لسه يعني محتفظ بالصلاة. يعني إشمعنى الصلاة بقى بتقوم لها؟ لازم أصلي. هي فكرة "لازم". أنت حطيت في دماغك إن أنت مش قادر تعمل ده. وقادر تعمل ده.

>> امم.

>> طب أنا هقول لك على حاجة. أنا حاجة شخصية مثلاً. أنا عندي مشكلة نفسية مع المطبخ. كويس. نفسية. ومش عايزك بصراحة. عندي مشكلة عندي عندي مشكلة إن أنا أقعد يعني أسخن حاجة أو أقلي حاجة. فـ أنا يعني بستسهل عادة يعني. يا إما أجيب من بره كده. بس أنا عارف إن أنا لو عايز أعالج نفسي خلاص. أنا هعصر على نفسي شوية ليمون. كويس. وأخش. هُلزم نفسي. هقعد مثلاً أسخن أو أقلي أو تمام. بس أنا يعني أنا الحقيقة مش عايز. لأن أنا يعني الوقت دايماً ضاغط. فـ على طول أنا بستسهل الأمور بسرعة. فـ ما فيش وقت. بس أنا عارف المشكلة وعارف إن أنا اللي مقرر من جوايا إن أنا مش عايز أعالجها. أنا عارف كده. ولو عايز هعملها. هدوس على زور. هعملها. حاضر. لو عزت. بس هي مش معطلاني في حياتي حاجة. يعني أنا خلاص. أنا في الآخر باكل بشـ... وعايش.

>> ده كمثال. فهو الإنسان هنا هو بيبقى هو شايف نفسه إنه لا، مش قادر يعمل كذا. بس إيه؟ قادر يعمل كذا. نقول لك مثلاً الأمهات مثلاً. وده طبعاً الشكوى كتير. فـ مش قادرة. في الأمهات تلاقي مثلاً عندها مثلاً تلات أطفال. منهم طفل صغير. طيب الطفل ده بيعيط. بتقومي تعملي له الرضعة بتاعته وترضعيه؟ آه. ما يقدرش يعمل حاجة لبيبي. طب إشمعنى ده قدرت تعمله؟ وبقيت شغل البيت. لا، مش قادرة. عشان ده ما يقدرش. ده أنا حطيت في دماغي إن أنا لازم أقوم له. لأن هو مش هيساعد نفسه.

>> هي فكرة الإلزام النفسي هنا. أنا بتكلم على مثال. وده نفس فكرة إن أنا ملتزم مثلاً بفروضي. في في الكتاب. الكتاب. إحنا دلوقتي أنا ملتزم بفروضي. فـ أنا بزق نفسي أصلي. بزق نفسي أعمل الحاجات المطلوبة مني.

>> ده من علاج الاكتئاب. خلاص. ما هو الاكتئاب بيخلي الواحد ما بيعملش حاجة خالص. الحقول ده كله على فكرة بيصب في خانة برضه بتقول إن المرض النفسي متضاد مع الحالة الإيمانية. إيه؟ يعني المرض النفسي يؤثر سلباً على الحالة الإيمانية. بدليل إيه؟ إن كتير من اللي اتعالجوا نفسياً تحسنت علاقتهم بربنا. ودي شيء ملحوظ جداً. يعني اللي اتعالجوا وخفوا أو يعني على شفة التعافي خائط كامل تحسنه كتير جداً.

>> كويس. مع الله سبحانه وتعالى. الاكتئاب كمثال. الاكتئاب بيقطع الإنسان عن كل حاجة في الحياة. عن نفسه وعن أهله وعن ربنا وعن الشغل وعن الدراسة وعن كل حاجة. لما يتحسن تلاقي لا، هو رجع لكل ده. منهم علاقته بالله سبحانه وتعالى. القلق. إحنا لسه بنتكلم في قضاء وقدر. إيمانه الكامل بيه. بتلاقي إن إن إيمانه بالقدر علي جداً وتوكله على الله علي. في الحديث: "لو أنكم تتوكلون على الله حق توكله، لرزقكم كما يرزق الطير، تغدو خماصاً وتعود بطاناً". يعني هو خلاص. أنا دلوقتي الكلمة العامة: "أنا رمية حمولي على الله". بغض النظر عن صحتها شرعاً. أو متوكل على الله بشكل كامل. خلاص. فـ ده بيزيد مع علاج القلق. أنا خلاص مش شايل هم المستقبل. أنا متوكل على الله جداً. أنا سايباها كده. فـ ده بيتحسن جداً الجزء ده الإيماني بعد علاج القلق. الوسواس طبعاً. خلاص. هو فاهم إن الوسواس له حدود. يعني له حدود. إن أنا ما أقدرش. مش هزودها. ده مش همشي مع الوسواس. وخلاص. وعلاقتي بربنا مركزة. بالمناسبة برضه من من تداخل الحالة الإيمانية مع الأمراض النفسية. إن إن الوسواس بيزيد في رمضان. وده اللي سبب برضه نفسي. الوسواس المرض بيضغط على المريض في ضميره.

>> ام.

>> المريض الضمير بيعلى في رمضان. آه. فـ أنا بقول له: "أنت ما صليتش كويس. أنت ما توضتش كويس. أنت...". طب فيجي رمضان. المسلم طاعات. هو عايز يستغله.

>> ام.

>> ولازم الضمير يبقى عالي شوية عشان أنا ما أثرش مع ربنا ورمضان. فـ بتلاقي الموسوس: "لا، أنا أصلاً ما عالجتش وسواسي. فـ أنا عمال متضايق جداً. أنا مش عارف أكمل صلاتي بسبب الوسواس. مش عارف. أنا بتعطل جداً في حياتي. والمفروض إن ده شهر فاضل كمان". فالوسواس بيزيد في رمضان للي ما تعالجوش من الوسواس ده. ده واضحة مشهورة في في النقطة دي. الإدمان كمثال. الإدمان أصلاً ما هو بعد عن الله في أصله.

>> آه.

>> أنا بشرب مخدرات. يعني ده ده مخدرات. نفس المسكرات. وفي الأصل أغلب أو 95% من اللي راحوا المخدرات شربوا سجاير قبلها. فـ أنت أصلاً ماشي في يعني حرمانية. كويس. وتطورت إلى المخدرات. والعلاج بتاع الإدمان كمثال. إحنا عندنا في علاج الإدمان في برنامج تعافي مشهور اسمه برنامج الـ 12 خطوة.

>> ام.

>> كويس. مشهور جداً. أصل البرنامج ده أصلاً في الأصل.

>> مسيحي.

>> في الأصل. و و طبعاً هو خلاص يعني اتعدى كتير في الفكرة العامة دي عشان يتوافق مع الأديان كلها. منهم الإسلام. لكن فكرة. أنا بتكلم على إزاي إن هو حتى العلاج الديني داخل في أمراض. في الأمراض. منها الإدمان. في الإدمان بقى ببتدي أذكره بالله. وإن هو ضعيف. إنسان ضعيف. لأن المدمن مشكلته في إيه؟ إن شاف إنه جامد جداً. وأنا ما حدش هيعمل لي حاجة. وأنا متحكم في نفسي. وأنا أبطل وقت ما أنا عايز. وأنا مش عارف إيه. والكلام ده كله. حتى لو تفتكري الأفلام القديمة بتاعة الأبيض والأسود. أنا جامد جداً. هو ما فيش حاجة هتعمل لي حاجة. في دماغي.

>> فهم هم عندهم الفكرة دي.

>> فـ بتعلم الإنسان: "لا، أنت إنسان ضعيف. ودائماً تطلب القوة من الله سبحانه وتعالى". كويس. ده من علاج الإدمان. إقرارك بالضعف وطلب الدعم والحول والقوة من الله سبحانه وتعالى. ده في في الصورة الإسلامية طبعاً. في الصورة في الصورة الأخرى ليها أبعاد دينية. فـ فـ قصدي الجزء الإيماني ده مهم جداً في علاج كتير من الطلبات الشخصية. لما نقول مثلاً عندنا الشخصية السيكوباتية أو الضد مجتمعية أو اللي هي الشخصية الغشاشة أو المجرمة أو النصابة والكلام ده كله. وما أكثرها يعني.

>> هي كل قصة تتعالج إيمانيا. إنت إزاي بتعمل حدود. حدود اللي هو حقوق. حقوق العباد وحقوق الله سبحانه وتعالى. كويس. إزاي أنت ما تقدرش تغش. ما تقدرش تسرق. ما تقدرش تكذب. ما تقدرش تظلم. خلاص. أنت لو ده علي الوازع الديني عند الشخص ده. مش ظاهراً. لا من جوه. خلاص. هو اتقى الله سبحانه وتعالى. خلاص. انتهت القصة. واخد بالك. و وحاجة. وأنواع كتير مثلاً. الشخصية النرجسية.

>> ام.

>> ونرجسية معناها إيه دي؟ التطور الطبيعي للكبر والغرور.

>> بس زاد قوي عن حده بقى.

>> زاد عن حده لدرجة خلاص دايس في الناس بشكل كبير.

>> ام.

>> كويس. فـ إحنا عندنا هو مرض. مرض يعني. هو محتاج مساعدة. لكن هو في دين. هو راجل عنده مشكلة كبيرة. مشكلة كبيرة إن هو متكبر وظالم لآخرين. وجاي على حقهم وخلافه. وعلاجه فعلاً ديني بالأساس. كويس. في إن هو فعلاً هو لا، أنت عبد ضعيف. عليك واجبات ومسؤوليات. وليك حقوق وعليك حقوق. وهكذا. هو ده وصل له وعالج كبره. إحنا عالجنا المشكلة النفسية دي.

عندي هنا إشكاليتين. خلينا نقول النقطة الأولى: هل معنى كده إن شخص عنده القلق هيبقى مطلوب منه إن هو يفتح كتب الصالحين ويكتب ويقرأ باب الصبر وباب الرضا؟ هو يبقى كده كويس.

طيب، أنت قلت كارتين في مع الأولى دلوقتي.

طيب، إحنا دلوقتي قلنا إن عندنا جزء طبيعي من الأحاسيس النفسية زي الحزن والقلق والوسواس. في جزء طبيعي وجزء مرضي. الجزء المرضي بيبقى ثلاث درجات: في بسيط ومتوسط وشديد. يعني اكتئاب بسيط ومتوسط شديد. قلق متوسط وشديد. فـ في الجزء الأولي المرضي وما قبل المرض.

>> أنا آه هروح للدين. طبعاً مش هفتح على الصالحين أو غيره من فتح على القرآن. ولكن أنا هركز إن أنا عايز فعلاً أعالج النقطة دي من منظور ديني. كويس. فـ في حاجات تساعدني كتير جداً. كويس. ده أنا بتكلم اللي هو ما قبل المرض. هو في أول المرض.

>> اللي هو البسيط.

>> اللي هو البسيط.

>> طب إزاي أنا كمريض أفرق بين بسيط ومتوسط الشديد؟ حسب قد إيه العطلة اللي بتحصل لي في حياتي من التعب ده.

>> ام.

