ترامب في كارثة .. الكونجرس يهدد بوقف تمويل الحرب وإسرائيل تضرب والنفط يحترق

السلام عليكم. ازيكم؟ امبارح في مجلس النواب الأمريكي كان فيه جلسة إحاطة مغلقة، ماشي؟ ساعتها وزارة الخارجية الأمريكية، المخابرات الأمريكية، قادة في الجيش الأمريكي كانوا بيطلعوا نواب في مجلس النواب ومجلس الشيوخ على آخر تطورات الحرب وبيقولوا لهم الدنيا ماشية إزاي وإحنا حققنا إيه والكلام ده كله.

إذنه، فاجأ إن بعد ما الجلسة دي خلصت، طلع نائب ديمقراطي اسمه سانتور ريتشارد بلامنتال، طلع قال لك: "على فكرة، شكلنا كده هنبعت قوات برية على الأرض في إيران." زي ما حضرتك هتسمع منه كده بالظبط:

"My questions have been unanswered. I emerge from this briefing as dissatisfied and angry, frankly, as I have from any past briefing in my 15 years in the. I guess I am most concerned about the threat to American lives of potentially deploying our sons and daughters."

الأمر ده أمر خطير جداً، خلي بالك. إنك تنزل قوات برية معنى كده إن فيه فصل جديد من الحرب ما ابتداش. إحنا كل اللي إحنا فيه ده هي عمليات جوية فقط. إنما تنزل قوات برية ده أمر خطير. تاني حاجة، إنك تنزل قوات برية أو تعمل عمليات برية، ده إنت ما تقدرش تعرف أهدافه إيه. هل مثلاً السيطرة على اليورانيوم؟ هل السيطرة على جزيرة خرج أو خراج الإيرانية اللي بتصدر 90% من نفط إيران؟ هل الأكراد هيتم مشاركتهم في العملية دي؟ هل العملية ممكن يكون فيها جزء خطف قادة إيرانيين أو خطف مكتب اللي هو المرشد الإيراني الجديد؟ الحقيقة أسئلة كتيرة جداً.

بس الأخطر منها هي مقالة هتكشف لك لعبة النهاية هتكون عاملة إزاي. المقالة دي كاتباها راشال أوزويلد، ودي كاتبة مهمة في فورن بوليسي، وهو أقوى موقع تحليلي في العالم. الكاتبة بتقول لك إيه؟ بتقول لك: "على فكرة، الظاهر كده دونالد ترامب بحربه على إيران هيصطدم بحائط ديمقراطي لمنع تمويل الحرب دي وإكمال الحرب دي."

الحقيقة المقالة دي كانت بالنسبة لي فارقة، ومقالة بالنسبة لي بتعكس كل التحليلات اللي طلعت وتخليك عمال تضرب كف على كف كده. إيه اللي بيحصل داخل السياسة الأمريكية ده؟ وإيه الحرب رايحة على فين؟ لأن كل شوية إنت عمال تسمع نقاط جديدة مختلفة. فإيه الجديد؟ وإيه آخر الأخبار؟ عاوز تعرف حوال بس عشان أقول لك لازم أحكيلك القصة الأول قبل ما أخش في الموضوع.

قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً. وهو بحكم شغلي في الأخبار بضطر إني أطلع على مواقع كتير وأستخدم برامج كتير، بس صدقني في معظم الأحيان بتكون مواقع كتير قوي مقفولة أو برامج محتاجة إني أكون في دول أخرى عشان أشترك فيها، مش في مصر فقط، في كذا دولة. والحقيقة إن الأمر ده الحل الوحيد للتغلب عليه هو باستخدام برامج VPN. ولكن السؤال المهم، عمرك سألت مين اللي بيملك الشبكات المتاحة دي والسيرفرات بتاعتها بتبقى فين في أنهي دولة بالظبط؟

