Transcription
أسعد الله أوقاتكم جميعًا. نحن داخلون على 2026. هذا العام نمرة كام اللي الواحد يحط خطط وما فيش حاجة تحصل؟ هو نفس الكراسة يغير 25، ادي الخطط هي يحطها 26، 27. تعالوا كده أقول لكم ثلاث أو أربع نقط يغيروا فعلاً السنة الجاية يخلوا فعلاً الدخان ده بخور. الصراحة يعني أنا من عشاق البخور الصراحة، ولو إنه مش يعني مش صحي قوي بس الريحة حلوة. آآآ عشان يقول حد بيدخن جنبي ولا حاجة. المهم آآآ أربع خمس نقط عشان يبقى عام متغير.
أول حاجة ما تكتبوش. اكتبوا الأهداف، اوكي؟ بس ما تنفذوهاش كلها مرة واحدة. ما تدخلش يوم واحد: "هروح الجيم وأخس وأبقى مليونير وأتجوز أحسن واحدة في العالم وأبقى CEO". ما فيش كده. خد أصغر هدف واقعد عليه شوية، إن شاء الله شهر. مثلاً مثلاً عشان أنا مثلاً أني في السنة الجاية هخس مثلاً 10 كيلو. مثلاً قسم ده 10 كيلو يعني مثلاً آآآ 12 كيلو في السنة يبقى كيلو في الشهر. يبقى أنت كل هدفك أول شهر إنك تخس كيلو بس. المخ لما نحط له حاجات كذا حاجة أو حاجة كبيرة أوري دي المسافة بعيد فبياخد جانب اللا عم. خليني أحسن هنا. أنا مش عاوز مشاكل. أنا السيرفايفال مود بيشتغل، اللي هو آآآ دايرة الأمان اللي العقل اللاواعي متسيط متساستم عليها. ودير من رحمة ربنا لو أنت ما عندكش دايرة أمان هتنط من طيارة، هتروح تلعب مع تعبان، تلعب مع أسد. ما أنت ما عندكش دايرة أمان. إنما ربنا عامل لك الوظيفة دي كويسة، البلد كويسة، البيت كويس، العلاقة كويسة، جسمك كويس. فده سيرفايفال ده شغال. إحنا عشان نقنع العقل إنه يغير يبقى هدف صغير. آآآ هدف صغير وهدف واحد بس. دي النقطة الأولى.
النقطة النقطة الثانية: ارفع استقبالك أو ارفع إحساسك أنك تستطيع ذلك. أنا ثقتك بنفسك من الآخر. لو ما عندكش ثقة تامة وإيمان تام أنك تقدر تنفذ اللي أنت كاتبه، والله لو عملت إيه أنا لو أنا جيت نفذتهولك برضه مش هينفع. فأنت مؤمن: "أنا أستطيع". الدخل ده أقدر أوصل له، الشغل دي أقدر أوصل لها، التغيير ده أقدر أوصل له، الصحة دي أقدر أوصل لها. أنا أستطيع ذلك. ربنا حاطط في في جسمي قدرة على التكيف وقدرة على التحسين وحاطط مقادير الأمور أني أقدر آخد بالاسباب أصل للنتائج. 99% هتصل للنتيجة اللي أنت خدت بأسبابها. في 1% ربنا ما يقدرش يحصل ظرف خارج عنك. نموت. إنما 99% حطيت بتبني بيت وجبت الطوب والاسمنت وجبت العمال وبيبنوا لازم يطلع بيت. هيطلع إيه؟ عربية مرسيدس. فأنت غالباً اللي أنت بتمشي فيه بتوصل له. فثق أنك تقدر. آمن: "أنا أستطيع ذلك". مسألة وقت ما بيني وبيني اللي أنا بحلم بيه.
النقطة الثالثة ودي أعتقد أهمهم على الإطلاق: آآآ نظف محيطك. قلناها كتير. لو أنت اللي حواليك فشلة ما تدورش على النجاح. لو أنت اللي حواليك فقراء ما تدورش على الغنى. لو أنت اللي حواليك أغبياء ما تدورش على الذكاء. إلا لو أنت عندك شيء ناقص. أقول لكم حاجة: الناس اللي بتحب تقعد مع الناس اللي أقل منها هي عندها شعور بنقص داخلي. أنا عشان أنا واثق في نفسي بدور على الناس الأغنى مني وبدور على الناس الأشطر مني وبدور على الناس اللي صحتهم أحسن مني عشان أقعد معاهم وآخد منطقتهم. إنما لو أنا ضعيف الشخصية مش واثق في نفسي عندي نقص داخلي أحب أقعد مع الناس الأقل مني عشان أحس أنا الكبير، أحس على الناس الناس الفاشلة عشان أحس أني ناجح. ده أنا أحسن واحد فيهم. أنت لو أحسن واحد في الناس اللي حواليك يبقى أنت ضايع. ضايع. ف فدور مين اللي هتقعد معاه السنة الجاية؟ مين اللي أنت هتتابعه؟ مين اللي أنت هتسمعه؟ مين اللي أنت هتصحبه؟ مين اللي أنت هتفتح معاه بيزنس؟ أعلى منك. أعلى منك. خلي السنة الجاية دايماً للي أعلى. سيبكم اللي أقل ومن نفس المساواة مش هيفيدوكم. لو إحنا عاوزين نبقى تبقى سنة فعلاً متغيرة اطمح أنك تقعد مع ناس أغنى وناس أكثر قوة وناس أكثر نجاح وناس أكثر صحة. اقعد مع كريم علي. يعني ماذا أقول؟ محظوظين أنتم.