>> أنا مثلاً طول اليوم قلقان. أنا طول اليوم موسوس. أنا مكتئب. ما بعملش حاجة في حياتي. لا، ده إحنا بنتكلم ده شديد. لا، أنا بقلق شوية. بحزن أحياناً. أي. باخد لي تلات أربع أيام من الحزن ده. مش مرضي. خلاص. باخد لي مثلاً فترة في في بعض القلق مثلاً ساعة الامتحانات. شوية. ساعة مثلاً مشكلة. أقل شوية. ده مش مرضي. بس ده ممكن نعالجه أو نحسنه من ناحية دينية. ده مش مرض خالص. لكن أنا دلوقتي خلاص. لا، المرض أثر على حياتي. مش عارف أنام. القلق. أنا مش عارف أشتغل من الاكتئاب. أنا مش عارف أصلي من الوسواس. خلاص. قد إيه بقى الكم العطلة اللي بيتحدد بسيط وبتوصل الشديد؟ هو أول ما يبتدي يلاقي نفسه تعطل في حياته لازم هو بيلجأ بنفسه للعلاج الطبيعي اللي هو زي العلاج الديني مبدئياً.

>> اتحلت المشكلة. خلاص. أنت تمام زي الفل. ما فيش مشكلة. فعلاً يبقى أنت استفدت من ناحية دينية وطبية.

>> امين.

>> ما تحسنتش. استعين بقى إيه بشخص متخصص طبيب. كويس. لأن أنت ممكن تكون تقديرك للدرجة مش دقيق. وممكن تكون لا، أنت مش عارف تستخدم العلاج ده بشكل صحيح. ممكن تكون لا، محتاج تصحيح معرفي لشيء معين. تصحيح معرفي كان التصحيح للأفكار أو طريقة التفكير. هي مشكلتنا هنا في نقطة إن إحنا مش بنقدر نقيم نفسنا كمنظومة فكرية. يعني أنا كحتى كطبيب نفسي. خلاص. ما أقدرش أشخص نفسي. خلاص. لازم حد من بره يقول لي: "أنت مثلاً عندك مشكلة كذا". تمام. هي دي مشكلة المشاكل. لكن أنا ممكن أقول: "أنا عطلان في كذا". "أنا مثلاً عطلان في المذاكرة". "عطلان في الشغل". "عطلان مش عارف أتكلم عن مراتي". آه. دي واضحة. دي إيفيدنس. دي ليها دليل واضح. لكن أنا كتنظيم أفكار. لا. أنا لازم في حد من بره يجي يقول لي: "لا، أنت عندك مشكلة كذا". تمام. فعشان كده بنقول استعين بمتخصص. يعني إيه؟ يقول لك لو في مشكلة فكرية معينة عندك. فهو ممكن فعلاً هي محتاجين نعدي الحتة دي. بكيه. نقول للست: "يا ستي، مش مشكلة. كل يجي من عند الله سبحانه وتعالى. خلاص. مش لازم تقلقي". القاعدة الأساسية إن إحنا كويسين. ولكن قد تحدث مشكلة. فالقاعدة الأساسية كويسين. بالمناسبة دي مثلاً العرف العام في المجتمع. العرف العام إنه الستات لما أولادها ينزلوا: "كلميني أما توصل". "كلميني أما تركب". "كلميني أما تدخل". "مش عارف إيه". "لما تطلع". "كلميني". "لما تنزل". "كلميني". "لما مش عارف إيه". "كلميني". "كلميني". "كلميني". كان أنا قاعد إيه؟ قاعد فاتح كاميرات المراقبة في التليفون. ده لوحده مثير للقلق جداً. هي عندها قلق. ومتصورة ده من الاطمئنان الطبيعي. هي متصورة كده. عشان ده فرق. إن إحنا عندنا بقى الطبيعي في مشكلة أصلاً. إنها كمفهوم. والاطمئنان الطبيعي. واللي هو المرضي. لا، ده مرضي. لأن القاعدة اللي أصلاً الأصلية بتقول إن الناس بتروح وتيجي أشغالها ومدارسها وكده بسلامة.

>> وقد نسبة قوية جداً ممكن يحصلوا مشاكل. أنت ما سمعتش عن المدرسة دي حصل فيها تحرش؟ أيوه. في 20 مليون طالب. واحد حصل له تحرش من 20 مليون. طب وأنا إش عرفني؟

>> ما ممكن ابني أنا هو.

>> ممكن. آه. طب ما هو ممكن نموت كلنا؟ ممكن يجي لنا صاروخ في دماغنا؟ ممكن العمارة تقعد على دماغنا؟ يعني قصدي ممكن 700 مليون احتمال. خلاص. أنا ليه همشي مع احتمالات؟ هي أنا بمشي مع القاعدة العامة. هي الناس عايزة متصورة مثلاً. دي ده من التصحيح الفكري. الناس متصورة إن عايزة ضمانات كاملة. أنا عايزة بنتي تنزل البيت تروح الجامعة وترجع من غير ما يحصل لها أي حاجة. وأبقى متأكدة من ده 100%. طب أنا محترم. أنت عايزة. بس هو ما فيش 100%. لا، أنت ما عندكيش أصلاً ضمان إن النفس اللي طالع هيخش تاني. تمام. فـ ما فيش أصلاً حاجة في الدنيا اسمها ضمان.

>> ما فيش.

>> لا. ما بديش. ما بديش شهادة ضمان. وأنا بعالج. ولا في حتى في ديني حاجة اسمها شهادة ضمان. أنت بتقعد تقعد تقعد ربنا لغاية آخر نفس في حياتك. خلاص. ما فيش حاجة اسمها شهادة ضمان. الصحابة العشرة المبشرين من الجنة. وأبو بكر المبشر من الجنة. قعدوا يعودوا ربنا لغاية آخر نفس. فـ ما فيش. أنت واخد ضمان كده. خلاص. كل حاجة تبقى في أوكي. هو لا، أنا عايزة كل حاجة عشان أبقى مطمئنة. هي قلبت الآية. خلاص. قلبت الآية. إحنا مطمئنين بوجود الله سبحانه وتعالى. وإن كل ما هيحصل لنا هو خير.

>> امم.

>> هي قلبت الآية. لا، أنا مطمئنة لما أسمع خير عن الولاد دي. لا. فـ إحنا قلبنا الآية. ده التصحيح المعرفي. خلاص. هو بعد ديني طبعاً. فلما بقلب الفكرة في دماغي. الشخص القلق نفسه يروح. المشكلة دلوقتي. إحنا بنلومها ليه يا دكتور؟ ده هي أم. ولازم تقلق. طب ما أنا عارف إنها أم. ولازم تقلق. هي الأم المفروض ما تقلقش. بس في قلق طبيعي وفي قلق مرضي. مثلاً شخص حزين إنه يفقد والده. طبيعي يحزن. لكن في شخص بيقعد في الحزن بقى شهور وسنين.

>> لا، هو ده مش طبيعي.

>> يبقى عندنا مقدار طبيعي من المشكلة. وفي مقدار آخر مش طبيعي. فهو الإشكالية بقى إيه؟ إن إحنا الثقافة المجتمعية الحالية خلاص بقت خلاص موسعة دايرة المش طبيعي. عشان كده الناس بتلجأ متأخر. وكمان نقد. يعني أنا أما أقول للناس: "ما تقلقش". خلاص. "مش لازم تتصلي ببنتك وهي خارجة وهي داخلة". المفروض القاعدة بتقول برضه نحط قاعدة سهلة. إن المفروض الناس ماشية في حياتها. لو حصل لها مشكلة بتتصل. أنا مثلاً عربيتي مثلاً.

>> بتكلم حد يا جماعة تعالوا طوروني أو صلحوا لي عربيتي أو كده. أو أنا والله أنا المفروض أرجع الساعة 10. مركب مواصلات. مواصلات اتأخرت. يا جماعة أنا والله مش هعرف أرجع 10. أنا هرجع 10 ونص. فالطبيعي إن أنا ماشي في حياتي بشكل طبيعي. يحصل مشكلة. بتصل. في مشكلة. إن الطبيعي أنا ماشي. طب فصلت. حصل مشكلة. وما حدش قال لي ليه؟ طب ماشي. هنعمل إيه؟ طب ما حدش قال لك. خلاص. هتعرفي متأخر. حاضر. في الآخر هتعرفي.

>> ام.

>> بالمناسبة ده الكلام ده بقى بيزعل الناس. فكرة إن الخطف. إن البنات هتتخطف أو الكلام ده كله. والولد هيتخطف ويتسرق على أعضائهم. والكلام ده كله. القصة دي يعني هي مشكلة إعلامية بحتة. لكن هي مش موجودة على أرض الواقع إلا نادر جداً جداً. أنا بتكلم على خطف. وليس سرقة أعضاء. واتكلمنا في الكلام ده كتير. واتشتمنا كتير قوي بسبب الكلام ده.

>> إلا لو في غالباً تبقى في مشكلة ما بين طرفين.

>> دلوقتي إحنا هنفرق بين حاجتين. اللي هو سرقة الأعضاء.

>> آه.

>> كويس. والخطف. إحنا نذكر على أساس إيه؟ إن إحنا بنتكلم ليه؟ ليه مشكلة القلق مستفحلة عندنا وبنديها مبررات. طيب مشكلة الخطف. إحنا دلوقتي والداخلية عارفة الكلام ده. ولو أنت دخلت على فيسبوك وزارة الداخلية هتلاقي أخبار كتير موجودة عن. في واحدة قالت. طلعت على فيسبوك تقول: "يا جماعة الحقوا. بنت متغيبة. متغيبة ومخطوفة ومخطوفة ومخطوفة". بعد كده بيتم الوصول للبنت. وإن هي متغيبة فعلاً. وهي سابت البيت.

>> هربت.

>> هربت. وده الغالبية العظمى من الحالات دي. بس إحنا عندنا مشكلة. أنا كـ أسرة. ما أقدرش أقول إن البنت هربت مني. أما ضروري إنها اتخطفت. آه. إحنا بنقول: "خش على فيسبوك وزارة الداخلية". خلاص. دور على متغيبة. خلاص. هتلاقي في كذا خبر لمتغيبات. كلهم. كل الأخبار اللي هي سابت البيت بمزاجها. أنا عندي كتير من البنات. قالت: "أنا ياما فكرت أسيب البيت". واحنا بنشوف في المستشفى وفي العيادات. هي سابت البيت وهربت فعلاً.

>> ده حصل. بس الأهالي ما بتقولش إن هربت. لأن ده بيبقى طعن في الأهل.

>> امم.

>> خلاص. إنما أقدر أقول إنها اتخطفت. ده بيبقى إيه؟ أنا مظلومة. فـ ده المشكلة. إن الفكرة العامة. إن هو بتوصل لناس خوف رهيب. أنا خايف على بنتي تتخطف. خايف على بنتي تتخطف. طب هل في بنات اتخطفت بقى بجد بقى على أساس دي حاجة حصلت؟ آه. بس فعلاً نادرة جداً. بتحصل كل سنة مرة. كل سنتين تلاتة مرة. فـ أنا ما أقدرش أحط حكم للنادر. النادر له لا حكم له. لكن الفئة العريضة من اللي مش متغيبات هم هربين ببيتهم. وبيشوفهم كتير. مش عايز أقول لك إن كتير من المشهورات في عالم الفن وخلافه كانوا برضه كانوا سابوا البيوت. خصوصاً في الزمن القديم. أي كان. فـ فتلاقي الأخبار دي منتشرة على الـ.