الحقيقة الصادمة هي نسبة كبيرة من أشهر تطبيقات الـ VPN في السوق حالياً هي من شركات إسرائيلية، زي مثلاً Private Internet Access وزي CyberGhost وزنت، أو ممكن يكون عندهم سيرفرات في إسرائيل، مثلاً زي NordVPN وسيرف شارك وبروتون واي بي فانش. صدقني الحل اللي برجعه لحضرتك هو Zio Free VPN. لأن Zio Free VPN هو VPN مصمم خصيصاً إنه ما يكونش له أي علاقة بإسرائيل، يعني من الآخر كده صهيوني فري. عاوز أقول لك إن نسبة الاشتراك فيه عالية جداً وبأسعار ممكن تفاجئك بشكل كبير جداً. وزايو فري في بي إن ما عندهمش أي نوع من أنواع الخوادم داخل إسرائيل أو السيرفرات داخل إسرائيل. زايو فري بيقدم عرض كبير جداً خصم 20% لكل الناس اللي هتيجي عن طريق قناة سمري. واستغل فرصة دلوقتي عشان تتصفح الإنترنت براحتك وبشكل آمن تماماً. هسيب لحضراتكم اللينك بتاعهم أسفل الفيديو لو حابب تتواصل وتحصل على زايو فري في بي إن.

نخش في الموضوع على طول. نخش في الموضوع على طول. إيه الجديد اللي معانا النهارده ممكن يكون مختلف بالنسبة لحضرتك وأول مرة هتسمعه فيما يخص لعبة النهاية؟ إيه اللي حصل بالظبط؟

اللي حصل إن هنبتدي من عند مستشار رئيسي أمريكي سابق، تلاقي اسمه ستيف بانون. طلع قال لك: "على فكرة، إحنا عمالين نتكلم إن والله أحد أسباب الحرب دي إن يحصل انهيار للنظام الإيراني أو إسقاط النظام الإيراني، بس حالياً إسرائيل نجحت إنها تعمل قومية إيرانية وأصبح الشعب خلف القيادة بسبب بسيط إن إسرائيل بتضرب خزانات النفط الخاصة بالشعب الإيراني." وده كأن المعارضة في إيران أصبحت ضعيفة وإن الشعب الإيراني أصبح خلف قيادته، بس كل ده بفضل إسرائيل. زي ما حضرتك هتسمع كده:

"Why not huge threat?"

الحقيقة ده أمر كنت كشفت لحضرتك في الفيديو اللي فات إن وزير الدفاع الأمريكي طلع قال لك: "إحنا مالناش دعوة بقصف خزانات الوقود الإيرانية، ماشي؟ وده مش شغلنا." وعلى فكرة، إسرائيل لسه ضاربة حالياً خزانات وقود في مطار أصفهان، وده أمر يوريك إصرار إسرائيل على إنها تستهدف خزانات الوقود الإيرانية وخزانات النفط الإيرانية. ما معناه إنها عاوزة تضر البنية التحتية بشكل بشع. خلي بالك، إحنا هنا مش بنتكلم على بنية تحتية عسكرية استراتيجية بتأثر في الحرب، إحنا هنا بنتكلم على بنية تحتية مدنية. الشعب الإيراني أصبح أكثر توحد خلف القيادة وفقاً لمستشار الرئيس الأمريكي السابق ستيف بانول.

بس الأخطر من كده هو سؤال أنا بالنسبة لي مهم: العرب فين من الحرب دي؟ يعني خلي بالك، السعودية طالعة تهدد، وخلي بالك الإمارات طالعة تهدد، البحرين، قطر. بس محدش بياخد القرار بالحرب ليه؟ الأمر ده غريب جداً بالنسبة لي. الحقيقة الأمر ده غريب، لأن الدول دي بتتعرض للهجوم وما بتنضمش للحق. طب تفسيره إيه؟

تفسيره طلع من هيئة البث الإسرائيلية، وفقاً للقناة 12، نقلت عن هيئة البث الإسرائيلية وقالت: "على فكرة، الهدف الأساسي للحرب ده هو تقليص قدرة إيران على تهديد إسرائيل." الهدف الأساسي من الحرب هو ليس إسقاط النظام، ليس إنهاء قدرة إيران على تهديد جيرانها. لا، إحنا هنا بنتكلم على إنهاء وتقليص قدرة إيران على ضرب إسرائيل. ده هدف في منتهى الخطورة. ده إنت هنا بتتكلم إن كل الأهداف المعلنة من رئيس أمريكي دونالد ترامب، إني والله عاوز أنا أحط قيادة ليا، عاوز أسيطر على إيران عشان أسيطر على 31% من النفط العالمي، عاوز أسيطر على إيران عشان يحل السلام في المنطقة. ما فيش الكلام ده كله. هو الراجل داخل عشان يخلي إيران ما تضربش إسرائيل.

