الوحدة مش دايماً بتوجع لان وجود الناس المؤذية حواليك بيوجع اكتر

القاعدة لوحدك ساعات بتوجع، بس إنك تكون محاوط بناس مزيفة ده بيوجع أكتر بكتير. عشان كده الوحدة أحسن من القرب الكداب.

الوحدة فيها هدوء، لكن الناس المزيفة بيعملوا لنا دوشة في دماغنا وفي قلوبنا. والدوشة دي هي اللي بتسرق مننا سلامنا النفسي.

ممكن تكون لوحدك وجواك راحة، لكن مع الناس الغلط هتفقد نفسك. ودي أكبر خسارة ممكن تخسرها، إنك أنت تخسر نفسك.

فمش أي لمة أو أي صحبة بتبقى خير ليك. في ناس تكلفتهم عليك أكتر بكتير من اللي بيقدموه لك، وساعتها بيبقى البعد هو أنسب حل.

إنك تكون لوحدك مش معناه إنك أنت مش محبوب، ده معناه إنك أنت بتحمي نفسك من ناس ما بتتمنلكش الخير. فالناس المزيفة بياخدوا منك طاقتك، والوحدة هي اللي بترجع لك الطاقة دي تاني.

أنت مش محتاج ناس كتير حواليك، أنت بس محتاج الناس الصح. ولو مش موجودين، يبقى الوحدة أكرم بكتير من صحبة غدارة.