>> ام.

>> على النت. خلاص. وبتزود القلق عند الناس. اللي هم مش في المجال. المجال مين؟ اللي في المجال ده الداخلية والأطباء. لأن طبعاً هو بعد ما يحصل القصة دي. سواء كان خطفت أو هربت. هنروح الدكتور نعالج مشاكلنا نفسية. فـ إحنا فـ إحنا اللي في الصورة. الناس بقى ما تصدقش الكلام ده. سهلة تصدق اللي يخوفك. بس مش سهل تصدق يطمنك. يعني لو حد مثلاً جوه عمليات بيعمل عملية جراحية. والأهل بره مستنيين: "يا دكتور، في أمل ولا مش عارف إيه؟" لا، هي كويسة الحمد لله. تطلع خلاص. هل هي كده خلاص القلق راح؟ لا. أشوفها بعيني. لازم أشوفها عشان أطمن. فـ سهلة أطمن نفسها. سهلة خايف. قصدي مش سهلة أطمن. وهي دي مشكلة.

طيب. نقطة تانية. اللي برضه من الحاجات الـ. اللي الناس بتزودهم في الخوف. والـ. لا. مسألة سرقة الأعضاء.

>> امم.

>> كويس. حد بيسرقوا أعضاء. والكلية. والسرقوا العين. والمناخير. والإيد. والغريب في الموضوع ده. إن ما فيش شخص واحد تم سرقته سرقة كلياته وطلع اشتكى. إن أنا سرقت كليتي.

>> غالباً بقى باعها.

>> باعها. بس هو ما فيش شكوى. الشكوى إيه اللي بيحصل؟ هل في قضية اسمها سرقة أعضاء؟ أو تجار بالأعضاء؟ اللي جابها في قضية اسمها كده؟

>> امم.

>> طب القضية دي بتتعمل ليه؟ بتتعمل لأن إجراءات نقل الأعضاء. كويس. زي الكلية أو غيره. إجراءات طويلة جداً جداً ورقيه. كويس. أنا مش بشفع عن حد ولا لا. أنا راجل نفسية. فـ ماليش دعوة بسيرة أعضاء ولا إيه ولا الكلام ده. ولا عشان الناس بتقول لي: "إنك ترش ده". ما حدش هيتاجر بمخه معاه. أنا ما بنقلش مخ. مخي واحد لواحد. فـ أنا قصدي إيه؟ الناس بتفتكر إحنا بنجامل الدكاترة وكده. يا جماعة ده مش هيص. إحنا دلوقتي نقل الأعضاء. كويس. بشكل طبي. إجراء عويص جداً. إجراء طويل جداً. كويس. من التحاليل الطبية الكتيرة جداً جداً. زائد الورقيات. في موافقات كتيرة جداً جداً لازم تتعدى. تعدي عليها المريض والمتبرع. كويس. علشان يوصل لمرحلة القصة دي. هتاخد مثلاً. يعني إحنا بنتكلم في أقصاها تلات شهور. إن لم يكن بتوصل لسنة.

>> امم.

>> إحنا بنتكلم يعني لو ناس سريعة قوي كده بتتكلم ممكن سنة. من. إحنا في حاجة اسمها اختبارات التوافق. ده متوافق مع ده. وبعد كده بنعمل فحص للمتبرع. وبنحصل صل المتبرع له. وموافقات طبعاً هنا وهنا وهنا. حتى في موافقات نفسية على فكرة. يعني في لازم أنا كدكتور نفسي بيجي لي ناس. أنا عايز موافقة نفسية إن المتبرع ده عاقل.

>> وبتبرع بناء عن مش مريض ولا حاجة. بنخطف له حاجة.

>> لا. ده كمان غير إن هو بياخد موافقة النقابة. والوزارة. والمستشفيات. دكتور كذا ودكتور كذا ودكتور كذا. كذا موافقة. فـ بيجي لما بيجي تفتيش من وزارة الصحة. بتلاقي في ورقة فقدت. اتنسيت في النص. ورقتين. يعني بس الإجراء الطبي عاده لازم هيمشي. ضروري. إجباري. لازم صح. اللي هو إجراء التوافق والاختبارات دي كلها لازم يجري صح. لأن لو ما حصل غلط. ممكن الاثنين يموتوا. فـ في ورقيات بت يعني بتنسى أو بتفقد وكده. فساعتها الوزارة على طول تروح قافلة المكان ده. وعاملة ده قضية. قضية التجار في الأعضاء. كويس. طب الإجراءات الطبية مش الصح. الإجراءات الطبية مش صح. بس في حاجات ورقية حصل خطأ.

>> اللي بيحصل إيه دلوقتي في الإعلام؟ يقول لك: "هو مش في سرقة أعضاء؟" مش أنت مش بتسمع إن في مستشفى اتقفلت؟

>> بسمع.

>> آه. وأنا عارف اتقفلت ليه. بس أنت بقى اشرح الكلام ده كله. لا، ده هم خدوا كده. ده أنا أعرف. ولأنه اتقطع. ولاقوه مرمي مش عارف فين. وطب إحنا عارفين إن في قتل. يعني في ناس بسلاح أبيض يخش يقطعه وخلاص. وتسابحت بص. ده شفت بط متشرح. يا دكتور. يا عم الحاج. أنا ما ينفعش آخد كلية في الشارع. ما فيش حاجة اسمها كده. وما فيش حاجة اسمها خد أصلاً كلية من في مستشفى بتاع التبير السلم. ده إحنا بنتكلم في مستشفيات كبيرة. حاجة زي القصر العيني أو مستشفى الساحل أو مستشفى عين شمس.

>> الدار الفواد. اللي هي بتتكلم في المستشفى الضخمة. ما فيش حاجة اسمها مستشفى اللي هو الصغيرة. حتى مستشفى الصغيرة دي اللي هي على قد جراحة اليوم الواحد والكلام ده. ما فيش الكلام ده خالص. أنا لازم أكون مستشفى كبيرة. عندي عناية مركزة. مش كل المستشفيات فيها. لا. وصورين ممكن إيه؟ عيل اتخطف. خدوا كليته. أنا فاكر أم جت لي. عندها ابنها حوالي سبع ثمان سنين كده. اهو. تقول لي: "واد ده كان مرة غاب عني نص يوم. يا دكتور. أما جيته قعدت قلعت هدومه كلها. فتش. حسن كان خدوا حاجة منه". يا ستي الله يهديكي. أنت ما هي دي مشكلة في الآخر. الأمهات ليه قلقانة؟

>> أيوه.

>> أغلب حوادث الخطف للأطفال مشاكل حضانة ورؤية. ومش عارف إيه. وكتير ما بسمع فيسبوك. الكلام ده. ده الحق. ده واد اتخطف. والصورة مصورة. يا دكتورة. في توك توك اهو شال الواد. استنى يومين. افتح وزارة صفحة وزارة الداخلية. تلاقي إيه؟ ده الأب خده عشان يشوفه. عشان مشكلة الرؤية. وأصل عمه متخانق مع أبوه. عشان مش عارف عندهم أرض فين. قصة مكررة. ما بتخلصش.

>> اللي هي مش في الحالات الطبيعية بتاعة العائلات العادية.

>> أيوه. لكن سهل تخوف.

>> ام.

>> مش سهل تطمن. ويبقى الخوف بقى موجود. فـ ده عمال مزود. طب أنا. أنت مش فاهم يا دكتور. حادث الخطف. أنا خايف على بنتي. تخيل أنت بقى عندك كم بنت ماشية في الشارع في مصر. أنت بتتكلم على بلد فيها 100 مليون. وأنت المفروض تقعد بقى إيه؟ تتحاسب على 100 مليون ده. مش إحنا قلبنا الآية. الآية أو القاعدة خلاص. إن الناس بتروح وتيجي. دي طبيعي. آه. في حاجات. آه. مثيرة للقلق. يعني مثلاً حد بيتاخر جامد مثلاً. آه. الساعة 2، 3 بالليل. ممكن أه أقلق شوية. أنت طبعاً مش مدة. في حد مثلاً تليفونه مثلاً فصل شحن. مش مش شرط. لو اتأخر قالوا له الساعة 10، 11، 12. ولسه ما جاش. ممكن أقلق شوية. أتصل. بس كل اللي هيجي خير. فهي هنا. إحنا عندنا عوامل كتير. بقى الثقافة المجتمعية. شوف شوف مثلاً. وعلى فيسبوك مثلاً. في جروب أمهات التوحد. في جروب أمهات ثنائي القطب. في جروب أمهات الأوق. الجروبات دي على فكرة صعبة قوي. صعبة جداً. يعني أنا بحذر مرضاي إن هم يخشوا الجروبات دي. مع إن منطقياً. إن المفروض المريض يتعلم من المريض آخر سابق في المرض. يعني أنا لما كنت بشتغل زمان في مستشفى 57 357. أنا كنت هناك مؤسس قسم الطب النفسي ومدير القسم لفترة طويلة. كان من أحد العلاجات المهمة جداً اللي بنعملها لمرضى السرطان وأهاليهم. حاجة اسمها العلاج الجماعي.

>> ام.

>> وبنقعد مرضى قدام مع مرضى جدد. خلاص. فالمرضى الجدد طبعاً مخضوضين طبعاً. ومش فاهمين يعني إيه كيماوي. ويعني إيه إشعاع. ويعني إيه الكلام ده كله. والأهالي طبعاً بتعيط ومش عارف إيه. والمرضى القدام القدام بيقولوا: "إحنا مرينا بالتجربة دي". كويس. وإن هي فعلاً كانت تجربة صعبة. بس الحمد لله. كل ده عدى. يعني إحنا بنشرح لهم بقى. إحنا هتعدي. هتعمل كذا. وهتعمل كذا. لأن إحنا كدكاترة لما بنقول للمرضى الكلام ده. يقول لك: "لا، أصل أنت ما مريتش في المرض". فمن مميزات العلاجات دي إن هي بتخلي القدام يساعد. يدعموهم.

>> مشكلة الجروبات دي بقى إن هي غير مسيطر عليها من.

>> أطباء.

>> فالأهالي. آه. في بعض الناس بيساعدوا. آه. بس اللغة العامة خوف. ده يلحق الدوا ده بهدل ابني. وأنت عارف بقى. أنت لو قلت. لو خوفت. أسهل بكتير من أن تطمن.

>> امم.

>> يعني أنا بقول كتير لآباء وأمهات مرضى التوحد. وفرط الحركة. العلاج الدوائي ليهم مهم جداً. ومن بدري. وأنا لمست بنفسي فرق عند الأطفال دول من بدري. طبعاً الأهالي خايفين على ولادهم. طبعاً ربنا يكون في عونهم. وخايفين من فكرة الدواء النفسي. كويس. وغير كده. بعض الناس يقول لك: "لا، أصل الدوا ده بينيمه". "أصل الدوا ده تخنه". وإحنا عارفين إن.