إنما على فكرة، لو إحنا مشينا بالهدف ده اللي أعلنته إسرائيل، على فكرة دي هيئة البث دي مش حاجة عادية. فإحنا بنتكلم إن الهدف اللي أعلنته إسرائيل ده يوريك إن الحرب، الحرب دي ممكن تخلص مجرد إن يتم انتهاء من قدرة إيران على ضرب إسرائيل، مش على تهديد جيرانها. يعني ممكن تضرب صواريخ على الخليج برضه وتضرب مسارات على الخليج، ما فيش مشكلة. إنما إسرائيل ده أهم حاجة. وده أمر في منتهى الخطورة. ما معناه إن مش بس نتنياهو أقنع ترامب بأنه يشعل الحرب دي، لا ده ما معناه إن نتنياهو مازال في الصورة وهو مسيطر على فكر ترامب لإنهاء الحرب وفقاً للرؤية الإسرائيلية. فده أمر خطير جداً.

>> بسبب الفاتورة الاقتصادية الباهظة، يدفع مستشار الرئيس الأمريكي دونالد ترامب نحو البحث عن خطة خروج من الحرب، كما كشفت صحيفة الول ستريت جورنال الأمريكية. فاتورة باتت تقدر بمئات ملايين الدولارات يومياً مع ارتفاع في أسعار الوقود، وخشي من أشهر قادمة دون مخرج آمن. البيت الأبيض يواجه تحدياً آخر، فاستطلاعات تكشف أن معظم الأمريكيين يعارضون الحرب، وهو ما يزيد الضغط السياسي على الإدارة ويهدد بخسارة الجمهوريين للانتخابات النصفية في نوفمبر المقبل.

مين اللي قال الكلام ده؟ ومثل خطورة في الموضوع؟ اللي قال الكلام ده هي مقالة نازلة في فورن بوليسي كاتباها راشيل أوزويلد. راشيل أوزويلد كاتبة مقالة بتقول لك إيه؟ بتقول لك: "بص بقى، كل ما الحرب دي تطول في شيء هيبقى بديهي ومنطقي. إيه هو؟ إن دونالد ترامب لازم يلجأ للكونجرس." خلي بالك، دونالد ترامب معاه فترة زمنية قانونية يعرف يشن بيها الحرب دي بدون لجوء للكونجرس إن هو ياخد موافقته، ماشي؟ كل اللي عليه إن هو يخطر الكونجرس. وأنا كنت وريت لحضرتك الأمر بتاع الإخطار اللي وقعه دونالد ترامب إن هو بيشن حرب وأخطر بيها فعلاً الكونجرس. بس عشان يصوت على إكمال الحرب من عدم إكمالها، ده هنا إحنا بنتكلم إن بعد فترة زمنية تقدر بشهر أو شهرين، ماشي؟ دون عن ذلك، دونالد ترامب حر إنه يشد الحرب دي ويكملها بنفسه.

بس القصة في إيه؟ القصة اللي بتركز عليها الكاتبة هنا إن أمر مهم، إن دونالد ترامب لما الحرب تطول هيحتاج تمويل طارق. ماشي؟ ليه؟ إنت بتتكلم إن رويترز، سيبك من أي وكالة أنباء تانية، لأن الأرقام مش واضحة. بس رويترز بتقول لك: "أول يومين الجيش الأمريكي صرف قرابة 6 مليار دولار في يومين، مش أربعة." أول يومين 6 مليار دولار. ما بالك باقي الأيام اللي إحنا فيها؟ إحنا في اليوم العاشر صرفنا قد إيه؟ فقال لك: "خد بالك إن الرئيس الأمريكي لازم يلجأ للكونجرس الأمريكي عشان يطلب منه تمويل عاجل."