الأدوية ليها بعض الآثار الجانبية، عارفين. لكن أنت في الآخر بتحسب المضار والمنافع، بتلاقي بقى إيه؟ بسهولة جدا جوه فيسبوك خلاص، أو الجروبات دي خلاص. سهل قوي ترمي معلومة، معلومة صعبة. ده مثلاً الدوا ده بهدل ابني، وده وده. إحنا كدكاترة فاهمين إن ممكن بعض الناس تتعب من دواء. أنت مثلاً لما تروح مثلاً علاج السرطان، الناس بتاخد كيماوي. ده ده يعني دواء فظيع. ومع ذلك خلاص، هو نجى ناس كتير جداً من المرض، رغم إن ليه مضار. مضار فظيع. أوكي، لكن هو نجى ناس كتير جداً من المرض، بإذن الله طبعاً. فإحنا فاهمين إن الدوا ممكن يتعب بعض الناس. وفي ناس على فكرة يعني يعني لا، المرض بقى أوحش مع الدوا، تكلم كيماوي أو غير الكيماوي حتى.

فأنت عارف إن فيه، آه، فيه ممكن آثار جانبي. لكن أنت عندك غالبية الظن إنه هيتحسن كويس. فأنا بدي الدوا وأشوف وأشوف. أنا يقول لك أصلنا إحنا مش فلان تجارب، مش مزن تجارب. أنا كطبيب لازم أشوف. شوف أنت قد إيه أثر الجرعة عليك، تحسنت أو تعبت منها، وبعد كده نزود أو نعدل أو كده. ده طبيعي. أنا مش مش بعرف الغيب، لكن أظن إن الدوا ده خلاص هينفعك وهنشوف.

فاللي بيحصل إن هو إيه؟ الناس بتقعد تخوف بسهولة. فناس إيه؟ لا ده يعني مثلاً من اللغة المشهورة، أنا خايف أخش في دوامة المرض النفسي ما أطلعش منها. كويس، دي لغة مشهورة عند الناس. في حين أنا بسأل، طب هو أنا مختلف على كلمة دوامة؟ معترض عليها؟ كويس، بس هقول له هو اللي جوه الدوامة مش عايز يطلع؟ عليه قلك أصل لما بيتعب بيبطل الدوا. بيتعب. طب ما معنى الكلام ده؟ حاجة من الاثنين. يا إما هو حاسس بفرق كويس مع الدوا فمكمل مبسوط بيه. يا إما الدكتور بيقول له لا، أنت محتاج الدوا ده لفترة طويلة عشان أنت مش هينفع تبطل خلاص وممكن تتعب تاني. فاللي جوه الدوامة دول مبسوطين، مش عشان إحنا بنضحك عليهم، عشان هم حياتهم بقت أحسن بالدوا.

دايماً إحنا بنقول مثال مريض السكر ومريض الضغط. ده صحيح. بياخد دوا السكر على طول وحياته ماشية كويس. ده بس إحنا عندنا في التعب النفسي مختلف. ليه؟ لأن إحنا مش كل المرضى هيحتاجوا الدوا طول عمرهم. حاجة، الحاجة التانية إن فيه علاجات أخرى غير الدوا. فيه العلاج السلوكي وفيه بأنواع مختلفة. ولسه قايلين في العلاج الإيماني. كويس. فممكن كتير قوي إني أشيل دوا المريض على اعتبار إنه مشي كويس جداً مع الدوا والسلوكي. تمام. وخلاص وهيكمل بقى كويس. يعني إحنا يعني يعني مش مش يعني لو إحنا عملنا إحصائية بسيطة. أنا يعني تقريباً بشكل أسبوعي. في في كل أسبوع عندي في مريض بيوقف دوا أو دوا مني أنا بقف له الدوا. يعني إحنا بنتكلم على بشكل يعني برضه يعني مش شطارة مني ولا حاجة. ده قدر الله سبحانه وتعالى. بس قصدي ده ده عندي وعندي الدكاترة الآخرين. مش مثلا فكرة شطارة ولا حاجة. بس هو ما فيش حاجة اسمها إنه لازم كل دوا طول عمره. لا، بالعكس. كل ما تيجي بدري دواء أقصر أو ممكن ما تحتاجش دواء. بعض الناس اللي بيشتغلوا على نفسهم اسمها أو بيساعد نفسه بنفسه ده بيتحسن كتير. في بعض الأمراض آه بتحتاج دوا فترة طويلة. آه اللي هو قاعد في المرض فترة طويلة. لما يجي لي مثلاً مريض بقى له 10 سنين في المرض. أنا مش هسعفه في سنة ولا سنتين. أنا آه ممكن أساعده أساعده أساعده. بس هو ممكن يحتاج دوا فترة طويلة. أنا بقى لي 10 سنين في المرض حياته عطلت كتير. أنا لسه هبني مهارات من الأول. يعني افترض المرض راح بس في مهارات راحت عليه. أنا محتاج لسه أقعد أبني المهارات.

فأنا قصدي الثقافة العامة دي محتاجة تتحسن. هي بتتحسن. أنا يعني متابع كويس للسوق النفسي. سوق نفسي أنا بقى لي كتير في السوق. يعني أنا أذكر لما بدأت أنا التخصص. أنا والدي الله يرحمه كان طبيب عيون رمد. كويس. ومن صغري. قالوا لي خلاص أنت من صغري من الابتدائي هتطلع دكتور عيون زي والدك. تمام. فلما خلصت البكالوريوس يعني في الطب. أنا الحقيقة ما كنتش حابب خالص الجراحة. أنت عارف الرمد دي تبع الجراحة. يعني. كل الجراحات ما كنتش حاببها خالص. ما ما لقيتش نفسي فيها أبداً. والوالد رحمة الله عليه كان متميز في في مجاله. مش بس أنا عندي الوالد. عندي والدي وخالتي وعمي. ثلاثة دكاترة عيون. كويس. فعندنا ثلاثة أطباء عيون يعني. فانت يعني في منظومة علمية. لكن كاندي اتوفى الله يرحمه. وخالتي كمان توفت. فلسه عمي لسه عم على قدر على ربنا يدي له الصحة والعمر. يا رب. فانت في منظومة عيون كويس. لكن أنا ما حبتش التخصص ده خالص. فقلت لوالده الله يرحمها إنه أنا لا أنا عايز نفسية. أنا يعني أنا فكرت فكرت. بس أنا حقيقة ما للنفسية. فقالت لي نفسيتي إيه؟ أنا ليا خال نفسي. يعني مش مريض طبيب نفسي. آه. طيب يعني موجودة في العيال. طبيب نفسي. لكن لكن أنت عندك العدد الأكبر في هو الله يرحمه توفاه الله برضه. الله يرحمه. ف فقالت لا أنت هتطلع زي والدك يا أخي. قالت لها أنا والله مش حابب القصة دي. وهي كانت معتادة على الفكرة. بس قالت لي يعني أنا مش حابة ده. بس أنت اعمل اللي أنت عايزه. أوكي. قلت لها أنا ده اللي أنا حابه. أنا مش حابب نفسي في الجراحات. فبتكلم الكلام ده. إحنا بنتكلم في 2004. أنا أنا يعني متخرج من 2002. أما خلصت امتيازي وكده كان. ف أنا بقى لي حوالي يعني 22 سنة في السوق. كويسة. اللي حصل إيه؟ إن إن كان ساعتها لسه وصمة المرض النفسي والدكاترة عالية. يعني إحنا كان عندنا أنا خارج أصلاً كان عندنا اللي هو عادة النيابات والكلام ده كله. كويس. كان اللي بيختار نفسياً. أنت عارف في بعد ما تتخصص بكالوريوس أنت بتختار التخصص. فكان في تخصصات مطلوبة جداً جداً. منها الرمد مثلاً. ده من أوائل التخصصات. آه ده كان أول حاجة تتاخد. أول الأوائل ياخدوه. ف في آخر الترتيب ما ياخدوش. فكان نفسية دايماً في الآخر. كويس. مش عليها طلب أو عليها إقبال. كان يعني كل فيما إيه يروح غصب عنه. أو يعني اللي هيروح بخاطره ده يعني قليل. قليلة. وأنا اخترت الكلام ده. كان الكلام ده من حوالي 20 سنة أو أكتر دلوقتي. لا الوضع اتغير خالص. إحنا ما في 20 سنة حصل فرق كبير في الثقافة النفسية عندنا. في أزهر دمياط الأولى على الدفعة دي واخده نفسية. ما هو هنا هنا بقى اتغيرت الدنيا بشكل كبير جداً. ولقوا إن لا النفسية طلعت من إن هي كانت من آخر الرغبات. لا أوائل الرغبات. ف أنا ف أنا من الجيل القديم شوية اللي هو إيه كان لسه يعني إيه مريض نفسي ويعني إيه وناس عندهم الوصمة عالية جداً.

أظن حضرتك من الناس اللي تركت بصمة في السوق في مصر. من بداية تأسيس شيز لونج أصلاً ودخول بقى التريلث في الصحة النفسية وتأسيس مستشفى 57. فما شاء الله يعني ربنا يبارك في حضرتك.

هو مش تأسيس مستشفى هنا. هو القسم. القسم النفسي. هو كان المستشفى طبعاً هي بدأت كفكرة سنة 96. كان الدكتور شريف أبو نجا ربنا يعني يكرمه بالخير والعافية. يعني هو عقلية عقلية خطيرة الحقيقة. يعني وقدر في الآخر يفتحها في 2007. فكان اختياره ومع بعض أساتذة قسم الطب النفسي في القصر العيني إن هي إن أنت أنت النايب أو يعني لسه الجونيور أو الطبيب الصغير اللي هتمسك القسم ده بشكل من الافتتاح خلاص. وكان معانا مجموعة من الأخصائيين النفسيين هناك في المستشفى والأخصائيين الاجتماعيين. فكان في حاجة اسمها السايكو أونكولوجي. اللي هو طب نفس الأورام. أم. وكان ده أول مرة يتعمل له قسم خاص في مصر. يعني في في معهد الأورام اللي هو قدام القصر العيني. في في كان في كذا طبيب كان بيجي يعمل عيادة نفسية. بس مش بشكل منتظم. كان مثلا مرة في الأسبوع أو مرة في الشهر. كان موجود الفكرة دي. لأن طبعاً مرضى أورام من أكثر المرضى اللي بيتعبوا نفسياً. مع طول فترة التعب ومشاكل الكورتيزون والكيمايا والكلام ده كله. فكان في بعض المساعدة النفسية في بعض الأورام. لكن كانت يعني إيه مش مش قسم مستقل. يعني نفسه. ف اللطيف الموضوع ده إن لا الدكتور شريف ربنا يكرمه كان. لأن هو شاف النموذج اللي بره. أمم. كان راح أمريكا وشاف النموذج العلاج لنفس الأورام. وفكر في مستشفى 57. وأنشأها وكبرها. ربنا يبارك له. وأنا على فكرة بقول الكلام ده. وأتمنى يسمعني. لأن هو كان له فضل علي. وبعد ذلك إحنا لما تركت المستشفى كان برضه لبعض الخلاف. لكن أنا أكن له كل الاحترام له. فقصدي إنه بدأنا المستشفى كان يوم 7/7/2007. كان رقم مميز. وقعدت في المستشفى دي حوالي ثمان سنين ونص. ماسك قسم الطب النفسي. وكان معانا استشاريين من من أساتذة القاهرة بيجوا. أستاذ جامعة القاهرة اللي هو طب النفسي. كانوا بيجوا بشكل أسبوعي يعني يتابعوا الشغل. وأنا اللي كنت بديل القسم. كان معانا أخصائيين نفسيين واجتماعيين موجودين.

إن شاء الله تبارك الله.

كان ده أول قسم للسايكو أونكولوجي أو طب نفس الأورام مستقل في مصر وأفريقيا كلها. وهو ثاني قسم في الدول العربية بعد الأردن في مركز ملك حسين للسرطان. وكنا قدرنا الحمد لله يعني نسمع كويس جداً في العالم. التخصص ده الطب نفس الأورام ده كان قليل جداً وجوده. يعني بقول لك أول واحد في أفريقيا كلها. والثاني في الشرق الأوسط أو البلاد العربية. إحنا كنا تقريباً حوالي يعني ساعتها بنتكلم في حدود 2007 2008. في يعني حوالي 35 دولة في العالم اللي بيقدموا الخدمة دي.

ما شاء الله.

وكنت أنا أول واحد يعني ريجسترد أو يعني سجل كطبيب نفس أورام بشكل رسمي في الـ NCI. NCI اللي هو معهد الأورام الأمريكي. كويس. كلستد يعني كسايكونكولوجست. كنا واحد ينزل في في القائمة كعربي ومسلم وأفريقي. يعني. تمام.

إن شاء الله.

ولكن الحمد لله بعد كده زاد العدد وتوسع جداً. إن شاء الله. وكان الحمد لله كان لنا حضور دولي في كمستمعين المؤتمر. إن خلاص إن مصر هي دولة بتقدم فعلاً الخدمة دي. كان وسمعنا بشكل كويس.

حالات طبعاً معاكم.

الحالات. آه. الحالات طبعاً. وعلى فكرة حتى الآن. إحنا أنا سبت المستشفى 2016. وكنت رحت شيز لونج. بقى عملناها إحنا دلوقتي 26 ها. أنا إلى الآن في بعض المرضى من 57 وأهاليهم بيتواصلوا معايا. يعني. وفي بعضهم بيجي العيادة. يعني إحنا إحنا حابينك وعارفينك وش وشفت ناس ما شاء الله كبروا دلوقتي وخلفوا واتجوزوا وشوفوا يعني من الأورام. طبعاً رحلة طويلة جداً.

ما شاء الله ربنا يبارك في حضرتك.

بعد 57 رحت شيز لونج بقى. رحت شيز لونج. كان أول تيلي سايكاتري. أول علاج نفسي أونلاين. في كان شريك المهندسة أبو الحظ. كان هو كان حصل له أزمة نفسية. وكان شاف إن بره في علاج نفسي. فيعني بدأ الفكرة. وقال لي طب اللي أنت تضم عليا في مسألة الجزء الطبي. هو مش طبيب. أم. فمسكنا وكبرنا. والحمد لله يعني مشينا فيها لغاية 2019. كنت أنا ساعتها المدير الطبي والشريك المؤسسين. وبعد كده 2019 تركت الإدارة وتفرغت بقى للعيادات يعني والتأليف والكتب والكلام ده كله.

إن شاء الله ربنا يبارك في حضرتك. عايز عايز أرجع للاشكاليتين في نقطة معانا. إحنا بس حابين إن إحنا نأكد فيها. إن العلاج الإيماني حضرتك قلت هو بيدخل أول حاجة كده في الجزء الوقائي. ثم بيدخل في المرحلة البسيطة. بعد كده المتخصص ممكن يساعد. هو هيدخل كمساعد في المرحلة المتوسطة والشديدة. بس لازم إن هو يكون في تداخلات أخرى. ممكن التداخلات دي تبقى علاج نفسي. ممكن التدخلات دي تبقى دوائي. ممكن التدخلات دي تبقى أكتر من كده على حسب حاجة المريض. ولكن ممكن في حالات ما يبقاش العلاج الديني هو الكافي.

تمام. السؤال الثاني بقى هل العلاج الديني ده بالنسبة ل يعني العلاج النفسي أصلاً أو الطب النفسي. هو مش عارف ينفع نقول الطب النفسي الغربي مثلاً. هل العلاج الديني داخل في منظومة العلاج الطب النفسي الغربي دي؟

هو داخل ومش داخل. يعني هو مش داخل بصفة رسمية. في حاجة اسمها سبيريتوال ثيرابي. اللي هو العلاج الروحاني. هو ده ده بيعتبره من حاجة اسمها العلاجات المكمله. أم. يعني عندنا مثلا مثلا علاج بالأعشاب. العشب الأعشاب ده مش علاج رسمي. لكن علاج مكمل. كويس. لكن مش من العلاجات الرسمية في المنظومة الغربية. كويس. لكن العلاج مكمل ممكن ينفع بالمرة. وده الاختلاف بقى البعد الديني والثقافي بينا وبينهم. كويس. فهم عندهم. وبعدين عندهم حاجة ثانية. إن أنا ما أقدرش ألزم العيان بـ باعتقاد معين وكده. لأن هم طبعاً عندهم التنوع الديموغرافي عالي. يعني هم عندهم مثلاً يعني حتى سواء كان مسيحيين. فهم عندهم أطياف مختلفة كتير. يهود. بوذيين. كونفوشيين. الملحدين. طبعاً ده طالع بقوة جداً جداً. بالمناسبة يعني المفروض على 2080 المفروض الإسلام والإسلام هو ياخد يعني أكبر عدد في العالم. قيس يليه الإلحاد. بعد كده المسيحية. ده ده الأرقام بتقول كده. مش أنا يعني. أنت الأرقام بتقول كده. ف فالإلحاد طالع. يعني مثلاً إحنا بنتكلم في الجيل اللي هو الأربعينات وأنت نازل. الوازع الديني الغربي ضعيف جداً جداً هناك. خلاص. فبيقول لك أنت خلاص ما تلزمش حد باعتقاد معين. فهو بيعتبر البعد إحصائي. عنده عنده ديمو جرافيكس. يعني اللي هو البيانات الاجتماعية. عنده ده مهم جداً في إزاي هنحط العلاج ده كويس قوي. لا مش نحطه. فانت ما تقدرش تلزم حد باعتقاد معين. هو ده دي قصته. هو أنا عندي الوضع مختلف. في البلاد العربية. أنت عندك الغالبية العامة مسلمين. أنت فوق 90% مثلاً في بلاد. وفي 100% في بلاد. يعني فاهم. فلا إحنا عندنا بعد ثقافي مهم جداً في العامل الديني.

طيب هو بالنسبة له ده علاج مكمل معترف به كعلاج مكمل؟

أم. أنا ممكن لا. أنا ممكن أقول والله لا. هو مش مكمل فقط. هو كمان ممكن يكون جزء أساسي في العلاج الرسمي. وأنا الأطباء زمايلنا اللي بيقول لك لا ما تدخلش الدين في العلاج النفسي. لما يعني هو هو لا إرادياً بيحصل. لا إرادياً بيحصل منه هو نفسه. إن هو بيجيب سيرة الدين في العلاج. لأن هو المريض نفسه بيخش خش الحتة دي. يعني مثلاً مريض الوسواس لما يجي يتكلم في وسواس الطلاق. أنت تعرف وسواس الطلاق اللي هو واحد بيظن إن هو طلق مراته. هو مش واخد باله. فده يعني بعد ديني بحت. كويس. فهو الدكتور بيشتغل على. أنت مش هيديله رأي فقهي. إحنا إحنا ممنوع علينا. أديله رأي فقهي. إحنا ممكن نحط قاعدة فقهية متفق عليها بينا كلنا. إن الإنسان بيعمل ما يحاسب على الذي يتعمده. خلاص. ده في حديث في الكلام. مثلاً ما فيش حاجة اسمها أنت يعني طلقت بالنية. أنت لازم تتلفظ إرادياً. وخلاف. قلت حاجة أنت مش واخد بالك إن هي كذا. بس طلع معناها كذا. لا. أنت لازم تكون فاهم أنت بتقول إيه وعارف إيه وتقصده. حتى في الكفر خالص. إلا من أكره وقلبه مطمئن بالإيمان. فانت لو أجبرت على الكفر وأنت مش راضي بيه من جواك. فانت إيه؟ فانت لا يحسب عليك كفر. فقصدي في قواعد عامة مفهومة بحكم الثقافة العامة المجتمعية. اللي هي جزء منها أساس الدين. ممكن بيشتغل عليها الدكتور مع المريض. أنا مش بديله أحكام. أنا ما عنديش الآية الفقهية اللي تخليني أديله أحكام. روح اسأل الشيخ. لكن ممكن نتفق على قاعدة عامة متفق عليها بين عامة الناس. ونشتغل عليها. إن النية مثلاً في القلب. كمثال. إن أنت لازم تكون متعمد. دي قواعد عامة منطقية ودينية برضه. كويس. هي هي بس هي جت حتة في النص. لكن هي في الآخر هي مبدأ عقلاني جداً جداً موجود. لكن إحنا الدين بيغذيه كمان. ف فهتلاقي لازم هي لمست عندنا في جزء ديني. في ناس تعترض على الفكرة دي. إن ده مش بروفيشنال أو مش احترافي أو مش تخصصي. فهنا إن أنت أنت ما وجهتش المريض لاعتقاد معين أو لحكم فقهي معين. رجعته لاعتقاد عنده هو. أيوه. عنده هو. كويس. أو بتبني قاعدة مشتركة عندك وعند عموم الناس موجودة. خلاص ونشتغل عليها. مثلاً الوضوء ثلاث مرات. بس أنا مش محتاج أروح أجيب فتوى من شيخ عشان أجيب. خلاص. إحنا عارفين الوضوء ثلاث مرات. ده حاجة ثابتة. مشهورة. مش محتاجين نجيب. خلاص. ثلاث مرات. ثلاث مرات. وهو وقف. كمثال مثلاً في القلق. القلق خلاص. إحنا الفكرة العامة في العلاج السلوكي. ما تفكرش في اللي جاي. من ناحية الدينية أحسن الظن بالله. توكل على الله. تمام. هي نفس الفكرة. بس حطيت لها بعد ديني عند المريض. أنا بالنسبة لي لو مريض متدين أو قريب يعني مش مش مش بعيد خالص عن الله عن الله سبحانه وتعالى. ده بيشجعه أكتر يعمل يعمل العلاج السلوكي.

أنا عندي مرضى يعني ساعات اتشغل مثلاً في أتكلم معاه مثلاً. بعد كده يقول لي يا دكتور أنا غريب. أنت ما سألتنيش عن الصلاة مثلاً.

فقول له لا. أنا يعني هو مش شرط أسألك. كويس. أنت نبهتني عشان أسألك كويس. بس مش شرط لازم أسألك. في ناس أسألهم على الصلاة. خلاص. لأن أنا الصلاة بالنسبة لي فكرة الالتزام.