طيب، الست بتقول لك إيه؟ بتقول لك: "خلي بالك، المرة دي التمويل ده مش هيعدي." ليه؟ لسبب بسيط إن دونالد ترامب ما عرفش يفسر إيه أهداف الحرب. يعني الراجل قبل ما يشن الحرب أصلاً ما نص لصقش مع الحزب الديمقراطي، ما قالش هو ليه هيشن الحرب، وفي نفس الوقت ما قالش هو عاوز إيه من الحرب. طب وايه المشكلة؟ قال لك والله عدم تفسير إحنا ليه شنينا الحرب وهدفنا الأساسي، لأن خلي بالك ممكن الأهداف تتغير وقت الحرب، ماشي؟ فقال لك: "هدفنا الأساسي غير واضح." ما معناه إن إنت مش قادر تحط مدى زمني للعملية دي. تاني حاجة، إنت مش قادر تحدد عدد القوات اللي إنت عاوزها قد إيه. إنت مش مش صريح مع الكونجرس بتقول له إنت عاوز تعمل إيه بالظبط. تالت حاجة، إنت مش تقدر تحط تكلفة. فلو إنت دلوقتي خدت فلوس من الكونجرس، طب ما إنت هترجع له تاني تطلب تمويل طارق. ولازم تعرف إن الكونجرس لسه أصلاً مرر تمويلات طارقة اه للبنتاجون الأمريكي بـ 185 مليون دولار تم تمويلها. مش بس كده، تم تمويل الهوم لاند سكيورتي أو الشرطة الأمريكية، إنت بتتكلم على مبلغ ضخم برضه تمريره من قبل الجمهوريين. ماشي؟ فمرة دي الأمر هيبقى صعب جداً.

طيب، إيه أكتر حاجة صعبة؟ هل هو غموض؟ قال لك لا، مش بس الغموض. هو وحدة ديمقراطيين لمعارضة الحرب دي. والظاهر كده إن الجمهوريين نفسهم أصبح عندهم شك في بعض نوابهم إن هم يكملوا الحرب. ليه؟ أولاً، نتيجة الخسائر اللي لحقت بالجيش الأمريكي. بتتكلم على سبع جنود معلنين، ما تعرفش العدد الحقيقي كام. بتتكلم على 140 إصابة، ده رقم ضخم جداً. تاني حاجة، دمار في الرادارات.

>> أكد البنتاغون في بيان رسمي إصابة 140 جندياً أمريكياً منذ اندلاع حرب إيران. جاء ذلك بعد تقرير لرويترز ذكر إصابة ما يصل إلى 150 جندياً أمريكياً حتى الآن، نقلاً عن مصادر مطلعة. وكان البنتاغون قد أعلن سابقاً أن حصيلة الإصابات بين الجنود بلغت ثماني إصابات خطيرة.

دمار في بنية تحتية أمريكية. على فكرة، لسه طالع خبر دلوقتي إن قاعدة أساسية للجيش الأمريكي تم ضربها من قبل الميليشيات الشيعية في العراق. ودي قاعدة هامة جداً وحيوية بالنسبة للجيش الأمريكي والدبلوماسيين الأمريكان. فيكون إنه يتم مهاجمتها من قبل ميليشيات شيعية في العراق، معنى كده إن في لاعبين جدد دخلوا الحرب. واللاعبين الجدد دول مش بيستهدفوا إسرائيل أو بيستهدفوا جيران إيران اللي هم العرب. يعني استهدفوا قواعد أمريكية. فده تحول. والخطير. الحاجة الثانية، إنك بتكشف عن إن في قواعد أمريكية اتضررت بشدة. تم ضرب مبنى القنصلية الأمريكية في الرياض، وتم ضرب مقر في الرياض، تم ضرب مقر السي آي إيه في دبي. يعني خسائر ضخمة جداً.

فالديمقراطيين بيقول لك: "إحنا مش فاهمين، إحنا بدأنا الحرب ليه؟ ولا الهدف منها؟ عشان نمول؟ وشايفين كل اللي بيطلع من الموضوع خسائر خلاص. وشايفين إن إيران مكملة في ضرب صواريخ وضرب مصالح أمريكية. فإحنا نمول الحرب دي إزاي؟ إحنا ما نحتاجش شفافية."