مش فكرة أنا مش بحاسبك على صلاتك.

فكرة الالتزام اللي هو الكوميتمنت. إن أنا ملتزم. مش معناها الالتزام الديني.

أيوه. فكرة إن أنا بقوم أعمل اللي ورايا.

أيوه. كصلاة وغيره. خلاص. ساعات أسأل على ده. فأنا عندي ده ده بعد ديني. بس هو دال على حاجات نفسية ثانية. فساعتها أقعد أتكلم بشكل عام. بس هو مش مش مدرك المريض إن أنا بقعد أستشف في حاجات ثانية من ورا الكلام. فده. فدخول الدين في العلاج ده مش غريب لتشعب ديني جوه الإنسان. يعني إحنا الدين واخد مننا ثقافة عامة. يعني أنت بتشوف يعني مثلاً ليه أما أمشي في الشعر أشوف محجبات. ليه مثلاً إن الناس مثلاً مالية الجامع مثلاً بتصلي الجمعة. يعني في الدين محرك أساسي للناس في مجتمعاتنا. عكس الغرب. مش ملاحظ أي حاجة. حتى يوم الأذان في الصلوات في ما تلاقي الدنيا فاضية. فلا مش بيحركهم أصلاً. يعني الجزء الديني في المجتمعات الغربية ضعيف أصلاً كوجود. تمام. ف فبالتالي هو عنده فكرة. وأنا عندي فكرة ثانية خالص مختلفة. في الآخر هدفنا إيه؟ هدفنا إن الشخص يكون حياته أحسن. خلاص.

حاضر. في المقابل تلاقي إن هو مثلاً حط برضه من علاجات المكمله مثلاً علاج بالرقص. أيوه. علاج بالموسيقى. العلاج بالحب يعني. تمام. هو تبنى قاعدة الغربيين. يعني تبنوا قاعدة. خلاص أي حاجة بتساعد المريض زقه فيها. خلاص.

طيب. حاضر. أنا أنت أقريت كغربي إن في حاجة اسمها علاج روحاني. هو طبعاً كلمة روحانيات دي عشان يبعد عن كلمة علاج ديني. روحانيات دي تشمل يعني عارف البوذيين مثلاً. في بوذ مثلاً ما عندوش غيب. هو حلوين وجمال وهنبقى كويسين جداً. يعني هو أخلاقيات أكتر. الصفاء الروحي. بس ما عندوش إله. ما عندوش جنة ونار. ما عندوش اللي هو فكرة الحساب والقيامة. ففقال لك اللي يجمع الكلام ده روحانيات. خلاص. ماشي. يعني بغض النظر عن المسميات دي. خلاص. بس قصدي أنت قريت إن في العلاج ده. وفي العلاج ده. وفي العلاج ده. أنا بالنسبة لي لا. أنا يعني همشي شوية أو هضغط في العلاج الديني كويس لبعض المرضى اللي هم حابين النقطة دي وعايزينها. خلاص. وبتنفع معاهم. يعني في في واحد حابب. بس هو لا. هو مرضه مثلاً زي ثنائي القطب. لا يقول لي طب أنا هعمل إيه مع ربنا في ثنائية القطب. لا. أنت حلك دوا. بس ثنائي القطب حله دوا. الفصام أو الذهان أو الشيزوفرينيا حله دوا. حتى حتى الجلسات علاج سلوكي. يعني مش مفيدة قوي. أو بتبقى حاجات داعمة بقى عشان يقدر إن هو يتعامل مع التحديات المختلفة اللي بيواجهها.

ممكن آه. بس بتكلم على العلاج قصدي. ففي في في يعني في أسباب تخلي ده آه ينفع معه علاج ديني. ده ما ينفعش معه علاج ديني. وخلافه. فهي قصة مش قصة زي ما قلنا في الأول خالص. إن الدين ينفع في بعض علاج علاج بعض الأمراض النفسية. وهو بعض الوقاية من بعض الأمراض النفسية.

حلو قوي. تمام.

طيب. لما أجي مثلاً بقرا مثلاً في فيكتور فرانكل. في كتابه مثلاً العلاج بالمعنى. وبيتكلم عن العلاج بالمعنى. كارل يونج بيتكلم برضه عن بعض الأنشطة الروحانية. الوقتي حالياً مثلاً جابور ماتيه برضه بيتكلم عن بعض المعاني دي. وإزاي المعاني دي بتفيد الناس. وبتفيدهم هم شخصياً. يعني عندنا فرانك يهودي. وجابور ماتيه يهودي. مش عارف صراحة قال تقريباً ما كانش و حاجة زي كده. إذا هل هو العلاجات الروحانية والأنشطة الروحانية عامة بتساعد الإنسان كده كده كده؟ ولا عندنا في الدين أو في الإسلام في حاجة زيادة؟

إحنا عندنا في عندنا في الإسلام حاجة زيادة طبعاً. هي أو بتساعد. أيوه. وعندنا في الإسلام. حاجة مش عايز أدخل في خلافات دينية. أديان. لكن في الإسلام التشعب. التشعب يعني كم الأحكام الفقهية. على كم الفضائل الأعمال. كنصوص. كنصوص نص عليها الحاجات دي. ده عندنا كتير قوي قوي قوي عن الأديان الأخرى. كويس. فده تميز عندنا. فعندنا. آه. الأديان بتحث على بعض الأديان بتحث على العمل الصالح. كويس. وفي بعض اللي إيه عندهم النصوص اللي بتدل على ذلك. لكن وفرة الحاجات عندنا خلتها متشعبه كتير جداً وبزيادة عندنا. فده بيخليني عندي ثراء في أن أنا أحط النصوص أو أوجد النصوص. يعني أو إن موجودة واستخدمها في العلاج الديني. كذلك التشعب المعرفي في معرفة يعني اللي هو الاعتقادات. إحنا عندنا ال الفكرة الاعتقادية عندنا في الإسلام. أنا برضه مش عايز أدخل في مقارنات مع أديان أخرى. لسه بين ست البوذية كمثال. البوذية هو لا يعني ما عندوش إله. يعني أو يعني عنده بوذ الشخص ده. يعني لو هو بيؤمن بس ما عندوش فكرة المحاسبة والأخره والكلام ده كله. أنا دلوقتي لما يكون عندي ظلم وإيه عليا. وأنا زعلان من الظلم وغضبان منه. ظالم ظلمني. كويس. طيب أنا في الإسلام إيه اللي بيساعدني؟ اللي بيساعدني إيماني بالأخره. الظلم. الظلمات هي مقامة. وفي حقوق هتترد ليا. طيب شخص مش مؤمن أصلاً بالأخره. طيب هو قاعد في الظلم. فقاعد بيهري في دماغه. أنا لازم أجيب حقي. إحنا عندنا لا. حقك ممكن ما يجيش في الدنيا. ممكن تاخده في الأخره. ده بيكسبني أنا رضا. خلاص. أنا الحمد لله على كل حال. خلاص. أنا ليه هاخده في الآخر. لما مثلاً واحد يتطاول عليا مثلاً يشتمني. ولا طبعاً أنت لو متابع الفيسبوك بتاعي. كنا لسه بننتقد نظام الطيبات. آه. كويس. فيعني جالنا من. جالنا من شتيمة. ما أنا لا أرد. خلاص. لكن لو ما سمحتش هذا الشخص. خلاص. لنا حق عنده يوم الأيام. يمكن أنا راجل عندي سيئات كتير. فربنا يعني ناخد من حسنات الآخرين. قصدي ده بيخليني أنا كشخص مش مش قاعد عندي الضغط النفسي. إن أنا أقعد أرد على الناس دي.

في عندك أبعاد أخرى يعني.

أيوه. عندي خلاص. يوم القيامة. خلاص. طفيل. تمام. في أني ما عندوش يوم القيامة. فده عنده مشكلة ثانية. خلاص. ده لازم يخلص حقوق في الدنيا. مش هيحصل حاجة. كمان إحنا عندنا رغم إن المنطقة العربية والدول العربية بتعاني أزمات اقتصادية واجتماعية كتير وسياسية. لكن يظل مثلاً معدل الانتحار عندنا أقل كتير من معدلات في أوروبا أو أقصى الشرق. في اليابان وكوريا والكلام ده. مع أن اليابان وكوريا كمثال دول متقدمة جداً. عندها حياة رفاهية جداً. بلاد منظمة جداً. مش كافي بس عندهم فعلاً عدم يعني كمتحار أعلى بكتير من عندنا. طب إيه الفرق؟ الفرق الإيمان هو اللي بيمسكنا. أم. أنا عندي عندي عامل قوي جداً بيخلي فعلاً بيمنع حدوث مصيبة زي الانتحار. وكتير قوي ما بسمع من المرضى. لولا الانتحار حرام كنت انتحرت. ده كتير جداً بنسمعه. صحيح. طب هو عنده هناك في في شرق الكرة الأرضية بيعمل إيه؟ هو لا. هو خلاص. هو هيموت وخلاص. هو ما عندوش بقى اللي هو المحاسب.

الطبيعة بقى. أيوه. عنده. ف عندي.

ف عندي عنصر أساسي جداً في الدين بيساعدني إن المريض أولاً يفضل على قيد الحياة. أو إن هو كمان يزق نفسه أكتر في الدنيا ويتحسن والعلاج وكذا وهكذا. ف ففي فرق شاسع. والأرقام اللي بتقول مع أن كم الأزمات عندنا أقل أكتر بكتير جداً من الأزمات عندهم. بس إحنا عندنا اختلاف في النفسية والروح أكتر بكتير. عندهم من أعلى. بدل برضه معادلات الانتحار في العالم. شمال أوروبا. فنلندا والسويد والنرويج والحدود دي. معناه على مقاييس السعادة العالمية هي في أول الدول.

مقاييس السعادة ولا مقاييس الثراء؟

الثراء.

الغنى.

أه. الغنى. الخليج أغنى. أغنى. هناك مقاييس. السعادة. هم أعلى. أعلى. الدنمارك. وفنلندا والدول دي من أعلى الناس على مقياس السعادة اللي بيعملوه كل سنة. ودول يعني ما عندهاش مشاكل سياسية. ما عندهاش حروب. ما عندهاش مشاكل اقتصادية. حتى الدنيا كويسة بشكل عام. لكن الروح فقدت. هو طبعاً زي ما قال لك من شوية. إن الإلحاد داخل بقوة. فعندهم طبعاً العامل الروحاني ده بيضعف بشكل كبير جداً. والحياة بقت مادية بحتة. خلاص. باخد فلوس بعيش. وبأكل وبشرب. ما باخدش فلوس خلاص هتبقى مشكلة دلوقتي. خلاص. فهو قاعد إيه على قد اللحظة. ما عندوش فكرة الأخره والربنا وبعملتي. فمخلي خلاص. أنا لما أزق شوية أروح أنتحر. إحنا أصلاً هنقعد نقلب قلبنا ليه؟

فأنا دلوقتي دلوقتي أنا بوريك بس قد إيه قد إيه عنصر الإيماني عالي جداً جوه النفس البشرية في ثقافتنا الإسلامية. مخلينا في الآخر قادرين إن إحنا ندخل العلاج الديني في منظومة التحسين النفسي بشكل عام. تمام. وده على فكرة مش مش اختراع. مش ابتكار لدكات. ما هو أصلاً موجود في الناس. لما واحد عنده مشكلة يقول لك طب ما تقرب من ربنا. اقرب من ربنا. آه. فكرة صح. بس في حاجات ثانية ممكن تتعامل مع ده كعلاج نفسي. وأوقات النصيحة دي بتبقى غلط.

أيوه.

أوقات بتبقى إيه بقى؟

هنا الإشكالية فين هقول لك.

الإشكالية إن المريض اللي بياخد النصيحة دي. خلاص. بيقول يا جماعة أنتوا أولاً مش فاهمين المشكلة فين. إحنا عندي أبعاد نفسية غير إيمانية. أو إنه حاسس بالطعن في إيمانه. أنت لما تقول لي قرب من ربنا. هو أنا بعيد عن ربنا. يعني أنت مؤمن وأنا مش مؤمن. يعني مثلاً. يعني أنا اللي بعمل كده في نفسي. أنا اللي اخترت إن أنا ما أبقاش مؤمن. أنا اللي اخترت. هو بيحس إن أنا بلومه. لا مش قصة لوم. قصة إيجاد حل. خلاص. أنت عايز نحل. طب يلا نحل. بس قصدي هو بياخدها على قلبه شوية. والحاجة الأولى قلتها لك إيه؟ إن أنت إليك عني. فإنك لم تصب بمصيبتي. اللي هو أنت مش حاسس بيا. أنت فاكر المشكلة عندي. تمام. والحاجة الثالثة. إن هو المريض. أنت قلت لي قرب من ربنا. بس أنت أنا أصلاً مستصعب الأمر. فما تقولهوش تاني. خلاص. أنت قلت لي مرة واثنين وثلاثة. بس أنا مش هعمله. بس الاستصعاب ده بقى له له بعد. زي ما قلنا من شوية. أنا أنا فاكر في الدنيا. آه. إن أنا يا إما مش قادر من نفسي. أو هو فعلاً عنده مشكلة غصب عنه. مخليها مش قادر. يعني مرضى بنشوفهم مرضى اكتئاب شديد. أنا ما أقدرش أقول له يعني قوم اعمل حاجة. مش قادر. أنا هقول له لا خد دوا قوي. خد حتى نرجع لحاجة اسمها جلسات الكهرباء. أم. أو الاسم الجديد اللي هو جلسات تنظيم إيقاع المخ. ده خلاص. ده مش قادر أطلب منه طلب إنه يقوم. لأن لا عنده أفكار فظيعة في الانتحار أو الاكتئاب. خلاص. فده مش هقدر أطلب منه. أنا أقدر بقى أنا كطبيب أقدر أقيم الأهل. لا بيبقى صعب إنهم يقدروا يقيموا الفرق بين المرض الشديد أو المرض مش شديد. أو إنه مش مريض. ففي كل الأحوال ما عندوش غير إنه هيقول له قوم صلي.

وزي ما إحنا قلنا هي دي دخلة ضمن منظومة علاجية أخرى.

أيوه.

بانرفنشنز أو بتداخلات أخرى حسب احتياج المريض.

هي النقطة دي بتوصلنا لحاجة برضه عايز أوصلها. دايماً إن إن نظرة الطبيب النفسي الأمور مختلفة شوية عن نظرة عامة الناس. ده ده اللي مش بيوصل قوي لكثير من المرضى لغاية ما هم يحسوها بجد. يعني مثلاً لسه بنقول على المرضى القلق. إنهم ما بقوش شايفين القلق عندهم خلاص. وبيجوا للدكتور مش فاهمين. هو في مشكلة؟ أنا جالي بانك أتاك. اللي هو حالة الهلع. مش فاهم جت لمين. نقعد نشرح إن ده أصلاً كان في قلق قبلها. والقلق زاد ووصلنا للهلع. طب أنا كنت كويسة قبلها؟ لا. هو اللي كنت مصوره كويس ده مش كويس. طب وأنت ليه تعرف يا دكتور كام ده؟ لأن ده السيناريو اللي بنشوفه كل شوية. المهم نبتدي نعالج. فتبتدي تكتشف إن فعلاً العلاج جايب نتيجة. وهي بتتحسن مع وقت. تفهم إن الدكتور كان شايف حاجات هي مش شايفة. الناس اللي عندها اضطرابات الشخصية. تجنبيه. وسواسيه. حديه. نرجسيه. أياً كان هم. هو مش في المشكلة. إحنا عينينا كدكاترة حصل لنا تدريب طويل عشان نشوف بعينينا. خلاص. حاجات ما كنتش بتشوفها قبل كده. فبتقدر تقيم الأمر. خلاص. من أبعاد ثانية. هم الناس ما بتشوفهاش. كتير. لما بيجي لي أمهات جايبين ولادهم مثلاً. عندي بنتي. أنت مثلاً تعبانة. أو ابن تعبان. ومش عارف إيه. والابن بيتكلم وكل حاجة. وفي الآخر أنا أقول لها يا ماما. أنت والله اللي تعبانة. كويس. أنت اللي محتاجة تتعالجي. تجيب وتستغرب. أنا ما تكلمتش أصلاً. أنا ما قلتش غير كلمتين. بس أنت إزاي بتقول لي كذا؟ إحنا عندنا نظرة مختلفة شوية. مش مش شرط إن أنا هاجي مع حد في صف حد. ساعات العيانين بقى اللي متضايقين من كلامنا يقول لك. أصل هم اللي ضللوك. هم ضحكوا عليه كده. لا. أنا مش قاعد عشان حد يضللني. أنا ليا عين بتشوف بابعاد مختلفة خالص. أنا فاهم إن البعد ده ما يبقاش واضح للمريض. هيتضح لقدام. لكن أنا بحاول أشرح عشان أوصل له صورتي. بس ما بيبقاش في. بيبقى في صعوبة. يعني لتقبل الكلام اللي هو في الأول ده. كلام غريب قوي عليا. أنا أول مرة حد يقول لي أنت قلقانة. أول مرة حد يقول لي أنت نرجسي. أول مرة حد يقول لي كذا. ففي عادة بيبقى في معلومة مرفوضة من الأول. طبيعي. الدينير الأساسي. الإنكار الأساسي اللي بيحصل ده بشكل تلقائي بيحصل كتير. ف الناس بقى بتتصور إن لا. إحنا إحنا نفس النظرة. لا. إحنا أخدنا سنين من التدريب عشان أبص من زاوية ثانية خالص غير اللي أنت بتتكلم من خلالها. ففي حد مثلاً كتير. بس الموضة الحالية. الـ ADHD. آه. تمام. الناس جايه. أنا دي ADHD. أنا بصيت على النت لقيت كل أعراض الـ ADHD عندي. خلاص. وأغلب الناس دول. أغلبهم هم مرضى قلق. أم. اللي بيولد عادات الـ ADHD. يعني من العلامات اللي بنشوفها كتير في العيادة. مش مش شرط بس كتير. إن هو واحد عنده مشاكل في الدراسة وهو صغير. ولعب عبي ومش عارف إيه. والمدرسة شكت إن هو عند. طبعاً ما تحسن الثقافة خالص. تعرفوا. فالأهالي بيجيبوه من الصغر. لكن إن حد بيقعد يقرأ. يقرأ. يقرأ على الـ ADHD. بعد كده بيشخص نفسه ADHD. لا. وأنا عملت الاختبار على النت يا دكتور. بس واقعياً. لا. في في أمراض نفسية ثانية. أو زوايا نفسية ثانية. هو مش شايفها. ولما بنوريها له خالص. بيبتدي يشوفها واحدة واحدة. تمام. ففقصة إن أنا أقدر أشوف من زاوية. لسه بنرجع لكلامنا الأولاني. إن أنا أقدر أشوف إن المريض ده ينفعه العلاج الإيماني. المريض ده ما ينفعهوش علاج الإيماني. ف أنا زي ما أنا شايف المرض من زاوية. شايف برضه العلاج من الزاوية. بس الزاوية دي مش مش لازم تكون نفس زاوية الأهل. أو الناس. خلاص. ممكن يكون مختلف.

حضرتك قلت في حلقة بصراحة كلام جميل قوي. إن كمان قبل حضرتك تدخل في الحتة بتاعة العلاج الديني ده. أنت اهتميت الأول إن أنت تشتغل بالطب النفسي كطب نفسي. اللي هو بيولوجي أكتر. وبالأبعاد المختلفة أكتر. وبعد كده نبدأ إن إحنا ندخل عليه الحتة الدينية دي. عشان الطبيب بيبص لابعاد مختلفة. إحنا اتكلمنا عن البعد البيولوجي. البعد الاجتماعي. البعد النفسي. وفي عندنا ممكن نضيف البعد الرابع اللي هو البعد الديني. حلوة قوي النقطة ذكرتها دي.

في ناس بتبقى بسبب إن موضة علم النفس طالعة. أو طب النفسي طالع. طبعاً ذكرت لك إن هو من 20 سنة ما كانش الوضع كده. فدلوقتي يقول لك أنا مهتمة بعلم النفس. في ناس أصلاً بيبقوا أصلاً عندهم التزام ديني. أو قريب من ربنا سبحانه وتعالى. يقول لك خلاص. أنا هدخل في المجلس نفسي عشان أعالج من بعد ديني. وده عنده مشكلة. يعني الفكرة دي هي حلوة ونبيلة. بس مش صح في التطبيق. أنت على أنت خلي معاك التزامك وقناعاتك الدينية وقربك من الله سبحانه. خليه معاك. ده مهم. لكن أنت هتخش الطب النفسي بدماغ الطب النفسي. وتشوفه من زاويته هو. من زاوية الطب النفسي. بيعمل إيه. بعد كده ممكن تدخل بعد كده بمراحل. إحنا بنتكلم على سنين مش شهور. كويس. بعد كده تقدر تقول آه. أنا ده هينفع معاه العلاج الديني. أنا النهارده وأنا بتكلم في في الكلام ده. أنا بقالي أكتر من 20 سنة في المجال. ف أنا عارف أنا إيه أقدر أدخل لأمتى. لكن هل اللي أنا بعمله ده أقدر مثلاً واحد عنده ثلاث سنين في المجال. أو خمس سنين في المجال يعمله؟ لا. أنا ما أنصحوش. أنا ما أنصحوش. أو ممكن أنا مثلاً أقول له لا. العيان ده عامل معايا كذا. كشخص عنده بعض الخبرة. فهو يكمل على النصيحة. لكن إن يبدأ المجال كده. لا. ليه؟ هو لازم يبص من زاوية الطب النفسي. شايف إزاي. بدون التحكمات الخارجية اللي هي الدينية على الطب النفسي دلوقتي. ف أنت شايف من الزاوية دي بس. وعشان تشوف من الزاوية دي بس. أنت عايز سنين. بعد كده مع الوقت والخبرة بتقعد تفرز. تفرز. يعني ده ينفعه. ده ينفعه. ده ده ينفع. ده. أنت بقى عندك الخبرة. وده وده هيفاق أني حتة في الدين. وده هيفاق أني حتة في الدين. ده هيفا. فده الكلام اللي بقوله.