طيب، الست بترجح يعني إن الأقرب إن الكونجرس مش هيمول العملية دي. هتيجي تقول لي إزاي مش هيمررها وإنت بتتكلم على إن الجمهوريين لهم أغلبية في البرلمان؟ أنا قلت لحضرتك إن في بعض النواب الجمهوريين أصبحوا عندهم شك في الحرب دي. الديمقراطيين موحدين. بس الجمهوريين برغم إن عندهم أغلبية، في كم نائب جمهوري كده ممكن ما يوافقش على إكمال الحرب أو الميزانية الطارئة. فلو دونالد ترامب طلب ميزانية طارئة والكونجرس في أمريكا أو مجلس النواب الأمريكي رفض إنه يديها له لأي سبب كان، إحنا قدام قدام كارثة بالنسبة لجيش أمريكي. ليه؟

فخلي بالك، إحنا هنا بنتكلم على إند جيم أو لعبة خروج أو لعبة النهاية. لعبة النهاية مش نتيجة إنك حققت أهدافك أو إنك خلصت قدرة إيران أو الكلام ده كله. ده نتيجة إن بقى عندك عجز في التمويل. ده أمر عجز في التمويل. فكل الخطط الأمريكية هتتغير. لا، إحنا المرة دي عاوزين نخرج أسرع ما كنا عاملين حساب. تاني حاجة، هياثر على العمليات الجوية بشكل كبير جداً، لأن أكتر حاجة بتستنزف ميزانية الجيش الأمريكي هي الهجمات الجوية. الأمر الثاني، المصانع الأمريكية اللي لسه واخدة أوامر تصنيع والكلام ده كله هيبقى عندها شك إن بنتاجون هيعرف يدفع خلاص، لأن دونالد ترامب طلب منهم تكثيف الإنتاج. فإنت عندك مشكلة. الحاجة الرابعة، لما الخبر ده ينزل في الإعلام، حلفاء أمريكا نفسهم هيترددوا للمشاركة في الحرب دي. وانت هنا بتتكلم على إن رئيس وزراء الكندي طلع قدام مجلس نوابه وقال لك: "يا باشا، إحنا مش مشاركين في الحرب. إسرائيل وأمريكا روحوا ضربوا إيران، إحنا مش ضاربين." زي ما حضرتك تسمع كده بالظبط.

فده أمر خطير جداً. الحاجة الثالثة، إن خد بالك لما يحصل عجز في التمويل، ممكن ده يؤدي لارتفاع إلى الضحايا الأمريكية. ماشي؟ بس الديمقراطيين مش شايفين الكلام ده كله. هم شايفين الهدف سياسي إن هم هيعاقبوا ترامب. وشايفين إن ترامب مش صريح. بيستغلوا إن الشعب الأمريكي في نسبة كبيرة جداً مش موافقة على الحرب دي. فالأمر ده ممكن يسحب في الانتخابات التجديد النصفي ضربة قوية جداً لدونالد ترامب قبل انتخابات التجديد النصفي، لأن هو كان عاوز الحرب دي عشان يبيعها للشعب الأمريكي ويقوي الحزب الجمهوري قبل الانتخابات. فالديمقراطيين لو أنهوا الحرب هيبقوا إن هم كسبوا بشكل كبير جداً، لأن هم لبجوا طلب للشعب الأمريكي. فهي لعبة سياسية ممكن تؤدي لإن عجز رئيس أمريكي عن إكمال الحرب. فده أمر مهم جداً.

أولاً، إنت لو حصل الكلام ده هيبقى علاقتك بالدول الخليجية انتهت. علاقتك بالدول الخليجية، علاقة أمريكا بالدول الخليجية انتهت. ليه؟ إنت يا باشا إحنا جبنا القواعد الأمريكية دي تقعد عندنا عشان تحمينا. لحد دلوقتي وفقاً لمسار الحرب، القواعد الأمريكية دي جت بالوبال على الشعب الخليجي. خلاص. إنت بتتكلم النهارده، فاينانشال تايمز بتقول لك: "كل يوم بيعدي على سوق السياحة في الخليج أو سوق السياحة في الشرق الأوسط بيخسر 660 مليون دولار في اليوم الواحد." المنطقة كلها بتخسر 660 مليون دولار. وعلى فكرة مصر متأثرة بالسياحة نتيجة إن فيه يعني نداءات وتحذيرات من أمريكا وبريطانيا بعدم الذهاب لمصر، لأن مصر ممكن تتجر الحرب أو يبقى فيه صواريخ ممكن تسقط على مصر بشكل أو بآخر. فسوق السياحة بيخسر في المنطقة. بتتكلم إن الدول الخليجية تم استنزاف جزء كبير منها من الدفاعات الجوية. بتتكلم إن الدول الخليجية تم ضرب أهداف مدنية فيها. بتتكلم إن أمريكا هتطلع من الحرب وهي ما حققتش الهدف الأساسي إنها تقلص قدرة إيران على استهداف الخليج. فالخليج كده شايف إن والله دونالد ترامب ابتدى الحرب بدون مشورة وبدون اطلاع الدول الخليجية بشكل أساسي على خطط الأساسية وهينهي بدون مشورة مع الدول الخليجية. شكراً. شكراً. علاقتك مع الخليج راحت.

إنما علاقتك مع إسرائيل هتبقى جيدة. على فكرة، إسرائيل عاوزة تخرج من الحرب دلوقتي. يعني الكلام اللي طالع في إسرائيل إن والله إحنا عاوزين نمشي، ماشي؟ وإن الحرب كده طولت علينا. ودلوقتي تم ضرب مصافي نفط في حيفا والدفاعات الجوية الإسرائيلية ابتدت إن هي ما تبقاش فعالة زي الأول. ابتدى يبقى الصواريخ الإيرانية أكتر فتكاً، لأن هم ابتدوا يلجأوا لصواريخ متقدمة أكتر زي خرمه شهر وزي صواريخ خايبر، فابتدت تصيب أهدافها بدقة شديدة جداً.

فهيبقى وبال على الإدارة الأمريكية وهيبقى خسائر من كل حاجة. بس أنا بقول لك لو دونالد ترامب ما أكملش الحرب دي بأي سبب كان، لازم تعرف إن هو مش هيكمل مدته أو هيبقى رئيس سوري. ليه؟ لأن على فكرة، اللي قال الكلمتين دول هو رئيس مجلس النواب. قال لك والله لو الكونجرس الجمهوريين فقدوا فيه أغلبية، هيبقى الرئيس الأمريكي بدون سلطة. يعني هيبقى الرئيس الأمريكي قاعد بدون سلطة. وهيبقى راح حرب هو ما كانش واضح في أهدافها. لسبب بسيط، إنه ابتداها لضعف النظام الإيراني، وابتداها نتيجة الجائحة الكبرى اللي أقنعه بها نتنياهو إن إنت تقضي على المرشد. وابتداها نتيجة حسابات خاطئة، زي ما قال النواب الديمقراطيين وزي ما أفرجوا لصحيفة نيويورك تايمز إن والله وفقاً لـ 12 مسؤول، في عوار كثير جداً في الخطة الأمريكية على إيران. عوار كثير يعني في نقص كثير في المعلومات، في تناقض كثير في القرارات، وفي حسابات خاطئة كثير جداً. إن والله أمريكا قاست حرب إيران على حرب الـ 12 يوم بين إسرائيل وإيران، وما قاسهاش على حرب الحوثيين. فإنت دلوقتي شايف إن مضيق هرمز اتقفل. بتتكلم إن مضيق هرمز اتلغم. والله بتتكلم على إن إيران عرفت إنها تجمع فلوس أكتر. خسائر كثير.