ده ما كانش ينفع أقوله، حتى لو هو عندي، ما كانش ينفع أقوله من 10 سنين فاتت.

تمام، كان لازم أحس إن أنا فعلاً عندي مهارة الطب النفسي بشكل كبير. عشان كده، أنا الكلام ده، أنا، أنا يعني في السوشيال ميديا من 2009 و2010. وبطلع في البرامج يعني من السنة دي، بس ما كنتش بتكلم في النقطة دي في السنين دي، مش عشان ما كانش عندي، عشان أنا كنت حريص إني أفضل في الطب النفسي وأفهمه وأقرأه وأتعلمه كويس. بعد كده هعرف أضم الاثنين ببعض.

اللي داخل أصلاً يحكم على الطب النفسي وعلم النفس من الزاوية الدينية، هتلاقيه لا، هو بيبص من الزاوية دي بس. الزاوية دي زاوية مختلفة. أنت هتبص من الزاوية دي، خليها عندك، هتتعلم الزاوية دي لوحدها خالص. بعد كده لما يكون عندك الخبرة كويسة قوي، هتبص من الزاويتين، تعرف توافق بينهم. ودي مش حاجة سهلة خالص. عشان كده لما تيجي الناس، مثلاً الناس الصغيرين أو خبراتهم الصغيرة، تيجي ساعات بيعملوا حوا تلفيقات، عارف زي نظام الطيبات كده. خلاص، عنده يعني جاب كلمتين من الدين حاطتهم في حاجة كده ولبس حاجة. هو ده مش مش كلام ديني خالص، ده مش دينياً. الكلام ده مش ماشي خلاص. طبياً أنت حر بقى قول اللي أنت عايزه، بس جه يلفق، جه يوفق، لفق الدنيا فعكن. وهكذا.

في الطب النفسي، في ناس بتستشهد مثلاً بعض الاستشهادات، مثلاً بمواقف في السيرة النبوية أو في القرآن أو كده، على فكرة نفسية معينة. لا، في اعتراض هنا. ماشي، ماشي. أنا مضطر أعترض النهارده. وأنا بتكلم مثلاً عن موضوع الرقاة والشيوخ والكلام ده كله، أنا بعترض. بس بعترض بعد سنين طويلة من فهم الأمراض النفسية. وبرضه إني أشوف وأسمع المرضى.

اللي بيحصل إيه؟ العلوم علوم بشكل عام. أي إنسان داخل علم فاكر إنه بيفهم في العلم ده من أول. دايماً صغار المتعلمين فاكرين. ويمشي شوية يلاقي لا، هو في حاجات ناقصاه بسيطة. يمشي شوية أكتر يلاقي نصه كتير جداً. أنا لما كنت بدأت الطب النفسي في أول سنة، طبعاً أنا داخل مش عارف حاجة. خلاص، وتتكلم بعد الست سنين الكلية. يعني أنت في الكلية ما بتاخدش تقريباً الطب نفسه، كلام فاضي. أنت بتتكلم على فترة ما بعد الكلية.

فأول سنة أنا لسه بفهم عن الاكتئاب والـ... خلاص أنا فهمت الاكتئاب. الهلاوس والضلالات، قصدي زي الزهان. خلاص يا سلام، سهل خالص. الاكتئاب كذا، وشخص مثلاً محزين. حاضر. في خلال سنة قلت إيه ده؟ طب ما الدنيا حلوة أهي. على ثلاث سنين لقيت إني كنت فاكر نفسي فاهم. لا، أنا مش فاهم حاجة. ليه؟ أنا كان عندي أساتذة، أقول له طب بص ده زهان. يقول لا، أنت مش شايف الحتة دي. أقول له ده اكتئاب. لا، أنت مش شايف الحتة دي. فـ أنا، أنا كنت بقى لسه بتمرن، يعلمني، يعلمني، يعلمني. فكل شوية بيوريني حتة أنا مش شايفها.

الكلام ده قعدنا بقى في التدريب طويل، فترة طويلة. وعلى فكرة الطب النفسي وعلم النفس من أطول التخصصات في التدريب. يعني إحنا، إحنا بناخد تدريبات طويلة إلى إلى نكبر يعني كده. فبتقعد تشوف من زاوية أخرى، زاوية أخرى، زاوية أخرى. عمال تفتح حاجات في دماغك تشوفها. شوف، خلي بالك من كذا، كذا. آه. بعد خمس سنين قدرت أقول إني والله أنا فعلاً قادر، قادر أقول إني يعني بعرف.

أمم. بعد 10 سنين، لا، أنا أقدر أقول أنا يعني معقول، يعني مش متحزم، حدثق في نفسي شوية يعني. بعد 20 سنة، لا، أنا فعلاً أنا أقدر أقول أنا كويس يعني.

بناءً على عدد سنين خبرة، عدد الحاجات اللي حضرتك شفتها كمان، بناءً على تقييم الآخرين، أساتذتي.

آه صحيح.

إحنا مش هنعمل زي إيه؟ الواحد بيش دماغه، شايف نفسه حلو ومرضاه بيهللو له يعني.

لا، في أزايا زي في ناس في السوق بتيجي تقول والله الشخص ده فعلاً بيفهم كويس. ودي نقطة مهمة برضه. مشكلة نظام الطيبات. لازم يكون في قصدي إن دايماً في جزء أساسي إني بشوف نفسي برضه في وص السوق بتاعي. أنا، أنا طبيب نفسي، فـ أنا أطباء الثانيين بيشوفوني إزاي؟ بس بالذات اللي عندهم خبرة وإنصاف. لـ طبعاً أي حد، أي أي مجال.

في بعض النفسانة أو الغيرة أو كده موجودة في في أي سوق. بين الشيوخ موجودة، بين الأطباء موجودين، مدرسين موجودين. لازم هي لها التنافس ما بين الأقران. فده محسوب حسابه. ولكن الناس المنصفة، أقدر أنا أسألهم أو أسمع منهم، أنتم شايفين إزاي؟ وده بيخليك أنت خلاص، أنت ماشي صح. حتى لو أخطأت، ما فيش مشكلة. يقول لك أخطأت، خلي بالك أنت أخطأت في كذا. آه، أنا مش ملاك. آه، بس خلي هاخد بالي المرة الجاية وكده. فـ أنا، فـ أنا مش ماشي بدماغي بس عشان الناس بتهلل لي أو الناس بتقول لي أنت كويس. آه، ده بيحسسني وإنت معروف مثلاً سوشيال ميديا وعندك جمهور أو كده. آه، بس لا، أنا لازم أبص من زوايا أخرى عشان في الآخر بجمع كل الزوايا ده عندي.

جميل قوي. أنا كلام مع حضرتك حقيقي. أنا ما بشبعش من حد سوشو جون. وأنا اتعلمت كتير قوي النهارده. فشكراً جداً لحضرتك. هل في أي حاجة حابب تضيفها أو تقولها قبل ما نلا؟

طبعاً بشكرك على الاستضافة وبشكر الجمهور إنه قدر يكمل حلقة دي واستحملني يعني الفترة دي كلها. لكن أنا الرسالة اللي فعلاً نفسي أوصلها فعلاً، إن إحنا، إن الطب النفسي ليس معارضاً للتدين أو الإيمان خالص خالص. هي دي الصورة وصلها يعني. إحنا، إحنا كطب نفسي أو علاج نفسي موصومين إن المشهور عندنا هو فرويد. لا، هو آه، فرويد فعلاً عمل حاجات قوية جداً في علم النفس. وفرويد كان يهودي بالمناسبة. والحد أو يعني شبه الحد يعني.

أه. لكن مش إحنا، مش معنى كده إني خلاص، إني كل اللي ورا دول خلاص موافقين على الكلام ده. بالعكس. كلام فرويد أغلبه يعني يعني طو. أه. الطو يعني خلاص. وج حاجات كتير جديدة. ومش معنى إني الغرب بيجي يقول لي اعمل كذا، اعمل كذا، فـ أنا خلاص هسمع كلامه بنص. هو ناس فاكران خلاص إحنا بنسمع الكلام كده. كلام لغينا. قلنا لا، الدنيا اتغيرت تمام. وفي بصمة دينية، بصمة ثقافية، بصمة مجتمعية لازم أحطها. يعني مثلاً، ماشي، إحنا عمالين نفتح في الوقت ما فيش فايدة.

ما فيش مشكلة.

أنت عارف مثلاً في مضارضة عندنا حاجة اسمها الهلاوس. الواحد بيسمع ناس مش موجودة. مكتوب في الكتاب الغربي إن في استثناءات للهلاوس دي. منها في الشرق الأوسط الحسد. ده استثناء يعني. ما ينفعش مثلاً طبيب غربي يجي يشوف عيان مسلم يقول له أنا حاسس إن فلان حسدني، فيقول إن ده هلاوس أو ضلالات. لازم ده مكتوب في الاستثناءات. فـ البعد الثقافي خلاص ده محسوب حسابه أصلاً في الطب. وإحنا طبعاً بحكم إحنا جوه الثقافة نفسها كويس، فـ إحنا عارفين إيه اللي ممكن يتداخل مع الثقافة. ثقافتنا إزاي تتداخل مع الأمراض النفسية. فـ فكرة إن الإيمان والطب النفسي والعلاج النفسي متعارضين، لا خالص خالص. بالعكس، في توافق كبير. الطب النفسي والعلاج النفسي وعلم النفس احترم العقل البشري وتركيبته الذهنية. وكذلك الدين احترم جداً العقل باشا. يعني إحنا، إحنا عقيدتنا مبنية بشكل مركب. فكري بسيط جداً وعقلاني جداً جداً. الألوهية، وحدانية الإله، والجنة والنار والرسل والكلام ده. دي شكل عقلاني جداً بسيط جداً. ده ما كانش ينفع إلا بكده. وكذلك علم النفس والطب نفسه احترم العقل. وإن في منظومة فكرية معينة كده. فهم. آه. الشطارة فـ إحنا نقدر نجمع الأجزاء اللي ممكن تتجمع مع بعض. مش معنى الكلام ده إن ده هيشيل ده وده هيشيل ده. لكن لا، في حاجات ممكن مشتركة. آه نقدر إيه نتحرك في خلالها. سواء كان في تحليل الأمور أو في العلاج النفسي.

جميل قوي. شكراً دكتور محمد.

ربنا يكرم.

وشكراً ليك. اتعلمت منك كتير يعني. وشكراً لكم طبعاً إنكم كملتوا معانا للآخر. لو الحلقة فاتتك، شاركها مع حد تعرفه وحد هتفيده. تابعونا على اليوتيوب، سبوتيفاي، آبل بودكاست، فيسبوك، تيك توك، وكل منصات السوشيال ميديا. سلام عليكم. دي كانت حكاية النهارده. لو عجبتك، شاركها مع أصحابك اللي بيدوروا على طريقهم. وما تنساش تتابع البودكاست وتسيب لنا تقييم. أشوفك في الحلقة الجاية. Yeah.