طيب، هل أنا جاي أقول لحضرتك إن أمريكا ضعيفة وهتخسر الحرب؟ برضه مش ده الأساس. أنا جاي أقول لحضرتك فيه تهديد أساسي من أمريكا على إكمال الحرب من داخل أمريكا، مش في أي حتة. ماشي؟ إنما على الجانب الآخر، إيران. إنت بتتكلم على كارثة. ليه؟ تتكلم إن تم قطع رأس المرشد والمرشد الجديد ما ظهرش. يعني إيه المرشد الجديد ما ظهرش؟ يعني خلي بالك، مكتب ده منذ تعيينه أو إعلان تعيينه وهو ما بانش ولا نزل الشارع ولا طلع في التلفزيون ولا حتى ألقى خطاب من داخل مكتبه ولا أي حد. ليه؟ قال لك والله أصل إسرائيل وأمريكا اختلوه. عملوا عملية الاغتيال. وعلى فكرة، اللي قال الكلمة دي نيويورك تايمز، بس هو نجا. نجا من عملية الاغتيال دي، بس نجا بإصابات بالغة في رجله. اللي قال رجله دي هي إف بي. ماشي؟ أو وكالة أنباء إف بي، زي ما حضرتك هتسمع كده.

>> وأكدت وكالة الصحافة الفرنسية إصابة المرشد الإيراني الجديد مجتبى خامنئي، إلا أنه بخير. وكانت صحيفة نيويورك تايمز قالت إن مجتبى خامنئي أصيب في ساقيه خلال الضربة الأمريكية الإسرائيلية الأولى على إيران، ونقلت عن مسؤولين إيرانيين أن عدم ظهوره بعد اختياره مرشداً يعود لأسباب أمنية وخوفاً من انكشاف مكان إقامته.

فده أمر في منتهى الخطورة. إنت بتتكلم على قائد جديد لإيران خايف يطلع. وبالمناسبة، حتى لو انتهت الحرب هيخاف يطلع. فإنت جبت قائد جديد يمسك وخايف. ده صورة سيئة جداً. حتى لو الحرس الثوري الإيراني كان الهدف إن هو يجيب مكتبه يحكم عشان يوري الأمريكان إن هو ده هيكمل مسار أبوه. وده نوع من أنواع التحدي، لأن مكتب جاي ينتقم. وإن مكتب زي ما قالت صحيفة التليجراف، أخطر من المرشد أصلاً. إن ده عنده ثأر عند الأمريكان ومش هيتفاوض أبداً. والكلام ده كله. بس هو خايف. يعني إيه رئيس ما يظهرش؟ يعني إيه مرشد مش موجود؟ فاهمني إزاي؟ فده أمر خطير.

بس القصة كلها في إيه؟ القصة كلها إن إيران داخلياً هيبقى فيها مشاكل. ولو الحرب انتهت كده، هتطمع قادة كتير في الحرس الثوري إن هم يمسكوا في بعض. ودي أمور خطيرة جداً. في الآخر، اللي أنا عاوز أقوله لك إن فيه مخاطر على جبهتين. وإن الحرب طالت أكتر من توقعات الأمريكان وأكتر كمان من إسرائيل كانت بتحاول تصور لأمريكا إنها عملية سريعة وحنين ننجز وبتاع. إحنا في الأسبوع الثاني والأسبوع الثالث. أصبح شيء منطقي إن الحرب دي تكمل فيه. هو الكونجرس هل هو اللي هيقضي على الحرب دي؟ ولا أمريكا هتحقق أهدافها؟ ولا إيران تنهار؟ ولا تصمد؟ أسئلة كتيرة جداً مش هيتم إجابتها في الوقت الحالي. هاخد وقت شوية. فخلينا نشوف. وخلينا نتابع. ويا رب أكون شرحت لحضرتك الموضوع بشكل مبسط. ويا رب مصر. رب العرب. ويا رب فلسطين. يا رب تحيا مصر. سلام.

>> إنت مش عارف إحنا مين؟ إحنا اللي الناس بتيجي من كل مكان عشان تشوف بلدنا. إحنا اللي علينا العين. إحنا حضارة بقى لها سنين. والعالم مش عارف سرها. إحنا خفة دم بتضحك القلب.

وكرم بيتضرب بيه المثل. جدعنة وشهامة مش موجودة في زماننا. ورحمة بتطلع من عينينا قبل قلبنا.

إحنا بسمة بتفتح ألف أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.